17/07/2026
ලංකා බැංකු සේවක සංගමයේ හිටපු මධ්යම කාරක සභිකයෙකු මෙන්ම කැපවූ නායක සහෝදරයෙකු වූ සමන් රත්නායක සහෝදරයාගේ සේවයෙන් විශ්රාම ගැනීම නිමිත්තෙන්, ලංකා බැංකු සේවක සංගමයේ ප්රධාන කාර්යාලීය සහෝදරත්වය විසින් සංවිධානය කරන ලද විශේෂ සමුගැනීමේ උත්සවය ඊයේ (16) දින මහජන බැංකුවේ පැරණි ප්රධාන කාර්යාල පරිශ්රයේ පිහිටි ලංකා බැංකු සේවක සංගම් කාර්යාලයේදී ගෞරවාන්විත අයුරින් පැවැත්විණි.
මහජන බැංකුවේ සහකාර සාමාන්යාධිකාරී (ශාඛා කළමනාකරණ) ලෙස සිය වෘත්තීය ජීවිතය සාර්ථකව නිමා කරමින්, එළඹෙන ජූලි 19 වන දින සේවයෙන් විශ්රාම දිවියට පිවිසීමට නියමිත සමන් රත්නායක සහෝදරයාගේ දශක ගණනාවක කැපවීම, නායකත්වය සහ වෘත්තීයමය දායකත්වය මෙම අවස්ථාවේදී ගෞරවයෙන් ඇගයීමට ලක් කෙරිණි.
ලංකා බැංකු සේවක සංගමයේ ශක්තිමත් ගමන වෙනුවෙන් එදාත් අදත් අසීමිත කැපවීමෙන් සහෝදරාත්මක නායකත්වයක් ලබාදුන් සමන් රත්නායක සහෝදරයාට අපගේ උණුසුම් ගෞරවය හා කෘතඥතාව පුද කරමින්, නිදුක් නිරෝගී, සතුට සපිරි සහ සාර්ථක විශ්රාම දිවියක් උදාවීමට ලංකා බැංකු සේවක සංගමයේ සියලු සහෝදර සහෝදරියන්ගේ හෘදයාංගම සුබාශිංසන එක් කරමු.
ලංකා බැංකු සේවක සංගමය
මහජන බැංකුව ශාඛාව
2026.07.17
