10/12/2025
அஜ்வாதியா பழைய மாணவர் சங்கம் ஏற்பாடு செய்த பிரியாவிடை நிகழ்வு.
10-12-2025
எமது பழைய மாணவர் சங்கத்தின் ஏற்பாட்டில் கடந்த 07-12-2025 ஞாயிற்றுக்கிழமை எமது கல்லூரியில் இருந்து எகிப்து Al-Azhar பல்கலைக்கழகத்திற்கு தெரிவு செய்யப்பட்டுள்ள எமது கல்லூரியின் 14 ஆம் வகுப்பில் கல்வியை நிறைவு செய்து வெளியாகிய மௌலவி Lafarath Miflal அஜ்வாதி அவர்களுக்கான பிரியாவிடை மற்றும் கௌரவிப்பு நிகழ்வு என்பன வெகு விமர்சையாக நடைபெற்றது.
இந்நிகழ்வினை எமது பழைய மாணவர் சங்கம் ஏற்பாடு செய்திருந்ததுடன் இதற்கான பூரண அனுசரணையை எமது பழைய மாணவர் சங்கமே வழங்கி இருந்தது குறிப்பிடத்தக்கது.
அன்றைய எமது நிகழ்வில் உஸ்தாத்மார்கள், உம்மு ஸவாயாவின் நிர்வாகிகள்,அஜ்வாத் அல் பாஸி அரபுக் கல்லூரியின் நிர்வாகிகள், மஹல்லா வாசிகள், முக்கியஸ்தர்கள், மத்ரஸா மாணவர்கள், பழைய மாணவர் சங்க உறுப்பினர்கள், என பெருந்திரளானோர் கலந்து சிறப்பித்தமை குறிப்பிடத்தக்கது.
அன்றைய நிகழ்வில் எமது கல்லூரியின் உஸ்தாத்மார்கள், உம்மு ஸவாயாவின் நிர்வாகிகள், எமது அஜ்வாத் அல் பாஸி அரபுக் கல்லூரியின் நிர்வாகிகள், பழைய மாணவர் சங்கம், 14 ஆம் வகுப்பு மாணவர்கள், மஹல்லாவாசிகள் ஆகியோரால் நினைவுச் சின்னங்களும் பொன்னாடையும் போர்த்தி மௌலவி Lafarath Miflal அஜ்வாதி அவர்கள் கௌரவிக்கப்பட்டமை சிறப்பம்சமாகும்.
வருகை தந்த அனைவருக்கும் தேனீர் உபசாரமும் இரவு போசனமும் வழங்கப்பட்டது.
இந்த நிகழ்வினை சிறப்பாக நடாத்தி முடிப்பதற்கு உடலாலும் பணத்தாலும் ஒத்துழைப்புக்களை வழங்கிய எமது பழைய மாணவர் சங்கத்தினருக்கும், மற்றும் எமது நிகழ்வுகளை சிறப்பாக நெறிப்படுத்தி எங்களுடன் தோளோடு தோல் நின்று உழைத்த அல்ஹாஜ் ஃபாஹிம் புஹாரி அவர்களுக்கும் எமது மனமார்ந்த நன்றிகளையும் துவாவினையும் தெரிவித்துக் கொள்கிறோம்.
உங்கள் அனைவர் வாழ்விலும் ஆரோக்கியத்திலும் பொருளாதாரத்திலும் மென்மேலும் அல்லாஹ் பரக்கத் செய்ய வேண்டும் என இத்தருணத்தில் பிரார்த்தித்துக் கொள்கிறோம்.
அன்றைய நாள் எமது நிகழ்வுகள் அனைத்தும் எமது Ajwadiyya OBA எனும் முகநூல் பக்கத்தில் நேரடி அஞ்சல் செய்யப்பட்டதுடன்
அன்றைய நிகழ்வுகளை மௌலவி ஷாகிர் அஜ்வாதி அவர்கள் தொகுத்து வழங்கி இருந்தமை குறிப்பிடத்தக்கது.
ஊடகப் பிரிவு
அஜ்வாதியா பழைய மாணவர் சங்கம்
கொழும்பு -12
