26/02/2026
👇
🔴“ලෝක පොලිස්කාරයාගේ” ඩිජිටල් ආක්රමණය:👇🇺🇸
වෙනත් රටවල්වල දත්ත ස්වෛරීභාවයට එරෙහිව සටන් කරන ලෙස ට්රම්ප් තානාපතිවරුන්ට දන්වලා තියෙනවා. ඔහුගේ නියෝගය ඇතුලත් කේබල් පණිවිඩය පසුගිය 18වන බදාදා නිකුත් කරල තියෙනවා කියල විදෙස් පුවත් වාර්තා කරමින් ඉන්නවා.
ඔන්න මහ උත්තම ඇමරිකන් නිදහස. ට්රම්ප්ගෙ මේ තීරණය ගැන ඔබේ අදහස මොකක්ද? ඕනෑම ආකාරයකින් රටක ස්වෛරීභාවයට ඇඟිලි ගැසීම ඔබ අනුමතකරනවාද?
විදෙස් මාධ්ය වාර්තා කරන විදිහට ට්රම්ප්ගෙ මෙම නියෝගයේ ප්රධාන අරමුණක් වෙලා තියෙන්නෙ කෘතිම බුද්ධියට (AI) අදාළ සේවාවන්ට බාධා කිරීමයි.
චීනය මෙහි ප්රධාන ඉලක්කයක් බව නොසලකා ඉන්න බැහැ. අද ලෝකයේ AI බලවතා බවට පත් වෙමින් ඉන්නෙ චීනයයි.
ඇත්ත වශයෙන්ම චීනයේ AI සංවර්ධන දැක්ම බටහිර රටවලට වඩා වෙනස් මාවතක් පෙන්වනවා. විශේෂයෙන්ම ප්රධාන තරඟ කරුවා වෙච්ච ඇමරිකාවට වඩා. ඒ.අයි. තාක්ෂණ සංවර්ධනයේදී චීනය මානව කේන්ද්රීය මාවතක් අනුගමනය කරල තියෙනවා. ඇමරිකාව යුධ කේන්ද්රීය මාවතක් අනුගමනය කරල තියෙනවා.
මෙන්න ප්රධාන වෙනස්කම් කීපයක්.
🔴චීනයේ AI දැක්ම.🇨🇳
පළමුව, චීනය AI තාක්ෂණය ජනතාවගේ ජීවිතයට සමීප කරවීම කෙරෙහි වැඩි අවධානයක් යොමු කරල තියෙනවා. ස්මාර්ට් නගර, සෞඛ්ය සේවා, අධ්යාපනය වැනි ක්ෂේත්රවල AI යෙදවීමෙන් සාමාන්ය ජනතාවගේ ජීවන තත්ත්වය ඉහළ නැංවීමට උත්සාහ දරල තියෙනවා.
දෙවනුව, චීනයේ AI ප්රතිපත්තිය මානව කේන්ද්රීය සංවර්ධනයක් අවධාරණය කරල තියෙනවා. තාක්ෂණය මිනිසුන්ට සේවය කළ යුතු බවත්, සමාජයේ සාමූහික යහපත උදෙසා යොදාගත යුතු බවත් චීන දැක්ම පෙන්වා දෙනවා.
තෙවනුව, චීනය ගෝලීය AI සහයෝගිතාව දිරිමත් කරනවා. එක් රටකට පමණක් සීමා නොවී, සියලු රටවල් සමඟ එක්ව AI සංවර්ධනය කිරීමට චීනය කැමැත්ත පළ කරල තියෙනවා.
චීනයේ මානව කේන්ද්රීය AI ප්රවේශයට හාත්පසින්ම වෙනස්ව, එක්සත් ජනපදය ප්රධාන ධාරා තුනක් ඔස්සේ ගමන් කරන තරඟකාරී දැක්මක් මේ වනවිට හෙළි කරල තිබෙනවා.
🔴ඇමරිකාවේ AI දැක්ම.🇺🇸
ඇමරිකාවේ වර්තමාන AI ප්රතිපත්තිය, විශේෂයෙන්ම 2025 ජූලි මාසයේදී නිකුත් කරන ලද "තරගය ජයග්රහණය: ඇමරිකාවේ AI ක්රියාකාරී සැලැස්ම (Winning the Race: America's AI Action Plan)" තුළ පැහැදිලිව දක්වා තිබෙනවා . මෙම සැලැස්ම ප්රධාන කුළුණු තුනක් මත පදනම් වෙලා තියෙනවා.
1. නවෝත්පාදන වේගවත් කිරීම (Accelerating Innovation): රජයේ නියාමන බාධක ඉවත් කරමින් පුද්ගලික අංශයේ නවෝත්පාදන දිරිමත් කිරීම . මෙහි මූලික අවධානය යොමුවෙලා තියෙන්නෙ "General Artificial Intelligence (AGI)" හෙවත් මානව බුද්ධිය අභිබවා යා හැකි පරමාදර්ශී AI සාක්ෂාත් කර ගැනීමටයි . මෙය විද්යාවේ විප්ලවීය වෙනසක් ඇති කිරීමට සහ තීරණාත්මක හමුදා වාසියක් ලබා ගැනීමට මග පාදනු ඇතැයි ඔවුන් විශ්වාස කරනවා .
2. යටිතල පහසුකම් ගොඩනැගීම (Building American AI Infrastructure): AI සංවර්ධනයට අවශ්ය බලශක්තිය සහ දත්ත මධ්යස්ථාන ඉදිකිරීම වේගවත් කිරීම. මේ සඳහා ඩොලර් බිලියන 500ක "ස්ටාර්ගේට් (Stargate)" ව්යාපෘතිය ආරම්භ කරල තියෙනවා. යුධ වේගයෙන් මෙම යටිතල පහසුකම් සංවර්ධනය කිරීම ඔවුන්ගේ ඉලක්කයයි.
3. ගෝලීය නායකත්වය සහ ආරක්ෂාව (Leading in International Diplomacy and Security): ඇමරිකානු AI තාක්ෂණය මිත්ර රටවලට අපනයනය කිරීමට සහ ජාත්යන්තර ප්රමිතීන් සැකසීමේදී ප්රමුඛත්වය ගැනීම. AI සංවර්ධනයේදී නිදහස් වෙළඳපොල සහ ප්රකාශන නිදහස වැනි ඇමරිකානු වටිනාකම් ආරක්ෂා කිරීමටත්, ඒවායට පටහැනි ජාත්යන්තර ප්රණතාවලට එරෙහි වීමටත් ඔවුන් බලාපොරොත්තු වෙනවා.
වඩා යහපත් ලෝකයකට වටින්නෙ මානව කේන්ද්රීය AI තාක්ෂණයද, නැතිනම් යුධ කේන්ද්රීය AI තාක්ෂණයද?.
ඔබේ අදහස් පල කරන්න. සංවාදයක් ආරම්භ කරන්න.
ප්රියන්ත මධුකුමාර.
