Central Cultural Fund, 212/1, Bauddhaloka Mawatha, Colombo 07, Colombo (2026)

09/06/2026

වැටුප් සැකසීම, ලිපි ගනුදෙනු කිරීම, ලිපිගොනු පවත්වාගෙන යාම හා ක්ලීන් ශ්‍රී ලංකා වැඩසටහන යටතේ අපගේ කාර්යභාරය පිළිබඳ පුහුණුව ලබාදීමේ නේවාසික වැඩමුළුවක් 2026.06.05 සහ 06 යන දෙදින තුළ රත්මලානේ පිහිටි CEWAS ආයතනයේදී මධ්‍යම සංස්කෘතික අරමුදලේ අධ්‍යක්ෂ ජනරාල් තුමාගේ ප්‍රධානත්වයෙන් පැවැත්විණි.

මේ සඳහා සම්පත් දායකයින් වශයෙන් හිටපු කළමනාකරන සේවා අධ්‍යක්ෂ, වැටුප් හා සේවා කොමිෂමේ හිටපු උපදේශක විශ්‍රාමික V.W. ධනසේන මහතා හා ක්ලීන් ශ්‍රී ලංකා ලේකම් කාර්යාලයේ අධ්‍යක්ෂ (ආචාර්‍යධර්ම) දුලිප් සොමිරත්න මහතා විසින් දිදින පුරා දේශන පැවැත් වූ අතර ප්‍රධාන කාර්යාලය හා සියලු ව්‍යාපෘති/ වැඩවැඩ බිම් ආවරණය වන පරිදි නිලධාරීන් මෙම පුහුණු වැඩමුළුවට සහභාගි කරගන්නා ලදී.

මෙහි සංවිධාන කටයුතු අධ්‍යක්ෂ ( පාලන මානව සම්පත් හා සංවර්ධන ) තුමාගේ මූලිකත්වය යටතේ පාලන අංශය විසින් සිදු කරන ලදී.

29/05/2026

සම්බුදු තෙමගුල නිමිති කරගෙන මධ්‍යම සංස්කෘතික අරමුදල වාර්ෂික සංවිධානය කරනු ලබන වෙසක් ධර්ම දේශනය 2026/5/25 වන දින පෙ.ව. 9.30 ට ශ්‍රාස්ත්‍රි මන්දිරයේ දි පවත්වන ලදී.

කැලණිය විශ්ව විද්‍යාලයේ ඉතිහාසය පිළිබඳ
ජ්‍යෙෂ්ඨ කථිකාචාර්ය අතිපූජ්‍ය ගල්කන්ද ධම්මානන්ද ස්වාමීන් වහන්සේ විසින් ධර්ම දේශනාව පවත්වන ලදී. මෙම අවස්ථාව සදහා මධ්‍යම සංස්කෘතික අරමුදල අධ්‍යක්ෂ ජනරාල් ප්‍රමුඛ අධ්‍යක්ෂ මණ්ඩලය, විධායක නිලධාරීන් ඇතුලු ප්‍රධාන කාර්යාලීය සේවක සේවිකාවන් සහභාගී වීය.

29/05/2026

මධ්‍යම සංස්කෘතික අරමුදල මගින් ක්‍රියාත්මක කරනු ලබන ඌව පලාතේ බදුල්ල දිස්ත්‍රික්කයේ දිත්වා සුලි කුණාටුවට ලක්ව හානියට පත් විහාරස්ථාන සංරක්ෂණය, ප්‍රතිසංස්කරණ හා සංවර්ධන කටයුතු සිදු කිරීමේ වැඩ සටහන සදහා මුල්ගල තැබීමේ උත්සවය 2026 මැයි මස 24 වන දින මහා සංඝරත්නයේ ආනුශාසකත්වයෙන් ආරම්භ කරන ලදී.

මේ යටතේ බෝගොඩ පුරාණ විහාරස්ථානයේ දැව පාලම දෙපස පැති බැම්ම ප්‍රතිසංස්කරණය හා බුලත්වත්ත ලෙන් විහාරයේ ඉදිරිපස පැති බැම්ම ඉදි කිරීම , ලෙන් විහාරයේ වාස්තු විද්‍යාත්මක සංරක්ෂණය හා චිත්‍ර හා මූර්ති සංරක්ෂණය සිදු කීරීමට සැලසුම් කර ඇත.

මෙම අවස්ථාව සදහා බුද්ධශාසන, ආගමික හා සංස්කෘතික කටයුතු අමාත්‍ය මහාචාර්ය හිනිදුම සුනිල් සෙනෙවි මහතා, වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා , තරුණ කටයුතු නියෝජ්‍ය අමාත්‍ය දිනිදු සමන් හේන්නායක මහතා, ඌව පළාත් ආණ්ඩුකාර කපිල ජයසේකර මහතා ඇතුලු පළාත් මැති ඇමැතිවරුන් හා පළාත් රාජ්‍ය නිලධාරීන් පිරිසක් සහභාගී විය.

මධ්‍යම සංස්කෘතික අරමුදල නියෝජනය කරමින් අධ්‍යක්ෂ ජනරාල් ආචාර්ය නිලාන් කුරේ මහතා, අතිරේක අධ්‍යක්ෂ ජනරාල් ප්‍රියදර්ශන උඩුකුඹුර මහතා, සහාකර අධ්‍යක්ෂ (පුරාවිද්‍යා ) ප්‍රියන්ත මාරසිංහ මහතා, ඌව ව්‍යාපෘතියේ ව්‍යාපෘති කළමනාකරු එච්.ඒ සී ගයාන් මහතා , ඌව ව්‍යාපෘතියේ ස්ථානභාර නිලධාරී ජනක පුෂ්පකුමාර මහතා සහ අනෙකුත් නිලධාරි මහත්ම මහත්මින්, සේවක පිරිස් හා ප්‍රදේශවාසීන් ද සහභාගී විය.

18/05/2026

මධ්‍යම සංස්කෘතික අරමුද⁣ලේ වයඹ ව්‍යාපෘතියේ යාපහුව වැඩබිම ආශ්‍රිතව "සංස්කෘතික සංචරණ උරුම කළමනාකරණ ව්‍යාපෘතිය" 2026.05.16 දින යාපහුව රජමහා විහාරයේ විහාරාධිපති, පූජ්‍ය නුගලියද්දේ සමිතානන්ද ස්වාමීන් වහන්සේ ප්‍රමුඛ ප්‍රදේශයේ මහා සංඝරත්නයේ ආශිර්වාදය යටතේ බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ ප්‍රධානත්වයෙන් සහ වයඹ පළාත් ආණ්ඩුකාර තිස්ස වර්ණසූරිය මහතා සහ කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න මහතා, මහව ප්‍රාදේශීය සභාවේ සභාපතිතුමා සහ ප්‍රදේශයේ දේශපාලන අධිකාරිය හා ප්‍රදේශයේ රාජ්‍ය ආයතනවල ප්‍රධානීන්ගේ සහභාගීත්වයෙන්
ආරම්භ කරන ලදී.

යාපහුව රාජධානියේ ඓතිහාසික හා සංස්කෘතික වටිනාකම මතු පරපුර උදෙසා සුරක්ෂිත කරමින්, දෙස් විදෙස් සංචාරක ආකර්ෂණය දිනාගත හැකි පරිදි යටිතල පහසුකම් සංවර්ධනය කිරීම මෙම ව්‍යාපෘතියේ මූලික අරමුණ වේ.⁣ මෙම කාර්යය යටතේ යාපහුව පුරාවිද්‍යා පරිශ්‍රයේ පිටත නගරයේ බටහිර කලාපයේ කැණීම් කටයුතු, පිට ප්‍රාකාරයේ සංරක්ෂණ කටයුතු හා යාපහු පර්වතයේ ඉහළට පිවිසෙන ප්‍රවේශ මාර්ගය පුළුල් කිරීමේ කටයුතු ආරම්භ විය. යාපහුව රජමහා විහාරයේ ලෙන් විහාරයේ වාස්තු විද්‍යාත්මක හා බිතුසිතුවම් සංරක්ෂණ කටයුතු සිදුකර විහාරාධිපති හිමියන් වෙත භාර දීමේ කටයුතු ද සිදු කරන ලදී.

මේ සඳහා පුරාවිද්‍යා අධ්‍යක්ෂ ජනරාල් ආචාර්ය සෙනරත් වික්‍රමසිංහ මහතා, මධ්‍යම සංස්කෘතික අරමුදලේ අධ්‍යක්ෂ ජනරාල් ආචාර්ය නිලාන් කුරේ මහතා, වයඹ සංරක්ෂණ අධ්‍යක්ෂ මහාචාර්ය සමිත මානවඩු මහතා, අතිරේක අධ්‍යක්ෂ ජනරාල් ප්‍රියදර්ශන උඩුකුඹුර මහතා, අධ්‍යක්ෂ (සංවර්ධන) ආචාර්ය සුමේධා මාතොට මහත්මිය, වයඹ ව්‍යාපෘතියේ ව්‍යාපෘති කළමනාකරු සජිත් නුවන් වනසිංහ මහතා ඇතුළු වයඹ ව්‍යාපෘතියේ ස්ථානභාර නිලධාරීන් සහ අනෙකුත් නිලධාරී මහත්ම මහත්මින්, සේවක පිරිස් හා ප්‍රදේශවාසීන් ද සහභාගී විය.

12/05/2026

මධ්‍යම සංස්කෘතික අරමුදල මහනුවර ව්‍යාපෘතිය මගින් සිදු කළ මැණික්හින්න සද්ධර්ම පොත්ගුල් විහාරයේ නවීකරණය කරන ලද සුමන බෞද්ධ කෞතුකාගාරය විවෘත කිරීම හා නව සංඝාවාස ගොඩනැගිල්ල සඳහා මුල්ගල් තැබීම බුද්ධශාසන ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ ප්‍රධානත්වයෙන් පසුගිය (09) දින සිදුකෙරිණි.

එහි දී දිට්වා සුළි කුණාටුව හේතුවෙන් විනාශයට පත් පල්ලි හා විහාරස්ථාන සංරක්ෂණ කටයුතු ද නිරීක්ෂණයට ලක්විය.

මෙම අවස්ථාවට පුරාවිද්‍යා අධ්‍යක්‍ෂ ජනරාල් ආචාර්ය සෙනරත් වික්‍රමසිංහ මහතා, මධ්‍යම සංස්කෘතික අරමුදලේ අධ්‍යක්ෂ ජනරාල් ආචාර්ය නිලාන් කුරේ මහතා ඇතුළු නිලධාරින් පිරිසක් එක්විය.

05/05/2026

මධ්‍යම සංස්කෘතික අරමුදල විසින් සංරක්ෂණය කර ප්‍රධාන කාර්යාලය ලෙස භාවිතා කිරීමට කොළඹ පිහිටි ඓතිහාසික ශ්‍රාවස්ති ගොඩනැගිල්ලේ සංරක්ෂණ කටයුතු 2026.05.04 වන දින සුබ මොහොතින් ආරම්භ කරන ලදී.එම අවස්ථාවට පුරාවිද්‍යා අධ්‍යක්ෂ ජනරාල් සෙනරත් වික්‍රමසිංහ මහතා සහභාගි විය.

මධ්‍යම සංස්කෘතික අරමුදලේ අධ්‍යක්ෂ ජනරාල්,අතිරේක අධ්‍යක්ෂ ජනරාල්,අධ්‍යක්ෂ (සංවර්ධන),අධ්‍යක්ෂ (මුදල්) හා අධ්‍යක්ෂ (පාලන හා මානව සමිපත්) ප්‍රධාන ආරාධිතයන් විය.

මීට අමතරව,සියලු සහකාර අධ්‍යක්ෂ වරු,වාස්තු විද්‍යාඥයින් ,අධීක්ෂණ නිළධාරීන්,අභ්‍යන්තර විගණක හා ස්ථාන භාර නිළධාරී තුමන්ලාද සහභාගී විය.ප්‍රකාශන ව්‍යපෘතියේ කාර්යය මණ්ඩලය හා ප්‍රධාන කාර්යාලයේ සියලු අංශ නියෝජනය වන පරිදි කාර්යය මණ්ඩලයේ සහභාගීත්ව සුවිශේෂ විය.

මෙම සංරක්ෂණ ව්‍යපෘතිය මාස හතකින් පමණ අවසන් කර ප්‍රධාන කාර්යාලය එම ස්ථානයේ ස්ථාපිත කිරීම අපේක්ෂාවයි.

25/04/2026

2026.04.18 දිනට යෙදී තිබූ ලෝක උරුම දිනයට සමගාමීව "ගැටුම් සහ ආපදා සන්දර්භයන් තුළ ජීවමාන උරුමයන් සදහා හදිසි ප්‍රතිචාර දැක්වීම" තේමාව යටතේ සීගිරිය ව්‍යාපෘතිය තුළ අද දින (2024.06.24) ආපදා කළමනාකරණ මධ්‍යස්ථානයේ සම්පත් දායකත්වයෙන් වැඩමුළුක් පැවැත්වීය.

එහි දේශක තුමන් ලෙස මාතලේ දිස්ත්‍රික් ආපදා කළමනාකරණ මධ්‍යස්ථානයේ නියෝජ්‍ය අධ්‍යක්ෂ චමින්ද අමරවීර මහතා සම්බන්ධ වූ අතර ඒ සදහා ව්‍යාපෘතියෙහි නිළධාරීන්, පුහුණුවන උපාධිධාරීන්, කාර්‍යාල සේවකයින් සහ වැඩබිම් සේවකයින් සම්බන්ධ වීය.

13/04/2026

මධ්‍යම සංස්කෘතික අරමුදල, සීගිරිය ව්‍යාපෘතියේ ප්‍රගති සමාලෝචන රැස්වීම 2026.04.07 දින පැවැත්විණි.

අධ්‍යක්ෂ ජනරාල් ආචාර්ය නිලාන් කුරේ, අධ්‍යක්ෂ සංවර්ධන ආචාර්ය සුමේධා මාතොට, සීගිරිය ව්‍යාපෘතියේ සංරක්ෂණ අධ්‍යක්ෂ විශාඛා ලියනාරච්චි, මධ්‍යම සංස්කෘතික අරමුදල පුරාවිද්‍යා සහකාර අධ්‍යක්ෂ, සීගිරිය ව්‍යාපෘතියේ සහකාර අධ්‍යක්ෂ (පුරාවිද්‍යා) එම්.පී.එස්.කේ මාරසිංහ යන මහත්ම මහත්මීන් මේ සඳහා සහභාගී විය.

එදින වැඩබිම් පරීක්ෂාකර අවශ්‍ය උපදෙස් ලබාදීමෙන් අනතුරුව ප්‍රගති සමාලෝචන රැස්වීම පැවැත්වීය. මෙම අවස්ථාවට ව්‍යාපෘති කළමණාකරු එච්.ඒ.සී. ගයාන්, ප්‍රධාන සංරක්ෂණ පරීක්ෂක එස්.ඒ.ඒ.එන් විජේවර්ධන යන නිලධාරීන් ඇතුළු අනෙකුත් වැඩබිම් භාර නිලධාරීන් සහභාගී විය.

11/04/2026

මධ්‍යම සංස්කෘතික අරමුදලේ නව පත්වීම් සහ උසස් වීම්වලට අදාළ පත්වීම් ලිපි ප්‍රදානය 2026.04.10 දින බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතාගේ ප්‍රධානත්වයෙන් අමාත්‍යංශයේ දී පැවැත්විණි.

මෙම අවස්ථාව සඳහා මධ්‍යම සංස්කෘතික අරමුදලේ අධ්‍යක්ෂ ජනරාල් අචාර්ය නිලාන් කුරේ මහතා, ජාතික උරුම අංශයේ අතිරේක ලේකම් සුජීවා පල්ලියගුරුගේ මහත්මිය ඇතුළු නිලධාරී මහත්ම මහත්මීහු රැසක් සම්බන්ධ වූහ.

17/03/2026

මධ්‍යම සංස්කෘතික අරමුදලේ අනුරාධපුර ව්‍යාපෘතියේ ජේතවන කෞතුකාගාරයේ සංවිධානය කරනු ලබන ශාස්ත්‍රීය දේශනමාලාවේ පළමු දේශනය 2026.03.05 දින ජේතවන කෞතුකාගාර ශ්‍රවණාගාරයේ දී පැවැත්විණි.

ශ්‍රී ලංකා රජරට විශ්වවිද්‍යාලයේ ජ්‍යෙෂ්ඨ කථිකාචාර්ය තිලංක සිරිවර්ධන මහතා විසින් සම්පත් දායකත්වය ලබාදුන් අතර අතර පුරාමෘද්වංශ අවශේෂ විශ්ලේෂණය සහ බහුසූචක ප්‍රවේශය මැයින් දේශනය පවත්වන ලදී.

මෙම අවස්ථාවට ව්‍යාපෘති කලමණාකරු තුසිත හේරත් මහතා, ශ්‍රී ලංකා භික්ෂු විශ්ව විද්‍යාලයේ පුරාවිද්‍යා අධ්‍යයන අංශයේ ජ්‍යෙෂ්ඨ කථිකාචාර්ය උඩුවිල උපරත්න හිමි, ජ්‍යෙෂ්ඨ කථිකාචාර්ය පාහියන්ගල සුමංගල හිමි, ජ්‍යෙෂ්ඨ කථිකාචාර්ය කැලේගම ජිනරතන හිමි, පෙරිමියන්කුලම අශෝක විද්‍යාලයේ ගුරුභවතුන් සහ ශිෂ්‍ය දරුදැරියන්, පුරාවිද්‍යා දෙපාර්තමේන්තු කෞතුකාගාරය නියෝජනය කරමින් නිලධාරීන් , අභයගිරිය වැඩබිමේ සහ ජේතවන වැඩබිමේ නිලධාරින් පිරිසක් සහභාගි විය.

Central Cultural Fund

09/06/2026

29/05/2026

29/05/2026

18/05/2026

12/05/2026

05/05/2026

25/04/2026

13/04/2026

11/04/2026

17/03/2026

Address

Telephone

Website

Alerts

Contact The Organization

Shortcuts

Share

Category