பழைய மாணவர் சங்கம் - அரசடித்தீவு விக்னேஸ்வரா மகா வித்தியாலயம்

03/11/2025

விக்னேஸ்வரா அன்னையின் 115 ஆவது அகவையினையொட்டி
மட்டக்களப்பு போதனா வைத்தியசாலையின் இரத்த வங்கிக்கு குருதிக் கொடை நல்கும் நோக்கில் எம்மால் நடாத்தப்பட்ட இரத்ததான நிகழ்வின் போது..

குறித்த நிகழ்வில் கலந்துகொண்டு பேருதவி நல்கிய அத்தனை குருதிக் கொடையாளர்களுக்கும் எமது நெஞ்சார்ந்த நன்றிகள் 🙏

Our special thanks to

28/10/2025

எதிர்வரும் ஞாயிற்றுக்கிழமை, காலை 9.00 மணிக்கு..
குருதிக் கொடை வழங்கவல்ல உடல் தகுதியுடையோர் அனைவரையும் அன்போடு அழைக்கின்றோம் 🙏

24/10/2025

15/10/2025

ஒரு கிராமத்து மைதானத்தில்
ஒரு நூற்றாண்டு சொல்லிச் சொல்லிப் போற்றும்
நினைவுகளும்
ஒரு தசாப்த வாழ்வுக்குத் தேவையான சந்தோசமும்
விளைவித்து அனுபவித்து நுகர்ந்து
நடந்தேறப்பட்டிருக்கிறது!

‘அரசையூர் விக்னேஸ்வரா மகா வித்தியாலயத்தின்
பழைய மாணவர்களுக்கான
இல்ல விளையாட்டுப் போட்டி’

ஒழுக்கமொடு உயர்கல்வியூட்டி எமை
ஆளாக்கி அழகுபார்த்த அன்னைக்கு
நூற்றுப் பதினைந்து அகவையென்றால்
எளிதாகக் கடத்திவிட முடியுமா?

இலங்கை வரலாற்றில்
எந்தப் பாடசாலையும்
செய்யாத ஒன்றைச் செய்ய வேண்டும்
புத்துருவாக்கக் கொண்டாட்டம் கண்டு
எம் அன்னை
பூரித்து மகிழ வேண்டும்!

பழைய மாணவர் சங்கம்
பலமாக யோசித்தது..

விக்னேஸ்வரா அன்னையின் பிள்ளைகள்
நூற்றில் விரல் விட்டெண்ணும்
சிறு குழுவன்று!

இது
ஆயிரத்தில் ஆயுதமாகும்
பெரும் படை!

படுவானின் பட்டிதொட்டியெங்கும்
பரந்து வாழும் பழைய மாணவர்களைத்
தேடிப் பிடித்து ஒன்று திரட்டினோம்!

நாடு தாண்டி வாழ்வோரையும்
இணைய வழியில் இணையச் செய்தோம்!

அன்னையின் அக்காலம் போலவே
சேரன் சோழன் பாண்டியன் என
மூன்று இல்லங்களாய்ப் பிரித்து
இல்லத் தலைவன் தலைவி
விளையாட்டுத் தலைவன் தலைவி
இல்ல நிருவாகம் வடிவமைத்தோம்!

இரண்டு கிழமைகள்..
மின்விளக்குகள் அழகொளி தெளிக்கும்
எங்கள் விளையாட்டு மைதானத்துள்
ஊர் கூடித் தேர் இழுக்கும் திருவிழாபோல்
ஊர் விட்டு ஊர்
நாடுவிட்டு நாடு வாழ்ந்த பழைய மாணவர்களும்
ஒன்றுகூடி
விளையாடினோம்!
உறவாடினோம்!

பள்ளிக் காலத்துப் பசுமையான நினைவுகளை
பசும்புல் வேய்ந்த எம்
விளையாட்டு மைதானத்துள்
மின்விளக்கின் பேரொளியிலும்
நிலாவின் ஸ்பரிசத்திலும்
வாழ்வின்
மிகச் சிறந்த நேரத்தைக் கொண்டோம்!

இயற்கை
முதுமையுற்றுக் கழித்ததுவும்
அழகுபடுத்திக் கொண்டதுமாய்
காடுமேடென்று அலைந்து
கண்டுபிடித்துக் கொண்டுவந்து
அழகு கொழிக்க
இல்லங்கள் கட்டினோம்!

பள்ளிக் காலத்தில் வாண்ட் வாத்தியமிசைத்த
பழைய மாணவர்
படையணியைத் தேடிப்பிடித்து
எம் நிகழ்வின் அதிதிகளை வரவேற்க
நாங்களே
வாண்ட் வாத்தியமிசைத்தோம்!

வாண்ட் அணித் தலைவி
பேரின்பநாயகி அக்கா
இருபத்தைந்து வருடங்களின் பின்
லீடர் ஸ்டிக்கைக் கையிலேந்தினாள்!

மூன்று தசாப்தங்களின் பின்னர்
மகேஸ் அண்ணன்
றம்பட் ஏந்தினார்!

எந்தவொரு வாத்தியமும்
அண்மையில் வெளியான இளசுகளால்
இசைக்கப்படவில்லை என்பதே
வந்திருந்த அதிதிகள்
எமக்குத் தந்த
முதல் பெரும் புகழ் மாலை!

அன்றைய கள அனுபவத்தோடு
சிறுகாலப் பயிற்சியுடன்
பட்டையைக் கிளப்பிய எம்
வாண்ட் படையணியை
குறைந்த பட்சம்
இரண்டு தசாப்தங்களேனும்
அவ்வளவு இலகுவில் யாரும்
மறந்து விட முடியாது!

மூன்று இல்லங்களும்
போட்டிக்குப் போட்டியாய்
அணிநடை பழகினோம்!
ஒக்டோபர் ஆறில்
அதிதிகளைச் சொக்கவைத்துக் காட்டினோம்!

குழு விளையாட்டுக்கள்..
தனி விளையாட்டுக்கள்..
கூடி மகிழ்தல்
போட்டி போடுதல் என
இன்பமே சூழப் புசித்து மகிழ்ந்த
இரண்டு வார பயிற்சிகளின் போதான
சிற்றின்பங்களும்
இறுதி நாள் பெருநிகழ்வின் பேரின்பமும்..
ஆயிரம் மூளைகள்
சாக்கொள்ளும் வரை
அழிந்து போகாது!

பள்ளிக் காலத்தில்
விளையாட்டுப் போட்டியில்
கலந்துகொள்ளாத அக்காமாரும்
களத்தில் குதித்தனர்!

சாறி சோட்டி சல்வார் என
சுற்றுவட்ட ஆடைக் கலாசாரத்தில் வாழ்ந்த பலர்
இல்லத்துச் சீருடை அணிந்தனர்!

அன்னை மைதானத்துள் களமாடுகையில்
மகனும் மகளும் கரகோசமிட்டு உற்சாகம் செய்தனர்..
என்று மறவோம்..
எங்ஙனம் மறவோம்?
115 வருட எம் தாயின் வரலாற்றில்
இந்நாள்
பொன்னாள்!

நினைவுகள் தொடரும்…

மட்/மமே/அரசடித்தீவு விக்னேஸ்வரா மகா வித்தியாலயத்தின் 115 ஆவது அகவையினைச் சிறப்பித்து.. பழைய மாணவர் சங்கம் நடாத்திய
#விக்னேஸ்வராவின்_பழைய_மாணவர்களுக்கான_இல்ல_விளையாட்டுப்_போட்டி

(ஆரம்ப நிகழ்வு)

11/10/2025