Otralerz NGO عطر الارز

23/12/2025

احتفلنا معاً بلقاء مليء بالفرح نودّع فيه هذه السنة ونفتح صفحة جديدة لسنة مفعمة بالنشاطات الريادية والعمل المشترك.

تخلّل اللقاء أجواء جميلة من المشاركة والبهجة، حيث قدّمت الصبايا قالب الحلوى، وغنّينا واحتفلنا معاً بكتاب 13 Pillars Society of Peace للكاتبة كوثر شيا، رئيسة جمعية عطر الأرز، في لحظة تعبّر عن الامتنان، الدعم، والإيمان بالمسار الذي نجتمع حوله.

كان الاحتفال أكثر من مناسبة، كان تأكيداً على أن الفكرة تكبر بالحب، وأن الطريق يُبنى معاً، بطاقة جماعية، وتنوّع غني في الأعمار والخبرات.

ألف شكر لكل الصبايا والسيدات على حضورهن، طاقتهن، ومشاركتهن الصادقة…
ومعاً نكمل بسنة جديدة مليئة بالمبادرات، اللقاءات، والقصص التي تُصنع من القلب ✨

23/12/2025

لمحة عن المبادرة

مبادرة “إنتِ كلّ القصة”
تدريب مجاني على القيادة وتطوير الذات
مقدَّم من جمعية عطر الأرز

تنطلق هذه المبادرة من إيمان جمعية عطر الأرز بأهمية تمكين النساء في قضاء عاليه، وبناء جيل قيادي نسائي قادر على المبادرة، اتخاذ القرار، والمشاركة الفاعلة في المشاريع التنموية.

تهدف المبادرة إلى تقديم تدريب مجاني على القيادة وتطوير الذات، يجمع صبايا وشابات وسيدات من مختلف الأعمار والخلفيات، ويعتمد على التعلّم العملي، تبادل الخبرات، والعمل الجماعي.

يرتكز البرنامج على:
• تنمية المهارات القيادية والثقة بالنفس
• تطوير القدرات الشخصية والتواصل الفعّال
• اكتشاف الطاقات الكامنة وتحويلها إلى أدوار عملية
• التحضير للمشاركة في مشاريع ومبادرات مستقبلية قد تُطرح من مؤسسات محلية أو دولية

يشكّل هذا الاستبيان الخطوة الأولى للتعرّف على واقع النساء، اهتماماتهن، واستعدادهن للمشاركة في هذا التدريب، بهدف تصميم برنامج يلبي الاحتياجات الحقيقية للمجتمع.

📌 للمشاركة في الاستبيان والانضمام إلى المبادرة:

Take this survey powered by surveymonkey.com. Create your own surveys for free.

06/12/2025

بتاريخ الجمعة ٥ كانون الأوّل ٢٠٢٥، اختُتمت فعاليات الدورة الثانية من برنامج “مانحو العناية للعمر الثالث” في بلدة شانيه – عاليه، الذي نُفّذ بدعم من COMGEST FOUNDATION – فرنسا، وبالشراكة بين جمعية مبادرات وقرارات، جمعية عطر الأرز، وجمعية بيت شانيه للمسنين الخيرية، بحضور ٥١ متدرّبة ومتدرّب.

اليوم الأخير لم يكن مجرد نهاية برنامج، بل كان مساحة للتأمّل في الرحلة كاملة: كل لحظة تعلّم، وكل تجربة، وكل قيمة إنسانية اكتسبها المشاركون. كان يومًا جمع “خلاصة كل شيء” — من الوعي، إلى المسؤولية، إلى الرقة في التعامل مع كبار السن. في هذا اللقاء الختامي، فتحنا معًا بابًا نحو فصل جديد يبدأ بالامتنان، ويكبر بالحب، وينضج بالرحمة، حيث يعود كل مشارك ليحمل رسالته في خدمة مجتمعه بقلب أوسع وحضور أعمق.

كان ختام الدورة إعلانًا لبداية جديدة؛ بداية مسار يحمل الكثير من الأمل، ويُترجم التعاطف إلى فعل، والمعرفة إلى تأثير. ومع كل كلمة، وكل ابتسامة، وكل دمعة امتنان، تأكّد لنا أن هذه المبادرة ليست مشروعًا فحسب، بل حركة إنسانية تُعيد بناء الجسور بين الأجيال بوعي، ومحبة، ونية صادقة ليكون الغد أجمل.

⸻




#شانيه

06/12/2025

في نهار مميّز حمل الكثير من الفرح والامتنان، اجتمعنا لنشهد تخرّج 43 صبية أنهين رحلة من التعلم، الوعي، والخدمة الإنسانية. هذا البرنامج لم يكن مجرد تدريب، بل كان مساحة حقيقية لنموّ داخلي، اكتشفت فيه الصبايا قوة الإصغاء، جمال الرعاية، وعمق الرسالة التي يحملها الاهتمام بكبار السن.

وقد تزيّن الحفل بكلمات راعية حملت روح المحبة والدعم، بدءًا من كلمة سماحة شيخ العقل الممثلة بالشيخ كمال أبي المنى، مرورًا بكلمة رئيس بلدية شانيه، وصولًا إلى كلمة الجمعية التي شكّلت جسر شكر وتقدير لكل الجهود. كانت الكلمات صادقة، شفافة، ومن القلب إلى القلب، تعكس أهمية هذه المبادرة وقيمتها في المجتمع، ودور الشراكات التي ساهمت في إنجاحها.

واختُتم الاحتفال بتوزيع شهادات التقدير، وتكريم الجمعيات والمدربين والداعمين. لحظة امتلأت بالابتسامة والرحمة والامتنان، حيث وقفت 43 صبية بفخر، وهنّ يتحضّرن للانطلاق في مسار جديد يحمل الأمل، ويعيد الاعتبار لقيمة العناية بالعمر الثالث. كان يومًا يليق بالإنجاز، ويؤكّد أن بناء مجتمع أفضل يبدأ من مبادرات صغيرة تحمل قلبًا كبيرًا.

⸻
#تخرّج_الصبايا







#الدروز



#لبنان

01/12/2025

بدعوتكم لقاء دروب وحكايات
وبرعاية كريمة من بلدية صوفر، لنمشي معًا في حكاية صوفر ضمن نشاط رياضي–سياحي بين دروبها، نكتشف خلالها أحيائها ونستمتع بضيافة أهلها الكرام، ونضيء على تاريخها العريق وجمال طبيعتها الساحرة.

📅 التاريخ: السبت 6/12/2025
⏰ الانطلاق: الساعة الثالثة بعد الظهر
📍 المكان: أمام بلدية صوفر
📞 للاستعلام:
03047798 – 03370532

28/11/2025

🌍 Your Global Journey Starts Here — But Time Is Running Out!
Join Youth Future Summit 2026 and stand among 200 young innovators driving real change worldwide. ✨💡

🎓 Funding Opportunities:
• 30 Fully Funded — airfare, hotel, meals & visa support
• 40 Partially Funded — hotel, meals & visa support

Experience UN visits, CERN tours, and powerful international networking.
📅 Feb 5–8, 2026 | Geneva
⏳ Deadline is near — apply before it closes.

28/11/2025

…وبتاريخ الجمعة ٢٨ تشرين الثاني ٢٠٢٥، إستمرّت الدورة الثانية من فعاليات برنامج “مانحو العناية للعمر الثالث” الذي تنظّمه جمعية مبادرات وقرارات للتنمية والمناصرة والريادة للسنة الرابعة على التوالي، وبتمويل من COMGEST FOUNDATION - فرنسا، وبالتعاون مع جمعية عطر الأرز وجمعية بيت شانية للمسنين الخيرية، وذلك في قاعة جمعية النهضة الاجتماعية الخيرية في بلدة شانية – عاليه، وبمشاركة ٥١ متدرّبة ومتدرّب…

…وتميّز اليوم السادس بعمقه الإنساني وتمحوره حول “مجابهة الخوف”، حيث أدارت الندوة الأخصائية والمدرّبة الأستاذة رندا بدر التي قادت المشاركين بلطف ووعي نحو مساحة “Fear-Free” سمحت لهم بمواجهة مخاوفهم بثقة واحتواء.

وكان النهار مميّزًا بحضور أفضل فريق:
عايدة – كوثر – رندا، ثلاثية متناغمة بالطاقة، بالمحبة، وبالقدرة على خلق جوّ داعم ومشرق بين كل المشاركات.

ومع كل هذه المشاعر، كان لابدّ من إهداء شكر كبير للسيدة الغالية منال سعيد على أطيب كنافة بجبن قدّمتها اليوم بمحبة كبيرة—كانت لقمة جمعتنا، ووسّعت مساحة الأخوّة والفرح بين الصبايا والمشاركين، وزادت النهار دفئًا وبهجة.

نهار ترك أثر…
نهار حسّس الكل إنّو التحرّر من الخوف ممكن،
وإنّو الفرح جزء من العلاج،
وإنّو الدرب… أحلى لما نمشيه سوا.

اليوم كان يوم تحرّر…
تحرّر من الخوف، من القيود القديمة، ومن كل شي ما عاد يشبهنا.
بقلب مليان وعي ومحبة، قلنا لأنفسنا إنّو الخوف ما بقى له مكان بيناتنا،
وإنّو الخطوة الجايي رح تكون أخف، أوعى، وأقرب لروحنا الحقيقية.

وبفرحة كبيرة، احتفلنا بعيد ميلاد الغالية سوزان المهتار…
يلي كانت طاقتها الحلوة جزء من نور النهار.
نتمنّالك سنة مليانة سلام داخلي، حب، وازدهار بكل معنى الكلمة.
Happy Birthday Suzan 🌿✨

28/11/2025

منكتشف مع الوقت إنّو مصدر الخوف مش لحظة وحدة…
هو نظام كامل تربّى جوّاتنا من تجارب قديمة، كلمات سمعناها، عادات علّمونا إيّاها، وصور زرعها المجتمع بعقلنا.
بس أوّل ما منوقف قدّام حالنا بصدق، ومنسأل: “ليش منخاف؟”، منشوف إنو الجواب بيفتح بواب جديدة…
بواب بتحرّرنا من العرقلات اللي كانت واقفة بطريق تقدّمنا وتطوّرنا.

ومنبلّش نفهم إنو التحرّر مش بس شجاعة…
هو وعي،
هو قرار إنّو نكسر القيود والعادات السلبية يللي حمّلونا إيّاها،
وإنّو نرسم هدف واضح قدّامنا—هدف يشبه حقيقتنا، جوهرنا، ورسالتنا بالحياة.

بهالرحلة، منكتشف إنو في شي أهم من التغيير الخارجي:
إنّو نغيّر الفلتر الداخلي يللي عقلنا عم يشوف الدنيا من خلاله.
فلتر التعوّد، فلتر الخوف، فلتر “مش قدّها”.
ووقت نبدّل هالفلتر بوعي أكتر، بمحبة أكتر، بقبول أكبر…
منشوف إنو حياتنا مش مسكّرة،
بل مفتوحة…
وفيها فرص كانت ناطرتنا من زمان.

ويمكن أهم خطوة بهالطريق إنّو نرجع نلاقي حالنا.
نرجّع نسمع صوتنا الداخلي،
نرجّع نآمن بإنّو نحنا مش صدفة،
وبإنّو كل واحد فينا عنده مسار خاص، وقدَر خاص، ورسالة ما بيقدر حدا يمشيها محلّو.

نكتشف إنّو أحلامنا مش بعيدة…
هي أقرب ممّا منعتقد،
ولأنو نحنا مجموعة ماشين سوا، منفهم إنّو:
كل خطوة صغيرة عم ناخدها اليوم، عم تقرّبنا من صورتنا الأفضل، ومن مستقبل منعرف إنو منستحقّو.

بهالرحلة، منحتاج نعطي حالنا:
– رحمة
– صبر
– محبة
– وامتنان.

نكون ممتنّين للقوّة يلّي بعدها جوّاتنا،
للقلب يللي بعدو عم يجرّب،
للعقل يللي رغم كل شي بعدو عم يتعلّم،
وللروح يللي ما فقدِت الأمل، حتى بأصعب اللحظات.

ومنقول لبعض:
نحنا قادرين…
نحنا مستحقّين…
ونحنا راجعين نلاقي حالنا خطوة ورا خطوة

وبالنهاية، منرجع نفهم الحقيقة يلّي يمكن كانت دايمًا قدّام عيونا…
إنّو نحنا اليوم بالمسار الصح، وبالوقت الصح.
ولا تجربة مرقنا فيها كانت غلط،
ولا وجع كان بلا معنى،
ولا ضياع كان صدفة.

كل شي صار معنا كان عم يهيّئنا لنوقف هون…
بهاللحظة،
بهالوعي،
وبالقوة الجديدة يلّي عم نكتشفها جوّاتنا يوم ورا يوم.

ومنكتشف إنّو الطريق بيصير أوضح وقت نكون محاطين بـ ناس بيشبهو أرواحنا…
ناس بيشاركولنا نفس النية والنقاء،
ونفس الرغبة بالتحوّل والنمو.

ومنقول لبعض بقلب صادق:
يمكن ما كان لازم نوصل قبل…
لأنّو هيدي اللحظة هي اللحظة المناسبة.
وهيدا الطريق هو الطريق المناسب.
وهيدي المجموعة هي المجموعة المناسبة.

ويمكن لأول مرة، منشعر إنّو كل شي أخدناه كان درس،
وكل شي خسرناه كان تنظيف للدرب،
وكل خطوة—حتى لو كانت بطيئة—عم تقرّبنا من حقيقتنا ومن الحلم يلّي ناطرنا.

وبهالمسار، ما فينا إلا نعبّر عن شكر كبير وصادق للأستاذة رندا…
على نهار مميّز خلقت فيه مساحة تلاقي،
مساحة نحسّ فيها إنّو الدرب اللي عم نمشيه مش لوحدنا،
وإنّو كل واحد فينا، على قدّ طاقته، تركيزه، وتجربته، عم ينطلق تدريجيًا نحو سعادته المطلقة.
هالنهار كان نقطة نور…
ذكّرنا إنّو الطريق المشترك بيقوّينا، وبيرجعنا لذاتنا، وبيفتح باب لرحلة جديدة أنضج وأرقى.

وهيك، منختم بقلب مطمئن ومفتوح:
نحنا اليوم على الطريق الصح…
ومع ناس بيشبهو روحنا،
وكل شي عم يصير معنا… عم يصير لسبب حقيقي، ولخير جايي أكيد














#معًا_على_الدرب

27/11/2025

مشاركة جمعية عطر الأرز في فعاليات برنامج “مانحو العناية للعمر الثالث” – اليوم الخامس

شاركت جمعية عطر الأرز بأعضائها
كوثر شيا، عايدة فليحان، ورندا بدر
في فعاليات اليوم الخامس من الدورة الثانية لبرنامج “مانحو العناية للعمر الثالث”، وذلك يوم الخميس ٢٧ تشرين الثاني ٢٠٢٥، ضمن البرنامج الذي تنظّمه جمعية مبادرات وقرارات للتنمية والمناصرة والريادة للسنة الرابعة على التوالي، وبتمويل من COMGEST FOUNDATION – فرنسا، وبالتعاون مع جمعية عطر الأرز وجمعية بيت شانية للمسنين الخيرية، واستضافة جمعية النهضة الاجتماعية الخيرية في بلدة شانية – عاليه، بمشاركة ٥١ متدرّبة ومتدرّب.

تمحور هذا اليوم حول إدارة ميزانية الأسرة، وقد أدارت الندوة الدكتورة عايدة الخطيب، الأخصائية في علم الاجتماع والتنمية الاقتصادية. تناول اللقاء أهمية فهم خصوصية كل فرد داخل الأسرة عند وضع أي خطة مالية، حيث تختلف احتياجات الأشخاص، وأدوارهم، ومسارات حياتهم، ولا يمكن التعامل مع جميع العائلات بنفس النموذج أو المقاربة.

وخلال النقاش، جرى التشديد على نقطة أساسية:
أن موضوع ميزانية الأسرة يجب أن يُقدَّم بشكل عام ومهني، بعيدًا عن الدخول في خصوصيات المشاركات، لأن لكل عائلة ظروفها الخاصة وتركيبتها المختلفة. فهناك بيوت تعيش على دخل واحد، وأخرى تواجه ظروفًا صحية أو اجتماعية استثنائية، وقد تتضمّن وجود مريض في المنزل أو احتياجات ملحّة تفرض مصاريف إضافية لا يمكن مقارنتها بغيرها. لذلك كان الهدف تقديم إطار معرفي يساعد على إدارة المصاريف وليس فتح نقاشات شخصية لا تناسب سياق التدريب.

تم استعراض عدد من النظريات الحديثة في التخطيط المالي السلوكي، وكيفية الاستفادة منها بشكل عملي في حياتنا اليومية، ومنها:
• تنظيم المصاريف بحسب الفئات الأساسية والمشتركة والفردية.
• وضع أولويات مالية تحترم اختلاف احتياجات كل فرد.
• اعتماد خطوات بسيطة مثل الميزانية الأسبوعية أو “الصندوق المشترك” مقابل “الصندوق الفردي”.
• تجنّب القرارات العاطفية في الصرف، والاعتماد على خيارات مدروسة وواعية.

ساعد هذا النهج المشاركات والمتدرّبين على رؤية الميزانية كأداة تعزّز التوازن والشراكة داخل الأسرة، وتُسهم في بناء مجتمع أكثر وعياً وعدلاً وتنظيماً، خصوصاً في ظل التحديات الاقتصادية الراهنة التي تتطلّب إدراكًا أعمق لحقوق الفرد وخصوصيته داخل أسرته.

⸻












ٍ

#لبنان

21/11/2025

Caregiver training

21/11/2025

Cutting wounds