Frontiers Rights - رواد الحقوق

13/08/2026

لما بينعثر ع طفل حديث الولادة مجهول الوالدين متروك، كل دقيقة بتفرق.

اليوم، قانون قيد وثائق الأحوال الشخصية بينصّ على إجراءات محدّدة لهالحالات. بتحط كل المسؤولية ع المختار والمؤسسة اللي بيودع الطفل عندها لرعايته واللي عليها تعمل معاملات قيده بالنفوس. عملياً انعطى دور للنيابة العامة وقضاء الأحداث بموضوع الإيداع والرعاية والحماية. بس بقي التسجيل على عاتق المؤسسات، بلا أي رقابة، وهي بكتير من الأحيان ما بتتابعه، وبينترك أولاد كتار بلا تسجيل.

لهيك، اقتراح قانون التسجيل المدني الجديد طوّر آلية رعاية وتسجيل هالأطفال، بشكل واضح ومتكامل ومنهجي، حتى ما يضيع الوقت ولا تضيع المسؤوليات.

هالاقتراح بيضمن تنظيم واضح للأدوار بين اللي بيعثر على الطفل اللي بيسلمه للشرطة، والشرطة بتحوله عالنيابة العامة واللي بدورها بتحيل الملف لقاضي الأحداث يللي بيسلّم الطفل لمؤسسة لرعايته وبينظّم بيان ولادته وبيبعته لمديرية الأحوال الشخصية لتسجيل الطفل. كل هالإجراءات بتصير بأقل من 3 أيام، من دون انتظار أو تعقيدات.

هيك الطفل ما بيبقى مجهول، ولا خارج حماية القانون والمجتمع.

#لبنان

09/08/2026

من أسبوعين، تم توقيف شخص أجنبي سجّل أولاده على قيد شخص لبناني، حتى يكتسبوا الجنسية اللبنانية.

هالقصة بتشبه قصص كتير عائلات عديمة الحنسية بتلجأ لنفس التصرّف بس لسبب مختلف: لأنّ أولادها رح يكونوا بلا جنسية وبلا قيود، وبتفتّش عن أي وسيلة لتحميهم وتضمنلهم مستقبل، مش عارفة أنها عم ترتكب جرم تزوير وعم تخلق قنبلة موقوتة.

تسجيل الطفل على قيد اشخاص غير أهله الحقيقيين ما بيغيّر اسمه وبس، كمان بيسلبه هويته القانونية والحقيقية. وبيخلق مشاكل ما بتنتهي: بالنسب، والحضانة، والإرث، وكل الحقوق الأسرية، وخطر الإشارة الاحترازية عالقيود وشطب جنسية الولد اللبنانية.

الحل مش بتزوير الحقيقة اللي هو مخالفة بتخلق مأساة أكبر.
الحل بقانون بيحمي كل الأطفال وبيسمح بتسجيل ولاداتهم كعديمي جنسية، بشكل بيحفظ هويتهم الحقيقية وحقوقهم بنفس الوقت.
#اقتراح قانون التسجيل المدني

04/08/2026

31/07/2026

الاتجار بالبشر ممكن يصيب أي شخص، بس في خطوات بتخفّف من خطر الوقوع ضحيته. حسب منظمة الهجرة العالمية:

✔️ خبّر شخص بتوثق فيه قبل قبول أي عرض عمل أو دراسة واسم صاحب العمل ومكانه وكيف فيه يتواصل معك.
✔️احمي الأطفال والمراهقين. استمع لهم وكون قريب منهم وراقب نشاطهم عالإنترنت لأن وسائل التواصل الاجتماعي، والألعاب الإلكترونية، وتطبيقات المراسلة هي أكتر وسائل بتستخدم للتواصل مع الضحايا القاصرين.
✔️ إذا تعرّضت لتهديد، أو استغلال، أو حجز للحرية أو للأوراق، اطلب المساعدة بأسرع وقت من الجهات المختصة أو منظمات الدعم.
✔️إذا لاحظت أمر مثير للشك، ما تلتزم الصمت. بلّغ عن أي مؤشرات أو علامات مقلقة. يمكن مبادرتك تكون سبب بحماية شخص من الوقوع ضحية للاتجار بالبشر.
الاتجار بالبشر جريمة، والمعرفة والوعي ممكن يمنعوا الجريمة قبل ما تصير.

#معًا_ضد_الاتجار_بالبشر #احمِ_نفسك

31/07/2026

الاتجار بالبشر ممكن يصيب أي شخص، بس في خطوات بتخفّف من خطر الوقوع ضحيته. حسب منظمة الهجرة العالمية:

✔️ تأكّد من الجهة أو الشخص يلي عم يعرض عليك أي عمل. واحذر من العروض المبالغ فيها متل أجر مرتفع جداً مقابل عمل بسيط لأن ممكن تكون وهمية أو العمل الحقيقي مختلف عن المعروض.
✔️انتبه لمقابلات العمل غير الاعتيادية. إذا انطلب منك إرسال صور بملابس كاشفة أو الحضور على مطرح غير آمن أو غير مناسب لإجراء المقابلة، هيدي علامة تحذيرية.
✔️ ما تسلّم جواز سفرك أو أوراقك الثبوتية لأي شخص ما بتوثق فيه ثقة كاملة. احتفظ بجواز سفرك أو بطاقة هويتك معك دائماً. لما تكون مستنداتك معك، بتكون حريتك كمان بين يديك.
✔️ تجنّب القروض المشبوهة. ما تقبل المال من أشخاص مجهولين، وما توافق على شروط غير واضحة. ممكن يتحول الدين لوسيلة للسيطرة عليك واستغلالك.

ً ً

30/07/2026

الخروج من الاتجار ممكن

قصة Viany بتأكّد إنّ الاتجار بالبشر مش نهاية الحياة، وإنّ النجاة من الاستغلال ممكنة حتى بأصعب الظروف. هي طلعت من هالدوامة بجهودها الخاصة، ورجعت بنت حياتها، وتحوّلت لناشطة مجتمعية مع غيرها من العمال المهاجرين حتى تساعدهم يحموا حالهم من الوقوع ضحايا للاستغلال.

والتعافي بيكون أسهل لما المجتمع يوفّر لضحية الاتجار الحماية والدعم لتستعيد حياتها وفرصة حقيقية لبداية جديدة. كل شخص تعرّض للاتجار عنده احتياجات مختلفة، لكن في حق واحد بيجمعهم كلهم: الاعتراف فيه كضحية بحاجة لدعم.

الدعم ممكن يشمل حسب مكتب الأمم المتحدة لمكافحة الجريمة المنظمة وصندوق الأمم المتحدة الائتماني لضحايا الاتجار بالبشر:
- المساعدة القانونية ومتابعة القضايا.
- العلاج والرعاية الصحية الجسدية والنفسية.
- تأمين مكان آمن للإقامة.
- التدريب المهني واكتساب مهارات تساعد على الاستقلال المادي.
- التعليم أو العودة إليه.
- إعادة التأهيل والاندماج بالمجتمع.

كل شخص بيستحق فرصة جديدة ليعيش بأمان وكرامة.

الجزء الثاني

كرامة_وأمة

28/07/2026

كل سنة، بيوقع آلاف الأشخاص متل Viany ضحية الاتجار بالبشر حول العالم، بعد ما بيصدّقوا وعد بفرصة عمل، أو حياة أفضل، أو سفر آمن.

الاتجار بالبشر ما بيبلّش بس بالخطف متل ما منشوف بالأفلام. أوقات بيبلّش بعقد عمل، أو بوعد كاذب، أو باستغلال حاجة الشخص أو ضعفه.

وبحسب قانون العقوبات اللبناني المعدّل سنة 2011، بعد ما صادق لبنان سنة 2005 على اتفاقية مكافحة الجريمة المنظمة عبر الوطنية وبروتوكولها المتعلق بمنع وقمع ومعاقبة الاتجار بالأشخاص، الاتجار بالأشخاص هو “استدراج أو نقل أو إيواء أو استقبال شخص، باستعمال وسائل مثل الخداع، أو التهديد، أو استغلال حالة الضعف، ... بهدف استغلاله”. والاستغلال ممكن يكون بالعمل القسري، أو الاستغلال الجنسي، أو التسوّل، أو نزع الأعضاء...

ضحايا الاتجار ممكن يكونوا نساء، أو رجال، أو أطفال، ومن أي جنسية.

الوعي هو أول خطوة للحماية.
بالجزء الثاني، رح نشارك معكن كيف فيكن تحموا حالكن، وشو بتعملوا إذا شكّيتوا بوجود حالة اتجار بالأشخاص.

#معًا_ضد_الاتجار

27/07/2026

كمان مرة، جريمة بحق الحياة.
تم العثور مؤخراً على طفلة رضيعة مرمية بكيس بين القصب قرب أوتوستراد بطرابلس.

عامل مارق سمع بكي طفل... وقرّر ما يتركه ويكمّل طريقه. اتّصل بالقوى الأمنية والجهات المعنية. وتم نقل الطفلة عالمستشفى.
بس الظروف اللي عاشتها قبل ما تتلاقى كانت أقسى من إنّو يتحمّلها جسمها الزغير، ورغم كل المحاولات الطبية، ما قدرت تعيش.
ما منعرف اسمها. ما منعرف قصتها وقصة أهلها. بس منعرف انها انتركت بظروف بترجّح أنها ما تكمّل حياتها. مع انه ممكن لأم أو أهل عم يتخلوا عن رضيع لأي سبب أو بأي ظرف يتركوه قدام مؤسسات رعاية أو أديار أو جوامع، لأن هالمؤسسات قادرة على الأقل توفّر له المقوّمات الأساسية حتى يعيش، وتأويه وتأمّن له رعاية أولية، تحت إطار القانون اللي بيحمي هالأطفال.

قصة هالطفلة مأساوية، رغم انه تدخّل العامل كان هدفه يحميها من هالنهاية الحزينة. وهيك مسؤوليتنا كمجتمع ودولة إذا لقينا طفل متروك بمطرح بيهدّد حياته وسلامته، انه نتواصل مع الصليب الأحمر والشرطة، حتى يحاولوا ينقذوا هالطفل قبل فوات الأوان ويبلشوا بإجراءات لحمايته ورعايته.

Credits: This is Lebanon - هنا لبنان

#لبنان #معًا_لحماية_الحياة

27/07/2026

#لبنان

23/07/2026

عيلة من 6 أفراد. أجدادن كانوا لبنانيي، وبشطبة قلم صاروا فلسطينيي، وبقرار دولي واحتلال صاروا لاجئين، متلن متل كل سكان “القرى السبع”.

بشطبة قلم جديدة، البي و3 من أولاده منهم رجعوا صار لبنانيي بمرسوم تجنيس الـ1994 لما الدولة اللبنانية قرّرت “ترجّع” الجنسية لهالفئة من “المواطنين”. بس الغريب إنه هالقرار ترك 2 من العيلة بلا هالجنسية لأن كانوا راشدين بوقت المرسوم وما تقدّموا بطلبات. وهيك صار في بنفس العيلة 4 أشخاص حاملين الجنسية اللبنانية وشخصين “جنسيتهم” فلسطينية، أو أدق خي لبناني وخيه لاجئ بلبنان!!!

مش لأنهم من عيلتين مختلفتين، ولا لأنهم جايين من بلدين مختلفين، بل بس لأن نظام الجنسية عنا مليان ثغرات واستنسابية وتناقضات.

قصة يمكن ما بتصير إلا بلبنان، بتأكّد مرة جديدة إنو قوانين الجنسية اللبنانية بحاجة فعلية لإصلاح جذري يضمن الحقوق والمساواة بدل ما يخلق الظلم داخل البيت الواحد.

الجنسية_اللبنانية