Frontiers Rights - رواد الحقوق

Call Directions Website Contact the organization

Frontiers Rights - رواد الحقوق Frontiers Rights is a Lebanese NGO advocating for the rights of Refugees and Stateless Persons

Frontiers Rights Association is a Lebanese non- profit independent organization providing professional, sustainable assistance to marginalized people to assist them to understand and access their
rights.
روّاد الحقوق | Frontiers

الولد ما بيختار إذا بينولد داخل أو خارج إطار الزواج. ليه هالشي بده يأثّر على حقّه بالجنسية؟اليوم، بالنسبة للمولود خارج إ...
17/09/2026

الولد ما بيختار إذا بينولد داخل أو خارج إطار الزواج. ليه هالشي بده يأثّر على حقّه بالجنسية؟

اليوم، بالنسبة للمولود خارج إطار الزواج من أب أو أم لبنانيين، القانون بيربط اكتساب الجنسية بالاعتراف بالبنوة: لازم الاعتراف يصير خلال القصَر، وبتكون العبرة بأسبقية الاعتراف من الوالد اللبناني.
اقتراح قانون الجنسية بيغيّر هالمنطق.

بالاقتراح، كلمة «ولد» بتشمل المولود داخل أو خارج إطار الزواج، والقاعدة واضحة:

كل ولد مولود من أب أو أم لبنانية يُعتبر لبنانيًا مع مراعاة أحكام الدستور.

يعني ما في تمييز بشروط حقه بالجنسية بحسب إذا كان الأهل متزوّجين أو لأ.

لأنّ ظروف ولادة الطفل ما لازم تحدّد جنسيته ولا حقوقه.
الاقتراح تقدّم، وهدفه يسهّل الإجراءات ويلغي الثغرات والالتباسات. بس بعده ناطر مجلس النواب.

وهون بيجي دوركن: اسألوا النواب عن موقفهم من الاقتراح، واضغطوا لإقراره.

#المساواة

انطلاقاً من دور روّاد الحقوق كمرجع متخصص في قضايا انعدام الجنسية، نحرص على نقل خبرتنا إلى منظمات المجتمع المدني وتعزيز م...
14/09/2026

انطلاقاً من دور روّاد الحقوق كمرجع متخصص في قضايا انعدام الجنسية، نحرص على نقل خبرتنا إلى منظمات المجتمع المدني وتعزيز معارف العاملين فيها.

وفي هذا الإطار، قدّمت روّاد الحقوق جلسة تعريفية لـ20 عاملاً وعاملة اجتماعية في الحركة الاجتماعية اللبنانية بشأن انعدام الجنسية ومخاطره، مع التركيز على الأطفال المتصلين بالشارع والتحديات المرتبطة بالتسجيل والهوية القانونية.

نتشارك المعرفة لنوسّع دائرة الحماية والوصول إلى الحقوق.

أكتر من 5,000 دولار وصلت كلفة دعوى قيد لعيلة كبيرة.هيدي مش أتعاب محامي خاص. هيدي قضية عم تتابعها جمعية روّاد بالتعاون مع...
13/09/2026

أكتر من 5,000 دولار وصلت كلفة دعوى قيد لعيلة كبيرة.
هيدي مش أتعاب محامي خاص. هيدي قضية عم تتابعها جمعية روّاد بالتعاون مع محامي ببدل أتعاب مخفّض. بس بين الأتعاب، رسوم المحكمة، المستندات، فحوص الـDNA، التحقيقات، المتابعات والمصاريف… وصلت الكلفة لهالرقم.

تخيّلوا مئات العائلات المحتاجة اللي استفادت من الدعم القانوني لجمعية روّاد، لو بلا جمعية، وبلا دعم مادي، ومضطرة تدفع كمان أتعاب محامي خاص.

كانت قدرت تلجأ للقضاء أصلًا؟ الأرجح لأ.
وهون المشكلة: الوصول للعدالة ما لازم يعتمد على جمعية، أو مشروع.

المساعدة القانونية مسؤولية الدولة، مش بديل عنها المجتمع المدني.

المطلوب نظام رسمي للمساعدة القانونية، فعّال ومستدام، بيعزّز الوصول للعدالة ودولة القانون.

اليوم، إذا وُلد طفل خارج إطار الزواج وما اعترف فيه بيه أو أمه، تسجيله بيصير معقّد. اقتراح قانون التسجيل المدني اللي أعدت...
09/09/2026

اليوم، إذا وُلد طفل خارج إطار الزواج وما اعترف فيه بيه أو أمه، تسجيله بيصير معقّد.

اقتراح قانون التسجيل المدني اللي أعدته روّاد الحقوق بيعالج هالثغرة بشكل واضح.

إذا اعترف أحد الوالدين بالطفل، بيتسجّل بناءً على هالاعتراف.
أما إذا ما اعترف فيه أي من الوالدين خلال 72 ساعة بس من الولادة، الطفل، مصيره ما بيبقى معلّق بلا تسجيل وبانتظار اعتراف يمكن ما يجي: المؤسسة الصحية اللي ولد فيها أو طبيب القضاء بينظّموا بيان الولادة، وبيبيعتوه لدوائر السجل المدني، وبينبعت الملف لقاضي الأحداث حتى يأمّن رعاية الطفل وحمايته القانونية.

اقتراح القانون موجود، والحل موجود. بس إقراره بحاجة لقرار من مجلس النواب.

وهون دوركن: اسألوا النواب عن اقتراح قانون التسجيل المدني، واضغطوا لإقراره.

لأنّ طفل متل أيمن ما لازم يكبر وهو ناطر حدا يعترف فيه حتى يكون إله قيد.

04/09/2026

أيمن وُلد من أم عزباء وما بيعرف بيّه. بعد ولادته بحوالي سنة، تركته أمّه عند عيلة صديقتها على أساس ترجع، وما تركت أوراق ثبوتية أو عنوان. وما رجعت وصديقتها فتشت عليها كتير وما لقيتها.

صديقة الأم أمنتله سقف وعيلة، بس رافقه ألم شعور نقص الهوية.
لما صار أيمن بعمر 8 سنين، رجعت أمه ومعها رجع له أمل تسجيله ع اسمها. بس هالتسجيل كان صار بحاجة لدعوى قضائية واعتراف وكلفة. والأم ما كانت مستعدة وما عملت الإجراءات واختفت من جديد.

اليوم أيمن صار راشد، وصار الحل أصعب.
أيمن ما اختار ظروف ولادته بس هو اللي دفع الثمن.

الأطفال متل أيمن بحاجة لنظام بيحمي حقهم بالتسجيل والهوية القانونية من البداية، وما بيترك مصيرهم معلّق على تعاون أحد الوالدين.

إذا زوجتك أجنبية (ما عدا السورية أو الفلسطينية) وعملتوا زواج ديني بلبنان، هيك بتسجّل زواجك رسميًا خطوة بخطوة.الزواج المس...
30/08/2026

إذا زوجتك أجنبية (ما عدا السورية أو الفلسطينية) وعملتوا زواج ديني بلبنان، هيك بتسجّل زواجك رسميًا خطوة بخطوة.
الزواج المسجّل بيحمي العيلة وحقوق الأولاد!
احفظ البوست وابعته لحدا ناوي يتزوج أو تزوّج بأجنبية بلبنان.

إذا أنت وزوجك/زوجتك لبنانيين وتزوجتما خارج لبنان،لازم تسجّلوا زواجكم بلبنان حتى تغيّر قيودكم من عازبين لمتأهلين ولتحصلوا...
30/08/2026

إذا أنت وزوجك/زوجتك لبنانيين وتزوجتما خارج لبنان،
لازم تسجّلوا زواجكم بلبنان حتى تغيّر قيودكم من عازبين لمتأهلين ولتحصلوا على كامل الحقوق القانونية المتعلقة بالزواج وتحمو ولادكم من كتمان القيد.
احفظ البوست، وشاركه مع حدا تزوّج أو ناوي يتزوّج بالخارج.
الزواج مسؤولية... وتسجيله ضمانة.



من فترة، منشور «ابن اللبنانية لبناني» صار ترند، وفتح نقاش كبير حول حق المرأة اللبنانية تعطي جنسيتها لأولادها. بس التفاعل...
29/08/2026

من فترة، منشور «ابن اللبنانية لبناني» صار ترند، وفتح نقاش كبير حول حق المرأة اللبنانية تعطي جنسيتها لأولادها. بس التفاعل وحده ما بيغيّر القانون.

اقتراح قانون الجنسية اللبنانية الشامل، اللي أعدّته روّاد واللي بيطوّر الإطار القانوني للجنسية اللبنانية، وبيكرّس، من ضمن أحكامه، عدم التمييز الجندري وحق المرأة اللبنانية بنقل جنسيتها لأولادها وزوجها، تقدّم لمجلس النواب من سنة وبعده لليوم ما ناقشه.

وبتاريخ 22 أيار 2026، انحط الاقتراح على جدول أعمال مجلس الوزراء، لكن الحكومة قررت التريّث بإبداء الرأي فيه، وما رجعت ناقشته من وقتها.

واليوم، الاقتراح بحاجة لضغط فعلي من نواب داعمين، حتى ينحط على جدول أعمال مجلس النواب ويتناقش.

إذا كنتِ مهتمة انه أولادك من زوج أجنبي يقدروا يحصلوا على جنسيتك اللبنانية، ما تخلّي الموضوع يضلّ ترند. ادعمي هالاقتراح، وساهمي بالضغط عالنواب حتى يدفعوا باتجاه مناقشته.

الترند بيعمل صوت، بس بده ضغط تيعمل تغيير، وانتو هالضغط

كتير بيتكرر السؤال:«كل عيلتي تجنّست، ليه أنا استبعدوني؟»الجواب بيتعلّق بعمر الأولاد بتاريخ تنفيذ مرسوم التجنيس: إذا كانو...
29/08/2026

كتير بيتكرر السؤال:
«كل عيلتي تجنّست، ليه أنا استبعدوني؟»
الجواب بيتعلّق بعمر الأولاد بتاريخ تنفيذ مرسوم التجنيس: إذا كانوا راشدين، ما بيستفيدوا تلقائياً من تجنّس والدهم، وما بيصيروا لبنانيين إلا إذا وردت أسماؤهم في المرسوم.. لأن التجنيس مش حق حكمي أو مكتسب لكل الأولاد وهو بطبيعته إجراء استنسابي.

والأهم: العبرة مش بعمر الولد عند تقديم طلب تجنيس والده، ولا عند صدور مرسوم التجنيس، بل بالعمر عند تنفيذ هالمرسوم، لأن الشخص المجنّس بيُعتبر لبناني من تاريخ تنفيذه مرسوم تجنيسه.
وعدم اكتساب الولد الجنسية مع باقي أفراد عيلته ما بيعني بالضرورة إنه «انشال اسمه» أو «تمّ استبعاده»؛ ممكن يكون، ببساطة، كان راشد بتاريخ تنفيذ والده للمرسوم واسمه ما كان بطلب التجنيس.

#لبنان #التجنيس

ليلى (مستعار) مولودة من أم مكتومة القيد من أصول باكستانية، ومن أب مجهول. ولهيك، ما قدرت تكتسب أي جنسية.بعدها بكم سنة، تز...
26/08/2026

ليلى (مستعار) مولودة من أم مكتومة القيد من أصول باكستانية، ومن أب مجهول. ولهيك، ما قدرت تكتسب أي جنسية.

بعدها بكم سنة، تزوّجت أمها من رجل لبناني وصار عندها أربعة أولاد. ولأنّ الزوج تأخّر بتسجيل ولاداتهم، حاول يحمي ليلى بطريقة اعتقد إنّها رح تنقذها: نظّم إلها وثيقة ولادة على إنّها توأم ابنه الكبير، حتى تتسجّل معه.

بس لما قدّم دعوى القيد، ووصلت لفحص الحمض النووي، ليلى خافت تعمل الفحص، لأنّ الحقيقة رح تنكشف. والمحكمة رفضت إجراء الفحص لتوأمها من دونها.

وبالنتيجة، تسجّل 3 أولاد، وبقي ليلى وأخوها “التوأم” بلا قيد.
يعني بدل ما تلحق هي فيه بالحماية... لحق هو فيها بانعدام الجنسية.

هالقصة بتفرجينا إنّ التزوير، مهما كانت دوافعه، ما ممكن يكون حل لمشكلة. بالعكس، ممكن يخلق ضحايا جداد، ويعقّد حياة الأطفال أكتر.

الحلّ الحقيقي هو بإصلاح القوانين حتى تحمي كل الأطفال، مش بالالتفاف عليها.

#اقتراح قانون التسجيل المدني

Address

Hikmat Abou Khalil Bldg. , 3rd Floor Antelias Street, Badaro
Beirut

Opening Hours

Monday 09:00 - 19:00
Tuesday 09:00 - 19:00
Wednesday 09:00 - 19:00
Thursday 09:00 - 19:00
Friday 09:00 - 19:00

Telephone

+9611383556

Website

Alerts

Be the first to know and let us send you an email when Frontiers Rights - رواد الحقوق posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Frontiers Rights - رواد الحقوق:

Shortcuts

Share

Category