08/10/2026
ہنگل زبان: کوریا کی علمی شناخت و تہذیبی ورثہ کی منفرد داستان اور قومی شعور کی روشن علامت
ہنگل نل 한글날 (Hangeulnal) جنوبی کوریا کے اہم قومی تہواروں میں شامل ہے اور اس دن سرکاری تعطیل بھی ہے۔ یہ دن کوریائی رسم الخط 한글 (ہنگُل) کی تخلیق اور اس کی تاریخی اہمیت کی یاد میں منایا جاتا ہے۔
ہنگُل رسم الخط کی بنیاد 1443 میں بادشاہ سیہجونگ نے رکھی اس سلسلے میں کوریائی زبان کے لیے ایک باقاعدہ رسم الخط تیار کیا گیا اور 1446 میں اسے ہنمنجئونگوم 훈민정음 (Hunminjeongeum) کے نام سے باقاعدہ طور پر متعارف کرایا گیا۔ اس رسم الخط کا بنیادی مقصد یہ تھا کہ عام لوگ، جو چینی حروف 한자 (Hanja) کی پیچیدگی اور مشکلات کے باعث لکھنے پڑھنے سے محروم رہتے تھے وہ اپنی زبان کو آسانی سے پڑھ اور لکھ سکیں۔
ہنگُل زبان کی خصوصیت صرف اس کی سادگی نہیں بلکہ اس کی سائنسی ساخت اور صوتی اصولوں میں بھی ہے۔ اس کے بنیادی حروف انسانی بولنے کے اعضا کی ساخت اور آوازوں کی خصوصیات کو مدنظر رکھتے ہوئے ترتیب دیے گئے۔ اسی لیے ہنگُل کو دنیا کے منفرد اور منظم تحریری نظاموں میں شمار کیا جاتا ہے۔ دنیا کی بہت کم زبانیں ایسی ہیں جو "ٹونل لینگویج" کہلاتی ہیں کورین زبان ان میں سے ایک ہے۔
پاکستان بزنس ایسوسی ایشن کوریا کورین عوام کو 한글날 (یومِ ہنگُل) کی دلی مبارکباد پیش کرتی ہے۔ ہنگُل صرف ایک رسم الخط نہیں بلکہ کوریا کی تاریخ، علمی ترقی، ثقافتی شناخت اور قومی تشخص کی ایک روشن علامت ہے۔ ہم اس عظیم علمی ورثے کو خراجِ تحسین پیش کرتے ہوئے کوریا اور پاکستان کے درمیان باہمی احترام، ثقافتی روابط، علمی تعاون اور پائیدار اقتصادی تعلقات کے مزید فروغ کے لیے نیک خواہشات کا اظہار کرتے ہیں۔
میڈیا اینڈ پبلک ریلیشنز ونگ
پاکستان بزنس ایسوسی ایشن کوریا
