05/01/2026
#Гадаад #залуучууд #ажилчдыг #дэмжих #төсөл
Санхүүгийн байгууллагуудын нийтийн эрх ашгийн сан, хөдөлмөр хүний эрхийн төв хамтран “гадаад залуучууд, ажилчдыг дэмжих төсөл”-ийн гурав дахь удаагийн төслийн бүртгэл авч эхэллээ.
Төслийн зорилго :
Гадаад иргэдийг санхүүгийн хуримтлалтай болгох, ажилд ороход нь дэмжих, солонгос хэлний түвшин тогтоох (topik) шалгалтын хураамжаар дэмжих зорилгоор дараах төслүүдийг хэрэгжүүлж байна.
Хамрагдах визний төрлүүд :
E-2, E-6, E-7, E-9, E-10 визтэй гадаад иргэд
D-2, D-4 визтэй гадаад иргэдээс #хууль зүйн яамны тусгай журмаар визийн өөрчлөлт хийлгэсэн гадаад оюутан залуус
D-10 визтэй ажил хайж буй гадаад иргэд
F-1, F-2, F-3, F-4, F-5, F-6 төрлийн визтэй гадаад иргэд
G-1 визтэй иргэдийн хувьд дараах тохиолдолд хамрагдана. Хууль бус оршин сууж байгаад хүүхдийнхээ шугамаар G-1 визтэй болсон иргэд болон тэдний хүүхдүүд. Мөн БНСУ-д орогнол хүсэж, албан ёсоор хүлээн зөвшөөрөгдсөн G-1(난민 인정자) визтэй иргэд хамрагдана.
Олон соёлт гэр бүлийн насанд хүрсэн хүүхэд (다문화가정) залуучууд, солонгос иргэншилтэй байсан ч хамрагдах боломжтой. (귀화자도 가능)
■ Хэрэгжиж буй дөрвөн төсөл :
1. Гадаад залуучууд, ажилчдыг мөнгөн хуримтлалтай болоход дэмжих төсөл
(자산형성 지원 사업)
Төслийн хүрээнд хамрагдсан иргэд банканд хадгаламж нээж, 6 сар тутам автомат таталтаар татагдсан баримтаа манай төвд ирүүлнэ. Хадгалсан мөнгөний 20 хувийг 6 сар тутамд банкнаас тусад нь хадгаламжийн хугацааны явцад дэмжин олгоно.
(БНСУ-д 2 жилээс дээш хугацаанд оршин суусан, 18–39 насны иргэд) нийт 200 хүн.
2. Гадаад залуучууд, ажилчдын сургалтын гэрчилгээ авах болон ажил эрхлэх мэргэжил эзэмших сургалтыг дэмжих төсөл
(취업촉진 지원사업)
Төрөөс хүлээн зөвшөөрөгдсөн мэргэжлийн сургалтад хамрагдаж, мэргэжлийн үнэмлэх (자격증) эсвэл сургалтын гэрчилгээ (수료증) авсан тохиолдолд 300,000 воны дэмжлэг үзүүлнэ.
Үүнд дараах сургалтууд хамрагдана.
– Төрөөс зөвшөөрсөн хувийн мэргэжил олгох сургалт
– Хөдөлмөрийн яамнаас зөвшөөрсөн сургалтын байгууллага
– Улсын агентлаг, төрийн байгууллагаас зохион байгуулсан 8 цагаас дээш хугацаатай мэргэжлийн сургалт, дадлага
(БНСУ-д 1 жилээс дээш хугацаанд оршин суусан, 18–39 насны иргэд) нийт 200 хүн.
3. Гадаад залуучууд, ажилчдын ажилд орох ярилцлагад дэмжлэг үзүүлэх төсөл
(취업 면접 지원사업)
Ажлын ярилцлагад нэг удаа оролцоход 70,000 воны дэмжлэг үзүүлнэ. Нэг хүн нийт 3 удаагийн ярилцлагад оролцох боломжтой бөгөөд нийт 210,000 вон хүртэл дэмжлэг авна.
(БНСУ-д 1 жилээс дээш хугацаанд оршин суусан, 18–39 насны иргэд) нийт 200 хүн.
4. Гадаад залуучууд, ажилчдын солонгос хэлний түвшин тогтоох шалгалтын (topik) төлбөрийн хураамжийг дэмжих төсөл
(토픽 응시지원사업)
2025 оны 10 сараас эхлэн БНСУ-д зохион байгуулагдаж буй солонгос хэлний түвшин тогтоох шалгалтад оролцсон иргэд хамрагдах боломжтой.
Анхан шатанд 40,000 вон, дунд шатанд 50,000 воны дэмжлэг тус тус олгоно.
(БНСУ-д 1 жилээс дээш хугацаанд оршин суусан, 18 - 30 насны иргэд) нийт 1,000 хүн.
Бүртгэлийн хугацаа
2026.10 сар дуустал бүртгэл авна.
Тодорхой мэдээллийг доорх холбоо барих дугааруудаас авна уу.
Ажлын цаг: 10:00 – 17:00
Ажлын өдрүүд: даваа, лхагва, пүрэв, ням
Хадгаламжийн төсөл : 010-6790-6054
Ажил эрхлэх мэргэжил эзэмших сургалт: 010-6782-6055
Ажилд орох ярилцлага: 010-6782-6055
Topik шалгалтын төлбөрийн дэмжлэг: 010-6783-6056
Бүртгэлийг зөвхөн email-ээр хүлээн авна. Бүртгэлийн маягтыг доорх пост дээр дарж татаж авна уу.
노동인권회관/외국인이주노동자인권을위한 모임 – Just another WordPress site
- https://naver.me/F0tKfNMT
■ 2023.07.17 – 2024.07.30 / 2024.10.18 - 2025.10.30. хооронд хэрэгжсэн ижил төстэй төсөлд хамрагдсан иргэд энэ удаагийн төсөлд дахин хамрагдах боломжгүйг анхаарна уу.
