PNU - Myanmar Community

PNU - Myanmar Community Myanmar students of 부산대학교 Pusan National University - PNU

PNU Myanmar Alumni Association Introduction (2026-2027)မင်္ဂလာပါ~PNU မြန်မာကျောင်းသားများအဖွဲ့အစည်းကနေ ကြိုဆိုပါတယ်။ ဒီန...
18/08/2026

PNU Myanmar Alumni Association Introduction (2026-2027)

မင်္ဂလာပါ~

PNU မြန်မာကျောင်းသားများအဖွဲ့အစည်းကနေ ကြိုဆိုပါတယ်။ ဒီနေ့မှာတော့ လက်ရှိ PNU မြန်မာကျောင်းသားများအဖွဲ့အစည်းနဲ့တကွ ယခု ၂၀၂၆-၂၀၂၇ ပညာသင်နှစ်အတွက် တာဝန်ယူထားတဲ့ အဖွဲ့ဝင်များကို မိတ်ဆက်ပေးမှာပဲ ဖြစ်ပါတယ်။

ဘူဆန်အမျိုးသားတက္ကသိုလ် (Pusan National University) မှာ ပညာတော်သင် မြန်မာကျောင်းသူ/ကျောင်းသား ဦးရေဟာ တဖြည်းဖြည်းနဲ့ တိုးလာခဲ့ရာကနေ ယခု ၂၀၂၆ ခုနှစ်မှာတော့ အယောက် ၂၀၀ ဝန်းကျင်အထိ ရှိလာခဲ့ပြီ ဖြစ်ပါတယ်။

ယခုပို့စ်မှာတော့ ၂၀၂၆-၂၀၂၇ ပညာသင်နှစ်အတွက် အသစ်ဖွဲ့စည်းလိုက်တဲ့ ဥက္ကဋ္ဌ၊ ဒုဥက္ကဋ္ဌတို့နဲ့အတူ ယခင်နှစ်ဝက်ကနေ စတင်ဖွဲ့စည်းခဲ့ပြီး ယခုနှစ်ထိတိုင် ဆက်လက်တာဝန်ယူကြမယ့် အမှုဆောင်များ (Central Executive Committee members) တွေကို မိတ်ဆက်ပေးသွားမှာ ဖြစ်ပါတယ်။

၂၀၂၆-၂၀၂၇ ပညာသင်နှစ်အတွက် President Election ကျင်းပဖြစ်ခဲ့ပြီး ဝင်ရောက်ရွေးချယ်ခံသူ ၂ ဦးထဲကမှ မဲအများဆုံး ရရှိသူ ကိုကျော်ဇောထွန်းက ဥက္ကဋ္ဌ ရာထူးနှင့် ဒုတိယ မဲအများဆုံး ရရှိသူ မခြူးသန့်သဉ္ဇာက ဒုဥက္ကဋ္ဌအဖြစ် အသီးသီး ရွေးချယ်တာဝန်ပေးအပ်ခံခဲ့ရပါတယ်။ ဒါကြောင့် ယခင်နှစ်ဝက်တွင် တာဝန်ယူခဲ့ကြသော မအေးချမ်းပွင့်ဖြူ (ယခင်ဥက္ကဋ္ဌ) နှင့် ကိုဟိန်းဇော်ခန့် (ယခင်ဒုဥက္ကဋ္ဌ) တို့ကနေ တာဝန်လွှဲပြောင်းပေးအပ်ကာ PNU Myanmar Alumni Association ကို ယခင် CEC အဖွဲ့ဝင်များနဲ့အတူတကွ ကိုကျော်ဇောထွန်းနှင့် မခြူးသန့်သဉ္ဇာတို့မှ ၂၀၂၆-၂၀၂၇ ပညာသင်နှစ်အတွက် တာဝန်ယူ ဆောင်ရွက်ပေးကြမှာဖြစ်ပါတယ်ခင်ဗျာ။

ဥက္ကဋ္ဌ၊ ဒုဥက္ကဋ္ဌနဲ့အတူ ယခင်နှစ် CEC အမှုဆောင်အဖွဲ့များနဲ့တကွ အဖွဲ့ဝင်တွေကတော့ -

1. Event Organizing Team

MT, Gathering စတဲ့ ကျောင်းသားတွေအတွက် ပျော်ရွှင်စရာ အဖွဲ့အစည်းလိုက် လှုပ်ရှားမှုတွေကို စီစဉ်ကြီးကြပ် တာဝန်ယူပေးထားတဲ့အဖွဲ့နဲ့ အဖွဲ့ဝင်များဖြစ်ကြတဲ့ -
- Nyi Oakkar Lin
- Yoon Po Po Aung
- Suu Lai Nwe
- Yoon Thiri Zaw
- Ei Pwint Phyu (LEI)

2. Information & Communication Team

မြန်မာကျောင်းသူ/ကျောင်းသားတွေကြား အပြန်အလှန် ဆက်သွယ်မှုနဲ့ သတင်းကွန်ရက်တွေကို ချိတ်ဆက်ပြီး သက်ဆိုင်ရာ သတင်းအချက်အလက်များကို အစဉ်အမြဲ အချိန်နဲ့တပြေးညီ အသိပေးဖို့အပြင် ကျောင်းသူ/ကျောင်းသားများရဲ့ ကြားခံကိုယ်စားပြုအဖြစ် PR role ကိုပါ တာဝန်ယူထားတဲ့အဖွဲ့နဲ့ အဖွဲ့ဝင်များဖြစ်ကြတဲ့ -
- Hnin Ohnmar Wai
- Myat Thu Khaing
- Thae Htet Su
- May Thet Myat Noe
- Soe Thet Tin (LEI)

3. Digital Media Team

အဖွဲ့အစည်းကလုပ်တဲ့ ကျောင်းတွင်းကျောင်းပြင် လှုပ်ရှားမှုတွေကို လူမှုကွန်ရက်တွေအားလုံးမှာ မှတ်တမ်းအဖြစ် ကျန်ခဲ့စေဖို့နဲ့ အဲ့ဒီမှတ်တမ်းတွေကို တည်းဖြတ်ခြင်း၊ ပြုပြင်ခြင်း၊ ဖန်တီးခြင်း၊ ပြင်ဆင်ခြင်းတွေအတွက် တာဝန်ယူထားပြီး PNU Myanmar Community ရဲ့ လူမှုကွန်ရက်များကို တာဝန်ယူထားတဲ့ အဖွဲ့နဲ့ အဖွဲ့ဝင်များဖြစ်ကြတဲ့ -
- Tay Zar Linn
- Myat Po Po Aung
- Than Thar Yin Thu
- Htet Nai Lynn
- Hein Tay Zar (LEI)

4. Finance Team

အဖွဲ့အစည်းရဲ့ ငွေကြေးသုံးစွဲမှုနဲ့ ရန်ပုံငွေကိုင်တွယ်ခြင်း အစရှိတာတွေကို မှတ်တမ်းတင် စီမံကွပ်ကဲပေးနေတဲ့ အဖွဲ့နဲ့ အဖွဲ့ဝင်များဖြစ်ကြတဲ့ -
- Myo Kaung Ko
- Nang Hein Kham တို့ဖြစ်ပါတယ်။

ယခင်နှစ် ဥက္ကဋ္ဌဟောင်း၊ ဒုဥက္ကဋ္ဌဟောင်းတို့နဲ့အတူ CEC အဖွဲ့ဝင်ဟောင်းများရဲ့ ပူးပေါင်းဆောင်ရွက်မှုတွေနဲ့အတူ မြန်မာပြည် ငလျင်ဘေးအတွက် ရန်ပုံငွေရှာဖွေခြင်း၊ မြန်မာကျောင်းသားများ တွေ့ဆုံပွဲ MT event နဲ့တကွ တောင်တက်ခရီးစဉ်၊ လွတ်လပ်ရေးနေ့ အားကစားလှုပ်ရှားမှု၊ ကျောင်းသားသစ်တွေ့ဆုံကြိုဆိုပွဲ အစရှိတာတွေကို အတူတကွ အောင်အောင်မြင်မြင်နဲ့ ပြုလုပ်နိုင်ခဲ့တာကိုလည်း မြင်တွေ့ခဲ့ရမှာပါ။ မြန်မာကျောင်းသူ/ကျောင်းသားများကိုယ်စားပြုအနေနဲ့ ကျောင်းတွင်းလှုပ်ရှားမှုတွေမှာ ပါဝင်ခဲ့တာတွေလည်း ရှိသလို တက္ကသိုလ်ပြင်ပ လှုပ်ရှားမှုတွေကိုလည်း စီစဉ်ဆောင်ရွက်ပေးခဲ့ပါတယ်။ အထူးသဖြင့် ငလျင်ဒဏ်သင့် မြန်မာကျောင်းသားများအတွက် PNU International Office မှ ပညာသင်ဆု ထောက်ပံ့ပေးခဲ့သည့် အစီအစဉ် ဖြစ်လာသည်အထိ တွန်းအားပေးနိုင်ခဲ့ခြင်းက ထင်ရှားတဲ့ ရလဒ်တစ်ခုအဖြစ် သက်သေထူနိုင်ခဲ့ပါတယ်။

ရှေ့ဆက်ပြီးတော့ ၂၀၂၆-၂၀၂၇ ပညာသင်နှစ်အတွက် အသစ်ဖွဲ့စည်းထားတဲ့ PNU Myanmar Alumni Association အနေနဲ့လည်း ဘူဆန်တက္ကသိုလ် မြန်မာကျောင်းသားတွေအတွက် အမှတ်ရစရာ အစီအစဉ်တွေ အတတ်နိုင်ဆုံး အများအပြား ပြုလုပ်ပေးသွားဖို့ ရှိတာမလို့ အဖွဲ့အစည်းက ဦးဆောင်ပြုလုပ်ပေးတဲ့ ပွဲတွေနဲ့ လှုပ်ရှားမှုတွေမှာ တက်တက်ကြွကြွ ပါဝင်ပေးသွားကြဖို့ တောင်းဆိုလိုက်ပါတယ်။

ကျောင်းသူ/ကျောင်းသားတွေအတွက် စိတ်ဖိစီးမှုတွေများတဲ့ နိုင်ငံရပ်ခြား ပညာသင်ခရီးမှာ ခဏတာလေးပဲဖြစ်ဖြစ် ပျော်ရွှင်ကြည်နူးစရာကောင်းတဲ့ တက္ကသိုလ်နေ့ရက်များကို ပိုင်ဆိုင်နိုင်အောင် PNU Myanmar Alumni Association CEC အဖွဲ့ဝင်များက အတူတူ တာဝန်ယူ ကြိုးစားပေးမှာဖြစ်လို့ ဆက်လက် စောင့်ကြည့်ပေးကြပါဦး။

အဆုံးထိ ဖတ်ရှုပေးကြတဲ့အတွက် ကျေးဇူးတင်ပါတယ်။ ကောင်းသောနေ့ရက်များကို ပိုင်ဆိုင်နိုင်ပါစေ။

PNU Myanmar Alumni Association



PNU Myanmar Community 2026 Spring Semester Activities Recap🍃🌼အားလုံးဘဲ မင်္ဂလာပါခင်ဗျာ။ 2026 Spring Semester အတွင်းPNU M...
07/07/2026

PNU Myanmar Community 2026 Spring Semester Activities Recap🍃🌼

အားလုံးဘဲ မင်္ဂလာပါခင်ဗျာ။

2026 Spring Semester အတွင်း
PNU Myanmar Community မှ ပြုလုပ်ခဲ့တဲ့ activities တွေ ရဲ့ အနှစ်ချုပ် highlights လေးတွေကို ဒီ post မှာ မျှဝေသွားမှာဖြစ်ပါတယ်ခင်ဗျ။

President: Aye Chan Pwint Phyu
Vice President: Hein Zaw Khant

Timeline of Key Activities

March 2026
- PNU Myanmar Community activities များအတွက် CEC Members များခေါ်ယူဖွဲ့စည်းခြင်း၊
- Student Event Preference Survey ကောက်ခံခြင်း၊
- 2026 Spring Semester Freshman Orientation ပြုလုပ်ခြင်း၊
- PNU International Office မှအခွင့်အလမ်းများအား စဉ်ဆက်မပြတ် မျှဝေခြင်း၊
- Freshman များအတွက် PNU Alumni Website မိတ်ဆက်ခြင်းနှင့် Registration ပြုလုပ်ခြင်း၊
- PNU Language Education Institute (LEI) Scholarship အကြောင်း မျှဝေခြင်း။

April 2026
- BUFS မှ ဦးဆောင်ပြုလုပ်သော သင်္ကြန်ပွဲတွင် PNU Myanmar Community မှ ပူးပေါင်းပါဝင်အားဖြည့်ဆင်နွှဲခြင်း၊
- PNU international မှ အခွင့်အလမ်းများ စဉ်ဆက်မပြတ် မျှဝေခြင်း၊
- Community Fundraising အတွက် ရည်ရွယ်၍ PNU Myanmar Windbreaker များ ဖန်တီးပြုလုပ်ရောင်းချခြင်း၊
- ကိုရီးယားတက္ကသိုလ်များရဲ့ Credit System နှင့် အတန်းလျှောက်ထားခြင်း(Course Registration)များ အကြောင်း သိကောင်းစရာများ မျှဝေခြင်း။

May 2026
- PNU Myanmar Community ၏ ဒုတိယ အကြိမ်မြောက် MT ပြုလုပ်ခြင်း၊
- PNU International Food & Culture Festival 2026 တွင် မြန်မာ booth နှစ်ခုဖြင့် ပါဝင်အားဖြည့်ခြင်း၊
- PNU international မှ အခွင့်အလမ်းများ စဉ်ဆက်မပြတ် မျှဝေခြင်း၊
- Major မိတ်ဆက် အပိုင်းများ အပတ်စဉ် စီစဉ်ကာ ကျောင်းသား/သူများအတွက် အထောက်အကူဖြစ်စေသော အကြောင်းအရာများ မျှဝေခြင်း။

June 2026
- PNU International Office မှအခွင့်အလမ်းများအား စဉ်ဆက်မပြတ် မျှဝေပေးခြင်း။

စသည်တို့ဘဲ ဖြစ်ပါတယ်ခင်ဗျာ။

ဒါ့အပြင် PNU Myanmar Community အနေနဲ့ page, Facebook Group, Facebook Account, Instagram page, Kakao Group နဲ့ Kakao Channel များမှာ စဉ်ဆက်မပြတ် PNU Myanmar ကျောင်းသားကျောင်းသူများအတွက် ကျောင်းနဲ့ ပတ်သက်တဲ့ အကြောင်းအရာ၊ အခွင့်အလမ်းများကို social mediaများမှတစ်ဆင့် မျှဝေပေးနေတဲ့အပြင် PNU Alumni Website မှာလည်း content တွေ တင်ပေးနေတာမို့ updated ဖြစ်ဖို့ ဝင်ရောက်ကြည့်ရှုပေးရန်လည်း မေတ္တာရပ်ခံပါတယ်ခင်ဗျာ။🙋‍♂️

https://pnualumni.pusan.ac.kr/eng/html/community/country.php?ct=MMR

ဒါဆို အားလုံးဘဲ နောက် semester တွေမှာ အသစ်အသစ်သော activities တွေနဲ့ အားလုံး ပြန်ဆုံကြမယ်နော်။

ပျော်ရွှင်စရာ 방학 လေး တစ်ခုဖြစ်ဖို့ အားလုံးအတွက် PNU Myanmar မှ ဆန္ဒပြုရင်း နိဂုံးချုပ်လိုက်ပါတယ်ခင်ဗျာ။🫂

‎


#2026

ဘူဆန်တက္ကသိုလ်မှာရှိတဲ့ မြန်မာသူငယ်ချင်းတွေ အားလုံး စုစုစည်းစည်းနဲ့ ဖြတ်သန်းခဲ့ရတဲ့ မမေ့နိုင်စရာ MT ခရီးစဉ်လေးတစ်ခု ... ...
04/06/2026

ဘူဆန်တက္ကသိုလ်မှာရှိတဲ့ မြန်မာသူငယ်ချင်းတွေ အားလုံး စုစုစည်းစည်းနဲ့ ဖြတ်သန်းခဲ့ရတဲ့ မမေ့နိုင်စရာ MT ခရီးစဉ်လေးတစ်ခု ...

အခုအချိန်ထိ ဖုန်းထဲက ပုံရိပ်တွေကို ပြန်ကြည့်ရင်း ပျော်စရာ အမှတ်တရတွေကို သတိရမိတုန်းပါပဲ။
‎ညနေခင်း 송정 ကမ်းခြေရဲ့ သဲသောင်ပြင်ပေါ်မှာ အားရပါးရ ကစားနည်းမျိုးစုံ ကစားခဲ့ကြတာတွေက တကယ့်ကို စိတ်ကြည်နူးစရာပါပဲ။ အတန်းထဲက သူငယ်ချင်းတွေ၊ စီနီယာတွေရဲ့ တစ်ခါမှမမြင်ဖူးတဲ့ အလွဲအချော် ကစားဟန်တွေကို မြင်ရတာ တကယ်ကို ပျော်စရာကောင်းခဲ့ပါတယ်။
‎ညဘက်ကျတော့လည်း MT ရဲ့ အသက်ဖြစ်တဲ့ အသားကင်ပါတီလေးနဲ့အတူ တစ်ယောက်နဲ့တစ်ယောက် ပိုပြီး ရင်းနှီးသွားစေဖို့ စကားတွေ ပြောဖြစ်ခဲ့ကြတယ်။ တော်တော်နဲ့မအိပ်ဘဲ မိုးလင်းတဲ့အထိ အတူတူ ဝိုင်းဖွဲ့ရယ်မောခဲ့ကြတဲ့ moment တွေကလည်း အခုထိ ရင်ထဲမှာ လန်းဆန်းနေတုန်းပါပဲ။
‎ခရီးစဉ်တစ်ခုလုံး အစအဆုံး ပျော်စရာဖြစ်အောင် ဝိုင်းဝန်းဖန်တီးပေးခဲ့ကြသူအားလုံးကို ကျေးဇူးတင်ပါတယ်။

ဒီနှစ် မလိုက်ဖြစ်ခဲ့တဲ့ သူငယ်ချင်းတွေလည်း ပုံလေးတွေကြည့်ပြီး နောက်နှစ်ကျရင်တော့ လက်လွတ်မခံတမ်း အတူတူ ဆုံကြဖို့ ဖိတ်ခေါ်လိုက်ပါတယ်နော်... We missed you all! 🫶✨

‎

The 8th International Food & Culture Festival of PNU🌟မင်္ဂလာပါPNU Myanmar Community ကနေပြန်လည်ကြိုဆိုလိုက်ပါတယ်ခင်ဗျာ။ဒီ...
29/05/2026

The 8th International Food & Culture Festival of PNU🌟

မင်္ဂလာပါ
PNU Myanmar Community ကနေပြန်လည်ကြိုဆိုလိုက်ပါတယ်ခင်ဗျာ။
ဒီနေ့မှာတော့ ပြီးခဲ့တဲ့ မေလ 22ရက်နေ့က Pusan National University မှာ ပြုလုပ်ခဲ့တဲ့ International food and culture festival နဲ့ ပတ်သတ်တဲ့ အမှတ်တရလေးတွေကို ပြန်လည်မျှဝေပေးပါမယ်ခင်ဗျာ။
ဒီပွဲလေးကတော့ Pusan National University ရဲ့ CEIT Department of Global Studies ကနေ ဦးဆောင်ကျင်းပတဲ့ ပွဲလေးတစ်ပွဲဖြစ်ပြီး နိုင်ငံတကာကျောင်းသားတွေကနေ မိမိတို့နိုင်ငံ ကိုယ်စားပြု အစားအသောက်တွေနဲ့အတူ ရိုးရာဝတ်စုံ၊ ရိုးရာယဉ်ကျေးမှုတွေကို ပြသကြတဲ့ ပွဲတစ်ခုအ‌နေနဲ့ကျင်းပခဲ့ပါတယ်။ နိုင်ငံပေါင်း ၁၃နိုင်ငံပါဝင်ပြသခဲ့တဲ့ ဒီပွဲလေးမှာဆိုရင် ကမ္ဘာအရပ်ရပ် နိုင်ငံအသီးသီးမှ ကျောင်းသားကျောင်းသူတွေအကြား ရိုးရာယဉ်ကျေးမှု နှီးနှောဖလှယ်ကြရင်း သူ့နိုင်ငံ၊ ကိုယ့်နိုင်ငံအစားအသောက်တွေကိုလည်း မြည်းစမ်းခွင့် ရခဲ့ကြသလို အဲ့ဒီနိုင်ငံတွေရဲ့ ရိုးရာ ယဉ်ကျေးမှုနဲ့တကွ ရိုးရာဝတ်စားဆင်ယင်မှုအချို့ကိုလည်း မြင်တွေ့ခဲ့ရပါတယ်ခင်ဗျာ။

ဒီပွဲလေးမှာ အခြားနိုင်ငံများနဲ့အတူ ကျွန်တော်တို့ မြန်မာနိုင်ငံအနေနဲ့လည်း ကိုယ်စားပြုပါဝင်ခဲ့ပါသေးတယ်။ မြန်မာကျောင်းသားကျောင်းသူတွေစုပေါင်းပြီး မြန်မာမှာ ထင်ရှားတဲ့ အစားအသောက်‌တွေဖြစ်တဲ့ လက်ဖက်သုပ်၊ နန်းကြီးသုပ်၊ မုန့်ဟင်းခါး၊ ဘိန်းမုန့်၊ လက်ဖက်ရည်တို့နဲ့ တည်ခင်းဧည့်ခံပေးခဲ့ကြတဲ့အပြင် မြန်မာ့တိုင်းရင်းသားရိုးရာဝတ်စုံများအား ထုတ်ဖော်ပြသခဲ့ပြီး မြန်မာပြည်ရဲ့ သနပ်ခါးလိမ်းတဲ့ယဉ်ကျေးမှုကို ပွဲလာရောက်သူတွေကိုယ်တိုင်ခံစားသိရှိနိုင်စေဖို့ စီစဉ်ပေးခဲ့ကြပါ‌သေးတယ်။ ကျောင်းသားကျောင်းသူတွေအနေနဲ့ ပျော်ပျော်ပါးပါး နိုင်ငံတကာအစားအသောက်တွေ မြည်းစမ်းကြရင်း မတူညီတဲ့ နိုင်ငံတွေရဲ့ ရိုးရာယဉ်ကျေးမှု ဓလေ့ထုံးတမ်းတွေကိုပါ သိရှိခွင့်ရခဲ့ကြတဲ့အတွက် အလွန် တန်ဖိုးရှိတဲ့အမှတ်တရလေးတစ်ခုဖြစ်ခဲ့မှာ အသေချာပါပဲခင်ဗျာ။
PNU Myanmar Community အနေနဲ့ ဒီပွဲလေးမှာ အဖက်ဖက်က ပါဝင်ခဲ့ကြတဲ့ ကျောင်းသားကျောင်းသူတွေကို ချီးကျူးဂုဏ်ပြုစကားဆိုရင်း ပွဲနေ့ရဲ့ အမှတ်တရဓာတ်ပုံတွေကို ပြန်ဝေမျှပေးလိုက်ပါတယ်ခင်ဗျာ။

‎


Major မိတ်ဆက် အပိုင်း (၅) 🏫‎မင်္ဂလာပါခင်ဗျ။ PNU Myanmar Community ရဲ့ Major မိတ်ဆက်အစီအစဉ် အပိုင်း (၅) ကနေ ပြန်လည်ကြိုဆိ...
24/05/2026

Major မိတ်ဆက် အပိုင်း (၅) 🏫
‎
မင်္ဂလာပါခင်ဗျ။ PNU Myanmar Community ရဲ့ Major မိတ်ဆက်အစီအစဉ် အပိုင်း (၅) ကနေ ပြန်လည်ကြိုဆိုလိုက်ရပါတယ်ဗျ။
‎
‎ဒီတစ်ခေါက်မှာတော့ အခုခေတ်မှာ လူငယ်တွေ စိတ်ဝင်စားမှု အများဆုံးဖြစ်တဲ့ Computer Science & Engineering ဘက်ကို စိတ်ဝင်စားနေသူတွေ၊ အထူးသဖြင့် ကိုရီးယားနိုင်ငံ ဘူဆန်တက္ကသိုလ် (Pusan National University) မှာ ဒီ Major နဲ့ ပတ်သက်ပြီး ကျောင်းတက်ဖို့ ပြင်ဆင်နေတဲ့ ညီငယ် ညီမငယ်တွေအတွက် ရည်ရွယ်ပြီး Computer Science & Engineering ကို another perspective အပိုင်း (၂) အနေနဲ့ ပြင်ဆင်ထားပါတယ်ခင်ဗျ။
‎
‎ကဲ" ဒီတစ်ခေါက် အတွေ့အကြုံကို မိတ်ဆက်မျှဝေပေးမယ့်သူကတော့ အခုလက်ရှိ ဘူဆန်တက္ကသိုလ်(Pusan National University)မှာ Computer Science and Engineering Major နဲ့ 4th Year 1st Semester တက်ရောက်နေတဲ့ စီနီယာအစ်မ "သဒ္ဒါစိုး" ဖြစ်ပြီး ကျောင်းတက်ရင်း ကြုံတွေ့ခဲ့ရတဲ့ Experiences တွေ၊ Major လျှောက်ဖြစ်ခဲ့ပုံနဲ့ ကြိုတင်ပြင်ဆင်ထားသင့်တဲ့ အချက်အလက်တွေကို ဂျူနီယာတွေအတွက် စေတနာအပြည့်နဲ့ ပွင့်ပွင့်လင်းလင်း ခံစားချက်ပါပါ အမေးအဖြေပုံစံနဲ့ အသေးစိတ်မျှဝေပေးထားပါတယ်‌နော်။
‎
‎ပထမဆုံးမေးခွန်း - ဒီမေဂျာမတက်ခင် ဘယ်အချက်တွေ ကြိုသိခဲ့ရရင် ပိုကောင်းမယ်လို့ ထင်မိလဲခင်ဗျ?
‎
‎အဖြေ - ဒီမေဂျာကို တက်ဖို့ စိတ်ဝင်စားနေတဲ့‌ မောင်ငယ်၊ ညီမငယ်တွေအတွက် ကြိုသိထားရင် အများကြီး အထောက်အကူပြုမယ့် အချက်ကြီး (၃) ချက်ကို အစ်မ အတွေ့အကြုံအရ မျှဝေပေးချင်ပါတယ်။
‎ - ပထမအချက်ကတော့ "ဘာသာရပ် ရွေးချယ်တဲ့ (Elective Courses)" အပိုင်းပါ။ တက္ကသိုလ်တက်ရင် ကိုယ်သင်ချင်တဲ့ ဘာသာရပ်တွေကို စိတ်ကြိုက်ရွေးပြီး တက်ရမယ်လို့ အများစုက ထင်ကြမှာပါ။ ဒါပေမဲ့ တကယ်တမ်း (၃) နှစ်တာ ကာလပတ်လုံးမှာတော့ ဘွဲ့ရဖို့အတွက် လိုအပ်တဲ့ Credit တွေ ပြည့်အောင် ကျောင်းက သတ်မှတ်ထားတဲ့ မေဂျာအတန်း အကုန်လုံးနီးပါးကို မဖြစ်မနေ လိုက်တက်ခဲ့ရတာမလို့ ကိုယ်ပိုင်ရွေးချယ်ခွင့် သိပ်မရှိခဲ့ပါဘူး။ အခု 4th Year, 1st Semester ရောက်ခါမှသာ ကိုယ်တက်ချင်တဲ့ ဘာသာရပ်တွေကို စိတ်ကြိုက်ရွေးချယ်ခွင့် ရလာတာပါ။ ဒါကြောင့် အစပိုင်းနှစ်တွေမှာတော့ ဘာသာရပ် ရွေးချယ်စရာ သိပ်မရှိဘူးဆိုတာကို ကြိုပြီး Mindset ပြင်ထားရင် ပိုကောင်းပါလိမ့်မယ်။
‎ - ဒုတိယအချက်ကတော့ အရေးကြီးဆုံးဖြစ်တဲ့ သင်္ချာ (Mathematics) အပိုင်းပဲ။ ဒီမေဂျာမှာ Computer Science ရော၊ Engineering ပိုင်းပါ တွဲပါတာမလို့ သင်္ချာက မဖြစ်မနေ လိုအပ်သလို အခက်အခဲဆုံး အပိုင်းလည်း ဖြစ်ပါတယ်။ အစ်မတို့ မြန်မာပြည်က High School မှာ သင်ခဲ့ရတဲ့ သင်္ချာအဆင့်နဲ့ ဒီက တက္ကသိုလ်အဆင့်က အများကြီး ကွာခြားပါတယ်။ ဥပမာ- Function တွေ၊ Integration တွေဆိုရင် တို့က အသေးစိတ် မသင်ခဲ့ရသေးတဲ့ အချိန်မှာ၊ ဟိုဘက်က Local ကျောင်းသားတွေက High School ကတည်းက အဆင့်မြင့်သင်္ချာတွေကို Basic အနေနဲ့ အစောကြီး ကတည်းက တတ်ထားပြီးသား ဖြစ်နေကြတာ။ ဒါကြောင့် "သူတို့နဲ့ ကိုယ့်ရဲ့ အခြေခံစမှတ် (Starting Point) မတူဘူး" ဆိုတာကို အရင်ဆုံး လက်ခံထားဖို့ လိုပါတယ်။ ကြိုတင်ပြီးတော့လည်း သင်္ချာကို သေချာ Practice လုပ်လာခဲ့ရင် ပိုပြီး အဆင်ပြေမှာပါ။
‎ - နောက်ဆုံးအချက်ကတော့ "စိတ်ပိုင်းဆိုင်ရာ (Mindset & Stress Management)" ပါပဲ။ အစ်မကိုယ်တိုင် 1st Year, 1st Semester တုန်းကဆိုရင် ဘေးကကိုရီးယားကျောင်းသားတွေက Game လုပ်တာတွေ၊ Texture ပိုင်းတွေအထိ လုပ်နေကြပြီဖြစ်ပေမဲ့ ကိုယ်ကတော့ သင်္ချာတောင် သေချာနားမလည်သေးတာမလို့ အရမ်းကို စိတ်ဓာတ်ကျပြီး Stress ရခဲ့ဖူးတယ်။ အကယ်၍ ကိုယ်က ဒီလိုအခြေအနေမျိုးကို Handle မလုပ်နိုင်ရင် တကယ်ကို အခက်အခဲဖြစ်မှာပါ။ ဒါကြောင့် စစချင်းမှာ စာမလိုက်နိုင်တာ၊ ခက်ခဲနေတာဟာ "သဘာဝကျပါတယ်" ဆိုတာကို လက်ခံထားဖို့ လိုပါတယ်။ အဓိကက စိတ်မပျက်ဘဲ ကိုယ့်ဘက်က အစကနေ ပြန်ကြိုးစားပြီး စာလိုက်နိုင်အောင် လုပ်သွားမယ်ဆိုရင်တော့ အဆင်ပြေသွားမှာ စိတ်ချပါနော် ။
‎
‎မေးခွန်း နံပါတ် (၂) - ဒီမေဂျာကို ဘာကြောင့် လျှောက်ဖြစ်ခဲ့တာလဲခင်ဗျ?
‎
‎အဖြေ - ဒါက အစ်မကိုယ်တိုင်လည်း ကိုယ့်ကိုယ်ကိုယ် ခဏခဏ ပြန်မေးဖြစ်တဲ့ မေးခွန်းပေါ့လေ။ တကယ်တမ်း မြန်မာပြည်မှာ ဆယ်တန်းအောင်ပြီးစတုန်းက ဘာမှသေချာမသိဘဲ ဒါနဲ့ပတ်သတ်ပြီး ဝေခွဲမရဖြစ် အတွေးတွေ ရှုပ်နေခဲ့ဖူးတာ။ အစ်မဘဝမှာ "သေချာရေရာတာ ဘာမှမရှိဘူး" ဆိုတဲ့ အတွေးမျိုးတွေ တွေးမိခဲ့ဖူးတယ်။
‎ဒါပေမဲ့ အစ်မရဲ့ အစ်ကိုအရင်းကလည်း Computer Science နဲ့ပဲ ဘွဲ့ရထားတာဖြစ်သလို၊ အိမ်က ဦးလေးကလည်း ဒီလို Computer ပိုင်းနဲ့ ပတ်သက်တဲ့ အလုပ်ကိုပဲ လုပ်တာဆိုတော့ ပတ်ဝန်းကျင်နဲ့ မိသားစုရဲ့ လွှမ်းမိုးမှု အနည်းငယ် ရှိခဲ့တယ်။ နောက်ပြီး အစ်မ ကျောင်းစတက်တဲ့ ၂၀၂၂ - ၂၀၂၃ ကာလတုန်းက LLM တွေ၊ AI နည်းပညာတွေ စပြီး အရမ်း Hot ဖြစ်ပြီး စနိုးထလာတဲ့ အချိန်ပေါ့။ အဲ့တုန်းကဆိုရင် ChatGPT က အခုလောက်ထိ လူတိုင်းနေရာအနှံ့ သုံးနေတဲ့ အဆင့်ထိတော့ မဟုတ်သေးဘူးပေါ့။ အဲဒါကြောင့် ဒီလို ခေတ်ရေစီးကြောင်းတွေ၊ မိသားစုရဲ့ လမ်းညွှန်မှုတွေနဲ့ပဲ "ဒီလမ်းကြောင်းပေါ် လည်ပတ်ရင်း ရောက်လာပြီး လျှောက်ဖြစ်ခဲ့တာပါ" လို့ ပြောရမှာပဲ။

‎မေးခွန်းနံပါတ် (၃) - ဒီမေဂျာတက်ပြီးမှ ပိုသိလိုက်ရတဲ့ အချက်လေးတွေ ရှိရင် မျှဝေပေးပါဦးခင်ဗျ။
‎
‎အဖြေ - အင်း... တက်ပြီးမှ ပိုသိလာရတဲ့ လက်တွေ့ကျတဲ့ အချက်တွေကတော့ တော်တော်များများရှိတယ်၊ အဓိက အချက်တွေကို ပြောပြရရင် -
‎ - ပထမအချက်က "Enjoy ဖြစ်တဲ့သူနဲ့ ကြိုးစားတဲ့သူ" ရဲ့ ကွာခြားချက်ပဲ။ စာကြိုးစားရုံနဲ့တင် မဟုတ်ဘဲ ဒီ Programming ကို တကယ် ဝါသနာပါလို့ ပျော်ပျော်ရွှင်ရွှင်နဲ့ လုပ်တဲ့သူတွေရဲ့ Vibe က လုံးဝကို ကွာခြားတယ်။ နှစ်ယောက်လုံး အခြေအနေတစ်ခုမှာ အတူတူ ရှိနေနိုင်တယ် ဆိုပေမဲ့ တကယ့် အနှစ်သာရချင်း မတူနိုင်ဘူး။ အစ်မတို့မေဂျာမှာ တကယ်ကို Programming ကို ပျော်လို့၊ လုပ်ချင်လို့ လုပ်တဲ့သူတွေရှိသလို၊ အစ်မလိုပဲ လမ်းကြောင်းအရ ရောက်လာလို့ လိုက်လုပ်နေရတဲ့သူတွေလည်း ရှိတယ်။ ကြိုးစားရင် ကြိုးစားသလောက် နေရာတစ်ခုမှာ အတူတူရှိနေနိုင်တယ် ဆိုပေမဲ့၊ ကိုယ်က ဝါသနာမပါဘဲ ဒီအတိုင်း လိုက်နေရုံပဲဆိုရင် ပိုပြီးတော့လည်း စိတ်ပင်ပန်းရတတ်တယ်။ ဒါကြောင့် ဒါကို တကယ်ကြိုက်တဲ့သူတွေ လာရင်တော့ အကောင်းဆုံးဖြစ်မှာပါ။
‎ - ဒုတိယအချက်က "ကျောင်းစာတင် လုပ်နေလို့ မရဘူး" ဆိုတာပဲ။ တခြားမေဂျာတွေတော့ မသိ‌ပေမယ့် အစ်မတို့မေဂျာကတော့ ကျောင်းစာပဲလုပ်၊ ကျောင်းမှာပဲ အမှတ်ကောင်းရနေရုံနဲ့ ဘာမှလုပ်လို့မရဘူး။ ကျောင်းစာအမှတ်ကောင်းရုံနဲ့တင် အလုပ်ကောင်းကောင်း ချက်ချင်းရဖို့ မလွယ်တော့ဘူး။ အခုနောက်ပိုင်း ကိုရီးယားက ကုမ္ပဏီအများစုက "Blind Recruitment" စနစ်ကို ပိုသုံးလာကြတယ်။ ကျောင်းက Grade တွေ၊ အမှတ်တွေ၊ ကျောင်းနာမည်တွေကို သိပ်မကြည့်‌တော့ဘဲ ကိုယ့်ရဲ့ Experience တစ်ခုတည်းကိုပဲ ကြည့်ပြီး အလုပ်ခန့်ကြတော့တာ။ နောက်ပြီး မေဂျာမဟုတ်တဲ့သူတွေ (Non-majors) ကပါ ကိုယ့်ဘာသာကိုယ် ပြင်ပမှာ လေ့လာပြီး ဒီ Field ထဲ တိုးဝင်လာကြတာ အရမ်းများနေပြီ။ ဒါကြောင့် သူတို့နဲ့ ယှဉ်နိုင်ဖို့ဆိုရင် ကျောင်းပြင်ပ ပြိုင်ပွဲတွေ ကိုယ့်ဘာသာကိုယ် ရှာပြီး ဝင်ပြိုင်တာ (Hackathon စတာတွေ) နဲ့ Extra-curricular တွေကို အပြင်မှာ ကြိုးစားပြီး ကိုယ့်အစီအစဉ်နဲ့ကိုယ် Portfolio တည်ဆောက်ထားဖို့က ကိုယ့်အပေါ်မှာပဲ လုံးဝမူတည်ပြီး အရမ်းအရေးကြီးတယ်။
‎- တတိယအချက်က Grade ပေးတဲ့ Policy အပိုင်းပဲ။ ပုံမှန် ဘူဆန်တက္ကသိုလ် (PNU) ရဲ့ Grading Policy အရ Top 20% အထိကို A+ ပေးလို့ရပြီး၊ နောက်ထပ် 30% ကို A (A+ နဲ့ A0 ပေါင်းရင် 30%) ပေးလို့ရတယ်။ B0 အထိကို 70% အထိ ပေးလို့ရပြီး ကျန်တဲ့အောက်ပိုင်း 30% ကတော့ C+ ကနေ F အထိ ပေးတာပေါ့။ ဒါပေမဲ့ တို့ မေဂျာကတော့ 학과 내규 (Department Regulation) သီးသန့်ရှိတယ်။ အရင်တုန်းက Grade တွေ အရမ်း Inflation ဖြစ်ခဲ့တဲ့အတွက်ကြောင့် အစ်မတို့ဌာနတွင်း စည်းမျဉ်းအရ A+ ကို Top 15% ပဲ ကန့်သတ်ပြီး ပေးတော့တယ်။ ဆိုလိုတာက တခြားမေဂျာတွေထက် အမှတ်ရဖို့ ပိုပြီး ကျပ်တယ်၊ ပိုညှစ်တယ်၊ အမှတ်ရခက်တယ်ဆိုတာ တော်တော်လေး ကွာခြားသွားပါတယ်။
‎ - စတုတ္ထအချက်က "학과 (Department) အခေါ်အဝေါ် ကွဲပြားမှု" အပိုင်းပါ။ တို့မေဂျာက အင်္ဂလိပ်လိုဆိုရင် Computer Science & Engineering လို့ ခေါ်ပေမဲ့၊ ကိုရီးယားလိုကျတော့ 컴퓨터공학과 (Computer Engineering) ဆိုတဲ့အတိုင်း Engineering ဘက်ကို ပိုသွားပါတယ်။ အစ်မတို့ရဲ့ 학과 (Department) အကြီးရဲ့ နာမည်အပြည့်အစုံကတော့ School of Computer Science and Engineering ဖြစ်ပြီး အဲ့ဒီအောက်မှာမှ မေဂျာ (၂) ခု ပြန်ခွဲသွားတာပါ။ တစ်ခုကတော့ Artificial Intelligence (AI) မေဂျာဖြစ်ပြီး၊ နောက်တစ်ခုကတော့ အစ်မအခု တက်နေတဲ့ Computer Science and Engineering (컴퓨터공학과) မေဂျာပဲ ဖြစ်ပါတယ်။
‎ AI မေဂျာနဲ့ CSE မေဂျာရဲ့ ကွာခြားချက်ကတော့ AI မေဂျာက ၂၀၂၃ ခုနှစ်ကျမှ ပထမဦးဆုံး စဖွင့်လှစ်ခဲ့တဲ့ မေဂျာအသစ် ဖြစ်တယ်။ ဒါကြောင့် လာမယ့်နှစ် ဖေဖော်ဝါရီကျမှ ပထမဦးဆုံး First Batch က ကျောင်းပြီးကြမှာပေါ့ (အစ်မသူငယ်ချင်းတွေ ပါကြတယ်)။ ၁ နှစ်နဲ့ ၂ နှစ်လောက်အထိကတော့ အတန်းတွေ အတူတူတက်ရတာမလို့ သိပ်မကွာပေမဲ့၊ AI သမားတွေက Physics မသင်ရဘူး။ အစ်မတို့ CSE သမားတွေကတော့ Physics 1, 2 ဆိုပြီး နှစ်ခုလုံး မဖြစ်မနေ သင်ရတယ်။ ပြီးတော့ CSE သမားတွေက နှစ်တိုင်းလုပ်ရတဲ့ Lab အတန်းတွေရှိတယ်၊ Capstone အထိပါရင် စုစုပေါင်း (၅) ခု ရှိပြီး မဖြစ်မနေ လုပ်ရတယ်။ AI သမားတွေကျတော့ Lab အတန်းတွေကို Elective (선택) သဘောမျိုး စိတ်ကြိုက်ရွေးချယ်ခွင့် ပေးထားတယ်လို့ သိရတယ်။ ပြီးတော့ Curriculum ကလည်း တစ်နှစ်နဲ့တစ်နှစ် ခဏခဏ ပြောင်းလဲလေ့ရှိလို့ (ဥပမာ- ၂၀၂၂ ခုနှစ်ဝင်တွေအထိ အရေးကြီးတဲ့ Discrete Mathematics 2 ကို မဖြစ်မနေ တက်ရပေမဲ့ အစ်မတို့ ကလပ်စ်ကျတော့ စိတ်ကြိုက်ဖြစ်သွားတာမျိုး)၊ ကိုယ်တက်မယ့်နှစ်ရဲ့ Curriculum ကို ကျောင်း Website မှာ သေသေချာချာ ကြိုတင်ရှာဖွေ လေ့လာထားဖို့ အကြံပြုချင်ပါတယ်။ AI မေဂျာကတော့ PNU နဲ့ KNU (Kyungpook National University) နှစ်ကျောင်း ပေါင်းပြီး ဖွင့်ထားတာမလို့ ဘွဲ့ရရင် နှစ်ကျောင်းလုံးနဲ့ ဆိုင်တဲ့ ဘွဲ့လက်မှတ် ရတယ်လို့ ကြားဖူးပါတယ် (အစ်မလဲ သေချာအတိအကျတော့ မသိရသေးပါဘူး)။

‎နောက်ဆုံးမေးခွန်း (၄) - မေဂျာရဲ့ အဓိက ကောင်းကျိုးနဲ့ ဆိုးကျိုးလေးတွေကိုလည်း ပြောပြပေးပါဦးခင်ဗျ?
‎
အဖြေ - အစ်မမြင်တဲ့ အားနည်းချက်နဲ့ အားသာချက်ကို ပွင့်ပွင့်လင်းလင်း ပြောပြရရင်တော့ -
‎ဆိုးကျိုး (သို့မဟုတ်) အားနည်းချက်အနေနဲ့ကတော့ -
‎ အစ်မတို့မေဂျာမှာက Professor တွေနဲ့ နည်းနည်းအလှမ်းဝေးပြီး အရောတဝင် မရှိလှတာပါပဲ။ အင်ဂျင်နီယာမေဂျာ သဘာဝအရလည်း ပါတာပေါ့လေ။ တခြားမေဂျာတွေမှာဆိုရင် ပရော်ဖက်ဆာတွေနဲ့ အတူတူ မုန့်သွားစား၊ အရက်အတူသောက်၊ အတူတူ ဆုံကြပြီး "ဘယ်လိုနေတာ၊ ဘာတွေလုပ်တာ ၊ဘာညာ" ဆိုပြီး ရင်းရင်းနှီးနှီး မေးမြန်းပေးကြတာမျိုး ရှိတယ်လို့ သူငယ်ချင်းတွေဆီက ကြားရတယ်။ ဒါပေမဲ့ အစ်မတို့ မေဂျာက ပရော်ဖက်ဆာတွေကတော့ စာသင်ချိန်ဆို စာသင်မယ်၊ မေးစရာရှိလို့ သွားမေးရင်တော့ အကုန် သေသေချာချာ ကောင်းကောင်းမွန်မွန် ဖြေပေးပေမဲ့၊ တခြား Personal ပိုင်း ရောရော ထွေးထွေးနဲ့ အပြင်မှာ အရောတဝင် ရှိလှတာမျိုးတော့ မဟုတ်ဘူး၊ နည်းနည်း အနေဝေးတယ်လို့ ခံစားရတယ်။ (နောက်ပြီး အစ်မတို့မေဂျာမှာက ပရော်ဖက်ဆာ အားလုံးက ဆရာ(အမျိုးသား)တွေချည်းပဲ ဖြစ်နေတာလည်း တစ်စိတ်တစ်ပိုင်း ပါတာပေါ့လေ)။ ဒါကို မကောင်းတဲ့အချက်လို့ ပြောရင်လည်း ရတယ်။
‎ကောင်းကျိုး (သို့မဟုတ်) အားသာချက်အနေနဲ့ကတော့ -
‎ "Jack of All Trades" လို့ ပြောလို့ရအောင် အကုန်လုံးကို စုံစုံလင်လင် သိခွင့်ရတာပါပဲ။ အပေါ်မှာ ပြောခဲ့သလို Physics (ရူပဗေဒ) လို ဘာသာမျိုးတွေကိုလည်း အသေးစိတ် သင်ရသလို၊ Electrical Circuits (လျှပ်စစ်ပတ်လမ်း) တွေနဲ့ ပတ်သက်တာတွေကအစ အကုန်လုံးကို ခြုံငုံပြီး စုံစုံလင်လင် သင်ယူခွင့်ရတယ်။ အကယ်၍ ကိုယ်က Computer Science ကို စိတ်ဝင်စားလို့ လုပ်ကြည့်ချင်ပေမဲ့ အသေးစိတ် ဘယ်လမ်းကြောင်း (ဥပမာ- Hardware လား၊ Software လား၊ ဘယ်အပိုင်းလဲ) သွားရမှန်း သေချာမသိသေးရင်တောင်၊ ဒီမေဂျာမှာ အကုန်လုံးကို Explore လုပ်ကြည့်ခွင့် ရတာမလို့ ကိုယ့်ရဲ့ ဝါသနာအစစ်အမှန်ကို ရှာဖွေဖို့အတွက် အခွင့်အလမ်းကောင်းတစ်ခု ဖြစ်မှာ စိတ်ချပါရှင်။
‎
‎ဟုတ်ကဲ့… ဒါဆိုရင်တော့ တို့ PNU Myanmar Community ရဲ့ စီနီယာအစ်မရဲ့ Computer Science & Engineering မေဂျာ အတွေ့အကြုံ အမေးအဖြေ အစီအစဉ်လေးကတော့ ဒီနေရာမှာတင် အပြည့်အစုံ ပြီးဆုံးသွားခဲ့ပြီ ဖြစ်ပါတယ်ခင်ဗျ။ နောက်လာမယ့် ဂျူနီယာတွေအတွက် ရိုးရိုးသားသားနဲ့ အသေးစိတ်ကျတဲ့ ကိုယ်တွေ့အကြံဉာဏ်ကောင်းတွေကို စေတနာအပြည့်နဲ့ မျှဝေပေးခဲ့တဲ့ စီနီယာအစ်မကိုလည်း အထူးပဲ ကျေးဇူးတင်ရှိပါတယ်‌နော် ။
‎ဒီအမေးအဖြေ လေးကနေတစ်ဆင့် မေဂျာအကြောင်းနဲ့ ကြိုတင်ပြင်ဆင်ရမယ့် အချက်တွေကို ပိုမိုနားလည်သဘောပေါက်သွားပြီး ညီငယ်၊ ညီမငယ်တို့ရဲ့ ပညာရေးလမ်းကြောင်းအတွက် အကျိုးကျေးဇူး တစ်စုံတစ်ရာ ရရှိလိမ့်မယ်လို့ မျှော်လင့်ပါတယ်။
‎ဖတ်ရှုပေးကြတဲ့အတွက် အားလုံးကို ကျေးဇူးအများကြီးတင်ရှိပါတယ်ခင်ဗျ။
‎
‎
‎
‎ ိတ်ဆက်
‎
‎

Pusan National University ၏ (၈၀) ကြိမ်မြောက် နှစ်ပတ်လည်နေ့ အထိမ်းအမှတ် 🏫၁၉၄၆ ခုနှစ် မေလ ၁၅ ရက်နေ့မှာ စတင်တည်ထောင်ခဲ့တဲ့ ...
15/05/2026

Pusan National University ၏ (၈၀) ကြိမ်မြောက် နှစ်ပတ်လည်နေ့ အထိမ်းအမှတ် 🏫

၁၉၄၆ ခုနှစ် မေလ ၁၅ ရက်နေ့မှာ စတင်တည်ထောင်ခဲ့တဲ့ Pusan National University ဟာ ယခု ၂၀၂၆ ခုနှစ်တွင် နှစ်ပေါင်း (၈၀) အထိ တည်တံ့ခိုင်မြဲခဲ့ပြီဖြစ်ပါတယ်ခင်ဗျ။
ယနေ့အချိန်ထိ ကျောင်းသားကျောင်းသူ စုစုပေါင်း ၂၈၀,၀၀၀ ကျော်ကို မွေးထုတ်ပေးခဲ့ပြီး ကိုရီးယား၏ စက်မှုထွန်းကားမှုနှင့် ဒီမိုကရေစီလမ်းစဉ်တွင် ဒေသဆိုင်ရာနှင့် အမျိုးသားဖွံ့ဖြိုးတိုးတက်မှုများအတွက် Pusan National Universityဟာ များစွာအထောက်အကူပြုခဲ့ပြီး ဆက်လက်အထောက်အကူပြုလျက်ရှိဆဲ ဖြစ်ပါတယ်။

Pusan National University ဟာ နိုင်ငံရေးစနစ် ကောင်းမွန်စွာ မတည်ဆောက်ရသေးတဲ့ ကိုရီးယား၏ ခက်ခဲသည့် အချိန်ကာလတွင်ပင် နိုင်ငံကို ဦးဆောင်မည့် ပါရမီရှင်များ မွေးထုတ်ရေးအတွက် နိုင်ငံသားများ၏ ပံ့ပိုးလှူဒါန်းငွေများဖြင့် အမျိုးသားတက္ကသိုလ်ဖြစ်မြောက်ခဲ့တယ်လို့ မှတ်တမ်းများအရ သိရှိရပါတယ်။

ယနေ့ Pusan National University ဟာ ကိုရီးယားအမျိုးသားတက္ကသိုလ်များတွင် ထိပ်ဆုံးနေရာတွင် ရပ်တည်နေပြီး၊ ဘွဲ့ကြိုဘာသာရပ် ၁၁၅ ခုနှင့် ဘွဲ့လွန်ဘာသာရပ် ၂၁၅ ခုကို သင်ကြားပို့ချပေးလျက်ရှိနေပါတယ်။

ဤသမိုင်းဝင်ခရီးရဲ့ နောင်နှစ်ရာပေါင်းများစွာအထိကြည့်မျှော်ရင်း Pusan National Universityရဲ့ မူလတည်ထောင်ရာ တန်ဖိုးများဖြစ်တဲ့ Truth, Freedom & Service တို့ကို ဆက်လက်ထိန်းသိမ်းကာ လူထုအတွက်၊ မျိုးဆက်သစ်တို့အတွက် အမြဲဆက်လက်ကြိုးစားသွားနိုင်ပါစေကြောင်း ဆုမွန်ကောင်းတောင်းရင်း နိဂုံးချုပ်လိုက်ပါတယ်ခင်ဗျ။





Major မိတ်ဆက် အပိုင်း (၄) 🎓မင်္ဂလာပါရှင့်။ PNU Myanmar Community မှ အပတ်စဉ်တင်ဆက်ပေးနေကျဖြစ်တဲ့ Major မိတ်ဆက်အစီအစဉ် အပိ...
15/05/2026

Major မိတ်ဆက် အပိုင်း (၄) 🎓

မင်္ဂလာပါရှင့်။ PNU Myanmar Community မှ အပတ်စဉ်တင်ဆက်ပေးနေကျဖြစ်တဲ့ Major မိတ်ဆက်အစီအစဉ် အပိုင်း (၄) မှ ကြိုဆိုလိုက်ရပါတယ်ရှင့်။

ဒီတစ်ခေါက်မှာတော့ ကိုရီးယားနိုင်ငံမှာဖြစ်စေ Pusan National University မှာဖြစ်စေ Optics and Mechatronic Engineering major ကို စိတ်ဝင်စားနေသူတွေ၊ တက်ရောက်ဖို့ ပြင်ဆင်နေသူတွေအတွက် အသုံးဝင်စေမယ့် content လေးကို မျှဝေပေးသွားမှာဖြစ်ပါတယ်။

ယနေ့ Major မိတ်ဆက်ပေးမယ့်သူကတော့ Pusan National University ရဲ့ Optics and Mechatronic Engineering major တွင် 3rd Year, 2nd Semesterမှာ တက်ရောက်နေတဲ့ ကိုဟိန်းဇော်ခန့် ဖြစ်ပြီး major နဲ့ပတ်သက်တဲ့ subjects တွေ၊ လေ့လာရတဲ့နယ်ပယ်တွေ career opportunities တွေအပြင် ကျောင်းသားတစ်ယောက်အနေနဲ့ ကြုံတွေ့ရတဲ့ experiences တွေကိုပါ အသေးစိတ်မျှဝေပေးထားပါတယ်ရှင့်။

ဒါဆိုရင်တော့ Optics and Mechatronic Engineering major အကြောင်းကို အတူတူလေ့လာကြည့်လိုက်ရအောင်ပါရှင့်။

Q: Optic and Mechatronic Engineering မေဂျာက College of Engineering အောက်မှာရှိတာလားရှင့်။
A: Engineering Major ဆိုပေမယ့် College of Engineering (တချို့ကျောင်းမှာ Faculty လို့သုံးကြပါတယ်) အောက်မှာမရှိပါဘူး။ အရင်ကတော့ College of Nanoscience and Nanotechnology အောက်မှာရှိပြီး ခုတော့ College of Transdisciplinary Engineering, Department of Advanced Convergence လို့ ပြောင်းလဲ ဖွဲ့စည်းလိုက်ပါတယ်။ ကိုရီးယားလိုဆိုရင်တော့ 첨단융합부 လို့ခေါ်ပါတယ်။

Q: Department of Advanced Convergence အောက်မှာ ဘယ် Major တွေရှိလဲရှင့်။
A: Department of Advanced Convergence အောက်က မေဂျာတွေကတော့
1. Advanced Energy (Formerly - Nano Energy Enginnering)
2. Advanced Nano Device Manufacturing (Formerly - Nano Mechatronic Engineering)
3. Optics and Mechatronic Engineering
4. AI Convergence Computational Science (New) ဆိုပြီး (၄) ခုရှိပါတယ်။

Q: First Year ကစပြီး Major ခွဲသင်ရတာလားရှင့်။
A: အရင်ကတော့ စစဝင်တာနဲ့ တစ်မေဂျာစီ တက်ရတဲ့ အတန်းတွေ ရွေးရတဲ့အတန်းတွေမတူပေမယ့် ခုတော့ ပထမနှစ်မှာ အားလုံးအတူတူပါပဲ။ ဒုတိယနှစ်ကစ ကိုယ်ရွေးတဲ့မေဂျာက အတန်းတွေတက်ရမှာပါ။

Q: မေဂျာ ၄ခုထဲမှာမှ အကိုတက်နေတဲ့Optics and Mechatronic Engineering ဆိုတာ ဘယ်လို Major မျိုးလဲရှင့်။
A: မေဂျာက Engineering နဲ့ Science အကုန်ပေါင်းဆုံနေတဲ့ မေဂျာလို့ မြင်လို့ရပါတယ်။
Basic science တွေဖြစ်တဲ့ Physics, Chemistry, Bio အကုန်ပါပါတယ်။ သင်္ချာကတော့ Engineering မေဂျာမို့ အထူးတလည်ပြောပြစရာမလိုဘူးထင်ပါတယ်။ အဓိကပြောချင်တာကတော့ သင်ရတဲ့ အတန်းတွေက စိတ်မကောင်းစွာပဲ Fully English မဟုတ်ဘဲ partial English ပါ။ Semester တစ်ခုကို English အတန်းတစ်ဝက် ကိုရီးယားအတန်းတဝက်လို့ မှတ်ယူနိုင်ပါတယ်။

Q: ဒီ Major မှာ ဘယ်လိုဘာသာရပ်တွေ သင်ရတယ်ဆိုတာလဲ ပြောပြပေးပါဦးရှင့်။
A: Mechanics အပိုင်းကဆို Mechanics, Solid Mechanics, Fluid Mechanics ကနေစပြီး heat and transfer စသဖြင့် လေ့လာရပြီး Circuits တွေကစ Semiconductor, Thin film နဲ့ display Engineering သာမက Materials Science and Engineering, Organic Materials, Bio materials စသဖြင့် အသေးစိတ် လေ့လာရပါတယ်။
Science ဘက်ကနေလည်း Electromagnetism, Modern Physics, Solid state physics, Semiconductor Physics, Organic, Inorganic, Physical Chemistry တွေအပြင် Biomedical Science ဘက်က Physiology, Cellular and Molecular Biology, Molecular Medicine, Medical Device Engineering, Nano Medicine, Tissue Engineering စသဖြင် အကုန် စုံပလုံစိနေသင်ရတာမို့ တကယ်ကို Jack of all trades ဖြစ်တဲ့ Major ပါပဲ။

Q: ဘာကြောင့် Subject အများကြီး သင်ရတယ်ဆိုတာလဲ မျှဝေပေးပါဦးရှင့်။
A: ဟုတ်ကဲ့။ မေဂျာနမည်မှာ optics ဆိုတာပါပါတယ်။ တနည်းအားဖြင့် အလင်းနဲ့ဆိုင်သောပေါ့။ ဘယ်လိုအလင်းနဲ့ဆိုင်တာတွေလဲဆိုရင် လေဆာတွေ, ဆေးဘက်ဆိုင်ရာ ပုံရိပ်ရိုက်ကူးတာတွေ ဥပမာ CT, MRI, X-Ray, Ultrasound လိုဟာတွေပါ အဲ့ဒါတွေကြောင့် အကုန်သင်ရတာပါ။

Q: ဒီ Major ကနေ သွားလို့ရတဲ့ Career Fields တွေကိုလဲ ပြောပြပေးပါဦးရှင့်။
A: ဘယ်လို field တွေကိုသွားကြလဲ ဘာတွေလုပ်ရလဲဆိုရင်
1. Quantum Technology, Quantum information ဘက်ကို quantum optics တွေဘက်ကနေသွားလို့ရပါတယ်၊
2. Semiconductor industry မှာဆိုလည်း photolithography သည် အလင်းတွေနဲ့ အလုပ်လုပ်ရတာမို့ semi conductor ဘက်လည်းလှည့်နိုင်ပါတယ်၊
3. 21ရာစုမှာ လူမဲ့ မောင်းနှင်တဲ့ကားတွေဟာဆိုရင် LiDAR လို့ခေါ်တဲ့ လေဆာနည်းပညာနဲ့ ပတ်ဝန်းကျင်က သက်ရှိသက်မဲ့ တွေကို scan လုပ်ပြီး ထိခိုက်မှုမရှိအောင် မောင်းနှင်ကြရတာပါ၊
4. ဆေးပညာဘက်မှာလည်း Tissue တွေကို imaging လုပ်တာကစ ခန္ဓာကိုယ်က သွေးကြောတွေကို မြင်ရအောင် develop လုပ်နေတဲ့ နည်းပညာတွေ အပြင်
5. ခန္ဓာကိုယ်ထဲက ချွေးကနေ cortisol ပမာဏကိုကြည့်ပြီး stress hormone တိုင်းတာကလည်း optical+Chemical sensor ကနေတိုင်းရတာဖြစ်ပြီး Sensor တွေကို ဒီလို ကျန်းမာရေး နယ်ပယ်တင်မဟုတ်ဘဲ environmental monitoring နယ်ပယ်ထိပါ သုံးနိုင်ပါသေးတယ်၊
6. ဒါတွေတင်မကသေးဘဲ Tissue Engineering နယ်ပယ်ထိပါ နယ်ချဲ့နိုင်ပါသေးတယ်။ သွေးကြောထဲ ထည့်တဲ့ Stents တွေကစလို့ Regenerative Medicine အကြောင်းပါသိနေမှာပါ။

Q: နောက်ဆုံးအနေနဲ့ မေဂျာနဲ့ပက်သတ်ပြီး ပြောပြချင်တဲ့ အကြောင်းအရာရှိရင် မျှဝေပေးပါဦးရှင့်။
A: နောက်ဆုံးတစ်ခု ထပ်ပြောပြချင်တာက အပေါ်ကနယ်ပယ် မည်သည့်နယ်ပယ်မဆို အလုပ်ခွင်ဖြစ်စေ Academic နယ်ပယ်မှာ Research လုပ်သည်ဖြစ်စေ AI နဲ့ Deep Learning က မပါမဖြစ်မို့ အဲ့ဒီနယ်ပယ်တွေကိုလည်း စိမ်းနေမှာမဟုတ်ဘူးဆိုတာပါပဲ။ ဆိုတော့ ဒီမေဂျာက College နာမည်နဲ့လိုက်အောင် နယ်ပယ်အစုံ ပေါင်းစုနေတဲ့ မေဂျာဖြစ်ပြီး အကုန်လုံးကို ရောသမမွှေပြီးကို သင်ယူရမှာမို့ အနည်းဆုံးတော့ တခြား STEM မေဂျာက သူငယ်ချင်းတွေနဲ့ စကားဝိုင်းဖွဲ့ ပြောကြရင်တောင် ကိုယ်မသိတာမရှိဖြစ်နေမှာမို့ တော်တော်ကို အထာကျတဲ့ မေဂျာပါပဲ။

ဟုတ်ကဲ့… ဒါဆိုရင်တော့ PNU Myanmar Community နဲ့ Optics and Mechatronic Engineering major မှ ကိုဟိန်းဇော်ခန့်တို့ရဲ့ အမေးအဖြေအစီအစဉ်လေးက ဒီနေရာမှာပဲ ပြီးဆုံးသွားခဲ့ပြီဖြစ်ပါတယ်။ ဒီ interview လေးကနေတဆင့် Optics and Mechatronic Engineering major အကြောင်းကို အနည်းငယ်ပိုမိုနားလည်သွားမယ်လို့ မျှော်လင့်ပါတယ်ရှင့်။

ဒါ့အပြင် Pusan National University မှာ ကျောင်းတက်ဖို့ စိတ်ဝင်စားနေတဲ့သူတွေ၊ STEM field တွေကို စိတ်ဝင်စားတဲ့သူတွေ၊ အထူးသဖြင့် Optics and Mechatronic Engineering major ကို လေ့လာချင်တဲ့သူတွေအတွက်လည်း ဒီ content လေးက အကျိုးကျေးဇူးတစ်စုံတစ်ရာ ရရှိစေမယ်လို့ ယုံကြည်ပါတယ်ရှင့်။
ဖတ်ရှုပေးကြတဲ့အတွက် အားလုံးကို ကျေးဇူးအများကြီးတင်ရှိပါတယ်ရှင့်။

‎

ိတ်ဆက်

Major မိတ်ဆက် အပိုင်း (၃)📖အားလုံးဘဲ မင်္ဂလာပါခင်ဗျ။ကျွန်တော်တို့ PNU Myanmar Community မှအပတ်စဉ်တင်ဆက်ပေးနေကြဖြစ်တဲ့ maj...
09/05/2026

Major မိတ်ဆက် အပိုင်း (၃)📖

အားလုံးဘဲ မင်္ဂလာပါခင်ဗျ။
ကျွန်တော်တို့ PNU Myanmar Community မှအပတ်စဉ်တင်ဆက်ပေးနေကြဖြစ်တဲ့ major မိတ်ဆက်အပိုင်း (၃)လေးမှကြိုဆိုလိုက်ပါတယ်ခင်ဗျ။

Pusan National University မှာပဲဖြစ်ဖြစ် ကိုရီးယားမှာပဲဖြစ်ဖြစ် Computer Science and Engineering မေဂျာတက်ချင်တဲ့သူလေးတွေအတွက် ဒီနေ့မှာတော့ Pusan National Universityမှာ Computer Science and Engineering (ကွန်ပြူတာသိပ္ပံနှင့်အင်ဂျင်နီယာ) ကို third year, second semester အနေနဲ့ တက်ရောက်နေတဲ့အကို Myat Thu Khaing မှ

✅မေဂျာမတက်ခင်ပြင်ဆင်ထားသင့်တဲ့အရာများ
✅မေဂျာတက်နေစဉ်မှာလည်းကိုယ့်ရဲ့ academic ပိုင်းကိုဘယ်လိုတိုးတက်အောင်ကြိုးစားသင့်ကြောင်းနဲ့
✅Professor တွေရဲ့စာသင်ကြားနည်းတွေအပြင် scholarship တွေနဲ့ပါပက်သက်ပြီးအသေးစိတ်ရှင်းပြပေးထားတာမို့နောက်လာမယ့်ကျောင်းသားကျောင်းသူတွေသိရှိအောင် အသေးစိတ် ဖြေပေးထားမှုများကို PNU Myanmarမှ မျှဝေပေးသွားမှာဖြစ်ပါတယ်ခင်ဗျ။

Q: မင်္ဂလာပါ အရင်ဆုံး ကိုယ့်ကိုယ်ကို မိတ်ဆက်ပေးပါဦးနော်။
A: မင်္ဂလာပါခင်ဗျ။ ကျွန်တော်ကတော့ Pusan National University ရဲ့ Computer Science and Engineering Major Third Year (Second Semester) ကို တက်ရောက်နေတဲ့ မြတ်သူခိုင် လို့ခေါ်ပါတယ်။

Q: ပထမဆုံးအနေနဲ့ Pusan National University မှာဒီမေဂျာကိုဘာလို့တက်ဖြစ်ဖို့ရွေးချယ်ခဲ့တာလဲဆိုတာလေးနဲ့ပတ်သက်ပြီးပြောပြပေးပါခင်ဗျ။

A: ကျွန်တော်က ငယ်ငယ်ကတည်းက သင်္ချာတွက်ရတာကို ဝါသနာပါပါတယ်။ Logic ကျကျ စဉ်းစားရတာကိုလည်း ကြိုက်ပါတယ်။ အဓိကတော့ ကိုယ်တိုင် Website တွေ၊ Mobile App တွေ ဖန်တီးချင်တဲ့ စိတ်ကူးရှိခဲ့လို့ ဒီလမ်းကြောင်းကို ရွေးချယ်ခဲ့တာပါ။Problem Solving လုပ်ရတာကို နှစ်သက်တဲ့သူဆိုရင် ဒီမေဂျာက သင့်တော်မယ်လို့ ထင်ပါတယ်။

Q : ဒီမေဂျာမတက်ခင် ဘယ်အချက်တွေ ကြိုသိထားရင် ပိုကောင်းမလဲဆိုတာလေးမျှဝေပေးပါဦးခင်ဗျ။

A : မေဂျာမတက်ခင်မှာ ကျွန်တော်ထင်ခဲ့တာက App ရေးနည်းပဲ သင်ရမယ်လို့ပါ။ ဒါပေမယ့် တကယ်တက်ကြည့်တော့ Computer Science က အရမ်းကျယ်ပြန့်တယ်ဆိုတာ သိလာရပါတယ်။
ကျောင်းမှာတော့ ကွန်ပျူတာအခြေခံသဘောတရားတွေကနေစပြီး Field အမျိုးမျိုးကို သင်ပေးပါတယ်။
သတိထားရမယ့်အချက်ကတော့ကျောင်းမှာ သင်ပေးတာတွေဟာ အခြေခံ (Foundations) တွေဖြစ်တဲ့အတွက် ဖြစ်ပါတယ်။ ဒါကြောင့်မို့Website ရေးချင်တာပဲဖြစ်ဖြစ်၊ App ရေးချင်တာပဲဖြစ်ဖြစ် တစ်ခုခုမှာ ကျွမ်းကျင်ချင်ရင် ကျောင်းစာအပြင် ကိုယ်တိုင်အချိန်ပေးပြီး ထပ်လေ့လာဖို့ အရမ်းအရေးကြီးတယ်ဆိုတာကိုအကြံပြုချင်ပါတယ်။

Q: CS မေဂျာမှာ ဘာတွေသင်ရလဲဆိုတာနဲ့ပက်သက်ပြီးအသေးစိတ်ပြောပြပေးပါဦးခင်ဗျ။

A : CS ဆိုတာ App ရေးတာထက် အများကြီး ပိုကျယ်ပြန့်ပါတယ်။ PNU မှာဆိုရင် အဓိကအားဖြင့် အောက်ပါနယ်ပယ်တွေကို သင်ရပါတယ်။

• Software Development – Web, Mobile App နှင့် Enterprise Software တည်ဆောက်ပုံ
• Artificial Intelligence (AI) & Data Science – Machine Learning နှင့် Data ခွဲခြမ်းစိတ်ဖြာနည်းများ
• System & Networking – Operating System (OS) လုပ်ဆောင်ပုံ၊ Network ချိတ်ဆက်မှုများ
• Cybersecurity – အချက်အလက်လုံခြုံရေးနှင့် Hacker များမှ ကာကွယ်ပုံ
• Algorithm & Theory – Logic အခြေပြု တွက်ချက်ပုံနှင့် Programming အခြေခံသဘောတရားများ အစရှိသဖြင့်သင်ကြားရပါတယ် ။
ကျွန်တော်အပေါ်မှာပြောခဲ့သလိုပဲကျောင်းမှာသင်တာတစ်ခုထဲနဲ့မလုံလောက်လို့အပြင်ဗဟုသုတတွေကိုလည်း self study လုပ်ပေးတာဟာဒီမေဂျာလေ့လာရာမှာကြီးမားတဲ့အထောက်အကူဖြစ်စေမှာပါ။

Q: ဒီမေဂျာနဲ့ပက်သက်ပြီးအားသာချက်နှင့် အားနည်းချက် (Pros & Cons)လေးတွေကရောဘာတွေရှိမလဲခင်ဗျ။

A: အားသာချက်အနေနဲ့ကတော့ စိတ်ဝင်စားတဲ့သူအတွက် သင်ရတာ ပျော်ဖို့ကောင်းပါတယ်။ နိုင်ငံတကာ ကျောင်းသားများလည်း များပြီး English Class တွေရှိတာကြောင့် လိုက်လို့ရတဲ့ အခွင့်အလမ်းရှိပါတယ်။
အားနည်းချက် အနေနဲ့ကတော့ AI ခေတ်ဖြစ်လာတာနဲ့အမျှ အလုပ်အကိုင် ပြိုင်ဆိုင်မှု ပြင်းထန်လာပါတယ်။ ဘွဲ့ရပြီးတာနဲ့ မလုံလောက်ဘဲ ကိုယ်ရည်အချင်းကို အမြဲ Update လုပ်နေရပါမယ်။

Q: PNU မှာ ဒီမေဂျာအတွက် Scholarship အခွင့်အရေးတွေကရောဘာတွေရှိနိုင်မလဲခင်ဗျ။

A: First Semester မှာတော့TOPIK Level အလိုက် ကျောင်းလခ 100% အထိ ရနိုင်ပါတယ်။
성적장학금 (Academic Scholarship)အနေနဲ့ကတော့ဒုတိယ Semester ကစလို့ GPA အလိုက် ဝမ် ၄ သိန်းကနေစပြီး ရနိုင်ပါတယ်။ ကျွန်တော့်အတွေ့အကြုံအရ GPA 3.7 သို့မဟုတ် 3.8 လောက်ဆို စရပါပြီ။
성적우수 장학금ကတော့ ကိုရီးယားကျောင်းသားတွေနဲ့ပါ ပြိုင်ရတာပါ။ ၁၀၀% အပြည့်ရနိုင်ပါတယ်။ ဒါပေမယ့် သတ်မှတ်ထားတဲ့ မေဂျာအတန်း အရေအတွက် တက်ရသလို၊ ဌာနကလုပ်တဲ့ Event တွေ (학과활동) ၂ ခုလောက် တက်ပေးရပါတယ်။ (ခက်ခက်ခဲခဲ မဟုတ်ပါဘူး၊ Website မှာ ကြေညာတဲ့ ပွဲတွေမှာ ပါဝင်ပေးရုံပါပဲ)။
기타 :တစ်ခါတလေ နေထိုင်စရိတ် (생활비) ထောက်ပံ့တဲ့ Scholar တွေလည်း ရှိပါတယ်။ ရခဲပေမယ့် ကျွန်တော် ဒုတိယနှစ်တုန်းက ဝမ်သိန်း ၂၀ တစ်ခါ ရဖူးပါတယ်။

Q: Professor များနှင့် အတန်းအခြေအနေကရောဘယ်လိုရှိလဲခင်ဗျ။

A:• ဒါကတော့ တကယ့် လက်တွေ့ကြုံရမယ့် အပိုင်းပါ။Teaching Qualityအနေနဲ့ဆရာတိုင်း စာသင်ကောင်းတာမဟုတ်ပါဘူး။ အချို့ Professor တွေက အရမ်းတော်ပြီး စာသင်ကောင်းပေမယ့်၊ အချို့ကျတော့လည်း အဖြစ်ပဲ သင်သွားတာမျိုး ရှိတတ်ပါတယ်။ အဲ့ဒီအခါမျိုးမှာ ကိုယ့်ဘာသာ YouTube ဒါမှမဟုတ် အပြင် Textbook တွေနဲ့ ပြန်လေ့လာရပါတယ်။ English Proficiencyပိုင်းကိုကြည့်မယ်ဆိုရင်လည်း English Class ဆိုပေမယ့် အချို့ဆရာတွေက အင်္ဂလိပ်စာ အသံထွက် ပီပီသသ မရှိတာမျိုး ကြုံရနိုင်ပါတယ်။Tipတစ်ခုအနေနဲ့ကတော့အတန်းမလျှောက်ခင်မှာ Everytime App ထဲက Class Review တွေကို သေချာဖတ်ဖို့ အကြံပေးချင်ပါတယ်။ ဘယ်ဆရာက စာသင်ကောင်းလဲ၊ ဘယ်ဆရာက အမှတ်ပေးကြမ်းလဲဆိုတာ အဲ့ဒီမှာကြည့်ပြီးမှ အတန်းရွေးတာ အကောင်းဆုံးပါပဲ။

Q: အမှတ်ကောင်းကောင်းရချင်ရင် ဘာတွေသိထားသင့်လဲခင်ဗျ။

A: ကိုရီးယားမှာက Relative Grading (상대평가 - သူများထက်သာမှ အမှတ်ကောင်းရတာ)ဖြစ်လို့ ဒါလေးကို သိထားသင့်ပါတယ် ။ International Classesတွေလိုမျိုးနိုင်ငံခြားသား များတဲ့အတန်းတွေမှာ A+ သို့မဟုတ် A0 ရဖို့ ပိုလွယ်ကူတတ်ပါတယ်။
Korean Classesလိုမျိုးကိုရီးယားကျောင်းသားတွေ များတဲ့အတန်းတွေကတော့ အရမ်း Competitive ဖြစ်လွန်းလို့ အမှတ်ကောင်းရဖို့ တော်တော်လေး ကြိုးစားရပါတယ်။မှတ်ချက်အနေနဲ့ကတော့အမှတ် ၆၀ နဲ့ A+ ရနိုင်သလို၊ အမှတ် ၉၀ နဲ့လည်း B+ ဖြစ်သွားနိုင်တာမျိုးကို သတိထားစေချင်ပါတယ်။

Q: နောက်ဆုံးအနေနဲ့ဒီမေဂျာနဲ့ပက်သက်ပြီးအနှစ်ချုပ်စကားလေးပြောပေးပါခင်ဗျ။

A: ဒီမေဂျာက လွယ်တော့မလွယ်ပါဘူး၊ ဒါပေမယ့် နည်းပညာကို စိတ်ဝင်စားပြီး ကိုယ်တိုင် တစ်ခုခု ဖန်တီးချင်သူတွေအတွက်တော့ အကျိုးရှိမယ့် မေဂျာတစ်ခုပါလို့ ပြောချင်ပါတယ်။

ဟုတ်ကဲ့ PNU Myanmar Community နဲ့အကိုမြတ်သူခိုင်တို့ရဲ့အမေးအဖြေအစီအစဉ်လေးကဒီနေရာမှာပဲပြီးဆုံးသွားခဲ့ပြီဖြစ်ပါတယ်။ ဒါဆိုရင်တော့PNU Myanmar Community နဲ့ Computer Science and Engineering major မှကိုမြတ်သူခိုင်တို့ရဲ့ interview လေးကိုဖတ်ရင်းကိုယ်ဟာ PNU မှာကျောင်းတက်ချင်တဲ့သူတစ်ဦး ဒါမှမဟုတ် Computer Science and Engineering မေဂျာတက်ချင်တဲ့သူတစ်ဦးဆိုရင်အကျိုးကျေးဇူးတွေအများကြီးရရှိမယ်လို့ယုံကြည်ပါတယ်ခင်ဗျ။

Pusan National University မှာတက်ရောက်ချင်တဲ့မြန်မာကျောင်းသားကျောင်းသူတွေအတွက်အမြဲအကူအညီရစေမယ့်အကြောင်းအရာလေးတွေကို PNU Myanmar Community ကအစဉ်မျှဝေပေးသွားမှာမို့နောက်ထပ် major မိတ်ဆက်အပိုင်းလေးတွေကိုလည်းစိတ်ဝင်တစားနဲ့ဆက်လက်ကြည့်ရှူအားပေးကြပါဦးနော် 🤍

‎

ိတ်ဆက်

Address

2, Busandaehak-ro 63 Beon-gil
Busan
609-735

Website

Alerts

Be the first to know and let us send you an email when PNU - Myanmar Community posts news and promotions. Your email address will not be used for any other purpose, and you can unsubscribe at any time.

Shortcuts

Share

Category