10/04/2026
កិច្ចប្រជុំក្រុមប្រឹក្សាភិបាល សមាគមបណ្តាញកសិករ និងធម្មជាតិ (FNN) 🌾🤝
នាថ្ងៃទី០៩ ដល់ ១០ ខែមេសា ឆ្នាំ២០២៦ សមាគមបណ្តាញកសិករ និងធម្មជាតិ (FNN) បានរៀបចំ កិច្ចប្រជុំក្រុមប្រឹក្សាភិបាល ប្រកបដោយជោគជ័យ នៅការិយាល័យកណ្តាល រាជធានីភ្នំពេញ ។ កិច្ចប្រជុំរយៈពេល ២ថ្ងៃនេះ មានការអញ្ជើញចូលរួមពីសមាជិកក្រុមប្រឹក្សាភិបាល និងបុគ្គលិកសរុបចំនួន ១៨ រូប (ស្រី ៦ រូប) ។
ក្រោមអធិបតីភាពរបស់ លោក ស៊ឺ រ៉ានី ប្រធានក្រុមប្រឹក្សាភិបាល FNN និង លោក ប៉ាន សុភាព នាយកប្រតិបត្តិ កិច្ចប្រជុំបានពិភាក្សា និងសម្រេចបាននូវលទ្ធផលសំខាន់ៗជាច្រើនរួមមាន៖
✅ ពង្រឹងបណ្តាញថ្នាក់ខេត្ត៖ ការរៀបចំ និងពង្រឹងការទទួលខុសត្រូវរបស់តំណាងក្រុមប្រឹក្សាតាមតំបន់ ។
✅ របាយការណ៍សមាជិកភាព៖ ការពិនិត្យ និងផ្តល់យោបល់លើរបាយការណ៍សមាជិកភាព ដើម្បីបម្រើផលប្រយោជន៍កសិករឱ្យកាន់តែមានប្រសិទ្ធភាព ។
✅ ផែនការហិរញ្ញវត្ថុ និងឥណទាន៖ ត្រៀមរៀបចំបែងចែកប្រាក់ភាគហ៊ុនឥណទាន FNN ជូនម្ចាស់ភាគហ៊ុននាខែឧសភាខាងមុខ ។
✅ វឌ្ឍនភាពគម្រោង ២០២៦៖ បង្ហាញពីដំណើរការអនុវត្តគម្រោង និងសកម្មភាពគាំទ្រនានារបស់សមាគមសម្រាប់ឆ្នាំ២០២៦ ។
✅ ការដេញថ្លៃសម្ភារៈផ្សារ៖ បង្ហាញតារាង និងកំណត់តម្លៃសម្រាប់ដេញថ្លៃសម្ភារៈផ្សេងៗ និងទ្រព្យសម្បត្តិរបស់ផ្សារ ។
ពិសេសជាងនេះទៅទៀត ក្នុងឱកាសត្រៀមអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរដែលនឹងឈានចូលមកដល់ សមាគមបានរៀបចំ ពិធីសូត្រមន្តលើករាសីឆ្នាំថ្មី ដើម្បីសុំសេចក្តីសុខសប្បាយ និងសិរីសួស្តីដល់គ្រួសារ FNN ទាំងមូលផងដែរ ។
សមាគម FNN នៅតែបន្តប្តេជ្ញាចិត្តយ៉ាងមុតមាំ ក្នុងការដើរតួជាឆ័ត្រដែលតំណាង និងបម្រើដល់ផលប្រយោជន៍របស់សហគមន៍កសិកម្ម និងកសិករនៅតាមជនបទឱ្យកាន់តែប្រសើរឡើង ។
FNN Facebook: សមាគមបណ្តាញកសិករនិងធម្មជាតិ
Website: www.fnn-kh.org
#កិច្ចប្រជុំក្រុមប្រឹក្សាភិបាល #កសិករនិងធម្មជាតិ #អភិវឌ្ឍន៍សហគមន៍ #សួស្តីឆ្នាំថ្មី២០២៦
