IDEA Cambodia

09/08/2026

#សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ(ស ប ឯ សIDEA), អង្គការ CARE កម្ពុជានិងគ្រូបង្គោលនៃគណៈកម្មការលក់ដូរ # បានរៀបចំ «វគ្គបណ្តុះបណ្តាល ស្តីពីគោលការណ៍ណែនាំអំពីគំរូអាជីវកម្មសម្រាប់អាជីវករ ក្នុងការកាត់បន្ថយការប្រើប្រាស់ប្លាស្ទិក» ដើម្បីពង្រឹងសមត្ថភាព និងចំណេះដឹងដល់អាជីវករក្នុងមូលដ្ឋាន។
🗓 នៅថ្ងៃអាទិត្យ១១រោច ខែស្រាពណ៍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី០៩ ខែសីហា ឆ្នាំ២០២៦
📍 នៅទីតាំង៖ សាលាបឋមសិក្សាផ្សារត្រាច ឃុំលង្វែក ស្រុកកំពង់ត្រឡាច ខេត្តកំ@ពង់ឆ្នាំងដែលមានអ្នកចូលរួម៖ អាជីវករលក់ដូរនៅរោងចក្រ ខាយណេង និងអ្នកលក់ដូរក្នុងឃុំ (ប្រមាណ ៥៥ នាក់)
🎯 គោលបំណងសំខាន់ៗនៃវគ្គបណ្តុះបណ្តាល៖
1️⃣ យល់ដឹងពីសំណល់ & ប្លាស្ទិក៖ យល់ដឹងពីការគ្រប់គ្រង ការបែងចែកកាកសំណល់ និងផលប៉ះពាល់នៃប្លាស្ទិកលើសុខភាព បរិស្ថាន និងការចំណាយ។
2️⃣ អាជីវកម្មបៃតង & ចីរភាព៖ រៀនពីវិធីជ្រើសរើសសម្ភារវេចខ្ចប់មេត្រីភាពបរិស្ថាន ព្រមទាំងបច្ចេកទេសគ្រប់គ្រងថ្លៃដើម ថ្លៃលក់ និងការចំណាយឱ្យមានប្រសិទ្ធភាព។
3️⃣ គំរូអាជីវកម្ម & ប្រព័ន្ធគាំទ្រ៖ ណែនាំពីគោលការណ៍ណែនាំគំរូអាជីវកម្ម ស្គាល់ពីតួនាទីរបស់ «អេកូដេប៉ូ» ការប្រើប្រាស់ប័ណ្ណបញ្ចុះតម្លៃ (Voucher) និងការបង្កើតបណ្តាញគាំទ្រគ្នា។
4️⃣ ការតាមដាន & ការប្តេជ្ញាចិត្ត៖ បណ្តុះបណ្តាលការប្រើប្រាស់ឧបករណ៍តាមដាន (កំណត់ត្រាលក់, វិក្កយបត្រ) និងការប្តេជ្ញាចិត្តរួមគ្នាក្នុងការកាត់បន្ថយប្លាស្ទិកជាក់ស្តែង។
សូមបញ្ជាក់ថានេះជាការអនុវត្តនៅគំរោងប្លាស្ទីកឆ្លាតវៃ( Plastics Smart) របស់សមាគមអាយឌា(IDEA)និងអង្គការ ឃែរកម្ពុជា (CARE Cambodia) ដែលត្រូវអនុវត្តនៅក្នុងប្រទេសកម្ពុជា។
👉 ចូលរួមទាំងអស់គ្នា ដើម្បីផ្លាស់ប្តូរទម្លាប់តូចតាច បង្កើតផលវិជ្ជមានធំធេងដល់សហគមន៍យើង! 💚♻️
#កាត់បន្ថយប្លាស្ទិក #អាជីវកម្មចីរភាព #សមាគមIDEA #អេកូដេប៉ូ #បរិស្ថានស្អាត
រូបភាព ពៅសឿន និងសួ ឆ្លូញ
អត្ថបទ សួ ឆ្លូញ និង វន់ ពៅ

02/08/2026

សមាគម IDEA រៀបចំវគ្គបណ្តុះបណ្តាលជូនក្រុមអាជីវករក្នុងរោងចក្រ ហឺរ៉ាយហ្សិន ខេត្តកំពង់ឆ្នាំង
ខេត្តកំពង់ឆ្នាំង៖ នៅថ្ងៃទី០២ ខែសីហា ឆ្នាំ២០២៦ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) បានរៀបចំវគ្គបណ្តុះបណ្តាលយ៉ាងសំខាន់មួយ ជូនដល់ក្រុមអាជីវករដែលកំពុងលក់ដូរនៅខាងក្នុងរោងចក្រ ហឺរ៉ាយហ្សិន (Horizon) ដែលស្ថិតក្នុងខេត្តកំពង់ឆ្នាំង។
កម្មវិធីបណ្តុះបណ្តាលនេះ ត្រូវ បានរៀបចំឡើងក្រោម គម្រោង Plastic Smart Cambodia - EU-CARE ដោយផ្តោតសំខាន់លើ៖
* ការកាត់បន្ថយ និងគ្រប់គ្រងសំណល់ប្លាស្ទិក៖ លើកកម្ពស់ការយល់ដឹងអំពីផលប៉ះពាល់នៃប្លាស្ទិក និងការផ្លាស់ប្តូរទម្លាប់ប្រើប្រាស់ប្លាស្ទិកមកប្រើប្រាស់សម្ភារមេត្រីបរិស្ថានវិញ។
* អនាម័យ និងសុវត្ថិភាពចំណីអាហារ៖ ការរៀបចំចំណីអាហារឱ្យមានអនាម័យល្អ សម្រាប់លក់ជូនកម្មករ-កម្មការិនីនៅក្នុងរោងចក្រ។
* ការអភិវឌ្ឍអាជីវកម្មបៃតង៖ ជំរុញឱ្យអាជីវករសេដ្ឋកិច្ចក្រៅប្រព័ន្ធចូលរួមចំណែកក្នុងសកម្មភាពការពារបរិស្ថាន និងកសាងសហគមន៍ស្អាត។
> បញ្ជាក់៖ វគ្គបណ្តុះបណ្តាលនេះ គឺជាផ្នែកមួយនៃកិច្ចខិតខំប្រឹងប្រែងរួមគ្នារវាងសមាគម IDEA និងអង្គការ CARE Cambodia។
ក្នុងគោលបំណងកាត់បន្ថយការប្រើប្រាស់ប្លាស្ទិកនៅកម្ពុជា និងលើកកម្ពស់ជីវភាព ក៏ដូចជាសុខុមាលភាពរបស់អាជីវករសេដ្ឋកិច្ចក្រៅប្រព័ន្ធ និងកម្មករនិយោជិត។
អត្ថបទ វន់ ពៅ
រូបភាព សួ ឆ្លូញនិងពៅសឿន

29/07/2026

19/07/2026

#សកម្មបរិស្ថាននិងចូលរួមការពារធនធានធម្មជាតិរបស់សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ #

ក្រុមការងារសមាគម IDEA ចូលរួមដាំដើមកោងកាងដើម្បីការពារធនធានធម្មជាតិសមុទ្រ
កាលពីព្រឹកថ្ងៃទី១៥ ខែកក្កដា ឆ្នាំ២០២៦ លោក វន់ ពៅ ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA) បានដឹកនាំក្រុមការងារ ចូលរួមយុទ្ធនាការដាំដើមកោងកាងនៅសហគមន៍ត្រពាំងសង្កែ ខេត្តកំពត បន្ទាប់ពីបញ្ចប់វគ្គសិក្ខាសាលារយៈពេលពីរថ្ងៃ។
សកម្មភាពផ្នែកបរិស្ថាននេះ ធ្វើឡើងក្នុងគោលបំណងការពារធនធានធម្មជាតិ និងរក្សាជីវៈចម្រុះនៅតំបន់ឆ្នេរសមុទ្រ ព្រមទាំងដាស់តឿនស្មារតីពលរដ្ឋខ្មែរគ្រប់រូប ឱ្យចេះស្រឡាញ់ និងចូលរួមថែរក្សាបរិស្ថាន ទាំងក្នុងកម្រិតជាតិ និងពិភពលោក។
អត្ថបទIDEA

17/07/2026

With Speed Book Co. LTD – I just got recognized as one of their top fans! 🎉

17/07/2026

សមាគម IDEA រៀបចំវគ្គសិក្ខាសាលាឆ្លុះបញ្ចាំងបញ្ចប់គម្រោង DGD-OXFAM រយៈពេល ៥ឆ្នាំ និងដាក់ចេញទិសដៅយុទ្ធសាស្ត្រថ្មីសម្រាប់ឆ្នាំ ២០២៧-២០៣១
ខេត្តកំពត៖ កាលពីថ្ងៃទី១៣ ដល់ថ្ងៃទី១៥ ខែកក្កដា ឆ្នាំ២០២៦ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (ស.ប.ឯ.ស / IDEA) បានរៀបចំវគ្គសិក្ខាសាលា «វាយតម្លៃ និងឆ្លុះបញ្ចាំងបញ្ចប់គម្រោង DGD-OXFAM រយៈពេល ៥ឆ្នាំ (២០២២-២០២៦)» យ៉ាងគគ្រឹកគគ្រេង ក្នុងគោលបំណងបូកសរុបសមិទ្ធផលការងារ និងកំណត់ទិសដៅយុទ្ធសាស្ត្របន្តសម្រាប់គាំទ្រដល់កម្មករក្នុងវិស័យសេដ្ឋកិច្ចក្រៅប្រព័ន្ធ។
សិក្ខាសាលានេះ មានការចូលរួមយ៉ាងកុះករពីសំណាក់ថ្នាក់ដឹកនាំសមាគម និងថ្នាក់ដឹកនាំមូលដ្ឋានដែលជាតំណាងសមាជិកមកពីគ្រប់ផ្នែកនៃវិស័យសេដ្ឋកិច្ចក្រៅប្រព័ន្ធ រួមមាន៖
-អ្នករត់ម៉ូតូឌុប និងអ្នករត់រ៉ឺម៉កទេសចរណ៍
-តំណាងអ្នកលក់ដូរតាមដងផ្លូវ
-កម្មករធ្វើការតាមផ្ទះ
-តំណាងអ្នករើសអេតចាយ
-តំណាងអ្នករត់តាក់ស៊ី
-តំណាងកម្មករសេដ្ឋកិច្ចឌីជីថល (Platform Workers / Gig Workers)
ជាពិសេស វគ្គសិក្ខាសាលានេះក៏មានវត្តមានដ៏ខ្ពង់ខ្ពស់របស់ លោក តាន់ វិសាល ដែលជាតំណាងដ៏ខ្ពង់ខ្ពស់របស់ លោកស្រី ភាន់ សោភ័ណ្ឌ នាយិកាអង្គការ OXFAM ប្រចាំកម្ពុជា ចូលរួមជាអធិបតីផងដែរ។

នៅក្នុងអង្គសិក្ខាសាលាទាំងមូល អង្គវិធីបានធ្វើការវាយតម្លៃ និងកោតសរសើរខ្ពស់ចំពោះលទ្ធផលផ្លែផ្កានៃការអនុវត្តគម្រោង DGD-OXFAM ជាមួយសមាគម IDEA រយៈពេល ៥ឆ្នាំកន្លងមកនេះ។ គម្រោងនេះបានដើរតួនាទីយ៉ាងសំខាន់ក្នុងការលើកកម្ពស់ «សិទ្ធិការងារ និងកិច្ចគាំពារសង្គម» សម្រាប់បងប្អូនកម្មករនិយោជិតក្នុងវិស័យសេដ្ឋកិច្ចក្រៅប្រព័ន្ធ ដែលជាផ្នែកមួយជួយឱ្យពួកគេទទួលបាននូវការការពារ និងការគាំទ្រកាន់តែប្រសើរឡើងក្នុងសង្គម។

ក្រៅពីការឆ្លុះបញ្ចាំងពីជោគជ័យ និងបញ្ហាប្រឈមនានា សិក្ខាសាលាក៏បានឆ្លៀតឱកាសដ៏មានតម្លៃនេះ រៀបចំនិងរំលេចឡើងនូវ ផែនការយុទ្ធសាស្ត្ររយៈពេល ៥ឆ្នាំបន្ត (២០២៧-២០៣១) ព្រមទាំងផែនការសកម្មភាពជាក់លាក់នានាដែលសមាគមត្រូវអនុវត្ត ដើម្បីធានាបាននូវនិរន្តរភាព និងពង្រីកវិសាលភាពជួយដល់សមាជិកកាន់តែទូលំទូលាយ។
វគ្គសិក្ខាសាលារយៈពេល ៣ថ្ងៃនេះ បានបញ្ចប់ទៅដោយរលូន និងទទួលបានលទ្ធផលជាផ្លែផ្កាគួរជាទីមោទនៈ ដែលជាគ្រឹះដ៏រឹងមាំ និងជាក្តីសង្ឃឹមថ្មីសម្រាប់សមាជិក សមាជិកា របស់សមាគម IDEA ក៏ដូចជាកម្មករវិស័យសេដ្ឋកិច្ចក្រៅប្រព័ន្ធទាំងអស់នៅទូទាំងព្រះរាជាណាចក្រកម្ពុជា ក្នុងការឆ្ពោះទៅមុខប្រកបដោយភាពរឹងមាំនា ៥ឆ្នាំខាងមុខទៀត។





អត្ថបទ និងរូបភាពដោយ៖ លោក វន់ ពៅ និងសហការី

11/07/2026

07/07/2026

#សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ(IDEA)បានប្រជុំប្រចាំខែធ្វើបច្ចុប្បន្នភាពនិងពង្រឹងវិន័យឡើងវិញ

កាលពីថ្ងៃចន្ទ ៧រោច ខែបឋមាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៦ ខែកក្កដា ឆ្នាំ២០២៦

ប្រជុំប្រចាំខែនៅការិយាល័យ(IDEA) លោកប្រធាន វន់ ពៅ បានមានប្រសាសន៍ថា ការប្រជុំប្រចាំខែគឺជាព្រឹត្តិការណ៍ដ៏សំខាន់សម្រាប់ថ្នាក់ដឹកនាំនិងសមាជិករបស់សមាគមទាំងអស់ ដើម្បីពិនិត្យមើលឡើងវិញនូវលទ្ធផលការងារដែលសមាគមសម្រេចបាន កន្លងមកនិងម្យ៉ាងទៀត ស្វែងយល់កាន់តែច្បាស់ និងលើកកម្ពស់ការចូលរួមអនុវត្តគ្រប់កម្មវិធី កែទម្រង់ស៊ីជម្រៅនៃវិស័យ ដឹកជញ្ជូន អាជីវករ អ្នករើសអេតចាយ អ្នកអូសរទេះនិងអ្នកធ្វើការតាមផ្ទះ។សំដៅជំរុញគ្រប់វិស័យទាំងនេះ ឱ្យឆ្លើយតបបានកាន់តែប្រសើរ ប្រកបដោយប្រសិទ្ធភាពខ្ពស់ និងទាន់ពេលវេលា ទៅនឹងការវិវត្តនៃស្ថានភាពនយោបាយ សង្គម និងសេដ្ឋកិច្ច ទាំងនៅកម្ពុជា តំបន់ និងសកល។

28/06/2026

កាលពីថ្ងៃទី២៦ មិថុនា ២០២៦ ក្រុមការងាររបស់សមាគមIDEA អង្គការ YCC និង អង្គការឃែកម្ពុជា បានចុះស្រាវជ្រាវបន្ថែមជាមួយអាជីវករ និងក្រុមអ្នកប្រមូល និងអេតចាយ(សម្រាម)ដើម្បីអនុវត្តគម្រោងផ្លាស្ទីគឆ្លាតវៃ នៅឃុំខ្នុរដំបង ស្រុកជើងព្រៃ ខេត្តកំពង់ចាម។

On June 26, 2026, a team from IDEA, YCC, and Care- Cambodia conducted further research with vendors and waste collectors to implement a smart plastic project in Khnour Dambang commune, Cheung Prey district, Kampong Cham province.