M’Lop Tapang

M’Lop Tapang Working with vulnerable children and youth, their families and their community

M'Lop Tapang, a local non-profit organization registered with the Royal Government of Cambodia, has been working with vulnerable children and youth, their families and their community of Sihanoukville since 2003.

18/07/2024

សូមជូនដំណឹងដល់បងប្អូនមិត្តភក្តិរបស់ផេកអង្គការ ម្លប់តាប៉ាងភាសាខ្មែរមេត្តាជ្រាបថា តទៅនេះអង្គការយើងខ្ញុំមានផេកតែមួយផុសពីរភាសាខ្មែរនិងអង្គគ្លេសខាងក្រោម។
សូមជួយfollow និងlike ផេកនេះ https://www.facebook.com/mloptapang. យើងខ្ញុំសូមអភ័យទោសសម្រាប់ការរអាក់រអួលផ្សេងៗ។​ សូមអរគុណ!
To all M’Lop Tapang Khmer Facebook friends, we only use one page for Khmer and English below. Please follow and like us at https://www.facebook.com/mloptapang. We apologize for any inconvenience caused. Thank you!

[English below]កុមារយើងរាប់រយនាក់ទទួលទានអាហារថ្ងៃត្រង់ក្តៅៗ រៀងរាល់ថ្ងៃ។Serving up hundreds of hot healthy lunches every...
11/06/2024

[English below]
កុមារយើងរាប់រយនាក់ទទួលទានអាហារថ្ងៃត្រង់ក្តៅៗ រៀងរាល់ថ្ងៃ។
Serving up hundreds of hot healthy lunches everyday.

ខ្មែរកំណត់យកពេលបុណ្យ ចូលឆ្នាំថ្មី ខែមេសា (ខែចេត្រ) ពីព្រោះខែចេត្រ ជាដើមឆ្នាំដែលព្រះអាទិត្យចូលកាន់មេសរាសី គឺព្រះអាទិត្យ ដ...
14/04/2024

ខ្មែរកំណត់យកពេលបុណ្យ ចូលឆ្នាំថ្មី ខែមេសា (ខែចេត្រ) ពីព្រោះខែចេត្រ ជាដើមឆ្នាំដែលព្រះអាទិត្យចូលកាន់មេសរាសី គឺព្រះអាទិត្យ ដើរចំពីក្បាលជាសង្ក្រាន្ត ។ ខ្មែរមានជំនឿថា ក្នុងអំឡុងពេលមួយឆ្នាំនៃការរស់នៅ គេតែងជួបប្រទះអពមង្គល ឧបទ្រពចង្រៃ ផ្សេងៗ ជួនកាលមានទុក្ខសោក ជួនកាលមានគ្រោះអាសន្នអន្ធក្រ ជួនកាលមានគ្រោះជំងឺរួបរឹតរាងកាយ ជួនកាលទៀតបានប្រព្រឹត្ដអំពើសៅហ្មង មិនគប្បី ។ លុះផុតឆ្នាំចាស់ទៅ គេនាំគ្នាធ្វើបុណ្យ គេស្លៀកពាក់ ថ្មីៗ គេនាំគ្នាដើរលេងកម្សាន្ដ ដើម្បីឱ្យអស់កង្វល់ ហើយឱ្យមានសិរីសួស្ដី មានសុភមង្គលនៅក្នុងឆ្នាំថ្មី។
ម្យ៉ាងទៀត រយៈពេលមួយឆ្នាំ ដែលគេបានបែកចេញពីគ្រួសារ និងញាតិមិត្ដ ដែលទៅប្រកបរបរចិញ្ចឹមជីវិតនៅឆ្ងាយៗ លុះដល់ឆ្នាំថ្មី គេបានវិលទៅជួបជុំគ្នា សួរសុខទុក្ខគ្នា ដើម្បីបន្ធូរបន្ថយការនឹករលឹក និងបំបាត់ការនឿយហត់ពីការងារផង រួចទើបបន្ដជីវភាពថ្មីនៅក្នុងឆ្នាំថ្មី ប្រកបរបរដោយជោគជ័យ និងអាយុយឺនយូរ ។

ទំនៀមនៃការរៀបចំបុណ្យចូលឆ្នាំថ្មី
ទំនៀមពិធីបុណ្យចូលឆ្នាំថ្មីប្រពៃណីខ្មែរប្រព្រឹត្តទៅចំនួន ៣ថ្ងៃ។ ថ្ងៃដំបូងជា «ថ្ងៃមហាសង្ក្រាន្ត» ថ្ងៃទី២ ជា«ថ្ងៃវ័នបត» និងថ្ងៃទី៣ ជា«ថ្ងៃឡើងស័ក» ។ ការកំណត់ខែ ថ្ងៃ ម៉ោង នាទីដែលឆ្នាំចាស់ត្រូវផុតកំណត់ ហើយទេព្តាឆ្នាំថ្មីត្រូវចុះមកទទួលតំណែងពីទេព្តាឆ្នាំចាស់នោះ គេអាចដឹងបានយ៉ាងទៀងទាត់ ដោយអាស្រ័យតាមក្បួនហោរាសាស្ត្របែបបុរាណ គឺក្បួនមហាសង្ក្រាន្តនេះឯង ។
ថ្ងៃចូលឆ្នាំមកដល់គេរៀបគ្រឿងសក្ការបូជាសម្រាប់ទទួលទេវតាថ្មី មាន ៖ បាយសីមួយគូ ស្លាធម៌១គូ ធូប៥ ទៀន៥ ទឹកអប់១គូ ផ្កាភ្ញី លាជ ទឹកមួយផ្តិល និងភេសជ្ជៈ នំនែក ផ្លែឈើគ្រប់មុខ ។ លុះដល់វេលាកំណត់ទេព្តាថ្មីចុះមកហើយ គេនាំកូនចៅអង្គុយជុំគ្នា នៅជិតកន្លែងរៀបគ្រឿងសក្ការនោះ ហើយអុជទៀន ធូប បាញ់ទឹកអប់ បន់ស្រន់សុំសេចក្តីសុខចម្រើនគ្រប់ប្រការពីទេព្តាថ្មី។

ក្នុងពេលឈប់សម្រាកខាងមុខនេះ យើងខ្ញុំសូមជូនពរលោក អ្នកធ្វើដំណើរទីជិតទីឆ្ងាយទៅណាមកណាសូមជួបតែសេចក្តីសុខសុវត្ថិភាព និងសុភមង្គល...
13/04/2024

ក្នុងពេលឈប់សម្រាកខាងមុខនេះ យើងខ្ញុំសូមជូនពរលោក អ្នកធ្វើដំណើរទីជិតទីឆ្ងាយទៅណាមកណាសូមជួបតែសេចក្តីសុខសុវត្ថិភាព និងសុភមង្គល។
គ្រប់ពេលដែលលោកអ្នកធ្វើដំណើរដោយម៉ូតូ សូមពាក់មួកសុវត្ថិភាព ដាក់គន្លឹះឲ្យបានត្រឹមត្រូវ។
គ្រប់ពេលដែលលោកអ្នកធ្វើដំណើរដោយរថយន្តត្រូវពាក់ខ្សែក្រវាត់សុវត្ថិភាពជានិច្ច។

ក្រុមការងារម្លប់តាប៉ាងបានប្រារព្ធពិធីជប់លៀងអបអរសាទរពិធីបុណ្យចូលឆ្នាំថ្មីប្រពៃណីខ្មែរនៅថ្ងៃទី ១១ ខែមេសា ឆ្នាំ ២០២៤ យ៉ាងសប...
12/04/2024

ក្រុមការងារម្លប់តាប៉ាងបានប្រារព្ធពិធីជប់លៀងអបអរសាទរពិធីបុណ្យចូលឆ្នាំថ្មីប្រពៃណីខ្មែរនៅថ្ងៃទី ១១ ខែមេសា ឆ្នាំ ២០២៤ យ៉ាងសប្បាយរីករាយដោយមានការចូលរួមរបស់បុគ្គលិកទាំងអស់លេងល្បែងប្រជាប្រិយ៏ខ្មែរ ច្រៀងរាំកម្សាន្ត ពិសារអហារពេលល្ងាចជុំគ្នា និងចាប់រង្វាន់ផ្សងសំណាងផងដែរ 🎉

សូមទេវតាឆ្នាំថ្មី ប្រសិទ្ធិពរជ័យ និងតាមជួយថែរក្សាបុគ្គលិក កុមារ និងក្រុមគ្រួសារទាំងអស់អោយទទួលបាននូវសិរិសួស្តី ជ័យមង្គល វិបុលសុខមហាប្រសើរ ចម្រើនរុងរឿងជានិច្ចនិរន្តន៍ 🙏💝

We celebrated our annual staff party on 11th April 2024 with a themed Khmer Culture Night that saw our staff enjoyed the culture with music, dancing, singing and with many other joyful activities 🎉

ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ អង្គការម្លប់តាប៉ាងនឹងឈប់សម្រាកចាប់ពីថ្ងៃទី ១២ ដល់ថ្ងៃទី ១៨ ខែមេសាឆ្នាំ ២០...
11/04/2024

ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិ អង្គការម្លប់តាប៉ាងនឹងឈប់សម្រាកចាប់ពីថ្ងៃទី ១២ ដល់ថ្ងៃទី ១៨ ខែមេសាឆ្នាំ ២០២៤។ ប៉ុន្តែទូរស័ព្ទទាន់ហេតុការណ៍ ដែលជាទូរស័ព្ទបន្ទាន់សម្រាប់កុមារនៅដំណើរការ២៤ម៉ោងដូចធម្មតា ដែលមានលេខ ០១២/០១៦ ៤៧៨ ១០០។

10/04/2024

កាលពីថ្ងៃម្សិលមិញមានការប្រគំតន្ត្រី ដើម្បីអបអរសាទរសង្ក្រាន្តឆ្នាំថ្មីសម្តែងដោយកុមារ និងយុវជន ពិតជាមានភាពសប្បាយរីករាយណាស់ ពួកគាត់បានបញ្ចេញនូវទេពកុសលប៉ិនប្រសប់ដែលពួកគាត់មាន។

សូមរីករាយទស្សនាវីដេអូរខ្លីនៃការសម្តែងដ៏អស្ចារ្យ!

នៅព្រឹកថ្ងៃទី ៩ ខែមេសា ឆ្នាំ ២០២៤ នេះ អង្គការម្លប់តាប៉ាងបានរៀបចំនិមន្តព្រះសង្ឃសូត្រមន្តទៅតាមប្រពៃណីសុំសេចក្តីសុខ សុវត្ថិ...
09/04/2024

នៅព្រឹកថ្ងៃទី ៩ ខែមេសា ឆ្នាំ ២០២៤ នេះ អង្គការម្លប់តាប៉ាងបានរៀបចំនិមន្តព្រះសង្ឃសូត្រមន្តទៅតាមប្រពៃណីសុំសេចក្តីសុខ សុវត្ថិភាព ដេញចង្រៃឧបទ្រព ដូចរាល់ឆ្នាំដែរ។ ក្រៅពីនេះមានសកម្មភាពលេងកំសាន្តផ្សេងៗទៀតជាច្រើនផងដែរ។

សូមរងចាំទស្សនានៅថ្ងៃស្អែក អំពីសកម្មភាពកំសាន្តផ្សេងៗ ដើម្បីអបអរសាទរសង្ក្រាន្តឆ្នាំថ្មីប្រពៃណីជាតិ ដូចជាការប្រគំតន្រ្តី ការសម្តែងរឿងខ្លី និងកម្មវិធីសប្បាយៗ ជាច្រើនទៀតរបស់កុមារយើង។

សូមអរគុណដល់ម្ចាស់ភោជនីយដ្ឋាន ស៊ុប ហេងហេង អូរឈើទាល ដែលបានឧបត្ថម្ភអាហារថ្ងៃត្រង់១ពេល និងភេសជ្ជៈ១៥កេស នៅថ្ងៃនេះ សម្រាប់ជាអា...
09/04/2024

សូមអរគុណដល់ម្ចាស់ភោជនីយដ្ឋាន ស៊ុប ហេងហេង អូរឈើទាល ដែលបានឧបត្ថម្ភអាហារថ្ងៃត្រង់១ពេល និងភេសជ្ជៈ១៥កេស នៅថ្ងៃនេះ សម្រាប់ជាអាហារជប់លៀងកុមារយើងនៅមុនពិធីបុណ្យចូលឆ្នាំថ្មីប្រពៃណីជាតិ។

សូមជូនពរឲ្យម្ចាស់ហាងនិងបុគ្គលិកទាំងអស់នៅឆ្នាំថ្មីខាងមុខនេះមានសុខភាពល្អ និងសុវត្ថិភាពរាល់ការធ្វើដំណើរទៅណាមកណា និងសូមឲ្យមានភ្ញៀវគាំទ្រច្រើនថែមទៀត

08/04/2024

កុមារចូលរួមក្នុងសកម្មភាពរៀបចំតុបតែងអបអរសាទរសង្ក្រាន្តឆ្នាំថ្មី២០២៤ នៅអង្គការម្លប់តាប៉ាង។

អបអរសាទរដល់បុគ្គលិកយើងលោកគ្រូ សុភាទាំង២ បានចូលរួមទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី៩នៅខេត្តព្រះសីហនុនៅថ្ងៃឈ...
08/04/2024

អបអរសាទរដល់បុគ្គលិកយើងលោកគ្រូ សុភាទាំង២ បានចូលរួមទិវារត់ប្រណាំងអន្តរជាតិពាក់កណ្តាលម៉ារ៉ាតុងលើកទី៩នៅខេត្តព្រះសីហនុនៅថ្ងៃឈប់សម្រាករបស់គាត់កាលពីថ្ងៃអាទិត្យទី៧ ខែមេសា ឆ្នាំ ២០២៤។

រីករាយថ្ងៃសុក្រទាំងអស់គ្នា!
05/04/2024

រីករាយថ្ងៃសុក្រទាំងអស់គ្នា!

នៅថ្ងៃទី ៤ ខែមេសា ឆ្នាំ ២០២៤នេះ អង្គការម្លប់តាប៉ាងទទួលស្វាគមន៍លោក លោកស្រី ដែលជាមន្ត្រីរាជការមកពីក្រសួង/មន្ទីរសង្គមកិច្ចអ...
04/04/2024

នៅថ្ងៃទី ៤ ខែមេសា ឆ្នាំ ២០២៤នេះ អង្គការម្លប់តាប៉ាងទទួលស្វាគមន៍លោក លោកស្រី ដែលជាមន្ត្រីរាជការមកពីក្រសួង/មន្ទីរសង្គមកិច្ចអតីតយុទ្ធជន និងយុវនីតិសម្បទា អញ្ជើញចុះពិនិត្យមើលសកម្មភាពការងាររបស់អង្គការម្លប់តាប៉ាង។
យើងខ្ញុំសូមអរគុណចំពោះកិច្ចសហការដ៏ល្អលើដំណើរការរៀបចំបន្តកិច្ចព្រមព្រៀងគម្រោងរវាងក្រសួងសង្គមកិច្ច អតីតយុទ្ធជន និងយុវនីតិសម្បទា និងអង្គការម្លប់តាប៉ាង ប្រព្រឹត្តទៅដោយរលូនប្រកបដោយប្រសិទ្ធភាពខ្ពស់។ ជាថ្មីម្តងទៀត យើងខ្ញុះសូមស្វាគមន៍ចំពោះការអញ្ជើញចុះមកពិនិត្យដល់ទីតាំងអនុវត្តគម្រោងរបស់អង្គការយើងខ្ញុំនៅថ្ងៃនេះ។

សូមអរគុណដល់ Aristocrat Residence &  Hotel សហការជាមួយក្រុមការងារផ្នែកសុវត្ថិភាពកុមារនៃអង្គការម្លប់តាប៉ាង បានទទួលយកការបណ្ត...
04/04/2024

សូមអរគុណដល់ Aristocrat Residence & Hotel សហការជាមួយក្រុមការងារផ្នែកសុវត្ថិភាពកុមារនៃអង្គការម្លប់តាប៉ាង បានទទួលយកការបណ្តុះបណ្តាលអំពីសុវត្ថិភាពកុមារ មានលទ្ធផលជោគជ័យ និងស្ម័គ្រចិត្តចូលរួមជាមួយចលនាសុវត្ថិភាពកុមារ ChildSafe Movement ដើម្បីចូលរួមជួយការពារកុមារយើង។

សូមជូនពរដល់ក្រុមការងារទាំងអស់ដែលទទួលវិញ្ញាបនបត្រចូលជាសមាជិកសុវត្ថិភាពកុមារ សូមមានសុខភាពល្អ និងទទួលបានជោគជ័យគ្រប់ភារកិច្ច។

សូមជូនពរ Aristocrat Residence & Hotelទទួលបានការគាំទ្រកាន់ច្រើនថែមទៀត។

នៅព្រឹកថ្ងៃទី៣ ខែមេសា ឆ្នាំ ២០២៤ ក្រុមការងារផ្នែកចុះសហគមន៍ បានរៀបចំការប្រជុំគ្រួសារដែលអង្គការធ្វើជាមួយ។ លោកគ្រូ អ្នកគ្រូ...
03/04/2024

នៅព្រឹកថ្ងៃទី៣ ខែមេសា ឆ្នាំ ២០២៤ ក្រុមការងារផ្នែកចុះសហគមន៍ បានរៀបចំការប្រជុំគ្រួសារដែលអង្គការធ្វើជាមួយ។ លោកគ្រូ អ្នកគ្រូបានបង្ហាញអំពីសេវាកម្មផ្សេងៗ ដែលជាអត្ថប្រយោជន៍កុមារ យុវជន និងគ្រួសាររបស់ពួកគេ។
សូមអរគុណដល់លោកគ្រូដែលអញ្ជើញមកពី វិទ្យាស្ថានពហុបច្ចេកទេសខេត្តព្រះសីហនុ ដែលបានពន្យល់ណែនាំអំពីកម្មវិធីបណ្តុះបណ្តាលវិជ្ជាជីវៈដែលគាំទ្រដោយរាជរដ្ឋាភិបាលដល់គ្រួសារដែលមានប័ណ្ណក្រីក្រ ប្រសិនបើចាប់អារម្មណ៍អាចអញ្ជើញទៅសាកសួរព័ត៌មាន និងចុះឈ្មោះចូលរៀន។

03/04/2024

ពិធីបុណ្យចូលឆ្នាំថ្មី ប្រពៃណីជាតិខិតជិតចូលមកដល់ហើយ កុមារនិងយុវជនយើងត្រៀមខ្លួនចូលរួមប្រារព្ធពិធីបុណ្យតាមរយៈការបង្ហាញនូវការច្នៃប្រឌិតផ្សេងៗ របស់ពួកគេ។ ទស្សនាវីដេអូរខ្លីបង្ហាញអំពីគំនូររបស់កុមារយើងគូរដោយផ្ទាល់ដៃ😍

គណនេយ្យភាព និងតម្លាភាពពិតជាមានសារៈសំខាន់ណាស់។ នៅសប្តាហ៍នេះក្រុមហ៊ុនសវនកម្ម​ AT & Associates (មកពីរាជធានីភ្នំពេញ)ចុះធ្វើស...
03/04/2024

គណនេយ្យភាព និងតម្លាភាពពិតជាមានសារៈសំខាន់ណាស់។ នៅសប្តាហ៍នេះក្រុមហ៊ុនសវនកម្ម​ AT & Associates (មកពីរាជធានីភ្នំពេញ)ចុះធ្វើសវនកម្មហិរញ្ញវត្ថុអង្គការម្លប់តាប៉ាងឆ្នាំ២០២៣។

Address

Street 102, Group 4, Village 4, Sang Kat 4
Sihanoukville
180404

Alerts

Be the first to know and let us send you an email when M’Lop Tapang posts news and promotions. Your email address will not be used for any other purpose, and you can unsubscribe at any time.

Share