23/10/2026
អបអរសាទរខួបលើកទី៣៥ ទិវារំលឹកខួបនៃកិច្ចព្រមព្រៀងសន្តិភាពទីក្រុងប៉ារីស ថ្ងៃទី២៣ តុលា ១៩៩១ - ២៣ តុលា ២០២៦!
កិច្ចព្រមព្រៀងសន្តិភាពទីក្រុងប៉ារីស ឆ្នាំ១៩៩១ ដែលជាព្រះរាជតម្រិះដ៏ថ្លៃថ្លារបស់ព្រះករុណាព្រះបាទសម្តេចព្រះ នរោត្តម សីហនុ ព្រះបរមរតនកោដ្ឋ និងជាគំនិតផ្តួចផ្តើមដ៏ឈ្លាសវៃរបស់ សម្ដេចអគ្គមហាសេនាបតីតេជោ ហ៊ុន សែន ក្នុងគោលបំណងស្វែងរកសន្តិភាពជូនជាតិ មាតុភូមិ និងប្រជាជនទាំងមូល ឲ្យបានចាកផុតចេញពីភ្លើងសង្គ្រាម និងជម្លោះរ៊ាំរ៉ៃ។ នេះគឺជាព្រឹត្តិការណ៍ប្រវតិ្តសាស្រ្តដ៏សំខាន់មួយ ដែលបាននាំឱ្យមានការបោះឆ្នោត និងការបង្កើតរដ្ឋធម្មនុញ្ញ ដែលនាំមកនូវរបបរាជានិយមអាស្រ័យរដ្ឋធម្មនុញ្ញ និងលទ្ធិប្រជាធិបតេយ្យសេរីពហុបក្ស។ តាមរយៈនយោបាយ ឈ្នះ ឈ្នះ ដែលត្រូវបានដាក់ចេញជាបន្តបន្ទាប់ បានធ្វើឱ្យកម្ពុជាឈានទៅដល់ការបញ្ចប់សង្រ្គាមផ្ទៃក្នុងបានទាំងស្រុង។
ក្នុងនាមយើងជាយុវជនទំនាន់ក្រោយ យើងទាំងអស់គ្នា គប្បីប្រឹងប្រែងរៀនសូត្រពីមេរៀនប្រវត្តិសាស្ត្រទាំងនេះ ដើម្បីជាទុនសម្រាប់ចូលរួមក្នុងការអភិវឌ្ឍន៍ប្រទេសជាតិទៅថ្ងៃអនាគត។ ជាងនេះទៅទៀត យើងត្រូវរួមគ្នាតាំងចិត្តអោយមាំក្នុងការថែរក្សាសុខសន្តិភាពដែលយើងកំពុងមាន។
