Angkor Hospital for Children, Vithey Preah Sangreach Tep Vong & Um Chhay Street, Siem Reap (2026)

29/09/2026

សូមរួមចំណែកផ្តល់ពន្លឺភ្នែក និងក្តីសង្ឃឹមថ្មីដល់កុមារកម្ពុជា!❤️🇰🇭

តាំងពីឆ្នាំ ១៩៩៩ មក មន្ទីរពេទ្យកុមារអង្គរ (Angkor Children Hospital) បានជួយសង្គ្រោះ និងព្យាបាលកុមារកម្ពុជារាប់លាននាក់រួចមកហើយ។ ប៉ុន្តែថ្ងៃនេះ ពួកយើងត្រូវការជំនួយបន្ថែមពីបងប្អូន សម្រាប់យុទ្ធនាការ «ភ្នែកល្អជីវិតល្អ» Good Eyes, Good Life ដើម្បីជួយដល់ផ្នែកព្យាបាលភ្នែកកុមារដែលគ្រួសារកំពុងខ្វះខាតធនធាន។ រាល់ការបរិច្ចាគរបស់បងប្អូន គឺជាពន្លឺ និងក្តីសង្ឃឹមថ្មីសម្រាប់អនាគតកុមារគ្រប់រូប។

សូមចូលរួមបរិច្ចាគតាមរយៈ QR Code នៅខំមិនខាងក្រោមទាំងអស់គ្នា ដើម្បីអនាគតកុមារកម្ពុជា! អរគុណខ្លាំងណាស់សម្រាប់ទឹកចិត្តសប្បុរសរបស់បងប្អូន!✨

28/09/2026

✨នៅក្នុងប្រទេសកម្ពុជា ការប៉ាន់ប្រមាណបានបង្ហាញថា កុមារប្រមាណ ២ ៥០០ នាក់ កំពុងរស់នៅជាមួយនឹងពិការភាពភ្នែក!

👁️ ៧១% នៃករណីទាំងនេះ អាចបង្ការ ការពារ ឬព្យាបាលបានទាំងស្រុង ប្រសិនបើទទួលការព្យាបាលទាន់ពេលវេលា!

មន្ទីរពេទ្យកុមារកុមារ ក្នុងនាមជាមន្ទីរពេទ្យឯកទេសព្យាបាលភ្នែកកុមារមួយក្នុងប្រទេស ពួកយើងមានលទ្ធិភាពផ្ដល់ការប្រឹក្សា និងព្យាបាលដល់កុមារប្រមាណ ១៥ ០០០នាក់ក្នុងមួយឆ្នាំ។ 💚

💚 ក្នុងរយៈពេល៤សប្តាហ៍ ដោយចាប់ពីថ្ងៃទី២៨ ខែកញ្ញា ដល់ថ្ងៃទី ២៣ ខែតុលា ឆ្នាំ ២០២៦ មន្ទីរពេទ្យកុមារអង្គរនឹងផ្សព្វផ្សាយយុទ្ធនាការប្រចាំឆ្នាំរបស់យើង ក្រោមប្រធានបទ” “ #ភ្នែកល្អជីវិតល្អ ” ក្នុងគោលបំណងរៃអង្គាសថវិកាដើម្បីជួយគាំទ្រដល់ការពិនិត្យ ព្យាបាល និងថែទាំភ្នែកដល់កុមារនៅប្រទេសកម្ពុជា។

មន្ទីរពេទ្យកុមារអង្គរ ផ្ដល់ឲ្យកុមារគ្រប់រូបទទួលបានឱកាសព្យាបាល ផ្ដល់ការគាំទ្រ និងអប់រំដល់កុមារ អាណាព្យាបាលឲ្យពួកគេយល់ដឹង ការពារ និងស្វែងរកដំណោះស្រាយទាន់ពេល ដើម្បីធានាឲ្យបានថាកុមារគ្រប់រូបអាចមើលឃើញច្បាស់ ជាមួយនឹងភ្នែកដែលមានសុខភាពល្អ។ 🍀

#យុទ្ធនាការភ្នែកល្អជីវិតល្អ #មន្ទីរពេទ្យកុមារអង្គរ

28/09/2026

✨ មន្ទីរពេទ្យកុមារអង្គរមានកិត្តិយសសូមជម្រាបជូន ដំណឹងដល់សាធារណៈជន ទាំងអស់ឱ្យបានជ្រាបថា មន្ទីរពេទ្យនឹងរៀបចំសន្និសីទសារព័ត៌មានក្រោមប្រធានបទ “ #យុទ្ធនាការភ្នែកល្អជីវិតល្អ” ដែលបង្កើតឡើង ដោយមន្ទីរពេទ្យកុមារអង្គរ និងមាន ការគាំទ្រដោយ ក្រុមហ៊ុន ប៉េង ហួត គ្រុប ដើម្បីជួយផ្ដល់ការពិនិត្យ ព្យាបាល និងថែទាំដល់កុមារដែលស្វែងរកការព្យាបាលជំងឺ ឬបញ្ហាភ្នែកនៅមន្ទីរពេទ្យ កុមារអង្គរ។ កម្មវិធីរបស់យើងនឹងធ្វើឡើងនាថ្ងៃចន្ទ ទី២៨ ខែកញ្ញា ឆ្នាំ២០២៦ វេលាម៉ោង ២:០០ - ៥:០០ រសៀលនៅទីតាំង បន្ទប់ជាន់ទី២ មឺហ្គឺរៀន ភីអេច ហ្គ្រេនហល បុរី ប៉េង ហួត ហ្រ្គេនស្តា ផ្លាទីនីម (បឹងស្នោរ)។ 🍀

🙏 មន្ទីរពេទ្យកុមារអង្គរ សូមគោរពអញ្ជើញអ្នកសារ ព័ត៌មាន អ្នកផលិតមាតិកា និងពុកម៉ែបងប្អូនទាំងអស់គ្នា ចូលរួមក្នុងកម្មវិធីរបស់យើងដោយសេរី ដើម្បីស្វែងយល់ ពីយុទ្ធនាការរបស់យើង និងជួយធ្វើការផ្សព្វផ្សាយឲ្យបាន ទូលំទូលាយបន្ថែមទៀត។

✨ សូមចូលរួមជាមួយមន្ទីរពេទ្យកុមារអង្គរ — ដើម្បីរួមចំណែកផ្ដល់ការពិនិត្យ ព្យាបាល និងថែទាំសុខភាពភ្នែកកុមារគ្រប់រូបនៅកម្ពុជា។
______________________
សូមជួយមន្ទីរពេទ្យកុមារអង្គរ តាមរយៈការបរិច្ចាគដើម្បីផ្តល់ការថែទាំសុខភាពកុមារ៖
1. ស្កេនឃ្យូអរកូដ (KHQRs)
2. ទំនាក់ទំនងបរិច្ចាគ៖ 017 725 745 / 098 725 745 ឬ [email protected]

#យុទ្ធនាការភ្នែកល្អជីវិតល្អ #មន្ទីរពេទ្យកុមារអង្គរ

25/09/2026

#សេចក្តីជូនដំណឹង

💚 មន្ទីរពេទ្យកុមារអង្គរ មានកិត្តិយសសូមជម្រាបជូនដំណឹងដល់សាធារណៈជនទាំងអស់ ឱ្យបានជ្រាបថា មន្ទីរពេទ្យនឹងរៀបចំ សន្និសីទប្រចាំឆ្នាំលើកទី១០ ស្ដីអំពីសុខភាពកុមារក្រោមប្រធានបទ “បច្ចុប្បន្នភាពជំងឺកុមារទូទៅ ៧” នាថ្ងៃទី២៤ ខែតុលា ឆ្នាំ២០២៦ នៅ សាលសន្និសីទ នៃសណ្ឋាគារសុខាសៀមរាប Sokha Siem Reap Resort & Convention Center និង តាមប្រព័ន្ធអនឡាញ។

✨ អាស្រ័យដូចបានជម្រាបជូនខាងលើ យើងខ្ញុំសូមគោរពអញ្ចើញ ឯកឧត្តម លោកជំទាវ សាស្រ្តាចារ្យ លោក លោកស្រី អ្នកនាងកញ្ញាដែលមាន វិជ្ជាជីវៈផ្នែកពិនិត្យព្យាបាល ថែទាំកុមារនិងទារកទាំង ស្ថាប័នរដ្ឋ និងឯកជនចូលរួមកុំបីអាក់ខាន។ វត្តមានរបស់ឯកឧត្តម លោកជំទាវ សាស្រ្តាចារ្យ វេជ្ជបណ្ឌិត គ្រូពេទ្យ គិលានុបដ្ឋាក និង និស្សិតអន្តេវាសិកវេជ្ជសាស្រ្តទាំងអស់គឺជាការចូលរួមចំណែកគាំទ្រ និង ពង្រឹងដល់ការអភិវឌ្ឍវិជ្ជាជីវៈបន្ត ក៏ដូចជាការចូលរួមកាត់បន្ថយអត្រាឈឺ និងអត្រាមរណៈរបស់ទារក និងកុមារ ឱ្យស្របតាមយុទ្ធសាស្រ្តរបស់រាជរដ្ឋាភិបាល។

🎯 បញ្ជាក់៖
• អាហារសម្រន់ អាហារថ្ងៃត្រង់ និងសៀវភៅកំណត់ត្រាសិក្សានឹងត្រូវផ្ដល់ជូនសម្រាប់អ្នកចូលរួមផ្ទាល់នៅសាលសន្និសីទ។
• ឯកសារសិក្សានឹងត្រូវផ្ដល់ជូនដល់អ្នកចូលរួមតាមប្រព័ន្ធ QR Code ។
• ទាំងអ្នកចូលរួមផ្ទាល់ និងអ្នកចូលរួមតាមអនឡាញនឹងទទួលបានវិញ្ញាបនបត្របញ្ជាក់ការចូលរួមចំនួន១ និងទទួលបានពិន្ទុ CPD ផងដែរ ប៉ុន្តែសម្រាប់អ្នកចូលរួមតាមអនឡាញនឹងមិនទទួលបានពិន្ទុ CPD នោះទេ ។
• ការចុះឈ្មោះចូលរួមដោយផ្ទាល់ត្រូវបង់ថ្លៃ ២៥ ដុល្លារ រីឯការចូលរួមតាមរយៈអនឡាញពុំមានការបង់ប្រាក់នោះទេ។ សម្រាប់ការចូលរួមតាមរយៈអនឡាញសូមចុចលើតំណភ្ជាប់នេះដើម្បីទទួលបានព័ត៌មានបន្ថែម https://t.me/+G0thNcm2wd45NWFl

⚡️សូមរួសរាន់ឡើង ចំនួននៃការចុះឈ្មោះចូលរួមមានកំណត់!

✨ សម្រាប់ព័ត៌មានទាក់ទងការចុះឈ្មោះនិងព័ត៌មានបន្ថែម សូមទាក់ទង៖
លោក សរ រតនៈ តាមរយៈលេខទូរស័ព្ទ ០៧៨ ៥៦៣ ២៦៤ (Telegram) t.me/Ratanaksar
លោក ឌិត គីមស្រ៊ុន តាមរយៈលេខទូរស័ព្ទ ០១២ ៤០ ៩០ ៣៩ (Telegram) t.me/Dithkimsrun

#មន្ទីរពេទ្យកុមារអង្គរ

20/09/2026

🍀 ការបរិច្ចាគត្រឹមតែ 1$ ក្នុងមួយខែ ឬ 12$ ក្នុងមួយឆ្នាំអាចមើលទៅតិចតួចសម្រាប់បងប្អូនដែលមានលទ្ធភាព ប៉ុន្តែវាមានតម្លៃយ៉ាងធំសម្រាប់កុមារដែលកំពុងត្រូវការជំនួយសង្គ្រោះជីវិតនៅក្នុងមន្ទីរពេទ្យកុមារអង្គរ ។
✨ សូមបងប្អូនចូលរួមបរិច្ចាគជាមួយគម្រោង មិត្តអ្នកគាំទ្រមន្ទីរពេទ្យកុមារអង្គរ ដើម្បីរួមចំណែកជួយសង្គ្រោះជីវិតកុមារទាំងអស់គ្នា។សូមចូលទៅកាន់លីងតេលេក្រាមផ្លូវការរបស់មន្ទីរពេទ្យ ដើម្បីចុះឈ្មោះ https://t.me/TeamAHCPRC និងធ្វើការបរិច្ចាគតាម QR Code ខាងក្រោម។
ការរួមចំណែកតូចៗរបស់អ្នក អាចបង្កើតការផ្លាស់ប្តូរធំមួយបាន។ 💚
_______________
សូមស្វែងរកព័ត៌មានបន្ថែមនៅលើទំព័រតេឡេក្រាមមន្ទីរពេទ្យកុមារអង្គរ៖
https://t.me/AngkorHospitalforChildren

#មន្ទីរពេទ្យកុមារអង្គរ

18/09/2026

🍀 តាមទិន្នន័យក្នុងខែសីហាបានបង្ហាញឲ្យឃើញថា ចំនួនអ្នកជំងឺគ្រុនឈាមដែលចូលមកសម្រាកព្យាបាលនៅមន្ទីរពេទ្យកុមារអង្គរ មានការថយចុះ ប៉ុន្តែតម្រូវការនៃការព្យាបាលនៅផ្នែកសង្គ្រោះបន្ទាន់ និងជំងឺធ្ងន់នៅតែបន្តកើនឡើងនៅឡើយ!

🌧️ដោយសាររដូវវស្សាមិនទាន់ផុតនៅឡើង មន្ទីរពេទ្យកុមារអង្គរ នៅតែខិតខំប្រឹងប្រែងក្នុងការពង្រឹងការផ្ដល់សេវាថែទាំសុខភាពនៅក្នុងមន្ទីរពេទ្យយ៉ាងដឹតដល់ និងប្រកបដោយគុណភាពខ្ពស់ រួមទាំងបន្តសកម្មភាពចុះអប់រំ និងផ្សព្វផ្សាយពីវិធីបង្ការ ទៅដល់ប្រជាពលរដ្ឋនៅតាមសហគមន៍ជិតឆ្ងាយឲ្យបានយល់ដឹង ដើម្បីជួយដល់ពួកគេឱ្យមានការត្រៀមខ្លួនរួចរាល់សម្រាប់រដូវវស្សាដែលកំពុងបន្តនេះ។

✨ ទោះបីជាទិន្នន័យដែលផ្ដល់ឲ្យមានការប្រែប្រួលក៏ដោយ ប៉ុន្តែមន្ទីរពេទ្យកុមារអង្គរនូវតែបន្តប្តេជ្ញាចិត្តគាំទ្រដល់កុមារ និងក្រុមគ្រួសាររបស់ពួកគេក្នុងអំឡុងពេលនៃរដូវកាលជំងឺគ្រុនឈាមនេះឲ្យបានល្អបំផុត ដោយធានាថាកុមារគ្រប់ៗរូបនឹងទទួលបានការព្យាបាលថែទាំតាមដែលពួកគេត្រូវការ។ 💚

💚 រាល់ការបរិច្ចាគរបស់ពុកម៉ែបងប្អូន ទោះបីជាតិចក្ដី ច្រើនក្តី នឹងចូលរួមជាចំណែកមួយ ដើម្បីជួយសង្រ្គោះជីវិតកុមារគ្រប់រូបនៅកម្ពុជា!
_______________
សូមស្វែងរកព័ត៌មានបន្ថែមនៅលើទំព័រតេឡេក្រាមមន្ទីរពេទ្យកុមារអង្គរ៖
https://t.me/AngkorHospitalforChildren

#មន្ទីរពេទ្យកុមារអង្គរ

14/09/2026

🍀 កាលពីរសៀលថ្ងៃចន្ទ ទី ៣១ ខែសីហា ឆ្នាំ២០២៦ កន្លងទៅនេះ គណៈគ្រប់គ្រងមន្ទីរពេទ្យកុមារអង្គរ ដឹកនាំដោយលោកសាស្ត្រាចារ្យវេជ្ជបណ្ឌិត ង៉ែត ពិសេស នាយករងមន្ទីរពេទ្យ និងលោកគ្រូពេទ្យអ្នកពេទ្យ ព្រមទាំងសហការី បានទទួលស្វាគមន៍ លោកស្រី អ៊ឹម សុគន្ធា អគ្គនាយិកាក្រុមហ៊ុន HK7 និង ស្វាមី ព្រមទាំងសហការី ដែលបានឆ្លៀតពេលវេលាដ៏មមាញឹកពីការងារ មកធ្វើទស្សនកិច្ចសួរសុខទុក្ខអ្នកជំងឺ និងអាណាព្យាបាលអ្នកជំងឺ ដែលកំពុងសម្រាកព្យាបាលនៅក្នុងមន្ទីរពេទ្យកុមារអង្គរ។

នាក្នុងឱកាសនោះដែរ ដើម្បីជាកិច្ចអបអរដល់ថ្ងៃខួបកំណើតរបស់លោកស្រី ដែលនឹងប្រព្រឹត្តិនៅក្នុងខែកញ្ញានេះ លោកស្រី និងស្វាមី ក៏បាននំាយកនូវអំណោយសប្បុរសធម៌ជាថវិកាសរុបចំនួន ២០ លានរៀល ដែលក្នុងនោះ ថវិកា ១០ លានរៀល គឺសម្រាប់ទ្រទ្រង់ការចំណាយប្រតិបត្តិការទូទៅនៅក្នុងមន្ទីរពេទ្យក្នុងឆ្នាំ ២០២៦ និងថវិកាចំនួន ១០ លានរៀលទៀត គឺសម្រាប់ទ្រទ្រង់នៅក្នុងគម្រោងសាងសង់អគារមជ្ឈមណ្ឌលចក្ខុរោគរបស់មន្ទីរពេទ្យកុមារអង្គរ ដែលនឹងគ្រោងសាងសង់នៅក្នុងឆ្នាំ ២០២៧ ខាងមុខ។ 💚

✨ ទាំងថ្នាក់ដឹកនាំ បុគ្គលិក និងកុមារកំពុងសម្រាកព្យាបាល ព្រមទាំងអាណាព្យាបាល សូមប្រសិទ្ធិពរបវរមហាប្រសើរ ដល់លោកស្រី និងស្វាមី ព្រមទាំងកូនប្រុសកូនស្រី និងក្រុមគ្រួសារ រួមទាំងសហការិនៃក្រុមហ៊ុន HK7 ឱ្យទទួលបាននូវពរទាំង ៤ ប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ ហើយពួកយើងក៏សង្ឃឹមយ៉ាងមុតមាំផងដែរថា លោកស្រី និងស្វាមី នៅតែបន្តជួយឧបត្ថម្ភគាំទ្រដល់ មន្ទីរពេទ្យកុមារអង្គរ យូរអង្វេងតរៀងទៅ។

សូមអរគុណ!

#មន្ទីរពេទ្យកុមារអង្គរ

14/09/2026

✨ កាលពីរសៀលថ្ងៃសៅរ៍ ទី ១២ ខែកញ្ញា ឆ្នាំ២០២៦ ម្សិលមិញនេះ គណៈគ្រប់គ្រងមន្ទីរពេទ្យកុមារអង្គរ ដឹកនាំដោយលោកសាស្ត្រាចារ្យវេជ្ជបណ្ឌិត ងួន ច័ន្ទភក្ត្រា នាយកមន្ទីរពេទ្យ អមដោយលោកនាយក និងអ្នកស្រីនាយិការង លោកគ្រូពេទ្យអ្នកពេទ្យ ព្រមទាំងបុគ្គលិក បានទទួលស្វាគមន៍ លោកអ្នកឧកញ៉ា លាង ឃុន សហស្ថាបនិក និងជាប្រធានក្រុមប្រឹក្សាភិបាល ក្រុមហ៊ុន ជីប ម៉ុង គ្រុប Chip Mong Group និង អគ្គនាយកបន្តវេន លោក អ៊ឹង វីរៈ នៃក្រុមហ៊ុន ខ្មែរ ប៊ៃរវើរីជីស Khmer Beverages លោកអគ្គនាយកបន្តវេន អ៊ឹង ពិសិដ្ឋ នៃក្រុមហ៊ុន ជីប ម៉ុង លែន Chip Mong Land ព្រមទាំងសហការី ដែលបានឆ្លៀតពេលវេលាដ៏មមាញឹក មកធ្វើទស្សនកិច្ចសួរសុខទុក្ខនំាយកនូវអំណោយសប្បុរសធម៌ ”ទឹកដោះគោឆៅផ្កាឈូក” ដែលជាផលិតផលផ្ទាល់របស់ក្រុមហ៊ុន ជីប ម៉ុង ផលិតផលខ្មែរ ផលិតដោយកូនខ្មែរ ចំនួន ៩០០ កេស ដើម្បីចែកជូនដល់បុគ្គលិកទាំងអស់ (ជាង ៤០០នាក់) ដែលកំពុងបំពេញការងារពិនិត្យ និងព្យាបាលអ្នកជំងឺយ៉ាងសស្រាក់សស្រាំទាំងរៀងរាល់ថ្ងៃ និងអ្នកជំងឺទាំងរួមទាំងអាណាព្យាបាល ដែលមកទទួលសេវាពិនិត្យព្យាបាលនៅក្នុងមន្ទីរពេទ្យកុមារអង្គរ។ 🍀

💚 សូមបញ្ជាក់ផងដែរថា ក្រុមហ៊ុន ជីប ម៉ុង គ្រុប បានផ្តល់អំណោយសប្បុរសធម៌ជាថវិកាចាប់តាំងពីឆ្នាំ ២០២៤ នៅក្នុងព្រឹត្តិការណ៍ Gumball 3000 ចំនួន ៤៥ ម៉ឺនដុល្លារអាម៉េរិក ឆ្នាំ ២០២៥ ចំនួន ១ ម៉ឺនដុល្លារអាម៉េរិក និងឆ្នាំ ២០២៦ នេះចំនួន ១ ម៉ឺនដុល្លារអាម៉េរិក ហើយជាដំណឹងដ៏ល្អគួរឱ្យរំភើបចិត្តយ៉ាងក្រៃលែងសម្រាប់បុគ្គលិកនារសៀលនោះ គឺលោកអ្នកឧកញ៉ា លាង ឃុន បានប្រកាសថាក្រុមហ៊ុន ជីប ម៉ុង គ្រុប នឹងបន្តផ្តល់ជំនួយសប្បុរសធម៌ជាថវិកាដល់មន្ទីរពេទ្យកុមារអង្គរចំនួន ១០០ លានរៀល ក្នុងមួយឆ្នាំ ចាប់ពីឆ្នាំ ២០២៧ តទៅ ដើម្បីជួយទ្រទ្រង់ដល់ដំណើរការផ្តល់សេវាសុខភាពប្រកបដោយគុណភាព និងក្តីមេត្តាករុណាដល់កុមារនៅក្នុងប្រទេសកម្ពុជាទៅមុខយូរអង្វែង។

✨ ទាំងថ្នាក់ដឹកនាំ បុគ្គលិក និងកុមារកំពុងសម្រាកព្យាបាល ព្រមទាំងអាណាព្យាបាលទាំងអស់ សូមសម្តែងនូវការគោរពកោតសរសើរ នូវកាយវិការដ៏សប្បុរស និងជាគម្រូ របស់លោកអ្នកឧកញ៉ា ក៏ដូចជាក្រុមគ្រួសារលោកទាំងមូល ដែលពិតជាឆ្លុះបញ្ជាំងពីទឹកចិត្តមនុស្សធម៌ មិនត្រឹមតែសម្រាប់ អ្នកដែលខ្វះខាត ក៏ប៉ុន្តែសម្រាប់ប្រជាជនកម្ពុជាទាំងមូលហើយក៏សូមប្រសិទ្ធិពរបវរមហាប្រសើរ ដល់លោកអ្នកឧកញ៉ា និងក្រុមគ្រួសារ ព្រមទាំងមហាគ្រួសារ ជីប ម៉ុង ទាំងមូល រួមទាំងបុគ្គលិកទាំងអស់នៃក្រុមហ៊ុន ជីប ម៉ុង គ្រុប និងក្រុមហ៊ុនជាបុត្រសម្ព័ន្ទ ឱ្យទទួលបាននូវពរទាំង ៤ ប្រការ គឺអាយុ វណ្ណៈ សុខៈ ពលៈ កុំបីឃ្លាងឃ្លាតឡើយ។

សូមអរគុណ! 🍀

#មន្ទីរពេទ្យកុមារអង្គរ

Angkor Hospital for Children

29/09/2026

28/09/2026

28/09/2026

25/09/2026

20/09/2026

18/09/2026

14/09/2026

14/09/2026

Address

Telephone

Website

Alerts

Contact The Organization

Shortcuts

Share

Category

Listing takedown request