Sophal Sea: ស៊ា សុផល

20/05/2026

អនុស្សាវរីយ៍ជីវភាពរស់នៅរបស់ប្រជាសហគមន៍កំពង់ភ្លុក ក្នុងសម័យចុះផ្ទះទន្លេនារដូវប្រាំង កាលពីជាង ១០–២០ ឆ្នាំមុន ព្រមទាំងប្រពៃណីបុណ្យឆ្លងសាលាឆទាន និងស្ពានមាត់ទន្លេ គឺជាមរតកវប្បធម៌ និងអនុស្សាវរីយ៍ដ៏មានតម្លៃ ដែលបង្ហាញពីភាពផ្សារភ្ជាប់យ៉ាងជិតស្និទ្ធរវាងជីវិតមនុស្ស និងបឹងទន្លេសាប។

សម្រាប់ឆ្នាំ២០២៦នេះ ការប្រារព្ធពិធីបុណ្យឆ្លងសាលាឆទាន និងស្ពានមាត់ទន្លេ ដើម្បីដឹងគុណបឹងទន្លេសាប មានគោលបំណងរំលឹក និងបង្ហាញពីទស្សនីយភាព ជីវភាពរស់នៅ និងអនុស្សាវរីយ៍ដ៏មានន័យរបស់សហគមន៍កំពង់ភ្លុកកាលពីអតីតកាល។ កាលនោះ ប្រជាពលរដ្ឋកំពង់ភ្លុកបានចុះទៅបោះជំរំ និងសង់លំនៅឋានបណ្តោះអាសន្នតាមមាត់ទន្លេ ដើម្បីប្រកបរបរនេសាទ និងរស់នៅពឹងផ្អែកលើធនធានធម្មជាតិនៃបឹងទន្លេសាប។

សម្រាប់បងប្អូនដែលកើតក្នុងទសវត្សរ៍ឆ្នាំ ៨០, ៩០ និងមុនឆ្នាំ ២០០៥ ប្រាកដជានៅចងចាំបាននូវអនុស្សាវរីយ៍ដ៏កក់ក្តៅនៃសម័យ “ចុះផ្ទះទន្លេ” នេះមិនខានឡើយ។ ក្នុងឱកាសនេះ សូមអញ្ជើញបងប្អូនប្រជាសហគមន៍កំពង់ភ្លុកទាំងអស់ ដែលមានរូបថតចាស់ៗ ឯកសារ ឬអនុស្សាវរីយ៍ពាក់ព័ន្ធនឹងជីវភាពរស់នៅ និងប្រវត្តិសហគមន៍ មេត្តាចែករំលែក និងរួមគ្នានិទានរឿងរ៉ាវពីអតីតកាល ដើម្បីចូលរួមថែរក្សា និងបន្តមរតកវប្បធម៌ អត្តសញ្ញាណ និងប្រវត្តិសាស្ត្រដ៏មានតម្លៃរបស់កំពង់ភ្លុក ទុកជាកេរដំណែលសម្រាប់កូនចៅជំនាន់ក្រោយ។

សូមអរគុណយ៉ាងជ្រាលជ្រៅ! 🙏❤️
ប្រភពវីដេអូ៖ Facebook: Pøü Vēān – ពូ វ័ន្ថ

20/05/2026

#កំពង់ភ្លុកកាលពីអតីតកាល!!♥️♥️

20/01/2026

Plastic Cleanup at Tonle Sap lake floating villages

26/12/2025

WATCH VIDEO: នេះជា​ទង្វើដ៏ព្រៃផ្សៃ ដែលទាហាន​ឈ្លានពាន​សៀម បានបាញ់កម្ទេចផ្ទះ​បងប្អូន​ប្រជាពលរដ្ឋ​យើង​ នៅសមរភូមិបឹងត្រកួន ខេត្តបន្ទាយមានជ័យ

https://fna.asia 🔗JOIN US

17/12/2025

សង្គ្រាមថៃ–កម្ពុជា ត្រូវបានបង្កើតឡើងដោយ «ប្រវត្តិសាស្ត្រជាតិនិយមថៃ»

ដោយ៖ ប្រាវីត រូចាណាព្រុក អ្នកកាសែតជាន់ខ្ពស់របស់ Khaosod (ក្នុងរូបថត)

ព្រឹកថ្ងៃនទី១៥ខែធ្នូឆ្នាំ២០២៥នេះ លោក ប្រាវីត រូចាណាព្រុក អ្នកកាសែតជាន់ខ្ពស់របស់ Khaosod បានសរសេរបរិយាយនៅលើគណនីហ្វេសប៊ុករបស់លោកអំពីមូលហេតុចម្បងមួយនៃសង្គ្រាមកម្ពុជា-ថៃ។ សារព័ត៌មានថ្មីៗសូមផ្សាយខ្លឹមសារអត្ថបទបកប្រែ (មិនមែនអត្ថបទទាំងមូល) ពីភាសាអង់គ្លេសរបស់លោកមកជាភាសាខ្មែរដូចខាងក្រោមនេះ៖

សកម្មជនសង្គមជាន់ខ្ពស់ម្នាក់ គឺលោក ឆៃណារុង សេត្ដាឆួ បានបង្ហោះលើហ្វេសប៊ុកម្សិលមិញសួរថា៖ «[…] ហេតុអ្វីបានជាសង្គមស៊ីវិលថៃ, អង្គការក្រៅរដ្ឋាភិបាល និងអ្នកមានឥទ្ធិពលលើបណ្ដាញសង្គមនៅស្ងៀមស្ងាត់ចំពោះសង្គ្រាមតំបន់ព្រំដែន? ឬពួកគេយល់ស្របជាមួយសង្គ្រាម?»

ខ្ញុំបានឆ្លើយថា៖«គំនិតជាតិនិយមរឹងត្អឹងត្រូវបានបញ្ជ្រាបបញ្ចូលនៅក្នុងកម្មវិធីសិក្សានៅក្នុងសាលារៀនសម្រាប់កុមារថៃ។ ការដែលមានជនជាតិថៃអាចគេចរួចផុតពីគំនិតនេះបាន បញ្ជាក់ថាអ្នកទាំងនោះបានក្លាយជាករណីពិសេស។ ដូច្នេះអ្នកគួរតែសួរខ្លួនឯងថា តើអ្នកបានរួចផុតពីគំនិតជាតិនិយមចង្អៀតចង្អល់នោះដោយរបៀបណា?»

ថ្ងៃនេះ ខ្ញុំចង់ពន្យល់បន្ថែមយ៉ាងដូច្នេះ៖
សិស្ស និស្សិតថៃត្រូវបានបង្រៀនមេរៀនប្រវត្តិសាស្ត្រតែមួយប៉ុណ្ណោះគឺថា ថៃជាតួឯក។ ភូមា (មីយ៉ាន់ម៉ា) គឺជាអ្នកឈ្លានពាន (នេះបើទោះបីជាការគាំទ្ររបស់អយុធ្យាចំពោះជនជាតិ មន ជា មូលហេតុចម្បងមួយដែលធ្វើឲ្យភូមាបើកយុទ្ធនាការប្រឆាំងអយុធ្យារហូតដល់ការបែកបាក់អយុធ្យាជាលើកដំបូងក៏ដោយ)។ រដ្ឋរបស់ម៉ាឡេ និងឡាវខ្លះៗ ត្រូវបានកំណត់ថាជាពួកឧទ្ទាមដែលត្រូវបង្រ្កាបជាមួយនឹងការដុតបំផ្លាញទីក្រុងវៀងចន្ទ។ រីឯខ្មែរ (កម្ពុជា) ត្រូវបានគេបង្រៀនប្រាប់កូនចៅថា ជាមនុស្សដែល មាន «ល្បិចកល និងមិនអាចទុកចិត្តបាន»។
ចំណែកឯប្រទេសមហាអំណាចលោកខាងលិចដូចជា ចក្រភពអង់គ្លេស និងបារាំង គឺជាអ្នកដែលបានកាត់ឆ្វៀលយកដែនដីពីសៀម ហើយដែលបច្ចុប្បន្នដែនដីទាំងនោះក្លាយជា ឡាវ រដ្ឋភាគខាងជើងម៉ាឡេស៊ី ភាគខាងត្បូងមីយ៉ាន់ម៉ា និងកម្ពុជា។
សរុបមក សៀមចាត់ទុកខ្លួនឯងថា ធ្លាប់ជាអំណាចចក្រពត្តិតូចមួយក្នុងតំបន់ ហើយដើរតួដូចជាបងធំម្នាក់ ដែលបន្ទាប់មកត្រូវបានអង់គ្លេស–បារាំងគាបសង្កត់ដោយឆក់យកមកកាន់កាប់រដ្ឋបាលដែនដីណាដែលមានប្រជាជនស្មោះស្ម័គ្រនឹងរដ្ឋាភិបាលបាងកក។ ហេតុដូចនេះហើយបានជាបារាំងត្រូវបានថៃបន្ទោសថា ជាអ្នកបង្កឱ្យមានបញ្ហាបង្គោល ព្រំដែនរវាងថៃ និងកម្ពុជា។
ដូច្នេះ វាពុំមានអ្វីគួរឱ្យភ្ញាក់ផ្អើលសោះឡើយនៅពេលដែលប្រជាជនថៃបច្ចុប្បន្នភាគច្រើនជឿជាក់យ៉ាងពិតប្រាកដថា ពួកគេនៅតែជាតួឯក ជាមនុស្សសុចរិត ហើយខ្មែរនៅតែជាខ្មែរ គឺ «មានល្បិច និងមិនអាចជឿទុកចិត្តបាន»។

ចំពោះអាមេរិកដែលជាមហាអំណាចសព្វថ្ងៃនេះ អ្នកជាតិនិយមចង្អៀតចង្អល់ថៃមានអារម្មណ៍ថា ប្រធានាធិបតីសហរដ្ឋអាមេរិក លោក ដូណាល់ ត្រាំ មិនគួរចូលមកជ្រៀតជ្រែក ឬបញ្ជាថៃថាត្រូវដោះស្រាយយ៉ាងណាជាមួយកម្ពុជានោះទេ។ ពួកជាតិនិយមជ្រុលថៃមានមោទនភាពចំពោះខ្លួនឯង បើសិនជាពួកគេអាចនិយាយពាក្យបដិសេធថា «ទេ» ទៅកាន់អាមេរិក។ ហើយចុះ តើនាយករដ្ឋមន្ត្រីម៉ាឡេស៊ី (និងប្រធានអាស៊ាន) អានវ៉ារ អ៊ីប្រាហ៊ីម ជាអ្នកណាទៅ ដែលហ៊ានប្រកាសឲ្យមានបទឈប់បាញ់លើទំព័រហ្វេសប៊ុកកាលពីថ្ងៃសៅរ៍ ១៣ ធ្នូ ២០២៥?
ការដែលនាយករដ្ឋមន្ត្រីថៃ អនុទីន ចាន់វិរៈគុល មិនអើពើនឹងការប្រកាសរបស់នាយករដ្ឋមន្ត្រីម៉ាឡេស៊ី ព្រោះគាត់កំពុងរកសន្លឹកឆ្នោត (សង្គ្រាមដើម្បីសន្លឹកឆ្នោត) ដោយបង្ហាញខ្លួនថា ជាអ្នកដឹកនាំដែលអាចនិយាយថា «ទេ» ទៅកាន់លោក ត្រាំ។ យ៉ាងហោចណាស់តម្លៃលោកអនុទីននេះអាចមានក្នុងអំឡុង លោក ត្រាំ កំពុងរវល់នឹងបញ្ហាធំៗជាច្រើន៖ ចិន–តៃវ៉ាន់–ជប៉ុន វេណេស៊ុយអេឡា រុស្ស៊ី–អ៊ុយក្រែន អ៊ីស្រាអែល–ប៉ាឡេស្ទីន និងបញ្ហាផ្ទៃក្នុងដូចជាអន្តោប្រវេសន៍ខុសច្បាប់ និងការបែកធ្លាយរូបភាពឯកជនជាដើម។
ដូច្នេះ វាពិតជាមិនគួរភ្ញាក់ផ្អើលទេ ប៉ុន្តែគួរឱ្យសោកស្តាយដែលសង្គ្រាមថៃ–កម្ពុជាឆ្នាំ២០២៥ កំពុងរម្លឹកឡើងវិញនូវមេរៀនប្រវត្តិសាស្ត្រក្នុងសាលា ដែលរួមទាំងសម័យដែលថៃបាត់បង់អំណាចលើកម្ពុជាទៅបារាំងក្នុងឆ្នាំ ១៨៦៧ (១៥០ឆ្នាំមុន) និងសម័យដែលតុលាការអន្តរជាតិ (ICJ) សម្រេចថា ប្រាសាទ ព្រះវិហារជាកម្មសិទ្ធិរបស់កម្ពុជាក្នុងឆ្នាំ ១៩៦២ (៦៣ឆ្នាំមុន)។

17/12/2025

វីដេអូបញ្ជាក់ពីទាហានថៃ បានរត់​ចោល​សមរភូមិ​ ហើយ​បោះចោល​សព្វាវុធ នៅ​ច្រក​បឹងត្រកួន​ ខេត្ត​ បន្ទាយមានជ័យ​ នៅថ្ងៃទី១៧ ខែធ្នូ ឆ្នាំ២០២៥នេះ ហើយត្រូវបានប្រទះឃើញដោយប្រជាពលរដ្ឋខ្មែរ។
A video shows Thai soldiers fleeing the battleground and abandoning their weapons at the Trakuon crossroads in Banteay Meanchey province on December 17, 2025, where they were discovered by local Cambodian citizens.

11/12/2025

11/12/2025

WATCH VIDEO: កម្លាំងយើងវ៉ៃបកគ្រប់គ្រងបឹងត្រកួន និងឈរជើងយ៉ាងរឹងមាំ នៅថ្ងៃទី១១ ខែធ្នូ ឆ្នាំ២០២៥។

ជយោ ! កងកម្លាំងយើងដ៏ក្លាហាន និងខ្លាំងពូកែ។ ចូលហើយ ទៅដកទង់ជាតិពួកវាក្រវាត់ចោលវិញ។

02/12/2025

អាជ្ញាធរមូលដ្ឋានស្រុកប្រាសាទបាគង និងអង្គការដៃគូបន្តលើកទឹកចិត្តសហគមន៍កំពង់ភ្លុក ឱ្យថែរក្សាអនាម័យ និងសម្អាតបរិស្ថានជាប្រចាំ។

អាជ្ញាធរស្រុកប្រាសាទបាគង បានបង្ហាញពីមោទនភាពចំពោះសហគមន៍ទេសចរណ៍ធម្មជាតិកំពង់ភ្លុក ដែលក្លាយជាគោលដៅទេសចរណ៍ពេញនិយមមួយ និងជំរុញឱ្យប្រជាសហគមន៍បន្តពង្រឹងទម្លាប់រស់នៅមានអនាម័យ និងសម្អាតបរិស្ថាន ជាពិសេសការប្រមូលសំរាមប្លាស្ទិក ដើម្បីទាក់ទាញទេសចរជាតិ និងអន្តរជាតិឱ្យកាន់តែច្រើន។ សកម្មភាពទាំងនេះមានសារៈសំខាន់ក្នុងការបង្កើនប្រាក់ចំណូល សម្រាប់ជួយគាំទ្រជីវភាពគ្រួសារក្នុងសហគមន៍។ រដ្ឋបាលស្រុកប្រាសាទបាគង និងមន្ទីរបរិស្ថានខេត្ត សហការជាមួយអង្គការដៃគូ NGO2 BambooShoot Foundation (NGO2) និងដៃគូអន្តរជាតិ Ocean Recovery Alliance រួមទាំងវិស័យឯកជនជាច្រើន បានរៀបចំទិវាអនាម័យបរិស្ថានជាតិ ២៣ វិច្ឆិកា និងយុទ្ធនាការសម្អាតបរិស្ថានប្រមូលសំណល់ប្លាស្ទិកក្នុងរដូវទឹកសម្រក បឹងទន្លេសាប ប្រចាំឆ្នាំ ២០២៥ និងដើម្បីអបអរសាទរទិវាអនាម័យបរិស្ថានជាតិ២៣វិច្ឆិកា ផងដែរ ក្រោមប្រធានបទ៖
«ទម្លាប់ស្អាត គ្រួសារស្អាត បរិស្ថានល្អ»
កម្មវិធីនេះមានការចូលរួមពីស្ថាប័នពាក់ព័ន្ធ ប្រជាសហគមន៍ និងសិស្សានុសិស្សចំនួនជាង ៦០០ នាក់ ដែលមកចែករំលែកទឹកចិត្ត និងរួមចំណែករក្សាអនាម័យបរិស្ថាននៅកំពង់ភ្លុក។

🔗 សម្រាប់ព័ត៌មានលម្អិត៖ https://rnk.gov.kh/article/59227
អគ្គនាយកដ្ឋានវិទ្យុជាតិកម្ពុជា ៖
Facebook | YouTube | TikTok | Website | Mobile App
________________________________________
NGO2 BambooShoot Foundation Ocean Recovery Alliance Rivers.Global Rivers are Life Smart Axiata Cambodia Tourism Association - CATA មន្ទីរបរិស្ថានខេត្តសៀមរាប-Siem Reap Provincial Environmental Department មន្ទីរទេសចរណ៍ខេត្តសៀមរាប Siem Reap Provincial Tourism Department រដ្ឋបាលខេត្តសៀមរាប/Siem Reap Provincial Administration រដ្ឋបាលស្រុកប្រាសាទបាគង / Prasat Bakong District Administration

23/11/2025

អបអរសាទរទិវាអនាម័យបរិស្ថានជាតិ ២៣​ វិច្ឆិកា ២០២៥​
ក្រោមប្រធានបទ "ទម្លាប់ស្អាត គ្រួសារស្អាត បរិស្ថានល្អ"