បណ្ដាញមនុស្សវ័យចាស់កម្ពុជា - Cambodian Ageing Network

19/02/2026

ក្នុងរយៈពេល ២ ថ្ងៃពេញ (ថ្ងៃទី ១៧-១៨ ខែកុម្ភៈ ឆ្នាំ ២០២៦) កន្លងទៅនេះ សមាគមមនុស្សចាស់ភូមិកំពង់ព្រះ បានទទួលការពិនិត្យសុខភាពភ្នែកជូនដល់លោកតា លោកយាយ ជាសមាជិកបានចំនួន ៨៣ នាក់ ដោយឥតគិតថ្លៃ។

សកម្មភាពដ៏មានអត្ថន័យនេះ រួមមាន៖
👩‍⚕ការពិនិត្យដោយយកចិត្តទុកដាក់ពីសំណាក់វិជ្ជបណ្ឌិតជំនាញឯកទេសភ្នែក
👁️ការផ្តល់ថ្នាំព្យាបាល ដូចជាថ្នាំបន្តក់ភ្នែកជូនដល់សមាជិកនីមួយៗ

កម្មវិធីនេះកើតឡើងទៅបាន ក្រោមការឧបត្ថម្ភគាំទ្រពីអង្គការ Future Sense​ Foundation។ ការមើលឃើញច្បាស់ គឺជាសុភមង្គលមួយផ្នែកដែលមិនអាចកាត់ថ្លៃបាន ពួកយើងសូមថ្លែងអំណរគុណយ៉ាងជ្រៅ ដែលបានគិតគូរដល់មនុស្សចាស់ តាមរយៈការផ្តល់ស្នាមញញឹម និងពន្លឺដល់ពួកគាត់។ 🙏✨

26/01/2026

នាថ្ងៃទី២៣ ខែមករា ឆ្នាំ២០២៦ នេះ យើងបានឃើញនូវស្មារតីសាមគ្គីភាពក្នុងសហគមន៍ នៅក្នុងសង្កាត់ត្រើយកោះ ខេត្តកំពត ដោយថ្នាក់ដឹកនាំឃុំ សង្កាត់ បានផ្តល់នូវមូលនិធិឃុំចំនួន ១,០០០,០០០ រៀល សម្រាប់គាំទ្រដល់មនុស្សចាស់របស់យើង។

ថវិកានេះ ត្រូវបានបែងចែកទៅដល់សមាគមមនុស្សចាស់ចំនួន ៤ភូមិ ដោយក្នុងមួយសមាគមទទួលបាន ២៥០,០០០ រៀល។ ថវិកាទាំងនេះមិនមែនត្រឹមតែជាតួលេខនោះទេ ប៉ុន្តែវាគឺជាជំនួយដ៏មានសារៈសំខាន់ សម្រាប់ជួយសម្រាលទុក្ខលំបាកដល់សមាជិកសមាគមដែលជាមនុស្សចាស់ កំពុងជួបបញ្ហាប្រឈមផ្សេងៗ។ សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំឃុំសង្កាត់ ដែលតែងតែយកចិត្តទុកដាក់ចំពោះមនុស្សចាស់ ដោយមិនទុកពួកគាត់ឱ្យនៅឯកោឡើយ!🤝✨👴👵

03/12/2025

កាលពីថ្ងៃទី ២៦ ខែវិច្ឆិកា ឆ្នាំ២០២៥ កន្លងទៅនេះ សមាគមមនុស្សចាស់ភូមិភ្នំតូចត្បូង ​ខេត្តបន្ទាយមានជ័យ បានទទួលថវិកាមូលនិធីឃុំចំនួន ១៥០,០០០ រៀល ពីលោកមេឃុំផ្ទាល់។
មូលនិធិឃុំនេះ គឺមានសារៈសំខាន់ណាស់ ក្នុងការគាំទ្រដល់មនុស្សចាស់នៅក្នុងសហគមន៍ឱ្យពួកគាត់មានក្តីសង្ឃឹម និងភាពកក់ក្តៅនៅក្នុងវ័យចាស់។ នេះជាការបង្ហាញពីការយកចិត្តទុកដាក់ និងការរួបរួមគ្នាក្នុងមូលដ្ឋាន ដើម្បីលើកកម្ពស់សុខុមាលភាពរបស់ពួកគាត់។👵👴

🙏សូមថ្លែងអំណរគុណយ៉ាងជ្រាលជ្រៅចំពោះលោកមេឃុំ និងសមាជិកទាំងអស់ ដែលបានរួមចំណែកធ្វើឱ្យវ័យចាស់មានន័យ!✨

24/10/2025

01/10/2025

អបអរសាទរទិវាមនុស្សចាស់កម្ពុជា និងអន្តរជាតិ🎉👵🧓

[English below]

🎉ពួកយើងសូមអបអរសាទរចំពោះកម្លាំង សំឡេង ក៏ដូចជាការចូលរួមចំណែករបស់មនុស្សចាស់នៅក្នុងប្រទេសកម្ពុជា និងជុំវិញពិភពលោក ក្នុងឱកាសទិវាមនុស្សចាស់អន្តរជាតិនេះ។ យើងប្តេជ្ញាចិត្តក្នុងការកសាងសង្គមមួយសម្រាប់មនុស្សគ្រប់វ័យ ដែលពោរពេញដោយសេចក្តីថ្លៃថ្នូរ សុខសុវត្ថិភាព និងគោលបំណងសម្រាប់ជីវិត នៅពេលឈានទៅរកវ័យចាស់។ 👴👵✨

---

🎉Today, we celebrate the strength, voice, and contributions of older people in Cambodia and around the world. On International Day of Older Persons, we’re committed to building a society for all ages - where everyone can age with dignity, security, and purpose.👴👵✨

​

25/09/2025

ការយកចិត្តទុកដាក់ចំពោះមនុស្សចាស់គឺជាផ្នែកមួយក្នុងការកសាងសហគមន៍ដ៏រឹងមាំ។👴👵💪

សមាគមមនុស្សចាស់ដែលស្ថិតក្នុងស្រុកមោងឬស្សីចំនួន ៤ភូមិ បានទទួលនូវមូនិធិឃុំសង្កាត់ចំនួន ១០០០០០០រៀល ក្នុងមួយសមាគម។ តាមរយៈជំនួយទាំងនេះ យើងអាចធានាបានថាមនុស្សចាស់នឹងទទួលបានការយកចិត្តទុកដាក់ ការរាប់អាន និងមិនត្រូវបានមើលរំលងក្នុងវ័យចាស់ រាល់ការបរិច្ចាគទាំងអស់ ទោះតិចក្តីច្រើនក្តី គឺជួយផ្តល់ក្តីសង្ឃឹមដល់មនុស្សចាស់នៅក្នុងសហគមន៍របស់យើង។🫂🧡

05/09/2025

នៅថ្ងៃទី០៣ ខែកញ្ញា ឆ្នាំ២០២៥នេះ សមាគមមនុស្សចាស់ចំនួន ៨ដែលស្ថិតក្នុងឃុំកកោះ ស្រុកមោងឬស្សី ខេត្តបាត់ដំបង ទទួលបានមូនិធីឃុំសង្កាត់ចំនួន ៥០០០០០រៀល ក្នុងមួយសមាគម។

ក្នុងនាមសមាជិកគណៈកម្មាធិការទាំងអស់ យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះលោកមេឃុំ និងក្រុមប្រឹក្សាឃុំ ដែលបានយកចិត្តទុកដាក់គិតគូរ និងបន្តគាំទ្រដល់មនុស្សចាស់។ ការរួមចំណែករបស់អ្នកឆ្លុះបញ្ចាំងពីការយកចិត្តទុកដាក់ និងសេចក្ដីដ៏មានន័យពិតប្រាកដចំពោះមនុស្សចាស់នៅក្នុងសហគមន៍របស់យើង។ 💛👵👴

26/08/2025

ថ្ងៃទី២៥ ខែសីហា ឆ្នាំ២០២៥ សមាគមនុស្សចាស់ភូមិល្វា ស្រុកសូត្រនិគម ខេត្តសៀមរាប បានធ្វើការប្រជុំប្រចាំខែ តាមដានសុខភាព និងវាសសម្ពាធឈាម។​ ក្នុងឱកាសនេះផងដែរ លោកមេឃុំបានប្រគល់នូវថវិកាមូលនិធិឃុំចំនួន 1 លានរៀល ជូនដល់សមាគមមនុស្សចាស់ភូមិល្វា​ សម្រាប់សម្រួលដល់ដំណើរការ និងតម្រូវការនានារបស់សមាគម។ សូមថ្លែងអំណរគុណដល់លោកមេឃុំ ក៏ដូចជាអ្នកពាក់ព័ន្ធទាំងអស់ដែលតែងតែយកចិត្តទុកដាក់ និងចែករំលែកប្រកបដោយសេចក្តីសប្បុរសចំពោះមនុស្សចាស់។

​

18/08/2025

''ការចូលរួមររបស់សហគមន៏ បានផ្ដល់នូវភាពកក់ក្ដៅ និងស្នាមញញឺមដល់មនុស្សចាស់''👵🌱

នៅថ្ងៃទី ១៧ សីហា ២០២៥ លោកជំទាវ ផាវ៉ាន់ សាកឿត សមាជិកក្រុមប្រឹក្សាខេត្ត ក៏ដូចជាលោកចៅសង្កាត់ព្រែកព្រះស្តេចបានដឹកនាំក្រុមប្រឹក្សាសង្កាត់​ រួមទាំងមេបុស្តិ៍ បានរៀបចំកម្មវិធីជួបសំណេះសំណាល សាកសួរសុខទក្ខ ជាមួយសមាគមមនុស្សចាស់ចំនួន​ ៨៣នាក់ ដែលស្ថិតក្នុងភូមិចំការឫស្សី សង្កាត់ព្រែកព្រះស្ដេច ខេត្តបាត់ដំបង។🫂❤

តាមរយៈសកម្មភាពនេះបានបង្ហាញពីស្មារតីសហគមន៍ សាមគ្គីភាព និងអន្តរជំនាន់។ ពួកយើងសូមថ្លែងអំណរគុណចំពោះការយកចិត្តទុកដាក់ចំពោះមនុស្សចាស់ ហើយសង្ឃឹមថានឹងមានសកម្មភាពបែបនេះកើតមានជាបន្តបន្ទាប់ ។ 🙏👵👴

​

08/07/2025

នាថ្ងៃទី០៨ កក្កដា​​នេះ ​អង្គការសេវាកាណាដា ដែលសហការជាមួយមន្ទីរពេទ្យខេត្តបន្ទាយមានជ័យ​ បានចុះពិនិត្យភ្នែកជូនទៅដល់ចាស់ៗក្នុងសមាគមមនុស្សចាស់ ស្ថិត​ក្នុងភូមិភ្នំតូចត្បូង ស្រុកមង្គលបុរី និងរៀបចំប័ណ្ណបញ្ជូនទៅមន្ទីរពេទ្យដើម្បីធ្វើការកបភែ្នក ក៏ដូចជាកាត់វ៉ែនតាផងដែរ។ តំណាងឲ្យសមាគមនមនុស្សចាស់ សូមថ្លែងអំណរគុណទៅដល់អង្គការ ក៏ដូចជាមន្ទីពេទ្យខេត្តដែលតែងតែគិតគូរពីសុខភាព និងសុខុមាលភាពរបស់មនុស្សចាស់ ជាពិសេសគឺការផ្ដល់សេចក្ដីសង្ឃឹមជូនទៅដល់ពួកគាត់។

04/07/2025

(ថ្ងៃទី០៤​ ខែកក្កដា​​ ២០២៥)កិច្ចប្រជុំរវាងសាលាសង្កាត់ព្រែកព្រះស្ដេច ជាមួយសមាគមមនុស្សចាស់ក៏ដូចជាបណ្ដាញមនុស្សវ័យចាស់កម្ពុជា ក្រោមការចូលរួមពីអភិបាលរង នៃគណៈអភិបាលខេត្តបាត់ដំបង និងក្រុមប្រឹក្សាភិបាលខេត្តផងដែរ។ តាមរយៈកិច្ចប្រជុំនេះបានធ្វើការសំណះសំណាល និងផ្តល់នូវមូលនិធិឃុំសង្កាត់ ជូនទៅដល់សមាគមមនុស្សចាស់ចំនួន២ភូមិ​ រួមមានភូមិនំគ្រៀប និងភូមិចំការឬស្សី សង្កាត់ព្រែកព្រះស្ដេច ខេត្តបាត់ដំបង​ ចំនួន ១,០០០,០០០ រៀល ក្នុងមួយសមាគម។ នេះជាសកម្មភាពមួយដែលបង្ហាញពីការយកចិត្តទុកដាក់ និងជួយគាំទ្រដល់ដំណើរការរបស់សមាគមមនុស្សចាស់អន្តរជំនាន់ពហុមុខងារ។🙏

13/06/2025

ការវិនិយោគជាមួយសមាគមមនុស្សចាស់ គឺជាការវិនិយោគដ៏ត្រឹមត្រូវក្នុងការគាំទ្រទៅដល់មនុស្សចាស់នៅសហគមន៍ និងធានាដល់និរន្តភាពរបស់សមាគមផងដែរ។

"នាព្រឹកថ្ងៃទី១២ ខែមិថុនា ឆ្នាំ២០២៥ បន្ទាប់ពីកិច្ចប្រជុំគណៈកម្មការកិច្ចការនារី និងកុមារ (គ.ក.ន.ក) ឃុំសំរោងយា ប្រចាំខែរួច គណកម្មការបានប្រគល់ប្រាក់ចំនួន ១,០០០,០០០៛ មកឲ្យសមាគមមនុស្សចាស់ក្នុងឃុំសំរោងយា។ វីរៈភាពដ៏ខ្ពង់ខ្ពស់នេះ ពិតជាធ្វើឲ្យសមាគមមនុស្សចាស់ (ស.ម.ច) ទាំងអស់ក្នុងឃុំ មានបីតិសោមនស្ស រីករាយសប្បាយចិត្តយ៉ាងក្រៃលេង។ ក្នុងនាមខ្ញុំបាទជាតំណាង ស.ម.ច ក្នុងឃុំ សូមថ្លែងអំណរគុណយ៉ាងជ្រាលជ្រៅ ដល់គណៈកម្មការ (អាជ្ញាធរ) ឃុំទាំងអស់ សូមមានសិរីសួរស្តី កើតមានដល់លោក លោកស្រី និងសម្រេចបាននូវគ្រប់ភារៈកិច្ច បានសុខចំរើន ជានិរន្ត តរៀងរហូត។"

លោកពូ ឃ្លោក ហែម
ប្រធានសមាគមមនុស្សចាស់ឃុំសំរោងយា ស្រុកពួក ខេត្តសៀមរាប