Prey Veng Documentation Center

13/11/2024

គរុសិស្ស១៥នាក់ មកពីមជ្ឈមណ្ឌគរុកោសល្យភូមិភាគ ខេត្តព្រៃវែង បានមកទស្សនា និងសិក្សានៅមជ្ឈមណ្ឌលឯកសារកម្ពុជា ខេត្តព្រៃវែង កាលពីថ្ងៃទី១១ ខែវិច្ឆិកា ឆ្នាំ២០២៤។
https://www.facebook.com/share/p/1KPDFGpWWp/

11/10/2024

លោកជំទាវ ទន់ សាអ៊ីម អនុរដ្ឋលេខាធិការ ក្រសួងអប់រំ យុវជន និងកីឡា នាឱកាសដែលលោកជំទាវអញ្ជើញមកបំពេញបេសកកម្មពីថ្ងៃទី៥ដល់១០ ខែតុលា ឆ្នាំ២០២៤ នៅខេត្តព្រៃវែង បានអញ្ជើញចូលទស្សនាពិព័រណ៍រូបថត ឯកសារ និងសៀវភៅស្តីពីប្រវត្តិសាស្ត្រខ្មែរក្រហម នៅមជ្ឈមណ្ឌលឯកសារកម្ពុជា ខេត្តព្រៃវែង។

មជ្ឈមណ្ឌលឯកសារកម្ពុជា ខេត្តព្រៃវែង មានសៀវភៅ និងឯកសារជាច្រើនទាក់ទងនឹងរបបខ្មែរក្រហម។ បុគ្គលិកនៃមជ្ឈមណ្ឌលនេះ នៅរង់ចាំទទួលស្វាគមន៍ និងចែកចាយទស្សនាវដ្តី «ស្វែងរកការពិត លេខពិសេស» ព្រមទាំងសៀវភៅមួយចំនួន ដល់សាធារណជន គ្រូបង្រៀន គរុសិស្ស សិស្សានុសិស្ស និងមន្ត្រីរាជការនានា ដែលមានបំណងចង់អាន ឬស្វែងយល់ពីប្រវត្តិសាស្ត្រខ្មែរក្រហម។
ប្រសិនជាមានចម្ងល់ផ្សេងៗ សូមទាក់ទងមក ផេង ពង្សរ៉ាស៊ី តាមទូរសព្ទ ឬតេឡេក្រាម៖ ០១២ ៦៩៦ ៩៦១។ អរគុណ!

11/10/2024

https://www.facebook.com/share/p/gcKeV4SWFcJhNym4/

ផ្ទះសហគមន៍​ភូមិក្តុលលើ ឬសាលា​គរុភណ្ឌស្ទៀង មានទីតាំងស្ថិត​នៅ​ភូមិ​ក្តុលលើ ឃុំទន្លូង ស្រុកមេមត់ ខេត្តត្បូ....

08/10/2024

ការសិក្សា ជាការពង្រឹងសមត្ថភាពបុគ្គលលើចំណេះដឹង ជំនាញ ចរិកលក្ខណៈ ផ្លូវចិត្ត និងគុណភាព។
បង្រៀនឲ្យក្មេងមានទម្លាប់ល្អ ជាការតម្រង់ទិសដៅក្មេងឲ្យដើរលើគន្លងផ្លូវដែលពិភពលោកត្រូវការ។
ហ្វឹកហាត់ក្មេងឲ្យចេះទទួលខុសត្រូវចំពោះខ្លួនឯង ជាការតម្រង់ទិសក្មេងឲ្យក្លាយជាមេដឹកនាំដ៏ល្អម្នាក់។
ផ្តល់ឱកាសដល់ក្មេង គឺធ្វើឲ្យក្មេងកាន់តែរឹងមាំ និងក្លាហាន។
មនុស្សដែលមានចំណេះដឹងច្រើន ជាមនុស្សដែលមើលឃើញពិភពលោកកាន់តែតូចចង្អៀត។

រូបខាងក្រោម៖ បុរិន្ទកិត្យា ក្នុងដំណើរឆ្មោះទៅរកពន្លឺនៃចំណេះដឹង​ ជំនាញ ចរិកលក្ខណៈនិងផ្លូវចិត្តល្អ និងគុណភាពបុគ្គល។

13/09/2024

នៅថ្ងៃទី១០ ខែកញ្ញា ឆ្នាំ២០២៤ មជ្ឈមណ្ឌលឯកសារកម្ពុជា តាមរយៈសាខារបស់ខ្លួនគឺមជ្ឈមណ្ឌលឯកសារខេត្តព្រៃវែង បាននាំយកនិងផ្តល់រទេះរុញចំនួន៦គ្រឿង ជូនដល់អ្នករស់រានមានជីវិតពីរបបខ្មែរក្រហមដែលមានពិការភាពចំនួន៦នាក់ (ស្រី៣នាក់) រស់នៅឃុំព្រៃកណ្តៀង ស្រុកពាមរក៏ ខេត្តព្រៃវែង ក្នុងគោលបំណងជួយសម្រួលដល់ការរស់នៅប្រចាំថ្ងៃ និងប៉ះប៉ូវផ្លូវអារម្មណ៍ដែលប៉ះពាល់ដោយភាពពិការរភាពរបស់អ្នកទាំងនោះ។ ពិធីប្រគល់នេះ ធ្វើឡើងនៅក្នុងបរិវេណសាលាឃុំព្រៃកណ្តៀង ស្រុកពាមរក៏ ខេត្តព្រៃវែង។ នៅរសៀលថ្ងៃដដែល និងបន្តដល់ថ្ងៃទី១១ ខែឆ្នាំដដែល ក្រុមការងារមជ្ឈមណ្ឌលឯកសារខេត្តព្រៃវែង បានចុះទៅជួបអ្នកទាំង៦នាក់នៅតាមគេហដ្ឋានផ្ទាល់ ដើម្បីសំណេះសំណាល សួរសុខទុក្ខ និងស្វែងយល់ពីចំណាប់អារម្មណ៍របស់គាត់ ចំពោះការទទួលបានរទេះរុញ ដែលជាអំណោយរបស់មជ្ឈមណ្ឌលឯកសារកម្ពុជា។
On September 10, 2024, Documentation Center of Cambodia (DC-Cam), through its branch, Prey Veng Documentation Center, provided six wheelchairs to six KR survivors with disabilities (three females) living in the commune of Prey Kandaeng, Peam Ro District, Prey Veng Province. This initiative aims to assist in improving their daily living conditions and to address the emotional challenges faced due to their disabilities. The handover ceremony took place in the compound of the Prey Kandaeng commune hall, Peam Ro District, Prey Veng Province. The team members from Prey Veng Documentation Center visited the six individuals at their homes to understand more about personal experience during the Khmer Rouge regime and also to understand their feelings regarding the receipt of the wheelchairs.

12/09/2024

វេទិកាថ្នាក់រៀនជាមួយសិស្សមកពីវិទ្យាល័យមេសាង​ ស្តីពីប្រវត្តិសាស្ត្រខ្មែរក្រហម​ និងការតម្រង់ទិសសិស្សសម្រាប់សម័យប្រឡងមធ្យមសិក្សាទុត្តិយភូមិ។

https://www.khmertimeskh.com/501557419/prey-veng-students-strengthen-knowledge-of-kr-history/

11/09/2024

នៅថ្ងៃចន្ទ ទី៩ ខែកញ្ញា ឆ្នាំ២០២៤ មជ្ឈមណ្ឌលឯកសារកម្ពុជាសាខាខេត្តព្រៃវែង បានរៀបចំការជួបជុំមួយក្នុងទម្រង់ជាវេទិកាថ្នាក់រៀនចុងសប្តាហ៍ដូចសព្វមួយដង នៅការិយាល័យមជ្ឈមណ្ឌលឯកសារខេត្តព្រៃវែង ជាមួយសិស្សានុសិស្ស៣២នាក់ (ស្រី១៨នាក់) មកពីវិទ្យាល័យ មេសាង ស្រុកមេសាង ខេត្តព្រៃវែង ដើម្បីរំឮកឡើងវិញពីចំណេះដឹងប្រវត្តិសាស្ត្រខ្មែរក្រហម និងដោះស្រាយចម្ងល់ផ្សេងៗដែលសិស្សានុសិស្សនៅមិនទាន់យល់ច្បាស់ពីប្រវត្តិសាស្ត្រនេះ។
On Monday, September 9, 2024, Prey Veng Documentation Center organized a meeting in the form of a weekend classroom forum at the Prey Veng Documentation Center office with 32 students (18 female) from Mesang High School, Mesang District, Prey Veng Province, to revisit knowledge about the Khmer Rouge history and address various questions that the students did not yet understand clearly about this history.

05/09/2024

«រឿងរ៉ាវក្នុងភូមិនៅសម័យខ្មែរក្រហម» ជាសៀវភៅបោះពុម្ពថ្មីរបស់មជ្ឈមណ្ឌលឯកសារកម្ពុជាក្នុងឆ្នាំ២០២៤នេះ។ សៀវភៅនេះ រៀបរាប់ពីសាច់រឿងចេញពីភូមិរបស់អ្នករស់រានមានជិវិតពីរបបខ្មែរក្រហម ទាក់ទងនឹងការបែកបាក់ក្រុមគ្រួសារ និរាស្ត្រព្រាត់ប្រាស់ ការជម្លៀសដោយបង្ខំ ការបង្អត់អាហារ ការធ្វើទារុណកម្ម ការកើតមានជំងឺដោយគ្មានថ្នាំព្យាបាល និងរឿងរ៉ាវជាច្រើនទៀតនៅក្នុងភូមិ។ សូមអានសារព័ត៌មានមួយចំនួនដែលបានចុះផ្សាយពីសៀវភៅនេះ ដូចខាងក្រោម៖

AMS News: https://education.ams.com.kh/education-update/national/news/the-book-stories-in-khmer-rouge-villages-collects-more-than-60-stories-to-educate-young-people-about-genocide

KHMER TIMES NEWS: https://www.khmertimeskh.com/501549624/new-anthology-offers-painful-tales-of-khmer-rouge-survivors/

PHNOM PENH POST NEWS (Khmer): https://www.postkhmer.com/lifestyle/2024-8-27-103-260180

PHNOM PENH POST NEWS: https://m.phnompenhpost.com/lifestyle/new-publication-records-daily-lives-under-khmer-rouge

​New publication records daily lives under Khmer Rouge​

05/09/2024

លោកនាយកប្រតិបត្តិមជ្ឈមណ្ឌលឯកសារកម្ពុជា បំពេញបេសកកម្មនៅប្រទេសអ៊ីរ៉ាក់ ឆ្នាំ២០០៦។ រូបជាច្រើនទៀត មាននៅក្នុងតំណរភ្ជាប់នេះ៖

84 new items added to shared album

05/09/2024

ទីតាំងថ្មីសាខាមជ្ឈមណ្ឌលឯកសារកម្ពុជា ខេត្តព្រៃវែង

ផែនទីសម្គាល់ទីតាំង៖ https://www.google.com/maps/dir/11.5587315,104.9284269/Prey+Veng+Documentation+Center/@11.4178239,104.8114121,10z/data=!3m1!4b1!4m9!4m8!1m1!4e1!1m5!1m1!1s0x310bf3003e2f3b1f:0xe667c02d3d52167b!2m2!1d105.3291638!2d11.4863415?entry=ttu&g_ep=EgoyMDI0MDgyOC4wIKXMDSoASAFQAw%3D%3D

អំពី សាខាមជ្ឈមណ្ឌលឯកសារកម្ពុជា ខេត្តព្រៃវែង៖
https://www.dccam.org/homepage/development/prey-veng-documentation-center/

សាលអាន៖
សាលអាន ត្រូវបានរៀបចំឡើងជាពីរផ្នែក។ ផ្នែកទី១ មានតុវែងមួយ និងកៅអី១៨ ស្ថិតនៅជាមួយបន្ទប់តាំងពិព័រណ៍រូបថត និងសៀវភៅ ដែលមានទីតាំងស្ថិតនៅបន្ទប់ធំទូលាយជាន់ក្រោមនៃអគារផ្ទះទាំងមូល។ ផ្នែកទី២ ស្ថិតនៅក្នុងបន្ទប់ដាច់ដោយឡែកមួយ ជាប់នឹងបន្ទប់ពិព័រណ៍។ នៅខាងក្នុងបន្ទប់អាននេះ មានតុ២ និងកៅអី១០។ បន្ទប់អានទាំងពីរ អាចឲ្យភ្ញៀវចូលអានឯកសារបានចំនួន៣០នាក់។

ពិព័រណ៍រូបថតអតីតកម្មាភិបាលខ្មែរក្រហម និងជីវិតរស់នៅប្រចាំថ្ងៃរបស់អ្នកទាំងនោះនាពេលបច្ចុប្បន្ន។ ពិព័រណ៍នេះ ជាការស្រាវជ្រាវរបស់ ហេង ស៊ីនិត ជាអ្នកថតរូបអាជីប។ តុពិព័រណ៍នេះ ស្ថិតនៅបន្ទប់ធំជាន់ក្រោមនៃអគារផ្ទះ។

បន្ទប់ពិព័រណ៍រូបថត បណ្ណាល័យ និងឯកសារ ស្ថិតនៅក្នុងបន្ទប់ខាងក្រោយជាន់ក្រោមនៃអគារផ្ទះ។ បន្ទប់នេះ ជាអតីតបន្ទប់បាយ ដែលត្រូវប្រែក្លាយជាបន្ទប់សម្រាប់ដាក់សម្ភារៈ បន្ទប់តម្កល់ឯកសារ បណ្ណាល័យ និងពិព័រណ៍រូបភាពស្តីពីជិវិតរស់នៅក្នុងរបបខ្មែរក្រហម និងក្នុងទសវត្សរ៍ឆ្នាំ១៩៨០។

បន្ទប់ថ្នាក់រៀន ឬបន្ទប់ប្រជុំ៖
បន្ទប់នេះ ប្រើប្រាស់ជាបន្ទប់សម្រាប់ប្រជុំ និងថ្នាក់រៀនប្រចាំរបស់មជ្ឈមណ្ឌលឯកសារខេត្តព្រៃវែង និងអាចទទួលអ្នកចូលរួម ឬសិស្សានុសិស្សបានរហូតដល់ចំនួន៥០នាក់។