Worker's Information Center

02/04/2026

📃 បន្ទាប់ពីកិច្ចពិភាក្សា ស្ត្រីជាកម្មការិនី ក៏បានចែករំលែកអំពីទុក្ខកង្វល់ និងបញ្ហាដែលកើតឡើងចាក់ឬស ជាពិសេសបញ្ហាដែលកើតឡើងថ្មីៗ ដែលស្ដែងចេញពីគំរូសេដ្ឋកិច្ច និងវិបត្ត្តិនានា ព្រមទាំងបន្ថែមជាមួយសារទាមទា និងសំណូមពរដល់ក្រសួងស្ថាប័នពាក់ព័ន្ធ និងរដ្ឋាភិបាលលើចំនុច៖

-ទំនិញទីផ្សារឡើងថ្លៃគ្រប់មុខ ស្របពេលប្រាក់ឈ្នួលគោលក្នុងឆ្នាំ២០២៦នេះ តម្លើងបាន២ដុល្លារ ក្នុងមួយខែ ជានេះទៅទៀត ស្ថិតក្នុងសេដ្ឋកិច្ចបច្ចុប្បន្នមានការប្រែប្រួល ដោយសារវិបត្តិជាសកល បានធ្វើឳ្យតម្លៃប្រេងសាំងឡើងថ្លៃជាគំហុក ធ្វើអោយប៉ះពាល់ដល់ចំណូលរបស់ កម្មការិនីកម្មករយ៉ាងធ្ងន់ធ្ងរ ។ ដើម្បីសម្រួលដល់ការចំណាយរបស់កម្មការិនីកម្មករ រដ្ឋាភិបាលបានស្នើរដល់ក្រសួងការងារ រកដំណោះស្រាយនេះជាបន្ទាន់ ។ ក្រសួងការងារក៏បានឆ្លើយតប ហើយបន្ថែមថ្លៃធ្វើដំណើរ ២.៥ដុល្លារ ពីលើថ្លៃធ្វើដំណើរដែលមានស្រាប់ និងអនុវត្តនៅក្នុងខែមេសា ប៉ុន្តែជាក់ស្ដែង នៅតំបន់សេដ្ឋកិច្ចពិសេស ស្វាយរៀង តៃកុងឡាន បានតម្លើងថ្លៃឡានចាប់ពី២.៥ដុល្លារ ទៅ៥ដុល្លារ មុនពេលកម្មករបើកប្រាក់២.៥ដុល្លារ ។

-ស្នើរដ្ឋាភិបាលជម្រុញឱ្យអ្នកវិនិយោគគោរព និងអនុវត្តទៅតាមស្តង់ដាល្អប្រសើរនៃលក្ខ ខណ្ឌ ការងារមិនថាស្ថិតក្នុងស្ថានភាព ឬរបត់សេដ្ឋកិច្ច និងនយោបាយបែបណា។

-ស្នើរដ្ឋាភិបាលពិចារណាសិក្សាពីប្រាក់ឈ្នួលដែលអាចរស់នៅបានដោយភាពថ្លៃថ្នូររបស់កម្មការិនី- កម្មករ។

-ស្នើរដ្ឋាភិបាលដោះស្រាយ និងគ្រប់គ្រងបញ្ហាអតិផរណា និងទំនិញទីផ្សារដើម្បីដោះស្រាយបញ្ហាអ តុល្យភាពនៃចំណូល ធៀបនឹងការចំណាយរបស់កម្មការិនី។

-ស្នើអន្តរាគមន៍ពីសំណាក់រដ្ឋាភិបាលសម្របសម្រួលជាមួយម្ចាស់ផ្ទះ ឬម្ចាស់អាគារបន្ទប់ជួល បញ្ចប់ការ ដំឡើងថ្លៃបន្ទប់ជួលនៅពេលមានការដំឡើងប្រាក់ឈ្នួលម្តងៗ។

-ស្នើរដ្ឋាភិបាលជម្រុញឱ្យមានការអនុវត្ត និងឧបត្ថម្ភចំពោះការតភ្ជាប់បណ្តាញអគ្គីសនី និងបណ្តាញទឹករដ្ឋ អនុវត្តទៅតាមសេចក្តីសម្រេចរបស់រដ្ឋាភិបាលនៅតាមផ្ទះជួល។

-ស្នើដល់រដ្ឋាភិបាលដោះស្រាយបញ្ហាអសុវត្ថិភាពនៅកន្លែងធ្វើការ ការបៀតបៀនតាមទីសារធារណៈ ដោយជម្រុញឱ្យក្រុមហ៊ុនអនុវត្តនូវគោលនយោបាយប្រឆាំងការបៀតបៀននៅកន្លែងធ្វើការ បំពាក់ប្រព័ន្ធ ភ្លើងអគ្គីសនី និងប្រព័ន្ធសុវត្ថិភាពនៅតាមផ្លូវសារធារណៈ និងក្នុងតំបន់រស់នៅកម្មការិនី។

-សូមក្រសួងការងារ ជាពិសេសអធិការកិច្ចការងារ ចុះត្រួតពិនិត្យ តាមដាន ដើម្បីឲ្យប្រាកដថា នៅតាម រោងចក្រ លែងមាន ការជេប្រមាថ ម៉ាកងាយ ប្រើប្រាស់ពាក្យសំដីមិនសមរម្យមកលើកម្មការិនី

-សូមបេឡាជាតិសន្តិសុខសង្គម ចាត់វិធានការតឹងរឹងក្នុងការជម្រុញឲ្យសិប្បកម្មកាត់ដេ / រោងចក្រម៉ៅការ បន្តចុះបញ្ជីការបេឡាជាតិរបបសន្តិសុខសង្គម ដើម្បីកម្មការិនីកម្មការអាចទទួលបាននូវការធានារ៉ាប់រង ទាំងគ្រោះថ្នាក់ការងារ ការថែទាំសុខភាព អត្ថប្រយោជន៍មាតុភាព និងសោធននិវត្តន៍។

#សមាគមមណ្ឌលព័ត៌មានកម្មករ

01/04/2026

🎤 កញ្ញា មែក សុខលី កម្មការិនី មកពីតំបន់ទឹកថ្លា បានលើកឡើងថា «ខ្ញុំជាអតីតកម្មការិនីធ្វើការនៅរោងចក្រ អេវើហ្គ្រីន រយៈពេល១០ឆ្នាំ ។ កាលពីថ្ងៃទី២០ ខែ កុម្ភៈ ឆ្នាំ២០១៩ រោងចក្រចាប់ផ្ដើមបិទទ្វា មិនអោយកម្មករចូល តែខាងរោងចក្រ ក៏មិនមានលិខិតប្រកាសជាសាធារណៈដែរថា រោងចក្របិទទ្វា ។ បញ្ហាដែលខ្ញុំជួប ក្រសួងស្ថាប័នពាក់ពន្ធជាច្រើន ក៏បានដឹង ដែរថា កម្មការិនីអេវើហ្គ្រីននៅតវ៉ាទាមទា ៩នាក់ ព្រោះពួកខ្ញុំ បានទៅដាក់លិខិតជាច្រើនកន្លែង (អធិការកិច្ចការងារ ដាក់លិខិតទៅវិវាទ រដ្ឋមន្រ្តីក្រសួងការងារ ទីស្តីការគណរដ្ឋមន្រ្តី ក្រសួងក្រុមព្រឹក្សាអភិវឍ្ឍកម្ពុជា ក្រសួងសេដ្ឋកិច្ច និងហិរញ្ញវត្ថុ ក្រសួងពាណិជ្ជកម្ម និងសមាគមន៍និយោជក) ប៉ុន្តែនៅមិនទាន់មានដំណោះស្រាយសម្រាប់ពួកខ្ញុំនៅឡើយទេ ។
ដោយសារកក្តាជីវភាពខ្វះខាតផង ពួកខ្ញុំទាំង៩នាក់ បានទៅរកការងារនៅរោងចក្រផ្សេងទៀតធ្វើ ប៉ុន្តែពួកខ្ញុំទាំង៩នាក់ មិនបានបោះបង់ការទាមទាយុត្តិធម៍នេះទេ»។

ជាមួយគ្នានេះដែរ កញ្ញា បានបន្ថែមថា «ចំពោះស្ថានភាពការងារនាពេលបច្ចុប្បន្ន របស់ពួកខ្ញុំដែលជាកម្មការិនីកម្មករ កាន់តែពិបាកខ្លាំង ជាពិសេសពេលមានវិបត្តសង្គ្រាមសលក ។ ការងាររាល់ថ្ងៃនេះ គេរឹតបន្តឹងខ្លាំងណាស់រាល់ថ្ងៃខ្ញុំមានសម្ពាធដោយសារការកំណត់ចំនួនផលិតលើសពីកំលាំង
ពលកម្ម។ នៅពេលយើងធ្វើមិនគ្រប់ចំនួនកំណត់ មានការស្តីបន្ទោស ជេរប្រមាថមើលងាយ ដូចយើងមិនមែនជាមនុស្ស (ពួកហែងមកធ្វើការហ្នឹង មានយកគ្រាប់ភ្នែកមកអត់ ម៉េចធ្វើការមិនបើកភ្នែកមើលចឹងគេធ្វើបានម៉េចហែងធ្វើមិនបាន?) ។ កម្មករម្នាក់ៗធ្វើការពីរ ទៅបីរមុខងារក្នុងពេលតែមួយ ។
ដូច្នេះ ពួកខ្ញុំមិនហ៊ានផឹកទឹកទេ ព្រោះពេលផឹកទឹក ត្រូវទៅបន្ទប់ទឹក នៅពេលទៅបន្ទប់ទឹក ខ្លាចដេរមិនទាន់គេ មកវិញប្រធានក្រុមជេរថែមទៀត ។ ហើយបញ្ហាមួយទៀតនោះគឺ ពិបាក សុំច្បាប់ឈប់សម្រាកពេលមានធុរៈ៖ ធម្មតានៅក្នុងច្បាប់ស្តីពីការងារ យើងអាចសុំច្បាប់ឈប់សម្រាកបាននៅពេលមានធុរ: តែជាក់ស្តែងពេលសុំច្បាប់ម្តងៗ ប្រធានក្រុមស្តីឲ្យមុខក្រោយៗ ស្ដីឱ្យឆ្អែតហើយទើបឲ្យច្បាប់ ពេលខ្លះ ពិបាកពេកសុខចិត្តឈប់អត់ច្បាប់ នៅពេលឈប់អត់ច្បាប់គេកាត់លុយចន្លោះពី ២៥ដុល្លារ ៣០ដុល្លារក្នុងមួយថ្ងៃ ស្របពេលដែលពួកខ្ញុំធ្វើការទទួលបានតែ ៨.៧ ដុល្លារក្នុងមួយថ្ងៃ។ ក្រៅតែពីពិបាកសុំច្បាប់ហ្នឹងហើយ ពីមួយឆ្នាំទៅមួយឆ្នាំបញ្ហាអសុវត្ថិភាពការងារកាន់តែរីកធំទៅៗ ព្រោះដោយសារអីឡូវខាង
រោងចក្រផ្លាស់ប្ដូរកិច្ចសន្យាការងារ ពីកិច្ចសន្យាការងារវែង មកជាកិច្ចសន្យាការងារខ្លី (៣ខែ ទៅ៦ខែបន្តម្តង) ទាំងនេះហើយបានឱ្យពួកខ្ញុំជាកម្មការិនីកម្មកររងសម្ពាធខ្លាំង ដោយសារមានការគំរាមកំហែង ដល់សុវត្ថិភាពការងាររបស់ពួកយើង កក្តាទាំងនេះធ្វើឱ្យ ពួកយើងជាកម្មការិនីកម្មករ មិនហ៊ានចូលរួមតវ៉ាទាម ទារសិទ្ធ និងអត្ថប្រយោជន៍ដែលពួកយើងគួរទទួលបានទេ។ ពួកខ្ញុំមិនត្រឹមតែប្រើប្រាស់កិច្ចសន្យាការងារខ្លីទេ អីឡូវហ្នឹងត្រូវធ្វើការប្រគួតប្រជែញគ្នារវាងកម្មករ និងកម្មករទៀត ដើម្បីប្តូរជាមួយនឹងការ បន្តកិច្ចសន្យាការងារថ្មី ត្រង់ហ្នឹងមានន័យថាបើ កម្មការិនីកម្មករណា ដែលធ្វើការយឺត (ដេរឬផលិតខោអាវ)មិនគ្រប់ចំនួនដែលអ្នកគ្រប់គ្រងកំណត់ គឺប្រឈមនឹងការផ្ដាច់កិច្ចសន្យាការងារ នៅពេលដល់កុងត្រា ឬគេហៅថា មិនបន្តកុងត្រាហ្នឹង។ លក្ខខណ្ឌការងារ ពិបាកខ្លាំងហើយ ចំណែកឯប្រាក់ខែដែលពួកខ្ញុំទទួលបាន ក៏នៅមានកម្រិតដែរ ហើយឆ្នាំ២០២៦នេះ គេតម្លើងឱ្យបាន ២ដុល្លារ
បន្ថែម សរុបបានប្រាក់ខែគោល ២១០ដុល្លារ ក្នុងមួយខែ ប៉ុន្តែវាមិនសមស្របជាមួយការចំណាយប្រចាំខែសោះ ព្រោះទំនិញទីផ្សារឡើងថ្លៃគ្របមុខ(បន្លែត្រីសាច់ គ្រឿងទេស ហ្គាស) ហើយម្ចាស់ផ្ទះជួល ខ្លះឆ្លៀតឡើងថ្លៃបន្ទប់ជួលពីលើ
តម្លៃចាស់ចន្លោះពី ២ ទៅ១០ដុល្លារ ក្នុងមួយខែ ។ ដូច្នេះតើការតម្លើងប្រាក់ឈ្នួលគោល២ដុល្លារ ពិតជារួមចំណែកក្នុង ការលើកកម្ពល់ជីវភាពរបស់ពួកខ្ញុំជាកម្មការិនីកម្មករ ឬយ៉ាងណា?
ស្របពេលទំនិញទីផ្សារ (ម្ហូបអាហារប្រចាំថ្ងៃ បន្ទប់ជួល បន្តឡើងថ្លៃរហូតបែបហ្នឹង) ហើយថ្មីៗនេះ កំពុងមានវិបត្តិសង្គ្រាមអារមិក និងអឺរ៉ង បានបណ្តាលឲ្យប្រេងសាំង និងហ្គាសឡើង
ថ្លៃជាគំហុក ធ្វើឲ្យការចំណាយកាន់តែកើនឡើងទ្វេដង» ។

#ទិវាអន្តរជាតិនារី

#សមាគមមណ្ឌលព័ត៌មានកម្មករ

30/03/2026

#ទិវាអន្តរជាតិនារី #ខួបលើកទី១១៥ ក្រោមប្រធានបទ «សំឡេងស្ត្រីដើម្បីសន្តិភាព និងយុត្តិធម៌» ក្នុងកិច្ចពិភាក្សាស្ដីអំពីការ “ស្វែងយល់ពីបញ្ហាប្រឈមការឆ្លើយតប និងតម្រូវការរបស់ស្ត្រីនិងសហគមន៍មូលដ្ឋានដែលរងគ្រោះដោយសារវិបត្តិនានា” ។

ដែលមានសហសម្របសម្រួលដោយ លោកស្រី លោកស្រី លឹម ស្រីមុំ និង លោកស្រី យិត សោភ័ណ

#សមាគមមណ្ឌលព័ត៌មានកម្មករ

29/03/2026

#ទិវាអន្តរជាតិនារី #ខួបលើកទី១១៥ ក្រោមប្រធានបទ “សំឡេងស្ត្រីដើម្បីសន្តិភាព និងយុត្តិធម៌”
នៅក្នុងកម្មវិធីព្រឹកនេះ មានវត្តមាននៃការចូលរួមពីតំណាងក្រសួងរ៉ែ និងថាមពល ក្រសួងមហាផ្ទៃ ក្រសួងកសិកម្ម រុក្ខាប្រមាញ់ និងនេសាទ ក្រសួងកិច្ចការនារី ក្រការងារ និងបណ្ដុះបណ្ដាលវិជ្ជាជីវៈ ក្រសួងសង្គមកិច្ច តំណាងបេឡាជាតិរបបសន្តិសុខសង្គម ខណ្ឌទួលគោក និងខណ្ឌដូនពេញ និងក៏មានវត្តមានការចូលរួមកពីចម្រុះវិស័យដូចជា៖ កសិករ អ្នកផលិតស្បៀងអាហារខ្នាតតូច កម្មការិនីកម្មករ អ្នកប្រកបរបរផ្លូវភេទ អ្នកធ្វើការនៅគ្រឹះស្ថានសេវាកម្សាន្ត យុវជន សហជីព និងបណ្តាញអង្គការដៃគូ ប្រមាណជា ១៧៣នាក់។

#សមាគមមណ្ឌលព័ត៌មានកម្មករ

28/03/2026

ជួបគ្នានៅថ្ងៃអាទិត្យ ទី២៩ ខែ មីនា ឆ្នាំ ២០២៦នេះ នៅក្នុងកម្មវិធីវេទិកាស្ត្រី នៃទិវាអន្តរជាតិនារី ក្រោមប្រធានបទ «សំឡេងស្ត្រី ដើម្បីសន្តិភាព និងយុត្តិធម៌»
ក្នុងគោលបំណង ទី១.​ប្រារព្ធទិវាអន្តរជាតិនារី ខួបលើកទី១១៥ និងរំលឹកអំពីវីរភាពស្រ្តីក្នុងការតស៊ូទាមទារសិទ្ធិ និងសេរីភាព សម្រាប់​ស្រ្តី​ទូទាំង​ពិភពលោក និង
២.​លំហសម្រាប់ស្ត្រី និងសហគមន៍មូលដ្ឋាន បញ្ចេញសំឡេងពីស្ថានភាព និងតម្រូវការ ដើម្បីស្វែងរក​ដំណោះស្រាយ​ បន្ទាន់ ដែលស្តែងចេញពីផលលំបាកនៃវិបត្តិនានា។​

#សមាគមមណ្ឌលព័ត៌មានកម្មករ

22/03/2026

កម្មការិនីកម្មករ និងកុមារី កុមារ៉ា នៅមណ្ឌលសំចតព្រៃទា ជម្ពូវ័ន ចាក់អង្រែក្រោម និងមណ្ឌលសំចតត្រពាំងថ្លឹង នៃសមាគមមណ្ឌលព័ត៌មានកម្មករ រួមគ្នាសម្អាតបរិស្ថានប្រចាំសប្ដាហ៍ នៅក្នុងសប្ដាហ៍ទី១២ នៃខែមីនា ឆ្នាំ២០២៦ នេះ ក្នុងគោលបំណង ទី១.ចង់ឳ្យបរិស្ថាននៅជុំវិញកន្លែងរស់នៅរបស់កម្មការិនីកម្មករស្អាត គ្មានសម្រាម ការផ្លាស់ប្ដូរឥរិយាបថ និងមានទម្លាប់ល្អ ក្នុងការទុកដាក់សម្រាមអោយបានត្រឹមត្រូវ ។ ទី២. ជាគំរូល្អសម្រាប់កុមារ និងកម្មការិនីកម្មករផ្សេងទៀត ឳ្យចេះស្រលាញ់បរិស្ថានជុំវិញខ្លួន ដើម្បីបរិស្ថានស្អាត អានាម័យល្អ នាំមកនៅផាសុខភាព ។

#បរិស្ថានស្អាតអានាម័យល្អផ្ដើមចេញពីយើងទាំងអស់គ្នា

#សមាគមមណ្ឌលព័ត៌មានកម្មករ

20/03/2026

19/03/2026

19/03/2026

📃 បន្ទាប់ពីកិច្ចពិភាក្សារបស់វាគ្មិនកិត្តិយស ស្ត្រីជាកម្មការិនី ក៏បានចែករំលែកអំពីទុក្ខកង្វល់ និងបញ្ហាដែលកើតឡើងស្រដៀងគ្នា ការលើកទឹកចិត្តគ្នាទៅវិញទៅមក ព្រមទាំងបន្ថែមជាមួយសារទាមទា និងសំណូមពរដល់ក្រសួងស្ថាប័នពាក់ពន្ធ និងរដ្ឋាភិបាលលើចំនុច៖
-ក្នុងនាមជាមនុស្សស្រីដូចគ្នា ហើយបញ្ហាដែលជួបប្រទៈស្រដៀងៗគ្នា នៅពេលជួបបញ្ហា កុំអស់សង្ឃឹម ហើយត្រូវញញឹមលើកទឹកចិត្តខ្លួនឯង និងក្លាហានហ៊ាននិយាយចេញដើម្បីរកដំណោះស្រាយ «ស្ត្រីជាពិតជាអាចធ្វើបាន»។
-ស្ត្រីជាឆ្អឹងខ្នងសេដ្ឋកិច្ចជាតិ ។
-ផ្ដល់តម្លៃ និងគោរពជម្រើសស្ត្រី ក្នុងការជ្រើសរើសការងារ និងមុខរបរ ។
-បង្កើតឱ្យមានលំហរ និងទីកន្លែងសុវត្តិភាពសម្រាប់ចែករំលែកបញ្ហា ដែលស្ត្រីជួបប្រទៈ ។
-ស្នើរសុំរដ្ឋាភិបាលតម្លើងប្រាក់ឈ្នួលគោលឲ្យសមស្រប់ជាមួយទំនិញទីផ្សារ ។
-ស្នើសុំអាជ្ញាធរមូលដ្ឋាន ពង្រឹងការអនុវត្តគោលនយោបាយភូមិឃុំមានសុវត្ថិភាព ។
-បញ្ឃប់ការគំរាមគំហែងកម្មការីនីតាមការយ:ការប្រើ​ប្រាស់កិច្ចសន្យាការងារខ្លី ។
-ទប់ស្កាត់កុំឲ្យមានការតម្លើងតម្លៃទំនិញទីផ្សារ និងសូមកុំតម្លើងតម្លៃបន្ទប់ជួល ។
-បញ្ឃប់អំពើហឹង្សា ការជេរប្រមាថ និងការបៀតបៀន ការរើសអើងគ្រប់ទម្រង់មកលើស្ត្រី ទាំងនៅកន្លែងការងារ កន្លែងរស់នៅ សាធារណៈ និងតាមប្រពន្ធ័អនឡាញ ។
-ផ្ដល់តម្លៃ លើកទឹកចិត្តដល់ស្ត្រី ក្នុងការចូលរួមចិត្តនៅក្នុងគ្រួសារ និងនៅក្នុងសង្គម ។
-ខ្ញុំប្រើប្រាស់ទឹកតម្លៃ ២,០០០ រៀល ក្នុងមួយម៉ែត្រគូប ។
-ពួកយើង ត្រូវការតម្លៃទឹក ៨០០ រយរៀល ក្នុងមួយម៉ែត្រគូប តាមសេចក្ដីសម្រេចរបស់រដ្ឋាភិបាល ឆ្នាំ២០១៧ ។
-បញ្ឃប់ការកំណត់ចំនួន ផលិតលើសពីកម្លាំងពលកម្ម កម្មការិនីកម្មករ ។
-បញ្ឃប់ការប្រមាថ ម៉ាកងាយ និងប្រើប្រាស់ពាក្យសម្ដីមិនសមរម្យមកលើកម្មការិនីកម្មករ។

#សមាគមមណ្ឌលព័ត៌មានកម្មករ

18/03/2026

លោកស្រី ក្រឹម សុខា ជាកម្មការិនីធ្វើការរោងចក្រ ចែករំលែកពីបទពិសោធន៍ ពីការពង្រឹងសមត្ថភាព ការផ្តល់ឱកាសសម្រាប់ខ្លួនឯងចូលរួមនៅក្នុងសង្គម ស្វែងយល់អំពីសិទ្ធ អត្ថប្រយោជន៍ដែលត្រូវទទួលបាន និងការតស៊ូមតិជាមួយអ្នកពាក់ព័ន្ធ ដើម្បីទទួលបាននៅយុត្តធម៌ ស្របតាមច្បាប់ស្តីពីការងារ «ខ្ញុំជាកូនកសិករមកពីខេត្តកំពងធំ ខ្ញុំបានឡើងមកទីក្រុងភ្នំពេញរកការងារធ្វើដើម្បីរកប្រាក់ចំណូលជួយផ្គត់ផ្គង់គ្រួសារ ព្រោះដោយសារគ្រួសារខ្ញុំគាត់ធ្វើស្រែយកស្រូវ ប៉ុន្តែពីមួយឆ្នាំទៅមួយឆ្នាំមានការប្រែប្រួលអាកាសធាតុ ធ្វើស្រែមិនបានផល។ ដើម្បីជួយគ្រួសារខ្ញុំខំប្រឹងដើរធ្វើតេស្តតាមរោងចក្រយូថ្ងៃណាស់ ទាំងដែលខ្លួនមិនមានជំនាញអ្វីទាំងអស់ សូម្បីតែអានអក្ស ។ ក្រោយមកខ្ញុំធ្វើតេស្តជាប់ការងារនៅក្នុងរោងចក្រមួយកន្លែងផ្នែកវេចខ្ចប់ ។ ប៉ុន្តែទោះបីជាខ្ញុំមានការងារធ្វើក៏ដោយ ក៏ខ្ញុំនៅតែភ័យខ្លាចដដែល ខ្ញុំដើរតែឈ្ងោគមុខ ព្រោះមិនដែលស្គាល់គេឯងនៅភ្នំពេញផង។ ក្រោយមកខ្ញុំបានស្គាល់មណ្ឌលសំចត នៅភូមិព្រៃទានេះ ។ នៅមណ្ឌលតែងតែរៀបចំកិច្ចពិភាក្សា ចែករំលែកពីច្បាប់ការងារ និងសិទ្ធិរបស់កម្មការិនីកម្មករ។ អ្នកមណ្ឌលតែងតែលើកទឹកចិត្ត និងផ្ដល់ឳកាស ជានិច្ច ខ្ញុំចាប់ផ្ដើមចង់ចេះចង់យល់ចងដឹង ខ្ញុំក៏សម្រចចិត្តចូលរួមគ្រប់សកម្មភាពរបស់មណ្ឌលរៀងរាល់ថ្ងៃអាទិត្យ ។ ក្រោយពេលខ្ញុំចូលរួម ខ្ញុំទទួលបានបានចំណេះដឹង បានស្គាល់មិត្តភក្តិថ្មីៗ មានភាពស្និតស្នាល ហើយមានលើកទឹកចិត្តឲ្យខ្ញុំឬកម្មការិនីកម្មករផ្សេងទៀត និយាយចេញពីបញ្ហាដែលជួបប្រទះទាំងនៅកន្លែងការងារ និងកន្លែងរស់នៅ។ ក្រោយពីចូលរួមសកម្មភាពនៅមណ្ឌលជាញឹកញាប់មក ខ្ញុំចាប់ផ្ដើមក្លាហានជាងមុន ហើយហ៊ានទៅជជែកជាមួយអ្នកគ្រប់គ្រងចិន ដើម្បីសុំច្បាប់ឈប់ចំនួន ១សប្តាហ៍ ព្រោះខ្ញុំត្រូវទៅមើលប្តីខ្ញុំឈឺនៅស្រុក។ នៅពេលខ្ញុំពន្យល់ពីហេតុផលទៅ អ្នកគ្រប់គ្រង់គេអនុញ្ញតិឲ្យឈប់សម្រាក់ ហើយបានប្រាប់ថា បើប្តីខ្ញុំមិនទាន់ជាអាចសំច្បាប់សម្រាក់បាន។ បន្តមកទៀត នៅកន្លែងដែលខ្ញុំធ្វើការ មានបរិយាកាសមិនល្អ ក្ដៅហប់ហើយខ្ញុំធ្វើការនៅកន្លែង(បាញ់ប្រលាក់) ប្រឈម នឹងជាតិពុលខ្លាំង ដែលអាចបណ្តាលឲ្យមានផលប៉ះពាល់សុខភាព ខ្ញុំក៏បាន ស្នើរទៅប្រធានក្រុម និងរដ្ឋបាល ដើម្បីឲ្យដាក់កង្ហារបឹតជាតិពុលនេះ ។ ខ្ញុំគិតថានិងសុំមិនបាននោះទេ ប៉ុន្តែការជជែកដោយភ្ជាប់ជាមួយហេតុផលជាក់លាក់របស់ខ្ញុំ បានធ្វើឲ្យរដ្ឋបាល យល់ព្រមក្នុងការដាក់កង្ហារបឺតជាតិពុលនៅផ្នែគដែលខ្ញុំកំពុងធ្វើការ ។ ក្រោយៗមក ខ្ញុំមិនត្រឹមតែអាចយល់ដឹងពីសិទ្ធិ ហើយអាចជួយខ្លួនឯងបាននោះទេ ខ្ញុំក៏បានជួយដល់កម្មការិនីកម្មករផ្សេងទៀតដែរ ក្នុងនោះមានកម្មការិនីម្នាក់ ត្រូវបានរោងចក្រកាត់លុយ ខ្ញុំនាំគាត់ទៅតវ៉ាជាមួយផ្នែករដ្ឋបាលទាំងខ្លួនឯងមិនមានតួនាទីអ្វីសោះ ។ ក្រោយមកខាងរោងចក្របានទូទាត់លុយកម្មការិនីនោះគ្រប់ចំនួនវិញ។ ក្រៅពីនេះ ខ្ញុំក៏បានផ្តល់យោបល់ និងលើកទឹកចិត្តឲ្យកម្មការិនីផ្សេងទៀតហ៊ានក្នុងការនិយាយជាមួយប្រធានក្រុម ឬថ្នាក់លើរបស់ពួកគេ ហើយគេបានប្រាប់ខ្ញុំថា គេសប្បាយចិត្តពេលគេទទួលយកយោបល់ខ្ញុំហើយធ្វើឲ្យគេក្លាហាន ហ៊ាននិយាយដូចខ្ញុំដែរ។ ខ្ញុំមានមោទនភាពណាស់ ខ្ញុំធ្វើការបាន១ឆ្នាំ តែខ្ញុំក្លាហានហើយអាចផ្តល់យោបល់ដល់កម្មការិនីផ្សេងៗដែលធ្វើការយូរជាងខ្ញុំបាន »។

16/03/2026

🎤 កញ្ញា ចាន់ ភត្រា ជាកម្មការិនីធ្វើការរោងចក្រ នៅភូមិព្ត្រពាំងជ្រៃ ចែករំលែកបទពិសោធន៍ និងការចូលរួមកិច្ចការងារសង្គម ដើម្បីជម្រុញឳ្យកម្មការិនីកម្មករទទួលបានយុត្តិធម៍ «ពីមុនខ្ញុំមិនដឹងទេថាអ្វីជាសហជីព? ប៉ុន្តែក្រោយមក ខ្ញុំឃើញកម្មការិនីកម្មករទទួលរងការគៀបសង្កត់ខ្លាំងពីប្រធានក្រុម ឬអ្នកគ្រប់គ្រង ដូច្នេះហើយទើបខ្ញុំស្វែងយល់ពីតួនាទីរបស់សហជីព តាមរយៈការចូលរួមសកម្មភាពជាមួយមណ្ឌលសំចតព្រៃទា ហើយអ្នកចងក្រងតែងតែចែករំលែកពីសិទ្ធិ ច្បាប់ការងារ និងច្បាប់សហជីពផងដែរ ទើបខ្ញុំសម្រេចចិត្តក្នុងការឈរឈ្មោះជាសកម្មជនសហជីព ដើម្បីជួយរកដំណោះស្រាយសម្រាប់កម្មការិនីកម្មករ នៅពេលជួបបញ្ហានៅកន្លែងធ្វើការ ។ នៅពេលដែលខ្ញុំធ្វើសកម្មជនសហជីព ខ្ញុំជួបរឿងជាច្រើននៅកន្លែងធ្វើការ។ ពេលនោះប្រធានក្រុម និងអ្នកគ្រប់គ្រងមិនចូលចិត្តខ្ញុំទេ ព្រោះតែខ្ញុំតែងតែចូលចិត្តចែករំលែកអំពីបញ្ហាប្រឈម និងសិទ្ធិដែលកម្មការិនីកម្មករគួរតែទទួលបាន ទាំងនៅកន្លែងការងារ កន្លែងរស់នៅជាដើម.ថាពួកយើងមានសិទ្ធនិយាយចេញនៅពេលជួបបញ្ហា ដើម្បីឱ្យដឹងឮដល់អ្នកពាក់ពន្ធ័ និងទទួលបានដំណោះស្រាយរួមគ្នា »។