https://www.facebook.com/924650270960541/

ចម្ការសុខៈយុ

Home
Cambodia
Phnom Penh
ចម្ការសុខៈយុ

Contact information, map and directions, contact form, opening hours, services, ratings, photos, videos and announcements from ចម្ការសុខៈយុ, Environmental conservation organisation, Phnom Penh.

Page នេះត្រូវបានបង្កើតឡើងក្នុងគោលបំណងផ្លាស់ប្តូរព័ត៌មាន និងបទពិសោធន៍ ស្ដីពីធនធានធម្មជាតិ ជីវៈចម្រុះ និងរុក្ខជាតិសំខាន់ៗដែលជួបប្រទះកន្លងមក ជាពិសេសព័ត៌មានពាក់ព័ន្ធនឹងរុក្ខជាតិលម្អរបស់ខ្មែរយើង យើងគ្រប់គ្នាសុទ្ធតែដឹងថា ព្រៃឈើគឺមានសារៈសំខាន់ចំពោះមនុស្ស សត្វ បរិស្ថាន ប្រព័ន្ធអេកូឡូស៊ី។ យើងក៏ដឹងទៀតថា ព្រៃឈើរងការកាប់បំផ្លាញយ៉ាងធ្ងន់ធ្ងរក្នុងរយៈពេលថ្មីៗកន្លងទៅនេះ ដែលអាចនឹងឈានដល់ផុតពូជពីតំបន់មួយចំនួនទៀតផង។ តើហេតុអ្វីបានជាយើងមិនជួយការពារ ជួយអភិរក្ស?

គោលបំណងចម្បងរបស់ខ្ញុំ គឺដាំអភិរក្សពូជឈើប្រណិតទាំង១២ប្រភេទ និងប្រភេទឈើមានតម្លៃផ្សេងៗទៀត។ នេះជាអ្វីដែលខ្ញុំអាចធ្វើបានសម្រាប់ប្រព័ន្ធអេកូឡូស៊ី។ សង្ឃឹមថាផ្ទៃដី ៣-៤ហិតតា ដែលត្រៀមដាំបញ្ចូលប្រភេទឈើប្រណិត លើផ្ទៃដីសរុប១០ហិតតារបស់ខ្ញុំ នឹងរួមចំណែកជួយអភិរក្សប្រភេទពូជឈើសំខាន់ៗរបស់កម្ពុជា និងបង្ហាញពីគំរូល្អដែលមនុស្សជំនាន់មុនគិតគូរដល់ក្មេងជំនាន់ក្រោយ៕

31/08/2026

កាលពី១៥ឆ្នាំមុនឫសឈើប្រភេទនេះសំបូរណាស់នៅក្រចេះ ព្រោះនៅតាមក្បាលស្រែនីមួយៗតែងតែមានដុះដើមឈើធំៗ ជាពិសេសដើមធ្នង់ បេង និងសុក្រំជាដើម។

បើរំលឹកពី៣០ទី៤០ឆាំមុនទៀត គឺប្រភេទឈើប្រណិតទាំងនោះគឺមិនមានតម្រូវការតែម្តង ព្រោះឈ្មួញឈើគេតែងតែប្រមូលទិញប្រភេទឈើស្រឡៅ ត្រាច និងឈើមួយចំនួនទៀតដែលអណ្ដែតទឹក ព្រោះឈើទាំងនោះត្រូវចងតាមក្បូនឫស្សីបង្ហូរមកតាមដងទន្លេមេគង្គមកលក់នៅភ្នំពេញ។ ប្រភេទឈើប្រណិត (បេង ធ្នង គ្រើល ត្រយឹង) ដែលជាប្រភេទឈើធ្ងន់និងលិចទឹក គេមិនទិញទេ ហើយត្រូវប្រជាជនយកទៅធ្វើបង្គោលរបង និងកង់រទេះជាដើម។

គល់ឈើទាំង២នេះគឺជាគល់ធ្នង់ដែលសល់តាំងពីជាង៣០ឆ្នាំមុន ដោយសន្សំទិញពីអ្នកកាប់អុសម៉ែត្រ ព្រោះគេត្រូវរានដីពង្រីកស្រីថ្មី។ ឥឡូវវាអាចចាត់ចូលជាប្រភេទកម្រហើយ។

28/08/2026

អ្នកចូលចិត្តដើរព្រៃពេលឃើញសកម្មភាពកាប់ទន្ទ្រានព្រៃដូច្នេះពិតជាក្តុកក្តួលយ៉ាងខ្លាំង។ ប៉ុន្មានឆ្នាំមុន មានឱកាសដើរព្រៃនៅមណ្ឌលគិរីបានច្រើន ឃើញសកម្មភាពស្រដៀងៗគ្នានេះកើតឡើងច្រើនកន្លែងទាំងនៅក្នុងនិងក្រៅតំបន់ការពារធម្មជាតិ។ សង្ឃឹមថាបច្ចុប្បន្ន នឹងមិនមានសកម្មភាពបែបនេះតទៅទៀតចុះ។ ការស្ដារប្រព័ន្ធអេកូឡូស៊ីនៅតំបន់ដែលរងការបំផ្លាញត្រូវការថវិកានិងពេលវេលាយ៉ាងយូរហើយក៏មិនអាចវិលត្រឡប់មកដូចដើមវិញដែរ។ ក្នុងព្រៃធម្មជាតិមានដើមឈើទាំងតូច ធំទាំងស្គាល់ និងមិនស្គាល់ ទាំងសត្វ និងពពួកសារពាង្គកាយផ្សេងៗរាប់ពាន់រាប់លានប្រភេទ តែពេលដែលយើងដាំស្តារព្រៃឈើឡើងវិញគឺជ្រើសរើសដាំតែប្រភេទសំខាន់ៗប៉ុន្មានប្រភេទប៉ុណ្ណោះ ដូចជាបេង ធ្នង់ ឈើទាល.... ជាដើម ដែលវាមិនអាចត្រឡប់ទៅជាព្រៃធម្មជាតិដូចមុនទេ។

27/08/2026

ធម្មជាតិពិតជាស្រស់ស្អាតណាស់ គ្រាន់តែយើងត្រូវដឹងពីរបៀបតុបតែង និងប្រើប្រាស់តាមមុខងាររបស់វា។ ការយកផ្កាឬរុក្ខជាតិជុំវិញខ្លួនមកកែច្នៃ និងតុបតែងអាចជួយឱ្យប្រព័ន្ធប្រសាទធូរស្រាល កាត់បន្ថយការព្រួយបារម្ភ (ពុល) និងបង្កើនអារម្មណ៍ស្រស់ស្រាយភ្លាមៗ។ ផ្កាមួយថូលើតុបាយនេះពិតជាស្រស់ស្អាត និងបង្កប់នូវសិល្បៈដែលគួរឱ្យសរសើរ។

26/08/2026

វាស្មានតែមេវាមកបញ្ចុកចំណី វាខំប្រឹងបើកមាត់និងស្រែកទាររកចំណី។ យើងមិនគួរបញ្ចុកចំណីឱ្យកូនសត្វដោយខ្លួនឯងទេ ព្រោះអាចធ្វើឱ្យវាឈ្លក់ ឬខូចប្រព័ន្ធរំលាយអាហាររហូតបណ្តាលឱ្យកូនសត្វស្លាប់។ ទោះបីជាជំនឿថាមេបារបស់វានឹងបោះបង់សំបុកដោយសារក្លិនមនុស្សមិនពិតទាំងស្រុងមែន ក៏ការដែលយើងទៅជិតសំបុកវាញឹកញាប់ពេកអាចធ្វើឱ្យសត្វមេភ័យខ្លាច និងមិនហ៊ានចូលជិតសំបុក ឬកូនសត្វអាចហើរចេញពីសំបុកទាំងមិនទាន់ពេញវ័យគ្រប់គ្រាន់ដែលអាចបណ្តាលឱ្យវាស្លាប់បាន។

25/08/2026

ម្នាក់នេះចូលមកនៅដោយមិនបានសុំការអនុញ្ញាតពីម្ចាស់ផ្ទះជាមុនទេ។ តែទោះបីជាដាំផ្កា មិនចេញផ្កាក៏បានសត្វមកនៅគ្រាន់ធ្វើឱ្យអារម្មណ៍ស្រស់ស្រាយពេលព្រឹកដែរ។ ពពួកសត្វនេះផ្អើលខ្លាំងណាស់ បើចង់ទៅមើលទាល់តែលួចមើល និងរងចាំដល់មេ និងបាវាចេញទៅរកចំណីបាត់។ តាមការអង្កេតវាតែងតែទុកមួយ (អាចជាមេ) ឱ្យនៅយាមសំបុក និងរកចំណីជិតៗសំបុក។ ពេលដែលមានអ្វីមិនស្រួល វានិងបញ្ចេញសំលេងឱ្យកូនក្នុងសំបុកដឹង និងដៃគូវាមកជួយ។

24/08/2026

ប្រជាពលរដ្ឋដែលឧស្សាហ៍តែងតែមានវិធីសាស្ត្រនិងគំនិតច្នៃប្រឌិតសាមញ្ញៗក្នុងការដាំដុះបន្លែនិងគ្រឿងទេសជុំវិញផ្ទះ សម្រាប់ប្រើប្រាស់ប្រចាំថ្ងៃ។ គ្រឿងទេសស្រស់ៗមិនត្រឹមតែអាចបន្ថែមរសជាតិ បង្កើនក្លិនឈ្ងុយ និងសោភ័ណភាពមុខម្ហូបប៉ុណ្ណោះទេ ប៉ុន្តែវាក៏ជាឱសថធម្មជាតិដ៏មានឥទ្ធិពលសម្រាប់សុខភាពរាងកាយផងដែរ។ តាមទិន្នន័យនៃការស្រាវជ្រាវវិទ្យាសាស្ត្របង្ហាញថា មើមខ្ជាយដែលយើងមិនសូវចាប់អារម្មណ៍ មានគុណសម្បត្តិមហាសាលសម្រាប់សុខភាពប្រហាក់ប្រហែលនិងមើមយិនស៊ីនផងដែរ។

21/08/2026

ឃើញលោកតាម្នាក់នៅត្បូងឃ្មុំជិះកង់ចាស់មកប្រជុំ ក៏បាននឹកដល់កង់ចាស់មួយនៅស្រុកដែលតាគាត់ទិញកាលពីសម័យសង្គមរាស្ត្រនិយម។ ប្រវត្តិកង់នោះទិញនៅចន្លោះឆ្នាំ១៩៦៨ មានតម្លៃថ្លៃខ្លាំងណាស់ ប្រហែលគោមួយក្បាលសម័យនោះ។ គេហៅវាថាកង់ប្រុសដោយសារតួររបស់វាខ្ពស់ធំ ហើយជិះធូរនិងងាយស្រួលប្រើប្រាស់ខ្លាំងប្រៀបធៀបនិងកង់សម័យបច្ចុប្បន្ន។ បច្ចុប្បន្នមិនមានអ្នកប្រើប្រាស់ទៀតទេ មានតែលាងទុកសម្រាប់តាំង ឬអាចប្រើប្រាស់ជិះហាត់ប្រាណជុំវិញផ្ទះនៅពេលមានវ័យចំណាស់បន្តិច។

20/08/2026

សាលារៀនក្នុងសហគមន៍តំបន់ការពារធម្មជាតិ ក្នុងស្រុកកែវសីមា ខេត្តមណ្ឌលគិរី។ សូមសរសើរទឹកចិត្តលោកគ្រូ អ្នកគ្រូ និងប្រជាសហគមន៍ដែលបានរៀបចំបង្កើតសាលារៀននេះឡើង។ បើតាមចាំប្រហែល៥ឆ្នាំមុន ភូមិនេះត្រូវជិះឡានជិត៣ម៉ោងពីផ្លូវជាតិ កាត់តាមផ្លូវលំ ផ្លូវព្រៃ និងផ្លូវរទេះដ៏សែនលំបាកបានទៅដល់។ ទោះបីជាប្រជាជនមានស្ថានភាពជីវភាពហាក់ដូចជាលំបាក ក៏សង្កេតឃើញថាកូនសិស្សនៅទីនោះមកចូលរៀនពេញថ្នាក់ និងមានគ្រូមកបង្រៀនបានដិតដល់។

19/08/2026

បងៗដើរល្បាតឥឡូវថាវាគឺជារបស់សំខាន់មួយក្នុងចំណោមវត្ថុចាំបាច់ទាំងឡាយ។ ក្នុងព្រៃជ្រៅៗក្នុងខេត្តមណ្ឌលគិរីសេវាទូរសព្ទក្រុមហ៊ុន097 ខ្លាំងជាងគេ តែអ្វីដែលពិបាកគឺការរកកន្លែងមានអគ្គិសនីសាកថ្មទូរសព្ទរបស់ពួកគាត់។ ជម្រើសដែលល្អ គឺពួកគាត់តែងតែដាក់ឆ្នាំងសាកទូរសព្ទប្រើប្រាស់ពន្លឺព្រះអាទិត្យជាប់ជាប្រចាំ និងសាកពេលដែលមេឃស្រលះល្អ។ ចំឡែកចិត្តខ្លះដែរពេលឃើញដូច្នេះ ព្រោះនៅតំបន់ផ្សេងៗមិនដែលឃើញទេ។

18/08/2026

ម្ហូបចំឡែកថ្មីរបស់បងប្អូនខេត្តសៀមរាប គឺការបំពងកូនក្រពើញាំដូចពងទាកូន។ ស្ទើរតែមិនជឿថាមានអ្នកនឹកឃើញឆ្នៃម្ហូបមួយមុខនេះ។ ដំបូងឃើញគេយកពងក្រពើដែលជិតញ៉ាស់មកត្រាំទឹកកកឱ្យវាងាប់ (មានខ្លះក៏ញាស់ចេញពីពងពេលកំពុងត្រាំទឹក) ហើយបន្ទាប់មកគេវាយបំបែកពងយកកូនក្រពើចេញមកលាងសម្អាត។ កូនក្រពើដែលលាងហើយត្រូវបានយកទៅបំពងជាមួយខ្លាញ់ក្តៅដោយមិនចាំបាច់វះពោះរកគ្រឿងក្នុងចេញទេ។ កូនក្រពើដែលឆ្អិនត្រូវញាំផ្ទាប់ជាមួយជី អំបិលម្រេច ក្រូចឆ្មាដូចជាការញាំពងទាកូនដែរ។ គេថាវាមានរស់ជាតិឆ្ងាញ់ដូចពងទាកូន។ គេឱ្យភ្លក់ដែរ តែមិនដាច់ចិត្តសាកទេ។ តាមការសាកសួរព័ត៌មាន គេប្រាប់ថាម្ហូបនេះទើបតែចាប់ផ្តើមពេញនិយម ៦-៧ឆ្នាំចុងក្រោយនេះទេ ពោលគឺនៅពេលតម្លៃរបស់ស្បែក សាច និងពងក្រពើចុះថ្លៃ។ ប្រហែលជាអ្នកនៅតំបន់ជុំវិញបឹងទន្លេសាប ជាពិសេសរស់នៅជិតកសិដ្ឋានចិញ្ចឹមក្រពើសមនិងមុខម្ហូបនេះហើយមើលទៅ តែសម្រាប់អ្នកភ្នំពេញដែលធ្វើដំណើរឆ្លងកាត់ពិតជាចម្លែកមែនទែន។
#សៀមរាប #ម្ហូបចម្លែក

Address

Phnom Penh

Website

facebook.com

Alerts

Be the first to know and let us send you an email when ចម្ការសុខៈយុ posts news and promotions. Your email address will not be used for any other purpose, and you can unsubscribe at any time.