ក្រុម មូលនិធិ សប្បុរសធម៌ ជួយជនក្រីក្រ

១/Page នេះជាPage មួយដែលបានរៀបចំបង្កើតឡើងដោយសមណៈនិស្សិត និង សិស្ស និស្សិតក្មេងវត្ត ឧណ្ណាលោម កុដិលេខ១១ សង្កាត់ជ័យជំនះ ខណ្ដ ដូនពេញ រាជធានីភ្នំពេញ ដែលមានព្រះគ្រូញាណសត្ថា សំ សុផល ព្រះរាជាគណៈថ្នាក់កិត្តិយស និងត្រូវជាមេកុដិលេខ ១១ វត្ត ឧណ្ណាលោម រាជធានីភ្នំពេញជាតំណាងក្នុងការដឹកនាំចាត់ចែងធ្វើសកម្មភាពមនុស្សធម៌ផ្សេងៗដូចជាការចែកទ័យទានជូនទៅដល់ចាស់ជរា ជនក្រីក្រនៅតាមបណ្តាស្រុកខេត្តនានាទូទាំងប្រទេសកម្ពុជា។
២/Pag

e នេះត្រូវបានបង្កើតឡើងនៅថ្ងៃទី ២៧ ខែ មិថុនា ឆ្នាំ ២០១៥ ដែលមានមូលដ្ឋានដូចអាសយដ្ឋានខាងលើ។
៣/គោលបំណង
- ដោយមើលឃើញពីភាពខ្វះខាតនិងភាពលំបាកលំបិនរបស់ប្រជាពលរដ្ឋក្រីក្រ ជនចាស់ជរា កុមារកំព្រីកំព្រា អ្នកគ្មានទីពឹងនៅតាមតំបន់ដាច់ស្រយាលនានាដែលពួកគាត់កំពុងតែស្រេកឃ្លាននិងស្រែកដង្ហើយហៅរកសប្បុរសជនដើម្បីជួយដល់ពួកគាត់។ ហេតុដូចនេះហើយបានជាជំរុញឲ្យពួកយើងបង្រួបបង្រួមស្មារតីសាមគ្គីគ្នាបង្កើតនៅសកម្មភាពមនុស្សធម៌នេះឡើងដោយមិនគិតពីផលប្រយោជន៍ និងការលំបាក ផ្ទាល់ខ្លួនឡើយ។ ពួកយើងក៏បានបើកចំហរផងដែរចំពោះបងប្អូន ញាតញោម សប្បុរសជនណាដែលមានបំណងចង់ចូលរួមធ្វើសកម្មមនុស្សធម៌នេះជាមួយពួកយើង(ដោយលោកអ្នកអាចចូលរួមជាមួយដោយផ្ទាល់ឬតាមរយៈការចែករំលែកទ័យទានផ្សេងៗក៏បាន។ ការចែករំលែកទានគឺជាការកប់កំណប់ទ្រព្យទុកសម្រាប់ជាតិខាងមុខ។ ទ្រព្យរបស់វាជារបស់រូបីយើងមិនអាចនាំយកទៅតាមខ្លួននៅពេលដែលយើងអស់និស្ស័យពីលោកនេះទៅទេ មានតែសេចក្តីល្អ និងអំពើបុណ្យទេទើបជាទ្រព្យពិតប្រាកដដែលយើងអាចនាំទៅតាមខ្លួនបានមិនថាជាតិនេះឬក៏ជាតិខាងមុខនោះឡើយ។ជីវិតក្នុងលោកមិនថាយើងមិនថាគេទេសុទ្ធតែប្រាថ្នាដើម្បីរស់ដូចៗគ្នាប៉ុន្តែដោយសារខ្វះបុណ្យទើបមានអ្កកខ្លះក្រអ្នកខ្លះមាន។