Fraud Awareness

23/08/2025

🚨 ចែករំលែកបទពិសោធន៍ផ្ទាល់អំពីករណីក្លែងបន្លំតាមប្រព័ន្ធធនាគារ (សម្រាប់ការយល់ជាសាធារណៈ)
( Sharing a personal fraud experience case for Public Awareness)

ក្នុងនាមជាជនរងគ្រោះនៃប្រាក់កម្ចីដែលគ្មានការអនុញ្ញាត និង ឧប្បត្តិហេតុក្លែងបន្លំឌីជីថលតាមរយះប្រព័ន្ធធនាគារឌីជីថល (មានករណីប្រាក់កម្ចីត្រូវបានបើកដោយគ្មានការផ្ទៀងផ្ទាត់ត្រឹមត្រូវ និងគ្មានផ្ញើរសារពាក្យសម្ងាត់ One Time Password/OTP ឬ មិនមានការខលបញ្ជាក់ពីខាងធនាគារមកកាន់អតិថិជន/ Fraudulent loan issued without my consent ។ល។ ខ្ញុំបានរង់ចាំជាច្រើនខែដោយមិនទាន់ទទួលបានដំណោះស្រាយដោយតម្លាភាពឬការឆ្លើយតបជាលាយលក្ខអក្សរផ្លូវការ (Official written statement) ទោះបីជាខ្ញុំបាទសសេរលិខិតស្នើសុំជាលាយលក្ខអក្សរផង ជជែកដោយផ្ទាល់មាត់ផង ម្តងហើយម្តងទៀតទៅកាន់គ្រឹះស្ថានធនាគារ។

ករណីនេះខ្ញុំបាទបានដាក់ពាក្យបណ្តឹងជាផ្លូវការទៅកាន់នាយកដ្ឋានបទល្មើសបច្ចេកវិទ្យានៃក្រសួងមហាផ្ទៃ និង បានរាយការណ៌បន្ថែមគោរពជូនទៅកាន់ធនាគារជាតិកម្ពុជា ការិយាល័យឥណទានកម្ពុជា និង សមាគមធនាគារតាមប្រពន្ឋ័តេលេក្រាម។ រាប់ចាប់ពីខែឧសភារហូតមកដល់ពេលនេះ ខ្ញុំបាទមិនទាន់ទទួលបានដំណោះស្រាយច្បាស់លាស់ប្រកបដោយប្រសិទ្ធភាពជាផ្លូវការណាមួយត្រូវបានផ្តល់ជូនខ្ញុំបាទនៅឡើយទេ ទោះយ៉ាងណា ខ្ញុំបាទសូមអគុណស្ថាប័នទាំងអស់ដែលបានខ្នះខ្នែងសហការយ៉ាងសកម្ម ក្នុងការសាកសួរ ទទួលយកពត៌មានលម្អិតពីជនរងគ្រោះ និងបានជួយអ្វីៗទៅតាមទៅដែនសមត្ថកិច្ច។
--------------------------------------------------

⚠️ ខ្ញុំបាទសូមចែករំលែកបទពិសោធន៍នេះ ដើម្បីជូនដំណឹងដល់អ្នកប្រើប្រាស់កម្មវិធីអេបធនាគារថា៖
❌ សូមកុំចុចលើតំណភ្ជាប់ ឬ តាមតំណលីងមិនច្បាស់ប្រភពដែលគួរឱ្យសង្ស័យដើម្បីទទួលសាច់ប្រាក់ តាមប្រពន្ឋ័តេលេក្រាម ឧទាហរណ៌ https://www.cambodiapost.com.kh/pay/order/hltOfVze (គេហទំព័រជនបោកប្រាស់ឬហេកគរ សូមមើលរូបភ្ជាប់)។
❌ សូមកុំផ្តល់ OTP ឲ្យនរណាម្នាក់ឡើយ។
⚠️ សូមប្រយត្ន័អេបធនាគារណាមួយ ដែលមានមុខងារធ្វើការខ្ចីអញឡាញបានលឿនរហ័សស្រួលៗ/​ Quick loan (បើខ្ចីបានត្រូវប្រាកដថាមានផ្ញើរសារពាក្យសម្ងាត់/OTP ឬ មានការខលបញ្ជាក់ពីខាងធនាគារទៅកាន់អតិថិជន ទើបជារឿងត្រឹមត្រូវ)។
✔️ សូមប្រើស្កេន ឃ្យូអរខូត (QR code) ទូទាត់តាមរយះធនាគារដែលស្គាល់ទើបមានសុវត្ថិភាពខ្ពស់។
--------------------------------------------------
🙏 ខ្ញុំបាទសូមបញ្ជាក់ថាបំណងនៃការផុសនេះមិនមែនដើម្បីបង្ខូចកេរ្តិ៍ឈ្មោះស្ថាប័នណាមួយឡើយ។
👉 ទី១: អនុវត្តសិទ្ធិជាអតិថិជននិងជាជនរងគ្រោះ ក្នុងការចែករំលែកបទពិសោធន៍ជួបផ្ទាល់ពីករណីប្រាក់កម្ចីក្លែងបន្លំឌីជីថល។
👉 ទី២: លើកកម្ពស់ការយល់ដឹងសាធារណៈជនទូទៅ អំពីការក្លែងបន្លំឌីជីថលក្នុងសម័យបច្ចេកវិជ្ជាបច្ចុប្បន្ន។
👉 ទី៣: ការពារអតិថិជន និង អ្នកប្រើប្រាស់សេវាឌីជីថលផ្សេងទៀត (រួមទាំងគណនីធនាគារវីង) ប្រុងប្រយត្ន័អេបធនាគារ ដែលមានមុខងារកម្ចីអនឡាញលឿនរហ័សងាយៗ (Quick loan) ដែលអាចបង្កហានិភ័យខ្ពស់ ជាពិសេសសម្រាប់មន្ត្រីរាជការរដ្ឋាភិបាលដែលមានប្រាក់បៀវត្សបើកតាមគណនីធនាគារ។
-------------------------------------------------

🙏ផេកនេះសូមលើកទឹកចិត្តជនរងគ្រោះពីការក្លែងបន្លំ សហការជាមួយអាជ្ញាធរមានសមត្ថកិច្ច ដើម្បីស្វែងរកដំណោះស្រាយតាមផ្លូវច្បាប់ និងដោយសន្តិវិធី។

🚨 I experienced a fraudulent loan that was issued under my account without my consent through a digital banking system. Despite filing several complaints, I have not yet received a clear and official written resolution.

⚠️ The purpose of this post is for public awareness and fraud prevention, not to defame any institution, but to protect " Bank Customers" and "Government Officials" whose salaries are paid through bank apps (including Wing accounts).

❌ Never click suspicious Telegram links (e.g. fake Cambodia Post pages)
❌ Never share your OTP​ to anyone
⚠️ Be cautious with bank app that has a function to make online loans quickly and easily/ ​Quick loan (if you get a loan, make sure that a password/​OTP is sent to the customer or a confirmation call from the bank)
✔️ Please use QR code scanning to pay through a known bank for high security.

#បញ្ឈប់ការក្លែងបន្លំតាមអនឡាញ

🙏 This page encourages victims of fraud to cooperate with the authorities to seek legal and peaceful resolutions.