11/04/2026
កក្រក៖ ព្រឹកថ្ងៃទី១១ ខែមេសា ឆ្នាំ២០២៦ ប្រតិភូយុវជនកាកបាទក្រហមកម្ពុជា និងយុវជនកាកបាទក្រហមជប៉ុន សាខាខេត្តហ៊ីរ៉ូស៊ីម៉ា បានបន្ដបំពេញទស្សនកិច្ចសិក្សានិងស្វែងយល់ពីមជ្ឈមណ្ឌលអនុស្សាវរីយ៍គ្រោះមហន្តរាយភ្លៀងធ្លាក់ខ្លាំងនៅទីក្រុងហ៊ីរ៉ូស៊ីម៉ា។
មជ្ឈមណ្ឌលអនុស្សាវរីយ៍គ្រោះមហន្តរាយភ្លៀងធ្លាក់ខ្លាំងនៅទីក្រុងហ៊ីរ៉ូស៊ីម៉ា ត្រូវបានបង្កើតឡើងដើម្បីរំលឹកដល់ជនរងគ្រោះពីគ្រោះធម្មជាតិ និងបង្រៀនមនុស្សអំពីការពារ និងការឆ្លើយតបពេលមានគ្រោះមហន្តរាយ។
ក្នុងឱកាសនោះដែរ លោក Matsui ប្រធានមជ្ឈមណ្ឌល បានធ្វេីបទបង្ហាញលម្អិតនូវប្រវត្តិនៃការបង្កេីតមជ្ឈមណ្ឌលនេះ បង្ហាញអំពីព្រឹត្តិការណ៍ភ្លៀងធ្លាក់ខ្លាំង និងរអិលដី ដែលបានកើតឡើងនៅទីក្រុងហ៊ីរ៉ូស៊ីម៉ា នៅឆ្នាំ២០១៤ បណ្ដាលឱ្យប្រជាជនស្លាប់ ៧៧នាក់ ខូចខាតផ្ទះសម្បែង ហេដ្ឋារចនាសម្ព័ន្ធរូបវ័ន្ដជាច្រេីន។
បន្ថែមពីនេះ លោកក៏បានរំលឹកដល់ជីវិតប្រជាជនដែលបានបាត់បង់ និងផលប៉ះពាល់ដល់សហគមន៍, ការអប់រំអំពីវិធានការការពារ និងការត្រៀមខ្លួនពេលមានគ្រោះមហន្តរាយ និងជំរុញការយល់ដឹង និងការចូលរួមរបស់សហគមន៍ក្នុងការកាត់បន្ថយហានិភ័យ។
