យុវជនកាកបាទក្រហមកម្ពុជា - CRC Youth

យុវជនកាកបាទក្រហមកម្ពុជា - CRC Youth Contact information, map and directions, contact form, opening hours, services, ratings, photos, videos and announcements from យុវជនកាកបាទក្រហមកម្ពុជា - CRC Youth, Charitable organisation, , Street 271, Phnom Penh.

កាកបាទក្រហមកម្ពុជា ត្រូវបានបង្កើតឡើង នៅថ្ងៃទី ១៨ ខែកុម្ភៈ ឆ្នាំ១៩៥៥ និងត្រូវបានទទួលស្គាល់ជាផ្លូវការពីរាជរដ្ឋាភិបាលកម្ពុជាថា ជាសមាគមស្ម័គ្រចិត្តផ្ដល់ជំនួយ ជាជំនួយការឲ្យអាជ្ញាធរសាធារណៈ នៅក្នុងវិស័យមនុស្សធម៌។ ស្របតាមសន្ធិសញ្ញាក្រុងហ្សឺណែវ គឺជាសមាគមជាតិកាកបាទ

កក្រក៖​ ថ្ងៃទី២៩​ ខែកក្កដា​ ឆ្នាំ២០២៦​ ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុស្ស​ បន្ដដឹកនាំប្រតិភូ​ ៧នាក់​ (ស្...
30/07/2026

កក្រក៖​ ថ្ងៃទី២៩​ ខែកក្កដា​ ឆ្នាំ២០២៦​ ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុស្ស​ បន្ដដឹកនាំប្រតិភូ​ ៧នាក់​ (ស្រី​ ៣នាក់)​ ចូលរួមដំណេីរទស្សនកិច្ចសិក្សា​នៅមន្ទីរពេទ្យថែទាំសុខភាពមាតា​ ទារក​ និងកុមារ ក្រុមហ៊ុនឧស្សាហកម្មវប្បធម៌​ និងបច្ចេកវិទ្យា​ និងមជ្ឈមណ្ឌលអភិវឌ្ឍទេសចរណ៍ណាននីង​-អាស៊ាន។

កក្រក៖​ ថ្ងៃទី២៨​ ខែកក្កដា​ ឆ្នាំ២០២៦​ កាកបាទក្រហមកម្ពុជា​ បានចាត់​ ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុស្ស​ ដ...
29/07/2026

កក្រក៖​ ថ្ងៃទី២៨​ ខែកក្កដា​ ឆ្នាំ២០២៦​ កាកបាទក្រហមកម្ពុជា​ បានចាត់​ ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុស្ស​ ដឹកនាំប្រតិភូ​ ៧នាក់​ (ស្រី​ ៣នាក់)​ ចូលរួមពិធីបេីកវគ្គបណ្តុះបណ្តាលមន្ត្រីរាជការជាន់ខ្ពស់កម្ពុជា ស្តីពីការអភិវឌ្ឍបញ្ញាសិប្បនិម្មិត (Artificial Intelligence: AI) និងដំណេីរទស្សនកិច្ចសិក្សា​នៅទីក្រុងណាននីង តំបន់ស្វ័យតគ័ងស៊ី​ សាធារណរដ្ឋប្រជាមានិតចិន​។

កាកបាទក្រហមកម្ពុជា​ បានចាត់តាំង​ លោកស្រី លុយ កូឡាប អនុប្រធានការិយាល័យអភិវឌ្ឍន៍ និងលោកស្រី ឌួង ទេពសុគន្ធា មន្ត្រីអភិវឌ្ឍន...
28/07/2026

កាកបាទក្រហមកម្ពុជា​ បានចាត់តាំង​ លោកស្រី លុយ កូឡាប អនុប្រធានការិយាល័យអភិវឌ្ឍន៍ និងលោកស្រី ឌួង ទេពសុគន្ធា មន្ត្រីអភិវឌ្ឍន៍យុវជន និងអ្នកស្ម័គ្រចិត្ត ចូលរួមសិក្ខាសាលាបណ្តុះបណ្តាលគ្រូបង្គោល ស្តីពី "ការលេីកកម្ពស់សុវត្ថិភាពចរាចរណ៍នៅតំបន់សាលារៀនដោយប្រេីប្រាស់គោលការណ៍ណែនាំជាតិ​ វិធីសាស្ត្រវាយតម្លៃលក្ខខណ្ឌសុវត្ថិភាពនៃហេដ្ឋារចនាសម្ព័ន្ធដោយដាក់ចំណាត់ថ្នាក់ផ្កាយ​ (SR4S)" រយៈពេល៤ថ្ងៃ គឺចាប់ពីថ្ងៃទី២៩​ ដល់ថ្ងៃទី៣១ ខែកក្កដា ឆ្នាំ២០២៦​ រៀបចំដោយអង្គការមូលនិធិបង្ការរបួសអាស៊ី នៅសណ្ឋាគារកាំបូឌីយ៉ាណា មានអ្នកចូលរួមចំនួន ៣៨នាក់ មកពីក្រសួងសាធារណការ និងដឹកជញ្ជូន ក្រសួងអប់រំ យុវជន​ និងកីឡា​ ក្រសួងអភិវឌ្ឍន៍ជនបទ កាកបាទក្រហមកម្ពុជា អង្គ​ការ​ Unicef Cambodia, Daon Daol, AAC, FESC, និងAIP។

សិក្ខាសាលាបណ្តុះបណ្តាលគ្រូបង្គោលនេះ មានគោលបំណងពង្រឹងសមត្ថភាពមន្ត្រីស្ថាប័នរាជរដ្ឋាភិបាល និងស្ថាប័នពាក់ព័ន្ធឱ្យមានការយល់ដឹងកាន់តែស៊ីជម្រៅ ចេះប្រើប្រាស់ឧបករណ៍បច្ចេកទេសនានា​ ដើម្បីអាចរៀបចំផែនការ អនុវត្ត និងត្រួតពិនិត្យលើសមាសភាគបច្ចេកទេសនៃការអនុវត្តសុវត្ថិភាពចរាចរណ៍នៅតំបន់សាលារៀន (Safe School Zones) ព្រមទាំងការប្រើប្រាស់កម្មវិធីវាយតម្លៃលក្ខខណ្ឌសុវត្ថិភាពនៃហេដ្ឋារចនាសម្ព័ន្ធនៅតំបន់សាលារៀនដោយដាក់ចំណាត់ថ្នាក់ផ្កាយ (SR4S) សម្រាប់កាប្រមូលទិន្នន័យ ការបញ្ចូលទិន្នន័យ និងការវិភាគទិន្នន័យកម្រិតសុវត្ថិភាពក្នុងតំបន់សាលារៀន៕

យុវជន​ កក្រក៖​ រសៀលថ្ងៃទី២៤​ ខែកក្កដា​ ឆ្នាំ២០២៦​ កាកបាទក្រហមកម្ពុជា​ ចាត់ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុ...
24/07/2026

យុវជន​ កក្រក៖​ រសៀលថ្ងៃទី២៤​ ខែកក្កដា​ ឆ្នាំ២០២៦​ កាកបាទក្រហមកម្ពុជា​ ចាត់ឯកឧត្តម​ រឿត​ សុខុន​ នាយករង​ នាយកដ្ឋានធនធានមនុស្ស​ នៃកាកបាទក្រហមកម្ពុជា​ ដឹកនាំប្រតិភូយុវជនកាកបាទក្រហមកម្ពុជា​ ១០០នាក់​ មកពីគ្រឹះស្ថានឧត្តមសិក្សា​ ១០ក្នុងរាជធានីភ្នំពេញ​ ចុះទស្សនកិច្ចសិក្សា​ ផ្លាស់ប្ដូរបទពិសោធន៍នៅក្រុមហ៊ុន​ VP.START TECHNOLOGY CO.,LTD ជាក្រុមហ៊ុនបង្កេីតដោយកូនខ្មែរ។

ដំណេីទស្សនិច្ចសិក្សានេះបានផ្ដល់អត្ថប្រយោជន៍​ដល់ប្រតិភូយុវជនដូចជា៖
១-យុវជនសិក្សាជំនាញអគ្គិសនី​ អេឡិចត្រូនិកអាច​ ស្វែងយល់ពីបច្ចេកវិទ្យាទំនេីបបង្កេីតដោយកូនខ្មែរ
២-របៀបសន្សំ​ សំចៃការប្រេីប្រាស់អគ្គិសនីក្នុងជីវភាពប្រចាំថ្ងៃ​ និង
៣-ឱកាសការងារ​ ដែលក្រុមហ៊ុននឹងផ្ដល់ជូនតាមជំនាញ​ និងចំណាប់អារម្មណ៍របស់យុវជន

ជាកិច្ចចាប់ផ្ដេីមលោកប្រធានក្រុមហ៊ុនបានស្វាគមន៍​ និងធ្វើបទបង្ហាញ និងការចែករំលែកបទពិសោធន៍ថ្ងៃនេះ ខ្ញុំពិតជាមានមោទនភាពដែលបានឃើញក្រុមហ៊ុនបច្ចេកវិទ្យាមួយ បង្កើតឡើងដោយកូនខ្មែរ មានសមត្ថភាពអភិវឌ្ឍផលិតផល និងដំណោះស្រាយបច្ចេកវិទ្យា ដើម្បីឆ្លើយតបទៅនឹងតម្រូវការនៃសង្គម និងការអភិវឌ្ឍប្រទេស។ ភាពលេចធ្លោនេះបង្ហាញឱ្យឃើញថាយុវជនខ្មែរមានសក្តានុពល ចំណេះដឹង និងសមត្ថភាព ដែលអាចប្រកួតប្រជែង និងបង្កើតនវានុវត្តន៍បាន ប្រសិនបើទទួលបានឱកាស និងការគាំទ្រសមស្រប។

ក្នុងឱកាសនេះ ឯកឧត្តមប្រធានប្រតិភូបានផ្ដល់នូវអនុសាសន៍​ ២សំខាន់ៗ
ទី១.សូមសមាជិកគណៈប្រតិភូទាំងអស់
សូមយកចំណេះដឹង និងបទពិសោធន៍ដែលទទួលបានពីទស្សនកិច្ចនេះ ទៅសិក្សាបន្ថែម និងអនុវត្តឱ្យសមស្របតាមវិស័យការងាររបស់ខ្លួន។ ក្នុងយុគសម័យឌីជីថល និងបញ្ញាសិប្បនិម្មិត (AI) ការរៀនសូត្រជាបន្តបន្ទាប់ និងការបើកចិត្តទទួលយកបច្ចេកវិទ្យាថ្មីៗ គឺជាកត្តាសំខាន់ក្នុងការបង្កើនប្រសិទ្ធភាពការងារ និងការអភិវឌ្ឍស្ថាប័ន។

ទី២. សូមថ្នាក់ដឹកនាំ និងបុគ្គលិកក្រុមហ៊ុន
សូមបន្តរក្សាស្មារតីនៃការច្នៃប្រឌិត ការស្រាវជ្រាវ និងការអភិវឌ្ឍផលិតផលថ្មីៗ ដែលអាចឆ្លើយតបទៅនឹងតម្រូវការរបស់សង្គម និងទីផ្សារ។ សូមបន្តវិនិយោគលើការអភិវឌ្ឍធនធានមនុស្ស និងពង្រីកឱកាសសម្រាប់យុវជន និងនិស្សិតកម្ពុជា បានចូលរួមហាត់ការងារ និងអនុវត្តជាក់ស្តែង ដើម្បីរួមចំណែកកសាងធនធានមនុស្សឌីជីថលសម្រាប់ប្រទេសជាតិ។

យុវជន​ កក្រក៖​ នារសៀលថ្ងៃទី២០ ខែកក្កដា ឆ្នាំ២០២៦ ក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទនីតិសាស្ដ្រ និងវ...
21/07/2026

យុវជន​ កក្រក៖​ នារសៀលថ្ងៃទី២០ ខែកក្កដា ឆ្នាំ២០២៦ ក្លឹបយុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទនីតិសាស្ដ្រ និងវិទ្យាសាស្ដ្រសេដ្ឋកិច្ច បានរៀបចំពិធីសំណេះសំណាល និងបំពាក់កន្សែងជូនយុវជនកាកបាទក្រហមកម្ពុជាចំនួន១៥០ នាក់ (ស្រី​ ១០៧ នាក់) ពិធីនេះប្រព្រឹត្តទៅក្រោមអធិបតី ឯកឧត្តម ពិត ចំណាន សមាជិកគណៈកម្មាធិការកណ្ដាលកាកបាទក្រហមកម្ពុជា និង ឯកឧត្តមសាស្ដ្រាចារ្យបណ្ឌិត លុយ ចណ្ណា សាកលវិទ្យាធិការ និងជាប្រធានកិត្តិយសក្លឹបយុវជន កាកបាទក្រហមកម្ពុជា នៃសាកលវិទ្យាល័យភូមិន្ទនីតិសាស្ដ្រ និងវិទ្យាសាស្ដ្រសេដ្ឋកិច្ច និងមានការចូលរួមពីថ្នាក់ដឹកនាំមន្ដ្រីទីស្នាក់ការកណ្ដាលកាកបាទក្រហមកម្ពុជា គណៈគ្រប់គ្រងសាកលវិទ្យាល័យ​ តំណាងសហភាពសហព័ន្ធយុវជនកម្ពុជា តំណាងគ្រឹះស្ថានឧត្តមសិក្សារាជធានីភ្នំពេញ អតីតយុវជនកាកបាទក្រហមកម្ពុជា ប្រចាំសាកលវិទ្យាល័យ សមាជិក សមាជិកា យុវជនកាកបាទក្រហមកម្ពុជាថ្មី សរុប​ ២៤៩រូប។

ព្រឹកថ្ងៃទី១៩ ខែកក្កដា ឆ្នាំ២០២៦ លោកស្រី លុយ កូឡាប អនុប្រធានការិយាល័យអភិវឌ្ឍន៍នៃនាយកដ្ឋានធនធានមនុស្ស កាកបាទក្រហមក្ពុជា ន...
19/07/2026

ព្រឹកថ្ងៃទី១៩ ខែកក្កដា ឆ្នាំ២០២៦ លោកស្រី លុយ កូឡាប អនុប្រធានការិយាល័យអភិវឌ្ឍន៍នៃនាយកដ្ឋានធនធានមនុស្ស កាកបាទក្រហមក្ពុជា និងយុវជន ២នាក់ ជាសមាជិកបណ្តាញយុវជនតំបន់អាស៊ីអាគ្នេយ៍(SEAYN)បានចូលរួមប្រជុំផ្តល់ប្រឹក្សាយោបល់ជាមួយលេខាធិការបណ្តាញ្ ពិភាក្សាអំពីចំណុចខ្លាំង ចំណុចខ្វះខាត់ បញ្ហាប្រឈម និងផែនការបន្តឆ្នាំ២០២៧-២០២៨ របស់SEAYN។ កិច្ចប្រជុំនេះ បានបញ្ចប់ដោយជោជ័យ ក្រោមបរិយាកាសរីករាយ នៅវេលាម៉ោង ១១:១៥នាទីបព្រឹកថ្ងៃដដែល។
On the morning of July 19, 2026, Mrs. LUY Kolab, Deputy Head of the Development Sub-Department of the Human Resources Department, and 2 Red Cross Youth who are members of SEAYN attended a consultative meeting with the SEAYN secretariat. The meeting focused on discussing the strengths, weaknesses, challenges, and the upcoming 2027-2028 action plan of SEAYN. The meeting had finished successfully in a cheerful atmosphere at 11:15 AM on the same day.

🎉 អបអរសាទរ!យុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទភ្នំពេញ បានទទួល ចំណាត់ថ្នាក់លេខ២ ក្នុងចំណោម ៣៤ គម្រោង មកពី ...
18/07/2026

🎉 អបអរសាទរ!

យុវជនកាកបាទក្រហមកម្ពុជា ប្រចាំសាកលវិទ្យាល័យភូមិន្ទភ្នំពេញ បានទទួល ចំណាត់ថ្នាក់លេខ២ ក្នុងចំណោម ៣៤ គម្រោង មកពី ៦ ប្រទេស ក្នុងការប្រកួតប្រជែងនវានុវត្តន៍យុវជនស្តីពី អភិបាលកិច្ច និងការអភិវឌ្ឍន៍តំបន់ទន្លេឡានឆាង–មេគង្គ លើកទី១០

ការប្រកួតនេះបានប្រព្រឹត្តទៅនៅ ទីក្រុងវូហាន ខេត្តហ៊ូប៉ី​ សាធារណរដ្ឋប្រជាមានិតចិន កាលពីថ្ងៃទី ១៧ ខែកក្កដា ឆ្នាំ២០២៦។

សមិទ្ធផលដ៏មានកិត្តិយសនេះ បានឆ្លុះបញ្ចាំងពីសមត្ថភាព ភាពច្នៃប្រឌិត និងការប្តេជ្ញាចិត្តរបស់យុវជន ក្នុងការចូលរួមបង្កើតនវានុវត្តន៍ និងដំណោះស្រាយសម្រាប់ការអភិវឌ្ឍប្រកបដោយចីរភាព នៅក្នុងបណ្តាប្រទេសដែលស្ថិតនៅតាមដងទន្លេមេគង្គ ព្រមទាំងលើកកម្ពស់កិត្យានុភាពរបស់សាកលវិទ្យាល័យភូមិន្ទភ្នំពេញ និងព្រះរាជាណាចក្រកម្ពុជា លើឆាកអន្តរជាតិ។

ពិធីដាំដើមឈើលើកទី៣ចំនួន ៣៨០ដើម បន្ថែមទៀត រៀបចំដោយ ក្លិបយុវជនកាកបាទក្រហមកម្ពុជា សាកលវិទ្យាល័យមេគង្គកម្ពុជា និងកាកបាទក្រហម...
05/07/2026

ពិធីដាំដើមឈើលើកទី៣ចំនួន ៣៨០ដើម បន្ថែមទៀត រៀបចំដោយ ក្លិបយុវជនកាកបាទក្រហមកម្ពុជា សាកលវិទ្យាល័យមេគង្គកម្ពុជា និងកាកបាទក្រហមកម្ពុជា នៅមជ្ឈមណ្ឌលវប្បធម៌ពុទ្ធសាសនាកម្ពុជា

កក្រក ៖ ចាប់តាំងឆ្នាំ២០២២ ក្លិបយុវជនកាកបាទក្រហមកម្ពុជា សាកលវិទ្យាល័យមេគង្គកម្ពុជា បានរៀនចំកម្មវិធីដាំដើមឈើ ជារៀងរាល់ឆ្នាំ ជាក់ស្តែងនៅថ្ងៃទី៥ ខែកក្កដា ឆ្នាំ២០២៦ ក្លិបយុវជនកាកបាទក្រហមកម្ពុជា សាកលវិទ្យាល័យមេគង្គកម្ពុជា បានរៀបចំកម្មវិធីដាំដើមឈើលើកទី៣ចំនួន ៣៨០ដើម បន្ថែមទៀត ក្រោមប្រធានបទ “យើងរួមគ្នាដាំដើមឈើ ដើម្បីបរិស្ថាន វប្បធម៌ និងទេសចរណ៍ធម្មជាតិ” នៅមជ្ឈមណ្ឌលវប្បធម៌ពុទ្ធសាសនាកម្ពុជា ស្ថិតក្នុងភូមិឱរ៉ាល់សែន ឃុំចំបក់ ស្រុកភ្នំស្រួច ខេត្តកំពង់ស្ពឺ។

ពិធីនេះរៀបចំឡើងក្រោមអធិបតីភាព លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា ព្រមទាំងមានការចូលរួមពី ឯកឧត្តម ជួន កក្កដា អនុរដ្ឋលេខាធិការនៃក្រសួងធម្មការនិងសាសនា, សាខាកាកបាទក្រហមកម្ពុជា ខេត្តកំពង់ស្ពឺ, តំណាងមន្ទីរបរិស្ថាន, មន្ទីរកសិកម្ម រុក្ខាប្រមាញ់ និងនេសាទខេត្តកំពង់ស្ពឺ, ទីប្រឹក្សា ព្រះសង្ឃ ព្រមទាំងក្មួយៗយុវជន និងនិស្សិតយ៉ាងច្រើនកុះករ។

ក្នុងឱកាសនោះ ឯកឧត្តម ជួន កក្កដា បានបកស្រាយយ៉ាងស៊ីជម្រៅអំពីប្រវត្តិព្រះពុទ្ធសាសនា និងតម្លៃនៃការកសាងសន្តិភាពផ្លូវចិត្ត ជូនដល់យុវជន ក្នុងនោះរួមមាន៖ ប្រវត្តិនៃព្រះត្រៃបិដក និងតម្លៃនៃការចារឹកធម៌, ការវិវឌ្ឍនៃពុទ្ធសាសនានៅកម្ពុជា និងខ្លឹមសារអប់រំនៃពុទ្ធសាសនាថេរវាទ (ធ្វើល្អបានល្អ ធ្វើអាក្រក់បានអាក្រក់ លែងជឿលើអាទិទេព ពោលគឺរៀនពឹងផ្អែកលើទង្វើ និងការអប់រំចិត្តរបស់ខ្លួនឯង)។

ជាមួយគ្នានេះ លោកជំទាវ ពុំ ចន្ទីនី អគ្គលេខាធិការកាកបាទក្រហមកម្ពុជា បាននាំប្រសាសន៍ផ្តាំផ្ញើសួរសុខទុក្ខ និងថ្លែងអំណរគុណចំពោះថ្នាក់ដឹកនាំសាកលវិទ្យាល័យមេគង្គកម្ពុជា ដែលតែងតែដឹកនាំយុវជនចូលរួមធ្វើការងារមនុស្សធម៌ ជាក់ស្តែងកម្មវិធីដាំដើមឈើនាពេលនេះ យុវជនបានចូលរួមចំណែកការពារបរិស្ថាន តាមរយៈការប្តេជ្ញាចិត្តរួមគ្នាបន្តថែទាំដាំដើមឈើឱ្យលូតលាស់បៃតង។ យល់ដឹងពីសីលធម៌ ចរិយាធម៌ និងច្បាប់កម្មផលនៃពុទ្ធសាសនាថេរវាទ ដើម្បីយកទៅអនុវត្តក្នុងការរស់នៅ។ របៀបគ្រប់គ្រងចិត្ត និងថែរក្សាសុខភាពផ្លូវកាយ-ផ្លូវចិត្ត ក្នុងនាមជាយុវជនដែលជា «គ្រាប់ពេជ្រកំពុងច្នៃ» សម្រាប់ជាមូលធនមនុស្សដ៏រឹងមាំក្នុងការអភិវឌ្ឍសង្គមជាតិប្រកបដោយសន្តិភាព និងមនុស្សធម៌។ លោកជំទាវ ក៏បានរំលឹកពីមេរៀនប្រវត្តិសាស្ត្រដ៏ឈឺចាប់នៃរបបខ្មែរក្រហម (៣ឆ្នាំ ៨ខែ ២០ថ្ងៃ) ដើម្បីដាស់តឿនយុវជនឲ្យស្គាល់ពីតម្លៃនៃសន្តិភាព។ លើសពីនេះ លោកជំទាវបានស្នើឲ្យយុវជនយកចិត្តទុកដាក់ថែរក្សាសុខភាព និងការពារខ្លួនពី «ជំងឺមិនឆ្លង ៤ មុខ» (ទឹកនោមផ្អែម, មហារីក, សរសៃឈាមបេះដូង, និងរលាកផ្លូវដង្ហើមរ៉ាំរ៉ៃ) តាមរយៈការប្រុងប្រយ័ត្នលើចំណីអាហារ៕

នៅថ្ងៃទី៣ ខែកក្កដា ឆ្នាំ២០២៦ កាកបាទក្រហមកម្ពុជា បានរៀបចំសិក្ខាសាលាស្តីពី “ការលើកកម្ពស់តម្លៃមនុស្សធម៌ និងការកសាងសន្តិភាព ...
03/07/2026

នៅថ្ងៃទី៣ ខែកក្កដា ឆ្នាំ២០២៦ កាកបាទក្រហមកម្ពុជា បានរៀបចំសិក្ខាសាលាស្តីពី “ការលើកកម្ពស់តម្លៃមនុស្សធម៌ និងការកសាងសន្តិភាព របស់យុវជនកាកបាទក្រហមកម្ពុជា” ដោយបានការផ្តល់កិត្តិយស និងមានមតិសំណេះសំណាលបើកកម្មវិធីដោយ ឯកឧត្តម យូ ឡាណា អគ្គលេខាធិការរងទី២ កាកបាទក្រហមកម្ពុជា និងមានការចូលរួមពីយុវជនកាកបាទក្រហមកម្ពុជាមកពីគ្រឹះស្ថានឧត្តមសិក្សាទាំង២៥ ក្នុងរាជធានីភ្នំពេញ ប្រមាណជាង១០០នាក់ នៅទីស្នាក់ការកណ្តាលកាកបាទក្រហមកម្ពុជា។ សិក្ខាសាលានេះមានសកម្មភាពសំខាន់ៗដូចជា៖
១. ការធ្វើបទបង្ហាញពីច្បាប់មនុស្សធម៌អន្តរជាតិ
២. ការសម្តែង (Role-Play) ដោះស្រាយស្ថានភាពដែលមានជម្លោះឆ្លុះបញ្ចាំងពីតថភាពនៃការងារមនុស្សធម៌
៣. កិច្ចពិភាក្សាចែករំលែកបទពិសោធន៍ពីវាគ្មិនដែលមានបទពិសោធន៍ក្នុងការងារមនុស្សធម៌ ធ្លាប់ឆ្លងកាត់នៅសម័យកាលដែលមានសង្គ្រាម
៤. ជញ្ជាំងសន្តិភាព៖ យុវជនម្នាក់ៗបានចំណាយពេលសរសេរនូវរាល់ការប្តេជ្ញាចិត្តផ្ទាល់ខ្លួនលើកាត ដើម្បីយកទៅបិទនៅលើ "ជញ្ជាំងសន្តិភាព"។
សិក្ខាសាលានេះបានក្លាយជាវេទិកាដ៏រស់រវើកមួយ ដែលផ្តល់ឱកាសដល់យុវជនជួបជុំគ្នាសិក្សាស្វែងយល់ពីច្បាប់មនុស្សធម៌អន្តរជាតិ ក្នុងស្មារតីបង្កើនភាពជាអ្នកដឹកនាំ រួមគ្នាលើកកម្ពស់តម្លៃមនុស្សធម៌ ស្រលាញ់ ការពារ និងរក្សាសន្តិភាព។

ជួបគ្នារសៀលនេះ ថ្ងៃទី៣ ខែកក្កដា ឆ្នាំ២០២៦ កិច្ចពិភាក្សា ការលើកកម្ពស់តម្លៃមនុស្សធម៌ និងការកសាងសន្តិភាព របស់យុវជនកាកបាទក្...
03/07/2026

ជួបគ្នារសៀលនេះ ថ្ងៃទី៣ ខែកក្កដា ឆ្នាំ២០២៦ កិច្ចពិភាក្សា
ការលើកកម្ពស់តម្លៃមនុស្សធម៌ និងការកសាងសន្តិភាព របស់យុវជនកាកបាទក្រហមកម្ពុជា នៅទីស្នាក់ការកណ្ដាលកាលបាទក្រហមកម្ពុជា​ ក្រោមអធិបតីភាព​ ឯកឧត្តម​ យូ​ ឡាណា​ អគ្គលេខាធិការរងទី២​ កាកបាទក្រហមកម្ពុជា។

Address

#16A, Street 271
Phnom Penh
120406

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when យុវជនកាកបាទក្រហមកម្ពុជា - CRC Youth posts news and promotions. Your email address will not be used for any other purpose, and you can unsubscribe at any time.

Shortcuts

Share

Category