What are the opening hours?

Monday 08:00 - 17:00 Tuesday 08:00 - 17:00 Wednesday 08:00 - 17:00 Thursday 08:00 - 17:00 Friday 08:00 - 17:00

Helen Keller Intl - Cambodia, #40, Street 348, Phnom Penh (2026)

20/05/2026

🗓 ចាប់ពីថ្ងៃទី១៩-២២ ខែឧសភា ឆ្នាំ២០២៦ កម្មវិធីជាតិអាហារូបត្ថម្ភ នៃមជ្ឈមណ្ឌលជាតិគាំពារមាតា និងទារក មន្ទីរសុខាភិបាលនៃរដ្ឋបាលខេត្តកំពង់ឆ្នាំង ការិយាល័យស្រុកប្រតិបត្តិកំពង់ត្រទ្បាច ក្រោមការឧបត្ថម្ភថវិកាដោយគម្រោង «ផ្លាស់ប្តូរជីវិតតាមរយៈអាហារូបត្ថម្ភ» នៃមូលនិធិ The Church of Jesus Christ of Latter-day Saints សហរដ្ឋអាមេរិក តាមរយៈអង្គការ Helen Keller អន្តរជាតិ បានរៀបចំវគ្គបណ្តុះបណ្តាលស្តីពី «ការលើកកម្ពស់ និងគាំទ្រការចិញ្ចឹមកូនដោយទឹកដោះម្តាយ សម្រាប់បុគ្គលិកមន្ទីរពេទ្យបង្អែកកំពង់ត្រឡាច»។ ❤️🤱🏻

✍️ វគ្គបណ្តុះបណ្តាលដ៏មានសារសំខាន់នេះមានការអញ្ជើញជាកិត្តិយសបើកវគ្គដោយ ឯកឧត្តមវេជ្ជបណ្ឌិត ប្រាក់ វ៉ុន ប្រធានមន្ទីរសុខាភិបាលនៃរដ្ឋបាលខេត្តកំពង់ឆ្នាំង លោកវេជ្ជបណ្ឌិត ភឹម លាន់ អនុប្រធានកម្មវិធីជាតិអាហារូបត្ថម្ភ លោកវេជ្ជបណ្ឌិត លឹម ឃុន ប្រធានការិយាល័យស្រុកប្រតិបត្តិកំពង់ត្រទ្បាច លោកវេជ្ជបណ្ឌិត តែ វណ្ណា ប្រធានមន្ទីរពេទ្យបង្អែកកំពង់ត្រឡាច និងមានការចូលរួមសម្របសម្រួលពីគ្រូឧទេ្ទសរបស់មជ្ឈមណ្ឌលជាតិគាំពារមាតានិងទារក/កម្មវិធីជាតិអាហារូបត្ថម្ភ មន្ទីរសុខាភិបាលខេត្តកំពង់ឆ្នាំង ក្រុមការងារទទួលបន្ទុកការងារលើកកម្ពស់ការបំបៅដោះកូនដោយទឹកដោះម្តាយរបស់ និងបុគ្គលិកគម្រោងរបស់អង្គការ Helen Keller អន្តរជាតិកម្ពុជា។ 🎓

✅ វគ្គបណ្តុះបណ្តាលនេះប្រព្រឹត្តទៅរយៈពេល ៤ថ្ងៃ និងមានចំនួន ២វគ្គ ដែលមានសិក្ខាកាមចូលរួមសរុបចំនួន៣២រូប ដើម្បីជម្រុញគាំទ្រលើកកម្ពស់ការបំបៅដោះកូនដោយទឹកដោះម្តាយឱ្យកាន់តែប្រសើរឡើង និងកាត់បន្ថយអត្រាមរណៈភាពមាតា និងទារក។ ក្នុងនោះវគ្គបណ្តុះបណ្តាលក៏បានផ្តោតសំខាន់លើការពង្រឹងការអនុវត្តអនុក្រឹត្យលេខ១៣៣ ស្តីពីការផ្សព្វផ្សាយលក់ផលិតផលសម្រាប់ចិញ្ចឹមទារក និងកុមារ។ ✨

📌 សូមជម្រាបជូនថាក្រោយបញ្ចប់វគ្គបណ្តុះបណ្តាល តំណាងសិក្ខាកាមបានឡើងប្តេជ្ញាចិត្តបន្តអនុវត្តន៍ និងនាំយកចំណេះដឹងដែលទទួលបានពីវគ្គបណ្តុះបណ្តាលដើម្បីគាំទ្រការលើកទឹកចិត្តដល់ស្រ្តី ព្រមទាំងសមាជិកគ្រួសារផ្ទាល់ ដោយគិតថាការបំបៅកូនដោយទឹកដោះម្ដាយគឺមានសារៈសំខាន់ណាស់សម្រាប់ទារក ជាពិសេសស្រ្តីដែលកំពុងបម្រើការងារនៅតាមរោងចក្រ ស្ត្រីដែលមកទទួលសេវានៅក្នុងមន្ទីរពេទ្យបង្អែកកំពង់ត្រទ្បាច និងនៅតាមមូលដ្ឋានសុខាភិបាលក្នុងខេត្តកំពង់ឆ្នាំង និងស្រ្តីដែលកំពុងធ្វើការងារនៅកន្លែងការងារផ្សេងៗទៀតផងដែរ។ 💓

19/05/2026

🗓 កាលពីថ្ងៃទី១២-១៣ ខែឧសភា ឆ្នាំ២០២៦ កន្លងមកនេះ មន្ទីរសុខាភិបាលខេត្តតាកែវ ស្រុកប្រតិបត្តិគិរីវង់ ក្រោមការឧបត្ថម្ភថវិកាដោយគម្រោង «ផ្លាស់ប្តូរជីវិតតាមរយៈអាហារូបត្ថម្ភ» នៃមូលនិធិ The Church of Jesus Christ of Latter-day Saints សហរដ្ឋអាមេរិក តាមរយៈអង្គការ Helen Keller អន្តរជាតិ បានរៀបចំវគ្គបណ្តុះបណ្តាលរម្លឹក ស្តីពីការស្រាវជ្រាវរក បញ្ជូន និងការថែទាំព្យាបាលកុមារកង្វះអាហារូបត្ថម្ភស្រួចស្រាល់មធ្យម និងធ្ងន់ធ្ងរ។

✍️ វគ្គបណ្តុះបណ្តាលរម្លឹកនេះមានការអញ្ជើញចូលរួមជាអធិបតីដោយ លោកវេជ្ជបណ្ឌិត ប្រាក់ សុណ្ណារិទ្ឋ អនុប្រធានការិយាល័យបង្ការ និងគ្រប់គ្រងជំងឺ និងជាប្រធានកម្មវិធីគាំពារមាតា និងទារកខេត្តតាកែវ លោក សយ សុភក្តិ អនុប្រធានការិយាល័យសុខាភិបាលស្រុកប្រតិបត្តិគិរីវង់ និងអ្នកចូលរួមសរុបចំនួន ៣៧នាក់ ជាបុគ្គលិកមណ្ឌលសុខភាពទទួលបន្ទុកកម្មវិធីអាហារូបត្ថម្ភ។

🎯 គោលបំណងនៃវគ្គបណ្តុះបណ្តាលរម្លឹក ស្តីពីការស្រាវជ្រាវរក បញ្ជូន និងការថែទាំព្យាបាលកុមារកង្វះអាហារូបត្ថម្ភស្រួចស្រាល់មធ្យម និងធ្ងន់ធ្ងរ នេះគឺដើម្បីពង្រឹងសមត្ថភាព ការអនុវត្តប្រកបដោយប្រសិទ្ធភាពក្នុងការថែទាំ ព្យាបាល និងគ្រប់គ្រងករណីកុមារកង្វះអាហារូបត្ថម្ភនៅតាមមណ្ឌលសុខភាព និងសហគមន៍។

16/05/2026

🎓✨ វិញ្ញាបនបត្រមួយ ស្មើនឹងការប្តេជ្ញាចិត្តមួយ ✨🎓

ការទទួលវិញ្ញាបនបត្រគឺជាសញ្ញានៃភាពជោគជ័យ ការខិតខំប្រឹងប្រែង និងការប្តេជ្ញាចិត្តរួមក្នុងការបន្តអភិវឌ្ឍសមត្ថភាពការងារ និងការបម្រើសហគមន៍ឱ្យកាន់តែមានប្រសិទ្ធភាពលើការការសុវត្តិភាពជាសកលសម្រាប់មនុស្សទាំងអស់ដែលពាក់ពន្ធ័នឹងគម្រោង និងសហគមន៍ទាំងមូល។

វិញ្ញាបនបត្រនេះ មិនត្រឹមតែជាឯកសារបញ្ជាក់ពីការចូលរួមប៉ុណ្ណោះទេ ប៉ុន្តែជាការឆ្លុះបញ្ចាំងពីការយល់ដឹងថ្មីៗ ការផ្លាស់ប្តូរផ្នត់គំនិត និងស្មារតីទទួលខុសត្រូវដែលក្រុមការងារទាំងអស់បានទទួលពីវគ្គបណ្តុះបណ្តាល។ វាក៏ជាកម្លាំងចិត្តក្នុងការបន្តធ្វើការជាក្រុម ពង្រឹងសាមគ្គីភាព និងបង្កើតបរិយាកាសការងារដែលមានសុវត្ថិភាព ការគោរពគ្នា និងការគាំទ្រគ្នាទៅវិញទៅមក។

អ្វីដែលមានសារៈសំខាន់ជាងនេះ គឺក្រុមការងារទាំងអស់បានរួមគ្នារៀបចំ “ផែនការសកម្មភាពបន្ត” ដើម្បីយកចំណេះដឹង និងបទពិសោធន៍ដែលទទួលបានទៅអនុវត្តជាក់ស្តែងនៅកន្លែងការងារ និងក្នុងសហគមន៍។ ផែនការនេះនឹងក្លាយជាមូលដ្ឋានសម្រាប់ការបន្តពង្រឹងវប្បធម៌ការងារប្រកបដោយវិជ្ជាជីវៈ តម្លាភាព ការទទួលខុសត្រូវ និងការយកចិត្តទុកដាក់ចំពោះសុវត្ថិភាព និងសេចក្តីថ្លៃថ្នូររបស់មនុស្សគ្រប់រូប។

តាមរយៈការរួបរួម និងការប្តេជ្ញាចិត្តដូចគ្នា យើងជឿជាក់ថា ក្រុមគ្រួសារ Helen Keller អន្តរជាតិ នឹងបន្តដើរតួនាទីយ៉ាងសំខាន់ក្នុងការលើកកម្ពស់សុខុមាលភាព អាហារូបត្ថម្ភ និងគុណភាពជីវិតរបស់ប្រជាជនកម្ពុជា ឱ្យកាន់តែប្រសើរឡើង។

“ការរៀនសូត្រមិនបញ្ចប់ត្រឹមវិញ្ញាបនបត្រនោះទេ ប៉ុន្តែចាប់ផ្តើមពីការអនុវត្តជាក់ស្តែង ដើម្បីបង្កើតការផ្លាស់ប្តូរវិជ្ជមានសម្រាប់អនាគត” 💜🤝

15/05/2026

អនុស្សាវរីយ៍ដ៏មានអត្ថន័យយ៉ាងជ្រាលជ្រៅពីក្រុមគ្រួសារ Helen Keller អន្តរជាតិកម្ពុជា 🇰🇭💜

ក្រោយការបណ្តុះបណ្តាលស្តីពីការការពារសុវត្ថិភាពជាសកល រយៈពេលបីថ្ងៃនាសប្តាហ៍នេះនៅទីរួមខេត្តកំពតដោយមានកិច្ចពិភាក្សាយ៉ាងសកម្ម និងការចែករំលែកបទពិសោធន៍យ៉ាងផុលផុសរួមគ្នាមក ថ្នាក់ដឹកនាំ និងក្រុមការងារអង្គការ Helen Keller អន្តរជាតិកម្ពុជា ទាំងអស់បានបង្ហាញពីសាមគ្គីភាព ការយោគយល់គ្នា និងការគាំទ្រគ្នាទៅវិញទៅមក ក្នុងបរិយាកាសពោរពេញដោយភាពស្និទ្ធស្នាល និងកិច្ចសហការខ្ពស់។

រូបភាពនេះបានឆ្លុះបញ្ចាំងពីកម្លាំងនៃការធ្វើការជាក្រុម ដែលមនុស្សគ្រប់រូបមានតួនាទីសំខាន់ និងមានគោលដៅរួមតែមួយ គឺការបន្តរួមចំណែកលើកកម្ពស់សុខុមាលភាព អាហារូបត្ថម្ភ និងគុណភាពជីវិតរបស់ប្រជាជនកម្ពុជា។

យើងជឿជាក់ថា ការរួបរួម ការគោរពគ្នា និងការសហការយ៉ាងជិតស្និទ្ធ នឹងជួយឱ្យយើងអាចឆ្លើយតបទៅនឹងបញ្ហាប្រឈមនានា និងសម្រេចបាននូវលទ្ធផលកាន់តែប្រសើរសម្រាប់សហគមន៍។

“រួមគ្នា យើងកាន់តែរឹងមាំ — Together, we are stronger and achieve more.” 🤝✨

15/05/2026

កំពត ថ្ងៃទី១៤ ខែឧសភា ឆ្នាំ២០២៦៖ ឯកឧត្តម បណ្ឌិត សុខ ស៊ីឡូ អគ្គលេខាធិការក្រុមប្រឹក្សាស្តារ និងអភិវឌ្ឍន៍វិស័យកសិកម្ម និងជនបទ អញ្ជើញជាអធិបតីក្នុងពិធីបិទវគ្គបណ្តុះបណ្តាលសម្រាប់បុគ្គលិកអង្គការ Helen Keller អន្តរជាតិ ស្តីពីការការពារសុវត្ថិភាពជាសកលដល់ក្រុមគោលដៅ បុគ្គលិក និងស្ថាប័នដៃគូ។

វគ្គបណ្តុះបណ្តាលរយៈពេលបីថ្ងៃសម្រាប់បុគ្គលិកអង្គការ Helen Keller អន្តរជាតិ ស្តីពី “ការការពារសុវត្ថិភាពជាសកល (Global Safeguarding)” ផ្តោតលើក្រុមគោលដៅគម្រោង បុគ្គលិក និងស្ថាប័នដៃគូ ត្រូវបានបិទបញ្ចប់ដោយជោគជ័យ ក្រោមអធិបតីភាព ឯកឧត្តម បណ្ឌិត សុខ ស៊ីឡូ អគ្គលេខាធិការ ក្រុមប្រឹក្សាស្តារ និងអភិវឌ្ឍន៍វិស័យកសិកម្ម និងជនបទ។

ក្នុងសុន្ទរកថាបិទ ឯកឧត្តម បណ្ឌិត សុខ ស៊ីឡូ បានវាយតម្លៃខ្ពស់ចំពោះការរៀបចំវគ្គបណ្តុះបណ្តាលនេះឡើង ដោយចាត់ទុកថា ជាការចូលរួមដ៏មានសារៈសំខាន់ក្នុងការពង្រឹងសមត្ថភាពបុគ្គលិក និងលើកកម្ពស់ “វប្បធម៌នៃការការពារ” នៅក្នុងស្ថាប័ន និងសហគមន៍។ ឯកឧត្តមបានគូសបញ្ជាក់ថា ការការពារសុវត្ថិភាពជាសកល គឺជាគោលការណ៍មូលដ្ឋានសម្រាប់ធានាសុវត្ថិភាព សេចក្តីថ្លៃថ្នូរ សិទ្ធិ និងសុខុមាលភាពរបស់មនុស្សគ្រប់រូប ជាពិសេសកុមារ ស្ត្រី ជនពិការ និងជនងាយរងគ្រោះ។

ឯកឧត្តម បណ្ឌិត ក៏បានមានប្រសាសន៍ថា៖
“ការការពារសុវត្ថិភាពជាសកល មិនមែនជាតួនាទីរបស់បុគ្គលណាម្នាក់តែឯងទេ ប៉ុន្តែជាការទទួលខុសត្រូវរួមរបស់យើងទាំងអស់គ្នា”។

ឯកឧត្តមបានលើកទឹកចិត្តឱ្យសិក្ខាកាមទាំងអស់ យកចំណេះដឹង បទពិសោធន៍ និងមេរៀនដែលទទួលបានពីវគ្គបណ្តុះបណ្តាលនេះ ទៅអនុវត្តជាក់ស្តែងក្នុងការងារប្រចាំថ្ងៃ និងចែករំលែកបន្តដល់សហគមន៍ និងដៃគូពាក់ព័ន្ធ ដើម្បីរួមគ្នាកសាងបរិយាកាសការងារប្រកបដោយសុវត្ថិភាព ការគោរព ភាពស្មើគ្នា និងភាពទុកចិត្ត។

វគ្គបណ្តុះបណ្តាលនេះ បានផ្តល់ឱកាសឱ្យសិក្ខាកាមធ្វើការពិភាក្សា ផ្លាស់ប្តូរទស្សនៈ និងស្វែងយល់កាន់តែស៊ីជម្រៅអំពីតួនាទី និងការទទួលខុសត្រូវរបស់បុគ្គលម្នាក់ៗ ក្នុងការបង្ការ ការពារ និងឆ្លើយតបចំពោះអំពើរំលោភបំពាន ការកេងប្រវ័ញ្ច និងអំពើមិនសមរម្យគ្រប់ទម្រង់។ បរិយាកាសនៃការរៀនសូត្រ និងការចូលរួមយ៉ាងសកម្មរបស់សិក្ខាកាម បានឆ្លុះបញ្ចាំងពីការប្តេជ្ញាចិត្តរួមក្នុងការលើកកម្ពស់ស្តង់ដារសុវត្ថិភាព និងក្រមសីលធម៌ការងារ។

បន្ទាប់ពីវគ្គបណ្តុះបណ្តាលនេះ អង្គការ Helen Keller អន្តរជាតិ នឹងបន្តអនុវត្តផែនការសកម្មភាពជាបន្តបន្ទាប់ ដើម្បីពង្រឹងការអនុវត្តការការពារសុវត្ថិភាពជាសកលនៅក្នុងស្ថាប័ន រួមមាន ការរៀបចំវគ្គចែករំលែកចំណេះដឹងបន្ត ការពង្រឹងយន្តការរាយការណ៍ និងការឆ្លើយតប ការបញ្ចូលគោលការណ៍ Safeguarding ទៅក្នុងការអនុវត្តកម្មវិធីប្រចាំថ្ងៃ និងការកសាងបរិយាកាសការងារប្រកបដោយសុវត្ថិភាព ការគោរព និងបរិយាបន្ន សម្រាប់បុគ្គលិក ដៃគូ និងសហគមន៍ទាំងអស់។

13/05/2026

✍️ វគ្គបណ្តុះបណ្តាល Global Safeguarding របស់អង្គការ Helen Keller បានបន្តប្រព្រឹត្តទៅយ៉ាងរលូននៅថ្ងៃទី១៣ ខែឧសភា ឆ្នាំ២០២៦ ដោយមានការចូលរួមយ៉ាងសកម្ម និងការពិភាក្សាយ៉ាងផុសផុលពីសំណាក់ថ្នាក់ដឹកនាំ និងបុគ្គលិកទាំងអស់។

🎉 ក្នុងបរិយាកាសដែលមានភាពរួសរាយរាក់ទាក់ និងបើកចំហ សិក្ខាកាមបានចែករំលែកបទពិសោធន៍ជាក់ស្តែងពីការងារប្រចាំថ្ងៃ ព្រមទាំងពិភាក្សាអំពីស្ថានភាពផ្សេងៗ ដែលអាចពាក់ព័ន្ធនឹងការការពារ សុវត្ថិភាព និងសុខុមាលភាពរបស់កុមារ ស្ត្រី ជនងាយរងគ្រោះ និងសហគមន៍។

📝 ការពិភាក្សាក្រុម និងសំណួរចម្លើយបានធ្វើឱ្យវគ្គបណ្តុះបណ្តាលកាន់តែមានអត្ថន័យ ជួយបង្កើនការយល់ដឹងរួម និងការទទួលខុសត្រូវរួមលើការងារ Safeguarding។

📌 វគ្គបណ្តុះបណ្តាលនេះមិនត្រឹមតែផ្តល់ចំណេះដឹងប៉ុណ្ណោះទេ ប៉ុន្តែថែមទាំងបានបង្កើតបរិយាកាសការងារដែលមានភាពជិតស្និទ្ធ សហការល្អ និងទំនុកចិត្តខ្ពស់ក្នុងចំណោមបុគ្គលិកទាំងអស់ ដើម្បីរួមគ្នាពង្រឹងការអនុវត្ត Safeguarding ឱ្យកាន់តែមានប្រសិទ្ធភាព។

12/05/2026

នៅព្រឹកថ្ងៃទី១២ ខែឧសភា ឆ្នាំ២០២៦ នៅសណ្ឋាគារ កំពត ឌីយ៉ាម៉ង់ ខេត្តកំពត ឯកឧត្តមវេជ្ជបណ្ឌិត ជា សំណាង អនុប្រធានក្រុមប្រឹក្សាស្តារ និងអភិវឌ្ឍន៍វិស័យកសិកម្ម និងជនបទ តំណាងដ៏ខ្ពង់ខ្ពស់ ឯកឧត្តមបណ្ឌិតសភាចារ្យ ទេសរដ្ឋមន្ត្រី អ៊ុក រ៉ាប៊ុន បានអញ្ជើញជាអធិបតីនិង ថ្លែងសុន្ទរកថាបើកវគ្គបណ្តុះបណ្តាលបុគ្គលិកអង្គការ Helen Keller ស្តីពីការការពារសុវត្ថិភាព។

ក្នុងសុន្ទរកថា ឯកឧត្តមបានគូសបញ្ជាក់ថា៖ “ការការពារសុវត្ថិភាព (Safeguarding) គឺជាការទទួលខុសត្រូវរួមរបស់យើងទាំងអស់គ្នា” ដើម្បីការពារសេចក្តីថ្លៃថ្នូរ សុវត្ថិភាព និងសុខុមាលភាពរបស់កុមារ ស្ត្រី ជនងាយរងគ្រោះ និងសហគមន៍ដែលយើងបម្រើ។

វគ្គបណ្តុះបណ្តាលនេះ ត្រូវបានរៀបចំសម្រាប់ថ្នាក់ដឹកនាំ និងបុគ្គលិកអង្គការ Helen Keller ចំនួនជាង ៧០នាក់ ក្នុងគោលបំណងពង្រឹងចំណេះដឹង ការយល់ដឹង និងការអនុវត្តលើគោលការណ៍ Global Safeguarding ដើម្បីធានាបរិយាកាសការងារប្រកបដោយសុវត្ថិភាព ការគោរព និងគណនេយ្យភាព។

10/05/2026

🎉🤱 រីករាយទិវា មាតាអន្តរជាតិ
💌 សូមអរគុណ ចំពោះសេចក្តីស្រឡាញ់ដ៏កក់ក្តៅ ការលះបង់ដ៏ធំធេង និងការខិតខំរបស់អ្នកម្តាយក្នុងការចិញ្ចឹមបីបាច់ថែរក្សាកូន ❤️

09/05/2026

🗓 កាលពីពេលថ្មីៗនេះ អង្គការ Helen Keller អន្តរជាតិ ក្រោមការឧបត្ថម្ភថវិកាដោយមូលនិធិ WAM Foundation សហការជាមួយកម្មវិធីជាតិអាហារូបត្ថម្ភ នៃមជ្ឈមណ្ឌលជាតិគាំពារមាតា និងទារក រដ្ធបាលខេត្តកំពង់ធំ នាយកដ្ធានលើកកម្ពស់អាហារូបត្ថម្ភនៃក្រសួងផែនការ មន្ទីរសុខាភិបាលខេត្តកំពង់ធំ សាកលវិទ្យាល័យមកពីប្រទេសកាណាដា សហរដ្ឋអាមេរិក និងអូស្ត្រាលី ព្រមទាំងដៃគូអន្តរជាតិ IRD ប្រទេសបារាំង បានរៀបចំសិក្ខាសាលាណែនាំគម្រោងស្រាវជ្រាវស្តីពី «ការផ្តល់បន្ថែមវីតាមីនបេ១ ក្នុងរយៈពេលដំបូងនៃជីវិត ដើម្បីលើកកម្ពស់ការអភិវឌ្ឍទារក» នៅសណ្ឋាគារ Sunway ភ្នំពេញ។

🎯 គម្រោងនេះមានគោលបំណងលើកកម្ពស់ការអភិវឌ្ឍខួរក្បាល និងសុខភាពទារក និងកុមារ ព្រមទាំងរួមចំណែកកាត់បន្ថយបញ្ហាកង្វះអាហារូបត្ថម្ភនៅកម្ពុជា។

🤝 សិក្ខាសាលានេះក៏ជាជំហានសំខាន់ក្នុងការពង្រឹងកិច្ចសហការរវាងដៃគូអភិវឌ្ឍន៍ និងស្ថាប័នស្រាវជ្រាវ ដើម្បីគាំទ្រការកែលម្អគោលនយោបាយ និងកម្មវិធីអាហារូបត្ថម្ភសម្រាប់មាតា និងកុមារ។

08/05/2026

✍️នៅថ្ងៃទី០៧ ខែឧសភា ឆ្នាំ២០២៦នេះ អង្គការហេឡែនខេលល័រ សហការជាមួយមជ្ឈមណ្ឌលជាតិលើកកម្ពស់សុខភាពនៃក្រសួងសុខាភិបាល និងកម្មវិធីជាតិអាហារូបត្ថម្ភ នៃមជ្ឈមណ្ឌលជាតិគាំពារមាតានិងទារក ព្រមទាំងអង្គការ iDE បានចុះស្រង់មតិនិងការយល់ឃើញរបស់បងប្អូនស្រ្តីដែលមានកូនអាយុក្រោម៦ខែ ស្ដីពីការផលិតវីដេអូផ្ដោតលើការបំបៅដោះកូនដោយទឹកដោះម្ដាយតែមួយមុខគត់ និងសារជាសម្លេងតាមទូរស័ព្ទ។

📌យើងឃើញថាមានការយល់ស្របខ្ពស់ទៅលើរូបភាព និងអត្ថន័យនៅក្នុងវីដេអូ សារជាសម្លេងតាមទូរស័ព្ទ បន្ទាប់ពីធ្វើបទបង្ហាញដល់ស្ត្រីៗទាំងនោះរួចមក ។

📍ការចុះស្រង់មតិនោះបានធ្វើឡើងនៅក្នុង មណ្ឌលសុខភាពផ្សារឆ្នាំង និងមណ្ឌលសុខភាពកំពង់ឆ្នាំង ខេត្តកំពង់ឆ្នាំង ក្រោមការឧបត្ថម្ភតាមរយៈអង្គការហេឡែន ខេលល័រ និងគាំទ្រថវិកាជំនួយដោយគម្រោង «ផ្លាស់ប្តូរជីវិតតាមរយៈអាហារូបត្ថម្ភ» The Church of Jesus Christ of Latter-day Saints សហរដ្ឋអាមេរិច។

07/05/2026

ដំណើរទស្សនកិច្ចរបស់គណៈប្រតិភូរដ្ឋសភាសហរដ្ឋអាមេរិក និងអង្គការ Hallo Trust ទៅកាន់ខេត្តតាកែវ។

🙏 អង្គការ Helen Keller អន្តរជាតិ សូមថ្លែងអំណរគុណយ៉ាងជ្រាលជ្រៅដល់ថ្នាក់ដឹកនាំមន្ទីរសុខាភិបាលខេត្តតាកែវ ការិយាល័យស្រុកប្រតិបត្តិបាទី មណ្ឌលសុខភាពត្រពាំងសាប បុគ្គលិកមណ្ឌលសុខភាព ព្រមទាំងបុគ្គលិកគ្រប់ជាន់ថ្នាក់ និងប្រជាពលរដ្ឋក្នុងសហគមន៍ ដែលបានទទួលស្វាគមន៍យ៉ាងរាក់ទាក់ និងកក់ក្តៅ ចំពោះដំណើរទស្សនកិច្ចរបស់ គណៈប្រតិភូរដ្ឋសភាសហរដ្ឋអាមេរិក១៥រូប ដើម្បីស្វែងយល់អំពីការផ្តល់សេវាសុខាភិបាល ដោយផ្តោតលើការផ្តល់បន្ថែមគ្រាប់ថ្នាំវីតាមីនចម្រុះសម្រាប់ស្ត្រីមានផ្ទៃពោះ ការអនុវត្តការថែទាំព្យាលបាលកុមារកង្វះអាហារូបត្ថម្ភ និងការផ្តល់គ្រាប់ថ្នាំជីវជាតិអាដល់កុមារ។

🎯 គោលបំណងនៃដំណើរទស្សនកិច្ចនេះគឺ៖
• ជួបជាមួយក្រុមការងារមណ្ឌលសុខភាព ដើម្បីស្វែងយល់អំពីសេវាថែទាំមុនសម្រាល (ANC) នៅកម្ពុជា រួមទាំងផលប៉ះពាល់ និងបញ្ហាប្រឈមក្នុងប្រតិបត្តិការនៅកម្រិតមណ្ឌលសុខភាព។
• ស្វែងយល់អំពីសកម្មភាពពាក់ព័ន្ធនឹងការផ្តល់បន្ថែមគ្រាប់ថ្នាំវីតាមីនចម្រុះសម្រាប់ស្ត្រីមានផ្ទៃពោះ និងការអនុវត្តការថែទាំព្យាលបាលកុមារកង្វះអាហារូបត្ថម្ភ ដែលត្រូវបានគាំទ្រដោយគម្រោងរបស់អង្គការ Helen Keller អន្តរជាតិ។
• ជួបស្ត្រីមានផ្ទៃពោះមកទទួលសេវាថែទាំមុនសម្រាលនៅក្នុងមណ្ឌលសុខភាព ត្រពាំងសាប។

📌 សូមជម្រាបជូនផងដែរថា មន្ត្រីសភាសហរដ្ឋអាមេរិកបានធ្វើការប្រាស្រ័យទាក់ទងជាមួយថ្នាក់ដឹកនាំ និងបុគ្គលិកមណ្ឌលសុខភាព ត្រពាំងសាប ស្រ្តីមានផ្ទៃពោះ និងអ្នកថែទាំកុមារកង្វះអាហារូបត្ថម្ភដើម្បីស្វែងយល់ឱ្យកាន់តែច្បាស់អំពីប្រព័ន្ធសុខាភិបាលសមាហរណកម្មនៅកម្រិតថ្នាក់មូលដ្ឋាន។ លើសពីនេះក្នុងអំឡុងពេលទស្សនកិច្ចនេះ គណៈប្រតិភូរដ្ឋសភាសហរដ្ឋអាមេរិកបានស្វែងយល់អំពីការផ្តល់សេវាសុខាភិបាល បញ្ហាប្រឈមនានាដែលមណ្ឌលសុខភាពបានជួបប្រទះ និងយុទ្ធសាស្ត្រដែលប្រើប្រាស់ដើម្បីដោះស្រាយបញ្ហាសុខភាពផ្សេងៗនៅក្នុងសហគមន៍។

Helen Keller Intl - Cambodia

20/05/2026

19/05/2026

16/05/2026

15/05/2026

15/05/2026

13/05/2026

12/05/2026

10/05/2026

09/05/2026

08/05/2026

07/05/2026

Address

Opening Hours

Website

Alerts

Contact The Organization

Shortcuts

Share

Category

Monday	08:00 - 17:00
Tuesday	08:00 - 17:00
Wednesday	08:00 - 17:00
Thursday	08:00 - 17:00
Friday	08:00 - 17:00