សមាគមសម្ព័ន្ធសហគមន៍កសិករកម្ពុជា CCFC Cambodia

  • Home
  • Cambodia
  • Phnom Penh
  • សមាគមសម្ព័ន្ធសហគមន៍កសិករកម្ពុជា CCFC Cambodia

សមាគមសម្ព័ន្ធសហគមន៍កសិករកម្ពុជា CCFC Cambodia សម្ព័ន្ធសហគមន៍កសិករកម្ពុជា(CCFC-Association)ជាស្ថាប័នសមាជិកភាពដោយសហគមន៍កសិករមូលដ្ឋានរងគ្រោះ

Coalition of Cambodia Farmers Community (CCFC) was established on January 11, 2011, by 12 communities who work together to address land rights, natural resources and forced evictions resulting from development projects which impact on farmers. Currently, CCFC is working with 74 communities in affected areas spanning 10 targeted provinces.

_ខេត្តកំពតនៅថ្ងៃទី២៥ ខែឧសភា ឆ្នាំ២០២៦ សមាគមបានរៀបចំវគ្គបណ្ដុះបណ្ដាលស្ដីពី “និតិវិធី និងយន្តការផ្ដល់ដីសម្បទានសង្គមកិច្ច” ...
26/05/2026

_ខេត្តកំពត

នៅថ្ងៃទី២៥ ខែឧសភា ឆ្នាំ២០២៦ សមាគមបានរៀបចំវគ្គបណ្ដុះបណ្ដាលស្ដីពី “និតិវិធី និងយន្តការផ្ដល់ដីសម្បទានសង្គមកិច្ច” នៅក្នុងសហគមន៍វាលឥន្រ្តី ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ដោយមានការចូលរួមពីសមាជិកសហគមន៍ និងប្រជាពលរដ្ឋជាច្រើននាក់។

វគ្គបណ្ដុះបណ្ដាលនេះ ត្រូវបានរៀបចំឡើងក្នុងគោលបំណង ដើម្បីពង្រឹងការយល់ដឹងរបស់ប្រជាពលរដ្ឋអំពីនិយមន័យ និងចំណាត់ថ្នាក់នៃការបែងចែកដីសម្បទានសង្គមកិច្ច ព្រមទាំងលើកកម្ពស់ការយល់ដឹងអំពីនិតិវិធី និងលក្ខខណ្ឌក្នុងការស្នើសុំដីសម្បទានសង្គមកិច្ច ស្របតាមគោលការណ៍ និងបទដ្ឋានគតិយុត្តជាធរមាន។

ក្នុងកម្មវិធីនេះផងដែរ អ្នកចូលរួមបានសិក្សា និងពិភាក្សាអំពីស្ថានភាពជីវភាពរបស់ប្រជាពលរដ្ឋដែលអាចមានសិទ្ធិស្នើសុំដីសម្បទានសង្គមកិច្ចពីរដ្ឋ ក៏ដូចជាលក្ខខណ្ឌ និងឯកសារចាំបាច់នានា ដើម្បីធានាភាពស្របច្បាប់ក្នុងការកាន់កាប់ និងប្រើប្រាស់ដីសម្បទានសង្គមកិច្ច។

តាមរយៈវគ្គបណ្ដុះបណ្ដាលនេះ ប្រជាពលរដ្ឋទទួលបានចំណេះដឹងបន្ថែម និងមានភាពយល់ច្បាស់អំពីសិទ្ធិ និងនិតិវិធីច្បាប់ពាក់ព័ន្ធនឹងដីសម្បទានសង្គមកិច្ច ដែលអាចជួយដល់ការដោះស្រាយបញ្ហាដីធ្លី និងការកែលម្អជីវភាពរស់នៅរបស់ពួកគាត់នាពេលអនាគត។

ចងក្រងសហគមន៍ខេត្តព្រះវិហារកាលពីថ្ងៃទី២៥ ខែឧសភា ឆ្នាំ២០២៦ សមាគមបានរៀបចំកិច្ចប្រជុំចងក្រងសហគមន៍ ជំហានទី១ (ស្រាវជ្រាវព័ត៌មា...
26/05/2026

ចងក្រងសហគមន៍
ខេត្តព្រះវិហារ

កាលពីថ្ងៃទី២៥ ខែឧសភា ឆ្នាំ២០២៦ សមាគមបានរៀបចំកិច្ចប្រជុំចងក្រងសហគមន៍ ជំហានទី១ (ស្រាវជ្រាវព័ត៌មានបឋម) នៅក្នុងសហគមន៍ថ្មី ស្ថិតក្នុងឃុំស្រយ៉ង់ ស្រុកគូលេន ខេត្តព្រះវិហារ ដោយមានការចូលរួមពីប្រជាពលរដ្ឋមូលដ្ឋាន និងតំណាងសហគមន៍ជាច្រើននាក់។

នៅក្នុងកិច្ចប្រជុំនេះ ក្រុមការងារសមាគមបានធ្វើការចែករំលែកព័ត៌មានទូទៅអំពី សសសកក រួមមានប្រវត្តិនៃការចងក្រងបង្កើតសមាគម ទស្សនៈវិស័យ បេសកកម្ម គុណតម្លៃ ភាពជាសមាជិកភាព អត្ថប្រយោជន៍នៃការចូលជាសមាជិក និងកម្មវិធីគម្រោងនានារបស់សមាគម ដើម្បីឱ្យប្រជាពលរដ្ឋបានយល់ដឹងកាន់តែច្បាស់អំពីតួនាទី និងការងាររបស់សមាគមក្នុងការគាំទ្រសហគមន៍មូលដ្ឋាន។

កិច្ចប្រជុំនេះមានគោលបំណងសំខាន់ក្នុងការសិក្សា និងប្រមូលព័ត៌មានអំពីបញ្ហាប្រឈមនានាដែលប្រជាពលរដ្ឋកំពុងជួបប្រទះនៅក្នុងមូលដ្ឋាន ព្រមទាំងរៀបចំចងក្រងសហគមន៍ឱ្យក្លាយជាសមាជិករបស់ សសសកក និងរៀបចំឯកសារព័ត៌មានគោលរបស់សហគមន៍ទុកជាឯកសារ និងភស្តុតាងសម្រាប់ការងារបន្ត។

ជាមួយគ្នានេះផងដែរ ក្រុមការងារក៏បានចុះស្រាវជ្រាវ និងប្រមូលទិន្នន័យពាក់ព័ន្ធនឹងបញ្ហាដីធ្លីរបស់ប្រជាពលរដ្ឋ ដែលបានដាក់ពាក្យទៅក្រសួងរៀបចំដែនដី នគរូបនីយកម្ម និងសំណង់ ចំនួន៥៦ករណី ដើម្បីធ្វើការតាមដាន និងស្វែងរកដំណោះស្រាយបន្តទៅមុខ។

ខេត្តកោះកុងនៅថ្ងៃទី២៥ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងរៀបចំផែនការសហគមន៍ ជាមួយគណៈកម្មការ សកម្មជន...
25/05/2026

ខេត្តកោះកុង

នៅថ្ងៃទី២៥ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងរៀបចំផែនការសហគមន៍ ជាមួយគណៈកម្មការ សកម្មជន និងសមាជិកសហគមន៍១៩៧ ស្ថិតនៅភូមិតានី ឃុំជីខរក្រោម ស្រុកស្រែអំបិល ខេត្តកោះកុង។ កិច្ចប្រជុំនេះបានប្រព្រឹត្តទៅក្នុងបរិយាកាសសហការល្អ និងមានការចូលរួមយ៉ាងសកម្មពីសមាជិកសហគមន៍។

គោលបំណងសំខាន់នៃកិច្ចប្រជុំនេះ គឺដើម្បីផ្តល់ឱកាសឱ្យគណៈកម្មការ សកម្មជន និងសមាជិកសហគមន៍ បានចែករំលែកបទពិសោធន៍ និងពិភាក្សាអំពីប្រព័ន្ធគាំពារសង្គម កសិ-ស្បៀង ក៏ដូចជាបញ្ហាអាទិភាពនានា ដែលជាតម្រូវការជាក់ស្តែងរបស់សហគមន៍។ លើសពីនេះ កិច្ចប្រជុំក៏បានផ្តោតលើការពង្រឹងសាមគ្គីភាពក្នុងចំណោមសមាជិកសហគមន៍ ការចងក្រងបណ្តាញឱ្យកាន់តែរឹងមាំ ការប្រើប្រាស់ធនធានក្នុងសហគមន៍ប្រកបដោយប្រសិទ្ធភាព និងការបណ្តុះយុទ្ធសាស្ត្រតស៊ូមតិ ដើម្បីដោះស្រាយបញ្ហាប្រឈមនានារបស់សហគមន៍ឱ្យកាន់តែមានប្រសិទ្ធភាព។

ខេត្តកំពតកាលថ្ងៃទី ២៤ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងការទទួលខុសត្រូវរបស់ក្រុមស្រ្តីសហគមន៍ នៅក្...
25/05/2026

ខេត្តកំពត
កាលថ្ងៃទី ២៤ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងការទទួលខុសត្រូវរបស់ក្រុមស្រ្តីសហគមន៍ នៅក្នុងសហគមន៍ថ្លាន់១០០ ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ដោយមានការចូលរួមពីសមាជិកក្រុមស្រ្តី និងតំណាងសហគមន៍ជាច្រើននាក់។

កិច្ចប្រជុំខាងលើត្រូវបានរៀបចំឡើងក្នុងគោលបំណង ដើម្បីពិនិត្យ និងឆ្លុះបញ្ចាំងអំពីការអនុវត្តសកម្មភាពនានានៅក្នុងសហគមន៍ កន្លងមក រួមមានលទ្ធផលដែលសម្រេចបាន បញ្ហាប្រឈម និងដំណោះស្រាយដែលត្រូវអនុវត្តបន្ត។ ជាមួយគ្នានេះ ក៏មានការពិភាក្សាអំពីការពង្រឹងសាមគ្គីភាព និងកិច្ចសហការរវាងសមាជិកក្រុមស្រ្តីឱ្យកាន់តែមានភាពរឹងមាំ និងប្រសើរឡើងផងដែរ។

ក្រៅពីនេះ អង្គប្រជុំក៏បានរួមគ្នាកំណត់នូវតម្រូវការអាទិភាពសម្រាប់ស្រ្តីនៅក្នុងសហគមន៍ និងរៀបចំផែនការបន្ត ដើម្បីពង្រឹងការរៀបចំក្រុមស្រ្តីឱ្យមានប្រសិទ្ធភាព និងអាចចូលរួមដោះស្រាយបញ្ហាប្រឈមនានានៅក្នុងសហគមន៍បានកាន់តែល្អប្រសើរ។

ស្រ្តីសហគមន៍_ខេត្តកំពត_កាលពីថ្ងៃទី ២៣ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងការទទួលខុសត្រូវរបស់ក្រុមស...
25/05/2026

ស្រ្តីសហគមន៍
_ខេត្តកំពត_

កាលពីថ្ងៃទី ២៣ ខែឧសភា ឆ្នាំ២០២៦ សមាគមបានរៀបចំកិច្ចប្រជុំពង្រឹងតួនាទី និងការទទួលខុសត្រូវរបស់ក្រុមស្ត្រីសហគមន៍ នៅក្នុងសហគមន៍អូរត្រសេកជ័យល័ក្ខ ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត ដោយមានការចូលរួមពីសមាជិកក្រុមស្ត្រី និងតំណាងសហគមន៍ជាច្រើននាក់។

កិច្ចប្រជុំខាងលើ ត្រូវបានរៀបចំឡើងក្នុងគោលបំណងពិនិត្យ និងឆ្លុះបញ្ចាំងលើការអនុវត្តសកម្មភាពនានានៅក្នុងសហគមន៍ ដោយផ្តោតលើលទ្ធផលដែលសម្រេចបាន បញ្ហាប្រឈមដែលកំពុងជួបប្រទះ និងការស្វែងរកដំណោះស្រាយសមស្រប ដើម្បីធ្វើឱ្យការងារសហគមន៍កាន់តែមានប្រសិទ្ធភាព។ ជាមួយគ្នានេះ ក៏បានជំរុញការពង្រឹងសាមគ្គីភាព និងកិច្ចសហការរវាងសមាជិកក្រុមស្ត្រីឱ្យកាន់តែល្អប្រសើរឡើងផងដែរ។

លើសពីនេះ កិច្ចប្រជុំក៏បានពិភាក្សា និងកំណត់អំពីតម្រូវការអាទិភាពសម្រាប់ស្ត្រីក្នុងសហគមន៍ ព្រមទាំងរៀបចំផែនការសកម្មភាពបន្ត ដើម្បីពង្រឹងការចូលរួម និងការរៀបចំក្រុមស្ត្រីឱ្យមានភាពរឹងមាំ និងមានសមត្ថភាពក្នុងការដោះស្រាយបញ្ហាប្រឈមនានានៅក្នុងសហគមន៍។

បណ្ដុះបណ្ដាលច្បាប់ភូមិបាល_ខេត្តព្រះវិហារ_កាលពីថ្ងៃទី២២ ខែឧសភា ឆ្នាំ២០២៦ សមាគមបានរៀបចំវគ្គបណ្ដុះបណ្ដាលស្ដីពីច្បាប់ភូមិបាល...
25/05/2026

បណ្ដុះបណ្ដាលច្បាប់ភូមិបាល
_ខេត្តព្រះវិហារ_
កាលពីថ្ងៃទី២២ ខែឧសភា ឆ្នាំ២០២៦ សមាគមបានរៀបចំវគ្គបណ្ដុះបណ្ដាលស្ដីពីច្បាប់ភូមិបាល នៅក្នុងសហគមន៍មនោរម្យ ស្ថិតនៅភូមិម្រេច ឃុំស្រយ៉ង់ ស្រុកគូលេន ខេត្តព្រះវិហារ ដោយមានការចូលរួមពីសមាជិកសហគមន៍ និងប្រជាពលរដ្ឋជាច្រើននាក់។

វគ្គបណ្ដុះបណ្ដាលនេះ ត្រូវបានរៀបចំឡើងក្នុងគោលបំណង ដើម្បីលើកកម្ពស់ការយល់ដឹងរបស់ប្រជាពលរដ្ឋអំពីច្បាប់ភូមិបាល និងសិទ្ធិពាក់ព័ន្ធនឹងការកាន់កាប់ និងប្រើប្រាស់ដីធ្លីស្របតាមច្បាប់។ អ្នកចូលរួមបានសិក្សាពីផ្នែកសំខាន់ៗនៃច្បាប់ភូមិបាល រួមមាន ចំណាត់ថ្នាក់ប្រភេទដី សិទ្ធិលើប្រភេទដីនីមួយៗ ការធ្វើលទ្ធកម្មកម្មសិទ្ធិ សិទ្ធិមូលដ្ឋានរបស់ម្ចាស់ដី និងការផ្តល់សម្បទានដីផ្សេងៗ។

ជាមួយគ្នានេះផងដែរ វគ្គបណ្ដុះបណ្ដាលក៏បានផ្តោតសំខាន់លើការពង្រឹងសមត្ថភាពសហគមន៍ក្នុងការរៀបចំយុទ្ធសាស្រ្ត និងផែនការអភិវឌ្ឍន៍សហគមន៍របស់ខ្លួន ឲ្យកាន់តែមានប្រសិទ្ធភាព និងមាននិរន្តរភាព ដើម្បីឆ្លើយតបទៅនឹងតម្រូវការ និងបញ្ហាប្រឈមរបស់ប្រជាពលរដ្ឋក្នុងមូលដ្ឋាន។

សារចូលរួមរំលែកទុក្ខដល់គ្រួសារសពកម្មករដែលបានស្លាប់ទាំងអស់ ! ——ក្នុងនាមសមាគមសម្ព័ន្ធសហគមន៍កសិករកម្ពុជា (CCFC) យើងខ្ញុំមានស...
23/05/2026

សារចូលរួមរំលែកទុក្ខដល់គ្រួសារសពកម្មករដែលបានស្លាប់ទាំងអស់ !
——
ក្នុងនាមសមាគមសម្ព័ន្ធសហគមន៍កសិករកម្ពុជា (CCFC) យើងខ្ញុំមានសេចក្ដីសោកស្ដាយ និងសង្វេគជាពន់ពេក ចំពោះការបាត់បង់អាយុជីវិតរបស់បងប្អូនកម្មករ កម្មការិនី ដែលបានទទួលរងគ្រោះដោយឧបហេតុគ្រោះថ្នាក់ចរាចរណ៍ទាំងពីរករណី កាលពីថ្ងៃទី២៣ ខែឧសភា ឆ្នាំ២០២៦ នៅក្នុងខេត្តស្វាយរៀង និងខេត្តកំពង់ឆ្នាំង។

ការបាត់បង់នេះ គឺជាសោកនាដកម្មដ៏ឈឺចាប់សម្រាប់ក្រុមគ្រួសារ សាច់ញាតិ មិត្តរួមការងារ និងសហគមន៍ទាំងមូល។ យើងខ្ញុំសូមចូលរួមរំលែកទុក្ខយ៉ាងក្រៀមក្រំជាទីបំផុត និងសូមបួងសួងឲ្យវិញ្ញាណក្ខន្ធនៃជនរងគ្រោះទាំងអស់ បានទៅកាន់សុគតិភពកុំបីឃ្លៀងឃ្លាតឡើយ។

ជាមួយគ្នានេះ យើងខ្ញុំសូមផ្ញើកម្លាំងចិត្ត និងក្ដីអាណិតអាសូរដ៏ស្មោះស្ម័គ្រជូនចំពោះក្រុមគ្រួសារសពទាំងអស់ សូមមានកម្លាំងចិត្តអាចឆ្លងកាត់ទុក្ខលំបាកដ៏ក្រៀមក្រំនេះបាន។

ទន្ទឹមនឹងនេះ សមាគមសម្ព័ន្ធសហគមន៍កសិករកម្ពុជា (CCFC) សូមទទូចដល់អាជ្ញាធររាជរដ្ឋាភិបាល និងស្ថាប័នពាក់ព័ន្ធ ពន្លឿនការអនុវត្តយន្តការ និងវិធានការរក្សាសុវត្ថិភាពក្នុងការធ្វើដំណើររបស់បងប្អូនកម្មករ កម្មការិនី ឲ្យមានប្រសិទ្ធភាពខ្ពស់ ដើម្បីធានាបាននូវសុវត្ថិភាពជីវិត មុខរបរ ការងារ និងសេចក្ដីថ្លៃថ្នូររបស់កម្មករ ដែលជាកម្លាំងដ៏សំខាន់ក្នុងការចូលរួមអភិវឌ្ឍជាតិ និងសេដ្ឋកិច្ចកម្ពុជា។

វគ្គបណ្ដុះបណ្ដាលស្ដីពីនិតិវិធី និងយន្តការផ្ដល់ដីសម្បទានសង្គមកិច្ចខេត្តកំពតនៅថ្ងៃទី២២ ខែឧសភា ឆ្នាំ២០២៦ សមាគមបានរៀបចំវគ្គប...
23/05/2026

វគ្គបណ្ដុះបណ្ដាលស្ដីពីនិតិវិធី និងយន្តការផ្ដល់ដីសម្បទានសង្គមកិច្ច
ខេត្តកំពត

នៅថ្ងៃទី២២ ខែឧសភា ឆ្នាំ២០២៦ សមាគមបានរៀបចំវគ្គបណ្ដុះបណ្ដាលស្ដីពី និតិវិធី និងយន្តការផ្ដល់ដីសម្បទានសង្គមកិច្ច នៅក្នុងសហគមន៍ពង្រកជ័យល័ក្ខ ស្ថិតនៅភូមិព្រៃពាយ ឃុំត្រពាំងភ្លាំង ស្រុកឈូក ខេត្តកំពត។ វគ្គបណ្ដុះបណ្ដាលនេះមានការចូលរួមពីគណៈកម្មការសហគមន៍ និងសមាជិកសហគមន៍ជាច្រើនរូបផងដែរ។

ការបណ្ដុះបណ្ដាលខាងលើត្រូវបានរៀបចំឡើងក្នុងគោលបំណងដើម្បីបង្កើនការយល់ដឹងដល់ប្រជាពលរដ្ឋ និងសមាជិកសហគមន៍អំពីនិយមន័យ ការចាត់ថ្នាក់ និងគោលការណ៍នៃការផ្ដល់ដីសម្បទានសង្គមកិច្ច ស្របតាមច្បាប់ និងបទដ្ឋានគតិយុត្តជាធរមាន។

ជាមួយគ្នានេះផងដែរ អ្នកចូលរួមបានសិក្សា និងពិភាក្សាអំពីនិតិវិធី លក្ខខណ្ឌ និងឯកសារចាំបាច់ក្នុងការស្នើសុំដីសម្បទានសង្គមកិច្ច ព្រមទាំងបានយល់ដឹងបន្ថែមអំពីស្ថានភាពជីវភាពរបស់ប្រជាពលរដ្ឋដែលអាចមានសិទ្ធិស្នើសុំដីពីរដ្ឋបាន។ លើសពីនេះ ក៏បានបញ្ជាក់អំពីកាតព្វកិច្ច និងលក្ខខណ្ឌស្របច្បាប់ក្នុងការកាន់កាប់ និងប្រើប្រាស់ដីសម្បទានសង្គមកិច្ចផងដែរ។

តាមរយៈវគ្គបណ្ដុះបណ្ដាលនេះ សមាជិកសហគមន៍ទទួលបានចំណេះដឹង និងការយល់ដឹងកាន់តែច្បាស់អំពីសិទ្ធិ និងនិតិវិធីពាក់ព័ន្ធនឹងដីសម្បទានសង្គមកិច្ច ដែលអាចជួយពង្រឹងសមត្ថភាពក្នុងការការពារសិទ្ធិ និងអត្ថប្រយោជន៍ស្របច្បាប់របស់ប្រជាពលរដ្ឋនៅក្នុងសហគមន៍។

ក្រុមស្រ្តី និងការអភិវឌ្ឍន៍ខេត្តកោះកុងកាលពីថ្ងៃទី២១ ខែឧសភា ឆ្នាំ២០២៦ សមាគមសម្ព័ន្ធសហគមន៍កសិករកម្ពុជា បានរៀបចំកិច្ចប្រជុំ...
22/05/2026

ក្រុមស្រ្តី និងការអភិវឌ្ឍន៍
ខេត្តកោះកុង

កាលពីថ្ងៃទី២១ ខែឧសភា ឆ្នាំ២០២៦ សមាគមសម្ព័ន្ធសហគមន៍កសិករកម្ពុជា បានរៀបចំកិច្ចប្រជុំពង្រឹងក្រុមស្ត្រី ដោយមានការចូលរួមពីសមាជិកក្រុមស្ត្រីចំនួន ៦១ គ្រួសារ ស្ថិតនៅភូមិព្រលាន ឃុំកណ្ដោល ស្រុកបូទុមសាគរ ខេត្តកោះកុង។ កិច្ចប្រជុំនេះត្រូវបានរៀបចំឡើងក្នុងគោលបំណងពង្រឹងសាមគ្គីភាព ការចូលរួម និងការទទួលខុសត្រូវរបស់ស្ត្រីក្នុងការអភិវឌ្ឍសហគមន៍ឲ្យកាន់តែមានប្រសិទ្ធភាព។

ក្នុងអង្គប្រជុំ សមាជិកបានធ្វើការពិនិត្យ និងឆ្លុះបញ្ចាំងលើការអនុវត្តសកម្មភាពនានាក្នុងសហគមន៍កន្លងមក ដោយបានលើកឡើងពីលទ្ធផលដែលសម្រេចបាន បញ្ហាប្រឈមដែលបានជួបប្រទះ និងដំណោះស្រាយដែលអាចអនុវត្តបាន ដើម្បីធានាឲ្យការងារនៅក្នុងសហគមន៍ដំណើរការបានល្អប្រសើរឡើង។ ជាមួយគ្នានេះផងដែរ ក្រុមស្ត្រីក៏បានពិភាក្សា និងកំណត់តម្រូវការអាទិភាពរបស់ស្ត្រីនៅក្នុងសហគមន៍ ដើម្បីរៀបចំផែនការ និងពង្រឹងការរៀបចំក្រុមស្ត្រីឲ្យមានភាពរឹងមាំ និងអាចឆ្លើយតបទៅនឹងតម្រូវការជាក់ស្តែងរបស់សមាជិកបានកាន់តែប្រសើរ។

អត្ថប្រយោជន៍របស់កសិករចូលជាសមាជិកសហគមន៍/សមាគម ទំនាក់ទំនងតេលេក្រាម៖ 078 225 088 ,078224264
22/05/2026

អត្ថប្រយោជន៍របស់កសិករចូលជាសមាជិកសហគមន៍/សមាគម
ទំនាក់ទំនងតេលេក្រាម៖ 078 225 088 ,078224264

Address

Https://goo. Gl/maps/EJZHx3yMYNi1MfDK 6
Phnom Penh
120801

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Website

Alerts

Be the first to know and let us send you an email when សមាគមសម្ព័ន្ធសហគមន៍កសិករកម្ពុជា CCFC Cambodia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to សមាគមសម្ព័ន្ធសហគមន៍កសិករកម្ពុជា CCFC Cambodia:

Shortcuts

Share

Category