Youth For Peace-CAMBODIA

16/09/2026

ព្រៃវែង (១៣ កញ្ញា ២០២៦)៖ ក្រុមយុវជនលើកកម្ពស់ការអប់រំ ដែលកំពុងអនុវត្តគម្រោង «លើកកម្ពស់ទម្លាប់នៃការអានរបស់កុមារ » បានចុះធ្វើការសិក្សាវាយតម្លៃលទ្ធផលនៃការអនុវត្តគម្រោងក្នុងដំណាក់កាលទី១ (ពាក់កណ្តាលគម្រោង) នៅក្នុងសាលាបឋមសិក្សាស្វាយ និង តាមផ្ទះរបស់កុមារផ្ទាល់នៅក្នុងភូមិស្វាយក ភូមិស្វាយខ ភូមិប្រហ៊ូត និង ភូមិព្រៃក្រឡាញ់ ឃុំព្រៃស្រឡិត ស្រុកពារាំង ខេត្តព្រៃវែង។

ក្នុងសកម្មភាពនេះ ក្រុមយុវជនបានចុះសម្ភាសន៍ដោយផ្ទាល់ជាមួយក្រុមគោលដៅ ដែលជាអ្នកទទួលផលពីគម្រោងសរុបចំនួន​ ៣០នាក់ (ស្រី១៩នាក់)។ ការសិក្សាវាយតម្លៃនេះ ផ្តោតសំខាន់ទៅលើការពិនិត្យវឌ្ឍនភាព កម្រិតនៃការយល់ដឹង ការផ្លាស់ប្តូរឥរិយាបថក្នុងការរស់នៅរបស់អ្នកចូលរួម បញ្ហាប្រឈម និងការប្រមូលមតិយោបល់ពីក្រុមគោលដៅ ដើម្បីធានាថាគម្រោងពិតជាបានឆ្លើយតបទៅនឹងតម្រូវការ និងផ្តល់ផលប្រយោជន៍ដល់សហគមន៍ពិតប្រាកដ។


សូមជម្រាបជូនផងដែរថា សកម្មភាពនេះ គឺការងារស្ម័គ្រចិត្តរបស់យុវជនមួយក្រុម ក្នុងចំណោមក្រុមយុវជនផ្សេងៗទៀត ដែលកំពុងទទួលវគ្គបណ្តុះបណ្តាលពី #អង្គការយុវសន្តិភាព ស្តីពី «ការកសាងខ្លួនល្អ និងភាពជាអ្នកដឹកនាំ» រយៈពេលពេញមួយឆ្នាំ ក្នុងកម្មវិធី #អ្នកដឹកនាំសន្តិភាពវ័យក្មេង។

#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត

16/09/2026

បាត់ដំបង (១៣ កញ្ញា ២០២៦)៖ ក្រុមយុវជនជំនាន់ថ្មីដើម្បីសុខភាពកុមារ បានរៀបចំវគ្គសិក្ខាសាលាស្តីពី ជំនួបជាមួយអាណាព្យាបាលរបស់កុមារ នៅក្នុងភូមិសំរោងអូរទ្រា ឃុំសំរោងក្នុង ស្រុកឯកភ្នំ ខេត្តបាត់ដំបង ទៅប្រជាពលរដ្ឋចំនួន៥០នាក់ ស្រី២៥នាក់។

ជាលទ្ធផល ប្រជាពលរដ្ឋដែលជាអាណាព្យាបាលរបស់កុមារបានយល់ដឹងអំពីផលប៉ះពាល់នៃការបរិភោគគ្រឿងកំប៉ុង និងប្រភេទអាហារកែឆ្នៃ(នំកញ្ចាប់)ដែរធ្វើឱ្យប៉ះពាល់សុខភាពកុមារ និងប្រជាពលរដ្ឋយល់ដឹងពីរបៀបតាមដានពីការបរិភោគរបស់កុមារប្រចាំថ្ងៃដើម្បីជៀសវាងពីការបរិភោគប្រភេទគ្រឿងកំប៉ុង និងនំកញ្ចាប់។ បន្ថែមពីនេះប្រជាពលរដ្ឋដែលជាអាណាព្យាបាលបានប្តេជ្ញាចិត្តថានឹងធ្វើការតាមដាន យកចិត្តទុកដាក់ ព្យាយាមជម្រុញកូនៗឱ្យងាកមកបរិភោគអាហារសុខភាពភេសជ្ជៈស្រស់ៗ ដូចជា ទឹកដូង ទឹកអំពៅ ទឹកបរិសុទ្ធ នំខ្មែរជាដើម។

សូមជម្រាបជូនផងដែរថា សកម្មភាពនេះ គឺការងារស្ម័គ្រចិត្តរបស់យុវជនមួយក្រុម ក្នុងចំណោមក្រុមយុវជនផ្សេងៗទៀត ដែលកំពុងទទួលវគ្គបណ្តុះបណ្តាលពី #អង្គការយុវសន្តិភាពស្តីពី «ការកសាងខ្លួនល្អ និងភាពជាអ្នកដឹកនាំ» រយៈពេលពេញមួយឆ្នាំ ក្នុងកម្មវិធី #អ្នកដឹកនាំសន្តិភាពវ័យក្មេង។

#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត

16/09/2026

កាលពីថ្ងៃទី១៤ ខែកញ្ញា ឆ្នាំ២០២៦ អង្គការយុវសន្តិភាពបានចាត់តំណាងបុគ្គលិកម្នាក់ និងយុវជនពីរនាក់ ចូលរួមកម្មវិធីកិច្ចសន្ទនាសន្តិភាពក្រោមប្រធានបទ «វិនិយោគលើសន្តិភាព៖ សម្រាប់មនុស្សគ្រប់រូប គ្រប់ទីកន្លែង និងរៀងរាល់ថ្ងៃ»។

កម្មវិធីនេះរៀបចំដោយអង្គការគណៈកម្មាធិការសហប្រតិបត្តិការដើម្បីកម្ពុជា (គ.ស.ក) ដោយសហការជាមួយក្រុមការងារកសាងសន្តិភាព និងអង្គការសីលការ ដើម្បីអបអរទិវាសន្តិភាពអន្តរជាតិ។

ក្នុងកិច្ចពិភាក្សាតុមូល សំណាង បញ្ញា ជាយុវជនស្ម័គ្រចិត្តតំណាងឱ្យអង្គការយុវសន្តិភាព បានចែករំលែកអំពីតួនាទីយុវជន និងបទពិសោធន៍ការងារស្ម័គ្រចិត្តក្នុងការកសាងសន្តិភាពនៅក្នុងសហគមន៍ តាមរយៈការសិក្សារៀនសូត្រ និងការចូលរួមក្នុងការងារសង្គមយ៉ាងសកម្ម។

កិច្ចសន្ទនានេះបង្កើតឡើងដើម្បីផ្តល់លំហឱ្យអ្នកកសាងសន្តិភាព អង្គការស៊ីវិល ជាតិ និងអន្តរជាតិ យុវជន និងសហគមន៍ស្ត្រី ចែករំលែកបទពិសោធន៍ បញ្ហាប្រឈម និងកំណត់ទិសដៅបន្តសម្រាប់សកម្មភាពអនាគត ក្នុងគោលបំណងពង្រឹងការគាំទ្រ និងរួមចំណែកដល់ការកសាងសន្តិភាពប្រកបដោយចីរភាពនៅកម្ពុជា និងក្នុងតំបន់។

#អង្គការយុវសន្តិភាព #ទិវាសន្តិភាពអន្តរជាតិ #សន្តិភាព #យុវជន #កម្ពុជា

————————————————

On 14 September 2026, Youth for Peace delegated one staff member and two youth representatives to a peace dialogue under the theme "Investing in Peace: For Everyone, Everywhere, Every Day."

The event was organized by the Cambodian Cooperation Committee (CCC) in collaboration with the Peacebuilding Working Group and SILAKA, Cambodia, to celebrate the International Day of Peace.

During the roundtable discussion, Samnang Panha, a youth volunteer representing Youth for Peace, shared insights on the role of young people and his volunteer experience in community peacebuilding through learning and active social engagement.

The dialogue created a space for peacebuilders, national and international organizations, youth, and women's communities to share experiences, challenges, and future directions, strengthening support and contributing to sustainable peace in Cambodia and the region.

15/09/2026

នេះជាការសម្ដែងរបស់ក្រុមយុវជនដើម្បីការអប់រំសម្រាប់កុមារ ដែលនៅក្នុងសិក្ខាសាលាអប់រំស្តីពី«សីលធម៍ក្នុងការរស់នៅរបស់កុមារ» សូមរីករាយទស្សនាដូចតទៅ៖

#ផ្ទះយុវជន_YouthhouseG2BTB2026
#អ្នកដឹកនាំសន្តិភាពវ័យក្មេង_Youngleaderforpeace

15/09/2026

បាត់ដំបង (១០–១៣ ខែកញ្ញា ឆ្នាំ២០២៦)៖ ជំនួបចំនួនពីរដាច់ដោយឡែកពីគ្នារវាងប្រធានកម្មវិធីអង្គការយុវសន្តិភាព និងក្រុមយុវជនស្ម័គ្រចិត្ត ដើម្បីពិនិត្យ និងឆ្លុះបញ្ចាំងអំពីវឌ្ឍនភាពការងារកន្លងមក ព្រមទាំងពិភាក្សាអំពីផែនការសកម្មភាពបន្ត។ ជំនួបទី១ ត្រូវបានធ្វើឡើងជាមួយប្រធាន និងសមាជិកក្រុម Alumni ខណៈជំនួបទី២ ត្រូវបានរៀបចំជាមួយប្រធានក្រុមយុវជនដែលកំពុងដឹកនាំ និងអនុវត្តគម្រោងនានានៅក្នុងសហគមន៍។

ក្នុងជំនួបទាំងពីរ ក្រុមយុវជនបានចែករំលែកអំពីលទ្ធផលការងារដែលសម្រេចបាន បញ្ហាប្រឈមដែលបានជួបប្រទះ និងដំណោះស្រាយដែលបានអនុវត្ត។ ទន្ទឹមនឹងនេះ យុវជនក៏បានលើកឡើងពីមេរៀនសំខាន់ៗដែលទទួលបានក្នុងអំឡុងពេលអនុវត្តគម្រោង។ លើសពីនេះ យុវជនបានផ្តល់នូវសំណូមពរ គំនិត និងតម្រូវការមួយចំនួន ដើម្បីពង្រឹង និង និងកែលម្អការអនុវត្តការងារបន្តបន្ទាប់ ឱ្យកាន់តែមានប្រសិទ្ធភាពថែមទៀត។

15/09/2026

កណ្ដាល (១៣ កញ្ញា ២០២៦)៖ ក្រុមយុវជនដើម្បីសុខភាពសហគមន៍ ដែលកំពុងអនុវត្តគម្រោង «រួមគ្នាកាត់បន្ថយជំងឺមិនឆ្លង
(កាត់បន្ថយការបរិភោគភេសជ្ជៈផ្អែម និងអាហារកែច្នៃ)
» បានចុះធ្វើការសិក្សាវាយតម្លៃលទ្ធផលនៃការអនុវត្តគម្រោងក្នុងដំណាក់កាលទី១ (ពាក់កណ្តាលគម្រោង) នៅក្នុងភូមិអន្លង់រមៀតខាងជើង និងភូមិអន្លង់រមៀតខាងត្បូង នៅក្នុងឃុំអន្លង់រមៀត ស្រុកកណ្ដាលស្ទឹង ខេត្តកណ្ដាល។

ក្នុងសកម្មភាពនេះ ក្រុមយុវជនបានចុះសម្ភាសន៍ដោយផ្ទាល់ជាមួយក្រុមគោលដៅ ដែលជាអ្នកទទួលផលពីគម្រោងសរុបចំនួន​ ៣៦នាក់ (ស្រី ២០នាក់)។ ការសិក្សាវាយតម្លៃនេះ ផ្តោតសំខាន់ទៅលើការពិនិត្យវឌ្ឍនភាព កម្រិតនៃការយល់ដឹង ការផ្លាស់ប្តូរឥរិយាបថក្នុងការរស់នៅរបស់អ្នកចូលរួម បញ្ហាប្រឈម និងការប្រមូលមតិយោបល់ពីក្រុមគោលដៅ ដើម្បីធានាថាគម្រោងពិតជាបានឆ្លើយតបទៅនឹងតម្រូវការ និងផ្តល់ផលប្រយោជន៍ដល់សហគមន៍ពិតប្រាកដ។


សូមជម្រាបជូនផងដែរថា សកម្មភាពនេះ គឺការងារស្ម័គ្រចិត្តរបស់យុវជនមួយក្រុម ក្នុងចំណោមក្រុមយុវជនផ្សេងៗទៀត ដែលកំពុងទទួលវគ្គបណ្តុះបណ្តាលពី #អង្គការយុវសន្តិភាព ស្តីពី «ការកសាងខ្លួនល្អ និងភាពជាអ្នកដឹកនាំ» រយៈពេលពេញមួយឆ្នាំ ក្នុងកម្មវិធី #អ្នកដឹកនាំសន្តិភាពវ័យក្មេង។

#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត

14/09/2026

បាត់ដំបង (១១ កញ្ញា ២០២៦)៖ ក្រុមយុវជនឌីជីថលដើម្បីសហគមន៍ បានចុះអនុវត្តន៍សកម្មភាពចាក់មេក្រូផ្សព្វផ្សាយ និងចែកខិតប័ណ្ណអំពីការអប់រំប្រព័ន្ធបច្ចេកវិទ្យាស្តីពី មូលហេតុ និងផលប៉ះពាល់នៃការកើនឡើងព័ត៍មានមិនពិត ព្រមទាំងការឆបោកតាមប្រព័ន្ធអនឡាញ ចំនួន50សន្លឹកទៅកាន់ប្រជាពលរដ្ឋ50នាក់។ នៅក្នុងភូមិរាជដូនកែវ ឃុំព្រែកនរិន្ទ ស្រុកឯកភ្នំ ខេត្តបាត់ដំបង ទៅកាន់ប្រជាពលរដ្ឋដែលរស់នៅក្នុងភូមិឃុំមូលដ្ឋានឱ្យបានយល់ដឹងបន្ថែមទៀត។

ជាលទ្ធផលសម្រេចបានការចាក់មេក្រូផ្សព្វផ្សាយចំនួន2ឃុំ ចាប់ពីឃុំសំរោងក្នុងរហូតដល់ភូមិរាជដូនកែវ ឃុំព្រែកនិរន្ទ ដោយប្រជាពលរដ្ឋទទួលបាននូវចំណេះដឹងអំពីសញ្ញាសម្គាល់ព័ត៍មានពិត និងមិនពិតជៀងវាងការបន្តការផ្សព្វផ្សាយបន្តគ្មានប្រភពច្បាស់លាស់ ជាពិសេសវិធានការការពារនៃការឆបោកតាមប្រព័ន្ធអនឡាញ។ ដោយប្រជាពលរដ្ឋបានប្ដេជ្ញា និងចូលរួមយុទ្ធការបំបាត់ការចែកចាយព័ត៍មានដែលគ្មានប្រភពមិនច្បាស់លាស់ដែលអាចនាំឱ្យប៉ះពាល់ដល់សហគមន៍ និងសង្គមជាតិទាំងមូល។

សូមជម្រាបជូនផងដែរថា សកម្មភាពនេះ គឺការងារស្ម័គ្រចិត្តរបស់យុវជនមួយក្រុម ក្នុងចំណោមក្រុមយុវជនផ្សេងៗទៀត ដែលកំពុងទទួលវគ្គបណ្តុះបណ្តាលពី #អង្គការយុវសន្តិភាពស្តីពី «ការកសាងខ្លួនល្អ និងភាពជាអ្នកដឹកនាំ» រយៈពេលពេញមួយឆ្នាំ ក្នុងកម្មវិធី #អ្នកដឹកនាំសន្តិភាពវ័យក្មេង។

#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត

14/09/2026

បាត់ដំបង(កញ្ញា - ២០២៦) នេះ គឺទិដ្ឋភាពនៃការបំពេញការងារបស់ក្រុមយុវជនស្ម័គ្រចិត្ត ចំនួន ២រូប ប្រចាំនៅឃុំព្រែកខ្ពប ស្រុកឯកភ្នំ ខេត្តបាត់ដំបង ដោយផ្តោតសំខាន់លើការផ្តល់សេវាសាធារណៈរបស់រដ្ឋបាលឃុំឱ្យកាន់តែមានប្រសិទ្ធភាព និងឆ្លើយតបតម្រូវការរបស់ប្រជាពលរដ្ឋ។

ក្រុមយុវជនស្ម័គ្រចិត្តបានចូលរួមសម្របសម្រួល និងគាំទ្របេសកកម្មរបស់រដ្ឋបាលឃុំលើការងារសំខាន់ៗជាច្រើន រួមមាន៖
+ ការងារស្ថិតិ និងបញ្ជីប្រជាពលរដ្ឋ៖ ជួយសរសេរស្ថិតិប្រជាពលរដ្ឋក្នុងឃុំព្រែកខ្ពប វាយបញ្ចូលឈ្មោះ ប្រជាពលរដ្ឋតាមភូមិ នីមួយៗនៅក្នុងបញ្ជីព័ត៌មាន។

+ ការងារអត្រានុកូលដ្ឋាន ៖ ជាជំនួយការក្នុងការជួយសរសេរ និងចុះបញ្ជីសំបុត្រកំណើត សំបុត្រអាពាហ៍ពិពាហ៍ និងលិខិតបញ្ជាក់ភាពនៅលីវ មេម៉ាយ និងពោះម៉ាយ។

+ កិច្ចប្រជុំ និងកម្មវិធីសហគមន៍៖ ចូលរួមរៀបចំកិច្ចប្រជុំស្ដី(គ.ក.ន.ក) ប្រជុំសាមញ្ញ កម្មវិធីស្ដីពីការកម្ចាត់គ្រឿងញៀន និងកម្មវិធី (App) No Drug។

+ ជាជំនួយក្នុងការត្រួតពិនិត្យ បញ្ជីរដ្ឋបាល៖ សិក្សាស្វែងយល់អំពីរបៀបសរសេររបាយការណ៍ក្នុងរដ្ឋបាលឃុំ និងជាជំនួយការក្នុងថតរូប និងចុះបញ្ជីរឈ្មោះ និវត្តន៍ជន បំពេញលិខិតបញ្ជាក់ដីធ្លី។

+ អនាម័យ និងបរិស្ថាន ៖ ចូលរួមក្នុងការសម្អាតអនាម័យជុំវិញបរិវេណរដ្ឋបាលឃុំ។ល។

សូមបញ្ជាក់ថា យុវជនស្ម័គ្រចិត្តទាំងពីរនាក់ នឹងបំពេញការងារនៅឃុំសំរោងក្នុង រយៈពេល៣ ខែ ដោយគិតចាប់ពីខែសីហា ដល់ខែតុលា ឆ្នាំ២០២៦។

#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត ​

13/09/2026

បាត់ដំបង (១០ កញ្ញា ២០២៦)៖ ក្រុមយុវជនប្រយុទ្ធប្រឆាំងជំងឺគ្រុនឈាម បានធ្វើសកម្មភាពចាក់មេក្រូផ្សព្វផ្សាយស្តីពី មូលហេតុ រោគសញ្ញា និងវិធីការពារជំងឺគ្រុនឈាម ដល់ប្រជាពលរដ្ឋនៅក្នុង ភូមិបាក់អំរែក ឃុំព្រែកហ្លួង ស្រុកឯកភ្នំ ខេត្តបាត់ដំបង ទៅកាន់​ប្រជាពលរដ្ឋរស់នៅក្នុងភូមិឃុំមូលដ្ឋានបានយល់ដឹងបន្ថែមទៀត។

ជាលទ្ធផលការចាក់មេក្រូផ្សព្វផ្សាយនេះបាន២ឃុំ ចាប់ពីឃុំសំរោងក្នុងរហូតដល់ភូមិបាក់អំរែក ឃុំព្រែកហ្លួង ដោយប្រជាពលរដ្ឋទទួលបាននូវចំណេះដឹងថ្មីៗ និងយល់ដឹងកាន់តែច្បាស់អំពីភ្នាក់ងារចម្លងមេរោគ (មូសខ្លា) រោគសញ្ញានៃជំងឺ វិធីសាស្ត្រងាយៗក្នុងការថែរក្សាសុខភាពសមាជិកគ្រួសារ ជាពិសេសកុមារតូចៗ ព្រមទាំងការស្វែងរកការព្យាបាលឱ្យបានត្រឹមត្រូវ និងទាន់ពេលវេលា។ បន្ថែមពីនេះការចាក់មេក្រូផ្សព្វផ្សាយជាសារក្រើនរំលឹកដើម្បីឱ្យប្រជាពលរដ្ឋប្រុងប្រយ័ត្ន ជៀសវាងភ្លេចជំងឺមួយនេះ។

សូមជម្រាបជូនផងដែរថា សកម្មភាពនេះ គឺការងារស្ម័គ្រចិត្តរបស់យុវជនមួយក្រុម ក្នុងចំណោមក្រុមយុវជនផ្សេងៗទៀត ដែលកំពុងទទួលវគ្គបណ្តុះបណ្តាលពី #អង្គការយុវសន្តិភាពស្តីពី «ការកសាងខ្លួនល្អ និងភាពជាអ្នកដឹកនាំ» រយៈពេលពេញមួយឆ្នាំ ក្នុងកម្មវិធី #អ្នកដឹកនាំសន្តិភាពវ័យក្មេង។
#យុវសន្តិភាព #អ្នកដឹកនាំសន្តិភាពវ័យក្មេង #យុវជនស្ម័គ្រចិត្ត ​

12/09/2026