UNICEF Cambodia - ដើម្បីកុមារគ្រប់រូប

23/09/2026

[English below] - 🦻នៅកម្ពុជា ក្នុងចំណោមប្រជាជនអាយុចាប់ពី ៥ ឆ្នាំឡើងទៅ ត្រូវបានប៉ាន់ស្មានថាមាន ៧% ដែលកំពុងរស់នៅជាមួយបញ្ហាខ្សោយការស្តាប់ និងពិការភាពថ្លង់។ តួលេខនេះស្មើនឹងប្រជាជនប្រមាណជាង ១ លាននាក់ ដោយក្នុងនោះមានកុមារប្រមាណ ៦,៦ ម៉ឺននាក់។

ថ្ងៃនេះជា «ទិវាភាសាសញ្ញាអន្តរជាតិ» ហើយយើងទាំងអស់គ្នាអាចចូលរួមចំណែកក្នុងការកសាងសង្គមមួយដែលពោរពេញដោយបរិយាបន្ន និងបង្កើតភាពកក់ក្តៅដល់គ្រប់គ្នាជុំវិញខ្លួន។ ការរៀនភាសាសញ្ញា គឺជាវិធីងាយមួយក្នុងការធ្វើឱ្យទំនាក់ទំនងមានភាពងាយស្រួលជាងមុនសម្រាប់ពួកគាត់ អាចឲ្យយើងយល់ពីគ្នាទៅវិញទៅមក និងធ្វើឱ្យយើងទាំងអស់គ្នាអាចភ្ជាប់ទំនាក់ទំនងជាមួយគ្នាកាន់តែជិតស្និទ្ធ។ 💙
-
🦻In Cambodia, around 7% of people aged 5 and over have a hearing impairment. That's more than 1 million people, including an estimated 66,000 children.

Today, we celebrate the International Day of Sign Languages. You can be part of building a more inclusive society. Learning sign language is one simple way to help break down barriers, so everyone can connect, participate and be heard. 💙

22/09/2026

[English Below] - នៅកម្ពុជា ក្នុងចំណោមកុមារអាយុក្រោម ៥ ឆ្នាំ មានម្នាក់ក្នុងចំណោម ១០ នាក់ រងផលប៉ះពាល់ដោយសារបញ្ហាកង្វះអាហារូបត្ថម្ភស្រួចស្រាល់កម្រិតធ្ងន់ធ្ងរ និងកម្រិតមធ្យម ដែលវាបណ្តាលឱ្យប៉ះពាល់ដល់ការអភិវឌ្ឍរាងកាយ និងប្រាជ្ញាស្មារតីរបស់កុមារ។

ដោយមានការគាំទ្រពីទីភ្នាក់ងារសហប្រតិបត្តិការអភិវឌ្ឍន៍អន្តរជាតិចិន CIDCA យូនីសេហ្វបានឧបត្ថម្ភនូវបរិក្ខារសុខាភិបាលចាំបាច់នានាដើម្បីគាំទ្រ និងព្យាបាលកុមារដែលប្រឈមនឹងបញ្ហានេះ ព្រមទាំងផ្តល់នូវសម្ភារបណ្តុះបណ្តាលដល់បុគ្គលិកសុខាភិបាល និងក្រុមទ្រទ្រង់សុខភាពភូមិ ដើម្បីស្វែងរក និងកំណត់អត្តសញ្ញាណកុមារដែលរងផលប៉ះពាល់ឲ្យបានទាន់ពេលវេលា។
-
In Cambodia, 1 in 10 children under 5 is affected by acute malnutrition or wasting, impacting their overall development.

Thanks to CIDCA, UNICEF is providing essential equipment, educational materials, and training for health staff and Village Health Support Group members to identify affected children.

Chinese Embassy in Cambodia-中华人民共和国驻柬埔寨王国大使馆 Wang Wenbin Chinese Ambassador to the Kingdom of Cambodia 汪文斌

21/09/2026

គ្រប់យ៉ាងតែងតែមានដំណោះស្រាយ។ ប្រសិនបើមានបញ្ហាអ្វីដែលធ្វើឲ្យប្អូនចង់ឈប់រៀន សូមមកប្រាប់គ្រូសិន។ សូមកុំទាន់អាលសម្រេចចិត្តតែម្នាក់ឯងអី ព្រោះលោកគ្រូអ្នកគ្រូតែងតែចង់ឃើញប្អូនជោគជ័យ។

#ជម្រើសអ្នកអនាគតអ្នក

21/09/2026

[English Below] - បើសិនជាប្អូនៗសិស្សានុសិស្សកំពុងតែមានបញ្ហាក្នុងជីវិត ហើយគិតចង់បោះបង់ការសិក្សាចោល ស្តាប់អ្នកគ្រូសិន អ្នកគ្រូមានសារដ៏សំខាន់មួយផ្ញើជូនទៅប្អូនៗ។ 🎓
-
Feeling like giving up when life gets difficult?
Listen to what teacher has to say. Her words might be just what you need to hear today. 🎓

#ជម្រើសអ្នកអនាគតអ្នក

19/09/2026

ដំណឹងល្អ! ថ្នាំបង្ការជំងឺរាកដែលបណ្តាលមកពីវីរុសរ៉ូតាមានផ្តល់ជូននៅគ្រប់មណ្ឌលសុខភាពនៅក្នុងប្រទេសកម្ពុជាយើង ដោយឥតគិតថ្លៃ។💉✨

សូមនាំកូនៗរបស់លោកអ្នកមកទទួលថ្នាំបង្ការទាំងអស់គ្នាដើម្បីការពារពួកគេពីជំងឺរាកធ្ងន់ធ្ងរ និងជួយឱ្យកុមារធំធាត់និងលូតលាស់ប្រកបដោយសុខភាពល្អ។

កម្មវិធីជាតិផ្តល់ថ្នាំបង្ការ National Immunization Program

18/09/2026

[English Below] - "ការគាំទ្រកុមារដល់ទីតាំង និងសហគមន៍ផ្ទាល់ដែលពួកគេរស់នៅគឺជាមធ្យោបាយដ៏ល្អបំផុតដើម្បីប្រាកដថា សេវា​ និងប្រព័ន្ធនានាដំណើរការល្អសម្រាប់ពួកគាត់​" - នេះជាប្រសាសន៍របស់លោកស្រីដាម៉ាច ម៉ាហា។

ក្នុងបេសកកម្មដំបូងរបស់នាយិកានៃយូនីសេហ្វប្រចាំប្រទេសកម្ពុជា លោកស្រីបានធ្វើដំណើរទៅដល់ខេត្តព្រះវិហារ ឧត្តរមានជ័យ និងបន្ទាយមានជ័យ ដែលខេត្តទាំងបីនេះជាខេត្តដែលរងផលប៉ះពាល់ខ្លាំងជាងគេដោយសារវិបត្តិព្រំដែន។

លោកស្រីបានចុះពិនិត្យកម្មវិធីនានាដែលគាំទ្រដោយយូនីសេហ្វ ព្រមទាំងជួបសំណេះសំណាល​ និងសួរសុខទុក្ខកុមារ គ្រួសារ បុគ្គលិកជួរមុខ អាជ្ញាធរមូលដ្ឋាន ព្រមទាំងដៃគូពាក់ព័ន្ធដើម្បីស្វែងយល់បន្ថែមពីការគាំទ្រដែលកុមារ និងសហគមន៍នៅទីនោះទទួលបាន។
-
“Reaching the children where they live, where the communities are, is the best way to actually make sure that the services and the systems work for them,” said Maha Damaj.

The first field mission of UNICEF’s Representative to Cambodia took her to Preah Vihear, Oddar Meanchey and Banteay Meanchey, three of the provinces most impacted by the border crisis. There, she visited UNICEF-supported programmes and met children, families, frontline workers, local authorities and UNICEF partners to see how they are supporting children and communities.

18/09/2026

នៅភូមិរង់ចាំ ក្នុងខេត្តបន្ទាយមានជ័យ ដែលជាទីស្នាក់បណ្តោះអាសន្នរបស់ប្រជាពលរដ្ឋភៀសសឹកជាង ១៥.០០០ នាក់ រួមទាំងកុមារផងនោះ យូនីសេហ្វ និងអង្គការ RACHA - រ៉ាឆាRACHA - រ៉ាឆា ដោយទទួលបានការគាំទ្រមូលនិធិពីរដ្ឋាភិបាលសហរដ្ឋអាមេរិក និងក្រុមហ៊ុន Smart Axiata បានផ្តល់នូវសេវាសុខភាព និងអាហាររូបត្ថម្ភចាំបាច់នានា ជូនដល់កុមារ ស្រ្តីជាម្តាយ និងគ្រួសារដែលកំពុងរស់នៅទីនោះ។

តាមរយៈក្រុមការងារចល័ត ក្រុមគ្រួសារអាចទទួលបានការផ្តល់ថ្នាំបង្ការ ការថែទាំសុខភាពទាំងមុន និងក្រោយសម្រាល ការពិនិត្យតាមដានអាហាររូបត្ថម្ភ ការប្រឹក្សាសុខភាព និងការគាំទ្រផ្លូវចិត្តនៅក្បែរទីតាំងដែលពួកគេរស់នៅ។ លើសពីនេះ គ្រួសារទាំងនោះក៏ទទួលបានការគាំពារសង្គមដែលក៏ជាគម្រោងគាំទ្រដោយយូនីសេហ្វ តាមរយៈ កម្មវិធី «កញ្ចប់គ្រួសារ» និងកម្មវិធីឧបត្ថម្ភសាច់ប្រាក់ពីកម្មវិធីអន្តរាគមន៍ពិសេស។ ការប្រមូលផ្តុំសេវាទាំងអស់នេះនៅកន្លែងតែមួយ ជួយឱ្យគ្រួសារងាយរងគ្រោះទទួលបានទាំងការថែទាំសុខភាព និងជំនួយហិរញ្ញវត្ថុចាំបាច់ ដើម្បីមើលថែកូនៗរបស់ពួកគាត់បានកាន់តែងាយស្រួល។

កិច្ចសហការរវាងយូនីសេហ្វ រាជរដ្ឋាភិបាលកម្ពុជា និងដៃគូនានា កំពុងជួយឱ្យកុមារអាចបន្តអភិវឌ្ឍន៍ទៅមុខទៀត។ កុមារគ្រប់រូប មានសិទ្ធិក្នុងការទទួលបានឱកាសរស់រានមានជីវិត លូតលាស់ និងរីកចម្រើនពេញលេញតាមសក្តានុពលរបស់ពួកគេ ទោះបីជាស្ថិតក្នុងស្ថានភាពមានវិបត្តិក្តី។
-
In Banteay Meanchey's Waiting Village, where more than 15,000 displaced people, including children, are currently living, UNICEF and our partner RACHA, with support from the United States Government and Smart Axiata, are bringing essential health and nutrition services directly to children, mothers, and families affected by the recent border crisis.

Through mobile outreach teams, families can access vaccinations, antenatal and postnatal care, nutrition screening, counselling, and psychosocial support close to where they live. Families are also being connected to UNICEF-supported social protection through the Family Package and emergency cash transfers. By bringing these services together in one place, vulnerable households receive both the care and the financial support they need to look after their children.

Together with the Royal Government of Cambodia and our partners, UNICEF is helping children to recover and move forward. Every child deserves the chance to survive, thrive, and reach their full potential, even in the face of crisis.

U.S. Embassy Phnom Penh, Cambodia
Smart for Cambodia

17/09/2026

ជិតដល់ថ្ងៃចូលរៀនហើយ ម៉ាក់ៗប៉ាៗកុំភ្លេចចម្អិនអាហារពេលព្រឹកដែលពោរពេញដោយអាហារូបត្ថម្ភឱ្យកូនៗញ៉ាំមុនទៅរៀន ព្រោះអាហារពេលព្រឹកផ្តល់ថាមពលសម្រាប់ការសិក្សា និងការលេង ព្រមទាំងជួយឱ្យពួកគេអភិវឌ្ឍខួរក្បាលបានល្អ និងបង្កើនភាពឆ្លាតវៃ។
-
🤝💙គាំទ្រការផលិតដោយ៖
MoEYS Cambodia
Australian Government Department of Foreign Affairs and Trade’s
Global Partnership for Education
UNICEF Cambodia - ដើម្បីកុមារគ្រប់រូប UNICEF Australia

| #ឪពុកម្តាយគ្រប់រូបអាចធ្វើបាន | #ឪពុកម្តាយខ្នះខ្នែងកូនឆ្លាត

17/09/2026