សហភាពសហព័ន្ធយុវជនកម្ពុជា វិស័យការបរទេស និងសហប្រតិបត្តិការអន្តរជាតិ

28/05/2026

នៅល្ងាចថ្ងៃទី២៨ ខែឧសភា ឆ្នាំ២០២៦ លោកជំទាវ ពេជ្រ ពុទ្ធិសាធបូព៌ានាគី សមាជិកាគណៈកម្មាធិការកណ្តាល សហភាពសហព័ន្ធយុវជនកម្ពុជា (ស.ស.យ.ក.) និងជាប្រធានស.ស.យ.ក. វិស័យការបរទេស និងសហប្រតិបត្តិការអន្តជាតិ បានដឹកនាំសមាជិកសមាជិកាចូលរួមកម្មវិធី «ដាស់ស្មារតីជាតិ» ឬ «Day of Reckoning» ក្រោមអធិបតីភាពដ៏ខ្ពង់ខ្ពស់របស់​ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា និងលោកជំទាវ នៅពហុកីឡាដ្ឋានជាតិអូឡាំពិក។

កម្មវិធី «ដាស់ស្មារតីជាតិ» រៀបចំឡើងក្នុងគោលបំណងផ្តល់ឱកាសដល់ប្រជាពលរដ្ឋខ្មែរ ជាពិសេស យុវជនជំនាន់ក្រោយបានយល់ដឹងពីដំណើរជាតិកម្ពុជា រួមមាន ការធ្លាក់ចុះនៃសង្គមជាតិ សោកនាដកម្ម ភាពសោកសង្រេង និងការងើបឡើងវិញ ជាមួយវឌ្ឍនភាពជាបន្តបន្ទាប់នៃប្រជាជាតិកម្ពុជាសម័យទំនើប។ កម្មវិធីនេះក៏ជាការបង្ហាញនូវការ​ចងចាំបទ​ពិសោធន៍​ និងព្រឹត្តិការណ៍ដែលប្រទេសកម្ពុជាបានឆ្លងកាត់ក្នុងឆ្នាំ២០២៥ ទាំងភាពឈឺចាប់ ការលំបាក និងភាពអយុត្តិធម៌ ដើម្បីប្រែក្លាយអតីតកាលទាំងនោះទៅជាកម្លាំងនៃសាមគ្គីភាព និងឯកភាពជាតិ សម្រាប់ពង្រឹងខ្លួន និងការពារសុខសន្តិភាពជាតិឱ្យបានរឹងមាំជានិច្ច។

28/05/2026

28/05/2026

27/05/2026

នៅព្រឹកថ្ងៃទី២៧ ខែឧសភា ឆ្នាំ២០២៦ នៅទីស្តីការក្រសួងការបរ ទេស និងសហប្រតិបត្តិការអន្តជាតិ សហភាពសហព័ន្ធយុវជនកម្ពុជា វិស័យការបរទេស និងសហប្រតិបត្តិការអន្តជាតិ បានរៀបចំវគ្គបណ្តុះបណ្តាលស្តីពី «អតិថិវិន័យ»(International Etiquette) ដែលមានលោកជំទាវ ខៀវ មាលី និងលោកស្រី សាពណ៌ រិនដល ជាវាគ្មិនកិត្តិយស និងមានការចូលរួមពីសមាជិក សមាជិកាសហភាពសហព័ន្ធយុវជនកម្ពុជាចំនួន ចំនួន១៣៥រូប ពី ៣៣ វិស័យ ។

ថ្លែងក្នុងពិធីបិទ និងចែកវិញ្ញាបនប័ត្រជូនសិក្ខាកាមនៃវគ្គបណ្តុះបណ្តាល លោកជំទាវ ពេជ្រ ពុទ្ធិសាធបូព៌ានាគី សមាជិកាគណៈកម្មាធិការកណ្តាល ស.ស.យ.ក. និងប្រធានសហភាពសហព័ន្ធយុវជនកម្ពុជា វិស័យការបរទេស និងសហប្រតិបត្តិការអន្តជាតិ បានលើកឡើងថា ការចូលរួមរបស់សមាជិក សមាជិកា នៃមហាគ្រួសារសហភាពសហព័ន្ធកម្ពុជា ក្នុងវគ្គបណ្តុះបណ្តាលនេះ បង្ហាញឱ្យឃើញនូវការខិតខំប្រឹងប្រែងរបស់យុវជនកម្ពុជាក្នុងការអភិវឌ្ឍសមត្ថភាព និងកសាងខ្លួនឱ្យក្លាយទៅជាមូលធនមនុស្សប្រកបដោយស្មារតីនៃការរួបរួមជាកម្លាំងសាមគ្គីភាពដ៏រឹងមាំរបស់កម្ពុជា។
ទន្ទឹមនេះ លោកជំទាវបានបញ្ជាក់ថា បុគ្គលមួយរូបអាចចាត់ទុកជាអ្នកការទូតម្នាក់ ដែលមានតួនាទីតំណាងនៃជាតិរបស់ខ្លួនក្នុងការចូលរួមផ្សព្វផ្សាយអំពីសក្តានុពល តាមរយៈការបង្ហាញនូវសុជីវធម៌ វប្បធម៌ និងអរិយធម៌ទៅកាន់ពិភពលោក។

14/05/2026

ក្នុងវរោកាសដ៏មហានក្ខត្តឫក្សឧត្តុង្គឧត្តមថ្លៃថ្លា នៃព្រះរាជពិធីចម្រើនព្រះជន្ម គម្រប់ ៧៣ យាងចូល ៧៤ព្រះវស្សា នៃព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា ក្រុមគ្រួសារសហភាពសហព័ន្ធយុវជនកម្ពុជា សូមលំឱនកាយ វាចារ ចិត្ត ក្រាបថ្វាយព្រះសព្ទសាធុការពរជ័យ បវរសួស្តី សិរីមង្គល វិបុលសុខ មហាប្រសើរគ្រប់ប្រការ ថ្វាយព្រះករុណាជាអម្ចាស់ជីវិតលើត្បូង។

ទូលព្រះបង្គំយើងខ្ញុំជាសមាជិក សមាជិកា ក្រុមគ្រួសារសហភាពសហព័ន្ធយុវជនកម្ពុជាគ្រប់រូប សូមលើកហត្ថប្រណមបួងសួងដល់វត្ថុស័ក្ដិសិទ្ធិទាំងឡាយក្នុងលោក គុណបុណ្យព្រះរតនត្រ័យកែវទាំងបី ទេវតាថែរក្សាទឹកដីនៃព្រះរាជាណាចក្រកម្ពុជា ទេវតាថែរក្សាព្រះមហាស្វេតច្ឆត្រ គុណបុណ្យបារមីនៃដួងព្រះវិញ្ញាណក្ខន្ធអតីតព្រះមហាវីរក្សត្រ ព្រះវររាជបិតាជាតិ ព្រះបរមរតនកោដ្ឋ ទេវតាថែរក្សាឆ្នាំថ្មី ឆ្នាំម្សាញ់ សូមព្រះអង្គតាមជួយថែរក្សាអភិបាលប្រោះព្រំព្រះសព្ទសាធុការពរជ័យគ្រប់ប្រការថ្វាយចំពោះព្រះករុណាជាអម្ចាស់ជីវិតលើត្បូង ជាទីគោរពសក្ការៈដ៏ខ្ពង់ខ្ពស់បំផុត និងសូមព្រះអង្គទ្រង់ប្រកបដោយ ព្រះរាជសុខភាពល្អបរិបូរណ៍ ព្រះកាយពលរឹងមាំ ព្រះបញ្ញាញាណភ្លឺថ្លាត្រចះត្រចង់ ព្រះជន្មាយុយឺនយូរចាកផុតនូវព្រះរោគាព្យាធិនានា ជាអង្វែងតរៀងទៅដើម្បីគង់ប្រថាប់ជាម្លប់ដ៏ត្រជាក់ត្រជុំដល់ប្រជានុរាស្រ្ដរបស់ព្រះអង្គជានិច្ចនិរន្ដរ៍។

05/05/2026

អបអរសាទរព្រះរាជពិធី «ច្រត់ព្រះនង្គ័ល»

ព្រះរាជពិធីច្រត់ព្រះនង្គ័ល ជាព្រះរាជពិធីដែលត្រូវបានប្រារព្ធឡើងជារៀងរាល់ឆ្នាំក្នុងខែពិសាខ ក្នុងគោលបំណងផ្សងមើលប្រផ្នូលរបស់ស្រុកទេស ទៅតាមការបរិភោគរបស់ «គោឧសភរាជ» ក៏ដូចជាការដាស់តឿនក្រើនរម្លឹក ដល់ប្រជានុរាស្រ្ដចាប់ផ្ដើមត្រៀមសម្រាប់ការដាំដុះ ធ្វើស្រែចំការដែលបានចូលមកដល់ហើយ។

ក្រុមគ្រួសារសហភាពសហព័ន្ធយុវជនកម្ពុជាសូមគោរពជូនពរបងប្អូនប្រជាកសិករទូទាំងប្រទេសទទួលបានទិន្នផលខ្ពស់ ចាកផុតគ្រោះភ័យចង្រៃទាំងពួង។