https://www.facebook.com/326383098021542/

សមាគមអភិវឌ្ឍន៍នារីឥស្លាមកម្ពុជា - Cambodian Islamic Women Development

Home
Cambodia
Phnom Penh
សមាគមអភិវឌ្ឍន៍នារីឥស្លាមកម្ពុជា - Cambodian Islamic Women Development

Contact information, map and directions, contact form, opening hours, services, ratings, photos, videos and announcements from សមាគមអភិវឌ្ឍន៍នារីឥស្លាមកម្ពុជា - Cambodian Islamic Women Development, Nonprofit Organization, Phnom Penh.

13/07/2026

អបអរសាទរ🔥🔥🇰🇭
-វីរៈកីឡាករ សាលី អូមើត ( Saly Ou Moeut ) ទទួលបានមេដាយមាស🥇១គ្រឿង លើវិញ្ញាសារ Sport GP
ក្នុងព្រឹត្តិការណ៍ប្រកួតកីឡាម៉ូតូទឹកលំដាប់ថ្នាក់ពិភពលោក កម្មវិធី Jet Ski World Series ជុំទី១ នៅប្រទេស ប៊ុលហ្គារ៊ី (Bulgaria) ថ្ងៃទី១២ ខែកក្កដា ឆ្នាំ២០២៦

18/06/2026

សូមក្រាបថ្វាយបង្គំថ្វាយព្រះពរសម្តេចព្រះមហាក្សត្រីយ៍ នរោត្តម មុនិនាថ សីហនុព្រះវររាជមាតាជាតិខ្មែរក្នុងសេរីភាព សេចក្តីថ្លៃថ្នូរ និងសុភមង្គលក្នុងឱកាសដ៏មហានក្ខត្តឫក្សថ្លៃថ្លានៃព្រះរាជពិធីបុណ្យចម្រើនព្រះជន្មាយុគម្រប់ ៩០ យាងចូល ៩១ ព្រះវស្សាថ្ងៃទី១៨ ខែមិថុនា ឆ្នាំ២០២៦
-----------------------------------------
សូមក្រាបបង្គុំទូលថ្វាយព្រះពរពី
សមាគមអភិវឌ្ឍន៍នារីឥស្លាមកម្ពុជា

07/06/2026

ដំណើរកម្សាន្តពាក់កណ្តាលវគ្គរបស់សិក្ខាកាមកាត់ដេរ នៃគម្រោង "កាត់ដេរដោយក្ដីសង្ឃឹម" ឆ្នាំ២០២៦

នាថ្ងៃទី៧ ខែមិថុនា ឆ្នាំ២០២៦ សិក្ខាកាមកាត់ដេរ នៃគម្រោង "កាត់ដេរដោយក្ដីសង្ឃឹម" បានរៀបចំដំណើរកម្សាន្តពាក់កណ្តាលវគ្គ ក្នុងគោលបំណងបង្កើនភាពស្និទ្ធស្នាល ការផ្លាស់ប្តូរបទពិសោធន៍ និងការលើកទឹកចិត្តក្នុងការបន្តអភិវឌ្ឍជំនាញកាត់ដេររបស់ខ្លួន។ក្នុងដំណើរកម្សាន្តនេះ ក៏មានកម្មវិធីសំណេះសំណាល និងចែករំលែកបទពិសោធន៍ពីដំណើររៀនសូត្រកាត់ដេរ ចាប់តាំងពីជំហានដំបូងនៃការស្គាល់ម៉ាស៊ីនដេរ និងម្ជុលដេរ រហូតដល់ការអាចរចនា និងដេរចេញជាសម្លៀកបំពាក់ដ៏ស្រស់ស្អាតដោយខ្លួនឯង។ ការចែករំលែកទាំងនេះបានបង្ហាញពីការខិតខំប្រឹងប្រែង ការតស៊ូ និងភាពរីកចម្រើនរបស់សិក្ខាកាមម្នាក់ៗក្នុងការសិក្សាជំនាញថ្មីមួយសម្រាប់ជីវភាពរស់នៅ។

ក្នុងឱកាសនោះផងដែរ សិក្ខាកាមបានសម្តែងនូវក្តីសោមនស្សរីករាយ និងថ្លែងអំណរគុណយ៉ាងជ្រាលជ្រៅដល់ សមាគមអភិវឌ្ឍន៍នារីឥស្លាមកម្ពុជា និង អង្គការHasene ដែលបានគាំទ្រ និងផ្តល់ឱកាសតាមរយៈគម្រោងនេះ។ ជាពិសេស សិក្ខាកាមបានថ្លែងអំណរគុណដល់លោកជំទាវប្រធាន ដែលតែងតែខិតខំប្រឹងប្រែង ជ្រោមជ្រែង និងលើកកម្ពស់សមត្ថភាពស្ត្រីកម្ពុជា ឱ្យទទួលបានចំណេះដឹង និងជំនាញវិជ្ជាជីវៈសម្រាប់អភិវឌ្ឍជីវិត និងបង្កើនឱកាសសេដ្ឋកិច្ចរបស់ខ្លួននាពេលអនាគត។

03/06/2026

សមាគមអភិវឌ្ឍន៍នារីឥស្លាមកម្ពុជា ចេញញ្ញត្តិគាំទ្រយ៉ាងពេញទំហឹងចំពោះការសម្រេចចិត្តរបស់ រាជរដ្ឋាភិបាល ក្នុងការជូនដំណឹងទៅភាគីថៃ និងអគ្គលេខាធិការអង្កការសហប្រជាតិ ដើម្បីចាប់ផ្តើមដំណើរការយន្តការផ្សះផ្សាដោយបង្ខំ

19/05/2026

ឯកឧត្តមបណ្ឌិត អូស្មាន ហាស្សាន់ ទេសរដ្ឋមន្រ្តីទទួលបន្ទុកបេសកកម្មពិសេស និង លោកជំទាវ អាស៊ីយ៉ះ អាលី អូស្មានហាស្សាន់ ប្រធានសមាគមអភិវឌ្ឍន៍នារីឥស្លាមកម្ពុជា បានអញ្ជេីញជូនដំណេីរសាសនិកឥស្លាមចំនួន 10នាក់ ទៅបំពេញកាតព្វកិច្ចបុណ្យហាជ្ជីនៅទីក្រុងម៉ាក្កះ ប្រទេសអារ៉ាបីសាអូឌីត។ នេះគឺជាជេីងចុងក្រោយនៃក្រុមហាជ្ជីទាំង 1210នាក់ ដែលបានចេញដំណេីរនៅឆ្នាំនេះ។ ហាជ្ជីទាំង10នាក់ខាងលេី ទទួលបានព្រះរាជទានពីព្រះចៅសាល់ម៉ាន ព្រះមហាក្សត្រ នៃព្រះរាជាណាចក្រអារ៉ាប៊ីសាអូឌីត និងព្រះរាជទាយាទ ម៉ូហាំម៉ាត់ ពិន សាល់ម៉ាន នាយករដ្ឋមន្ត្រី នៃព្រះរាជាណាចក្រអារ៉ាប៊ីសាអ៊ូឌីត៕ 18-05-2026

09/05/2026

ដំណឹងល្អសម្រាប់ស្ត្រីឥស្លាមកម្ពុជា! 🌸

បន្ទាប់ពីសមាគមអភិវឌ្ឍន៍នារីឥស្លាមកម្ពុជា ទទួលបានជោគជ័យក្នុងការបើកវគ្គបណ្តុះបណ្តាលកាត់ដេរដោយឥតគិតថ្លៃវគ្គទី១រួចមក ឥឡូវនេះសមាគមមានសេចក្ដីសោមនស្សរីករាយសូមជម្រាបជូនដល់សាធារណជនថា សមាគមនឹងបើកទទួលសិក្ខាកាមថ្មី សម្រាប់វគ្គបណ្តុះបណ្តាលទី២នៃខែមិថុនា ឆ្នាំ២០២៦ លើជំនាញកាត់ដេរ ដោយឥតគិតថ្លៃ ក្រោមគម្រោង “កាត់ដេរដោយក្ដីសង្ឃឹម”។

វគ្គបណ្តុះបណ្តាលនេះមានគោលបំណងផ្តល់ឱកាសដល់ស្ត្រីឥស្លាមក្នុងការអភិវឌ្ឍជំនាញវិជ្ជាជីវៈ និងបង្កើតអនាគតការងារសមរម្យដែលមានស្ថេរភាព និងចំណូលមួយល្អប្រសើរសម្រាប់ខ្លួនឯង និងក្រុមគ្រួសារ។

✍️ ឯកសារសំខាន់ៗក្នុងការចុះឈ្មោះ៖

✅ អត្តសញ្ញាណប័ណ្ណ ឬ សំបុត្រកំណើត
✅ រូបថតភ្ជាប់ 4x6 3សន្លឹក

📌ស្រ្តីមូស្លីមដែលមានជីវភាពខ្វះខាត ត្រូវបានលើកទឹកចិត្ត និងផ្តល់អាទិភាព។

👉 ចុះឈ្មោះតាមរយៈលេខទូរស័ព្ទ៖ 0886361135 ឬ តាមLink និងស្កេន QR ខាងលើ
Link សម្រាប់ចុះឈ្មោះ ៖https://forms.gle/K9fq6PALq5ui6HtZ9

⚠️សូមបញ្ជាក់ថា៖ សមាគមមិនទទួលខុសត្រូវលើការស្នាក់នៅ និងចំណាយផ្សេងៗនោះទេ។

25/04/2026

គណៈប្រតិភូសមាគមអភិវឌ្ឍន៍នារីឥស្លាមកម្ពុជា អញ្ជើញសួរសុខទុក្ខលោកជំទាវ អាស៉ីយ៉ះ អាលី អូស្មានហាស្សាន់ ប្រធានសមាគមអភិវឌ្ឍន៍នារីឥស្លាមកម្ពុជា នៅគេហដ្ឋានលោកជំទាវផ្ទាល់ នាព្រឹកថ្ងៃទី២៤ ខែមេសា ឆ្នាំ២០២៦។

24/04/2026

គណៈប្រតិភូសមាគមអភិវឌ្ឍន៍នារីឥស្លាមកម្ពុជា ចូលជួបសម្តែងការគួរសម និងពិភាក្សាការងារជាមួយឯកឧត្តមឯកអគ្គរដ្ឋទូតតួកគីយ៉េថ្មីប្រចាំកម្ពុជា
————————
ភ្នំពេញ៖ នាព្រឹកថ្ងៃទី២៤ ខែមេសា ឆ្នាំ២០២៦ គណៈប្រតិភូសមាគមអភិវឌ្ឍន៍នារីឥស្លាមកម្ពុជា ដឹកនាំដោយ លោកជំទាវ ម៉ាណ ណាវី អនុប្រធានសមាគមអភិវឌ្ឍន៍នារីឥស្លាមកម្ពុជា បានចូលជួបសម្ដែងការគួរសម និងពិភាក្សាការងារ ជាមួយឯកឧត្ដម MESUT OZCAN ឯកអគ្គរដ្ឋទូតសាធារណរដ្ឋតួកគីយ៉េថ្មី ប្រចាំព្រះរាជាណាចក្រកម្ពុជា នៅស្ថានទូតតួកគីយ៉េ រាជធានីភ្នំពេញ។

ក្នុងឱកាសនោះ លោកជំទាវ ម៉ាន ចិន្តា អនុប្រធានអចិន្ត្រៃយ៍សមាគមអភិវឌ្ឍន៍នារីឥស្លាមកម្ពុជា បានថ្លែងអំណរគុណចំពោះឯកឧត្តមឯកអគ្គរដ្ឋទូត ដែលបានអនុញ្ញាតឱ្យគណៈប្រតិភូចូលជួប និងអបអរសាទរចំពោះការតែងតាំងឯកឧត្តមជាឯកអគ្គរដ្ឋទូតថ្មីប្រចាំកម្ពុជា និងលើកឡើងពីគម្រោងនានាដែលសមាគមបានធ្វើការយ៉ាងជិតស្និទ្ធជាមួយរដ្ឋាភិបាលតួកគីយ៉េ តាមរយៈ ទីភ្នាក់ងារសហប្រតិបត្តិការ និងសម្របសម្រួលតួកគីយ៉េ (TIKA ) ,អង្គការអន្តរជាតិ Hasane និងអង្គការដៃគូរផ្សេងៗទៀត។

លោកជំទាវ បន្តយ៉ាងដូច្នេះថា៖«កន្លងមក សមាគមយើងខ្ញុំទទួលបានការគាំទ្រយ៉ាងល្អពីសំណាក់អង្គការនានារបស់តួកគីយ៉េ ប៉ុន្តែដើម្បីឆ្លើយតបទៅនឹងតម្រូវការដែលកំពុងកើនឡើងរបស់ស្ត្រីឥស្លាមកម្ពុជា យើងខ្ញុំសង្ឃឹមយ៉ាងមុតមាំថា ឯកឧត្តមនឹងជួយជាស្ពានចម្លងដ៏សំខាន់ ក្នុងការជំរុញ និងពង្រីកកិច្ចសហប្រតិបត្តិការជាមួយអង្គការទាំងនោះ ឱ្យកាន់តែស៊ីជម្រៅ និងគ្រប់ជ្រុងជ្រោយបន្ថែមទៀត ក្នុងអាណត្តិរបស់ឯកឧត្តម»។ លោកជំទាវ ក៏បានជម្រាបជូនឯកឧត្តមអំពីការយកចិត្តទុកដាក់របស់រាជរដ្ឋាភិបាលកម្ពុជា ចំពោះសុខដុមនីយកម្មសាសនា និងការផ្ដល់ឱកាសដល់ស្ត្រីឥស្លាមបានចូលរួមក្នុងកិច្ចការសង្គម និងនយោបាយផងដែរ។

ជាការឆ្លើយតប ឯកឧត្តម បានវាយតម្លៃខ្ពស់ចំពោះតួនាទីរបស់សមាគមក្នុងការជួយដល់ស្ត្រី និងសហគមន៍ឥស្លាមនៅកម្ពុជា ហើយបានបញ្ជាក់ថា តួកគីយ៉េនៅតែចាត់ទុកកម្ពុជាជាមិត្តដ៏ល្អ ហើយលោកនឹងបន្តជំរុញគម្រោងដែលកំពុងមានស្រាប់ឱ្យកាន់តែមានប្រសិទ្ធភាព។ ឯកឧត្តមបន្ថែមថា គាត់រីករាយក្នុងការធ្វើជាស្ពានចម្លងជាមួយ TIKA និងស្ថាប័នពាក់ព័ន្ធដទៃទៀត ដើម្បីពិនិត្យមើលលទ្ធភាពក្នុងការផ្តល់ជំនួយបច្ចេកទេស វិស័យអប់រំ និងមនុស្សធម៌៕

Address

Phnom Penh
12201

Website

facebook.com

Alerts

Be the first to know and let us send you an email when សមាគមអភិវឌ្ឍន៍នារីឥស្លាមកម្ពុជា - Cambodian Islamic Women Development posts news and promotions. Your email address will not be used for any other purpose, and you can unsubscribe at any time.