03/08/2026
ក្រុមហ៊ុន ញូ-ធី-រីច (New-T-Rich) រៀបចំកិច្ចប្រជុំថ្នាក់ដឹកនាំ និងដៃគូអាជីវកម្មទូទាំងប្រទេស ព្រមទាំងប្រគល់រង្វាន់ដល់ជ័យលាភីឆ្នើម ( TOP 10 )
ភ្នំពេញ៖កាលពីថ្ងៃអាទិត្យ ៤រោច ខែទុតិយាសាឍ ព.ស.២៥៧០ ត្រូវនឹងថ្ងៃទី០២ ខែសីហា ឆ្នាំ២០២៦ នៅរាជបណ្ឌិត្យសភាកម្ពុជា រាជធានីភ្នំពេញ ក្រុមហ៊ុន ញូ-ធី-រីច បានរៀបចំកិច្ចប្រជុំថ្នាក់ដឹកនាំ និងដៃគូអាជីវកម្មរបស់ខ្លួន ដែលអញ្ជើញមកពី ២៥ រាជធានី-ខេត្ត ទូទាំងព្រះរាជាណាចក្រកម្ពុជា ប្រមាណជាង៦០០នាក់ ក្រោមបរិយាកាសរីករាយ និងអធិកអធមជាទីបំផុត។
នៅក្នុងព្រឹត្តិការណ៍ដ៏មានសារៈសំខាន់នេះ កម្មវិធីបានរៀបចំឲ្យមានការធ្វើបទបង្ហាញអំពី «អាជីវកម្មសម័យទំនើបសតវត្សទី២១» ព្រមទាំងមានការប្រគល់រង្វាន់លើកទឹកចិត្ត ជូនដល់សមាជិកដែលមានតំណែងកិត្តិយសថ្មី។ ពិសេសជាងនេះទៅទៀត ក៏មានការប្រគល់រង្វាន់កិត្តិយសជូនដល់ដៃគូអាជីវកម្មឆ្នើមចំនួន ១០ រូប ( TOP 10 ) ដែលមានសកម្មភាពលេចធ្លោ និងទទួលបានចំណូលខ្ពស់ជាងគេក្នុងខែកក្កដាកន្លងទៅនេះ ប្រចាំក្រុមហ៊ុនផងដែរ។
ថ្លែងក្នុងកិច្ចបើកអង្គប្រជុំ លោកហាន សីហា អគ្គនាយក និងជាស្ថាបនិក ក្រុមហ៊ុន ញូ-ធី-រីច បានមានប្រសាសន៍សង្កត់ធ្ងន់ថា៖សុខភាព ជីវភាព និងពេលវេលា គឺជាសេចក្តីសុខពិតប្រាកដ ដែលមនុស្សគ្រប់រូបតែងតែប្រាថ្នាចង់បាន។
លោកអគ្គនាយកបានបន្តថា បច្ចុប្បន្ននេះ ក្រុមហ៊ុន ញូ-ធី-រីច បាននិងកំពុងពង្រីកទីផ្សាររបស់ខ្លួនយ៉ាងទូលំទូលាយនៅទូទាំងប្រទេស និងកំពុងឈានជើងចូលទីផ្សារអន្តរជាតិ ដែលក្នុងនោះរួមមាន សហគមន៍អឺរ៉ុប ទ្វីបអាហ្វ្រិក និងតំបន់អាស៊ី។ ក្រៅពីនេះ ក៏មានបណ្តាប្រទេសជាច្រើនទៀតនៅទ្វីបផ្សេងៗ កំពុងគាំទ្រ និងប្រើប្រាស់ផលិតផលរបស់ក្រុមហ៊ុនផងដែរ។
ទន្ទឹមនឹងភាពជោគជ័យនេះ ដើម្បីចូលរួមចំណែកជាមួយគោលនយោបាយរបស់រាជរដ្ឋាភិបាលកម្ពុជា លោកអគ្គនាយក ក៏បានអំពាវនាវដល់បងប្អូនប្រជាពលរដ្ឋទាំងអស់ ឲ្យយកចិត្តទុកដាក់ខ្ពស់ក្នុងការថែទាំសុខភាព ដើម្បីឈានទៅកាត់បន្ថយ និងលប់បំបាត់ជំងឺមិនឆ្លង (NCD) ឲ្យខានតែបាន ដោយលោកបានបញ្ជាក់ថា ផលិតផលរបស់ក្រុមហ៊ុន ញូ-ធី-រីច ដែលមានអាហារូបត្ថម កាហ្វេ និងម្សៅទឹកដោះគោ Super milk New-T-Rich គឺជាជម្រើសដ៏ល្អបំផុតសម្រាប់បងប្អូនយកទៅប្រើប្រាស់ដើម្បីថែទាំសុខភាពប្រចាំថ្ងៃ។
ជាទីបញ្ចប់ លោកអគ្គនាយក បានថ្លែងអំណរគុណ និងប្រសិទ្ធពរជ័យសិរីមង្គល ជូនដល់ប្រមុខរាជរដ្ឋាភិបាល មន្រ្តីរាជការ ដៃគូអាជីវកម្ម និងមនុស្សជាតិទូទាំងពិភពលោក សូមទទួលបាននូវសុខុមាលភាព ជីវភាពធូរធារ និងសមប្រកបដោយពុទ្ធពរទាំង ៤ ប្រការគឺ អាយុ វណ្ណៈ សុខៈ និងពលៈ កុំបីឃ្លៀងឃ្លាតឡើយ៕
