សង់ត្រាល់ - CENTRAL

18/06/2026

🇰🇭 ឯកអគ្គរាជទូត Christian DesRoches មានកិត្តិយសយ៉ាងខ្លាំងដែលបានជួបកាលពីម្សិលមិញជាមួយមេដឹកនាំសហជីពការងារឯករាជ្យ។ ប្រទេសកាណាដា យកចិត្តទុកដាក់ខ្ពស់ចំពោះភាពជាដៃគូដ៏រឹងមាំរបស់ខ្លួនជាមួយប្រទេសកម្ពុជា រួមទាំងទំនាក់ទំនងពាណិជ្ជកម្មដែលកំពុងមានការលូតលាស់។ ការគោរពតាមស្តង់ដារការងារដែលទទួលស្គាល់ជាសកល និងការការពារសិទ្ធិកម្មករយ៉ាងរឹងមាំ គឺជាធាតុសំខាន់ៗដែលជួយគាំទ្រដល់ទំនាក់ទំនងសេដ្ឋកិច្ចដែលមានយុត្តិធម៌ មានភាពធន់ និងផ្តល់ផលប្រយោជន៍ទៅវិញទៅមក។ យើងរង់ចាំទស្សនាដោយក្តីរំពឹងចំពោះការបន្តការចូលរួមជាមួយរាជរដ្ឋាភិបាល តំណាងកម្មករ និយោជក និងដៃគូពាក់ព័ន្ធនានា ដើម្បីគាំទ្រដល់អភិបាលកិច្ចល្អ អនុវត្តន៍អាជីវកម្មដោយទំនួលខុសត្រូវ និងបង្កើតឱកាសដែលផ្តល់ប្រយោជន៍ដល់គ្រប់ភាគី។

🇨🇦 Ambassador DesRoches was pleased to meet yesterday with leaders from independent labour unions. Canada values its strong partnership with Cambodia, including our growing trade ties. Respect for internationally recognized labour standards and robust protections for workers are key elements that help underpin fair, resilient, and mutually beneficial economic relationships. We look forward to continuing our engagement with the government, labour representatives, employers, and partners to support good governance, responsible business practices, and opportunities that benefit all.

16/06/2026

អ្នកធ្វើការតាមផ្ទះទទូចឲ្យរដ្ឋាភិបាលកម្ពុជាផ្តល់សច្ចាប័នលើអនុសញ្ញា ILO ស្តីពីលក្ខខ័ណ្ឌស្មើភាពដូចកម្មករក្នុងវិស័យដទៃ

📅 ចេញផ្សាយថ្ងៃទី ១៦ ខែមិថុនា ឆ្នាំ២០២៦
✍️ ដោយ៖ មាន សំណាង

ក្រុមអ្នកធ្វើការតាមផ្ទះ នៅព្រឹកថ្ងៃអង្គារទី១៦មិថុនានេះ បានដាក់ញត្តិទៅកាន់ក្រសួងការការងារ និងបណ្តុះបណ្តាលវិជ្ជាជីវៈ ដើម្បីឲ្យរដ្ឋាភិបាលកម្ពុជាពន្លឿនការផ្តល់សច្ចាប័នលើអនុសញ្ញា ILO C១៨៩ ដែលតម្រូវឲ្យរដ្ឋជាសមាជិកផ្តល់សិទ្ធិ និងការការពារស្មើៗគ្នា ដល់អ្នកបម្រើការងារតាមផ្ទះ ដូចទៅនឹងកម្មករក្នុងវិស័យដទៃ។

យ៉ាងហោចណាស់ មានអ្នកធ្វើការងារតាមផ្ទះជាង១០០នាក់ បានរួមគ្នាផ្តិតមេដៃដាក់ញត្តិទៅកាន់ក្រសួងការងារ នាព្រឹកថ្ងៃអង្គារនេះ ដើម្បីឲ្យរដ្ឋាភិបាលកម្ពុជាជួយដោះស្រាយបញ្ហាប្រឈមរបស់ពួកគេ។

ក្នុងសេចក្តីស្នើទៅកាន់រដ្ឋមន្ត្រីក្រសួងការងារគឺលោក ហេង សួរ សមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ដែលមានលោក វន់ ពៅ ប្រធានបានបញ្ជាក់ថា សមាគមបាននិងកំពុងសហការជាមួយគម្រោងធំៗមួយចំនួន ដើម្បីលើកកម្ពស់កិច្ចគាំពារសង្គម និងសិទ្ធិការងារដល់កម្មករបម្រើការងារតាមផ្ទះ។

សេចក្តីស្នើនេះ ធ្វើឡើងចំពេលសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ បានរៀបចំទិវាអន្តរជាតិការងារតាមផ្ទះ ១៦មិថុនា ខួបលើកទី១៥ ក្រោមប្រធានបទស្តីពី «ឆ្ពោះទៅសិទ្ធិការងារ សន្តិសុខការងារ និងគាំពារសង្គមសម្រាប់កម្មករការងារតាមផ្ទះ»។

ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ លោក វន់ ពៅ បានឲ្យដឹងថា ការដាក់ញត្តិទៅកាន់ក្រសួងការងារនៅថ្ងៃទី១៦មិថុនានេះ ជាឱកាស ដើម្បីស្នើឲ្យក្រសួងការងារពិចារណាពន្លឿនការផ្តល់សច្ចាប័នដល់អនុញ្ញា ICL C១៨៩ ធ្វើយ៉ាងណាផ្តល់លក្ខខ័ណ្ឌការងារសមរម្យដល់ក្រុមកម្មករដែលធ្វើការតាមផ្ទះ។

លោកវន់ ពៅ បន្ថែមថា ៖ «អនុសញ្ញា ១៨៩ គឺធានាកម្មករធ្វើការតាមផ្ទះ លក្ខខណ្ឌការងារ ធានាសិទ្ធិការឈប់សម្រាក ប្រាក់ឈ្នួលអប្បបរមា ហើយធានាសម្រាប់កម្មករធ្វើការតាមផ្ទះ ដែលចំណាកស្រុកទៅធ្វើការនៅក្រៅប្រទេសថែមទៀត»។ បើតាមលោក វន់ ពៅ អនុសញ្ញា ILO មួយនេះ មានសារៈសំខាន់សម្រាប់ក្រុមកម្មករធ្វើការតាមផ្ទះទាំងក្នុងប្រទេស និងក្រៅប្រទេស។

ក្នុងនាមជាអ្នកតំណាងក្រុមកម្មករធ្វើការតាមផ្ទះ លោកស្រី យុង ស្រីមុំ បានទាមទារឲ្យក្រសួងការងារពន្លឿនការផ្តល់សច្ចាប័នលើអនុសញ្ញា ILO C១៨៩ និងការធានាលើការចុះបញ្ជីប.ស.ស។

បើតាមលោកស្រី យុង ស្រីមុំ បច្ចុប្បន្នក្រុមអ្នកធ្វើការតាមផ្ទះដែលមានផ្ទះជាម្ចាស់ជនបរទេស មានភាពល្អប្រសើរច្រើន តែសម្រាប់ក្រុមអ្នកធ្វើការតាមផ្ទះដែលមានម្ចាស់ជាជនជាតិខ្មែរ បានជួបបញ្ហាប្រឈមច្រើន។ បញ្ហាប្រឈមនៅត្រង់ថា លក្ខខណ្ឌការងារ កិច្ចសន្យាការងារ និងការចុះបញ្ជីប.ស.ស ដែលម្ចាស់ផ្ទះជាជនជាតិខ្មែរ នៅមិនទាន់យល់ពីច្បាប់ការងារកម្ពុជា។ នេះបើតាមតំណាងក្រុមអ្នកធ្វើការតាមផ្ទះ។

ប្រធានសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ ទទួលស្គាល់នូវបញ្ហប្រឈមដែលក្រុមកម្មករធ្វើការតាមផ្ទះកំពុងជួបប្រទះសព្វថ្ងៃនេះ។ អ្វីដែលលោកកត់សម្គាល់ និងព្រួយបារម្ភខ្លាំងនោះ គឺជាការពន្យាពេលផ្ដល់សច្ចាប័នលើអនុសញ្ញា ILO C១៨៩ នឹងអាចធ្វើឲ្យកម្មករខ្មែរដែលចំណាកស្រុកទៅធ្វើការតាមផ្ទះនៅក្រៅប្រទេស ជួបបញ្ហាប្រឈមកាន់តែច្រើន ជាពិសេសសម្រាប់កម្មករខ្មែរនៅប្រទេសថៃ នាអំឡុងពេលដែលកម្ពុជានិងថៃមានជម្លោះព្រំដែនក្នុងពេលបច្ចុប្បន្ន៕

16/06/2026

សេចក្តីថ្លែងការណ៍រួម៖ អង្គការសហប្រជាជាតិ អំពាវនាវឱ្យរាជរដ្ឋាភិបាលកម្ពុជាពង្រឹងការការពារប្រឆាំងនឹងអំពើហិង្សាផ្លូវភេទ
ថ្ងៃទី ១៦ ខែមិថុនា ឆ្នាំ ២០២៦
គណៈកម្មាធិការអង្គការសហប្រជាជាតិទទួលបន្ទុកអនុសញ្ញាលុបបំបាត់រាល់ទម្រង់នៃការរើសអើងប្រឆាំងលើស្ត្រីភេទ(គណៈកម្មាធិការ) បានចេញសេចក្តីសម្រេចពាក់ព័ន្ធនឹងករណីបុគ្គលជាលើកដំបូងរបស់ខ្លួនសម្រាប់ប្រទេសកម្ពុជា ដោយរកឃើញថា រាជរដ្ឋាភិបាលកម្ពុជាបានរំលោភបំពានសិទ្ធិក្មេងស្រីកម្ពុជាម្នាក់ ដែលត្រូវបានរំលោភសេពសន្ថវៈជាបន្តបន្ទាប់ពីសំណាក់មន្ត្រីនគរបាលម្នាក់ ។
តំណភ្ជាប់/Link: https://central-cambodia.org/publication/statements/join-statement/un-calls-on-cambodian-government-to-strengthen-protections-against-sexual-violence
សម្រាប់ភាសាខ្មែរ៖https://central-cambodia.org/storage/attachments/436/16062026-Final-KH_Joint-Statement_CEDAW-Views.pdf
For English:https://central-cambodia.org/storage/attachments/434/16062026-Final-EN-Joint-Statement_CEDAW-Views.pdf

16/06/2026

14/06/2026

កិច្ចពិភាក្សាជុំវិញស្ថានភាព​ លំហសេរីភាពសហជីព​នៅកម្ពុជា​ តួនាទីជប៉ុននៅក្នុងយន្តការអន្តរជាតិ​ រួមទាំងអ្នកវិនិយោគជប៉ុន​នៅកម្ពុជា ក្នុងការចូលរួមលេីកកម្ពស់សិទ្ធិការងារ​។

11/06/2026

ផ្សាយផ្ទាល់៖ សន្ទនាតុកាហ្វេ
---------------
បរិស្ថានកំពុងប្រឈមមុខនឹងវិបត្តិធ្ងន់ធ្ងរ ពីការប្រែប្រួលអាកាសធាតុ ដល់ផលប៉ះពាល់លើសុខភាពកម្មករ និងសហគមន៍។
ចូលរួមការពារ “បរិស្ថាន = សិទ្ធិមនុស្ស” ហើយរួមគ្នាផ្លាស់ប្តូរដើម្បីអនាគតប្រកបដោយនិរន្តភាព

11/06/2026

11/06/2026

08/06/2026

*English Below*- អង្គការសង្គមស៊ីវិល ក៏ដូចជាសហព័ន្ធសហជីពជាតិ និងអន្តរជាតិ អំពាវនាវឱ្យអាជ្ញាធរ និងភាគីពាក់ព័ន្ធ ចាត់វិធានការបន្ទាន់ ដើម្បីធ្វើកំណែទម្រង់ប្រព័ន្ធដឹកជញ្ជូនសម្រាប់កម្មករ ឱ្យមានសុវត្ថិភាព និងមានប្រសិទ្ធភាពខ្ពស់។
Civil society organizations, along with national and international trade union federations, are calling on authorities and relevant stakeholders to take urgent action to reform the worker transportation system to ensure it is safe and efficient.
អានបន្ថែម​ និងទាញយកឯកសារ
ភាសាខ្មែរ៖ https://central-cambodia.org/publication/statements/join-statement/civil-society-organisations-and-trade-union-federations-call-on-urgent-action-to-protect-garment-workers%E2%80%99-safety-in-cambodia
English: https://central-cambodia.org/en/publication/statements/join-statement/civil-society-organisations-and-trade-union-federations-call-on-urgent-action-to-protect-garment-workers%E2%80%99-safety-in-cambodia