សង់ត្រាល់ - CENTRAL

សង់ត្រាល់ - CENTRAL សង់ត្រាល់ គឺជាអង្គការក្នុងស្រុកដែលបង្កើតឡើងដើម្បីផ្តល់អំណាចដល់ប្រជាពលរដ្ឋ។
(2)

ទាញយកកម្មកវិធីនៅលើទូរសព្ទ័ដៃរបស់អង្គការសង់ត្រាល់ខាងក្រោមនេះ
សម្រាប់ iOS:
https://apps.apple.com/kh/app/central-cambodia/id1462812112
សម្រាប់ Android:
https://play.google.com/store/apps/details?id=com.central.central&hl=en

21/08/2026

នៅថ្ងៃទី ២១ ខែសីហា ឆ្នាំ ២០២៦ កម្មករនិយោជិតប្រមាណ ១៥០នាក់ នៃរោងចក្រ ហាយ-ថេក អឹភែរឹល (ខេមបូឌា) ដែលស្ថិតនៅតំបន់សេដ្ឋកិច្ចពិសេសអូរនាង ក្រុងប៉ោយប៉ែត ខេត្តបន្ទាយមានជ័យ បានសម្រេចចិត្តចាកចេញពីកន្លែងរស់នៅ និងការងារចាស់ បន្ទាប់ពីមានការប្រកាសបិទរោងចក្រមួយចំនួនដែលមានថៅកែជាជនជាតិថៃ។

កម្មករទាំងនេះ ដែលភាគច្រើនរស់នៅភូមិសូរិយា សង្កាត់និមិត្ត ក្រុងប៉ោយប៉ែត បានធ្វើដំណើរចេញជាបន្តបន្ទាប់ទៅស្វែងរកការងារថ្មីនៅរោងចក្រក្នុង រាជធានីភ្នំពេញ ខេត្តកណ្ដាល និងខេត្តកំពង់ឆ្នាំង។

តាមព័ត៌មានដែលទទួលបាន ការធ្វើដំណើររបស់កម្មករទាំង ១៥០នាក់ បានប្រព្រឹត្តទៅដោយរលូន និងមានសណ្តាប់ធ្នាប់ ហើយពួកគេគ្រោងទៅបន្តការងារនៅរោងចក្រថ្មី ជាពិសេសនៅ ខេត្តកណ្ដាល។

ចំណុចសំខាន់ៗ

១. កម្មកររោងចក្រ ហាយ-ថេក អឹភែរឹល ប្រមាណ ១៥០នាក់ ចាកចេញពីប៉ោយប៉ែត។
២. មូលហេតុពាក់ព័ន្ធនឹងការបិទរោងចក្រមួយចំនួននៅតំបន់សេដ្ឋកិច្ចពិសេសអូរនាង។
៣.គោលដៅការងារថ្មីរួមមាន ភ្នំពេញ កណ្ដាល និងកំពង់ឆ្នាំង។
៤. ការផ្លាស់ទីបានប្រព្រឹត្តទៅដោយសន្តិសុខល្អ និងសណ្តាប់ធ្នាប់ល្អ។

ប្រភពព័ត៌មានសហជីពតំណាងកម្មករប្រចាំប៉ោយប៉ែត និង វីដេអូដោយ​៖ ឥន្ទ្រីខ្មៅ https://www.facebook.com/share/v/195YNs2YcY/

នៅថ្ងៃទី ១៧ ខែសីហា ឆ្នាំ២០២៦ ក្រុមអ្នកប្រឹក្សាយោបល់សុវត្ថិភាពចំណាកស្រុក (SMA) បានរៀបចំសកម្មភាពផ្សព្វផ្សាយស្តីពី ការធ្វើច...
20/08/2026

នៅថ្ងៃទី ១៧ ខែសីហា ឆ្នាំ២០២៦ ក្រុមអ្នកប្រឹក្សាយោបល់សុវត្ថិភាពចំណាកស្រុក (SMA) បានរៀបចំសកម្មភាពផ្សព្វផ្សាយស្តីពី ការធ្វើចំណាកស្រុកប្រកបដោយសុវត្ថិភាព និងការការពារខ្លួនពីការឆបោកតាមប្រព័ន្ធអនឡាញ ដល់ប្រជាពលរដ្ឋ និងអតីតពលករ នៅភូមិឈូក សង្កាត់ម្កាក់ ក្រុងសិរីសោភ័ណ ខេត្តបន្ទាយមានជ័យ។

វេទិកានេះមានអ្នកចូលរួមសរុប ៤២នាក់ ក្នុងនោះ ស្ត្រី ៣១នាក់។ អាជ្ញាធរភូមិចូលរួម ៣នាក់ ក្នុងនោះ ស្ត្រី ១នាក់ និងក្រុម SMA ចំនួន ៣នាក់ ក្នុងនោះ ស្ត្រី ២នាក់។

គោលបំណងនៃការផ្សព្វផ្សាយ គឺដើម្បីបង្កើនការយល់ដឹងដល់ប្រជាពលរដ្ឋ និងអតីតពលករ អំពីការធ្វើចំណាកស្រុកប្រកបដោយសុវត្ថិភាព និងវិធីការពារខ្លួនពីការឆបោកតាមប្រព័ន្ធអនឡាញ ដែលកំពុងកើតមានកាន់តែច្រើននាពេលបច្ចុប្បន្ន។

ក្នុងអំឡុងពេលសកម្មភាព អ្នកចូលរួមបានបង្ហាញការចាប់អារម្មណ៍ និងចូលរួមពិភាក្សាយ៉ាងសកម្ម។ អាជ្ញាធរភូមិក៏បានចែករំលែកបទពិសោធន៍ និងបញ្ហាប្រឈមដែលធ្លាប់កើតមាននៅក្នុងមូលដ្ឋាន ពាក់ព័ន្ធនឹងការឆបោកតាមទូរស័ព្ទ និងបណ្តាញសង្គម។ ប្រជាពលរដ្ឋមួយចំនួនបានលើកឡើងថា ពួកគេធ្លាប់ជួបករណីជនខិលខូចទាក់ទងមកអះអាងថាបានឈ្នះរង្វាន់ ដែលមានទឹកប្រាក់ចាប់ពី ៥,០០០ ដុល្លារ ដល់ ២០,០០០ ដុល្លារ និងតម្រូវឱ្យផ្ញើប្រាក់ជាមុន។ ខណៈដែលអ្នកខ្លះទៀតបានជួបការបោកប្រាស់ក្នុងការទិញទំនិញតាមប្រព័ន្ធអនឡាញ។

ជារួម វេទិកាក្នុងភូមិនេះ បានជួយពង្រឹងការយល់ដឹងរបស់អ្នកចូលរួមឱ្យកាន់តែច្បាស់អំពីហានិភ័យនៃការឆបោក និងវិធីសាស្ត្រការពារខ្លួន។ ប្រជាពលរដ្ឋបានស្នើឱ្យមានការរៀបចំសកម្មភាពផ្សព្វផ្សាយបែបនេះបន្តទៀត ជាពិសេសនៅតំបន់ជនបទ និងតំបន់ដាច់ស្រយាល ដើម្បីឱ្យប្រជាពលរដ្ឋកាន់តែច្រើនទទួលបានព័ត៌មាន និងចំណេះដឹងក្នុងការការពារខ្លួនពីការបោកប្រាស់គ្រប់ទម្រង់។

រាយការណ៍ដោយ៖ SMA ជីម ថាវរី

ថ្ងៃព្រហស្បតិ៍ ៧ កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦ក្រុមអ្នកប្រឹក្សាយោបល់សុវត្ថិ...
20/08/2026

ថ្ងៃព្រហស្បតិ៍ ៧ កើត ខែស្រាពណ៍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២០ ខែសីហា ឆ្នាំ២០២៦

ក្រុមអ្នកប្រឹក្សាយោបល់សុវត្ថិភាពចំណាកស្រុក (SMA) នៃអង្គការសង់ត្រាល់ សហការជាមួយអាជ្ញាធរមូលដ្ឋាន (គកនក) និងក្រុមយុវជនស្ម័គ្រចិត្តគណនេយ្យភាពសង្គម បានរៀបចំសកម្មភាពផ្សព្វផ្សាយស្តីពី ការបង្ការ និងទប់ស្កាត់ការឆបោកតាមប្រព័ន្ធអ៊ីនធឺណិត នៅភូមិវល្លិ៍សយាយ ឃុំដំរីស្លាប់ ស្រុកកំពង់ស្វាយ ខេត្តកំពង់ធំ។

សកម្មភាពនេះមានអ្នកចូលរួមសរុប ៥០នាក់ ក្នុងនោះ ស្ត្រី ៤៣នាក់។

គោលបំណងនៃការផ្សព្វផ្សាយ គឺដើម្បីពង្រឹងការយល់ដឹងរបស់ប្រជាពលរដ្ឋអំពីហានិភ័យ និងវិធីសាស្ត្រការពារខ្លួនពីការឆបោកតាមប្រព័ន្ធអ៊ីនធឺណិត ដែលកំពុងកើនឡើង និងបង្កផលប៉ះពាល់ដល់ទ្រព្យសម្បត្តិ ប្រាក់ចំណូល សុខភាពផ្លូវចិត្ត និងសុវត្ថិភាពសង្គម។

ដោយសារការប្រើប្រាស់បណ្តាញសង្គមកាន់តែទូលំទូលាយ និងការស្វែងរកការងារតាមប្រព័ន្ធអនឡាញកើនឡើង ប្រជាពលរដ្ឋជាច្រើនកំពុងប្រឈមនឹងហានិភ័យពីជនឆបោក។ ក្នុងឱកាសនេះ អ្នកប្រឹក្សាយោបល់សុវត្ថិភាពចំណាកស្រុកក៏បានចែករំលែកចំណេះដឹងអំពីការធ្វើចំណាកស្រុកប្រកបដោយសុវត្ថិភាព និងវិធីសម្គាល់ឧបាយកលរបស់ជនឆបោក ទាំងតាមផ្ទាល់ និងតាមប្រព័ន្ធអ៊ីនធឺណិត។

អ្នកចូលរួមត្រូវបានជំរុញឱ្យមានការប្រុងប្រយ័ត្នខ្ពស់ និងរាយការណ៍ជូនអាជ្ញាធរមូលដ្ឋាន ឬអ្នកប្រឹក្សាយោបល់សុវត្ថិភាពចំណាកស្រុក នៅពេលមានការសង្ស័យ ឬជួបប្រទះករណីឆបោក។

សកម្មភាពនេះបានរួមចំណែកបង្កើនការយល់ដឹងរបស់ប្រជាពលរដ្ឋ និងជួយទប់ស្កាត់បញ្ហាប្រឈមនានាក្នុងសហគមន៍ ដើម្បីលើកកម្ពស់សុវត្ថិភាព និងសុខុមាលភាពរបស់ប្រជាពលរដ្ឋឱ្យកាន់តែប្រសើរឡើង។

រាយការណ៍និងរូបភាពដោយ៖ SMA

សេចក្តីថ្លែងការណ៍រួម៖ សូមដោះលែងលោក ជា វុទ្ធី និងលុបចោលទោសជាប់ពន្ធនាគារ ១៨ ខែ ពាក់ព័ន្ធនឹងការជជែកតាមកម្មវិធីផ្ញើសារជាឯកជន...
20/08/2026

សេចក្តីថ្លែងការណ៍រួម៖ សូមដោះលែងលោក ជា វុទ្ធី និងលុបចោលទោសជាប់ពន្ធនាគារ ១៨ ខែ ពាក់ព័ន្ធនឹងការជជែកតាមកម្មវិធីផ្ញើសារជាឯកជន
យើងខ្ញុំជាអង្គការសង្គមស៊ីវិលដូចមានរាយនាមខាងក្រោមមានការព្រួយបារម្ភយ៉ាងខ្លាំងចំពោះសាលក្រមប្រកាសនៅថ្ងៃ១៩ ខែសីហា ឆ្នាំ២០២៦ ដោយសាលាដំបូងរាជធានីភ្នំពេញ ផ្តន្ទាទោសលោក ជា វុទ្ធី ជាអ្នកសារព័ត៌មានពលរដ្ឋ និងសកម្មជនសង្គមមួយរូប ឱ្យជាប់ពន្ធនាគាររយៈពេល១៨​ ខែ និងពិន័យជាប្រាក់ ២,០០០,០០០ រៀល (ប្រហែល៥០០ដុល្លារអាម៉េរិក)
ភាសាខ្មែរ៖ https://central-cambodia.org/publication/statements/join-statement/immediately-release-of-chea-vuthy,-reverse-18-months-in-prison-sentence-over-private-messenger-chat
English: https://central-cambodia.org/en/publication/statements/join-statement/immediately-release-of-chea-vuthy,-reverse-18-months-in-prison-sentence-over-private-messenger-chat

Three Factory Closures Put Workers at Operating Factories at Risk of Job LossLink: https://central-cambodia.org/en/publi...
20/08/2026

Three Factory Closures Put Workers at Operating Factories at Risk of Job Loss
Link: https://central-cambodia.org/en/publication/news/worker-news/three-factory-closures-put-workers-at-operating-factories-at-risk-of-job-loss
Source: Kiripost: https://kiripost.com/stories/three-factory-closures-put-workers-at-operating-factories-at-risk-of-job-loss?fbclid=IwY2xjawTzRjRwZG9mBWV4dG4DYWVtAjEwAGJyaWQRMUJYYlF0eW9xUHVPVFJWN0pzcnRjBmFwcF9pZBAyMjIwMzkxNzg4MjAwODkyAAEeShEZgsl-_mAdRwbAbEr_AoV_QYXGSNKVrB4Z2J23DJClC3KCO--dABBxEOQ_aem_d9tmZwHuCqCzReMCeCm5_g

ដោយមើលឃើញពីការវិវត្តយ៉ាងឆាប់រហ័សនៃបច្ចេកវិទ្យាទំនើបនៅលើពិភពលោកនាពេលបច្ចុប្បន្ន ដែលបាននាំមកនូវឱកាសជាច្រើនសម្រាប់ការអភិវឌ្...
19/08/2026

ដោយមើលឃើញពីការវិវត្តយ៉ាងឆាប់រហ័សនៃបច្ចេកវិទ្យាទំនើបនៅលើពិភពលោកនាពេលបច្ចុប្បន្ន ដែលបាននាំមកនូវឱកាសជាច្រើនសម្រាប់ការអភិវឌ្ឍ ប៉ុន្តែក៏បានបង្កើតនូវហានិភ័យ និងបញ្ហាប្រឈមថ្មីៗជាច្រើនផងដែរ ជាពិសេសសម្រាប់ប្រទេសកំពុងអភិវឌ្ឍ។
ដោយហេតុនេះ អ្នកស្ម័គ្រចិត្តស្មា-SMAនៃអង្គការសង់ត្រាល់នៅតាមមូលដ្ឋានគោលដៅ ចូលរួមផ្សព្វផ្សាយ និងចែករំលែកព័ត៌មានពាក់ព័ន្ធនឹងការចំណាកស្រុកប្រកបដោយសុវត្ថិភាព ការពារការឆបោកតាមប្រព័ន្ធបច្ចេកវិទ្យា(អនឡាញ) និងការជួញដូរមនុស្ស ដល់ប្រជាពលរដ្ឋនៅក្នុងសហគមន៍។

នៅថ្ងៃទី១៩ ខែសីហា ឆ្នាំ២០២៦នេះ ក្រុមអ្នកប្រឹក្សាយោបល់ បានសហការជាមួយអាជ្ញាធរពាក់ព័ន្ធក្នុងមូលដ្ឋាន រៀបចំសកម្មភាពផ្សព្វផ្សាយដល់ប្រជាពលរដ្ឋនៅភូមិអូរខ្លុង ឃុំពង្រក្រោម ស្រុកជីក្រែង ខេត្តសៀមរាប ដើម្បីបង្កើនការយល់ដឹងអំពីល្បិចកលរបស់ជនខិលខូច ដែលប្រើប្រាស់មធ្យោបាយផ្សេងៗក្នុងការបោកបញ្ឆោត និងទាក់ទាញប្រជាពលរដ្ឋឱ្យធ្លាក់ចូលក្នុងអន្ទាក់បំណុល។
វេទិកាផ្សព្វផ្សាយនេះ មានអ្នកចូលរួមសរុបចំនួន ៦៨នាក់ ក្នុងនោះស្រី ៥២នាក់ រួមមាន មេភូមិ អនុភូមិ សមាជិកភូមិ ប៉ូលិសចំនួន ២នាក់ និងប្រជាការពារភូមិចំនួន ៤នាក់។
គោលបំណងធំនៃការរៀបចំវេទិកានេះ គឺដើម្បីបង្កើនការយល់ដឹងដល់ប្រជាពលរដ្ឋឱ្យចេះការពារ និងចៀសវាងពីហានិភ័យនៃអន្ទាក់បំណុល ដែលអាចបង្កផលប៉ះពាល់ដល់សេដ្ឋកិច្ចគ្រួសារ សុខុមាលភាពគ្រួសារ និងអាចនាំឱ្យកើតមានអំពើហិង្សាក្នុងគ្រួសារផងដែរ។

រាយការណ៍ដោយ៖ ស្មា-SMA

19/08/2026

ដកស្រង់៖ ការរំខានដល់ការដឹកជញ្ជូន និងការនាំចូល-នាំចេញដែលបណ្តាលមកពីការបិទព្រំដែនកម្ពុជា-ថៃ កំពុងបង្កើនសម្ពាធលើរោងចក្រ និងសហគ្រាសនៅតំបន់ព្រំដែន ខណៈអង្គការសិទ្ធិការងារព្រមានថា កម្មកររាប់ពាន់នាក់អាចប្រឈមនឹងការបាត់បង់ការងារ ប្រសិនបើស្ថានភាពអូសបន្លាយ។
អ្នកគ្រប់គ្រងកម្មវិធីការងារនៃអង្គការសង់ត្រាល់ (CENTRAL) លោក ឃុន ថារ៉ូ បានប្រាប់កាសែតខ្មែរថា យ៉ាងហោចណាស់រោងចក្រចំនួនបីបានប្រកាសបិទអាជីវកម្មជាផ្លូវការ ដោយលោកចាត់ទុកការបិទព្រំដែន និងការរំខានដល់ខ្សែសង្វាក់ផ្គត់ផ្គង់ថា ជាកត្តាមួយដែលកំពុងប៉ះពាល់ដល់ការផលិត និងការនាំចេញ។

19/08/2026

ដកស្រង់៖ ក្រសួងការងារ និងបណ្ដុះបណ្ដាលវិជ្ជាជីវៈបានព្រមានថា អ្នកគ្រប់គ្រងជាជនបរទេសដែលប្រើពាក្យសម្តី ឬអាកប្បកិរិយាមិនសមរម្យចំពោះកម្មករខ្មែរ អាចប្រឈមនឹងការដកហូតបណ្ណការងារ និងបណ្តេញចេញពីកម្ពុជាប្រសិនបើប្រព្រឹត្តម្តងទៀត ខណៈក្រុមអង្គការធ្វើការលើសិទ្ធិការងារអំពាវនាវឱ្យរដ្ឋាភិបាលពង្រឹងការអធិការកិច្ច និងដោះស្រាយបញ្ហានេះជាប្រព័ន្ធ។
ក្រសួងបានឱ្យដឹងក្នុងសេចក្តីប្រកាសព័ត៌មានចេញផ្សាយនៅថ្ងៃទី១៨ ខែសីហា ឆ្នាំ២០២៦ថា ខ្លួនបានចាត់វិធានការលើអ្នកគ្រប់គ្រងជាជនបរទេសចំនួនពីររូប បន្ទាប់ពីទទួលបានបណ្តឹងពីកម្មករ និងពិនិត្យភស្តុតាងពាក់ព័ន្ធ។ អ្នកគ្រប់គ្រងម្នាក់ធ្វើការនៅរោងចក្រ ចាស្ទីន អេលេន (ខេមបូឌា) ហ្គាមេន មែនញូហ្វែកឆឺរីង នៅខេត្តកណ្តាល និងម្នាក់ទៀតនៅរោងចក្រ មីង យ៉ាង អ៊ិនដាស្រ្ទី (ខេមបូឌា) នៅខេត្តកំពង់ស្ពឺ។
#កាសែតខ្មែរ #សិទ្ធិកម្មករ

19/08/2026

[ព័ត៌មានលម្អិតក្នុងប្រអប់ comment] ការបង្ក្រាបកាន់តែខ្លាំងឡើងរបស់កម្ពុជាលើទីតាំងប្រតិបត្តិការឆបោកតាមអនឡាញ បានទាក់ទាញការចាប់អារម្មណ៍កាន់តែខ្លាំងនៅក្នុងប្រទេស និងទូទាំងតំបន់ ខណៈអាជ្ញាធរបានផ្សព្វផ្សាយអំពីការចុះបង្ក្រាប ការចាប់ខ្លួន និងការបិទទីតាំងដែលសង្ស័យថាជាមជ្ឈមណ្ឌលប្រតិបត្តិការឆបោក។

វិធានការទាំងនេះមានសារៈសំខាន់។ ប៉ុន្តែសំណួរសំខាន់គួរតែផ្តោតលើថា តើវិធានការទាំងនេះកំពុងផ្តល់លទ្ធផលប្រកបដោយចីរភាពឬយ៉ាងណា?

ក្រុមការងារស្មា-SMA ប្រចាំខេត្តពោធិ៍សាត់ បានសហការជាមួយអាជ្ញាធរមូលដ្ឋាន និងមន្ត្រីប៉ុស្តិ៍នគរបាល រៀបចំការផ្សព្វផ្សាយស្តីព...
19/08/2026

ក្រុមការងារស្មា-SMA ប្រចាំខេត្តពោធិ៍សាត់ បានសហការជាមួយអាជ្ញាធរមូលដ្ឋាន និងមន្ត្រីប៉ុស្តិ៍នគរបាល រៀបចំការផ្សព្វផ្សាយស្តីពី សុវត្ថិភាពចំណាកស្រុក ការស្វែងរកការងារប្រកបដោយសុវត្ថិភាព និងការបង្ការការឆបោកតាមប្រព័ន្ធអនឡាញ នៅភូមិអូរហេង ឃុំសំរោង ស្រុកភ្នំក្រវាញ ខេត្តពោធិ៍សាត់។ វេទិកានេះ មានអ្នកចូលរួមសរុបចំនួន ៣៣ នាក់ ក្នុងនោះស្រី ២៨ នាក់។ ក្នុងចំណោមអ្នកចូលរួម មានក្រុមការងារស្មាចំនួន ៣ នាក់ (ស្រី ៣ នាក់) អាជ្ញាធរមូលដ្ឋាន ១ នាក់ និងមន្ត្រីប៉ុស្តិ៍នគរបាល ២ នាក់ (ស្រី ០ នាក់)ផងដែរ។

រាយការណ៍ដោយ៖ ស្មា-SMAប្រចាំខេត្តពោធិសាត់

Address

Street 69BT
Phnom Penh
12303

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00

Telephone

855 (0)93 55 66 03

Website

Alerts

Be the first to know and let us send you an email when សង់ត្រាល់ - CENTRAL posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to សង់ត្រាល់ - CENTRAL:

Shortcuts

Share

Category