សង់ត្រាល់ - CENTRAL

24/09/2026

ម៉ាកយីហោធំៗបំផុតរបស់ពិភពលោក បរាជ័យក្នុងការអនុវត្តការសន្យាអំពីប្រាក់ឈ្នួលសមរម្យសម្រាប់ជីវភាពរស់នៅសម្រាប់កម្មករ!

យោងតាមរបាយការណ៍ Fashion Checker 2026 ដែលចេញផ្សាយដោយ Clean Clothes Campaign (CCC) នៅថ្ងៃទី 23 ខែកញ្ញា ឆ្នាំ 2026 ម៉ាកសម្លៀកបំពាក់ និងម៉ូដធំៗជាច្រើននៅលើពិភពលោក នៅតែបរាជ័យក្នុងការបំពេញការសន្យារបស់ខ្លួនក្នុងការធានាឱ្យកម្មករទទួលបានប្រាក់ឈ្នួលសមរម្យសម្រាប់ជីវភាព (Living Wage)។

ក្នុងចំណោមម៉ាកយីហោចំនួន 110 ដែលត្រូវបានវាយតម្លៃ មានតែ 32% ប៉ុណ្ណោះដែលបានធ្វើការប្តេជ្ញាចិត្តជាសាធារណៈអំពីការផ្តល់ប្រាក់ឈ្នួលសមរម្យសម្រាប់ជីវភាព។ ប៉ុន្តែមានតែ 4% ប៉ុណ្ណោះដែលបានរាយការណ៍ថា មានការរីកចម្រើនជាក់ស្តែងក្នុងការអនុវត្តគោលដៅនេះ។

ទោះបីជាតម្លាភាពនៃខ្សែសង្វាក់ផ្គត់ផ្គង់មានភាពប្រសើរឡើងក៏ដោយ មានតែ 3% ប៉ុណ្ណោះនៃម៉ាកយីហោដែលបង្ហាញព័ត៌មានអំពីកម្រិតប្រាក់ឈ្នួលនៅរោងចក្រផ្គត់ផ្គង់របស់ខ្លួន។

ការស្ទង់មតិកម្មករបានបង្ហាញពីគម្លាតយ៉ាងធំរវាងប្រាក់ឈ្នួលជាក់ស្តែង និងប្រាក់ឈ្នួលសមរម្យសម្រាប់ជីវភាព៖

បង់ក្លាដែស៖ កម្មករទទួលបានទាបជាងប្រាក់ឈ្នួលសមរម្យ 73%។
ប៉ាគីស្ថាន៖ ទាបជាង 74%។
ស៊ែប៊ី៖ ទាបជាង 63%។
តួកគី៖ ទាបជាង 66%។

ម៉ាកយីហោ 25% មិនមានយន្តការទទួលពាក្យបណ្តឹងជាសាធារណៈដែលកម្មករអាចប្រើប្រាស់ដោយសុវត្ថិភាពដើម្បីរាយការណ៍អំពីបញ្ហានៅកន្លែងការងារ រួមទាំងការរំលោភបំពានលើប្រាក់ឈ្នួលផងដែរ។

ទាក់ទងនឹងច្បាប់ត្រួតពិនិត្យសិទ្ធិមនុស្សរបស់សហភាពអឺរ៉ុប

របាយការណ៍បានគូសបញ្ជាក់ថា សេចក្តីណែនាំស្តីពីការត្រួតពិនិត្យកាតព្វកិច្ចផ្នែកនិរន្តរភាពសាជីវកម្មរបស់សហភាពអឺរ៉ុប (CSDDD) បានទទួលស្គាល់ «ប្រាក់ឈ្នួលសមរម្យសម្រាប់ជីវភាព» ជាសិទ្ធិមនុស្សមូលដ្ឋាន។ ទោះជាយ៉ាងណា ក្នុងចំណោមម៉ាកយីហោដែលទំនងជាស្ថិតក្រោមវិសាលភាពនៃច្បាប់នេះនៅឆ្នាំ 2029 មានតែ 3% ប៉ុណ្ណោះដែលមានផែនការសកម្មភាពសាធារណៈស្តីពីប្រាក់ឈ្នួលសមរម្យសម្រាប់ជីវភាព។

សារៈសំខាន់សម្រាប់កម្ពុជា

លទ្ធផលនៃការសិក្សានេះបង្ហាញថា ទោះបីជាម៉ាកយីហោអន្តរជាតិជាច្រើនបានធ្វើការប្តេជ្ញាចិត្តជាសាធារណៈអំពីការលើកកម្ពស់សិទ្ធិការងារ និងប្រាក់ឈ្នួលសមរម្យក៏ដោយ កម្មករកាត់ដេរ និងកម្មករនៅក្នុងខ្សែសង្វាក់ផ្គត់ផ្គង់សកលនៅតែទទួលបានប្រាក់ឈ្នួលឆ្ងាយពីកម្រិតដែលអាចធានាជីវភាពរស់នៅបានថ្លៃថ្នូរ។

របាយការណ៍នេះអាចត្រូវបានប្រើប្រាស់ជាភស្តុតាងសំខាន់សម្រាប់ការតស៊ូមតិរបស់សហជីព និងអង្គការសង្គមស៊ីវិលនៅកម្ពុជា ក្នុងការជំរុញឱ្យម៉ាកយីហោអន្តរជាតិទទួលខុសត្រូវកាន់តែខ្លាំងលើប្រាក់ឈ្នួលរស់នៅ ការបង្កើនតម្លាភាពប្រាក់ឈ្នួល និងការគោរពសិទ្ធិការងារនៅក្នុងវិស័យកាត់ដេរ។

The seventh update to the Fashion Checker shows that workers producing for the world's largest fashion brands are still unable to make ends meet.

23/09/2026

23/09/2026

ខ្លីៗ ស្តីពីសកម្មភាពរបស់ក្រុមការងារអ្នកប្រឹក្សាយោបល់សុវត្ថិភាព (ស្មា-SMA) បន្តអប់រំផ្សព្វផ្សាយ តាមសហគមន៍ ដើម្បីសុខសុវត្ថិភាព បង្ការ ការពារ កុំអោយចាញ់បោកមេខ្យល់ នាំទៅរកការងារខុសច្បាប់។
ចាប់ពីថ្ងៃទី១ ដល់ទី១៥ ខែកញ្ញា ឆ្នាំ២០២៦កន្លងមកនេះ ក្រុម SMA ប្រចាំខេត្តបន្ទាយមានជ័យ បានរៀបចំសកម្មភាពផ្សព្វផ្សាយស្តីពី ការធ្វើចំណាកស្រុកប្រកបដោយសុវត្ថិភាព និងការការពារខ្លួនពីការឆបោកតាមប្រព័ន្ធអនឡាញ នៅតាមភូមិឃុំស្រុក នៃខេត្តបន្ទាយមានជ័យ ដោយមានអ្នកចូលរួមសរុបទាំងអស់ ជិត១០០០នាក់ (ស្រី្ត៦០%) ក្នុងនោះមានអតីតពលករផងដែរ។
សកម្មភាពនេះមានគោលបំណងបង្កើនការយល់ដឹងអំពីការធ្វើចំណាកស្រុកស្របច្បាប់ ការត្រៀមខ្លួនមុនចេញទៅធ្វើការនៅក្រៅប្រទេស និងការការពារខ្លួនពីការឆបោកតាមអនឡាញ។
ជាលទ្ធផល អ្នកចូលរួមបានយល់ដឹងកាន់តែច្បាស់អំពីការធ្វើចំណាកស្រុកដោយសុវត្ថិភាព និងវិធីសម្គាល់ការឆបោកតាមអនឡាញ។ ទន្ទឹមនឹងនេះ បានរកឃើញថា អតីតពលករជាច្រើនកំពុងប្រឈមនឹងបញ្ហាបំណុល កង្វះការងារ និងជំនាញវិជ្ជាជីវៈ ខណៈដែលពួកគេចង់ទទួលបានឱកាសការងារ និងការបណ្តុះបណ្តាលជំនាញបន្ថែម។
អ្នកចូលរួមបានស្នើឱ្យមានការភ្ជាប់ទៅកាន់ឱកាសការងារសុវត្ថិភាព ការបន្តផ្សព្វផ្សាយអំពីចំណាកស្រុកប្រកបដោយសុវត្ថិភាព និងការគាំទ្រក្នុងការចូលរួមវគ្គបណ្តុះបណ្តាលជំនាញ TVET ដើម្បីលើកកម្ពស់ជីវភាព និងកាត់បន្ថយការធ្វើចំណាកស្រុកដោយប្រថុយប្រថាន។ អ្នកចូលរួមក៏បានទទួលព័ត៌មានអំពីសេវាគាំទ្ររបស់ CENTRAL MRC-BMC ផងដែរ។

គម្រោងនេះ គាំទ្រដោយ អង្គការ​ IOM Cambodia និងដៃគូអភិវឌ្ឍន៍មួយចំនួនទៀតតាមរយៈអង្គការសង់ត្រាល់។

រាយការណ៍ដោយស្មា-SMA ខេត្តបន្ទាយមានជ័យ


#ចំណាកស្រុកប្រកបដោយសុវត្ថិភាព

#កុំចាញ់បោកមេខ្យល់
#ការពារខ្លួនពីការឆបោក

#ការងារស្របច្បាប់

23/09/2026

[ព័ត៌មានលម្អិតក្នុងប្រអប់ 𝐜𝐨𝐦𝐦𝐞𝐧𝐭] យុទ្ធនាការ Clean Clothes Campaign (CCC) បានគាំទ្រការទាមទាររបស់សហជីពកម្មករកម្ពុជា ឱ្យដំឡើងប្រាក់ឈ្នួលអប្បបរមាប្រចាំខែដល់ ២៥០,៦៦ដុល្លារ សម្រាប់កម្មករនិយោជិតក្នុងវិស័យកាត់ដេរ វាយនភណ្ឌ ស្បែកជើង និងផលិតផលធ្វើដំណើរ នៅឆ្នាំ២០២៧។

CCC បាននិយាយថា ប្រាក់ឈ្នួលអប្បបរមាបច្ចុប្បន្នចំនួន ២១០ដុល្លារ មិនគ្រប់គ្រាន់សម្រាប់បំពេញតម្រូវការមូលដ្ឋានរបស់កម្មករទេ ខណៈការចរចាប្រាក់ឈ្នួលសម្រាប់ឆ្នាំក្រោយកំពុងបន្ត។

សហជីពចំនួន ៧ បានស្នើប្រាក់ឈ្នួលចំនួន ២៥០,៦៦ដុល្លារ ដែលនឹងមានន័យថា កើនឡើង ៤០,៦៦ដុល្លារពីប្រាក់ឈ្នួលបច្ចុប្បន្ន។

22/09/2026

ដកស្រង់ព័ត៌មាន៖ សំណើដំឡើងប្រាក់ឈ្នួលកម្មករកាត់ដេរនៅឆ្នាំ២០២៧ ឱ្យដល់ ២៥០,៦៦ដុល្លាររបស់សហព័ន្ធសហជីពនៅកម្ពុជាមានហេតុផលត្រឹមត្រូវ សមស្របសម្រាប់បរិបទសេដ្ឋកិច្ចកម្ពុជាសព្វថ្ងៃ។ នេះតាមសេចក្តីថ្លែងការណ៍របស់ អង្គការClean Clothes Campaign។ សម្រាប់បណ្តាញអង្គការក្រៅរដ្ឋាភិបាលមួយនេះ ប្រាក់ឈ្នួលកម្មករកាត់ដេរនៅកម្ពុជាបច្ចុប្បន្នមានកម្រិតទាប និងមិនអាចឆ្លើយតបការចាយវាយប្រចាំថ្ងៃរបស់កម្មករនោះឡើយ។

22/09/2026

ដកស្រង់ព័ត៌មាន៖ យុទ្ធនាការ Clean Clothes Campaign (CCC) បានគាំទ្រការទាមទាររបស់សហជីពកម្មករកម្ពុជា ឱ្យដំឡើងប្រាក់ឈ្នួលអប្បបរមាប្រចាំខែដល់ ២៥០,៦៦ដុល្លារ សម្រាប់កម្មករនិយោជិតក្នុងវិស័យកាត់ដេរ វាយនភណ្ឌ ស្បែកជើង និងផលិតផលធ្វើដំណើរ នៅឆ្នាំ២០២៧។
CCC បាននិយាយថា ប្រាក់ឈ្នួលអប្បបរមាបច្ចុប្បន្នចំនួន ២១០ដុល្លារ មិនគ្រប់គ្រាន់សម្រាប់បំពេញតម្រូវការមូលដ្ឋានរបស់កម្មករទេ ខណៈការចរចាប្រាក់ឈ្នួលសម្រាប់ឆ្នាំក្រោយកំពុងបន្ត។
សហជីពចំនួន ៧ បានស្នើប្រាក់ឈ្នួលចំនួន ២៥០,៦៦ដុល្លារ ដែលនឹងមានន័យថាកើនឡើង ៤០,៦៦ដុល្លារពីប្រាក់ឈ្នួលបច្ចុប្បន្ន។


#ប្រាក់ឈ្នួលកម្មករ
#កម្មកររោងចក្រ

22/09/2026

ដកស្រង់សំឡេងកម្មករ ពីខេត្តស្វាយរៀង។

22/09/2026

19/09/2026

ដកស្រង់ព័ត៌មាន សំឡេងកម្មករ៖ អង្គការសង្គមស៊ីវិលក្នុងស្រុកចំនួន ១២៥ស្ថាប័ននៅថ្ងៃទី១៨កញ្ញា បានចេញសេចក្តីថ្លែងការណ៍រួមគាំទ្រសំណើរបស់សហព័ន្ធសហជីព ក្នុងការស្នើដំឡើងប្រាក់ឈ្នួលអប្បបរមាសម្រាប់កម្មករនិយោជិតឱ្យដល់ ២៥០.៦៦ដុល្លារក្នុងមួយខែ សម្រាប់ឆ្នាំ២០២៧។ សំណើកំណត់ប្រាក់ឈ្មួលថ្មីនេះ គឺកើនឡើងបន្ថែមចំនួន៤០.៦៦ដុល្លារ ពីលើប្រាក់ឈ្នួលបច្ចុប្បន្នចំនួន ២១០ដុល្លារ។ យោងតាមសេចក្តីថ្លែងការណ៍រួម ការស្នើដំឡើងប្រាក់ឈ្មួលសម្រាប់កម្មករនិយោជិត ពុំមានហេតុផលអ្វីផ្សេងក្រៅពីការធានាដល់ជីវភាពរស់នៅ និងបំពេញតម្រូវការផ្សេងៗរបស់កម្មករនិយោជិត ដ្បិតថា ប្រាក់ឈ្នួលបច្ចុប្បន្នអាចគ្រប់បណ្តប់បានប្រមាណតែ៦០%នៃការចំណាយជាមធ្យមរបស់គ្រួសារកម្មករប៉ុណ្ណោះ។