គណៈគិលានុបដ្ឋាកកម្ពុជា - គគិក

05/08/2026

លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា និងជាសមាជិកគណៈកម្មាធិការដឹកនាំគម្រោង STRINGS បានអញ្ជើញចុះត្រួតពិនិត្យ និងគាំទ្រវគ្គបណ្ដុះបណ្ដាលគ្រូបង្គោលស្ដីពី «ក្រមសីលធម៌វិជ្ជាជីវៈគិលានុបដ្ឋាក» (Nursing Ethics Training of Trainers – NE-ToT) ដែលប្រព្រឹត្តទៅនៅថ្ងៃទី៥ ខែសីហា ឆ្នាំ២០២៦ នា ការិយាល័យរដ្ឋបាលសុខាភិបាលរាជធានីភ្នំពេញ។
CCN3rd===

ក្នុងឱកាសនេះ លោកប្រធានបានគូសបញ្ជាក់ថា ក្រមសីលធម៌វិជ្ជាជីវៈ គឺជាមូលដ្ឋានគ្រឹះនៃការអនុវត្តវិជ្ជាជីវៈគិលានុបដ្ឋាកប្រកបដោយគុណភាព សុវត្ថិភាព ទំនួលខុសត្រូវ និងការគោរពសេចក្តីថ្លៃថ្នូររបស់អ្នកជំងឺ។ គិលានុបដ្ឋាកគ្រប់រូប ត្រូវប្រកាន់ខ្ជាប់នូវគោលការណ៍សីលធម៌ ស្តង់ដារវិជ្ជាជីវៈ និងការអនុវត្តដោយសុចរិតភាព ស្របតាម ក្រមសីលធម៌វិជ្ជាជីវៈគិលានុបដ្ឋាកកម្ពុជា, ច្បាប់ស្ដីពីការគ្រប់គ្រងអ្នកប្រកបវិជ្ជាជីវៈសុខាភិបាល និង ICN Code of Ethics for Nurses។

លោកប្រធានក៏បានលើកទឹកចិត្តដល់គ្រូបង្គោល និងសិក្ខាកាមទាំងអស់ ឱ្យចូលរួមយ៉ាងសកម្មក្នុងការរៀនសូត្រ ផ្លាស់ប្តូរបទពិសោធន៍ និងអនុវត្តវិធីសាស្ត្របណ្ដុះបណ្ដាលសម្រាប់មនុស្សពេញវ័យ (Adult Learning Principles) និងយុទ្ធសាស្ត្ររៀនសូត្របែបសកម្ម (Active Learning Strategies) ដើម្បីអភិវឌ្ឍសមត្ថភាពធ្វើជាគ្រូបង្គោលប្រកបដោយប្រសិទ្ធភាព និងអាចបន្តផ្សព្វផ្សាយចំណេះដឹងទៅកាន់មន្ត្រីគិលានុបដ្ឋាកនៅតាមគ្រឹះស្ថានសុខាភិបាលទូទាំងប្រទេស។

ជាមួយគ្នានេះ លោកបានអំពាវនាវឱ្យគ្រូបង្គោលទាំងអស់ បន្តធ្វើជាគំរូល្អក្នុងការគោរពក្រមសីលធម៌វិជ្ជាជីវៈ អនុវត្តស្តង់ដារគ្លីនិក និងលើកកម្ពស់វប្បធម៌គុណភាព សុវត្ថិភាព និងការយកអ្នកជំងឺជាមជ្ឈមណ្ឌលនៃការថែទាំ។ ការវិនិយោគលើការអភិវឌ្ឍគ្រូបង្គោលថ្ងៃនេះ គឺជាការវិនិយោគលើអនាគតវិជ្ជាជីវៈគិលានុបដ្ឋាក និងការលើកកម្ពស់គុណភាពសេវាសុខាភិបាលនៅកម្ពុជា។

សូមថ្លែងអំណរគុណដល់ក្រសួងសុខាភិបាល គម្រោង STRINGS ដៃគូអភិវឌ្ឍន៍ គ្រូឧទ្ទេស ក្រុមការងាររៀបចំ និងសិក្ខាកាមទាំងអស់ ដែលបានរួមចំណែកក្នុងការពង្រឹងសមត្ថភាពវិជ្ជាជីវៈគិលានុបដ្ឋាក ដើម្បីឆ្ពោះទៅរកសេវាថែទាំដែលមានគុណភាព សុវត្ថិភាព និងប្រកបដោយសីលធម៌ សម្រាប់ប្រជាពលរដ្ឋកម្ពុជា។

02/08/2026

វគ្គបណ្តុះបណ្តាលអភិវឌ្ឍវិជ្ជាជីវៈបន្ត ស្តីពី "សេចក្តីផ្តើមអំពីការកែលម្អគុណភាពក្នុងវិស័យសុខាភិបាល" ។

ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី១ ខែសីហា ឆ្នាំ២០២៦ លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ បានចូលរួមជាអធិបតីភាពក្នុងការបើកវគ្គបណ្តុះបណ្តាលការអភិវឌ្ឍវិជ្ជាជីវៈបន្ត ក្រោមប្រធានបទ៖ «សេចក្តីផ្តើមអំពីការកែលម្អគុណភាពក្នុងវិស័យសុខាភិបាល» ដែលធ្វើបទបង្ហាញដោយ លោកបណ្ឌិតគិលានុបដ្ឋាក វន រ៉ានី ប្រធានក្រុមប្រឹក្សាគណៈគិលានុបដ្ឋាកភូមិភាគ១។

🎯 គោលបំណង៖ ដើម្បីផ្តល់ចំណេះដឹងមូលដ្ឋានអំពីគោលគំនិត និងគោលការណ៍នៃការកែលម្អគុណភាពក្នុងវិស័យសុខាភិបាល ព្រមទាំងលើកកម្ពស់សមត្ថភាពគិលានុបដ្ឋាកក្នុងការអនុវត្តវិធីសាស្ត្រកែលម្អគុណភាពសេវាព្យាបាល និងថែទាំអ្នកជំងឺ ដើម្បីធានាបាននូវគុណភាព និងសុវត្ថិភាពខ្ពស់ជូនអ្នកជំងឺនៅតាមស្ថាប័នសុខាភិបាលនីមួយៗ។

👥 អ្នកចូលរួម៖ 1000នាក់
💙

01/08/2026

វគ្គបណ្ដុះបណ្ដាលក្រមសីលធម៌គិលានុបដ្ឋាក​របស់ក្រុមប្រឹក្សាគណៈគិលានុបដ្ឋាកខេត្តកំពង់ឆ្នាំង។
CCN3rd===

ខេត្តកំពង់ឆ្នាំង: ថ្ងៃទី30 ខែកក្កដា ឆ្នាំ2026 ដោយទទួលបានការអនុញ្ញាតពី លោក ជា សុភក្ត្រមុនីរ័ត្ន ប្រធានក្រុមប្រឹក្សាគណៈគិលានុបដ្ឋាកជាតិ អាណត្តិទី៣ លោក ម៉ម ម៉ាល័យ ប្រធានក្រុមប្រឹក្សាគណៈគិលានុបដ្ឋាកខេត្តកំពង់ឆ្នាំង បានចូលរួមជាមួយថ្នាក់ដឹកនាំមន្ទីរពេទ្យបង្អែកខេត្តកំពង់ឆ្នាំង ក្នុងវគ្គបណ្ដុះបណ្ដាលស្តីពី «ក្រមសីលធម៌គិលានុបដ្ឋាក»។

សម្រាប់គោលបំណងដើម្បីបង្កើនការយល់ដឹងអំពីក្រមសីលធម៌​ គិលានុបដ្ឋាក និងជំរុញការអនុវត្តតាមស្តង់ដារវិជ្ជាជីវៈក្នុងការផ្តល់សេវាថែទាំសុខភាពក្នុងការលើកកម្ពស់ទំនាក់ទំនងវិជ្ជាជីវៈរវាងគិលានុបដ្ឋាកនិងអ្នកជំងឺ និងពង្រឹងគណនេយ្យភាព និងគុណភាពនៃការងារថែទាំសុខភាព។

សារៈសំខាន់៖
ក្រមសីលធម៌គិលានុបដ្ឋាកគឺជាមូលដ្ឋានគ្រឹះមួយដ៏សំខាន់ ដែលជួយធានាបាននូវគុណភាព និងសុវត្ថិភាពនៃការថែទាំសុខភាពដល់ប្រជាពលរដ្ឋ។ វគ្គបណ្ដុះបណ្ដាលនេះបានចូលរួមចំណែកយ៉ាងសំខាន់ក្នុងការពង្រឹងសមត្ថភាព និងវិជ្ជាជីវៈភាពរបស់គិលានុបដ្ឋាកនៅខេត្តកំពង់ឆ្នាំង ស្របតាមផែនការយុទ្ធសាស្ត្រ ៥ឆ្នាំ (២០២៦-២០៣០) របស់គណៈគិលានុបដ្ឋាកកម្ពុជា។

💙

31/07/2026

ក្រុមប្រឹក្សាគណៈគិលានុបដ្ឋាកមន្ទីរពេទ្យព្រះអង្គឌួង រៀបចំកិច្ចប្រជុំត្រៀមផែនការបណ្តុះបណ្តាលស្តីពីការចុះបញ្ជីថ្មី និងការបន្តអាជ្ញាបណ្ណវិជ្ជាជីវៈគិលានុបដ្ឋាក។
CCN3rd===

រាជធានីភ្នំពេញៈ​ នាថ្ងៃសុក្រ ទី៣១ ខែកក្កដា ឆ្នាំ២០២៦ ក្រោមការអនុញ្ញាតដ៏ខ្ពង់ខ្ពស់ពី លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា​ ក្រុមប្រឹក្សាគណៈគិលានុបដ្ឋាកមន្ទីរពេទ្យព្រះអង្គឌួង បានបើកកិច្ចប្រជុំដើម្បីរៀបចំផែនការបណ្តុះបណ្តាល ស្តីពី ការចុះបញ្ជីវិជ្ជាជីវៈថ្មី និងការបន្តអាជ្ញាបណ្ណវិជ្ជាជីវៈ ជូនដល់បុគ្គលិកគិលានុបដ្ឋាកទាំងអស់ក្នុងមន្ទីរពេទ្យ។

កិច្ចប្រជុំនេះមានគោលបំណងពង្រឹងការយល់ដឹងអំពីនីតិវិធីចុះបញ្ជី និងបន្តអាជ្ញាបណ្ណ ស្របតាមបទប្បញ្ញត្តិរបស់គណៈគិលានុបដ្ឋាកកម្ពុជា ដើម្បីធានាឱ្យការអនុវត្តវិជ្ជាជីវៈគិលានុបដ្ឋាកប្រកបដោយគុណភាព សុវត្ថិភាព សីលធម៌វិជ្ជាជីវៈ និងស្របតាមច្បាប់ជាធរមាន។

👥 វត្តមានចូលរួម៖ ៦នាក់

សូមថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ និងសមាជិកក្រុមប្រឹក្សាគណៈគិលានុបដ្ឋាកមន្ទីរពេទ្យព្រះអង្គឌួងទាំងអស់ ដែលបានចូលរួម និងរួមចំណែកក្នុងការរៀបចំផែនការនេះ ដើម្បីលើកកម្ពស់សមត្ថភាព និងការអភិវឌ្ឍវិជ្ជាជីវៈគិលានុបដ្ឋាកនៅកម្ពុជា។

#គណៈគិលានុបដ្ឋាកកម្ពុជា

31/07/2026

⏰ សូមរំលឹក! កុំភ្លេចចូលរួម

ថ្ងៃនេះជាថ្ងៃទី ៣១ ហើយ! នៅសល់តែ ១ថ្ងៃទៀតប៉ុណ្ណោះ នឹងដល់កម្មវិធីសិក្សាសំខាន់ៗ សម្រាប់បងប្អូនគិលានុបដ្ឋាក និងនិស្សិតគិលានុបដ្ឋាកទាំងអស់គ្នា 👩‍⚕️👨‍⚕️

📢 ការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar របស់ក្រុមប្រឹក្សាគណៈគិលានុបដ្ឋាកភូមិភាគទី១

គណៈគិលានុបដ្ឋាកកម្ពុជា សូមជម្រាបជូនដំណឹងដល់ លោកគ្រូ អ្នកគ្រូ ដែលជាគិលានុបដ្ឋាក និងនិស្សិតគិលានុបដ្ឋាកទាំងអស់ឱ្យបានជ្រាបថា៖

ក្រុមប្រឹក្សាគណៈគិលានុបដ្ឋាកភូមិភាគទី១ បានរៀបចំការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar ក្រោមប្រធានបទ៖
« សេចក្តីផ្តើមអំពីការកែលម្អគុណភាពក្នុងវិស័យសុខាភិបាល / Introduction to Quality Improvement in Healthcare»

🎤 បង្ហាញដោយ៖ លោកបណ្ឌិតគិលានុបដ្ឋាក វន រ៉ានី ប្រធានក្រុមប្រឹក្សាគណៈគិលានុបដ្ឋាកភូមិភាគ១ និងគ្រូបង្រៀន ផ្នែកស្រាវជ្រាវវេជ្ជសាស្ត្រនៃសាកលវិទ្យាល័យ​​ ពុទ្ធិសាស្រ្ត

📅 កាលបរិច្ឆេទ៖ ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ១ ខែសីហា ឆ្នាំ ២០២៦
⏰ ពេលវេលា៖ ម៉ោង ១២:០០ ដល់ ១៣:០០ រសៀល
💻 ទីកន្លែង៖ តាមប្រព័ន្ធអនឡាញ (Zoom)

🎯 គោលបំណងចម្បងនៃកម្មវិធីរួមមាន៖
✅ កំណត់និយមន័យអំពីការកែលម្អគុណភាព (Quality Improvement) និងតួនាទីរបស់វានៅក្នុងវិស័យសុខាភិបាល
✅ ស្វែងយល់អំពីវិធីសាស្ត្រ និងឧបករណ៍​សំខាន់ៗ សម្រាប់ប្រើប្រាស់ក្នុងការកែលម្អគុណភាព
✅ ពិពណ៍នាអំពី​វដ្ត​ Plan-Do-Study-Act (PDSA) ​គាំទ្រដល់ការកែលម្អ​គុណភាព និងសុវត្ថិភាពអ្នកជំងឺ។

🔗 ការចូលរួម និងចុះឈ្មោះ សូមចូលក្រុម Telegram៖ https://t.me/ccn1_3rd

🌟 រួមគ្នាពង្រឹងចំណេះដឹងវិជ្ជាជីវៈ ដើម្បីសុវត្ថិភាព និងគុណភាពនៃការថែទាំអ្នកជំងឺ!

📢 ការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar របស់ក្រុមប្រឹក្សាគណៈគិលានុបដ្ឋាកភូមិភាគទី១

គណៈគិលានុបដ្ឋាកកម្ពុជា សូមជម្រាបជូនដំណឹងដល់ លោកគ្រូ អ្នកគ្រូ ដែលជាគិលានុបដ្ឋាក និងនិស្សិតគិលានុបដ្ឋាកទាំងអស់ឱ្យបានជ្រាបថា៖

ក្រុមប្រឹក្សាគណៈគិលានុបដ្ឋាកភូមិភាគទី១ បានរៀបចំការអភិវឌ្ឍវិជ្ជាជីវៈបន្ត (CPD) និងកម្មវិធីចែករំលែកចំណេះដឹងតាម Webinar ក្រោមប្រធានបទ៖
« សេចក្តីផ្តើមអំពីការកែលម្អគុណភាពក្នុងវិស័យសុខាភិបាល / Introduction to Quality Improvement in Healthcare»

🎤 បង្ហាញដោយ៖ លោកបណ្ឌិតគិលានុបដ្ឋាក វន រ៉ានី ប្រធានក្រុមប្រឹក្សាគណៈគិលានុបដ្ឋាកភូមិភាគ១ និងគ្រូបង្រៀន ផ្នែកស្រាវជ្រាវវេជ្ជសាស្ត្រនៃសាកលវិទ្យាល័យ​​ ពុទ្ធិសាស្រ្ត

📅 កាលបរិច្ឆេទ៖ ថ្ងៃសៅរ៍ ៣រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី ១ ខែសីហា ឆ្នាំ ២០២៦
⏰ ពេលវេលា៖ ម៉ោង ១២:០០ ដល់ ១៣:០០ រសៀល
💻 ទីកន្លែង៖ តាមប្រព័ន្ធអនឡាញ (Zoom)

🎯 គោលបំណងចម្បងនៃកម្មវិធីរួមមាន៖
✅ កំណត់និយមន័យអំពីការកែលម្អគុណភាព (Quality Improvement) និងតួនាទីរបស់វានៅក្នុងវិស័យសុខាភិបាល
✅ ស្វែងយល់អំពីវិធីសាស្ត្រ និងឧបករណ៍​សំខាន់ៗ សម្រាប់ប្រើប្រាស់ក្នុងការកែលម្អគុណភាព
✅ ពិពណ៍នាអំពី​វដ្ត​ Plan-Do-Study-Act (PDSA) ​គាំទ្រដល់ការកែលម្អ​គុណភាព និងសុវត្ថិភាពអ្នកជំងឺ។

🔗 ការចូលរួម និងចុះឈ្មោះ សូមចូលក្រុម Telegram៖ https://t.me/ccn1_3rd

🌟 រួមគ្នាពង្រឹងចំណេះដឹងវិជ្ជាជីវៈ ដើម្បីសុវត្ថិភាព និងគុណភាពនៃការថែទាំអ្នកជំងឺ!

31/07/2026

អបអរសាទរ​ ខួបលើកទី១៩​ ទិវាឧទ្យានុរក្សពិភពលោក

៣១ កក្ដដា ២០០៧ ~ ៣១ កក្កដា ២០២៦

31/07/2026

អបអរសាទរ ខួបលើកទី១៧ នៃបណ្ណសារឧក្រិដ្ឋកម្មប្រល័យពូជសាសន៍ ទួលស្លែង ត្រូវបានចុះក្នុងបញ្ជីស្មារតីចងចាំនៃពិភពលោក របស់អង្គការយូណេស្កូ

៣១ កក្ដដា ២០០៩ ~ ៣១ កក្កដា ២០២៦

30/07/2026

អនុមោទនា បុណ្យចូលព្រះវស្សា

ពិធីបុណ្យចូលព្រះវស្សា គឺជាពិធីបុណ្យមួយដែលមានសារៈសំខាន់ក្នុងព្រះពុទ្ធសាសនា ជាពេលវេលាដ៏សំខាន់សម្រាប់ភិក្ខុសង្ឃ និងសាមណេរបានរៀនធម៌ និងវិន័យយ៉ាងខ្ជាប់ខ្ជួនតាមពុទ្ធឱវាទ។ បងប្អូនដែលជាអ្នកមានជំនឿទៅលើព្រះពុទ្ធសាសនា តែងតែនាំគ្នាប្រារព្ធពិធីបុណ្យដោយនាំយកជាស្លាដក់ អង្ករ ភេសជ្ជៈ និងរបស់ប្រើប្រាស់ផ្សេងៗ ទៅប្រគេនព្រះសង្ឃតាមលទ្ធភាព។ ពិធីបុណ្យចូលព្រះវស្សា ប្រារព្ធធ្វើឡើងជារៀងរាល់ឆ្នាំនាថ្ងៃ ១រោច ខែអាសាឍ ដែលពិធីត្រូវបានចាប់ផ្តើមនៅល្ងាចថ្ងៃទី១៥កើត ខែអាសាឍ ដោយមានការចូលរួមពីសំណាក់បងប្អូននិងចាស់ទុំចំណុះជើងវត្ត នាំគ្នាហែទៀនវស្សា សំពត់ ស្លាដក់ និងសម្ភារប្រើប្រាស់ផ្សេងៗ ជុំវិញព្រះវិហារ ហើយបន្ទាប់មក ព្រះសង្ឃសម្តែងធម៌ទេសនា និងវេរទៀនវស្សា ជាមួយនឹងសម្ភារប្រគេនព្រះសង្ឃ។

ថ្ងៃព្រហស្បតិ៍រ ១ រោច ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី៣០ ខែកក្កដា ឆ្នាំ២០២៦

29/07/2026

លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា អញ្ជើញថ្លែងសុន្ទរកថាបិទសន្និសីទក្រុមប្រឹក្សាគណៈគិលានុបដ្ឋាកខេត្តសៀមរាប ឆ្នាំ២០២៦។
CCN3rd===

ខេត្តសៀមរាប៖ នាវេលាល្ងាចថ្ងៃសៅរ៍ ទី២៥ ខែកក្កដា ឆ្នាំ២០២៦ លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា បានអញ្ជើញថ្លែងសុន្ទរកថាបិទសន្និសីទក្រុមប្រឹក្សាគណៈគិលានុបដ្ឋាកខេត្តសៀមរាប ឆ្នាំ២០២៦ ក្រោមប្រធានបទ៖ «ការពង្រឹងវិជ្ជាជីវៈគិលានុបដ្ឋាកកម្ពុជា៖ នវានុវត្តន៍ គុណភាព និងសុវត្ថិភាពអ្នកជំងឺ» ដែលបានប្រព្រឹត្តទៅនៅសណ្ឋាគារ Empress Angkor Resort & Spa ខេត្តសៀមរាប។

ក្នុងសុន្ទរកថាបិទ លោកប្រធានបានវាយតម្លៃខ្ពស់ចំពោះលទ្ធផលដ៏ជោគជ័យនៃសន្និសីទ ដែលបានប្រព្រឹត្តទៅក្នុងបរិយាកាសប្រកប​ដោយស្មារតីសហការ ការចូលរួមយ៉ាងសកម្ម និងការផ្លាស់ប្តូរចំណេះ​ដឹងប្រកបដោយគុណភាពពីសំណាក់ថ្នាក់ដឹកនាំ អ្នកជំនាញ វាគ្មិន និងអ្នកវិជ្ជាជីវៈគិលានុបដ្ឋាកមកពីទូទាំងប្រទេស។ លោកបានគូសបញ្ជាក់ថា សន្និសីទនេះបានឆ្លុះបញ្ចាំងពីការប្តេជ្ញាចិត្តរួមក្នុងការពង្រឹងគុណ​ភាព​សេវាថែទាំ លើកកម្ពស់ស្តង់ដារវិជ្ជាជីវៈ និងជំរុញការអភិវឌ្ឍវិជ្ជា​ជីវៈគិលានុបដ្ឋាកនៅកម្ពុជា។

លោកប្រធានបានលើកឡើងថា ខ្លឹមសារសំខាន់ៗដែលទទួលបានពីសន្និសីទ រួមមានការពង្រឹងភាពជាអ្នកវិជ្ជាជីវៈ ការចុះបញ្ជិកា ការបន្តអាជ្ញាបណ្ណ និងការអភិវឌ្ឍវិជ្ជាជីវៈបន្ត (CPD) ការកសាងវប្បធម៌សុវត្ថិភាពអ្នកជំងឺ (Just Culture & Patient Safety) ការលើកកម្ពស់​ នវានុវត្តន៍ និងការស្រាវជ្រាវផ្អែកលើភស្តុតាងវិទ្យាសាស្ត្រ (Evidence-Based Practice) ព្រមទាំងការពង្រឹងគុណភាពនៃការថែទាំ និងការបញ្ជូនអ្នកជំងឺប្រកបដោយសុវត្ថិភាព។

ជាមួយគ្នានេះ លោកប្រធានបានអំពាវនាវដល់គិលានុបដ្ឋាក និងគិលានុបដ្ឋាយិកាទាំងអស់ ឱ្យយកចំណេះដឹង និងបទពិសោធន៍ដែលទទួលបានពីសន្និសីទទៅអនុវត្តជាក់ស្តែង បន្តចែករំលែកដល់សហការី និងរួមគ្នាបង្កើតវប្បធម៌នៃការរៀនសូត្រជាបន្តបន្ទាប់ ដើម្បីលើកកម្ពស់គុណភាពសេវាថែទាំ និងសុវត្ថិភាពអ្នកជំងឺ។

លោកប្រធានបានបញ្ជាក់យ៉ាងមុតមាំថា៖ «ការផ្លាស់ប្តូរដើម្បីគុណភាព និងសុវត្ថិភាពអ្នកជំងឺ ចាប់ផ្តើមចេញពីខ្លួនយើងម្នាក់ៗ» និងបានអះអាងថា គណៈគិលានុបដ្ឋាកកម្ពុជា នឹងបន្តពង្រឹងការចុះបញ្ជិកា ការបន្តអាជ្ញាបណ្ណ ការអភិវឌ្ឍវិជ្ជាជីវៈបន្ត ការអនុវត្តក្រមសីលធម៌ និងស្តង់ដារវិជ្ជាជីវៈ ដើម្បីកសាងវិជ្ជាជីវៈគិលានុបដ្ឋាកកម្ពុជាឱ្យកាន់តែរឹងមាំ មានគុណភាព និងឈានទៅស្តង់ដារតំបន់ និងអន្តរជាតិ។

ក្នុងឱកាសនោះផងដែរ លោកប្រធានបានថ្លែងអំណរគុណយ៉ាងជ្រាលជ្រៅចំពោះវាគ្មិនកិត្តិយស គណៈកម្មការរៀបចំ ក្រុមប្រឹក្សាគណៈគិលានុបដ្ឋាកខេត្តសៀមរាប មន្ទីរពេទ្យ ដៃគូអភិវឌ្ឍជាតិ និងអន្តរជាតិ ព្រមទាំងអង្គសន្និសីទទាំងមូល ដែលបានរួមចំណែកធ្វើឱ្យសន្និសីទឆ្នាំ២០២៦នេះទទួលបានជោគជ័យ និងបានរួមចំណែកជំរុញការអភិវឌ្ឍវិជ្ជាជីវៈគិលានុបដ្ឋាកកម្ពុជាឱ្យកាន់តែរីកចម្រើនប្រកបដោយចីរភាព។

28/07/2026

កម្មវិធីសន្និសីទ ក្រុមប្រឹក្សាគណៈគិលានុបដ្ឋាកខេត្តសៀមរាប សម្រាប់ឆ្នាំ ២០២៦។
CCN3rd===

ខេត្តសៀមរាបៈ នាព្រឹកថ្ងៃសៅរ៍ ១១កើត ខែទុតិយាសាឍ ឆ្នាំមមី អដ្ឋស័ក ពុទ្ធសករាជ ២៥៧០ ត្រូវនឹងថ្ងៃទី២៥ ខែកក្កដា ឆ្នាំ២០២៦ លោក ជា សុភក្ត្រមុនីរ័ត្ន ប្រធានគណៈគិលានុបដ្ឋាកកម្ពុជា បានអញ្ជើញចូលរួមក្នុង «កម្មវិធីសន្និសីទ ក្រុមប្រឹក្សាគណៈគិលានុបដ្ឋាកខេត្តសៀមរាប» ដែលប្រារព្ធធ្វើនៅសាលសន្និសីទ សណ្ឋាគារ Empress Angkor Resort & Spa ខេត្តសៀមរាប។

កម្មវិធីនេះប្រព្រឹត្តទៅក្រោមអធិបតីភាពដ៏ខ្ពង់ខ្ពស់របស់ លោកជំទាវសាស្ត្រាចារ្យ អុឹម សិទ្ធិការ្យ រដ្ឋលេខាធិការក្រសួងសុខាភិបាល និងជាតំណាងដ៏ខ្ពង់ខ្ពស់របស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ដោយមានការចូលរួមពីលោកវេជ្ជបណ្ឌិត អៀប ប៊ុនលឿន អនុប្រធានមន្ទីរសុខាភិបាលខេត្តសៀមរាប និងថ្នាក់ដឹកនាំ នាយកមន្ទីរពេទ្យ មន្ត្រីសុខាភិបាល គិលានុបដ្ឋាក និស្សិតគិលានុបដ្ឋាក និងដៃគូអភិវឌ្ឍជាតិនិង អន្តរជាតិចំនួន ៤៥៨ រូប។

សន្និសីទនេះ ត្រូវបានរៀបចំឡើងដោយ ក្រុមប្រឹក្សាគណៈគិលានុបដ្ឋាកខេត្តសៀមរាប ក្នុងគោលបំណងពង្រឹងសមត្ថភាពវិជ្ជាជីវៈ និងលើកកម្ពស់គុណភាពសេវាថែទាំ តាមរយៈចំនុចសំខាន់ៗចំនួន ៣ រួមមាន៖
១) ការផ្សព្វផ្សាយ និងអភិវឌ្ឍន៍វិជ្ជាជីវៈបន្ត (Continuous Professional Development – CPD) ដើម្បីធានាឱ្យគិលានុបដ្ឋាក និងឆ្មប បន្តធ្វើបច្ចុប្បន្នភាពចំណេះដឹង ជំនាញ និងសមត្ថភាព ស្របតាមការវិវឌ្ឍនៃវិទ្យាសាស្ត្រ និងបច្ចេកវិទ្យាថែទាំសុខភាព។
២) ការលើកកម្ពស់វិជ្ជាជីវៈ គុណភាពថែទាំ និងសុវត្ថិភាពអ្នកជំងឺ (Patient Safety) ដោយជំរុញការអនុវត្តសេវាថែទាំប្រកបដោយគុណភាព ក្រមសីលធម៌វិជ្ជាជីវៈ និងផ្តោតលើសុវត្ថិភាពអ្នកជំងឺជាអាទិភាព ស្របតាមគោលនយោបាយសុខាភិបាលជាតិ និងស្តង់ដារអន្តរជាតិ។
៣) ការពង្រឹងការយល់ដឹងអំពីការប្រកបវិជ្ជាជីវៈ និងការគ្រប់គ្រងថ្នាក់មូលដ្ឋាន ដើម្បីបង្កើនសមត្ថភាពដឹកនាំ ការគ្រប់គ្រង និងការអនុវត្តការងាររបស់គិលានុបដ្ឋាកនៅគ្រប់កម្រិត ព្រមទាំងលើកកម្ពស់ការអនុវត្តតាមលិខិតបទដ្ឋានគតិយុត្ត និងក្រមសីលធម៌វិជ្ជាជីវៈ។

ការរៀបចំសន្និសីទនេះ បានឆ្លុះបញ្ចាំងពីការប្តេជ្ញាចិត្តរួមរបស់ក្រសួងសុខាភិបាល គណៈគិលានុបដ្ឋាកកម្ពុជា និងក្រុមប្រឹក្សាគណៈគិលានុបដ្ឋាកខេត្តសៀមរាប ក្នុងការបន្តពង្រឹងសមត្ថភាពធនធានមនុស្ស ផ្សព្វផ្សាយការអភិវឌ្ឍវិជ្ជាជីវៈបន្ត (CPD) និងលើកកម្ពស់គុណភាពសេវាថែទាំ ដើម្បីរួមចំណែកសម្រេចបាននូវប្រព័ន្ធសុខាភិបាលប្រកបដោយគុណភាព ប្រសិទ្ធភាព និងសុវត្ថិភាព សម្រាប់ប្រជាពលរដ្ឋកម្ពុជា។