CFCO Charity

08/04/2026

31/03/2026

31/03/2026

អង្គការមូលនិធិសប្បុរសធម៌សម្រាប់កុមារ ជាអង្គការក្នុងស្រុកមានបេសកកម្មនិងគោលដៅជួយដល់កុមារងាយរងគ្រោះរស់នៅក្នុងជីវភាពក្រីក្រចំនួន២៧៩នាក់។ នៅជាយក្រុងភ្នំពេញ សង្កាត់បឹងទំពុន ខណ្ឌមានជ័យមានចំនួន៨៩នាក់រស់នៅក្នុងសហគមន៍រើសអេតចាយដែលធ្វើឲ្យកុមាររងការ ស្រេកឃ្លាននិងអនក្ខភាព។នៅជនបទក្នុងស្រុកព្រៃឈរ ខេត្តកំពង់ចាម មាន ៣ឃុំដូចជាឃុំបឹងណាយមាន៥ភូមិ ឃុំក្រូចមាន៤ភូមិនិងឃុំថ្មពូនមាន៣ភូមិដែលមានកុមារងាយរងគ្រោះចំនួន១៩០ នាក់។អង្គការបានចំណាយជាប្រចាំខែជាង៧៣០០ដុល្លារអាមេរិច ដែលជាជំនួយពីសប្បុរសជនបានឪបត្ថម្ភដោយក្តីមេត្តាករុណាទានសង្ក្គ្រោះពួកគេដែលជាតម្រូវជាក់លាក់លើអាហារូបត្ថម្ភនិងការសិក្សារបស់កុមារទាំងអស់នេះ។ ការចំណាយជាប្រចាំមាន:
ស្បៀងអាហារដោយម្នាក់ៗទទួលបាន១៥គក្រ ត្រីខ ៥កំប៉ុង បន្លែ១៥គក្រ ទឹកត្រី ទឹកសុីអ៊ីវ ២ដប និង អំបិល ស្ករស។
ទឹកដោះគោកុមារម្នាក់ៗទទួលបាន១២ប្រអប់ នំ១ប្រអប់ នំបុ័ង៥ដើម មីកញ្ចប់១៥កញ្ចប់និង នំបំប៉នសុខភាព។ ដោយការចំណាយមិនមានគ្រប់គ្រាន់ ក្នុងការគាំពារកុមារជាប្រចាំ ដោយហេតុនេះ អង្គការសូមអំពាវដល់សប្បុរសជន ដែលមានក្តីមេត្តាអាណិតនិងស្រឡាញ់ពួកគេ សូមមេត្តាចូលរួមជាមួយអង្គការក្នុងការលើកកំពស់សិទ្ឋិកុមារក្នុងសមភាពយេនឌ័រ ហើយការបរិច្ចាកផ្ទាល់ខ្លួននិងក្រុមដើម្បីសង្រ្គោះកុមាររអោយផុតពីការរើសអើង អំពើហឹង្សា និងការកេងប្រវ័ញ្ចពលកម្មកុមារ។
អង្គការរង់ចាំទទួលជំនួយសប្បុរសធម៌ជួយដល់ពួកកុមារទាំងនេះដោយក្តីមេត្តាករុណាទានសង្រ្គោះពួកគេឲ្យផុតពីភាពស្រឹកឃ្លាននិងអនក្ខរភាព។អ្វីដែលត្រូវការចាំបាច់មាន:
អង្ករផ្តល់កុមារម្នាក់១៥គក្រក្នុង១ខែ
ទឹកត្រី/ទឹកស៊ីអ៊ីវ, ត្រីខ ម៊ីកញ្ចប់..ល
ទឹកដោះគោម្នាក់ៗទទួលបាន១២កញ្ចប់តូច ថ្មាំដុសធ្មេញនិងច្រាស់ដុសធ្មេញ
សម្ភារៈសិក្សាមាន:
សៀវភៅសរសេរចំនួន១,៣៥០ក្បាល
ប៊ិច បន្ទាត់ ខ្មៅដៃ ក្តាឈ្នួន ។
កាតាបដាក់សម្ភារៈសិក្សា ស្បែកជើងប៉ាតា ស្រោមជើង និងសម្លៀកបំពាក់។
ថវិកាសម្រាប់ចំណាយលើសុខភាពកុមារដែលសម្រាកនៅមន្ទីពេទ្យម្នាក់អស់១០០,០០០រៀលទៅ២៥០,០០០រៀលសម្រាប់កុមារមានសុខភាពធ្ងន់ធ្ងរ។
អង្គការសង្ឃឹមថាសប្បុរសជន ចូលរួមវិភាគទានតាមសន្ឋាជ្រះថ្លាដោយក្តីមេត្តាករុណាទានដល់កុមារដែលកំពុងរង គ្រោះដោយក្តីស្រេកឃ្លាននិងអនក្ខរភាព
សូមទាក់ទងតាម:
ទូរស័ព្ទ/តេឡេក្រាម/Whatsapp: +85517/70 901962.
Email [email protected]
សូមអរគុណនិងជូនពរឲ្យមានសុខភាពល្អនិងកម្លាំងមាំមួនឈ្នះអស់មាសត្រូវគ្រប់ទិសទីនិងមានទេវតាទ្រព្យតាមថែរក្សានិងបំពេញក្តីប្រាថ្នាគ្រប់ៗពេល។
ស្ថាបនិក/ប្រធានអង្គការ
ល. សេក សុជាតិ

29/03/2026

អង្គការមូលនិធិសប្បុរសធម៌សម្រាប់កុមារ សូមអំពាវនាវដល់សប្បុរសជន ដែលមានក្តីមេត្តាករុណាទាន សូមជួយដល់កុមារងាយរងគ្រោះ៨៩នាក់ដែលរស់នៅក្នុងសហគមន៍រើសអេតចាយខាងក្រោយស្ថានីយបូមទឹកស្អុយក្នុងសង្លាត់បឹងទំពុនខណ្ឌមានជយ័។ អង្គការស្នើសុំលោកជំទាវនិងលោកស្រីមេត្តាជួយឧបត្ថម្ភសម្ភារៈសិក្សានិងអាហារសម្រន់ដល់ពួកគេដូចខាងក្រោម: សម្ភារៈសិក្សាមានសៀវភៅសរសេរ បិច ខ្មៅដៃ ខ្មៅដៃគូលរ័ បន្ទាត់ ក្តារឈ្នួន កាតាបដាក់សម្ភារៈសិក្សា និងស្បែកជើងបាតា។
អាហារសម្រន់មាន មីកញ្ចប់ នំប៉័ង នំកញ្ចប់ និង នំផ្សេងៗ។
សង្ឃឹមថា លោកជំទាវ លោកស្រីចូលរួមបរិច្ចាកទានសម្រាប់សង្រ្គោះកុមារទាំង៨៩នាក់អោយផុតពីការស្រេកឃ្លាននិងអនក្ខរភាពនិងជាអ្នកមានបុណ្យសង្រ្គោះពួកគេឲ្យផុតពីការរើសអើង ការកេងប្រវ័ញ្ចពលកម្ម ការជួញដូរនិងការប្រើប្រាស់គ្រឿងញៀនដោយក្តីគោរពពីយើងខ្ញុំ។ សូមទំនាក់ទំនងតាម:
ទូរស័ព្ទ/តេឡេក្រាម:017/70901962@@

21/03/2026

យើងខ្ញុំសូមថ្លែងអំណរគុណដល់លោកស្រីឈុន សោភ័ណជាអាជីវករ បានឪបត្ថម្ភកាតាបចំនួន៥១កាតាបនិងលោកស្រី លី មុយហួង ជាអាជីវករ បានឪបត្ថម្ភកាតាបចំនួន១០០កាតាបដើម្បីចែកដល់កុមារងាយរងគ្រោះចំនួន២៧៩នាក់ដែលរស់នៅ:
១ - ជាយក្រុងភ្នំពេញនៅសង្កាត់បឹងទំពុន ខណ្ឌមានជ័យខាងក្រោយស្ថានីយបូមទឹកស្អុយលើផ្លូវ៣៧១ ចំនួន៨៩នាក់រស់នៅក្នុងសហគមន៍រើសអេតចាយ។
២ - ជនបទក្នុងស្រុកព្រៃឈរ ខេត្តកំពង់ចាមក្នុងឃុំបឹងណាយ ឃុំក្រូចនិងឃុំថ្មពូនដែលមានកុមារចំនួន១៩០នាក់ ជាពិសេសកុមារតូចរៀននៅក្នុងមតេយ្យសហគមន៍ចំនួន៤ថ្នាក់ុំានចំនួន១២៥នាក់ដែលភាគច្រើនរសើនៅជាមួយតាយាយដែលនៅថែរទាំ ដោយឪពុកម្តាយពួកគេចំណាកស្រុកដើម្បីរកប្រាក់សងកម្ចីធនាគានិងខ្លះស្លាប់នៅក្រៅប្រទេសដោយជាកម្មករ។
កុមារទាំង២៧៩នាក់ អង្គការបានឪបត្ថម្ភតាំងពីឆ្នាំ២០១៥ដល់បច្ចុប្បន្ន តែកុមារប្រមាណ១០ភាគរយបានបោះបង់ការសិក្សាព្រោះតែជីវភាពបង្ខំអោយពួកគេបោះបង់ការសិក្សា ភាគច្រើនកុមារីដែលមានអាយុពី១១ដល់១៥ឆ្នៃ ដែលជាកង្វល់លើបញ្ហាចំបងការកេងប្រវ័ញ្ចពលកម្មនិងផ្លូវភេទហើយកាន់តែបារម្ភចំពោះក្រុមសង្គមងងិតយកពួកមកប្រើប្រាស់ថ្នាំញៀននិងចែកចាយគ្រឿងញៀនក្នុងសហគមន៍។
អង្គការសូមអំពាវនាវដល់សប្បុរសជនមេត្តាចូលរួមជាមួយពួកយើងលើកកំពស់សិទ្ឋិកុមារក្នុងសមភាពយេនឌ័រ ជាចំណុចសំខាន់គឺលើកកម្ពស់ការសិក្សាដែលជាគ្រឹះចម្បងក្នុងលារលុបបំបាត់អនក្ខរភាពកុមារ។
សង្ឃឹមថាសប្បុរសជនដែលមានក្តីមេត្តាករុណាទានអាចទាក់ទងមកយើងខ្ញុំតាម:
ទូរស័ព្ទ/តេឡេក្រាម: +85517/70901962
Email: [email protected]
យើងអញ្ជើញសប្បុរសជនមកជួបពួកគេផ្ទាល់នៅក្នុងមណ្ឌលអង្គការនិងចែកអំណោយរបស់សប្បុរសជនផ្ទាល់ដល់ដៃកុមារងាយរងគ្រោះដោយក្តីអាណិតនិងក្តីមេត្តាដល់ពួកគេ។