Banteay Srei

22/08/2026

21/08/2026

20/08/2026

🌿♻️ រួមគ្នាគ្រប់គ្រងកាកសំណល់ ដើម្បីសហគមន៍ស្អាត និងបរិស្ថានបៃតង! ♻️🌿

នៅថ្ងៃទី១៦ ខែសីហា ឆ្នាំ២០២៦ អង្គការបន្ទាយស្រី បានរៀបចំកិច្ចប្រជុំជាមួយអ្នកដឹកនាំសហគមន៍ និងយុវជនចំនួន ១០នាក់ មកពីស្រុកអង្គរធំ និងស្រុកប្រាសាទបាគង ខេត្តសៀមរាប។

🎯កិច្ចប្រជុំនេះមានគោលបំណងលើកកម្ពស់ការយល់ដឹង និងជំរុញឱ្យអ្នកដឹកនាំសហគមន៍ និងយុវជនមានគំនិតផ្តួចផ្តើមក្នុងការរៀបចំយុទ្ធនាការផ្សព្វផ្សាយ ដើម្បីកៀរគរសហគមន៍ឱ្យចូលរួមថែរក្សាបរិស្ថាន និងគ្រប់គ្រងកាកសំណល់នៅក្នុងសហគមន៍អោយមានរៀបរៀបរយ និងសមស្របទៅតាមគោលការណ៍អនាម័យ និងបរិស្ថាន។​

✅ លទ្ធផលសំខាន់ៗដែលសម្រេចបាន៖
🔹 អ្នកចូលរួមបានយល់ដឹងកាន់តែច្បាស់អំពីគោលការណ៍ និងបច្ចេកទេសនៃការគ្រប់គ្រងកាកសំណល់ និងសារៈសំខាន់នៃការថែរក្សាបរិស្ថានក្នុងសហគមន៍។
🔹 អ្នកចូលរួមបានបង្កើតគំនិតផ្តួចផ្តើមសម្រាប់រៀបចំយុទ្ធនាការលើកកម្ពស់ការយល់ដឹងដល់សហគមន៍។
🔹 អ្នកចូលរួមបានត្រៀមខ្លួនក្នុងការបង្ហាញពាក្យស្លោក និងចូលរួមយុទ្ធនាការសហគមន៍ ដើម្បីជំរុញការចូលរួមពីប្រជាពលរដ្ឋ។

🤝 កម្មវិធីនេះត្រូវបានអនុវត្តដោយមានការគាំទ្រថវិកាពីអង្គការ DCA។

🌱 ការផ្លាស់ប្តូរតូចៗពីមនុស្សម្នាក់ អាចនាំទៅរកការផ្លាស់ប្តូរធំៗសម្រាប់សហគមន៍ទាំងមូល។ ចូលរួមជាមួយយើង ដើម្បីសហគមន៍ស្អាត និងបរិស្ថានប្រកបដោយចីរភាព!

#អង្គការបន្ទាយស្រី #គ្រប់គ្រងកាកសំណល់ #ថែរក្សាបរិស្ថាន #យុវជនដើម្បីបរិស្ថាន 🌿♻️

18/08/2026

📣📣 ដំណើរទស្សនកិច្ចសិក្សាសម្រាប់ក្រុមការងារប្រចាំតំបន់អាស៊ី (Asia Regional Team) នៃអង្គការវើលរីញូ (World Renew)។

នៅថ្ងៃសុក្រទី១៤ ខែសីហា ឆ្នាំ២០២៦ អង្គការបន្ទាយស្រី បានរៀបចំទទួលដំណើរទស្សនកិច្ចសិក្សាសម្រាប់ក្រុមការងារប្រចាំតំបន់អាស៊ី (Asia Regional Team) នៃអង្គការវើលរីញូ (World Renew)។

ដំណើរទស្សនកិច្ចនេះបានប្រព្រឹត្តទៅនៅស្រុកប្រាសាទបាគង និងស្រុកអង្គរធំ ខេត្តសៀមរាប ដោយមានការចូលរួមពីអាជ្ញាធរមូលដ្ឋាន អ្នកដឹកនាំសហគមន៍ យុវជន និងអ្នកបង្កើតផលក្នុងគម្រោង សរុបចំនួន ៣៦នាក់ ក្នុងនោះស្ត្រី ២៦នាក់។

✅ ក្នុងឱកាសនេះ ក្រុមការងារប្រចាំតំបន់អាស៊ី​ បានស្តាប់ និងស្វែងយល់ដោយផ្ទាល់អំពីការរីកចម្រើន និងការផ្លាស់ប្តូរជាវិជ្ជមានរបស់សមាជិកសហគមន៍ អង្គការសហគមន៍មូលដ្ឋាន និងក្រុមយុវជន ដែលកើតចេញពីការចូលរួមក្នុងគម្រោងដែលគាំទ្រដោយអង្គការ វើលរីញូ (World Renew)។​ ដំណើរទស្សនកិច្ចនេះក៏បានបង្ហាញពីរបៀបដែលគម្រោងបានចូលរួមពង្រឹងសមត្ថភាពសហគមន៍មូលដ្ឋាន ការផ្លាស់ប្តូជាវិជ្ចមានពីក្រុមបុរសល្អ ដើម្បីលើកកម្ពស់អំណាចស្ត្រី បង្កើនភាពជាអ្នកដឹកនាំ និងពង្រឹងការចូលរួមក្នុងការអភិវឌ្ឍសហគមន៍។

🎯ជាពិសេស សមាជិកសហគមន៍បានចែករំលែកបទពិសោធន៍អំពីការធ្វើសកម្មភាពលើ​ ការកៀរគរធនធាន ការបង្កើនជីវភាពគ្រួសារ និងការពង្រីកសម្ថភាព និង​ឱកាសចូលដល់ទីផ្សារ។ ការផ្លាស់ប្តូរទាំងនេះបានរួមចំណែកបង្កើនភាពជឿជាក់ និងភាពជាម្ចាស់របស់សហគមន៍ក្នុងការដឹកនាំការអភិវឌ្ឍមូលដ្ឋានរបស់ខ្លួន។

អង្គការសហគមន៍មូលដ្ឋាននៅ ភូមិអូរ ស្រុកប្រាសាទបាគង ក៏បានចែករំលែកនូវផែនការរបស់ពួកគេ ជាពិសេសភូមិតាប្រុក ក្នុងស្រុកអង្គរធំ ក្នុងការរៀបចំដីសមូហភាពអោយទៅជាមជ្ឈមណ្ឌលអភិវឌ្ឈន៍សេដ្ឋកិច្ចសង្គមរបស់សហគមន៍ និងជាមជ្ឈមណ្ឌលសិក្សា ដើម្បីគាំទ្រដល់ជីវភាពរស់នៅ ការអភិវឌ្ឍជំនាញ និងការចូលរួមយ៉ាងសកម្មរបស់សហគមន៍ និងយុវជននាពេលអនាគត។

សក្មភាព​នេះ​គាំទ្រដោយអង្គការ​

សកម្មភាពរូបភាពខ្លះបានមកពីក្រុមការងារ អង្គការ

#អង្គការបន្ទាយស្រី

12/08/2026

📢 JOB OPPORTUNITY: Research Consultant 📢

Banteay Srei is looking for an experienced Consultant / Team to lead a research study on the role of CSOs in supporting resilience, gender inclusion, and peace building in Cambodian.

📌 Location: Battambang, Siem Reap, Oddar Meanchey, Banteay Meanchey, Preah Vihear
⏱️ Duration: August – September 2026 (15 days)
💵 Budget: $2,500 – $3,000 (included tax)
📧 Apply to: [email protected]
🗓 Deadline: 21 August 2026

This is link for detail ToR.
https://drive.google.com/file/d/1p9BtpccWJSTdW_S8sGG1r4dC0YbTTBQ6/view?usp=sharing

12/08/2026

07/08/2026

🌿 ក្រុមបុរសវិជ្ជមាន រួមចំណែកកសាងគ្រួសារ និងសហគមន៍គ្មានអំពើហិង្សា ❤️🧡💛💚 💙💜

នៅថ្ងៃទី១៦ ខែកក្កដា ឆ្នាំ២០២៦ អង្គការបន្ទាយស្រី បានសម្របសម្រួលកិច្ចសន្ទនាជាមួយបុរសចំនួន​២០នាក់ដែលជាសមាជិកសហគមន៍ព្រៃឈើ សហគមន៍នេសាទ​ និងសហគមន៍តំបន់ការពារ ក្នុងស្រុកថាឡាបរិវ៉ាត់ ខេត្តស្ទឹងត្រែង។​

🎯 គោលបំណង ពង្រឹងសមត្ថភាព និងចងក្រងបណ្តាញ “ក្រុមបុរសវិជ្ជមាន” នៅតាមសហគមន៍នីមួយៗ ដើម្បីជួយអន្តរាគមន៍ និងគាំទ្រសហគមន៍ ជាពិសេសស្ត្រី និងកុមារដែលរងផលប៉ះពាល់ពីអំពើហិង្សា ព្រមទាំងលើកកម្ពស់ការអនុវត្តសមភាពយេនឌ័រនៅក្នុងគ្រួសារ និងសហគមន៍។

✨ លទ្ធផលសំខាន់ៗ

អ្នកចូលរួមបានរួមគ្នាកំណត់ទស្សនៈ និងផែនការបង្កើតបណ្តាញក្រុមបុរសវិជ្ជមានក្នុងសហគមន៍៖

✅ ក្រុមបានឯកភាពថា “បុរសវិជ្ជមាន” គឺជាបុរសដែលមានទំនួលខុសត្រូវ មិនប្រើអំពើហិង្សា ចេះចូលរួមជួយការងារផ្ទះ គាំទ្រ និងគោរពសិទ្ធិស្ត្រី ព្រមទាំងរួមចំណែកក្នុងការអភិវឌ្ឍសេដ្ឋកិច្ចគ្រួសារ និងការលុបបំបាត់អំពើហិង្សាក្នុងសហគមន៍។​

✅ អ្នកចូលរួមបានបង្ហាញការប្តេជ្ញាចិត្តយ៉ាងមុតមាំក្នុងការទប់ស្កាត់អំពើហិង្សាទាក់ទងនឹងយេនឌ័រ តាមរយៈការចូលរួមផ្សព្វផ្សាយ ចែករំលែកចំណេះដឹង និងបទពិសោធន៍ ព្រមទាំងអនុវត្តតួនាទីជាគំរូល្អក្នុងគ្រួសារ និងសហគមន៍ ដើម្បីលើកកម្ពស់សមភាពយេនឌ័រ និងបរិយាកាសរស់នៅប្រកបដោយសុវត្ថិភាព និងគ្មានអំពើហិង្សា។

✅ អ្នកចូលរួមបានលើកឡើងពីសារៈសំខាន់នៃសាមគ្គីភាព ការគាំទ្រគ្នាទៅវិញទៅមក និងការចូលរួមយ៉ាងសកម្មរបស់បុរសគំរូ អាជ្ញាធរមូលដ្ឋានភូមិឃុំ និងយុវជន ក្នុងការរួមចំណែកកសាងសហគមន៍ប្រកបដោយសុវត្ថិភាព បរិយាបន្ន និងគ្មានអំពើហិង្សា។​

✅ អ្នកចូលរួមបានស្នើឱ្យមានវគ្គបណ្តុះបណ្តាលបន្ត និងពង្រីកការផ្សព្វផ្សាយដល់ភូមិផ្សេងៗ ដើម្បីឱ្យប្រជាពលរដ្ឋទទួលបានការយល់ដឹងកាន់តែទូលំទូលាយ។

🤝 ការចូលរួមរបស់បុរស ​ស្រ្តី​ និង​បរិយាប័ន្ន​យេនឌ័រ​ គឺជាកម្លាំងដ៏សំខាន់ក្នុងការកសាង​គ្រួសាររឹងមាំ សហគមន៍មានសុវត្ថិភាព និងសង្គមដែលគ្មាន​អំពើហិង្សា មានសមភាពយេនឌ័រសម្រាប់មនុស្សគ្រប់រូប។

កម្មវិធី​នេះ​គាំទ្រដោយ តាមរយៈអង្គការ​Oxfam in Cambodia
#អង្គការបន្ទាយស្រី #ក្រុមបុរសវិជ្ជមាន #សមភាពយេនឌ័រ #សហគមន៍មានសុវត្ថិភាព

05/08/2026

📣📣សំឡេង និងបទពិសោធន៍របស់តំណាងស្ត្រី សមាជិកក្រុមប្រឹក្សាខេត្ត សមាជិកក្រុមប្រឹក្សាឃុំ និងគណៈកម្មាធិការទទួលបន្ទុកកិច្ចការនារី​​កុមារ​ ក្នុងខេត្ត​បាត់​ដំបង

❤️ អស់រយៈពេលជាង ២៥ ឆ្នាំមកហើយ អង្គការបន្ទាយស្រីបានសហការយ៉ាងជិតស្និទ្ធជាមួយតំណាងស្ត្រី ជាពិសេស ពីសមាជិកក្រុមប្រឹក្សា និងជាប្រធានគណៈកម្មាធិការពិគ្រោះយោបល់កិច្ចការស្រ្តី និងកុមារ ខេត្តបាត់ដំបង នគរបាលខេត្ត មន្ទីរកិច្ចការនារី មន្ទីរសង្គមកិច្ច អតីតយុទ្ធជន និងយុវនីតិសម្បទា សមាជិកក្រុមប្រឹក្សាថ្នាក់ស្រុក និងសមាជិកក្រុមប្រឹក្សាឃុំ និង​គណៈកម្មាធិការ​ទទួល​បន្ទុក​កិច្ចការ​នារី និង​កុមារ​​ ឃុំដើម្បីរួមចំណែកគាំទ្រ និងលើកកម្ពស់សុខុមាលភាពស្ត្រី និងកុមារនៅក្នុងសហគមន៍ទូទាំងខេត្តបាត់ដំបង។

💪 ស្ត្រីជាដៃគូដ៏សំខាន់ក្នុងការដឹកនាំការផ្លាស់ប្តូរជាវិជ្ជមាន ប៉ុន្តែការអភិវឌ្ឍសហគមន៍ និងសង្គមមួយដែលស្មើភាព និងរឹងមាំ ត្រូវការការចូលរួមពីទាំងស្ត្រី និងបុរស។

📣 ខាងក្រោមនេះ គឺជាសំឡេង និងបទពិសោធន៍របស់តំណាងស្ត្រី ដែលកំពុងដើរតួនាទីយ៉ាងសកម្មក្នុងការដឹកនាំ បម្រើ និងជំរុញការអភិវឌ្ឍសហគមន៍ សម្រាប់អនាគតកាន់តែប្រសើររបស់ប្រទេសជាតិ។

#ស្ត្រីនិងបុរសរួមគ្នាដើម្បីអនាគត់របស់ប្រទេជាតិ #ភាពជាអ្នកដឹកនាំរបស់ស្ត្រី #សហគមន៍រឹងមាំ #អង្គការបន្ទាយស្រី

03/08/2026

📣📣📣 កិច្ចប្រជុំចលនាក្រុមស្ត្រីជនជាតិដើមភាគតិច ដើម្បីបង្កើតបណ្តាញសាមគ្គីភាព និងកន្លែង សុវត្ថិភាពនៅក្នុងសហគមន៍

អង្គការបន្ទាយស្រីបានរៀបចំកិច្ចប្រជុំជាមួយសហគមន៍ជនជាតិដើមភាគតិចនៅថ្ងៃទី១៧ខែមិថុនា ឆ្នាំ២០២៦ធើ្វនៅខេត្តស្ទឹងត្រែង និងថ្ងៃទី២៣ខែមិថុនា ឆ្នាំ២០២៦ ធើ្វនៅខេត្តរតនគិរី។ កិច្ចប្រជុំមានអ្នកចូលរួមសរុប ៣១នាក់ (ក្រុមស្រ្តីនៅក្នុងខេត្តស្ទឹងត្រែង ១៥នាក់ ខេត្តរតនគិរី ១៦នាក់)។

🎯 កិច្ចប្រជុំនេះមានគោលបំណងពង្រឹង និងលើកកម្ពស់ការបង្កើតបណ្តាញក្រុមស្ត្រីជនជាតិដើមភាគតិច ដើម្បីផ្តល់ការគាំទ្រ ចែករំលែកចំណេះដឹង និងបង្កើតកន្លែងសុវត្ថិភាពសម្រាប់ស្ត្រីក្នុងសហគមន៍។

🌾 ជាលទ្ធផល អ្នកចូលរួមបានបង្ហាញការចាប់អារម្មណ៍ និងឆន្ទៈក្នុងការបង្កើតក្រុមស្ត្រី ដើម្បីជួយគាំទ្រស្ត្រីផ្សេងទៀត ឆ្លើយតប ទៅនឹងបញ្ហា និងតម្រូវការរបស់ពួកគាត់។ ស្ត្រី និងយុវជនមានភាពក្លាហាន និងទំនុកចិត្តលើខ្លួនឯងកាន់តែច្រើន ហ៊ានបញ្ចេញមតិ និងចូលរួមដោះស្រាយបញ្ហាសហគមន៍។ ពួកគេក៏បានយល់ដឹងកាន់តែច្បាស់អំពីការបង្កើតក្រុមស្ត្រី កន្លែងសុវត្ថិភាព សេវាជំនួយផ្នែកច្បាប់ និងការទប់ស្កាត់អំពើហិង្សាក្នុងគ្រួសារ។ លើសពីនេះ អ្នកចូលរួមបានចែករំលែកបទពិសោធន៍ភាពជាអ្នកដឹកនាំ និងលើកទឹកចិត្តស្ត្រីឱ្យមានភាពក្លាហានក្នុងការទទួលខុសត្រូវ និងចូលរួមអភិវឌ្ឍសហគមន៍។

កម្មវិធីនេះគាំទ្រដោយ តាមរយៈ Oxfam International in Cambodia

30/07/2026