LICADHO / លីកាដូ

17/06/2026

អត្ថបទខ្លី៖ ស្ត្រី​លក់​គ្រឿង​សង្ហារិម​ម្នាក់​ ​ត្រូវ​បាន​ផ្តន្ទាទោស​ ​២​ឆ្នាំ​ ​ពី​បទ​ញុះញង់​ ​និង​ប្រមាថ

ចេញផ្សាយ ថ្ងៃទី​១៧ ខែមិថុនា ឆ្នាំ២០២៦
--------------------

នៅ​រសៀល​នេះ​ ​សាលាដំបូង​រាជធានី​ភ្នំពេញ​ ​បាន​ប្រកាស​សាលក្រម​ផ្តន្ទាទោស​អ្នកស្រី​ មុ​យ​ ​យូ​ឡេង​ ​អាយុ​ ​៥​៣​ ​ឆ្នាំ​ ​ដែល​ជា​អ្នក​លក់​គ្រឿង​សង្ហារិម​មួយ​រូប​ ​នៅ​រាជធានី​ភ្នំពេញ​ ​ដោយ​ផ្តន្ទាទោស​ដាក់​ពន្ធ​នាគា​រ​រយៈពេល​ ​២​ឆ្នាំ​ ​និង​ពិន័យ​ជា​ប្រាក់​ចំនួន​ ​៤​លាន​រៀល​ (​ប្រមាណ​ជាង​ ​១​.​០​០​០​ ​ដុល្លារ​អា​ម៉េរិ​ក​) ​ពី​បទ​ញុះញង់​បង្ក​ឱ្យ​មាន​ភាព​វឹកវរ​ធ្ងន់ធ្ងរ​ដល់​សន្តិសុខ​សង្គម​ ​និង​ប្រមាថ​ ​យោង​តាម​បញ្ញត្តិ​មាត្រា​ ​៤​៩​៤​ ​៤​៩​៥​ ​និង​៥​០​២​ ​នៃ​ក្រមព្រហ្មទណ្ឌ​ ​។​

​ការ​ផ្តន្ទាទោស​នេះ​ ​ធ្វើឡើង​ពាក់ព័ន្ធ​ករណី​ដែល​អ្នកស្រី​បាន​ចែករំលែក​សារ​លើ​បណ្តាញ​សង្គម​ជុំវិញ​ការរិះគន់​ថ្នាក់​ដឹកនាំ​ ​និង​ស្ថាប័ន​រាជរដ្ឋាភិបាល​អំពី​បញ្ហា​ព្រំដែន​កម្ពុជា​-​ថៃ​ ​។​ ​ក្រោយ​ប្រកាស​សាលក្រម​ ​អ្នកស្រី​ត្រូវ​បាន​បញ្ជូន​ទៅ​ឃុំ​ខ្លួន​នៅ​មណ្ឌល​អប់រំ​កែប្រែ​ទី​២​ ​ព្រៃ​ស​ ​រាជធានី​ភ្នំពេញ​វិញ​ ​។​

​អ្នកស្រី​ ​យូ​ឡេង​ ​ត្រូវ​បាន​ចាប់ខ្លួន​កាលពី​ថ្ងៃ​ទី​ ​២​៥​ ​ខែ​ធ្នូ​ ​ឆ្នាំ​២​០​២​៥​ ​ដោយ​កម្លាំង​នគរបាល​មក​ ​ពី​ស្នងការដ្ឋាន​នគរបាល​រាជធានី​ភ្នំពេញ​ ​នៅកន្លែង​លក់​គឿ​ង​សង្ហារិម​របស់​អ្នកស្រី​ ​នៅ​ក្នុង​សង្កាត់​ចោម​ចៅ​ទី​៣​ ​ខណ្ឌ​ពោធិ៍​សែន​ជ័យ​ ​រាជធានី​ភ្នំពេញ​ ​។​ ​បន្ទាប់ពី​ត្រូវ​បាន​សាកសួរ​នៅ​ស្នងការដ្ឋាន​នគរបាល​រាជធានី​ភ្នំពេញ​ ​អ្នកស្រី​ក៏​ត្រូវ​បាន​បញ្ជូន​ទៅកាន់​សាលាដំបូង​រាជធានី​ភ្នំពេញ​ ​មុន​ត្រូវ​បាន​ចោទប្រកាន់​ពី​បទ​ព្រហ្មទណ្ឌ​ទាំងនោះ​ ​។​ ​អ្នកស្រី​ ​យូ​ឡេង​ សិ្ថ​ត​នៅក្នុងចំណោម​មនុស្ស​ ១១៥នាក់ ​កំពុង​ជាប់ឃុំ​ដោយ​ប្រើប្រាស់​សិទ្ធិ​ ​ដែល​ចងក្រង​ដោយ​អង្គការ​ ​លី​កា​ដូ ​៕​
​
គណនីតិកតុក ៖ https://www.tiktok.com/
តេឡេក្រាម ឆានែល៖ https://t.me/licadho
ភាសាខ្មែរ៖ https://www.licadho-cambodia.org/flashnews.php?perm=545&khmer
English: https://www.licadho-cambodia.org/flashnews.php?perm=545&english

អ្នកស្រី មុយ យូឡេង ។ រូបភាពត្រូវបានផ្តល់ឱ្យ ។

16/06/2026

សេចក្ដីថ្លែងការណ៍រួមជាសំឡេង ៖ អង្គការសហប្រជាជាតិ អំពាវនាវឱ្យរាជរដ្ឋាភិបាលកម្ពុជាពង្រឹងការការពារប្រឆាំងនឹងអំពើហិង្សាផ្លូវភេទ

ចេញផ្សាយ ថ្ងៃទី​១៦ ខែមិថុនា ឆ្នាំ២០២៦

--------------------

គណៈកម្មាធិការអង្គការសហប្រជាជាតិទទួលបន្ទុកអនុសញ្ញាលុបបំបាត់រាល់ទម្រង់នៃការរើសអើងប្រឆាំងលើស្ត្រីភេទ(គណៈកម្មាធិការ) បានចេញសេចក្តីសម្រេចពាក់ព័ន្ធនឹងករណីបុគ្គលជាលើកដំបូងរបស់ខ្លួនសម្រាប់ប្រទេសកម្ពុជា ដោយរកឃើញថា រាជរដ្ឋាភិបាលកម្ពុជាបានរំលោភបំពានសិទ្ធិក្មេងស្រីកម្ពុជាម្នាក់ ដែលត្រូវបានរំលោភសេពសន្ថវៈជាបន្តបន្ទាប់ពីសំណាក់មន្ត្រីនគរបាលម្នាក់ ។ គណៈកម្មាធិការបានរកឃើញថា រាជរដ្ឋាភិបាលកម្ពុជាបានបរាជ័យក្នុងការធានាឱ្យមានយុត្តិធម៌ ការការពារ និងដំណោះស្រាយប្រកបដោយប្រសិទ្ធភាព ហើយផ្ទុយទៅវិញ បានជំរុញឱ្យមាននិទណ្ឌភាព និងការរើសអើង ដែល “បានធ្វើឱ្យនាងប្រឈមនឹងការយាយី និងការគំរាមកំហែងជាបន្តបន្ទាប់ ដោយធ្វើឱ្យមានការប៉ះពាល់ផ្លូវចិត្តរបស់នាងយ៉ាងធ្ងន់ធ្ងរ ដែលមិនអាចស្តារឡើងវិញបាន ហើយធ្វើឱ្យនាងក្លាយជាជនរងគ្រោះម្តងទៀត” ។

យើងខ្ញុំសូមស្វាគមន៍ចំពោះទស្សនៈដ៏សំខាន់ ដែលត្រូវបានអនុម័តដោយគណៈកម្មាធិការខាងលើនេះ ហើយសូមអំពាវនាវឱ្យរាជរដ្ឋាភិបាល បង្កើនកិច្ចខិតខំប្រឹងប្រែងជាបន្ទាន់ ដើម្បីទប់ស្កាត់អំពើហិង្សាផ្អែកលើយេនឌ័រ និងធានាថា ជនរងគ្រោះ ឬអ្នករស់រានមានជីវិតពីអំពើហិង្សាទាំងនោះគ្រប់រូប មានសិទ្ធិទទួលបានយុត្តិធម៌ត្រឹមត្រូវ និងទាន់ពេលវេលា ដោយគ្មានការរើសអើង ។ [...]

(សូមចុចលើតំណភ្ជាប់ខាងក្រោម ដើម្បីអានសេចក្ដីថ្លែងការណ៍រួមពេញ)
​
គណនីតិកតុក ៖ https://www.tiktok.com/

តេឡេក្រាម ឆានែល៖ https://t.me/licadho

ភាសាខ្មែរ ៖ https://www.licadho-cambodia.org/pressrelease.php?perm=560&khmer

English: https://www.licadho-cambodia.org/pressrelease.php?perm=560&english

16/06/2026

សេចក្ដីថ្លែងការណ៍រួម៖ អង្គការសហប្រជាជាតិ អំពាវនាវឱ្យរាជរដ្ឋាភិបាលកម្ពុជាពង្រឹងការការពារប្រឆាំងនឹងអំពើហិង្សាផ្លូវភេទ

ចេញផ្សាយ ថ្ងៃទី​១៦ ខែមិថុនា ឆ្នាំ២០២៦
--------------------
គណៈកម្មាធិការអង្គការសហប្រជាជាតិទទួលបន្ទុកអនុសញ្ញាលុបបំបាត់រាល់ទម្រង់នៃការរើសអើងប្រឆាំងលើស្ត្រីភេទ(គណៈកម្មាធិការ) បានចេញសេចក្តីសម្រេចពាក់ព័ន្ធនឹងករណីបុគ្គលជាលើកដំបូងរបស់ខ្លួនសម្រាប់ប្រទេសកម្ពុជា ដោយរកឃើញថា រាជរដ្ឋាភិបាលកម្ពុជាបានរំលោភបំពានសិទ្ធិក្មេងស្រីកម្ពុជាម្នាក់ ដែលត្រូវបានរំលោភសេពសន្ថវៈជាបន្តបន្ទាប់ពីសំណាក់មន្ត្រីនគរបាលម្នាក់ ។ គណៈកម្មាធិការបានរកឃើញថា រាជរដ្ឋាភិបាលកម្ពុជាបានបរាជ័យក្នុងការធានាឱ្យមានយុត្តិធម៌ ការការពារ និងដំណោះស្រាយប្រកបដោយប្រសិទ្ធភាព ហើយផ្ទុយទៅវិញ បានជំរុញឱ្យមាននិទណ្ឌភាព និងការរើសអើង ដែល “បានធ្វើឱ្យនាងប្រឈមនឹងការយាយី និងការគំរាមកំហែងជាបន្តបន្ទាប់ ដោយធ្វើឱ្យមានការប៉ះពាល់ផ្លូវចិត្តរបស់នាងយ៉ាងធ្ងន់ធ្ងរ ដែលមិនអាចស្តារឡើងវិញបាន ហើយធ្វើឱ្យនាងក្លាយជាជនរងគ្រោះម្តងទៀត” ។

យើងខ្ញុំសូមស្វាគមន៍ចំពោះទស្សនៈដ៏សំខាន់ ដែលត្រូវបានអនុម័តដោយគណៈកម្មាធិការខាងលើនេះ ហើយសូមអំពាវនាវឱ្យរាជរដ្ឋាភិបាល បង្កើនកិច្ចខិតខំប្រឹងប្រែងជាបន្ទាន់ ដើម្បីទប់ស្កាត់អំពើហិង្សាផ្អែកលើយេនឌ័រ និងធានាថា ជនរងគ្រោះ ឬអ្នករស់រានមានជីវិតពីអំពើហិង្សាទាំងនោះគ្រប់រូប មានសិទ្ធិទទួលបានយុត្តិធម៌ត្រឹមត្រូវ និងទាន់ពេលវេលា ដោយគ្មានការរើសអើង ។ [...]

(សូមចុចលើតំណភ្ជាប់ខាងក្រោម ដើម្បីអានសេចក្ដីថ្លែងការណ៍ពេញ)
​
គណនីតិកតុក ៖ https://www.tiktok.com/
តេឡេក្រាម ឆានែល៖ https://t.me/licadho
ភាសាខ្មែរ៖ https://www.licadho-cambodia.org/pressrelease.php?perm=560&khmer
English: https://www.licadho-cambodia.org/pressrelease.php?perm=560&english

15/06/2026

អត្ថបទខ្លីជាសំឡេង ៖ តុលាការកំពូលបើកសវនាការចំពោះលោក រ៉ុង ឈុន ខណៈអ្នកគាំទ្រប្រមូលផ្តុំ អំពាវនាវឱ្យទម្លាក់ការចោទប្រកាន់ចំពោះលោក

ចេញផ្សាយ ថ្ងៃទី​១៥ ខែមិថុនា ឆ្នាំ២០២៦

--------------------

តុលាការកំពូល នាព្រឹកនេះ បានបើកសវនាការជុំវិញការផ្តន្ទាទោសចំពោះបទចោទ ញុះញង់ លើលោក រ៉ុង ឈុន ដែលជាអតីតថ្នាក់ដឹកនាំសហជីព និងជាទីប្រឹក្សាគណបក្សកម្លាំងជាតិ ។ បទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ដែលចោទប្រកាន់ចំពោះលោក រ៉ុង ឈុន ធ្វើឡើងក្រោយពីលោកបានបញ្ចេញមតិទាក់ទងនឹងការបោកប្រាស់តាមប្រព័ន្ធអ៊ីនធឺណិតនៅកម្ពុជា និងបញ្ហាព្រំដែនកម្ពុជា-វៀតណាម ។ អ្នកគាំទ្រប្រមាណ ជាង ២០០ នាក់ ប្រមូលផ្តុំគ្នានៅមុខតុលាការកំពូល អំពាវនាវឱ្យមានការទម្លាក់ការចោទប្រកាន់ចំពោះ លោក ។ ទោះបីជាយ៉ាងណា អ្នកគាំទ្រទាំងនោះ ដែលជួបជុំនាព្រឹកនេះត្រូវបានរឹតត្បិត និងទទួលការរំខានពីសំណាក់អាជ្ញាធរ ។ ក្រោយសវនាការ សាលដីកានេះ នឹងត្រូវប្រកាសនៅថ្ងៃទី ១៩ ខែមិថុនា ឆ្នាំ២០២៦ ខាងមុខនេះ ។

(សូមចុចលើតំណភ្ជាប់ខាងក្រោម ដើម្បីអានអត្ថបទខ្លីពេញ)

គណនីតិកតុក ៖ https://www.tiktok.com/

តេឡេក្រាម ឆានែល៖ https://t.me/licadho

ភាសាខ្មែរ៖ https://www.licadho-cambodia.org/flashnews.php?perm=544&khmer

English: https://www.licadho-cambodia.org/flashnews.php?perm=544&english

អ្នកជាប់ឃុំដោយប្រើសិទ្ធិ ៖ https://www.licadho-cambodia.org/prisoners_of_interest/?khmer

15/06/2026

អត្ថបទខ្លី៖ តុលាការកំពូលបើកសវនាការចំពោះលោក រ៉ុង ឈុន ខណៈអ្នកគាំទ្រប្រមូលផ្តុំ អំពាវនាវឱ្យទម្លាក់ការចោទប្រកាន់ចំពោះលោក

ចេញផ្សាយ ថ្ងៃទី​១៥ ខែមិថុនា ឆ្នាំ២០២៦
--------------------
តុលាការកំពូល នាព្រឹកនេះ បានបើកសវនាការជុំវិញការផ្តន្ទាទោសចំពោះបទចោទ ញុះញង់ លើលោក រ៉ុង ឈុន ដែលជាអតីតថ្នាក់ដឹកនាំសហជីព និងជាទីប្រឹក្សាគណបក្សកម្លាំងជាតិ ។ បទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ដែលចោទប្រកាន់ចំពោះលោក រ៉ុង ឈុន ធ្វើឡើងក្រោយពីលោកបានបញ្ចេញមតិទាក់ទងនឹងការបោកប្រាស់តាមប្រព័ន្ធអ៊ីនធឺណិតនៅកម្ពុជា និងបញ្ហាព្រំដែនកម្ពុជា-វៀតណាម ។ អ្នកគាំទ្រប្រមាណ ជាង ២០០ នាក់ ប្រមូលផ្តុំគ្នានៅមុខតុលាការកំពូល អំពាវនាវឱ្យមានការទម្លាក់ការចោទប្រកាន់ចំពោះ លោក ។ ទោះបីជាយ៉ាងណា អ្នកគាំទ្រទាំងនោះ ដែលជួបជុំនាព្រឹកនេះត្រូវបានរឹតត្បិត និងទទួលការរំខានពីសំណាក់អាជ្ញាធរ ។ ក្រោយសវនាការ សាលដីកានេះ នឹងត្រូវប្រកាសនៅថ្ងៃទី ១៩ ខែមិថុនា ឆ្នាំ២០២៦ ខាងមុខនេះ ។

អ្នកគាំទ្រត្រូវបានអាជ្ញាធរមិនអនុញ្ញាតឱ្យជួបជុំនៅក្បែរច្រកចេញចូលតុលាការកំពូលនោះទេ ដោយបានណែនាំឱ្យពួកគេទៅជួបជុំនៅឯសួនបទុមវតីវិញ ។ អ្នកគាំទ្របានបដិសេធ និងបាននាំទៅឈរកន្លែងថ្មើរជើងជិតតុលាការវិញ ។ ទោះបីជាយ៉ាងណា អ្នកគាំទ្រទាំងនោះ នៅតែបន្តលើកបដា និងអំពាវនាវឱ្យទម្លាក់ការចោទប្រកាន់ចំពោះលោក រ៉ុង ឈុន ដែលមានអាជ្ញាធរប្រមាណជា ៦០ នាក់ឃ្លាំមើលការជួបជុំរបស់ពួកគេ ក្នុងនោះរួមមានកងសន្តិសុខខណ្ឌដូនពេញផងដែរ ។ ក្រោយសវនាការ លោក រ៉ុង ឈុន និងអ្នកគាំទ្របានធ្វើដំណើរមកសួនវត្តបទុមវតី ជាកន្លែងដែលពួកគេត្រូវបានហាមឃាត់ម្តងទៀត ដោយកងកម្លាំងនគរបាលប្រមាណជាង ១០០នាក់ មុនពេលពួកគេបំបែកគ្នាត្រឡប់ទៅផ្ទះវិញ ។

លោក រ៉ុង ឈុន ត្រូវបានសាលាដំបូងរាជធានីភ្នំពេញបានផ្តន្ទាទោសចំពោះលោក នៅខែឧសភា ឆ្នាំ ២០២៥ ជាប់ពន្ធនាគាររយៈពេល ៤ឆ្នាំ និងពិន័យ ជាប្រាក់ចំនួន ៤ លានរៀល (ប្រហែល ១.០០០ ដុល្លារអាមេរិក) ។ លោក ត្រូវបានតុលាការផ្តន្ទាទោសពីបទ “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” និង តាមបញ្ញតិមាត្រា ៤៩៤ ៤៩៥ និង បទ “ការមិនរាងចាលក្នុងបទមជ្ឈិមបន្ទាប់ពីការផ្តន្ទាទោសបទមជ្ឈិម” មាត្រា ៨៨ នៃក្រមព្រហ្មទណ្ឌ ដែលធ្វើឱ្យលោកត្រូវបានផ្តន្ទាទោសដាក់ពន្ធនាគាររយៈពេលទ្វេដង ប្រសិនបើបុគ្គលណាម្នាក់ត្រូវបានផ្តន្ទាទោសពីបទមជ្ឈិមដូចគ្នាក្នុងរយៈពេល ៥ ឆ្នាំ ដែលជាធម្មតាការផ្តន្ទាទោសអតិបរមាចំនួន ២ឆ្នាំ ទៅលើបទញុះញង់តាមមាត្រា ៤៩៤ និង ៤៩៥ នៃក្រមព្រហ្មទណ្ឌ ។ សាលាឧទ្ធរណ៍ភ្នំពេញ បានសម្រេចតម្កល់ការផ្តន្ទាទោសចំពោះលោក និង ដកសិទ្ធិធ្វើនយោបាយជាអចិន្ត្រៃយ៍របស់លោកបន្ថែមទៀត កាលពីខែមីនា ឆ្នាំ២០២៦ តាមបញ្ញត្តិមាត្រា ៤៩៨ នៃក្រមព្រហ្មទណ្ឌ ។

លោក រ៉ុង ឈុន ដែលធ្លាប់ត្រូវបានជាប់ពន្ធនាគារពីរបីដងរួចមកហើយ ។ លោកធ្លាប់បានជាប់ពន្ធនាគាររយៈពេល ១៥ ខែ កាលពីខែសីហា ឆ្នាំ២០២១ ពីបទញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម ។ ការផ្តន្ទាទោសលោកកាលពីឆ្នាំ២០២១ លោកត្រូវបានតុលាការបង្គាប់ឱ្យរួមគ្នាសងថ្លៃខូចខាតដល់ដើមបណ្តឹងចំនួន ៤០០ លានរៀល (ប្រហែល ១០០.០០០ ដុល្លារអាមេរិក) ។ ប៉ុន្តែ ដោយសារតែការសងការខូចខាតមិនទាន់ត្រូវបានបង់សង សាលាដំបូងរាជធានីភ្នំពេញ បានចេញដីកា បង្គាប់ឱ្យរឹបអូសទ្រព្យសម្បត្តិរបស់លោក រ៉ុង ឈុន ដែលរួមទាំងផ្ទះរបស់គាត់នៅរាជធានីភ្នំពេញផងដែរ ។ ក្រោយពីការដោះលែង លោក រ៉ុង ឈុន បានចូលរួមយ៉ាងសកម្មក្នុងសកម្មភាពនយោបាយជាមួយគណបក្សជំទាស់ដូចជា ជាអតីតអនុប្រធានគណបក្សភ្លើងទៀន និងក្រោយមកជាទីប្រឹក្សាគណបក្សកម្លាំងជាតិ ជាដើម ៕

គណនីតិកតុក ៖ https://www.tiktok.com/
តេឡេក្រាម ឆានែល៖ https://t.me/licadho
ភាសាខ្មែរ៖ https://www.licadho-cambodia.org/flashnews.php?perm=544&khmer
English: https://www.licadho-cambodia.org/flashnews.php?perm=544&english
អ្នកជាប់ឃុំដោយប្រើសិទ្ធិ ៖ https://www.licadho-cambodia.org/prisoners_of_interest/?khmer

15/06/2026

👉 បច្ចុប្បន្នភាពលើកាលវិភាគសវនាការបស់តុលាការ ប្រចាំសប្ដាហ៍ សម្រាប់ថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០២៦៖

📌 ថ្ងៃទី១៩ ខែមិថុនា វេលាម៉ោង ៨:០០ព្រឹក នៅ​តុលាការ​កំពូល មានការប្រកាសសាលដីកា លើអ្នកនយោបាយ លោក រ៉ុង ឈុន ពីបទ “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” និង“ការមិនរាងចាលក្នុងបទមជ្ឈិមបន្ទាប់ពីការផ្តន្ទាទោសបទមជ្ឈិម”។

👉 សម្រាប់ព័ត៌មានលម្អិត និងទាញយកព្រឹត្តិការណ៍ដាក់ក្នុងប្រតិទិនរបស់អ្នក សូមចូលទៅកាន់គេហទំព័រអង្គការលីកាដូ តាមរយៈ៖ https://www.licadho-cambodia.org/court_watch/?khmer

🗓 កាលវិភាគសវនាការបស់តុលាការប្រចាំសប្ដាហ៍ សម្រាប់ថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០២៦៖

📌 ថ្ងៃទី១៥ ខែមិថុនា វេលាម៉ោង ៨:០០ព្រឹក នៅ​តុលាការ​កំពូល មានសវនាការ លើអ្នកនយោបាយ លោក រ៉ុង ឈុន ពីបទ “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” និង“ការមិនរាងចាលក្នុងបទមជ្ឈិមបន្ទាប់ពីការផ្តន្ទាទោសបទមជ្ឈិម”។

👉 សម្រាប់ព័ត៌មានលម្អិត និងទាញយកព្រឹត្តិការណ៍ដាក់ក្នុងប្រតិទិនរបស់អ្នក សូមចូលទៅកាន់គេហទំព័រអង្គការលីកាដូ តាមរយៈ៖ https://www.licadho-cambodia.org/court_watch/?khmer

14/06/2026

🗓 កាលវិភាគសវនាការបស់តុលាការប្រចាំសប្ដាហ៍ សម្រាប់ថ្ងៃទី១៤ ដល់ថ្ងៃទី២០ ខែមិថុនា ឆ្នាំ២០២៦៖

📌 ថ្ងៃទី១៥ ខែមិថុនា វេលាម៉ោង ៨:០០ព្រឹក នៅ​តុលាការ​កំពូល មានសវនាការ លើអ្នកនយោបាយ លោក រ៉ុង ឈុន ពីបទ “ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម” និង“ការមិនរាងចាលក្នុងបទមជ្ឈិមបន្ទាប់ពីការផ្តន្ទាទោសបទមជ្ឈិម”។

👉 សម្រាប់ព័ត៌មានលម្អិត និងទាញយកព្រឹត្តិការណ៍ដាក់ក្នុងប្រតិទិនរបស់អ្នក សូមចូលទៅកាន់គេហទំព័រអង្គការលីកាដូ តាមរយៈ៖ https://www.licadho-cambodia.org/court_watch/?khmer

12/06/2026

🚨ដល់ពេលហើយ! រាជរដ្ឋាភិបាល ត្រូវតែដោះស្រាយ បញ្ហានៃការបញ្ចាំខ្លួនដោះបំណុល ដែលនាំឱ្យមានពលកម្មកុមារក្នុងសិប្បកម្មឡឥដ្ឋ

--------------

នៅថ្ងៃនេះ ក្នុងឱកាសទិវាពិភពលោកប្រឆាំងនឹងពលកម្មកុមារ អង្គការ​ លីកាដូ សូមអំពាវនាវជាថ្មីម្តងទៀត ដល់រាជរដ្ឋាភិបាលកម្ពុជា សូមចាត់វិធានការឱ្យបានម៉ឺងម៉ាត់ ដេីម្បី​លុបបំបាត់ពលកម្មកុមារក្នុងសិប្បកម្មឡឥដ្ឋ ។

កុមារជាច្រើននាក់ដែល​រស់នៅក្បែរសិប្បកម្មឡឥដ្ឋ កំពុងធ្វើការនៅ​ក្នុង​ទី​តាំង​ដែល​មាន​កម្តៅខ្លាំង ស្រូប​ផ្សែង​ និង​ធូលីដី ដែលចេញពីឡឥដ្ឋ ហើយ​លេីក​ដាក់​ និង​ដឹក​ជញ្ជូន​​ឥដ្ឋ​​ធ្ងន់ៗ​ ​លេី​សពី​កម្លាំងរបស់​កុមារដែល​អាច​ធ្វេី​បាន ។ ចំណែក​ឯក្រុមគ្រួសាររបស់​ពួកគេ កំពុងជាប់ផុង​នឹង​វដ្ត​នៃ​ការធ្វើការងារ​ដោយ​បញ្ចាំខ្លួនដេីម្បីដោះបំណុល​ ។ ការណ៍នេះ ធ្វើឱ្យមាន​កុមារទាំង​នោះ​ ត្រូវតែធ្វើការងារដែលមានគ្រោះថ្នាក់ទាំង​នេះ ។

📣 ពលកម្មកុមារ នឹងមិនត្រូវ​បានបញ្ចប់នោះទេ ប្រសិនបើនៅតែមានការបញ្ចាំខ្លួនដើម្បីដោះបំណុលនៅ​ក្នុង​សិប្បកម្ម​ឡឥដ្ឋ ។ សូមរាជរដ្ឋាភិបាល ធ្វើការ​​ស៊ើបអង្កេត និង​ចាត់វិធានការទៅ​លេី​អ្នក​ដែលទទួលខុសត្រូវ ចំពោះការធ្វេី​ឱ្យ​ក្រុមគ្រួសារទាំងនោះ​ ធ្លាក់​ខ្លួន​ជា​ទាសករ​សម័យ​ទំនេីប​ នៅក្នុងសិប្បកម្មឡឥដ្ឋទាំងនោះ ៕

#បញ្ឈប់ពលកម្មលើកុមារ

12/06/2026

សេចក្ដីថ្លែងការណ៍ជាសំឡេង ៖ កម្មវិធីអភិវឌ្ឍន៍អង្គការសហប្រជាជាតិ (UNDP)នៅកម្ពុជា គួរដកចេញនូវគម្រោង ដែលអាចបង្កផលប៉ះពាល់ និងពន្លឿនដំណើរការបណ្ដឹង

ចេញផ្សាយ ថ្ងៃទី​៨ ខែមិថុនា ឆ្នាំ២០២៦

--------------------

ថ្ងៃនេះអង្គការសម្ព័ន្ធខ្មែរជំរឿន និងការពារសិទ្ធិមនុស្ស (លីកាដូ) សូមអំពាវនាវដល់កម្មវិធីអភិវឌ្ឍន៍អង្គការសហប្រជាជាតិ (UNDP) ប្រចាំនៅក្នុងប្រទេសកម្ពុជាឱ្យធ្វើកែសម្រួលឡើងវិញលើថ្នាលវិនិយោគិន SDG (SDG Investor Platform) និងគេហទំព័រផែនទីសម្រាប់វិនិយោគិន ពាក់ព័ន្ធនឹងគោលដៅអភិវឌ្ឍន៍ប្រកបដោយចីរភាព (SDG Investor Map) ដើម្បីដកចេញនៅក្រុមហ៊ុនដែលមានជាប់ពាក់ព័ន្ធនឹងការរំលោភសិទ្ធិមនុស្ស និងអំពាវនាវដល់ស្ថាប័នទទួលពាក្យបណ្តឹងផ្ទៃក្នុងរបស់កម្មវិធីអភិវឌ្ឍន៍អង្គការសហប្រជាជាតិ (UNDP) ពន្លឿនដំណើរការបណ្ដឹងដែលបានអូសបន្លាយអស់រយៈពេលជាងពីរឆ្នាំ ។

អង្គភាពអនុលោមភាពសង្គម និងបរិស្ថាន (SECU) ដែលជាស្ថាប័នទទួលពាក្យបណ្តឹងផ្ទៃក្នុងរបស់កម្មវិធីអភិវឌ្ឍន៍អង្គការសហប្រជាជាតិ (UNDP) បានទទួលបណ្ដឹងពីពលរដ្ឋរងផលប៉ះពាល់ ដែលតំណាងដោយអង្គការលីកាដូ ជាងពីរឆ្នាំកន្លងទៅ ។ កម្មវត្ថុនៃពាក្យបណ្ដឹងនេះ គឺថ្នាលវិនិយោគិន SDG (SDG Investor Platform) និងគម្រោងផែនទីសម្រាប់វិនិយោគិនពាក់ព័ន្ធនឹងគោលដៅអភិវឌ្ឍន៍ប្រកបដោយចីរភាពរ (SDG Investor Map) នៅតែដំណើរការ និងផ្សាយលើប្រព័ន្ធអ៊ីនធឺណិតសម្រាប់រយៈពេលពីរឆ្នាំចុងក្រោយនេះ ដោយបន្ដផ្ដល់នូវការគាំទ្រថាមានកេរ្ដិ៍ឈ្មោះល្អដល់ក្រុមហ៊ុនមួយចំនួន ដែលមានជាប់ពាក់ព័ន្ធនឹងការបណ្ដេញចេញពលរដ្ឋដោយបង្ខំ ការបង្ខំឱ្យលក់ដី ការបំផ្លាញព្រៃឈើនៅតំបន់ការពារនិងលើដីធ្លីរបស់ជនជាតិដើមភាគតិច ពលកម្មកុមារ ការជួញដូរមនុស្ស និងការរំលោភសិទិ្ធមនុស្សជាច្រើនផ្សេងទៀតក៏ដោយ ។

“យើងព្រួយបារម្ភថាយូអ៊ិនឌីភី (UNDP) មិនមានចំណាត់ការពិតប្រាកដ ហើយនូវតែពន្យារពេល ដែលធ្វើឱ្យយើងនៅតែបន្តរងគ្រោះ ។” ការលើកឡើងរបស់អ្នកដាក់បណ្ដឹងម្នាក់ ដែលស្នើមិនបញ្ចេញអត្តសញ្ញាណ “អ្វីដែលយើងចង់បានគឺដំណោះស្រាយមួយ យើងចង់ឱ្យពួកគេដោះស្រាយបញ្ហានេះឱ្យបានឆាប់រហ័ស ដើម្បីកុំឱ្យជនរងគ្រោះនៅតែបន្ដរងគ្រោះ និងកុំឱ្យអស់សង្ឃឹមលើគោលនយោបាយរបស់យូអ៊ិនឌីភី (UNDP) ដែលមានហើយតែមិនអនុវត្តន៍ ។” [...]

(សូមចុចលើតំណភ្ជាប់ខាងក្រោម ដើម្បីអានសេចក្ដីថ្លែងការណ៍ពេញ)
​
គណនីតិកតុក ៖ https://www.tiktok.com/
តេឡេក្រាម ឆានែល៖ https://t.me/licadho
ភាសាខ្មែរ៖ https://www.licadho-cambodia.org/pressrelease.php?perm=558&khmer
English: https://www.licadho-cambodia.org/pressrelease.php?perm=558

12/06/2026

អត្ថបទខ្លីជាសំឡេង ៖ នាយករងសាលា លោក ម៉ា ចន្ទតារា ត្រូវផ្តន្ទាទោសជាប់ពន្ធនាគារ ២ ឆ្នាំ ជុំវិញការបង្ហោះសាររិះគន់ពីបញ្ហាព្រំដែន

ចេញផ្សាយ ថ្ងៃទី​១២ ខែមិថុនា ឆ្នាំ២០២៦

--------------------

នៅថ្ងៃទី ១១ ខែមិថុនា ឆ្នាំ២០២៦ សាលាដំបូងរាជធានីភ្នំពេញបានផ្តន្ទាទោសចំពោះ លោក ម៉ា ចន្ទតារា នាយករងសាលាបឋមសិក្សាមួយ ឱ្យជាប់ពន្ធនាគាររយៈពេល ២ ឆ្នាំ និងពិន័យជាប្រាក់ចំនួន ២.០០០.០០០ លានរៀល (ប្រមាណ ៥០០ ដុល្លារអាម៉េរិក)ពីបទ ញុះញង់បង្កឱ្យមានភាពវឹកវរធ្ងន់ធ្ងរដល់សន្តិសុខសង្គម និងបទប្រមាថ តាមបញ្ញត្តិមាត្រា ៤៩៤ ៤៩៥ និង ៥០២ នៃក្រមព្រហ្មទណ្ឌ ។

លោក ចន្ទតារា ត្រូវបានចាប់ខ្លួនភ្លាមៗ នៅថ្ងៃទី១៩ ខែកុម្ភៈ ឆ្នាំ២០២៦ នៅផ្ទះរបស់លោក ក្នុងឃុំពួក ស្រុកពួក ខេត្តសៀមរាប ដោយក្រុមនគរបាលពីស្នងការដ្ឋាននគរបាលខេត្តសៀមរាប និងស្នងការដ្ឋាននគរបាលរាជធានីភ្នំពេញ ក្រោយលោកចែករំលែក និងបង្ហោះសាររិះគន់លើបញ្ហាព្រំដែនកម្ពុជា-ថៃ និងការចាប់ខ្លួនអ្នកសារព័ត៌មានអនឡាញម្នាក់ដែលលើកឡើងពីបញ្ហាកង្វះទឹកចំពោះទាហានកម្ពុជានៅលើបណ្តាញសង្គមហ្វេសប៊ុករបស់លោក ។

ក្រោយការផ្តន្ទាទោស លោក ចន្ទតារា ត្រូវបានបញ្ជូនទៅឃុំខ្លួននៅមណ្ឌលអប់រំកែប្រែទី ១ ព្រៃស រាជធានីភ្នំពេញ វិញ ៕

គណនីតិកតុក ៖ https://www.tiktok.com/
តេឡេក្រាម ឆានែល ៖ https://t.me/licadho
ភាសាខ្មែរ ៖ https://www.licadho-cambodia.org/flashnews.php?perm=543&khmer
English: https://www.licadho-cambodia.org/flashnews.php?perm=543&english