សមាគមខ្មែរដើម្បីអភិវឌ្ឍន៍ KAD

05/01/2026

🙏🙏❤️🇰🇭🇰🇭🇰🇭

05/01/2026

សមាគមខ្មែរដើម្បីអភិវឌ្ឍន៍ ចេញលិខិតស្នើសុំរាជរដ្ឋាភិបាល ធ្វើការអភិរក្សទីតាំងដែលរងការវាយប្រហារបំផ្លិចបំផ្លាញដោយយោធាថៃ

ភ្នំពេញ៖ លោកស្រីមេធាវី តាំង ស៊ីនហុង ប្រធានសមាគមខ្មែរដើម្បីអភិវឌ្ឍន៍ បានផ្ញើសារលិខិតគោរពជូន សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នៅថ្ងៃទី០៥ ខែមករា ឆ្នាំ២០២៦ ដើម្បីស្នើសុំរាជដ្ឋាភិបាលបាលមេត្តាធ្វើការអភិរក្សទីតាំងដែលរងការវាយប្រហារបំផ្លិចបំផ្លាញក្នុងសង្គ្រាមឈ្លានពានដែនអធិបតេយ្យកម្ពុជា ដោយយោធាថៃ ដូចជា ស្ពានជ័យជន្នះ(ស្ពានមេទឹក) ក្នុងខេត្តពោធិ៍សាត់ និងស្ពានអូរជីក ក្នុងខេត្តឧត្តរមានជ័យ និងវត្តអារាម ប្រាសាទបុរាណ រួមមាន ប្រាសាទព្រះវិហារ ប្រាសាទតាក្របី ។ល។ ដើម្បីរក្សាទុកជាភស្តុតាងនៃសង្គ្រាម និងជាការចងចាំសម្រាប់កូនចៅខ្មែរជំនាន់ក្រោយៗ។

13/12/2025

មេធាវី តាំង ស៊ីនហុង ប្រធានសមាគមខ្មែរដើម្បីអភិវឌ្ឍន៍ ចេញញត្តិថ្កោលទោសការវាយប្រហារដ៏ឃោរឃៅអមនុស្សធម៌របស់ប្រទេសថៃ មកលើដែនអធិបតេយ្យកម្ពុជា

សមាគមសូមចូលរួមសោកស្តាយយ៉ាងខ្លាំង និងសូមប្រកាសថ្កោលទោសលើយោធានិងកម្លាំងប្រដាប់អាវុធចម្រុះថៃ ដែលបានបើកការវាយប្រហារយ៉ាងឃោរឃៅព្រៃផ្សៃអមនុស្សធម៌មកលើដែនអធិបតេយ្យកម្ពុជា ចាប់ពីថ្ងៃទី៧ខែធ្នូឆ្នាំ២០២៥ រហូតមកដល់ថ្ងៃនេះ ដោយប្រើប្រាស់អាវុធគ្រប់ធន់ដែលមានបច្ចេកវិទ្យាទំនើបៗ យន្តហោះចម្បាំងនិងផ្សែងពុល បាញ់ស្រោចលើ កងទ័ពកម្ពុជាដែលកំពុងឈរជើងការពារអធិបតេយ្យជាតិ និងបានបាញ់កម្ទេចហេដ្ឋារចនាសម្ព័ន្ធ វត្តអារាម ប្រាសាទបុរាណ និងសំណង់អាគារ ផ្ទះសម្បែងតំបន់ប្រជាជនស៊ីវិល បណ្តាលឱ្យប្រជាជនជាច្រើនម៉ឺននាក់ត្រូវជម្លៀសចេញពីលំនៅដ្ឋាន រងរបួសនិងបាត់បង់ជីវិតអស់ជាច្រើននាក់ និងខូចខាតទ្រពសម្បត្តិឯកជន និងរដ្ឋអស់ជាច្រើនផងដែរ។

សមាគមសង្កេតឃើញថា ការបើកប្រតិបត្តិការយោធាទាំងកម្រោលរបស់ភាគីថៃ លើដែនអធិបតេយ្យភាពកម្ពុជា គឺជាការរំលោភយ៉ាងធ្ងន់ធ្ងរលើកិច្ចព្រមព្រៀងសន្តិភាពនៅប្រទេសម៉ាឡេស៊ី ច្បាប់អន្តរជាតិ សិទ្ធិមនុស្ស ធម្មនុញ្ញអាស៊ាន និងធម្មនុញ្ញអង្គការសហប្រជាជាតិ។

សមាគមព្រួយបារម្ភយ៉ាងខ្លាំងពីសុខទុក្ខប្រជាពលរដ្ឋរស់នៅតាមបន្ទាត់ព្រំដែនកម្ពុជា-ថៃ ជនភៀសសឹក ជាពិសេស វីរកងទ័ពកម្ពុជាដែលកំពុងឈរជើងការពារបូរណភាពទឹកដី។ យើងខ្ញុំ សូមកោតសរសើរ និងសូមបួងសួងអស់វត្ថុស័ក្តិសិទ្ធិក្នុងលោក គុណបុណ្យព្រះពុទ្ធព្រះធម៌ព្រះសង្ឃ បារមីថែរក្សាប្រទេសកម្ពុជា សូមតាមជួយប្រោសព្រំថែរក្សាវីរកងទ័ពកម្ពុជាទាំងអស់ ឱ្យឈ្នះមារសត្រូវឈ្លានពាន និងជួបតែសេចក្តីសុខចម្រើន ការពារបាននូវបូរណភាពទឹកដីនៃព្រះរាជាណាចក្រកម្ពុជា ក្រោមមគ្គទេសក៏ដ៏ឈ្លាសវាងវៃត្រឹមត្រូវរបស់ សម្ដេចធិបតី ហ៊ុន ម៉ាណែត នាយករដ្ឋ មន្ត្រី និង សម្ដេចតេជោ ហ៊ុន សែន ប្រធានព្រឹទ្ធសភា នៃ ព្រះរាជាណាចក្រកម្ពុជា។

សមាគមខ្មែរដើម្បីអភិវឌ្ឍន៍ សូមអំពាវនាវដល់ ប្រធានាធិបតីសហរដ្ឋអាមេរិក ប្រធានាធិបតីចិន ប្រធានអាស៊ាន ប្រធានអង្គការសហប្រជាជាតិ និងសហគមអន្តរជាតិជាមិត្តកម្ពុជា មេត្តាចូលរួមតាមដាន ថ្កោលទោស និងមានចំណាត់ការស្របតាមច្បាប់ និងគោលការណ៍អន្តរជាតិ លើភាគីថៃ ចំពោះសកម្មភាពបើកការវាយប្រហារដ៏ព្រៃផ្សៃរំលោភលើច្បាប់ជាតិនិងអន្តរជាតិនេះ។

07/11/2025

មេធាវី តាំង ស៊ីនហុង នាំសប្បុរសជន អបអរសាទពិធីបើកបវេសនកាលថ្មី ឆ្នាំសិក្សា២០២៥-២០២៦ និងពិសារនំបញ្ចុកសាមគ្គគ្រូ សិស្ស មាតាបិតាជាង៤០០នាក់
—- —-
តាកែវ៖ លោកជំទាវមេធាវី តាំង ស៊ីនហុង ប្រធានសមាគមខ្មែរដើម្បីអភិវឌ្ឍន៍ រួមជាមួយ ឯកឧត្តម ខឹម ចន្ថា រដ្ឋលេខាធិការ ក្រសួងវប្បធម៌និងវិចិត្រសិល្បៈ លោក ហាក់ បូវិសាល ឯកឧត្តម ថាំង ប៊ុនសុង លោក សេង ហាន់ លោក ឈុន សូវៀត និងសប្បុរសជន បានអញ្ជើញចូលរួមអបអរសាទរពិធីបើកបវេសនកាល ឆ្នាំសិក្សា ២០២៥-២០២៦ និងពិសារនំបញ្ចុក នៅសាលាបឋមសិក្សាចិញ្ចែង ស្ថិតក្នុងភូមិថ្កូវ ឃុំជើងគួន ស្រុកសំរោង ខេត្តតាកែវ នាព្រឹកថ្ងៃទី០៣ ខែវិច្ឆិកា ឆ្នាំ២០២៥។

02/11/2025

ឯកឧត្តម ថាំង ប៊ុនសុង ជាតំណាង លោកជំទាវមេធាវី តាំង ស៊ីនហុង ប្រធានសមាគមខ្មែរដើម្បីអភិវឌ្ឍន៍ បានអញ្ជើញចូលរួម អបអរសាទរពិធីបើកបវេសនកាលថ្មី នៅសាលាដែលខ្លួនធ្លាប់សិក្សា
—- —-
តាកែវ៖ ឯកឧត្តម ថាំង ប៊ុនសុង ជាអតីតសិស្ស ជាតំណាង លោកជំទាវមេធាវី តាំង ស៊ីនហុង ប្រធានសមាគមខ្មែរដើម្បីអភិវឌ្ឍន៍ បានអញ្ជើញចូលរួមពិធីបើកបវេសនកាល ឆ្នាំសិក្សា ២០២៥-២០២៦ នៅសាលាបឋមសិក្សាក្តីទន្ទឹម ស្ថិតក្នុងភូមិថ្កូវ ឃុំជើងគួន ស្រុកសំរោង ខេត្តតាកែវ នាព្រឹកថ្ងៃទី០១ ខែវិច្ឆិកា ឆ្នាំ២០២៥។

ពិធីនេះ មានការចូលរួមពីសំណាក់ ព្រះសង្ឃ អាជ្ញាធរដែនដី គណៈគ្រប់គ្រងសាលា លោកគ្រូ អ្នកគ្រូ និងសិស្សានុសិស្សជាង ៥០០នាក់។

បន្ទាប់ពីបានស្តាប់សារលិខិតរបស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសបើកបវេសនកាលឆ្នាំសិក្សា ២០២៥ - ២០២៦ ឯកឧត្តម ថាំង ប៊ុនសុង បានមានមតិសំណេះសំណាល សាកសួរសុខទុក្ខ និងថ្លែងថា រាជរដ្ឋាភិបាលក្រោមការដឹកនាំដ៏ឈ្លាសវាងវៃរបស់ សម្តេចធិតី ហ៊ុន ម៉ាណែត ក្នុងអាណត្តិទី៧ បានដាក់ចេញយុទ្ធសាស្ត្របញ្ចកោណដើម្បីដឹកនាំអភិវឌ្ឍន៍ប្រទេសយើងអោយកាន់តែរីកចម្រើនថែមទៀត ក្នុងនោះ រាជរដ្ឋាភិបាលកម្ពុជា បានចាត់ទុកវិស័យអប់រំជាវិស័យអាទិភាពក្នុងគោលដៅឆ្ពោះទៅអភិវឌ្ឍមូលធនមនុស្សឱ្យមានចំណេះដឹង និងសមត្ថភាពខ្ពស់ ភាពច្នៃប្រឌិត ស្មារតីសហគ្រិនភាព នវានុវត្តន៍ និងក្រមសីលធម៌ខ្ពស់ ដើម្បីរួមចំណែកដល់ការអភិវឌ្ឍសង្គម និងកំណើនសេដ្ឋកិច្ចប្រកបដោយចីរភាព និងបរិយាបន្ន។

ហើយ ក្រសួងអប់រំ យុវជននិងកីឡា ដែលជាសេនាធិការរបស់រាជរដ្ឋាភិបាល បាននិងកំពុង អនុវត្តវិធានការគន្លឹះចំនួន០៤ ដែលបានដាក់ចេញដោយ សម្តេចធិបតី ហ៊ុន ម៉ាណែត នាយករដ្ឋមន្ត្រី ក្នុងគោលដៅពង្រឹងគុណភាពគ្រឹះស្ថានសិក្សារដ្ឋចាប់ពី ថ្នាក់មត្តេយ្យសិក្សាដល់មធ្យមសិក្សា។

ឯកឧត្តម ថាំង ប៊ុនសុង បានគូសបញ្ជាក់ចំណុចទី១០ នៃសារលិខិតរបស់ សម្តេចធិបតី ហ៊ុន ម៉ាណែត និង ណែនាំឱ្យក្មួយៗថែរក្សាសុខភាពដោយត្រូវ ហូបស្អាត ផឹកស្អាត រស់នៅស្អាត និង ត្រូវខិតខំរៀនសូត្រដើម្បីអនាគតភ្លឺស្វាង ដោយត្រូវប្រតិបត្តខ្លួនធ្វើជាសិស្សល្អ កូនល្អ និងពលរដ្ឋល្អ ហើយសូមជៀសអោយឆ្ងាយពីអំពើអបាយមុខនានា ដូចជា ក្មេងទំនើង គ្រឿងញៀន ដែលនាំឱ្យខូចអនាគត។

ក្នុងឱកាសនោះ ឯកឧត្តម ថាំង ប៊ុនសុង បានពាំនាំការផ្តាំផ្ញើសួរសុខទុក្ខពី សម្តេចអគ្គមហាសេនាបតីតេជោ ហ៊ុន សែន និង សម្តេចមហាបវធិបតី ហ៊ុន ម៉ាណែត ថែមទាំងលើកឡើងពីការអភិវឌ្ឍន៍រីកចម្រើន និង កត្តាសុខសន្តិភាព ដែលបានផ្តល់ឱកាសឱ្យយើងបានរស់នៅជួបជុំគ្នាដោយសុខសាន្ត។ ថ្មីៗនេះ ដោយសារសង្គ្រាមឈ្លានពានរបស់ប្រទេសថៃ បានបណ្តាលឱ្យខូចខាតប្រាសាទបុរាណ ប្រទេសជាតិនិងប្រជាជន ជួបការលំបាកជាច្រើន ពិសេស សិស្សានុសិស្ស នៅតំបន់ក្បែរពំ្រដែន ត្រូវបានជម្លៀសចេញ មិនបានសិក្សារៀនសូត្រ ដូចក្មួយនៅទីនេះឡើយ។

ដូច្នេះ សូមក្មួយៗចូលរួមថែរក្សាសុខសន្តិភាពដែល សម្តេចអគ្គមហាសេនាបតីតេជោ ហ៊ុន សែន និងថ្នាក់ដឹកនាំ គណបក្សប្រជាជនកម្ពុជា បានជម្នះគ្រប់ឧបសគ្គនាំមកជូនជាតិមាតុភូមិ និង បន្តមរតដឹកនាំដោយយ សម្តេចមហាបវធិបតី ហ៊ុន ម៉ាណែត។

ក្នុងឱកាសនោះ ឯកឧត្តម ថាំង ប៊ុនសុង បាននាំអំណោយចែកជូនសិស្សានុសិស្សទាំង៥០០នាក់ នូវសម្ភារសិក្សាមាន៖ កាបូបដាក់សៀវភៅ ចំនួន២២ សៀវភៅ៥០០ក្បាល បិច៥០០ក្បាល ខ្មៅដៃ៥០០ក្បាល នំ៥០០កញ្ចប់ និង ថវិកា ១.០០០.០០០រៀល៕

12/11/2024

ទីស្តីការគណៈរដ្ឋមន្ត្រី សូមជូនគំរូថ្មី នៃព្រះបរមឆាយាល័ក្ខណ៍ ចំនួន៣ច្បាប់ សម្រាប់ដាក់តាំងតាមក្រសួង ស្ថាប័ន និងប្រើប្រាស់ជាទូទៅ!

20/10/2024

19/10/2024

នាងខ្ញុំ មេធាវី តាំង ស៊ីនហុង ប្រធានការិយាល័យ មេធាវី តាំង ស៊ីនហុង និង សហការី សូមគោរពជូនពរ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសដ៏មហាវិសេសវិសាល នៃពិធីចម្រើនជន្មាយុគម្រប់ ៤៧ ឈានចូល ៤៨ឆ្នាំ ដែលនឹងប្រព្រឹត្តទៅនៅថ្ងៃអាទិត្យ ទី២០ ខែតុលា ឆ្នាំ២០២៤ ខាងមុខនេះ🙏🙏🙏🙏🎂🎂🎂🎂 ។

24/08/2024

#បំណិនជីវិត #សសយក
៦ ចំណុចធ្វើឱ្យជីវិតស្ងប់ប្រសើរ

១- គ្រប់គ្រងខ្លួនឯងបានប្រសើរជាងអ្នកដទៃ
២- ធ្វើអ្វីមួយដោយមិនរំពឹងការតបស្នង
៣- ធ្វើឱ្យអស់ពីសមត្ថភាព ហើយជឿជាក់លើអ្វីដែលខ្លួនកំពុងធ្វើ
៤- រៀនកាត់បន្ថយការប្រតិកម្មតប
៥- គួររក្សាការសម្ងាត់
៦- ចូរសេពគប់កល្យាណមិត្ត

ខ្លឹមសារដោយ៖ វិបស្សា-VIPASSA
រចនា Poster៖ Gazette យុវជន