ក្លឹបយុវជនកាកបាទក្រហមប្រចាំ វ.ប.ក

18/09/2026

វបក-ភ្នំពេញ៖ នាថ្ងៃសុក្រ ៧រោច ខែភទ្របទ ឆ្នាំមមី អដ្ឋស័ក ព.ស.២៥៧០ ត្រូវនិងថ្ងៃទី១៨ ខែកញ្ញា ឆ្នាំ២០២៦ លោកគ្រូទីប្រឹក្សាយុវជន សមាជិក សមាជិកា នៃក្លឹបកាកបាទក្រហម ប្រចាំវិទ្យាស្ថានបច្ចេកវិទ្យាកម្ពុជា ព្រមទាំងឯកឧត្តម ឃុន សាម៉េង នាយក នៃនាយកដ្ឋានធនធានមនុស្ស កាកបាទក្រហមកម្ពុជា និងមន្រ្តីទីស្នាក់ការកណ្ដាលកាកបាទក្រហមកម្ពុុជា បានចុះសួរសុខទុក្ខ និស្សិត ពៅ មុនី និងត្រូវជាយុវជនកាកបាទក្រហមកម្ពុជា ដែលបានជួបគ្រោះថ្នាក់ចរាចរណ៍ នៅមន្ទីពេទ្យអង្គឌួង ។

25/07/2026

សារលិខិតរំលែកទុក្ខ

សូមគោរពជូន

ឯកឧត្តមសាស្ត្រាចារ្យបណ្ឌិត ប៉ូ គឹមថូ នាយកវិទ្យាស្ថានបច្ចេកវិទ្យាកម្ពុជា និងជាប្រធានកិត្តិយសក្លឹបយុវជនកាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា

ក្នុងនាមទីប្រឹក្សា សមាជិក និងសមាជិកា នៃក្លឹបយុវជនកាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា មានសេចក្តីតក់ស្លុត និងរន្ធត់ចិត្តយ៉ាងក្រៃលែង ដោយបានទទួលដំណឹងថា៖ ឧបាសិកា ម៉ៅ យ៉យ ដែលត្រូវជា ម្តាយបង្កើតរបស់ ឯកឧត្តមសាស្ត្រាចារ្យបណ្ឌិត បានទទួលមរណភាពនៅវេលាម៉ោង ១៨:៤៥ នាទីល្ងាច នាថ្ងៃសុក្រ ១០កើត ខែទុតិយាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី២៤ ខែកក្កដា ឆ្នាំ២០២៦ ដោយជរាពាធ ក្នុងជន្មាយុ ៨៤ឆ្នាំ។ មរណភាពរបស់ ឧបាសិកា ម៉ៅ យ៉យ គឺជាការបាត់បង់នូវម្តាយ ម្តាយក្មេក ជីដូន ជាទីគោរពស្រឡាញ់ដ៏ជ្រាលជ្រៅបំផុត ប្រកបដោយព្រហ្មវិហារធម៌ និងក្តីមេត្តាករុណាដ៏ជ្រាលជ្រៅ ដែលបាន បីបាច់ថែរក្សាអប់រំទូន្មានបុត្រធីតារហូតបានក្លាយជាបញ្ញាវ័ន្ត និងជាធនធានមនុស្សដ៏ឆ្នើមសម្រាប់សង្គមជាតិ។

ក្នុងវេលាដ៏សែនក្រៀមក្រំ និងអាឡោះអាល័យរកអ្វីប្រៀបផ្ទឹមពុំបាននេះ យើងខ្ញុំទាំងអស់គ្នា នៃក្លឹបយុវជន កាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា សូមចូលរួមរំលែកទុក្ខដោយក្តីសោកស្តាយជាទីបំផុតជាមួយ ឯកឧត្តមសាស្ត្រាចារ្យបណ្ឌិត និងក្រុមគ្រួសារ។ យើងខ្ញុំទាំងអស់គ្នា នៃក្លឹបយុវជនកាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា សូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយ ដង្ហែរដួងវិញ្ញាណក្ខន្ធ ឧបាសិកា ម៉ៅ យ៉យ បានទៅកាន់សុគតិភព កុំបីឃ្លៀងឃ្លាតឡើយ។

សូម ឯកឧត្តមសាស្ត្រាចារ្យបណ្ឌិត ព្រមទាំងក្រុមគ្រួសារ ទទួលនូវមនោសញ្ចេតនារំលែកទុក្ខ ដោយក្តីក្រៀមក្រំបំផុត និងសេចក្តីគោរពដ៏ខ្ពង់ខ្ពស់ពីយើងខ្ញុំទាំងអស់គ្នា។

18/06/2026

កក្រក-ភ្នំពេញ៖ ថ្ងៃព្រហស្បតិ៍ ៨រោច ខែជេស្ឋ ឆ្នាំម្សាញ់ សប្តស័ក ព.ស. ២៥៦៩ ត្រូវនឹងថ្ងៃទី១៨ ខែមិថុនា ឆ្នាំ២០២៦ យុវជននៃក្លឹបយុវជនកាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា ចំនួន ៥ រូប បានអញ្ជើញចូលរួមក្នុង ពិធីសូត្រមន្ដ ចម្រើនព្រះបរិត្ត និងរាប់បាត្រ សម្ដេចព្រះសង្ឃ- ព្រះសង្ឃ ៩១ អង្គ ថ្វាយព្រះពរជ័យសិរីមង្គល ក្ន្ងង ព្រះវរោកាសព្រះរាជពិធីបុណ្យ ចម្រើនវឌ្ឍនមង្គល សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ និងជាព្រះប្រធានកិត្តិយសកាកបាទក្រហមកម្ពុជា ជាទីគោរពសក្ការះដ៏ខ្ពង់ខ្ពស់បំផុត ដោយទទួលភារកិច្ចកាន់ទេយ្យវត្ថុប្រគេនព្រះសង្ឃ តាមការចាត់តាំងរបស់កាកបាទក្រហមកម្ពុជា។

ការចូលរួមនេះបានបង្ហាញនូវស្មារតីស្ម័គ្រចិត្ត ការទទួលខុសត្រូវ និងការចូលរួមចំណែកយ៉ាងសកម្មរបស់យុវជនកាកបាទក្រហមកម្ពុជា ក្នុងសកម្មភាពមនុស្សធម៌ និងពិធីការសំខាន់ៗរបស់កាកបាទក្រហមកម្ពុជា ស្របតាមគោលការណ៍ និងបេសកកម្មរបស់ចលនាកាកបាទក្រហម និងអឌ្ឍចន្ទក្រហមអន្តរជាតិ។

ក្នុងនាមយុវជនកាកបាទក្រហមកម្ពុជា ប្រចាំវិទ្យាស្ថានបច្ចេកវិទ្យាកម្ពុជា សូមគោរពថ្លែងអំណរគុណយ៉ាងជ្រាលជ្រៅចំពោះថ្នាក់ដឹកនាំ លោកគ្រូ អ្នកគ្រូ និងគណៈកម្មាធិការក្លឹបកាកបាទក្រហមកម្ពុជា ដែលបានផ្ដល់ឱកាស និងការគាំទ្រដល់យុវជនឱ្យបានចូលរួមបំពេញភារកិច្ចដ៏មានកិត្តិយសនេះ។

សូមគោរពអរគុណ។ 🙏🙏🙏

18/06/2026

ក្លឹបយុវជនកាកបាទក្រហមកម្ពុជាប្រចាំវិទ្យាស្ថានបចេ្ចកវិទ្យាកម្ពុជា
សូមលំឱនកាយក្រាបបង្គំទូលថ្វាយព្រះពរជ័យ ក្នុងឱកាសដ៏មហានក្ខត្តឫក្សនៃពិធីបុណ្យចម្រើនព្រះជន្មាយុគម្រប់ ៩០ យាងចូល ៩១ ព្រះវស្សា របស់ សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ។🇰🇭
យើងខ្ញុំសូមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិក្នុងលោក សូមជួយបីបាច់ថែរក្សា និងប្រោសប្រទានពរជ័យសិរីសួស្តី ជ័យមង្គល វិបុលសុខគ្រប់ប្រការ ជូនចំពោះ សម្តេចព្រះមហាក្សត្រី ព្រះវររាជមាតាជាតិខ្មែរ សូមព្រះអង្គមានព្រះរាជសុខភាពល្អបរិបូរណ៍ ព្រះកាយពលមាំមួន និងព្រះជន្មាយុយឺនយូរជាងរយព្រះវស្សា ដើម្បីគង់ប្រថាប់ជាម្លប់ដ៏ត្រជាក់ត្រជុំដល់កូនចៅប្រជានុរាស្ត្រទូទាំងព្រះរាជាណាចក្រកម្ពុជាជារៀងដរាប។ 🎉✨

08/06/2026

"កីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិ ឆ្នាំ២០២៦"
ការប្រកួតគូរទី២៖
Full-times
ITC 3 : 0 CUS United



#កីឡារស់ក្នុងសន្តិភាព
#កីឡាឌីជីថលជាអនាគតយុវជន
#សូមរក្សាសិទ្ធក្នុងការកែរសម្រួល

08/06/2026

22/05/2026

[English Below]
🎉 សូមស្វាគមន៍មកកាន់ យុទ្ធនាការបរិច្ចាកឈាមចែករំលែកក្ដីស្រលាញ់ ឆ្នាំ2026 ក្រោមប្រធានបទ (ឈាម1,000សាក / 1,000ជីវិត ) 🎉
📢 ចូលរួមដោយសេរី
📍 នៅវិទ្យាស្ថានបច្ចេកវិទ្យាកម្ពុជា (ហៅ សាលាតិចណូ)

📝 រៀបចំដោយ:
-សមាគមនិស្សិតវិទ្យាស្ថានបច្ចេកវិទ្យាកម្ពុជា (SAITC)
-ក្លឹបកាកបាទក្រហមកម្ពុជាប្រចាំ សាលាតិចណូ
🤝 គាំទ្រដោយ:
-សហភាពសហព័ន្ធយុវជនកម្ពុជា (UYFC) និង វិទ្យាស្ថានបច្ចេកវិទ្យាកម្ពុជា (ITC)
-មជ្ឍមណ្ឌលផ្ដល់ឈាម

------
🎉 Welcome to the "Share the Love" Blood Donation Campaign 2026! 🎉
Under the theme: (1,000 Bags of Blood / 1,000 Lives)
📢 Free Admission / Open to the Public
📍 Location: Institute of Technology of Cambodia (ITC / Techno School)
📝 Organized by:
Student Association of the Institute of Technology of Cambodia (SAITC)
Cambodian Red Cross Club at Techno School
🤝 Supported by:
Union of Youth Federations of Cambodia (UYFC)
Institute of Technology of Cambodia (ITC)
National Blood Transfusion Center

13/05/2026

13/05/2026

ក្នុងឱកាសដ៏មហានក្ខត្តឫក្សនៃព្រះរាជពិធីបុណ្យចម្រើនព្រះជន្មគម្រប់ ៧៣ យាងចូល ៧៤ ព្រះវស្សា របស់​ ព្រះករុណាព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រនៃព្រះរាជាណាចក្រកម្ពុជា 🇰🇭
សូមក្រាបថ្វាយព្រះរាជសព្វសាធុការពរជ័យ សិរីបវរមហាប្រសើរថ្វាយព្រះករុណាជីវិតតម្កល់លើត្បូង ជាទីគោរពសក្ការដ៏ខ្ពង់ខ្ពស់បំផុត​ សូមទេវត្តាថែរក្សាព្រះអង្គប្រកបដោយព្រះបរមសុខគ្រប់ប្រការ​​ និងសូមព្រះអង្គទ្រង់មានព្រះកាយពលមាំមួន ព្រះបញ្ញាញាណភ្លឺស្វាង និងព្រះរាជសុខភាពល្អបរិបូរណ៍ ដើម្បីជាម្លប់ដ៏ត្រជាក់ត្រជុំសម្រាប់ប្រជាជនខ្មែរគ្រប់រូបជារៀងដរាបតទៅ។ 🙏🏻✨