04/09/2024
សមាជិកក្រុមរបស់និរន្តរ៍យើងម្នាក់បានពាំនាំនូវចំណេះដឹងទាក់ទងទៅនឹងការបញ្ឍប់ការចោលសំរាម និងវិធីនៃការគ្រប់គ្រងសំរាមឲ្យបានត្រឹមត្រូវ ទៅកាន់សិស្សានុសិស្សនៃវិទ្យាល័យកំពង់ឃ្លាំង។
វិទ្យាល័យកំពង់ឃ្លាំងស្ថិតនៅក្នុងឃុំកំពង់ឃ្លាំង ស្រុកសូទ្រនិគម ខេត្តសៀមរាប ដែលជាតំបន់ដីសើមនៅជុំវិញបឹងទន្លេសាប។
តំបន់នេះកំពុងប្រឈមនឹងការបំពុលទឹក ដែលបណ្តាលមកពីការចោលសំរាមពីលំនៅដ្ឋាន និងអាជីវកម្មនានា។ នៅក្នុងរដូវប្រាំង ប្រជាជនខ្លះបានយកសំរាមទៅដុតចោលនៅតាមមុខគេហដ្ឋាន ក៏ប៉ុន្តែនៅពេលមានការលិចទឹកនៅក្នុងរដូវវស្សាប្រជាជនត្រូវចងសំរាមទុកហើយបោះចោលទៅលើរុក្ខជាតិកំប្លោក រងចាំដល់រដូវប្រាំងវិញទើបអាចធ្វើការដុតបាន។ និរន្តរ៍បានពាំនាំនូវចំណេះដឹង 4 R : Refuse, Reduce, Reuse, Recycle ទៅដល់ប្អូនៗ។
កង្វះទីវាលដុតសំរាម និងកង្វះការយល់ដឹងពីការទុកដាក់សំរាមគឺជាមូលហេតុចម្បងដែលបង្ករឲ្យមានការចោលសំរាមមិនបានត្រឹមត្រូវ។ ពួកយើងបានយល់ដឹងច្រើនមែនទែនពីប្អូនៗក្នុងវិទ្យាល័យកំពង់ឃ្លាំង។ ពួកគាត់សុទ្ធសឹងតែជាយុវជនដ៏ឈ្លាសវៃនិងសកម្មដែលយល់ដឹងច្រើនពីបញ្ហាដែលសហគមន៍គាត់កំពុងតែជួបប្រទះ។
ក្រោយការពិភាក្សាតាមក្រុមយើងបានរកឃើញបញ្ហាប្រឈមធំៗ ៣
១. បញ្ហាបរិស្ថាន៖ ការបាត់បង់ព្រៃឈើ, ការបាត់បង់ពូជត្រី, ការទុកដាក់សំរាមមិនបានត្រឹមត្រូវ
២. បញ្ហាកង្វះអាហារូបត្ថម្ភ
៣. បញ្ហាកង្វះការអប់រំខាងកុំព្យូទ័រនិងភាសា៖ កង្វះគ្រូបង្រៀន សម្ភារៈ និង ធនធានផ្សេងៗ។
![[Giveaway result🎉 ]និរន្តរ៍ សូមចូលរួមអបអរសាទរដល់អ្នកឈ្នះរង្វាន់ដបទឹកបរិស្ថានទាំង ០២រូប ដែលបានចូលរួមឆ្លើយសំណួររបស់យើង នៃប...](https://img3.ngos1.com/457/170/875897394571702.jpg)
