![[បណ្តុះបណ្តាលស្តីពី “ការបំប្លែង និងដោះស្រាយទំនាស់”]កាលពីថ្ងៃទី១៣-១៤ និងថ្ងៃទី២០-២១ ខែមិថុនា ឆ្នាំ២០២៦ អង្គការកម្មវិធីអភិ...](https://img3.ngos1.com/170/112/1571347411701123.jpg)
24/08/2026
[បណ្តុះបណ្តាលស្តីពី “ការបំប្លែង និងដោះស្រាយទំនាស់”]
កាលពីថ្ងៃទី១៣-១៤ និងថ្ងៃទី២០-២១ ខែមិថុនា ឆ្នាំ២០២៦ អង្គការកម្មវិធីអភិវឌ្ឍន៍ធនធានយុវជន បានរៀបចំវគ្គបណ្តុះបណ្តាលមួយស្តីពី “ការបំប្លែង និងដោះស្រាយទំនាស់” ដែលទទួលបានអ្នកចូលរួមជាយុវជនចំនួន ២៩នាក់ ក្នុងនោះមាន១៨នាក់ជាស្រ្តី និង១នាក់មកពីសហគមន៍អ្នកស្រឡាញ់ភេទដូចគ្នា។បន្ទាប់ពីបានឆ្លងកាត់វគ្គបណ្ដុះបណ្ដាលក្នុងរយៈពេលពីរសប្ដាហ៍ យុវជនបានបង្កើនសមត្ថភាពក្នុងការកំណត់បាននូវបញ្ញត្តិទូទៅ មូលហេតុ ផលប៉ះពាល់នៃទំនាស់ យល់ដឹងអំពីឧបករណ៍វិភាគទំនាស់ ដើម្បីឈានទៅរកការដោះស្រាយ និងវិធីនៅក្នុងការអន្តរាគមន៍ទំនាស់ប្រកបដោយប្រសិទ្ធភាព។
បន្ថែមពីនេះទៀត បន្ទាប់ពីបញ្ចប់វគ្គបណ្តុះបណ្តាលចំនួន ៤ថ្ងៃ យុវជនក៏បានចុះកម្មសិក្សាទៅឃុំកោះជីវាំង ស្រុកឯកភ្នំ ខេត្តបាត់ដំបង នៅថ្ងៃទី១៥-១៦ ខែសីហា ដែលបានផ្តល់ឱកាសឱ្យយុវជនក្នុងការសំណេះសំណាលជាមួយរដ្ឋបាលឃុំកោះជីវាំង ក្នុងការសិក្សាបន្ថែមអំពីដំណើរការនៃ ការដោះស្រាយវិវាទក្រៅប្រព័ន្ធតុលាការដែលរដ្ឋបាលឃុំធ្លាប់បានអនុវត្តកន្លងមក។ លើសពីនេះយុវជនក៏មានឱកាសជជែកសំណេះសំណាលជាមួយប្រជាពលរដ្ឋដែលអាស្រ័យជីវិតនៅលើដងស្ទឹងទន្លេសាបដើម្បីស្វែងយល់បន្ថែមអំពីជីវិតរស់នៅប្រចាំថ្ងៃ មុខរបរ និងបញ្ហាប្រឈមដែលប្រជាពលរដ្ឋកំពុងជួបប្រទះ និងជារឿយៗបង្កជាទំនាស់ផងដែរ។
![[វេទិកាយុវជន]កាលថ្ងៃទី១៥ ខែសីហា ឆ្នាំ២០២៦ អង្គការកម្មវិធីអភិវឌ្ឍន៍ធនធានយុវជន (YRDP)សហការជាមួយក្រុមយុវជនស្ម័គ្រចិត្ត រៀបច...](https://img3.ngos1.com/183/228/1570035841832280.jpg)
![[វគ្គបណ្ដុះបណ្ដាលស្ដីពី ការអភិវឌ្ឍខ្លួនឯង និងភាពជាអ្នកដឹកនាំ]ឱកាសល្អសម្រាប់យុវជននៅ រាជធានីភ្នំពេញ ក្នុងការចូលរួមវគ្គបណ្ដ...](https://img4.ngos1.com/556/626/1566029335566264.jpg)
