Youth Resource Development Program (YRDP) Cambodia

08/10/2026

ស្វាគមន៍មកកាន់ផតខាសធ៍៖ យុវសំឡេង យុវគំនិត!🎙🌟

ជួបជាមួយ ថន សុធា ដែលនឹងចែករំលែកអំពី "​​សិទ្ធិ និងការទទួលខុសត្រូវរបស់យុវជន​​​​​​​​ក្នុងសង្គម" 🙋🙌

កម្មវិធីផតខាសធ៍៖ យុវសំឡេង យុវគំនិត នឹងចាក់ផ្សាយនាថ្ងៃព្រហស្បតិ៍ ទី៨ ខែតុលា ឆ្នាំ២០២៦ នាវេលាម៉ោង៥:០០ល្ងាច។

តាមដានគេហទំព័រហ្វេសបុកផេក YRDP សម្រាប់ផតខាសធ៍បន្ទាប់!

07/10/2026

[សិក្ខាសាលាយុវជន]

កាលថ្ងៃអាទិត្យ ទី៤ ខែតុលា​ ឆ្នាំ២០២៦ អង្គការកម្មវិធីអភិវឌ្ឍន៍ធនធានយុវជន (YRDP) បានសហការជាមួយក្រុមយុវជនស្ម័គ្រចិត្ត រៀបចំសិក្ខាសាលាយុវជនស្ដីពី៖ "ឥទ្ធិពលនៃការតានតឹងផ្លូវចិត្ត លើការសិក្សានិងការងាររបស់យុវជន" នៅសណ្ឋាគារភ្នំប្រុស ខេត្តកំពង់ចាម ដោយមានអ្នកចូលរួមសរុប ៨០នាក់ ក្នុងនោះរួមមាន ស្រី ៤៧នាក់។

សិក្ខាសាលាយុវជននេះប្រព្រឹត្តិទៅដោយមានការចូលរួមបើកកម្មវិធីដោយ លោក ហេង សុហ៊ាញ ប្រធានកម្មវិធី នៃអង្គការកម្មវិធីអភិវឌ្ឍន៍ធនធានយុវជន និងមានការចូលរួមពីវាគ្មិនកិត្តិយសចំនួនបីរូប រួមមាន៖
១) ឯកឧត្តម ចឹក លីម អគ្គលេខាធិការង អគ្គលេខាធិការដ្ឋាន​ ក្រុមប្រឹក្សាជាតិកម្ពុជាដើម្បីអភិវឌ្ឍយុវជន នៃក្រសួងអប់រំ យុវជន និងកីឡា ២) លោកស្រី យឹម សុធារី អ្នកចិត្តសាស្រ្ត​ និងជាស្ថាបនិកមជ្ឈមណ្ឌលស្នេហា ៣) កញ្ញា ភាព ចាន់តាន អនុប្រធានក្រុមយុវជនស្ម័គ្រចិត្តក្នុងសហគមន៍ ដោយវាគ្មិនទាំងបីបានចែករំលែកចំណេះដឹងទៅកាន់អ្នកចូលរួមបានយល់ដឹងអំពី៖ ឥទ្ធិពលនៃការតានតឹងផ្លូវចិត្ត លើការសិក្សា និងការងារ ព្រមទាំងពង្រឹងចំណេះដឹង និងជំនាញក្នុងការគ្រប់គ្រង​ ការឆ្លើយតបទៅនឹងការតានតឹង ការស្វែងរកជំនួយគាំពារសុខភាពផ្លូវចិត្តសម្រាប់យុវជន។

បន្ថែមពីនេះទៀត យុវជន និងអ្នកចូលរួមទាំងអស់បានចូលរួមកិច្ចពិភាក្សាក្រុម និងធ្វើការឆ្លុះបញ្ចាំងលើប្រធានបទ ​“ការស្វែងយល់អំពីការតានតឹងផ្លូវចិត្ត(ស្រ្តេស)របស់​យុវជននៅកន្លែងធ្វើការ និងសាលារៀន៖បញ្ហាប្រឈម តម្រូវការ និងយន្ដការគាំទ្រពីភាគីពាក់ព័ន្ធ” ។ យុវជនបានលើកឡើងជាសំណើចំនួន ៦ ទៅដល់ភាគីពាក់ព័ន្ធ ក្នុងការពង្រឹងយន្ដការគាំពារ និងធានាឱ្យបាននូវធនធានដែលយុវជនអាចស្វែងរកការគាំពារបានទាំងនៅសាលា និងកន្លែងធ្វើការ។

គួរបញ្ជាក់ផងដែរថា សិក្ខាសាលយុវជននេះប្រព្រឹត្តិទៅបានក្រោមការគាំទ្រមូលនិធិដោយអង្គការ អភិវឌ្ឍន៍​អន្តរជាតិនិងសន្ដិភាព ហៅកាត់ (D&P) ។

02/10/2026

🌱 វេទិកាប្រកាសបើកយុទ្ធនាការប្លាស្ទិកកម្ពុជា ឆ្នាំ២០២៦ 🌱

នៅថ្ងៃអាទិត្យ ទី២៧ ខែកញ្ញា ឆ្នាំ២០២៦ កន្លងទៅនេះ យុវជន ប្រជាពលរដ្ឋ អង្គការ សមាគម ក្រុមយុវជននិងភាគីពាក់ព័ន្ធប្រមាណ ១២៩នាក់(៨៦ស្ត្រី) បានជួបជុំគ្នានៅ អាគារខូនិកសិន កោះពេជ្រ ដើម្បីប្រកាសបើក យុទ្ធនាការប្លាស្ទិកកម្ពុជា ឆ្នាំ២០២៦ ក្រោមមូលបទ៖ «កាត់បន្ថយការប្រើប្រាស់ប្លាស្ទិក ដើម្បីអនាគតស្អាត និងបៃតងប្រកបដោយចីរភាព» ក្រោមអធិបតីភាព លោកជំទាវ ងិន លីណា រដ្ឋលេខាធិការក្រសួងបរិស្ថាន។

ក្នុងវេទិកានេះ យើងមានកិត្តិយសទទួលបានការចូលរួមពីវាគ្មិន និងភាគីពាក់ព័ន្ធដែលបានចែករំលែកទស្សនៈ បទពិសោធន៍ និងដំណោះស្រាយជាក់ស្តែងក្នុងការកាត់បន្ថយការប្រើប្រាស់ប្លាស្ទិក រួមមាន៖

លោក ឈួង វង្សវិបុល មន្ត្រីនាយកដ្ឋានគ្រប់គ្រងសំណល់រឹង នៃក្រសួងបរិស្ថាន
លោក ឈៀង ស៊ីណាត គ្រូបង្គោល នៃសមាគមប្រជាធិបតេយ្យឯករាជ្យនៃសេដ្ឋកិច្ចក្រៅប្រព័ន្ធ (IDEA)
អ្នកស្រី សាយ ចិន្តា សមាជិកគណៈកម្មការស្ត្រីផ្នែកអាជីវករ និងកញ្ញា យ៉ាន ស្រីពេជ្រ ប្រធានក្លិបថាមវន្ត

កិច្ចពិភាក្សាស្តីពី «តើយើងអាចរួមគ្នាកាត់បន្ថយការប្រើប្រាស់ប្លាស្ទិកបានដូចម្តេច?» បានបើកឱកាសឱ្យអ្នកចូលរួមចែករំលែកមតិយោបល់ សួរសំណួរ និងពិភាក្សាអំពីតួនាទីរបស់រដ្ឋ វិស័យឯកជន អង្គការសង្គមស៊ីវិល និងយុវជនក្នុងការដោះស្រាយបញ្ហាប្លាស្ទិក។ ក្នុងឱកាសនេះ ក៏មានការបង្ហាញអំពីសកម្មភាពយុទ្ធនាការ ការប្តេជ្ញាចិត្ត «4Rsចាប់ផ្ដើមពីខ្ញុំ» និងការប្រកាសបើកយុទ្ធនាការជាផ្លូវការ ដោយ លោកជំទាវ ងិន លីណា រដ្ឋលេខាធិការក្រសួងបរិស្ថាន។

🌿 4Rs ចាប់ផ្ដើមពីខ្ញុំ! 4Rs ចាប់ផ្ដើមពីយើង!
#យុទ្ធនាការប្លាស្ទិកកម្ពុជា2026
ាប់ផ្ដើមពីខ្ញុំ

​

01/10/2026

ស្វាគមន៍មកកាន់ផតខាសធ៍៖ យុវសំឡេង យុវគំនិត!
វគ្គ៖ បេសកម្មកំចាត់បីសាចប្លាស្ទិក

🎙🌱ភាគ៖ កាត់ប្លាស្ទិក មិនត្រឹមតែជួយផែនដី តែថែមទាំងជួយសន្សំថវិកាអាជីវកម្ម
តើការកាត់បន្ថយការប្រើប្រាស់ប្លាស្ទិក អាចជួយអាជីវកម្មសន្សំថវិកាបានយ៉ាងដូចម្តេច? 💰🌱
ក្នុងវគ្គនេះ យើងមានកិត្តិយសសន្ទនាជាមួយ លោកស្រី ហួរ វ៉ាន់ល័ក្ខ, អគ្គនាយិកានៃ សណ្ឋាគារសេនជូអារី រ៉េស៊ីដង់ ឯ.ក ខេត្តសៀមរាប ដើម្បីចែករំលែកបទពិសោធន៍ជាក់ស្តែងពីការគ្រប់គ្រង និងកាត់បន្ថយការប្រើប្រាស់ប្លាស្ទិកក្នុងវិស័យសណ្ឋាគារ និងបដិសណ្ឋាកិច្ច។ 🏨♻️

លោកស្រីនឹងចែករំលែកអំពី៖
🌱 មូលហេតុដែលអាជីវកម្មចាប់ផ្តើមកាត់បន្ថយប្លាស្ទិក
♻️ ការអនុវត្តគោលការ៤ក(4Rs) (១) ការបដិសេធ (Refuse), (២) ការកាត់បន្ថយ (Reduce), (៣) ការប្រើប្រាស់ឡើងវិញ (Reuse), និង (៤) ការកែច្នៃ (Recycle)
💰 របៀបដែលការកាត់បន្ថយប្លាស្ទិកអាចជួយសន្សំថវិកាអាជីវកម្ម
🌏 អត្ថប្រយោជន៍សម្រាប់អាជីវកម្ម និងបរិស្ថាន
💡 បញ្ហាប្រឈម និងមេរៀនពីការផ្លាស់ប្តូរទម្លាប់របស់បុគ្គលិក និងអតិថិជន
🚀 និងផែនការបន្ត ដើម្បីពង្រីកការអនុវត្តដែលមានភាពមិត្តភាពនឹងបរិស្ថាន។
💬 “ការកាត់បន្ថយប្លាស្ទិក មិនមែនត្រឹមតែជាការជួយបរិស្ថានទេ ប៉ុន្តែក៏អាចជួយអាជីវកម្មកាត់បន្ថយចំណាយ និងបង្កើតការផ្លាស់ប្តូរដែលមាននិរន្តរភាពផងដែរ។” 🌿

👉 ចូលរួមស្តាប់បទពិសោធន៍ និងមេរៀនជាក់ស្តែងពីវិស័យឯកជន ហើយស្វែងយល់ថា អាជីវកម្មរបស់យើងអាចចាប់ផ្តើមអនុវត្ត 4Rs ពីថ្ងៃនេះបានយ៉ាងដូចម្តេច។
៤ក ចាប់ផ្តើមពីយើងទាំងអស់គ្នា! 💚♻️

#យុទ្ធនាការប្លាស្ទិកកម្ពុជា2026
#គោលការណ៍៤ក
#៤កចាប់ផ្ដើមពីខ្ញុំ

01/10/2026

ស្វាគមន៍មកកាន់ផតខាសធ៍៖ យុវសំឡេង យុវគំនិត!🎙🌟

ជួបជាមួយលោកស្រី ហួរ វ៉ាន់ល័ក្ខ អគ្គនាយិកានៃសណ្ឋាគារសេនជូអារី រ៉េស៊ីដង់ ឯ.ក ខេត្តសៀមរាប ដើម្បីចែករំលែកបទពិសោធន៍ជាក់ស្តែងពីការគ្រប់គ្រង និងកាត់បន្ថយការប្រើប្រាស់ប្លាស្ទិកក្នុងវិស័យសណ្ឋាគារ និងបដិសណ្ឋាកិច្ច។ 🏨♻️

កម្មវិធីផតខាសធ៍៖ យុវសំឡេង យុវគំនិត នឹងចាក់ផ្សាយនាថ្ងៃព្រហស្បតិ៍ ទី១ ខែតុលា ឆ្នាំ២០២៦ នាវេលាម៉ោង៥:០០ល្ងាច។

#យុទ្ធនាការប្លាស្ទិកកម្ពុជា2026
#គោលការណ៍៤ក
#៤កចាប់ផ្ដើមពីខ្ញុំ

28/09/2026

[កម្មវិធីកិច្ចសន្ទនាយុវជន]

កាលថ្ងៃទី២០ ខែកញ្ញា ឆ្នាំ២០២៦ អង្គការកម្មវិធីអភិវឌ្ឍន៍ធនធានយុវជន (YRDP)សហការជាមួយ អង្គការអុកស្វាម (OXFAM) និងក្រុមយុវជនស្ម័គ្រចិត្ត រៀបចំកិច្ចសន្ទនាយុវជនស្ដីពី៖ "ការងារសមរម្យ និងអន្តរកាលយុត្តិធម៌ សម្រាប់យុវជនក្នុងយុគសម័យឌីជីថល" នៅរាជធានីភ្នំពេញ ដោយមានអ្នកចូលរួមសរុប ប្រមាណ ២០០នាក់ (ស្រី ៦០%)។

កិច្ចសន្ទនាយុវជននេះប្រព្រឹត្តិទៅដោយមានការចូលរួម ថ្លែងមតិស្វាគមន៍ដោយ លោក តាន់​វិសាល តំណាងអង្គការអុកស្វាមប្រចាំនៅកម្ពុជា និងការថ្លែងសុន្ទរកថាបើកកម្មវិធីដោយ ឯកឧត្តម ហួត ស៊ីនាដ រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ហេង សួរ រដ្ឋមន្រ្តីក្រសួងការងារ និងបណ្តុះបណ្តាលវិជ្ជាជីវៈ និងវាគ្មិនកិត្តយសចំនួន៨រូប រួមមាន៖
- លោកជុំទាវ ពៅ វរលក្ម្សណ៍ អនុរដ្ឋលេខាធិការ នៃក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍
- លោក ឡាត សូយ អនុប្រធាននាយកដ្ឋានគាំទ្រប្រតិបត្តិការ នៃអគ្គលេខាធិការដ្ឋានក្រុមប្រឹក្សាជាតិគាំពាំរសង្គម
- លោក ទេព សេងហ៊ន អនុប្រធាននាយកដ្ឋានព័ត៌មានទីផ្សាការងារនៃក្រសួងការងារ និងបណ្តុះបណ្តាលវិជ្ជាជីវៈ
- លោក មុំ ពៅ ប្រធានផ្នែកប្រមូល និងផ្សព្វផ្សាយព័ត៌មាន នៃទីភ្នាក់ងារមុខរបរ និងការងារ នៃក្រសួងការងារ និងបណ្តុះបណ្តាលវិជ្ជាជីវៈ
- លោក អ៊ុក សំអូន ប្រធាននាយកដ្ឋានសេវាអតិថិជន និងសេវាអតិថិជន និងទំនាក់ទំនងសារធារណៈ នៃបេឡាជាតិសន្តិសុខសង្គម
- កញ្ញា អ៊ីម សុភាព អគ្គនាយិកា នៃអង្គការប្រព័ន្ធទិន្នន័យកម្ពុជា
- លោក ហេង ជឿន អនុប្រធានសហភាពការងារកម្ពុជា និង
- លោកស្រី​ វណ្ណពិសី នាយិកាគ្រប់គ្រងប្រតិបត្តិការអភិវឌ្ឍន៍អាជីវកម្ម។

កម្មវិធីកិច្ចសន្ទនាយុវជននេះ ទទួលបានលទ្ធផលដូចខាងក្រោម៖
ក) លើកកម្ពស់ការយល់ដឹងដល់យុវជនអំពីលក្ខខណ្ឌការងារសមរម្យ និងការធានានូវការទទួល បានប្រព័ន្ធគាំពារសង្គមឆ្លើយតបទៅនឹងការងារយុគសម័យឌីជីថល

ខ) ផ្តល់ឱកាសដល់យុវជនដើម្បីបង្ហាញអំពីតម្រូវការ គម្លាតជំនាញ បញ្ហាប្រឈមរបស់កម្មករ និយោជិត និងស្វែងរកនូវដំណោះស្រាយជាអាទិភាពនិងជាក់លាក់

គ) ពង្រឹងកិច្ចសហប្រតិបត្តិការ រវាងរាជរដ្ឋាភិបាល អង្គការសង្គមស៊ីវិល វិស័យឯកជន និងយុវជន ដើម្បីជំរុញការអនុវត្តគោលនយោបាយការងារសមរម្យ ការអភិវឌ្ឍជំនាញ និងកិច្ចគាំពារ សង្គមសម្រាប់យុវជនក្នុងអន្តរកាលយុត្តិធម៌ប្រកបដោយសមធម៌ និងបរិយាបន្ន។

តាមរយៈកិច្ចសន្ទនាយុវជននេះ យុវជនបានលើកឡើងនូវតម្រូវការសំខាន់ៗចំនួន៧រួមមាន៖
១. ជម្រុញការអនុវត្តន៍ច្បាប់ការងារនៅកន្លែងធ្វើការ៖ ជម្រុញការចុះបញ្ជីសហគ្រាស ជម្រុញការងារសមរម្យ លក្ខខណ្ឌការងារដែលមានសុវត្ថិភាព ប្រាក់ឈ្នួលសមរម្យ កិច្ចសន្យាការងារច្បាស់លាស់ និងអត្ថប្រយោជន៍គាំពារសង្គមនៅកន្លែងធ្វើការ
២. ពង្រីកភាពជាដៃគូរ ជាមួយក្រសួងពាក់ព័ន្ធ វិស័យឯកជន៖ បង្កើនដៃគូរអភិវឌ្ឍន៍ជាមួយស្ថាប័នអប់រំ វិស័យឯកជន និយោជក គ្រឹះស្ថានអប់រំបណ្តុះបណ្តាលវិជ្ជាជីវៈ និងបច្ចេកទេស (TVET) និងអង្គការយុវជន។ ដើម្បីផ្ដល់ឱកាសដល់យុវជនក្នុងការចុះកម្មសិក្សា ហាត់ការ ដែលមានប្រាក់ឧបត្ថម្ភ ទទួលបានការបណ្តុះបណ្តាលក្នុងការងារ ការងារស្ម័គ្រចិត្ត និងបទពិសោធន៍ការងារជាក់ស្តែង។
៣. ពង្រីកសេវាមុខរបរ និងព័ត៌មានទីផ្សារការងារ៖ លើកកម្ពស់ការណែនាំអាជីព និងការទទួលបានព័ត៌មានដែលអាចទុកចិត្តបានអំពីការងារភ្ជាប់ទៅនិងតម្រូវការងារ ការអភិវឌ្ឍជំនាញ និងការបណ្តុះបណ្តាល
៤. ពង្រីកទីផ្សារការងារដល់យុវជន៖ បង្កើតមុខរបរ និងឱកាសការងារកម្រិតដំបូងសម្រាប់យុវជន ការងារក្រៅម៉ោង និងការងារដែលមានស្ថិរភាព ឱ្យកាន់តែសមស្រប ឆ្លើយតបនិងជំនាញ និងតម្រូវការការងាររបស់យុវជន។
៥. ពង្រឹងយន្ដការអធិការកិច្ចដល់សហគ្រាសដែលមិនបានចុះបញ្ជី៖ ពង្រឹងការចុះបញ្ជីសហគ្រាសជាមួយ ប.ស.ស និងយន្តការទទួល និងដោះស្រាយពាក្យបណ្តឹង។ បង្កើតប្រ័ពន្ធព័ត៌មានពីការចុះបញ្ជីសហគ្រាសដែលយុវជនអាចស្វែងរកព័ត៌មានពីការចុះបញ្ជីសហគ្រាសបានដើម្បីធានានូវអត្ថប្រយោជន៍គាំពារនៅកន្លែងធ្វើការ
៦. ពង្រីកការផ្ដល់ជំនាញបច្ចេកទេស និងបណ្តុះបណ្តាលជំនាញវិជ្ជាជីវៈដល់យុវជននៅទីប្រជុំជន និងជនបទ៖ ផ្ដោតលើជំនាញបច្ចេកទេស ឌីជីថល បញ្ញាសិប្បនិម្មិត (AI) ភាសា និងជំនាញទន់ កាត់បន្ថយគម្លាតជំនាញ នឹងឆ្លើយតបនឹងតម្រូវការទីផ្សារការងារយុវជន។
៧. គាំទ្រសហគ្រិនភាពរបស់យុវជន៖ តាមរយៈការបណ្តុះបណ្តាល ការណែនាំពីអ្នកជំនាញ ការផ្តល់ហិរញ្ញប្បទាន និងការតភ្ជាប់ទៅកាន់ទីផ្សារ។

គួរបញ្ជាក់ផងដែរថា វេទិកាយុវជននេះទទួលបានការគាំទ្រថវិកាពីមូលនិធិអគ្គនាយកដ្ឋានសហប្រតិបត្តិការអភិវឌ្ឍន៍និងជំនួយមនុស្សធម៌នៃព្រះរាជាណាចក្របែលហ្ស៊ិកតាមរយៈអង្គការអុកស្វាមកម្ពុជា (DGD) តាមរយៈអង្គការអុកស្វាមប្រចាំនៅកម្ពុជា។

28/09/2026

17/09/2026

ស្វាគមន៍មកកាន់ផតខាសធ៍៖ យុវសំឡេង យុវគំនិត!🎙🌟

ជួបជាមួយកញ្ញា គាត ស្រីភស្ត័ និស្សិតជំនាញអភិវឌ្ឍន៍សេដ្ឋកិច្ចនៃសាកលវិទ្យាល័យភូមិន្ទភ្នំពេញដែលនឹងចែករំលែកអំពី "ទំនាស់៖ ជាបញ្ហា ឬ ជាឱកាស?" 🕊🙌

តាមដានគេហទំព័រហ្វេសបុកផេក YRDP សម្រាប់ផតខាសធ៍បន្ទាប់!

17/09/2026

ស្វាគមន៍មកកាន់ផតខាសធ៍៖ យុវសំឡេង យុវគំនិត!🎙🌟

ជួបជាមួយកញ្ញា គាត ស្រីភស្ត័ និស្សិតជំនាញអភិវឌ្ឍន៍សេដ្ឋកិច្ចនៃសាកលវិទ្យាល័យភូមិន្ទភ្នំពេញដែលនឹងចែករំលែកអំពី "ទំនាស់៖ ជាបញ្ហា ឬ ជាឱកាស?" 🕊🙌

កម្មវិធីផតខាសធ៍៖ យុវសំឡេង យុវគំនិត នឹងចាក់ផ្សាយនាថ្ងៃព្រហស្បតិ៍ ទី១៧ ខែកញ្ញា ឆ្នាំ២០២៦ នាវេលាម៉ោង៥:០០ល្ងាច។

11/09/2026

ឱកាសសម្រាប់យុវជននៅរាជធានីភ្នំពេញចូលរួមកិច្ចសន្ទនាយុវជន ស្តីពី «ការងារសមរម្យ និងអន្តរកាលយុត្តិធម៌សម្រាប់យុវជន ក្នុងយុគសម័យឌីជីថល» ដែលជាវេទិកាសម្រាប់យុវជនក្នុងការចែករំលែកទស្សនៈ បទពិសោធន៍ និងគំនិតថ្មីៗ ពាក់ព័ន្ធនឹងការងារសមរម្យ ជំនាញឌីជីថល និងអន្តរកាលយុត្តិធម៌ ដើម្បីធានាថា យុវជនគ្រប់រូបមានឱកាសចូលរួម និងទទួលបានអនាគតការងារដែលមានសុវត្ថិភាព សមធម៌ និងមានចីរភាព។

👉យុវជនមិនមែនជាអ្នកទទួលផលពីការផ្លាស់ប្តូរតែប៉ុណ្ណោះទេ
ប៉ុន្តែជាកម្លាំងសំខាន់ក្នុងការបង្កើតអនាគតនៃពិភពការងារ។

👉ចាប់អារម្មណ៍សូមចុះឈ្មោះតាមលីងខាងក្រោម
https://forms.cloud.microsoft/r/4Ej3VSikyc

បញ្ចាក់៖ ប្រសិនអ្នកត្រូវបានជ្រើសរើស ក្រុមការងារនឹងទាក់ទងត្រឡប់ទៅវិញដើម្បីបញ្ជាក់ពីការចូលរួម។