http://cambodia-automotive.org/

សហព័ន្ធឧស្សាហកម្មយានយន្តកម្ពុជា Cambodia Automotive Industry Federation, TVET Park, ACE Cambodia (5th Floor), St. 110 Russian Confederation Boulevard, Sangkat Teuk Thla, Khan Sen Sok, Phnom Penh (2026)

13/07/2026

នាព្រឹកថ្ងៃសុក្រ ១១រោច ខែបឋមសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី១០ ខែកក្កដា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមកិច្ចប្រជុំកម្រិតក្រុមការងារបច្ចេកទេសនៃក្រុមការងារ "ច" "ផ្នែកដឹកជញ្ជូន និងហេដ្ឋារចនាសម្ព័ន្ធ" នៃវេទិការាជរដ្ឋាភិបាល-ផ្នែកឯកជន ដែលដឹកនាំដោយសហប្រធានទាំងពីរគឺ ឯកឧត្តម ឈៀង ពេជ្រ អនុរដ្ឋលេខាធិការ និងជាអនុប្រធានអចិន្ត្រៃយ៍លេខាធិការដ្ឋាននៃក្រុមការងារ "ច" តំណាងផ្នែករដ្ឋាភិបាល និង ឧកញ៉ាបណ្ឌិត ឈិន កេន សមាជិកនៃសភាពាណិជ្ជកម្មកម្ពុជា តំណាងផ្នែកឯកជន ដោយមានការចូលរួមពីស្ថាប័នពាក់ព័ន្ធ តំណាងសមាគម និងសមាជិក សមាជិកាក្នុងវិស័យដឹកជញ្ជូនជាច្រើនរូបផងដែរ។

កិច្ចប្រជុំនេះ ប្រព្រឹត្តទៅដើម្បីពិនិត្យ និងដោះស្រាយលើបញ្ហាប្រឈមនានាដែលស្នើឡើងដោយវិស័យឯកជានក្នុងកម្រិតបច្ចេកទេស មុននឹងដាក់ជូនក្នុងកិច្ចប្រជុំបន្ទាប់ដែលដឹកនាំដោយឯកឧត្តមរដ្ឋមន្ត្រី នាពេលខាងមុខ។ កិច្ចប្រជុំបានពិនិត្យ និងដោះស្រាយបញ្ហាមួយចំនួន រួមមាន៖
១. បញ្ហាការកំណត់ទម្ងន់ផ្ទុកខុសគ្នាសម្រាប់រថយន្តដឹកជញ្ជូនទំនិញរវាងប្រទេសកម្ពុជា និងវៀតណាម
២. បញ្ហាការអនុវត្តចំពោះការអនុម័តលើឯកសារ ចេញ-ចូលក្បាលឡាន នៅច្រកព្រំដែនបាវិតម៉ុកបៃ (ប្រទេសកម្ពុជា-ប្រទេសវៀតណាម) ,
៣. បញ្ហាស្ថានីយជញ្ជីងថ្លឹងរថយន្តបញ្ច្រាស់ទិស នៅតាមបណ្តាផ្លូវជាតិ
៤. បញ្ហាការអនុវត្តចំពោះការអនុញ្ញាតិលើពេលវេលាចេញ-ចូលក្រុង មិនមានតម្លាភាព,
៥. បញ្ហាការផ្លាស់ប្តូរស្លាកលេខដែលបាក់បែក ឬខូចខាត ទៅស្លាកលេខថ្មី
៦. បញ្ហាការកំណត់ការបិត ឬបាញ់ថ្មាំលើលេខផ្លាកយាន្តជំនិះអាជីវកម្មដឹកជញ្ជូនទំនិញ
៧. បញ្ហាការបណ្តុះបណ្តាលជំនាញបន្ថែម និងការប្រលងជ្រើសរើសអ្នកបើកបរប្រភេទរថយន្តដឹកជញ្ជូនទំនិញធន់ធំ
៨.បញ្ហាការបង់ពន្ធសម្រាប់ការលក់ និងផ្ទេរកម្មសិទ្ធិសឺមីរឹម៉ក
៩.បញ្ហាទាក់ទងនឹងការអនុវត្តប្រកាសលេខ ១៨៨ សក.ប្រក.ដជគ ចុះថ្ងៃទី១៣ ខែវិច្ឆិកា ឆ្នាំ២០២៤
១០. ការដាក់ឯកសារស្នើសុំ តាមប្រព័ន្ធអនឡាញ យោងតាមប្រកាសលេខ ១៨៩ ស.ក.ប្រក.ដជគ ក្នុងប្រការ៥ និងយោងប្រកាស លេខ១៨៨ សក.ប្រក.ដជគប្រការ៥
១១. បញ្ហាទាក់ទងនឹងការអនុវត្តប្រកាសលេខ១៨៩សក.ប្រក.ដជគ ចុះថ្ងៃទី១៣ ខែវិច្ឆិកា ឆ្នាំ២០២៤
១២. បញ្ហាការយកពន្ធលើយានយន្តដោយក្រសួងពីរផ្សេងគ្នា និង
១៣. បញ្ហាការចំណាយផ្សេងៗនៅព្រំដែនម៉ុកបៃ(ប្រទេសវៀតណាម) មិនមានការប្រើប្រាស់វិក្កយបត្រត្រឹមត្រូវ

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

13/07/2026

នារសៀលថ្ងៃព្រហស្បតិ៍ ១០រោច ខែបឋមសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមក្នុងសិក្ខាសាលា ផ្សព្វផ្សាយរបាយការណ៍វឌ្ឍនភាពនៃការអនុវត្តវិធានការកែទម្រង់មុតស្រួចជាកញ្ចប់ ដែលបានដាក់ចេញក្នុងយន្តការវេទិការរាជរដ្ឋាភិបាល-ផ្នែកឯកជនលើកទី១៩ ប្រចាំឆមាសទី២ ឆ្នាំ២០២៥ ក្រោមអធិបតីភាព ឯកឧត្តម ស៊ុន ចាន់ថុល ឧបនាយករដ្ឋមន្ត្រី អនុប្រធានទី១ ក្រុមប្រឹក្សាអភិវឌ្ឍន៍កម្ពុជា និងជាប្រធានគណៈកម្មាធិការសម្របសម្រួលការងារសម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.រ.ជ) ដោយមានការចូលរួមពីតំណាងក្រសួង ស្ថាប័នរាជរដ្ឋាភិបាល តំណាងអង្គទូតបរទេសប្រចាំនៅកម្ពុជា ដៃគូអភិវឌ្ឍន៍ សមាគមធុរកិច្ចជាតិ និងអន្តរជាតិ ក្រុមហ៊ុនឯកជនជាច្រើនទៀតផងដែរ។

សិក្ខាសាលានេះ ប្រព្រឹត្តទៅក្នុងគោលបំណងដើម្បីបង្ហាញពីលទ្ធផលដែលបានសម្រេចកន្លងមកក្នុងឆមាសទី២ ឆ្នាំ២០២៥ តាមរយៈកិច្ចសហការស្ថាប័នរវាងរាជរដ្ឋាភិបាល និងផ្នែកឯកជន ស្ថិតក្រោមយន្តការវេទិការាជរដ្ឋាភិបាល-ផ្នែកឯកជន (G-PSF) ដែលឆ្លុះបញ្ចាំងពីភាពជោគជ័យយ៉ាងត្រចះត្រចង់ក្នុងការស្វែងរកដំណោះស្រាយជូនដល់វិស័យឯកជន តាមរយៈកិច្ចសន្ទនាប្រកបដោយប្រសិទ្ធភាពនៃភាពជាដៃគូរវាងរដ្ឋ និងឯកជន ដើម្បីដោះស្រាយកង្វល់ ក៏ដូចជាបញ្ហាប្រឈមរបស់វិស័យឯកជនដែលកំពុងប្រឈមក្នុងប្រតិបត្តិការអាជីវកម្មរបស់ខ្លួន។ ព្រឹត្តិការណ៍នេះ ក៏បានសង្កត់ធ្ងន់ផងដែរអំពីតួនាទីដ៏សំខាន់របស់សភាពាណិជ្ជកម្មកម្ពុជា ក្នុងនាមជាអ្នកសម្របសម្រួលចម្បង ក្នុងការដឹកនាំជំរុញក្រុមការងារ ផ្នែកឯកជនទាំង ១៦ ដើម្បីសម្រេចបាននូវលទ្ធផលប្រកបដោយភាពស៊ីសង្វាក់គ្នានៃកិច្ចសន្ទនា និងតម្រង់ទិសទៅរកដំណោះស្រាយ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

13/07/2026

នាព្រឹកថ្ងៃព្រហស្បតិ៍ ១០រោច ខែបឋមសាឍ ឆ្នាំមមី អដ្ឋស័ក ព.ស ២៥៧០ ត្រូវនឹងថ្ងៃទី៩ ខែកក្កដា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) និង មូលនិធិអភិវឌ្ឍជំនាញ (SDF) បានចុះហត្ថលេខាលើកិច្ចព្រមព្រៀងភាពជាដៃគូយុទ្ធសាស្ត្រសម្រាប់រយៈពេលពីរឆ្នាំ ដើម្បីពង្រឹងកិច្ចសហប្រតិបត្តិការរវាងរដ្ឋ និងឯកជន ក្នុងការអភិវឌ្ឍធនធានមនុស្សប្រកបដោយគុណភាព ឆ្លើយតបចំតម្រូវការជាក់ស្តែងរបស់ទីផ្សារការងារ និងវិស័យយានយន្តនៅក្នុងប្រទេសកម្ពុជា។

ក្នុងពិធីចុះហត្ថលេខានេះ ក៏មានការចុះហត្ថលេខាលើកិច្ចព្រមព្រៀងយុទ្ធសាស្ត្រជាមួយសមាគមចំនួន ៣ទៀត រួមមាន សមាគមភស្តុភារកម្មកម្ពុជា (CLA) សមាគមស្វាយចន្ទីកម្ពុជា (CAC) និង សមាគមអេឡិចត្រូនិក និងបច្ចេកវិទ្យាកម្ពុជា (CETA) ដែលប្រព្រឹត្តទៅក្រោមអធិបតីភាពឯកឧត្តមបណ្ឌិតសភាចារ្យ ផាន់ ផល្លា រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាប្រធានក្រុមប្រឹក្សាបរធនបាល SDF និង ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាអនុប្រធានក្រុមប្រឹក្សាបរធនបាល SDF ព្រមទាំងមានការចូលរួមពីតំណាងធនាគារអភិវឌ្ឍន៍អាស៊ី (ADB) និងទីភ្នាក់ងារបារាំងសម្រាប់ការអភិវឌ្ឍ (AFD) និងភ្ញៀវកិត្តិយសសរុបប្រមាណ ១២០ នាក់។

ថ្លែងនៅក្នុងពិធីចុះហត្ថលេខានេះដែរ ឯកឧត្តមបណ្ឌិតសភាចារ្យ ផាន់ ផល្លា បានបង្ហាញជំនឿចិត្តយ៉ាងមុតមាំថា កិច្ចព្រមព្រៀងភាពជាដៃគូយុទ្ធសាស្ត្រនេះ នឹងក្លាយជាមូលដ្ឋានគ្រឹះដ៏រឹងមាំក្នុងការអភិវឌ្ឍកម្លាំងពលកម្មជំនាញ ដើម្បីបង្កើតឧត្តមភាពប្រកួតប្រជែងសម្រាប់វិស័យឯកជន និងសង្គមជាតិ ស្របតាមយុទ្ធសាស្ត្របញ្ចកោណរបស់រាជរដ្ឋាភិបាល។

គិតមកដល់បច្ចុប្បន្ន SDF បានគាំទ្រការបណ្ដុះបណ្ដាលជំនាញដល់សិក្ខាកាមសរុបប្រមាណ ៩៣ ០០០ នាក់។ ជាលទ្ធផល អត្រាបញ្ចប់ការសិក្សាសម្រេចបាន ៩៦%, អត្រាមានការងារធ្វើ ៨៨%, ការពេញចិត្តពីនិយោជក ៨៥% និង ៨៩% នៃសហគ្រាសបានរាយការណ៍ពីការកើនឡើងផលិតភាពការងារ។ ភាពជាដៃគូថ្មីនេះ គឺជាសក្ខីភាពនៃការបោះជំហានទៅមុខរួមគ្នា ប្រកបដោយស្មារតីបុរេសកម្ម និងទំនួលខុសត្រូវខ្ពស់ ដើម្បីធានាបាននូវការអភិវឌ្ឍធនធានមនុស្សប្រកបដោយគុណភាពខ្ពស់ និងឆ្លើយតបចំតម្រូវការឧស្សាហកម្មជាក់ស្តែង៕

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

07/07/2026

នារសៀលថ្ងៃអង្គារ ១រោច ខែបឋមសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែមិថុនា ឆ្នាំ២០២៦ លោក កែវ វឌ្ឍនៈ សមាជិកក្រុមប្រឹក្សាភិបាលនៃសហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមក្នុងកិច្ចប្រជុំពិភាក្សាស្តីពី “សេចក្តីព្រាងគោលនយោបាយអភិវឌ្ឍន៍វិស័យឧស្សាហកម្មកម្ពុជា ឆ្នាំ២០២៦-២០៣៥” ដែលដឹកនាំដោយ ឯកឧត្តម អ៊ុង លុយណា អគ្គនាយកនៃអគ្គនាយកដ្ឋានគោលនយោបាយ នៃក្រសួងសេដ្ឋកិច្ច ងហិរញ្ញវត្ថុ តំណាងដ៏ខ្ពង់ខ្ពស់ឯកឧត្តមបណ្ឌិតសភាចារ្យ ហ៊ាន សាហ៊ីប រដ្ឋលេខាធិការក្រសួងសេដ្ឋកិច្ច និងហិរញ្ញវត្ថុ និងជាអនុប្រធានប្រចាំការឧត្តមក្រុមប្រឹក្សាសេដ្ឋកិច្ចជាតិ (កបស) ដោយមានការចូលរួមសំណាក់ក្រុមការងារនៃឧត្តមក្រុមប្រឹក្សាសេដ្ឋកិច្ចជាតិ សភាពាណិជ្ជកម្មកម្ពុជា តំណាងសមាគមធុរកិច្ច និងក្រុមហ៊ុនឯកជនជាច្រើនរូបផងដែរ។

វិស័យឧស្សាហកម្ម បានក្លាយជាកម្លាំងចលករដ៏សំខាន់ក្នុងអភិវឌ្ឍសេដ្ឋកិច្ចជាតិ ឆ្លុះបញ្ចាំងតាមរយៈកំនើននៃវិស័យឧស្សាកម្មក្នុងស្រុកសរុប ដែលបានកើនឡើងពី ២៤,១% ក្នុងឆ្នាំ២០១៣ រហូតដល់ ៤៣,១% នៅឆ្នាំ២០២៥ ។ ទន្ទឹមគ្នានេះ វិស័យឧស្សាហកម្មកម្ពុជា បាននិងកំពុងធ្វើពិពិធកម្មចេញពីការប្រមូលផ្ដុំកត្តាផលិតកម្មក្នុងវិស័យកម្មន្តសាលវាយន ភណ្ឌជាបណ្តើរៗ ដោយឆ្លុះបញ្ចាំងតាមរយៈការកើនឡើងនូវ ការនាំចេញផលិតកម្មកម្មន្តសាលមិនមែនកាត់ដេរពី ១% ក្នុងឆ្នាំ២០១៣ ដល់ ១៥,២៣% ក្នុងឆ្នាំ២០២៥ ។

សេចក្តីព្រៀង “គោលនយោបាយអភិវឌ្ឍន៍វិស័យឧស្សាហកម្ម ឆ្នាំ២០២៦-២០៣៥” គឺពិតជាមមានសារៈសំខាន់ និងចាំបាច់ សម្រាប់ជាឯកសាគតិយុត្ត សម្រាប់ត្រួសត្រាយផ្លូវក្នុងការអភិវឌ្ឍវិស័យឧស្សាហកម្ម សម្រាប់ទស្សវត្សខាងមុខ រួមមាន៖
១. ការពង្រឹង និងធ្វើពិពិធកម្មរចនាសម្ព័ន្ធឧស្សាហកម្មកម្ពុជាឱ្យកាន់តែស៊ីជម្រៅ ដោយកំណត់វិស័យឧស្សាហកម្មអាទិភាព ដែលជាប្រភពនៃកំណើន
២. លើកកម្ពស់ភាពប្រកួតប្រជែងតាមរយៈការបង្កើតតម្លៃបន្ថែម, ការធ្វើមូលដ្ឋានូបនីយកម្ម និងការពង្រឹងការតភ្ជាប់រវាងក្រុមហ៊ុន វិនិយោគផ្ទាល់ពីបរទេស (FDI) និងសហគ្រាសក្នុងស្រុក
៣. ជំរុញការចាប់យកបច្ចេកវិទ្យាទំនើប និងការផ្លាស់ប្ដូរទៅកាន់ថាមពលបៃតង ដើម្បីធានាចីរភាព និងស័ក្ដិសិទ្ធភាពនៃមូលដ្ឋាន ឧស្សាហកម្ម និង
៤. ពង្រឹងយន្តការស្ថាប័នក្នុងការជំរុញ, សម្របសម្រួល, តាមដាន និងវាយតម្លៃការអនុវត្តគោលនយោបាយ ដើម្បីធានាឱ្យបាន នូវតម្លាភាព, ប្រសិទ្ធភាព និង គណនេយ្យភាព ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

07/07/2026

នាព្រឹកថ្ងៃអង្គារ ១រោច ខែបឋមសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី៣០ ខែមិថុនា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) សហការជាមួយ EuroCham Cambodia បានរៀបចំកម្មវិធីជំនួបអាហារពេលព្រឹកក្រោមប្រធានបទ “Automotive Sector Outlook for 2026 & Beyond” ដោយមានការចូលរួមពីលោក ងន សាំង ប្រធានក្រុមប្រឹក្សាភិបាលសហព័ន្ធ និងជានាយកប្រតិបត្តិក្រុមហ៊ុន RMA (Cambodia) Plc. និងលោក Kensuke Tsuchiya អនុប្រធានក្រុមប្រឹក្សាភិបាលសហព័ន្ធ និងជាអគ្គនាយកក្រុមហ៊ុន Toyota (Cambodia) ព្រមទាំងតំណាងសហភាពអឺរ៉ុប តំណាងក្រសួង-ស្ថាប័នរាជរដ្ឋាភិបាល សមាគមធុរកិច្ច និងក្រុមហ៊ុនឯកជនជាច្រើនរូបផងដែរ។

កម្មវិធីជំនួបនេះ ប្រព្រឹត្តទៅដើម្បីស្វែងយល់អំពីការវិវឌ្ឍថ្មីៗក្នុងឧស្សាហកម្មយានយន្តក្នុងប្រទេសកម្ពុជា អំពីឱកាស និងបញ្ហាប្រឈមនានាដែលលើកឡើងដោយវិស័យឯកជន រួមមាន ក្រុមហ៊ុននាំចូលនិងចែកចាយយានយន្ត រោងចក្រដំឡើងរថយន្តនៅក្នុងប្រទេសកម្ពុជា និងអ្នកវិនិយោគដែលមានសក្តានុពលនានាផងដែរ។ ទន្ទឹមគ្នានោះ ការអភិវឌ្ឍកម្លាំងពលកម្មជំនាញក្នុងវិស័យយានយន្ត ជាពិសេសយានយន្តប្រើប្រាស់ថាមពលស្អាត NEV (New Energy Vehicles) ជារឿងចាំបាច់ ដោយសារសន្ទុះនៃការប្រើប្រាស់រថយន្តប្រើប្រាស់ថាមពលស្អាត កើនឡើងឥតឈប់ឈរ ហើយការបណ្តុះបណ្តាលកម្លាំងពលកម្មជំនាញនេះ ក៏នឹងអាចស្រូបទាញនូវអ្នកវិនិយោគថ្មីៗបន្ថែមទៀតមកកាន់ប្រទេសកម្ពុជា ជាមួយការចាប់យកបច្ចេកវិទ្យាថ្មីៗដើម្បីបន្តនិរន្តរភាព និងពង្រីកការវិនិយោគបន្ថែម។

ក្នុងរយៈពេល ៥ខែដំបូង នៃឆ្នាំ២០២៦ រថយន្តធន់ស្រាល (Light Duty Vehicles) ចំនួនជាង ៤៤០០០ គ្រឿងត្រូវបានចុះបញ្ជីនៅក្រសួងសាធារណការ និងដឹកជញ្ជូន ក្នុងនោះមានរថយន្តអគ្គិសនីចំនួនប្រមាណ ៥០០០ គ្រឿងត្រូវបានចុះបញ្ជីថ្មី ដែលកើនឡើងប្រមាណ ១០០% បើធៀបនឹងរយៈពេលដូចគ្នាក្នុងឆ្នាំ២០២៥។ ទីផ្សាររថយន្តថ្មីបន្តកើនឡើង ដោយកាន់កាប់ចំណែកទីផ្សារជាង ៦០% ខណៈរថយន្តជជុះបន្តធ្លាក់ចុះក្រោម ៤០% នៃទីផ្សាររថយន្តក្នុងប្រទេសកម្ពុជា។ បច្ចុប្បន្ននេះ ប្រទេសកម្ពុជាមានក្រុមហ៊ុនដំឡើងរថយន្តចំនួន ១៣ ដែលអាចមានសមត្ថភាពដំឡើងរថយន្តប្រមាណជាង ៣០០០០ គ្រឿងក្នុងមួយឆ្នាំ ក្នុងនោះក្រុមហ៊ុនចំនួន១១ កំពុងប្រតិបត្តិការដំឡើងរថយន្ត ខណៈពីរទៀតស្ថិតនៅក្នុងដំណាក់កាលសាងសង់នៅឡើយ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

07/07/2026

នាព្រឹកថ្ងៃច័ន្ទ ១៥កើត ខែបឋមសាឍ ឆ្នាំមមី អដ្ឋស័ក ព.ស. ២៥៧០ ទី២៩ ខែមិថុនា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមកិច្ចប្រជុំកិច្ចប្រជុំក្រុមការងារ "ឆ" "ផ្នែកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម" នៃវេទិការាជរដ្ឋាភិបាល-ផ្នែកឯកជន ក្រោមអធិបតីភាព លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាសហប្រធានក្រុមការងារ "ឆ" តំណាងផ្នែករដ្ឋាភិបាល និង អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា និងជាអនុប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ) ជាសហប្រធានក្រុមការងារ "ឆ" ផ្នែកឯកជន ដោយមានការចូលរួមផងដែរពីសំណាក់តំណាងក្រសួង ស្ថាប័នរាជរដ្ឋាភិបាល តំណាងសមាគមធុរកិច្ច និងក្រុមហ៊ុនឯកជនជាច្រើនរូបផងដែរ។

កិច្ចប្រជុំនេះ ប្រព្រឹត្តទៅដើម្បីពិនិត្យដោះស្រាយបញ្ហាប្រឈមនានារបស់វិស័យឯកជន ក៏ដូចជាការគិតគូរដើម្បីសម្របសម្រួលបន្ថែមលើផ្នែកផលិតកម្មកែច្នៃសម្រាប់ការនាំចេញ និងកិច្ចសម្រួលពាណិជ្ជកម្ម ក្នុងន័យកាត់បន្ថយថ្លៃធ្វើធុរកិច្ច លើកកម្ពស់ភាពប្រកួតប្រជែង និងជំរុញកំណើនសេដ្ឋកិច្ច។ បន្ថែមពីលើនេះ កិច្ចប្រជុំក៏បានពិនិត្យ និងវាយតម្លៃអំពីវឌ្ឍនភាពការងាររបស់ក្រុមការងារនះ ស្របតាមភារកិច្ចដែលត្រូវបានប្រគល់ជូនដោយវេទិការាជរដ្ឋាភិបាល-ផ្នែកឯកជនលើកទី១៩ កន្លងទៅនេះ។

បញ្ហាប្រឈមនានាដែលលើកឡើងដោយវិស័យឯកជនរួមមាន៖ ១. បញ្ហាថ្លៃសេវាក្នុងការបង្កើត User & Password លើកដំបូង, ២. បញ្ហា Template ក្នុងការផ្ទេរភាគហ៊ុនជាមួយក្រសួងពាណិជ្ជកម្ម, ៣. បញ្ហាការបង់ថ្លៃសេវាសម្រាប់ការស្នើសុំនៅក្នុងប្រព័ន្ធ CamDX, ៤. បញ្ហាក្នុងការចុះបញ្ជី Trademark, ៥. បញ្ហាក្នុងការស្នើសុំបិទក្រុមហ៊ុនក្នុងប្រព័ន្ធ CamDX, ៦. ការចុះបញ្ជីអាជីវកម្ម និងស្ថានភាពពន្ធរបស់សិប្បករ និងហាងលក់វត្ថុចម្លាក់សម្រាប់ការនាំចេញ, ៧. បញ្ហាទាក់ទងនឹងក្រសួង ស្ថាប័នដែលភ្ជាប់ ១០០% ជាមួយ CNSW និងក្រសួងនៅតែប្រើ Hybrid, ៨. សំណើសុំលើកលែងការប្រមូលថ្លៃភាស៊ីលើរថយន្តដឹកទំនិញរបស់រោងចក្រ, ៩. ការបកស្រាយមានកំណត់នៃការគ្រប់ដណ្តប់វិស័យសម្លៀកបំពាក់ រួមនឹងបញ្ហាប្រឈមមួយចំនួនផ្សេងទៀតផងដែរ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

07/07/2026

នាព្រឹកថ្ងៃពុធ ១០កើត ខែបឋមសាឍ ឆ្នាំមមី អដ្ឋស័ក ព.ស. ២៥៧០ ត្រូវនឹងថ្ងៃទី២៤ ខែមិថុនា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមកិច្ចប្រជុំពិគ្រោះយោបល់ស្តីអំពី Clean Energy Skills Ecosystem Action Plan (2026–2030) ដែលរៀបចំឡើងដោយអង្គការ EnergyLab Asia ក្រោមមូលនិធិ Liechtenstein Development Service (LED) ដើម្បីសិក្សា និងកំណត់នូវតម្រូវការជំនាញជាក់លាក់សម្រាប់យានយន្តអគ្គិសនី (EV) ដោយមានការចូលរួមពីសំណាក់តំណាងក្រសួងការងារ និងបណ្តុះបណ្តាលវិជ្ជាជីវៈ មូលនិធិអភិវឌ្ឍជំនាញ សមាគមពាណិជ្ជកម្ម និងក្រុមហ៊ុនឯកជនជាច្រើនរូបផងដែរ។

កិច្ចប្រជុំពិគ្រោះយោបល់ ប្រព្រឹត្តទៅក្នុងគោលបំណងប្រមូលធាតុចូលពីភាគីពាក់ព័ន្ធសម្រាប់រៀបចំផែនទីបង្ហាញផ្លូវក្នុងការរៀបចំ និងអភិវឌ្ឍធនធានមនុស្សប្រកបដោយជំនាញជាក់លាក់ក្នុងវិស័យយានយន្តអគ្គិសនី ដែលបច្ចុប្បន្ននេះ តម្រូវការកម្លាំងពលកម្មជំនាញបន្តកើនឡើងជាលំដាប់។ ទន្ទឹមគ្នានោះ កិច្ចប្រជុំក៏បានពិភាក្សាពាក់ព័ន្ធនឹងការកំណត់នូវផែនការសកម្មភាព ដើម្បីពង្រឹងដល់កម្រិតនៃការបណ្តុះបណ្តាល កំណត់មុខវិជ្ជាដែលត្រូវបង្រៀន ការធ្វើទំនើបកម្មឧបករណ៍ក៏ដូចជាសមត្ថភាពស្ថាប័នបណ្តុះបណ្តាល ពង្រីកការសិក្សាផ្សារភ្ជាប់ជាមួយការងារ និងពង្រឹងការយល់ដឹងពីអាជីព ក៏ដូចការកសាងនូវបទបញ្ញត្តិនានាសម្រាប់ការអនុវត្តផងដែរ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

07/07/2026

នាថ្ងៃចន្ទ ៨កើត ខែបឋមាសាឍ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី ២២ ខែមិថុនា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមសិក្ខាសាលាស្តីអំពី “ផែនការអនុវត្ត និងកិច្ចប្រជុំក្រុមការងារស្តីពីផែនទីបង្ហាញផ្លូវឆ្ពោះទៅរកកំណើនបរិយាបន្នសម្រាប់ស្តង់ដារ បទប្បញ្ញត្តិបច្ចេកទេស និងនីតិវិធីវាយតម្លៃភាពអនុលោមឆ្នាំ ២០២៦-២០៣២ STRACAP” ក្រោមអធិបតីភាព ឯកឧត្តម ចាន់ សូផា អគ្គនាយកនៃវិទ្យាស្ថានស្តង់ដារកម្ពុជានៃក្រសួងឧស្សាហកម្ម វិទ្យាសាស្ត្រ បច្ចេកវិទ្យា និងនវានុវត្តន៍ សហការរៀបចំឡើងដោយគម្រោង RT4D (Regional Trade for Development) ដោយមានការចូលរួមពីស្ថាប័នពាក់ព័ន្ធ ដៃគូអភិវឌ្ឍន៍ និងតំណាងអង្គការសមាគមជាច្រើនរូបផងដែរ។

សិក្ខាសាលានេះ រៀបចំឡើងដើម្បី សម្របសម្រួល ចូលរួមផ្តល់អនុសាសន៍ និងត្រួតពិនិត្យការអនុវត្តផែនទីបង្ហាញផ្លូវ NQI/STRACAP សម្រាប់អាណត្តិឆ្នាំ២០២៦-២០៣២ ប្រកបដោយប្រសិទ្ធភាព ដោយផ្តោតសំខាន់លើការតម្រង់ទិសសមាជិកក្រុមការងារ ពិនិត្យ និងអនុម័តលើសេចក្តីព្រាងលក្ខខណ្ឌការងារ (TOR) ការរៀបចំផែនការសកម្មភាពអាទិភាព (Quick Wins) និងលទ្ធផលនៃផែនទីបង្ហាញផ្លូវទៅជាសកម្មភាពជាក់ស្តែងសម្រាប់រយៈពេល ១២ ខែដំបូង (២០២៦-២០២៧) ព្រមទាំងការបង្កើតយន្តការសម្របសម្រួល និងពិភាក្សាលើការរៀបចំយន្តការសហប្រតិបត្តិការ ក៏ដូចជាការកៀរគរធនធានជាមួយដៃគូអភិវឌ្ឍន៍ ។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

01/07/2026

សហព័ន្ធឧស្សាហកម្មយានយន្តកម្ពុជា (CAIF) សូមគោរពជម្រាបជូនដល់សាធារណជនទាំងអស់អំពីការផ្លាស់ប្តូរអាសយដ្ឋានរបស់សមាគមមកកាន់ទីតាំងថ្មី ចាប់ពីថ្ងៃទី១ ខែកក្កដា ឆ្នាំ២០២៦ នេះតទៅ ដែលមានអាសយដ្ឋាន៖

- សួនបណ្តុះបណ្តាលវិជ្ជាជីវៈ TVET Park ជាន់ទី៥ អគារACE-Cambodia មហាវិថីសហព័ន្ធរុស្សី សង្កាត់ទឹកថ្លា ខណ្ឌសែនសុខ រាជធានីភ្នំពេញ.

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

22/06/2026

នារសៀល ថ្ងៃព្រហស្បតិ៍ ទី១៨ ខែមិថុនា ឆ្នាំ២០២៦ សហព័ន្ធឧស្សាហកម្មយានយន្តកម្ពុជា (CAIF) បានអញ្ជើញចូលរួមកិច្ចពិភាក្សាបន្ទាន់ស្តីពី "ការស្វែងយល់ពីបញ្ហាប្រឈមរបស់វិស័យឯកជន ពាក់ព័ន្ធនឹងវិធានការក្នុងវិស័យដឹកជញ្ជូន និងការចុះត្រួតពិនិត្យឃ្លាំង និងការឃាត់ទំនិញរបស់អាជ្ញាធរដែនដី", សហដឹកនាំកិច្ចប្រជុំ ក្រោមអធិបតីភាព ឯកឧត្តមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី និងជាអគ្គនាយក នៃអគ្គនាយកដ្ឋានគយ និងរដ្ឋាករកម្ពុជា និង អ្នកឧកញ៉ា លឹម ហេង អនុប្រធានសភាពាណិជ្ជកម្មកម្ពុជា តំណាងអ្នកឧកញ៉ា គិត ម៉េង ប្រធានសភាពាណិជ្ជកម្មកម្ពុជា និងជាប្រធានគណៈកម្មការសម្របសម្រួលក្រុមការងារផ្នែកឯកជន សម្រាប់យន្តការវេទិការាជរដ្ឋាភិបាល-ផ្នែកឯកជន (គ.ស.ឯ.រ.ជ)។

កិច្ចប្រជុំនេះមានការចូលរួមពីផ្នែកឯកជន រួមមានប្រធានសមាគម ប្រធានក្រុមហ៊ុន តំណាងក្រុមហ៊ុន ដែលពាក់ព័ន្ធក្នុងវិស័យដឹកជញ្ជូន សហគ្រាសមានឃ្លាំងស្តុកទំនិញ និងអ្នកនាំចេញ-នាំចូលបម្រើផលិតកម្មផលិតក្នុងស្រុក ជាច្រើន។ កិច្ចពិភាក្សានេះបានពិភាក្សា និងស្តាប់អំពីបញ្ហាប្រឈមរបស់វិស័យឯកជន ក្នុងសកម្មភាពការធ្វើពាណិជ្ជកម្ម និងការវិនិយោគនានា។

#សហព័ន្ធឧស្សាហកម្មយានយន្តកម្ពុជា
www.cambodia-automotive.org

សហព័ន្ធឧស្សាហកម្មយានយន្តកម្ពុជា Cambodia Automotive Industry Federation

13/07/2026

13/07/2026

13/07/2026

07/07/2026

07/07/2026

07/07/2026

07/07/2026

07/07/2026

01/07/2026

22/06/2026

Address

Telephone

Website

Alerts

Contact The Organization

Shortcuts

Share

Category

Listing takedown request