សហព័ន្ធសហជីពសេរីកម្មករ នៃព្រះរាជាណាចក្រកម្ពុជា

07/06/2026

ខួប ២២ ឆ្នាំ នៃការបាញ់សម្លាប់មេដឹកនាំសហជីពសេរីកម្មករ
---
នៅថ្ងៃទី០៧ ខែមិថុនា ឆ្នាំ២០២៦ នេះគឺជាខួប ២២ ឆ្នាំនៃការបាញ់សម្លាប់លោក រស់ សុវណ្ណារ៉េត ដែលជាមេដឹកនាំសហជីពសេរីកម្មករប្រចាំរោងចក្រទ្រីនុងហ្កាសកូម៉ារា កាលពីថ្ងៃទី០៧ ខែមិថុនា ឆ្នាំ២០០៤ វេលាម៉ោង០៣ និង៤៥នាទីល្ងាច។

សហព័ន្ធសហជីពសេរីកម្មករនៃព្រះរាជាណាចកម្ពុជា សូមសម្ដែងការគោរពចំពោះវិញ្ញាណក្ខន្ធរបស់លោក រស់ សុវណ្ណារ៉េត និងចងចាំនូវវីរភាពរបស់លោកក្នុងបុព្វហេតុការពារសិទ្ធិរបស់កម្មករ។

#សសកពក #ខួប២២ឆ្នាំនៃការបាញ់សម្លាប់ #លោក_រស់_សុវណ្ណារ៉េត

05/06/2026

សេចក្ដីជូនដំណឹង

លោក អ៊ែល ចាន់ឌី ជាប្រធានសហជីពសេរីកម្មករនៃក្រុមហ៊ុន ម៉េង ដា ហ្វូតវៀ អ៊ីនដាស់ស្ទ្រីល មានជំងឺបេះដូងធ្ងន់ធ្ងរ និងបច្ចុប្បន្នកំពុងទទួលការវះកាត់បេះដូងនៅប្រទេសវៀតណាម។

អាស្រ័យដូចបានជម្រាបជូនខាងលើ សូមថ្នាក់ដឹកនាំសហជីព កម្មករ កម្មការិនី និងបងប្អូនក្នុង និងក្រៅប្រទេសទាំងអស់ មេត្តាចូលរួមជាភាគទានតាមកម្លាំងសទ្ធារៀងៗខ្លួនដើម្បីជួយ លោក អ៊ែល ចាន់ឌី និងក្រុមគ្រួសារ ក្នុងគ្រាដ៏លំបាកនេះ។

សហព័ន្ធសហជីពសេរីកម្មករនៃព្រះរាជាណាចក្រកម្ពុជា (FTUWKC) សូមថ្លែងអំណរគុណយ៉ាងជ្រាលជ្រៅចំពោះទឹកចិត្តសប្បុរសរបស់បងប្អូនទាំងអស់គ្នា។

ទំនាក់ទំនងព័ត៌មានបន្ថែម៖
-លោក ថន ធន មន្ត្រីសហព័ន្ធសហជីព 0965161158, 0715998846
#សសកពក

01/06/2026

«ការពិនិត្យពាក់កណ្តាលអាណត្តិនៃកម្មវិធីការងារសមរម្យប្រចាំប្រទេសកម្ពុជា ឆ្នាំ២០២៤-២០២៨»
-----
នៅថ្ងៃទី០១ ខែមិថុនា ឆ្នាំ២០២៦ បុគ្គលិកសហព័ន្ធសហជីពសេរីកម្មករនៃព្រះរាជាណាចក្រកម្ពុជា បានចូលរួមក្នុងកម្មវិធីប្រជុំពិភាក្សាស្ដីពី «ការពិនិត្យពាក់កណ្តាលអាណត្តិនៃកម្មវិធីការងារសមរម្យប្រចាំប្រទេសកម្ពុជា ឆ្នាំ២០២៤-២០២៨» DWCP (ដោយប្រើប្រាស់វិធីសាស្ត្រប្រមូលចងក្រងលទ្ធផល - Outcome Harvesting Approach) ជាមួយនឹងអង្គការអន្តរជាតិខាងការងារ (ILO) នៅសណ្ឋាគារ Cambodiana រាជធានីភ្នំពេញ។

កម្មវិធីនេះបានពិភាក្សាផ្តោតលើវិស័យអាទិភាពចំនួនបីរួមមាន៖ (i) ការពង្រឹងមូលធនមនុស្ស តាមរយៈការពង្រឹង​ការ​អភិវឌ្ឍជំនាញ ការគាំពារសង្គម និងអន្តរកម្មទីផ្សារការងារ (ii) ការលើកកម្ពស់​សេដ្ឋកិច្ចដែល​កាន់​តែមានបរិយាបន្ន បៃតង និងមានចុះញ្ជីជាផ្លូវការក្នុងប្រព័ន្ធ និង (iii) ការធ្វើឱ្យប្រសើរឡើងនូវទំនាក់ទំនងវិជ្ជាជីវៈ តាមរយៈ​ការ​ពង្រឹងកិច្ចសន្ទនាសង្គម និងសិទ្ធិនៅកន្លែងធ្វើការ។

កម្មវិធីមានអ្នកចូលរួមមកពីភាគីសំខាន់ៗដូចជា៖

• តំណាងជាន់ខ្ពស់មកពីក្រសួងស្ថាប័នរដ្ឋាភិបាល
• អង្គការ​វិជ្ជាជីវៈ​តំណាងនិយោជក
• អង្គការវិជ្ជាជីវៈ​តំណាងកម្មករនិយោជិតដែលចូលរួមពាក់ព័ន្ធក្នុងការអនុវត្តអាទិភាពរបស់ DWCP និងគម្រោងពាក់ព័ន្ធនឹង DWCP។
• និងបុគ្គលិកសំខាន់ៗមកពីការិយាល័យគម្រោងរួមរបស់អង្គការ ILO (JPO) និងគម្រោងរបស់ ILO៕

#សសកពក

23/05/2026

គ្រោះថ្នាក់ចរាចរណ៍រវាងឡានធំ និងឡានដឹកកម្មករនៅព្រឹកថ្ងៃ២៣ ខែឧសភា ឆ្នាំ២០២៦ បណ្ដាលឱ្យកម្មកររបួស និងស្លាប់ជាច្រើននាក់
ទីតាំងផ្សារសាលាលេខ៥ ខេត្តកំពង់ឆ្នាំង
នេះបើយោងការផ្សាយរបស់គណនេយហ្វេសបុក Jenni Jenni https://www.facebook.com/share/r/1BXK9V5Ldc/
#គ្រោះចរាចរណ៍ #គ្រោះការងារ #សុវត្ថិភាពកម្មករ

23/05/2026

គ្រោះថ្នាក់ចរាចរណ៍រវាងឡានធំ និងឡានដឹកកម្មករព្រឹកនេះបណ្ដាលឱ្យកម្មកររបួស និងស្លាប់ជាច្រើននាក់ នេះបើយោងការផ្សាយផ្ទាល់ព័ត៌មានខាងក្រោម។ សហព័ន្ធសហជីពសេរីកម្មករនៃព្រះរាជាណាចក្រកម្ពុជា សូមចូលរួមរំលែកទុក្ខដ៏ក្រៀមក្រំជាមួយក្រុមគ្រួសារជនរងគ្រោះទាំងអស់ និងសូមអំពាវនាវឱ្យភាគីពាក់ព័ន្ធទាំងអស់រួមគ្នាយកចិត្តទុកដាក់លើបញ្ហានេះជាអាទិភាពបំផុត។

16/05/2026

Say Sokny, vice president of the Federation of Free Trade Unions of Workers of the Kingdom of Cambodia, agreed that mental health remains a major concern, stressing that both physical and psychological pressures faced by workers require greater policy attention.

PHNOM PENH – Efforts to tackle heat stress and mental health issues among workers have been stepped up as the Ministry of Labor and Vocational Training...

02/05/2026

កម្រងរូបភាព សហព័ន្ធសហជីព សហជីព សមាគម អង្គការសង្គមស៊ីវិល និងយុវជន ដាក់ញត្តិជូនស្ថានទូតបារាំង ស្ថានទូតអង់គ្លេស ស្ថានទូតកាណាដា ក្រុមប្រឹក្សាអភិវឌ្ឍន៍កម្ពុជា និងក្រសួងការងារ និងបណ្ដុះបណ្ដាលវិជ្ជាជីវៈ ក្នុងឱកាសទិវាពលកម្មអន្តរជាតិ លើកទី១៤០ ថ្ងៃទី០១ ខែឧសភា ឆ្នាំ២០២៦។

01/05/2026

01/05/2026

បច្ចុប្បន្នភាព៖ អាជ្ញាធរជាច្រើននាក់កំពុងហាមឃាត់ក្រុមសហព័ន្ធសហជីព សហជីព សមាគម អង្គការសង្គមស៊ីវិល និងយុវជន មិនឱ្យធ្វើការហែញត្តិទៅដាក់នៅស្ថានទូតផ្សេងៗទៀត បន្ទាប់ពីការជួបជុំគ្នា និងបានដាក់ញត្តិរួចរាល់នៅមុខស្ថានទូតបារាំង។