Fisheries Action Coalition Team

03/08/2026

30/07/2026

បឹងទន្លេសាប៖ នៅព្រឹកថ្ងៃទី៣០ ខែកក្កដា ឆ្នាំ២០២៦នេះ ក្រុមការងាររបស់ #អង្គការសម្ព័ន្ធភាពដើម្បីអភិរក្សធនធានជលផល #អង្គការហ្វេក បានចុះត្រួតពិនិត្យការអនុវត្តគម្រោង CSO គាំទ្រថវិកាដោយសហភាពអ៉ឺរ៉ុប តាមរយៈអង្គការIUCN (គម្រោង EU-CSO) វាយតំលៃសមត្ថភាពសហគមន៍ និង​ពិភាក្សា​ធ្វើផែនការបន្ត នៅឃុំព្រៃចាស់។​​ បន្ទាប់មកក្រុមការងារ បានចុះត្រួតពិនិត្យដំណើរការកាណូតដឹកសិស្សនៅឃុំព្រៃចាស់ ឃុំពោធិទ្រាយ ដែលគាំទ្រថវិកាដោយសមាគមបារាំង MARSF។

លុះពេលរសៀលថ្ងៃដដែល ក្រុមករងារ បានបន្តដំណើរទៅឃុំកោះជីវាំង ដើម្បីវាយតំលៃ ពីសមត្ថភាព និងស្ថានភាពសេដ្ឋកិច្ច-សង្គមជាមួយគណៈកម្មការ​សហ​គមន៍ព្រែកទាល់ សម្រាប់គម្រោងថ្មីដែលគាំទ្រថវិកាដោយ CEPF និងវាយតំលៃសមត្ថភាពសហគមន៍ អង្លង់តាអួរ សម្រាប់គម្រោងEU-CSO ដែលកំពុងដំណើរការអនុវត្ត។

នៅរសៀលថ្ងៃដដែលនេះដែរ ក្រុមការងារ ក៏បានជួបជាមួយសហគមន៍ និងអាជ្ញាធរមូលដ្ឋានៅក្នុងកោះជីវាំង ដើម្បីរៀបចំត្រៀមទទួលស្វាគមន៍គណៈប្រតិភូមកពីក្រសួងទេសចរណ៍ គណៈកម្មាធិការជាតិដើម្បីគ្រប់គ្រង និងអភិវឌ្ឍសហគមន៍ទេសចរណ៍ និងអេកូទេសចរណ៍ (គ.ជ.អ.អ) ថ្នាក់ដឹកនាំអង្គការហ្វេក និងអង្គការដៃគូជាតិអន្តរជាតិ ប្រមាណ២៦នាក់ នៅថ្ងៃស្អែកទី៣១ ខែកក្កដា ឆ្នាំ២០២៦ ដើម្បីចុះសិក្សាឈ្វេងយល់ពីសក្តានុពលផលិតផល និងសេវាទេសចរណ៍ អេកូទេសចរណ៍ នៅក្នុងឃុំកោះជីវាំង និងឃុំគោលដៅមួយចំនួនទៀត នៅបឹងទន្លេសាប ដែលរយៈពេល ៣ថ្ងៃ ២យប់ ដើម្បីជាប្រយោជន៍ដល់ការរៀបចំផែនការយុទ្ធសាស្ត្រដើម្បីជំរុញ និងអភិវឌ្ឍផលិតផល និងសេវាកម្មទេសចរណ៍ និងអេកូទេសចរណ៍ នៅបឹងទន្លេសាប។

11/07/2026

📸 អង្គការសម្ព័ន្ធភាពដើម្បីអភិរក្សធនធានជលផល (FACT) បានចូលរួមអបអរសាទរទិវាមច្ឆជាតិ ឆ្នាំ២០២៦
នៅថ្ងៃទី ១១ ខែកក្កដា ឆ្នាំ២០២៦ ថ្នាក់ដឹកនាំ និងសហការីចំនួន ៤នាក់ នៃអង្គការសម្ព័ន្ធភាពដើម្បីអភិរក្សធនធានជលផល (FACT) ដឹកនាំដោយ លោក យុគ សេងឡុង Senglong Youk នាយកប្រតិបត្តិ បានចូលរួមប្រារព្ធ ទិវាមច្ឆជាតិ ឆ្នាំ២០២៦ ដែលសហការរៀបចំដោយ រដ្ឋបាលខេត្តកំពង់ធំ មន្ទីរកសិកម្ម រុក្ខាប្រមាញ់ និងនេសាទ ខណ្ឌរដ្ឋបាលជលផលខេត្តកំពង់ធំ និងស្ថាប័នពាក់ព័ន្ធ ក្រោមអធិបតីភាពដ៏ខ្ពង់ខ្ពស់របស់ ឯកឧត្តម នួន ផារ័ត្ន អភិបាល នៃគណៈអភិបាលខេត្តកំពង់ធំ ដោយមានការចូលរួមគាំទ្រពី ក្រុមហ៊ុនហ្គេនស្បើក អង្គការ AFD #អង្គការFACT
និងដៃគូពាក់ព័ន្ធមួយចំនួនទៀត។

ពិធីនេះមានការចូលរួមប្រមាណ ១,០០០ នាក់ រួមមានកងកម្លាំងប្រដាប់អាវុធ មន្ត្រីរដ្ឋបាលជលផល មន្ទីរ និងអង្គភាពពាក់ព័ន្ធនានា សហគមន៍មូលដ្ឋាន ប្រជាពលរដ្ឋ សិស្សានុសិស្ស ព្រមទាំងអង្គការសង្គមស៊ីវិលជាច្រើន។
ក្នុងឱកាសនោះ ឯកឧត្តមអភិបាលខេត្តបានមានប្រសាសន៍សំណេះសំណាល និងផ្តាំផ្ញើដល់អ្នកចូលរួម ដោយសង្កត់ធ្ងន់លើអនុសាសន៍សំខាន់ៗចំនួន ២ រួមមាន៖
✅ ទី១៖ បញ្ឈប់ការប្រើប្រាស់ឧបករណ៍នេសាទខុសច្បាប់ និងរួមគ្នាការពារ អភិរក្ស និងថែរក្សាធនធានជលផលឱ្យបានគង់វង្ស។
✅ ទី២៖ ជំរុញការអភិវឌ្ឍវារីវប្បកម្ម ដើម្បីបង្កើនសន្តិសុខស្បៀង លើកកម្ពស់ជីវភាពប្រជាពលរដ្ឋ និងរួមចំណែកកាត់បន្ថយសម្ពាធលើធនធានជលផលធម្មជាតិក្នុងបឹងទន្លេសាប។
អង្គការ FACT សូមបន្តគាំទ្រ និងសហការយ៉ាងជិតស្និទ្ធជាមួយរាជរដ្ឋាភិបាល អាជ្ញាធរមូលដ្ឋាន និងដៃគូពាក់ព័ន្ធ ក្នុងការអភិរក្ស និងគ្រប់គ្រងធនធានជលផលប្រកបដោយចីរភាព ដើម្បីធានាការប្រើប្រាស់ធនធានប្រកបដោយទំនួលខុសត្រូវ និងផ្តល់អត្ថប្រយោជន៍ដល់ប្រជាពលរដ្ឋជំនាន់បច្ចុប្បន្ន និងអនាគត។
#ទិវាមច្ឆជាតិ២០២៦ #អភិរក្សធនធានជលផល #បឹងទន្លេសាប

09/07/2026

សិក្ខាសាលា ស្តីអំពី «ការតម្រង់ទិសក្រុមប្រឹក្សាឃុំ-សង្កាត់ចូលរួមគ្រប់គ្រងធនធានធម្មជាតិ ធនធានជលផល និងការអភិវឌ្ឍសេដ្ឋកិច្ច សង្គម មូលដ្ឋាន ដោយចីរភាព»។

សិក្ខាសាលានេះ ត្រូវបានសហការរៀបចំឡើងដោយ ក្រសួងមហាផ្ទៃ លេខាធិការដ្ឋានគណៈកម្មាធិការជាតិ គ.ជ.អ.ប #អង្គការសម្ព័ន្ធភាពដើម្បីអភិរក្សធនធានជលផល #អង្គការFACT និងអង្គការដៃគូជាតិ អន្តរជាតិចំនួន ២១ផ្សេងទៀត ក្រោមអធិបតីភាពដ៏ខ្ពង់ខ្ពស់ ឯកឧត្តម អ៊ុំ ម៉ារ៉ា រដ្ឋលេខាធិការក្រសួងមហាផ្ទៃ នៅសណ្ឋាគារសុខាសៀមរាប ក្រុងសៀមរាប នាព្រឹកថ្ងៃទី៦ ខែកក្កដា ឆ្នាំ២០១៦។