26/08/2026
ក្នុងនាមនិសិ្សតអាហារូបករណ៍មូលនិធិមុទិតាជំនាន់ទី៩ យេីងខ្ញុំសូមថ្លែងអំណរគុណដ៏ជ្រាល់ជ្រៅ ជូនស្ថានទូតសាធារណរដ្ឋប្រជាមានិតចិនប្រចាំព្រះរាជាណាចក្រកម្ពុជា ចំពោះការផ្តល់អាហារូបករណ៍ដល់និស្សិតរបស់មូលនិធិមុទិតា ដើម្បីមានឱកាសបន្តការសិក្សា និងអភិវឌ្ឍចំណេះដឹងនៅសាធារណរដ្ឋប្រជាមានិតចិន។
ការផ្តល់អាហារូបករណ៍ដ៏មានតម្លៃនេះ មិនត្រឹមតែជាការគាំទ្រដល់អនាគតរបស់យុវជនកម្ពុជាប៉ុណ្ណោះទេ ប៉ុន្តែថែមទាំងជាស្ពានដ៏សំខាន់ក្នុងការពង្រឹង ចំណងមិត្តភាព កិច្ចសហប្រតិបត្តិការ និងការយោគយល់គ្នារវាងប្រជាជន និងប្រទេសកម្ពុជា–ចិន ជាបងប្អូន ឱ្យកាន់តែស៊ីជម្រៅ និងរឹងមាំមួយកម្រិតទៀត។
មូលនិធិមុទិតា មានមោទនភាព និងក្តីរីករាយដែលបានឃើញនិស្សិតកម្ពុជាទទួលបានឱកាសសិក្សានៅប្រទេសចិន ដែលជាបទពិសោធន៍ដ៏មានតម្លៃសម្រាប់ពួកគេក្នុងការកសាងសមត្ថភាព ចំណេះដឹង និងចូលរួមចំណែកក្នុងការអភិវឌ្ឍមាតុប្រទេសនាពេលអនាគត។
មូលនិធិមុទិតា សង្ឃឹមយ៉ាងមុតមាំថា ចំណងមិត្តភាព និងកិច្ចសហប្រតិបត្តិការរវាងកម្ពុជា និងចិន នឹងបន្តរីកចម្រើនយ៉ាងរឹងមាំ និងស្ថិតស្ថេរជានិរន្តរ៍។
