CLC Cambodia

CLC Cambodia សូមតាមដានទំព័ររបស់ CLC Cambodia ដើម្បីទទួលបានព័ត៌មានពីកម្មករ និងសិទ្ធការងារ។

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦ សហភាពការងារកម្ពុជា (CLC) សូមគោរពជូនពរសិរីស...
14/04/2026

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦ សហភាពការងារកម្ពុជា (CLC) សូមគោរពជូនពរសិរីសួស្តីជ័យមង្គលវិបុលសុខ និងចម្រើនរុងរឿងជានិច្ចនិរន្តរ ជូនចំពោះ ថ្នាក់ដឹកនាំសហភាព សហព័ន្ធ សមាគម បុគ្គលិក សមាជិកមូលដ្ឋាន កម្មករនិយោជិត និងជនរួមជាតិទាំងអស់ សូមឲ្យជួបប្រទះតែសេចក្តីសុខ សុភមង្គល សុខភាពល្អ ដោះស្រាយបានគ្រប់ឧបសក្គជោគជ័យគ្រប់ភារកិច្ច និងធ្វើដំណើរប្រកបដោយសុខសុវត្តិភាពគ្រប់ពេលវេលា។

#សហភាពការងារកម្ពុជា #កម្មករ #សហភាព #សហជីព #ឆ្នាំមមី

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦ យើងខ្ញុំទាំងអស់គ្នា សូមគោរពជូនពរជ័យ សិរីមង...
13/04/2026

ក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦ យើងខ្ញុំទាំងអស់គ្នា សូមគោរពជូនពរជ័យ សិរីមង្គល ជូនចំពោះ លោក គង់ អាទិត្យ ប្រធានសហភាពការងារកម្ពុជា (CLC) សូមទទួលបាននូវសព្ទសាធុការពរជ័យ សិរីសួស្តីជ័យមង្គល វិបុលសុខគ្រប់ប្រការ សុខភាពល្អបរិបូរណ៍ បញ្ញាញាណភ្លឺថ្លា កម្លាំងពលំមាំមួន ជន្មាយុយឺនយូរ កុំបីឃ្លៀងឃ្លាតឡើយ។

👉 សម្រាប់បងប្អូនស្ត្រីមានផ្ទៃពោះ ជាសមាជិក ប.ស.ស. ដែលកំពុងបម្រើការងារក្នុងវិស័យឯកជននឹងទទួលបាន ÷១. សេវាពិនិត្យផ្ទៃពោះ មុន ...
08/04/2026

👉 សម្រាប់បងប្អូនស្ត្រីមានផ្ទៃពោះ ជាសមាជិក ប.ស.ស. ដែលកំពុងបម្រើការងារក្នុងវិស័យឯកជននឹងទទួលបាន ÷
១. សេវាពិនិត្យផ្ទៃពោះ មុន និងក្រោយសម្រាល និងសេវាសម្រាលកូនដោយឥតគិតថ្លៃ
២. ទទួលបានប្រាក់ឧបត្ថម្ភបន្ថែមពីរាជរដ្ឋាភិបាល
៣. ទទួលបានការឈប់សម្រាកជាមួយប្រាក់បំណាច់មាតុភាពចំនួន ៩០ថ្ងៃ។

ប.ស.ស. ផ្តល់ភាពកក់ក្តៅដល់មាតា និងទារក!

ℹ️ សម្រាប់ព័ត៌មានបន្ថែម សូមទំនាក់ទំនងមកកាន់លេខ ១២៨៦ ឬតាមរយៈប្រព័ន្ធផ្សព្វផ្សាយបណ្តាញសង្គមរបស់យើង!

លក្ខខណ្ឌផ្សេងៗត្រូវបានអនុវត្ត
#កម្មករ #សហភាព #សហជីព #បសស See less

05/04/2026

ចូលរួមជាសមាជិកស៊ីខៅឌូ ជាកម្លាំងកម្មករ

បើអ្នកចង់បានលក្ខខណ្ឌការងារល្អប្រសើរ ប្រាក់ឈ្នួលរស់នៅសមរម្យ និងអត្ថប្រយោជន៍នានា
🌟 ចូលរួមបង្កើតសហជីព
🏢 ត្រូវការប្រឹក្សាយោបល់ការងារសហជីព
🗣️ សូមទំនាក់ទំនង៖ 012 709 509 / 098 969 796
🙏 សូមចែករំលែក ដើម្បីឲ្យកម្មករផ្សេងទៀតដឹងពីសិទ្ធិរបស់ពួកគេ ❤️✨
#សាមគ្គីស៊ីខៅឌូ
#ស៊ីខៅឌូ
#សហជីព

លោក គង់ អាទិត្យ ប្រធានសហភាពការងារកម្ពុជា (CLC) បានបើកកិច្ចប្រជុំពិភាក្សាការងារជាមួយថ្នាក់ដឹកនាំសហព័ន្ធ និងសមាគម នៅថ្ងៃទី...
04/04/2026

លោក គង់ អាទិត្យ ប្រធានសហភាពការងារកម្ពុជា (CLC) បានបើកកិច្ចប្រជុំពិភាក្សាការងារជាមួយថ្នាក់ដឹកនាំសហព័ន្ធ និងសមាគម នៅថ្ងៃទី០៤ ខែមេសា ឆ្នាំ២០២៦ សម្រាប់ត្រៀមរៀបចំប្រារព្ធទិវាពលកម្មអន្តរជាតិ ០១ ឧសភា នាពេលខាងមុខនេះ ក្នុងដើម្បីលើកកម្ពស់សិទ្ធិ លក្ខខណ្ឌការងារ និងប្រាក់ឈ្នួលល្អប្រសើរ ដល់កម្មករនិយោជិតគ្រប់វិស័យ។

#សហភាពការងារកម្ពុជា #កម្មករ #សហភាព #សហជីព

នាព្រឹកថ្ងៃទី០៤ ខែមេសា ឆ្នាំ២០២៦ ថ្នាក់ដឹកនាំសហភាព សហព័ន្ធ សមាគម នៃសហភាពការងារកម្ពុជា (CLC) បានរួមគ្នារៀបចំពិធីសូត្រមន្ត...
04/04/2026

នាព្រឹកថ្ងៃទី០៤ ខែមេសា ឆ្នាំ២០២៦ ថ្នាក់ដឹកនាំសហភាព សហព័ន្ធ សមាគម នៃសហភាពការងារកម្ពុជា (CLC) បានរួមគ្នារៀបចំពិធីសូត្រមន្តចម្រើនព្រះបរិត្ត និងប្រោះព្រំសុំសិរីសួស្ដី អបអរសាទរបុណ្យឆ្នាំថ្មីប្រពៃណីជាតិ ឆ្នាំមមី ខាងមុខនេះ ជាពិសេសសូមជនពរដល់ថ្នាក់ដឹកនាំសហព័ន្ធ សហជីព សមាគម សមាជិសមាជិការ បុគ្គលិក និងបងប្អូនកម្មករនិយោជិតគ្រប់វិស័យ សូមជួបប្រទះនឹងសុភមង្គល វិបុលសុខ គ្រប់ប្រការកុំបីឃ្លៀងឃ្លាតឡើយ និងទទួលបានសុខសុវត្ថិភាពក្នុងការធ្វើដំណើរទៅមកគ្រប់ទីកន្លែងគ្រប់ពេលវេលា។

#សហភាពការងារកម្ពុជា #កម្មករ #សហភាព #សហជីព #ឆ្នាំមមី

កិច្ចប្រជុំក្រុមប្រឹក្សាភិបាល ប.ស.ស. ដើម្បីពិនិត្យផែនការយុទ្ធសាស្ត្រ និងដោះស្រាយបញ្ហាប្រឈមឱ្យកាន់តែមានប្រសិទ្ធភាព និងតម្...
03/04/2026

កិច្ចប្រជុំក្រុមប្រឹក្សាភិបាល ប.ស.ស. ដើម្បីពិនិត្យផែនការយុទ្ធសាស្ត្រ និងដោះស្រាយបញ្ហាប្រឈមឱ្យកាន់តែមានប្រសិទ្ធភាព និងតម្លាភាព

(ភ្នំពេញ)៖ នាព្រឹកថ្ងៃទី២ ខែមេសា ឆ្នាំ២០២៦លោក គង់ អាទិត្យ ប្រធានសហភាពការងារកម្ពុជា (CLC) បានអញ្ជើញចូលរួមកិច្ចប្រជុំក្រុមប្រឹក្សាភិបាលនៃ ប.ស.ស. លើកទី៤ អាណត្តិទី២ ដើម្បីពង្រឹងប្រសិទ្ធភាពក្នុងការបង្កើនចំណូល កាត់បន្ថយចំណាយ និងការធ្វើឱ្យកិច្ចការទាំងឡាយប្រកបដោយតម្លាភាព ជាពិសេសនៅក្នុងកាលៈទេសៈជួបបញ្ហាប្រឈមនៃវិបត្តិសកល ក្រោមអធិបតីយភាពឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ និងជាប្រធានក្រុមប្រឹក្សាភិបាលនៃបេឡាជាតិសន្តិសុខសង្គម (ប.ស.ស.) នៅទីស្នាក់ការកណ្តាល ប.ស.ស រាជធានីភ្នំពេញ។

ដើម្បីទាក់ទាញសមាជិក ប.ស.ស. ឱ្យទៅទទួលសេវានៅមន្ទីរពេទ្យថ្នាក់ស្រុក និងខេត្ត ក៏ដូចជាជួយសម្រាលបន្ទុកដល់មន្ទីរពេទ្យថ្នាក់ជាតិនោះ ឯកឧត្តមរដ្ឋមន្រ្តី បានផ្តល់អនុសាសន៍ឱ្យមានការបង្កើនប្រសិទ្ធភាពសេវាកម្មនៅមន្ទីរពេទ្យមូលដ្ឋាន ជាមួយនឹងការបំពាក់ឧបករណ៍បន្ថែម ព្រមទាំងបង្កើនការផ្សព្វផ្សាយឱ្យកាន់តែទូលំទូលាយ ជាពិសេសនោះ គឺការលើកទឹកចិត្តឱ្យសាធារណជនទាក់ទងតាមប្រព័ន្ធលេខHotline ១២៨៦ ភ្លាមៗនៅពេលជួបប្រទះបញ្ហា។

ក្នុងឱកាសនោះដែរ តំណាងនិយោជក និងនិយោជិត ក៏បានថ្លែងអំណរគុណចំពោះរាជរដ្ឋាភិបាល និងក្រសួងការងារ ចំពោះការគ្រប់គ្រងបានយ៉ាងល្អក្នុងដំណើរការផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប បើទោះបីជាប្រទេសជួបប្រទះជម្លោះព្រំដែន និងវិបត្តិសង្រ្គាមនៅមជ្ឈិមបូព៌ាយ៉ាងណាក៏ដោយ។

#សហភាពការងារកម្ពុជា #កម្មករ #សហភាព #សហជីព

ក្រសួងការងារ និងបណ្តុះបណ្តាលវិជ្ជាជីវៈ ចេញសេចក្តីជូនដំណឹង ស្តីពីការអនុវត្តការឈប់សម្រាកក្នុងពិធីបុណ្យចូលឆ្នាំថ្មី ប្រពៃណី...
31/03/2026

ក្រសួងការងារ និងបណ្តុះបណ្តាលវិជ្ជាជីវៈ ចេញសេចក្តីជូនដំណឹង ស្តីពីការអនុវត្តការឈប់សម្រាកក្នុងពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០ គ.ស.២០២៦

#សហភាពការងារកម្ពុជា #កម្មករ #កម្មកររោងចក្រ #សហភាព #សហជីព

តំណាងឲ្យភាគីកម្មករនិយោជិត លោក គង់ អាទិត្យ ប្រធានសហភាពការងារកម្ពុជា (CLC) បានអញ្ជើញជាវាគ្មិនកិត្តិយស ក្នុងវេទិកាទំនាក់ទំន...
27/03/2026

តំណាងឲ្យភាគីកម្មករនិយោជិត លោក គង់ អាទិត្យ ប្រធានសហភាពការងារកម្ពុជា (CLC) បានអញ្ជើញជាវាគ្មិនកិត្តិយស ក្នុងវេទិកាទំនាក់ទំនងវិជ្ជាជីវៈ សម្រាប់វិស័យកាត់ដេរសម្លៀកបំពាក់ ស្បែកជើង និងផលិតផលធ្វើដំណើរ (GFT) នៅកម្ពុជា កាលពីព្រឹកថ្ងៃទី២៦ ខែមីនា ឆ្នាំ២០២៦ រាជធានីភ្នំពេញ ក្រោមអធិបតីភាពឯកឧត្ដម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ ដោយមានការចូលរួមពី ឯកអគ្គរដ្ឋទូតកាណាដាប្រចាំកម្ពុជា, ILO BFC, តំណាងត្រីភាគី និងអង្គការដៃគូ។

វេទិការនេះផ្តោតសំខាន់លើ ការពង្រឹងការឈ្វេងយល់ពីគ្នា ពង្រឹងកិច្ចសហប្រតិបត្តិការ និងជំរុញការប្តេជ្ញាចិត្តរួមចំពោះការអនុវត្តប្រកបដោយនិរន្តរភាព និងសុខដុមរមនា គឺជាសសរស្តម្ភនៃទំនាក់ទំនងវិជ្ជាជីវៈ។ ភាពជាដៃគូនេះបានវិវត្តទៅជាគំរូដែលទទួលស្គាល់ជាសកល ដោយផ្តល់នូវការកែលម្អជាក់ស្តែងនៅក្នុងលក្ខខណ្ឌការងារ ការអនុលោមតាមច្បាប់ស្តីពីការងារ និងតម្លាភាពក្នុងខ្សែច្រវាក់ផ្គត់ផ្គង់សកល។

#សហភាពការងារកម្ពុជា #កម្មករ #កម្មកររោងចក្រ #សហភាព #សហជីព

27/03/2026

ផលប៉ះពាល់ កម្មករសេដ្ឋកិច្ចក្រៅព័ន្ធ នៅពេលតំលៃប្រេងឥន្ទន: និងឧស្មន័ហក់ឡើងខ្ពស់

នៅព្រឹកថ្ងៃទី២៦ ខែមីនា ឆ្នាំ២០២៦ លោកស្រី ហេង ចិន្តា អគ្គលេខាធិការ នៃសហភាពការងារកម្ពុជា (CLC) បានរៀបចំកិច្ចប្រជុំពិនិត្យម...
26/03/2026

នៅព្រឹកថ្ងៃទី២៦ ខែមីនា ឆ្នាំ២០២៦ លោកស្រី ហេង ចិន្តា អគ្គលេខាធិការ នៃសហភាពការងារកម្ពុជា (CLC) បានរៀបចំកិច្ចប្រជុំពិនិត្យមើលការវិវត្តន៍នៃការអនុវត្តគម្រោងកន្លងមក ដោយផ្តោតសំខាន់លើលទ្ធផលសម្រេចបាន បញ្ហាប្រឈម និងអនុសាសន៍ ដើម្បីចូលរួមធ្វើអោយប្រសើរឡើងនូវគុណភាពនៃការអនុវត្តផែនការសកម្មភាព និងភ្ជាប់ជាមួយការចងក្រងឯកសារព័ត៌មានអំពីប្រព័ន្ធសន្តិសុខសង្គមសម្រាប់ចែករំលែកចំណេះដឹងទៅដល់សមាជិក ក្នុងន័យរួមចំណែកលើកកម្ពស់ប្រព័ន្ធសន្តិសុខសង្គមនៅកម្ពុជា ដោយមានការចូលរួមពីតំណាងសហព័ន្ធ សមាគម និងបុគ្គលិកបច្ចេកទេស នៅស្នាក់ការរាជធានីភ្នំពេញ។

#សហភាពការងារកម្ពុជា #កម្មករ #កម្មកររោងចក្រ #សហភាព #សហជីព

ថ្នាក់ដឹកនាំសហភាពការងារកម្ពុជា (CLC) លោកប្រធាន គង់ អាទិត្យ បានរៀចំកិច្ចប្រជុំពិភាក្សាការងារ និងផែនការសកម្មភាព ដើម្បីបង្ក...
26/03/2026

ថ្នាក់ដឹកនាំសហភាពការងារកម្ពុជា (CLC) លោកប្រធាន គង់ អាទិត្យ បានរៀចំកិច្ចប្រជុំពិភាក្សាការងារ និងផែនការសកម្មភាព ដើម្បីបង្កើតយុទ្ធសាស្រ្តនានាក្នុងការផ្តល់សេវាកម្ម និងផលប្រយោជន៍ជូនសមាជិក និងបងប្អូនកម្មករនិយោជិតនៅកម្ពុជា។

#សហភាពការងារកម្ពុជា #កម្មករ #កម្មកររោងចក្រ #សហភាព #សហជីព

Address

#2, 3G, Street 26BT, Tnotchrum Village, Sangkat Boeung Tompun, Khan Meanchey
Phnom Penh
12000

Opening Hours

Monday 08:00 - 17:00
Tuesday 08:00 - 17:00
Wednesday 08:00 - 17:00
Thursday 08:00 - 17:00
Friday 08:00 - 17:00
Saturday 08:00 - 17:00

Telephone

+85512998906

Website

Alerts

Be the first to know and let us send you an email when CLC Cambodia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to CLC Cambodia:

Shortcuts

Share

Category