KKKHRDA-Center

02/06/2026

សេចក្តីប្រគេន និងជូនដំណឹង
---
គណៈកម្មការរៀបចំពិធីរំឭកខួប ៧៧ ឆ្នាំ កម្ពុជាក្រោម នៅក្រោមអាណានិគមវៀតណាម សូមគោរពប្រគេន និងជូនដំណឹងដល់ព្រះសង្ឃ អង្គការសង្គមស៊ីវិល និស្សិត យុវជន បងប្អូនខ្មែរក្រោម និងសាធារណជនទូទៅ មេត្តានិមន្ត និងអញ្ជើញចូលរួមឱ្យបានច្រើនកុះករ ក្នុងពិធីរំឭកខួបលើកទី ៧៧ នៃ ទិវាកម្ពុជាក្រោម ក្រោមការគ្រប់គ្រងរបស់វៀតណាម (៤ មិថុនា ១៩៤៩ - ៤ មិថុនា ២០២៦) ដែលនឹងប្រព្រឹត្តទៅនៅថ្ងៃទី ៧ ខែមិថុនា ឆ្នាំ ២០២៦ ។

ពិធីនេះ រៀបចំឡើងក្នុងគោលបំណងរំឭកដល់ព្រឹត្តិការណ៍ប្រវត្តិសាស្ត្រដ៏សំខាន់មួយរបស់ជាតិខ្មែរ ព្រមទាំងលើកកម្ពស់ការយល់ដឹងអំពីប្រវត្តិសាស្ត្រ អត្តសញ្ញាណជាតិ និងសិទ្ធិសេរីភាពជាមូលដ្ឋានរបស់ប្រជាពលរដ្ឋខ្មែរក្រោម ។

📍 សូមចុចមើលទីតាំង ​នៅ​ក្នុង​ប្រអប់​ខ្ទង់​ខម្មិន្ត (Comment) 👇

07/05/2026

លេខាធិការដ្ឋាន នៃអង្គការ សមាគមខ្មែរកម្ពុជាក្រោម និងសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ មានក្តីសោកស្ដាយ ក្រៀមក្រំ និងក្តុកក្តួល ដោយបានទទួលដំណឹងថា កូនប្រុសរបស់លោកប្រធានឈ្មោះ វីរៈ តារា បានទទួលមរណភាពនៅវេលាម៉ោង ៧:៣០ នាទីព្រឹក ថ្ងៃព្រហស្បតិ៍ ៦ រោច ខែពិសាខ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី៧ ខែឧសភា ឆ្នាំ២០២៦ ក្នុងជន្មាយុ ៤៣ ឆ្នាំ ដោយរោគាពាធ នៅភូមិផ្នោព្រាល ឃុំតាសឹក ស្រុកថ្កូវ ខេត្តព្រះត្រពាំង កម្ពុជាក្រោម។
សូមឧទ្ទិសកុសល និងបួងសួងដល់វិញ្ញាណក្ខន្ធ ឈ្មោះ វីរៈ តារា សូមបានចាប់បដិសន្ធិក្នុងសុគតិភពកុំបីឃ្លៀងឃ្លាតឡើយ។

05/05/2026

អង្គការ សមាគមខ្មែរកម្ពុជាក្រោម អំពាវនាវសាធារណជនចូលរួមខួប ៧៧ ឆ្នាំ នៃ ទិវា ៤ មិថុនា កម្ពុជាក្រោម នៅក្រោមអាណានិគមវៀតណាម
----
លេខាធិការដ្ឋាន នៃ អង្គការ សមាគមខ្មែរកម្ពុជាក្រោម អំពាវនាវឲ្យព្រះសង្ឃ និងពលរដ្ឋខ្មែរទាំងក្នុង និងក្រៅប្រទេស ចូលរួមគាំទ្រព្រឹត្តិការណ៍រំលឹកខួប ៧៧ ឆ្នាំ នៃទិវា ៤ មិថុនា ដែលខ្មែរក្រោមហៅថា ជាថ្ងៃអាណានិគមបារាំងកាត់ទឹកដីកម្ពុជាក្រោម ឲ្យវៀតណាមត្រួតត្រា ។

សេចក្តីអំពាវនាវ ដែលចេញផ្សាយដោយអង្គការ សមាគមខ្មែរកម្ពុជាក្រោម បញ្ជាក់ថា ថ្ងៃទី ៤ ខែមិថុនា ឆ្នាំ ២០២៦ គឺជាខួបលើកទី ៧៧ ឆ្នាំ នៃ ព្រឹត្តិការណ៍ប្រវត្តិសាស្ត្រ (៤ មិថុនា ១៩៤៩ - ៤ មិថុនា ២០២៦) ដែលត្រូវបានពិពណ៌នាថា ជាកំណត់ត្រាដ៏ជូរចត់មួយសម្រាប់ប្រជាជាតិខ្មែរទាំងមូល ។

អង្គការ សមាគមខ្មែរកម្ពុជាក្រោម លើកឡើងថា ដើម្បីរក្សាអត្តសញ្ញាណជាតិខ្មែរ ពូជសាសន៍ ព្រះពុទ្ធសាសនា អក្សរសាស្ត្រ វប្បធម៌ និងទំនៀមទម្លាប់ប្រពៃណីជាតិ ខ្មែរក្រោមជាច្រើន រួមមានវីរសមណៈ និងវីរបុរស បានពលីជីវិត និងរងការធ្វើទុក្ខបុកម្នេញ ក្រោមការត្រួតត្រារបស់អាជ្ញាធរវៀតណាម ជាបន្តបន្ទាប់ ។

ក្នុងសេចក្តីអំពាវនាវដដែល អង្គការ សមាគមខ្មែរកម្ពុជាក្រោម ក៏ស្នើសុំឲ្យព្រះសង្ឃ បងប្អូនជនរួមជាតិ និងសប្បុរសជនទាំងក្នុង និងក្រៅប្រទេស ចូលរួមបរិច្ចាគថវិកាតាមសទ្ធាជ្រះថ្លា ដើម្បីគាំទ្រការរៀបចំពិធីរំលឹកខួបនេះ ឲ្យប្រព្រឹត្តទៅដោយរលូន និងមានអត្ថន័យប្រវត្តិសាស្ត្រ ៕
---
សូមទាក់ទងចូលរួមឧបត្ថម្ភ ៖
ACLEDA (KHR & USD): 097 666 8889 (SARA MORA)
ABA (USD): 000 277 856 (THACH SOVANMONY)
ABA (KHR): 005 853 081 (THACH SOVANMONY)
Tel:
+855 77 611 211 លោក គឹម ស៊ីសំណា មន្រ្តីសម្របសម្រួល
+855 69 365 165 លោក សារ មោរ៉ា ប្រធានអនុគណៈកម្មការមន្រ្តីហិរញ្ញវត្ថុ
+855 977 010 808 លោក ថាច់ សុវណ្ណមុន្នី មន្រ្តីហិរញ្ញវត្ថុ

04/05/2026

អង្គការ សមាគមខ្មែរកម្ពុជាក្រោម អំពាវនាវសាធារណជនចូលរួមខួប ៧៧ ឆ្នាំ នៃ ទិវា ៤ មិថុនា កម្ពុជាក្រោម នៅក្រោមអាណានិគមវៀតណាម
----
លេខាធិការដ្ឋាន នៃ អង្គការ សមាគមខ្មែរកម្ពុជាក្រោម អំពាវនាវឲ្យព្រះសង្ឃ និងពលរដ្ឋខ្មែរទាំងក្នុង និងក្រៅប្រទេស ចូលរួមគាំទ្រព្រឹត្តិការណ៍រំលឹកខួប ៧៧ ឆ្នាំ នៃទិវា ៤ មិថុនា ដែលខ្មែរក្រោមហៅថា ជាថ្ងៃអាណានិគមបារាំងកាត់ទឹកដីកម្ពុជាក្រោម ឲ្យវៀតណាមត្រួតត្រា ។

សេចក្តីអំពាវនាវ ដែលចេញផ្សាយដោយអង្គការ សមាគមខ្មែរកម្ពុជាក្រោម បញ្ជាក់ថា ថ្ងៃទី ៤ ខែមិថុនា ឆ្នាំ ២០២៦ គឺជាខួបលើកទី ៧៧ ឆ្នាំ នៃ ព្រឹត្តិការណ៍ប្រវត្តិសាស្ត្រ (៤ មិថុនា ១៩៤៩ - ៤ មិថុនា ២០២៦) ដែលត្រូវបានពិពណ៌នាថា ជាកំណត់ត្រាដ៏ជូរចត់មួយសម្រាប់ប្រជាជាតិខ្មែរទាំងមូល ។

អង្គការ សមាគមខ្មែរកម្ពុជាក្រោម លើកឡើងថា ដើម្បីរក្សាអត្តសញ្ញាណជាតិខ្មែរ ពូជសាសន៍ ព្រះពុទ្ធសាសនា អក្សរសាស្ត្រ វប្បធម៌ និងទំនៀមទម្លាប់ប្រពៃណីជាតិ ខ្មែរក្រោមជាច្រើន រួមមានវីរសមណៈ និងវីរបុរស បានពលីជីវិត និងរងការធ្វើទុក្ខបុកម្នេញ ក្រោមការត្រួតត្រារបស់អាជ្ញាធរវៀតណាម ជាបន្តបន្ទាប់ ។

ក្នុងសេចក្តីអំពាវនាវដដែល អង្គការ សមាគមខ្មែរកម្ពុជាក្រោម ក៏ស្នើសុំឲ្យព្រះសង្ឃ បងប្អូនជនរួមជាតិ និងសប្បុរសជនទាំងក្នុង និងក្រៅប្រទេស ចូលរួមបរិច្ចាគថវិកាតាមសទ្ធាជ្រះថ្លា ដើម្បីគាំទ្រការរៀបចំពិធីរំលឹកខួបនេះ ឲ្យប្រព្រឹត្តទៅដោយរលូន និងមានអត្ថន័យប្រវត្តិសាស្ត្រ ៕

📍 សូមចុចមើលទីតាំង៖ https://maps.app.goo.gl/ztpvvpd6jXcLyUyJ7
---
សូមទាក់ទងចូលរួមឧបត្ថម្ភ ៖
ACLEDA (KHR & USD): 097 666 8889 (SARA MORA)
ABA (USD): 000 277 856 (THACH SOVANMONY)
ABA (KHR): 005 853 081 (THACH SOVANMONY)
Tel:
+855 77 611 211 លោក គឹម ស៊ីសំណា មន្រ្តីសម្របសម្រួល
+855 69 365 165 លោក សារ មោរ៉ា ប្រធានអនុគណៈកម្មការមន្រ្តីហិរញ្ញវត្ថុ
+855 977 010 808 លោក ថាច់ សុវណ្ណមុន្នី មន្រ្តីហិរញ្ញវត្ថុ

18/04/2026

(ភ្នំពេញ)៖ ទូលព្រះបង្គំ សមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ សូមក្រាបបង្គំទូលថ្វាយព្រះ.....

18/04/2026

សូមក្រាបបង្គំទូលថ្វាយនូវព្រះរាជសព្ទសាធុកាពរ
ព្រះករុណាព្រះបាទសម្ដេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា។

ទូលព្រះបង្គំជាខ្ញុំទាំងអស់គ្នា សូមលើហត្ថប្រណម្យបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតារក្សាព្រះមហាស្វេតច្ឆត្រ ព្រះបារមីព្រះមហាវីរក្សត្រ ព្រះមហាក្សត្រ ព្រះមហាក្សត្រិយានីគ្រប់ព្រះអង្គ ជាទីគោរពសក្ការៈ សូមព្រះរាជមេត្តាអភិបាលថែរក្សា ព្រះករុណាជាអម្ចាស់ជីវិតតម្កល់លើត្បូង ជាទីគោរពសក្ការៈដ៏ខ្ពង់ខ្ពស់បំផុត ឆាប់បានជាសះស្បើយពីព្រះរោគ ព្រមទាំងមានព្រះរាជសុខភាពល្អ បរិបូណ៌ កម្លាំងពលំមាំមួន ដើម្បីយាងនិវត្តន៍បន្តគង់ប្រថាប់ក្នុងព្រះបរមរាជសម្បត្តិ ជាម្លប់ដ៏ត្រជាក់ត្រជុំរបស់មាតុភូមិកម្ពុជា និងប្រជានុរាស្ត្រខ្មែរគ្រប់រូប ជាដរាបតរៀងទៅ។

ក្រាបបង្គំទូថ្វាយពី លេខាធិការដ្ឋាន នៃអង្គការ សមាគមខ្មែរកម្ពុជាក្រោម។

14/04/2026

សហព័ន្ធខ្មែរកម្ពុជាក្រោម ផ្ញើសារជូនពរឆ្នាំថ្មី និងអំពាវនាវឱ្យមានការដោះលែងសកម្មជនសិទ្ធិមនុស្ស
---
សហព័ន្ធខ្មែរកម្ពុជាក្រោម (KKF) បានផ្ញើសារលិខិតអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស.២៥៧០ ដល់ជនរួមជាតិខ្មែរក្រោមគ្រប់ទិសទី ព្រមទាំងបានប្តេជ្ញាបន្តការតស៊ូមតិលើឆាកអន្តរជាតិ ដើម្បីលើកកម្ពស់សិទ្ធិសេរីភាព និងយុត្តិធម៌សង្គម ។

សារលិខិតរបស់លោក ប្រាក់ សេរីវុឌ្ឍ ប្រធានប្រតិបត្តិសហព័ន្ធខ្មែរកម្ពុជាក្រោម ដែលត្រូវបានអានដោយលោក តាំង សារៈ ប្រធានតំបន់ប្រចាំប្រទេសកម្ពុជានៃសហព័ន្ធខ្មែរកម្ពុជាក្រោម បានអំពាវនាវយ៉ាងទទូចដល់រដ្ឋាភិបាលវៀតណាម ឱ្យដោះលែងសកម្មជនសិទ្ធិមនុស្សខ្មែរក្រោម និងត្រូវគោរពសិទ្ធិសេរីភាពជាមូលដ្ឋាន ស្របតាមច្បាប់អន្តរជាតិ។

ជាមួយគ្នានេះ សហព័ន្ធបានគូសបញ្ជាក់ពីវឌ្ឍនភាពនៃការងារតស៊ូមតិ ដើម្បីសិទ្ធិម្ចាស់ស្រុករបស់ពលរដ្ឋខ្មែរក្រោម និងការត្រៀមលក្ខណៈចូលរួមក្នុងកិច្ចប្រជុំសំខាន់ៗ នាពេលខាងមុខ នៅអង្គការសហប្រជាជាតិ ។

សារលិខិតក៏បានលើកទឹកចិត្តដល់ពលរដ្ឋខ្មែរក្រោម ទាំងក្នុង និងក្រៅប្រទេស ឱ្យបន្តរួបរួមគ្នាជាធ្លុងមួយ ដើម្បីទាមទារសិទ្ធិសម្រេចវាសនាខ្លួនដោយខ្លួនឯង តាមរយៈមធ្យោបាយអហិង្សា និងការអប់រំ ។

ទន្ទឹមនឹងនេះ លោក ប្រាក់ សេរីវុឌ្ឍ ក៏បានអំពាវនាវដល់សប្បុរសជនគ្រប់ទិសទី ឱ្យជួយឧបត្ថម្ភថវិកាសម្រាប់ការជួសជុលទីស្នាក់ការកណ្តាលរបស់សហព័ន្ធខ្មែរកម្ពុជាក្រោម នៅទីក្រុងវ៉ាស៊ីនតោន សហរដ្ឋអាមេរិក ដើម្បីពង្រឹងប្រសិទ្ធភាពការងារបម្រើជាតិឱ្យកាន់តែប្រសើរឡើង ។

ជាកិច្ចបញ្ចប់ សហព័ន្ធខ្មែរកម្ពុជាក្រោម បានប្រសិទ្ធពរជ័យសិរីសួស្តីដល់ព្រះថេរានុថេរៈ និងជនជាតិដើមខ្មែរក្រោមទាំងអស់ សូមឱ្យទទួលបាននូវជោគជ័យ និងសុខភាពល្អបរិបូរណ៍ក្នុងឱកាសឆ្នាំថ្មីនេះ ។

គួរជម្រាបជូនថា សារលិខិតនេះត្រូវបានប្រកាសក្នុងឱកាសដែលលេខាធិការដ្ឋាននៃបណ្តុំអង្គការ សមាគមខ្មែរកម្ពុជាក្រោម បានរៀបចំពិធីសូត្រមន្តចម្រើនព្រះបរិត្ត កាលពីថ្ងៃទី ១១ ខែមេសា ឆ្នាំ ២០២៦ នៅទីស្នាក់ការកណ្តាលក្នុងសង្កាត់គោកឃ្លាង រាជធានីភ្នំពេញ ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ដែលនឹងប្រព្រឹត្តទៅចាប់ពីថ្ងៃទី ១៤ ដល់ថ្ងៃទី ១៦ ខែមេសា ឆ្នាំ ២០២៦ ខាងមុខនេះ ៕

12/04/2026

12/04/2026

លោក សឺន យឿង អំពាវនាវឱ្យមានការគោរពសិទ្ធិខ្មែរក្រោម ក្នុងសារលិខិតអបអរសាទរបុណ្យចូលឆ្នាំថ្មី
---
លោក សឺន យឿង ប្រធានសមាគមខ្មែរកម្ពុជាក្រោម ដើម្បីសិទ្ធិមនុស្ស និងអភិវឌ្ឍន៍ (KKHRDA) និងប្រធានលេខាធិការដ្ឋាននៃបណ្តុំអង្គការ សមាគមខ្មែរកម្ពុជាក្រោម បានចេញសារលិខិតអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស. ២៥៧០ ។

នៅក្នុងសារលិខិតនេះ លោកបានអំពាវនាវឱ្យមានការគោរព និងការពារសិទ្ធិមនុស្សជាមូលដ្ឋានរបស់ជនជាតិដើមខ្មែរក្រោម ។

លោក សឺន យឿង បានសម្តែងការកោតសរសើរចំពោះស្មារតីតស៊ូ និងការតស៊ូរក្សាអត្តសញ្ញាណជាតិ សាសនា ភាសា អក្សរសាស្ត្រ និងវប្បធម៌ខ្មែរ របស់ព្រះសង្ឃ និងប្រជាជាតិខ្មែរក្រោម ទោះបីជាប្រឈមនឹងការធ្វើទុក្ខបុកម្នេញពីរដ្ឋាភិបាលវៀតណាមក៏ដោយ។ លោកបានលើកឡើងថា ស្មារតីនេះ ឆ្លុះបញ្ចាំងពីការអនុវត្តសិទ្ធិសេរីភាព ដែលមានចែងក្នុងច្បាប់ជាតិ និងអន្តរជាតិ ។

ទន្ទឹមនឹងការអបអរសាទរ លោកក៏បានលើកឡើងពីក្តីកង្វល់ចំពោះការរឹតត្បិតសិទ្ធិសេរីភាពជាមូលដ្ឋានមួយចំនួនរបស់ពលរដ្ឋខ្មែរក្រោមផងដែរ ។ លោកបានអំពាវនាវដល់អាជ្ញាធរពាក់ព័ន្ធ រួមទាំងរដ្ឋាភិបាលវៀតណាម ឱ្យគោរព និងអនុវត្តតាមបទដ្ឋានសិទ្ធិមនុស្សអន្តរជាតិ រួមទាំងសេចក្តីប្រកាសរបស់អង្គការសហប្រជាជាតិ ស្តីពីសិទ្ធិជនជាតិដើម ។

ជាចុងក្រោយ លោក សឺន យឿង បានផ្ញើពរជ័យដល់ព្រះសង្ឃគ្រប់ព្រះអង្គ និងជូនពរដល់បងប្អូនជនរួមជាតិខ្មែរ រួមទាំងខ្មែរក្រោមទាំងអស់ ឱ្យទទួលបាននូវសេចក្តីសុខ សុភមង្គល សុខភាពល្អ និងជោគជ័យគ្រប់ភារកិច្ចក្នុងឆ្នាំថ្មី ។

សារលិខិតនេះ ត្រូវបានអានក្នុងឱកាស ដែលលេខាធិការដ្ឋាននៃបណ្តុំអង្គការ សមាគមខ្មែរកម្ពុជាក្រោម បានរៀបចំពិធីសូត្រមន្តចម្រើនព្រះបរិត្ត កាលពីថ្ងៃទី ១១ ខែមេសា ឆ្នាំ ២០២៦ នៅទីស្នាក់ការកណ្តាលរបស់ខ្លួន ស្ថិតនៅភូមិគោកឃ្លាង សង្កាត់គោកឃ្លាង ខណ្ឌសែនសុខ រាជធានីភ្នំពេញ ។ ពិធីនេះរៀបចំឡើង ដើម្បីអបអរសាទរពិធីបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័ក ព.ស. ២៥៧០ ដែលនឹងប្រព្រឹត្តិទៅនាថ្ងៃទី ១៤ ដល់ថ្ងៃទី ១៦ ខែមេសា ឆ្នាំ ២០២៦៕