សសយក ក្រសួងព្រះបរមរាជវាំង

18/06/2026

ទូលព្រះបង្គំ ខ្ញុំម្ចាស់ កូនចៅបម្រើការនៅព្រះបរមរាជវាំងទាំងអស់ សូមលើកហត្ថប្រណមបួងសួងដល់គុណបុណ្យព្រះរតនត្រ័យ និងវត្ថុស័ក្តិសិទ្ធិ ក្នុងលោក ព្រះបារមីទេវតារក្សាព្រះមហាស្វេតច្ឆត្រ និងតេជះបារមី ព្រះវិញ្ញាណក្ខន្ធអតីតព្រះមហាក្សត្រ ព្រះមហាក្សត្រីយានីខ្មែរគ្រប់ព្រះអង្គ សូមព្រះមេត្តាតាមជួយថែរក្សាការពារ និងប្រោះព្រំទឹកអម្រឹតប្រទានព្រះរាជសព្ទសាធុការពរបវរមហាប្រសើរ ថ្វាយ សម្តេចព្រះមហាក្សត្រី នរោត្តម មុនិនាថ សិហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល នៃព្រះរាជណាចក្រកម្ពុជា ជាទីគោរពសក្ការៈដ៏ខ្ពង់ខ្ពស់បំផុត សូមព្រះអង្គបានប្រកបតែនឹងព្រះបរមសុខគ្រប់ប្រការ ដើម្បីគង់ប្រថាប់ជាម្លប់ដ៏ត្រជាក់ដល់ប្រជារាស្ត្រកម្ពុជា ជាកូនចៅ របស់ព្រះអង្គតរៀងរហូតទៅ។

18/06/2026

ចម្រៀង #ជ័យលាភីឯក ដើម្បី #អបអរសាទរព្រះរាជពិធីចម្រើនព្រះជន្ម គម្រប់ ៩០ ព្រះវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត

ចំណងជើងកំណាព្យ៖ #សូមថ្វាយព្រះពរជ័យបវរព្រះមហាក្សត្រី
និពន្ធដោយ៖ លោក សូមុត បុត្ររ៉ាសា
រៀបចំកម្មវិធីប្រឡងដោយ៖ ស.ស.យ.ក. បម្រើការនៅក្រសួងព្រះបរមរាជវាំង

🙏🏻🙏🏻🙏🏻

17/06/2026

កំណាព្យ #ជ័យលាភីឯក ដើម្បី #អបអរសាទរព្រះរាជពិធីចម្រើនព្រះជន្ម គម្រប់ ៩០ ព្រះវស្សា សម្តេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ក្នុងសេរីភាព សេចក្តីថ្លៃថ្នូរ និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត

ចំណងជើងកំណាព្យ៖ #ព្រះវររាជមាតាជាតិខ្មែរ (បទពាក្យ៧)
និពន្ធដោយ៖ លោក ឯក ខន
រៀបចំកម្មវិធីប្រឡងដោយ៖ ស.ស.យ.ក. បម្រើការនៅក្រសួងព្រះបរមរាជវាំង

🙏🏻🙏🏻🙏🏻

14/06/2026

នារសៀល ថ្ងៃទី១៤ ខែមិថុនា ឆ្នាំ២០២៦ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានអញ្ជើញជាអធិបតីក្នុង ពិធីប្រគល់ពានរង្វាន់ជ័យលាភី នៃការប្រកួតតែងនិពន្ធបទចម្រៀងនិងកំណាព្យ ក្រោមប្រធានបទ «អបអរសាទរព្រះរាជពិធីខួបចម្រើនព្រះជន្ម គម្រប់៩០ព្រះវស្សា សម្ដេចព្រះមហាក្សត្រី នរោត្តម មុនិនាថ សីហនុ ព្រះវររាជមាតាជាតិខ្មែរ ជាទីគោរពសក្ការៈដ៏ខ្ពង់ខ្ពស់បំផុត»។ ពិធីនេះប្រព្រឹត្តិទៅនៅ មជ្ឈមណ្ឌលម៉ានី អគារ The Kampus មានការអញ្ជើញចូលរួមពីសំណាក់ ឯកឧត្តម លោកជំទាវ គណៈអចិន្ដ្រៃយ៍ គណៈកម្មធិការកណ្ដាល ព្រឹទ្ធាចារ្យ បេក្ខជន បេក្ខនារី សមាជិក សមាជិកាស.ស.យ.ក. សរុបប្រមាណជាង ៤១៦នាក់។

ជាកិច្ចចាប់ផ្ដើម លោកជំទាវ គង់ បញ្ញា ប្រធានសហភាពសហព័ន្ធយុវជនកម្ពុជា បម្រើការនៅក្រសួងព្រះបរមរាជវាំង បានធ្វើការស្វាគមន៍យ៉ាងកក់ក្ដៅចំពោះ ថ្នាក់ដឹកនាំ បេក្ខជន បេក្ខនារី សមាជិក សមាជិកា និងបានឡើងធ្វើរបាយការណ៍ស្ដីពីដំណើរការប្រឡងតែងនិពន្ធចម្រៀង និងកំណាព្យ អាចប្រព្រឹត្តទៅដោយរលូន និងជោគជ័យនាពេលនេះ។ គួរបញ្ជាក់ផងដែរថា កម្មវិធីប្រកួតតែងនិពន្ធដែលមានរយៈពេល ៣ខែកន្លងមក គណៈកម្មការបានទទួលស្នាដៃតែងនិពន្ធថ្មីផ្នែកចម្រៀងចំនួន ១០ស្នាដៃ និងកំណាព្យចំនួន ៧៣ស្នាដៃ ពីបេក្ខជន និងបេក្ខសមណៈ មកពីគ្រប់មជ្ឈដ្ឋាន។

ជាកិច្ចបន្ទាប់ ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសម្ដែងនូវការកោតសរសើរ និងវាយតម្លៃខ្ពស់ ចំពោះក្រុមការងារពាក់ព័ន្ធទាំងអស់ ដែលបានផ្តួចផ្តើមគំនិត និងសហការគ្នាយ៉ាងយកចិត្តទុកដាក់បំផុតក្នុងការបំពេញភារកិច្ច ចាប់តាំងពីដំណាក់កាលដំបូង រហូតឈានដល់ដំណាក់កាលប្រកាស ជ័យលាភី នាពេលនេះ។ ឯកឧត្តមក៏បានរំលេចផងដែរថា ការរៀបចំការប្រកួតនាពេលនេះ មិនត្រឹមតែជាវេទិកាផ្តល់ឱកាស ដល់យុវជន និងប្រជាជនខ្មែរ ដែលចូលចិត្ត និងស្រឡាញ់សិល្បៈវប្បធម៌ អាចចូល រួមប្រកួតប្រជែងប៉ុណ្ណោះទេ ប៉ុន្តែគឺជាការចូលរួម ដើម្បីអបអរសាទរក្នុងឱកាសនៃព្រះរាជពិធី ចម្រើនព្រះជន្មគម្រប់ ៩០ ព្រះវស្សាយាងចូល ៩១ ព្រះវស្សា របស់ សម្តេច ព្រះមហាក្សត្រី ព្រះវររាជមាតាជាតិខ្មែរ ដែលនឹងឈានមកដល់ក្នុងពេល ដ៏ខ្លីខាងមុខ។

ជាចុងក្រោយសូមអបអរសាទរម្ចាស់ជ័យលាភីឯកទាំង ២រូប និងម្ចាស់ជ័យលាភីកិតិ្តយស ១រូប៖
- លោក ឯក ខន ម្ចាស់ជ័យលាភីឯកផ្នែកតែងនិពន្ធកំណាព្យ
- លោក សូមុត្រ បុត្ររ៉ាសា ម្ចាស់ជ័យលាភីឯកផ្នែកតែងនិពន្ធចម្រៀង
- លោកស្រី វុធ ច័ន្ទម៉ូលី មា្ចស់ជ័យលាភីកិត្តិយសផ្នែកតែងនិពន្ធចម្រៀង
👉🏽តំណភ្ជាប់ទៅកាន់បណ្តាញសង្គមរបស់ ស.ស.យ.ក.
🌐 uyfc.org
📱 Facebook
📱 YouTube
📱 Telegram
📱 TikTok

08/06/2026

សូមអនុមោទនាថ្ងៃឧបោសថសីល​ ៨រោច​ ខែជេស្ឋ

05/06/2026

អបអរសាទរ ខួបលើកទី៣០ ទិវាបរិស្ថានជាតិ និងបរិស្ថានពិភពលោក ក្រោមប្រធានបទ៖ «សំណល់សូន្យ»

28/05/2026

23/05/2026

សូមអនុមោទនាថ្ងៃឧបោសថសីល​ 🙏🙏🙏

20/05/2026

ថ្ងៃនេះ គឺជាទិវាជាតិនៃការចងចាំ ថ្ងៃទី២០ ខែឧសភា ឆ្នាំ២០២៦ ដែលត្រូវបានបង្កើតឡើងក្នុងគោលបំណង៖
-លើកតម្កើងការគោរព វិញ្ញាណក្ខន្ធ និងការធ្វើបុណ្យឧទ្ទិសដល់ជនរងគ្រោះបានស្លាប់ក្នុងរបបកម្ពុជាប្រជាធិបតេយ្យ
-លើកតម្កើងការរំឭក ដល់ជនរងគ្រោះ ការស្តារកិត្តិយសនិងសេចក្តីថ្លៃថ្នូររបស់ជនរងគ្រោះ ទោះជានៅរស់រានមានជីវិតឬបានបាត់បង់ជីវិតក៏ដោយ
-ប៉ះប៉ូវការឈឺចាប់ខាងផ្លូវចិត្ត និងផ្នែកសង្គមរបស់ជនរងគ្រោះ និងក្រុមគ្រួសារ
-ចូលរួមចំណែកដល់ការផ្សះផ្សាជាតិ និងជំរុញឱ្យមានសុខដុមនីយកម្មក្នុងសង្គមកម្ពុជា
-លើកកម្ពស់ការផ្សព្វផ្សាយ និងការយល់ដឹង អំពីអំពើឃោរឃៅដែលកើតមានក្នុងរបបកម្ពុជាប្រជាធិបតេយ្យកុំឱ្យកើតមានឡើងសាជាថ្មី

សូមដួងវិញ្ញាណក្ខន្ធជនរងគ្រោះប្រមាណជាង ៣ លាននាក់ ដែលបានបាត់បង់ជីវិតក្នុងរបបប្រល័យពូជសាសន៍ ប៉ុល ពត បានចាប់កំណើតនាសុគតិភពកុំបីឃ្លៀងឃ្លាតឡើយ 🙏🙏🙏

15/05/2026

ក្នុងវរោកាស នៃព្រះរាជពិធីចម្រើនព្រះជន្មវស្សា ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ជាទីសក្ការៈដ៏ខ្ពង់ខ្ពស់បំផុត ឯកឧត្តម ហ៊ុន ម៉ានី ប្រធានសហភាពសហព័ន្ធយុវជនកម្ពុជា បានសរសេរសារថ្វាយព្រះពរ ដោយផ្ទាល់ ជាសក្ខីភាពនៃកត្តញ្ញូកតវេទីដ៏ខ្ពង់ខ្ពស់បំផុតថ្វាយចំពោះព្រះករុណាជាអម្ចាស់ជីវិតលើត្បូង ជាទីសក្ការៈដ៏ខ្ពង់ខ្ពស់។