01/06/2026
សេចក្ដីថ្លែងអំណរគុណ🙏
សកម្មភាពសង្គម និងការងារសហគមន៍លើកទី៤ នៃឆ្នាំ២០២៦ របស់ពួកយើងបានបញ្ចប់ទៅយ៉ាងរលូន។ សមិទ្ធផលនេះមិនអាចកើតមានឡើងទេ បើពុំមានការទុកចិត្ត និងទឹកចិត្តសប្បុរស របស់សប្បុរសជនគ្រប់រូប។
យើងខ្ញុំតំណាងអោយនិស្សិតនៃមហាវិទ្យាល័យរដ្ឋបាលសាធារណៈនៃសកលវិទ្យាល័យភូមិន្ទនីតិសាស្ត្រ និងវិទ្យាសាស្ត្រសេដ្ឋកិច្ច សូមថ្លែងអំណរគុណយ៉ាងជ្រាលជ្រៅ ចំពោះឯកឧត្តម លោកជំទាវ លោក លោកស្រី និងសប្បុរសជនទាំងអស់ដែលបានចូលរួមចំណែកជាមួយសកម្មភាពសង្គម និងការងារសហគមន៍ដ៏មានន័យនេះ។ ការចូលរួមចំណែកនៃការបរិច្ចាគរបស់សប្បុរសជនទាំងឡាយ មិនថាតិចក្ដី ច្រើនក្ដី ការបរិច្ចាគជាសម្ភារៈសិក្សា សម្លៀកបំពាក់ ឬរបស់ចាំបាច់នានា បាននាំមកនូវស្នាមញញឹម ក្ដីសង្ឃឹម ជាចំណែកនៃការលើកទឹកចិត្ត ដល់កុមារដែលខ្វះខាត។
ខណៈពេលដែលសកម្មភាពសង្គម និងការងារសហគមន៍លើកទី៤នេះ បានបញ្ចប់ទៅដោយជោគជ័យ យើងខ្ញុំមានសេចក្តីសោមនស្សរីករាយក្នុងការជម្រាបជូនថា សកម្មភាពសង្គម និងការងារសហគមន៍លើកទី៥ នឹងត្រូវរៀបចំឡើងនៅឆ្នាំ២០២៧ ខាងមុខនេះ ដោយគ្រោងនឹងធ្វើដំណើរទៅកាន់ខេត្តពោធ៍សាត់ និងខេត្តបាត់ដំបង។
យើងខ្ញុំសង្ឃឹមយ៉ាងមុតមាំថា ពួកយើងនឹងបន្តទទួលបានការគាំទ្រ ការលើកទឹកចិត្ត និងកិច្ចសហការដ៏មានតម្លៃពីសប្បុរសជន ដៃគូឧបត្ថម្ភ និស្សិត និងសាធារណជនគ្រប់មជ្ឈដ្ឋាន ដើម្បីបន្តបេសកកម្មមនុស្សធម៌ដ៏មានអត្ថន័យនេះ។
ជាថ្មីម្ដងទៀតយើងខ្ញុំសូមថ្លែងអំណរគុណដល់សប្បុរសជនទាំងអស់ និងសូមគោរពជូនពរដល់បងប្អូនសប្បុរសជនអោយជួបប្រទះនូវសេចក្ដីសុខ សុខភាពល្អ និងទទួលបានពុទ្ធពរទាំង ៤ ប្រការគឺ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ។
#សកម្មភាពសង្គមនិងការងារសហគមន៍លើកទី៤
