02/01/2023
កាលពីថ្ងៃអាទិត្យទី០១ ខែមករា ឆ្នាំ២០២៣ ក្រុមការងារអង្គការពុទ្ធិអភិវឌ្ឍសង្គម និងក្រុមអភិធម្មយើងបាននាំយកថវិការដែលបង ប្អូន និងសប្បុរសជនបានចូលរួមដើម្បីទិញសម្ភារៈសិក្សាខ្លះៗចែកជូនប្អូនៗសិស្សានុសិស្ស៨៧ នាក់ និងសម្លៀកបំពាក់មួយចំនួនជូនដល់ចាស់ៗ ព្រមទាំងប្រជាពលរដ្ឋកំពុងខ្វះខាត់ ដែលរស់នៅភូមិណងតាពាម ឃុំណងឃីលិក ស្រុក កោះញែក ខេត្តមណ្ឌលគិរី ដែលជាថវិកាបានមកដោយទឹកចិត្តជ្រះថ្លារបស់ក្រុមការងារអង្គការពុទ្ធិអភិវឌ្ឍន៍សង្គម និងក្រុមព្រះអភិធម្មសម្រាប់ការចូលរួមលើកស្ទួយវិស័យអប់រំ សម្រាប់កុមារ និងគ្រួសារងាយរងគ្រោះ ។ អង្គការពុទ្ធិអភិវឌ្ឍសង្គមយើង សូមគោរពជូនពរសប្បុរសជន និងបងប្អូនទាំងអស់គ្នា បានទទួលនូវពុទ្ធមង្គលពរទាំងឡាយ៤ប្រការគឺ អាយុ ក៏សូមអោយបាននូវអាយុវែង វណ្ណៈក៏សូមអោយបាននូវសម្រស់ស្រស់ស្អាតក្មេងជាងវ័យ សុខៈ សូមអោយបានសេចក្តីសុខទាំងកាយ សប្បាយទាំងចិត្ត ពលៈក៏សូមអោយមានកម្លាំងកាយ និងកម្លាំងចិត្តរឹងមាំ ពរទាំង៤ប្រការនេះសូមចំរើនកើតមានដល់សាធុសប្បុរសជន អោយបានគ្រប់ៗគ្នាកុំបីខាន។
