សមាគមអាម៉ាណះតាកាហ្វុលកម្ពុជា

09/10/2026

07/10/2026

ជម្រាបសួរ លោក លោកស្រី ដែលជាសមាជិក CBC Hybrid និងភ្ញៀវកិត្តិយសទាំងអស់ជាទីគោរព!
យើងខ្ញុំមានសេចក្តីសោមនស្សរីករាយយ៉ាងក្រៃលែង ក្នុងការអញ្ជើញលោក លោកស្រី ចូលរួមកិច្ចប្រជុំប្រចាំខែ CBC Monthly Meeting និងសិក្ខាសាលារយៈពេលកន្លះថ្ងៃ ដែលផ្តោតលើការជំរុញការរីកចម្រើនអាជីវកម្ម និងជោគជ័យនៃអង្គភាព។
📋 ព័ត៌មានទូទៅនៃកម្មវិធី
• ប្រធានបទសិក្ខាសាលា៖ «ការគ្រប់គ្រងធនធានមនុស្សដើម្បីប្រសិទ្ធភាពអាជីវកម្ម» (Human Resource Management for Business Effectiveness)
• វាគ្មិនកិត្តិយស៖ លោក ដាញ អេងកាកាដា (ENGKAKADA DANH) — ស្ថាបនិក និងជាអគ្គនាយកក្រុមហ៊ុន ICamCoach និងជាដៃគូជាន់ខ្ពស់នៃក្រុមហ៊ុន Yoeung and Associates
• កាលបរិច្ឆេទ៖ ថ្ងៃទី ២៣ ខែតុលា ឆ្នាំ ២០២៦
• សមាសភាពចូលរួមគោលដៅ៖ ម្ចាស់អាជីវកម្ម, ប្រធានប្រតិបត្តិ (Executive Directors), នាយកផ្នែកធនធានមនុស្ស, ប្រធានផ្នែក និងអ្នកគ្រប់គ្រងប្រតិបត្តិការ
🕒 កាលវិភាគកម្មវិធី
• ០៨:៣០ ព្រឹក – ការណែនាំខ្លួនពីសំណាក់សមាជិកដែលបានចូលរួម
• ០៨:៤៥ ព្រឹក – ពិធីស្វាគមន៍សមាជិកថ្មី
• ០៩:០០ ព្រឹក – ការបង្ហាញអំពីប្រព័ន្ធ និងកម្មវិធី (CBC System & App) ថ្មី
• ០៩:១៥ ព្រឹក – បទបង្ហាញសិក្ខាសាលា៖ «ការគ្រប់គ្រងធនធានមនុស្សដើម្បីប្រសិទ្ធភាពអាជីវកម្ម» ដោយលោក ដាញ អេងកាកាដា
• ១១:៣០ ព្រឹក – ពិធីប្រគល់កាដូអនុស្សាវរីយ៍ជូនដល់វាគ្មិន
• ១១:៣៥ ព្រឹក – ការថតរូបអនុស្សាវរីយ៍រួមគ្នារបស់អ្នកចូលរួមទាំងអស់
📝 របៀបចុះឈ្មោះចូលរួម
សូមធ្វើការកក់កន្លែង និងចុះឈ្មោះចូលរួមតាមរយៈតំណភ្ជាប់ (Link) ខាងក្រោម៖
👉 https://forms.gle/ZZH7SENvCHTksqmJA
យើងខ្ញុំរង់ចាំទទួលស្វាគមន៍វត្តមានរបស់លោក លោកស្រី នៅក្នុងកម្មវិធីនេះ!
ដោយគោរព និងរាប់អាន,
គណៈកម្មាធិការ CBC HYBRID
====================
ជីវប្រវត្តិសង្ខេបរបស់វាគ្មិន (Speaker Profile):
លោក ដាញ អេងកាកាដា (Mr. Engkakada DANH) គឺជាថ្នាក់ដឹកនាំស្ថាប័ន អ្នកអប់រំ និងជាទីប្រឹក្សាដែលមានបទពិសោធន៍ជាង ២០ ឆ្នាំ លើផ្នែកគ្រប់គ្រង ធនធានមនុស្ស ច្បាប់ការងារ និងការអភិវឌ្ឍអាជីវកម្ម។

ចំណុចសំខាន់ៗ៖
• កម្រិតវប្បធម៌៖ បញ្ចប់ការសិក្សាសញ្ញាបត្របរិញ្ញាបត្រជាន់ខ្ពស់ (អនុបណ្ឌិត) ចំនួនពីរ គឺផ្នែកគ្រប់គ្រងពីប្រទេសកូរ៉េខាងត្បូង និងផ្នែកច្បាប់អន្តរជាតិពីប្រទេសអូស្ត្រាលី។ លោកក៏ជាសាស្ត្រាចារ្យកិត្តិយសនៅសាកលវិទ្យាល័យជាតិគ្រប់គ្រង (NUM) ផងដែរ។

• បទពិសោធន៍ដឹកនាំ និងការងារ៖ ធ្លាប់កាន់តំណែងជាប្រធានប្រតិបត្តិ (Executive Director) នៃសមាគមអាជីវកម្ម, នាយកផ្នែកធនធានមនុស្ស, ទីប្រឹក្សាច្បាប់ការងារ, អ្នកជំនាញអភិវឌ្ឍន៍អង្គភាព និងជាទីប្រឹក្សាអភិវឌ្ឍន៍អាជីវកម្ម។

• ការអភិវឌ្ឍសមាគម និងយុវជន៖ ជាទីប្រឹក្សាជាន់ខ្ពស់ដល់សមាគម និងសហព័ន្ធពាណិជ្ជករជាច្រើន។ លោកមានឯកទេសក្នុងការបណ្តុះបណ្តាលក្រុមប្រឹក្សាភិបាល បង្កើតសមាគមអាជីវកម្មថ្មីៗ និងជួយតម្រង់ទិសយុវជនដើម្បីបណ្តុះអ្នកដឹកនាំជំនាន់ក្រោយ។

• វាគ្មិន និងគ្រូបណ្តុះបណ្តាលអន្តរជាតិ៖ ត្រូវបានគេស្គាល់ថាជាសាស្ត្រាចារ្យដែលផ្តោតលើការចែករំលែកបទពិសោធន៍ជាក់ស្តែង (How-to) ហើយត្រូវបានអញ្ជើញជាវាគ្មិនកិត្តិយស និងជាគ្រូបណ្តុះបណ្តាលនៅប្រទេសជាច្រើនដូចជា ជប៉ុន អ៊ីតាលី កូរ៉េខាងត្បូង និងបណ្តាប្រទេសក្នុងតំបន់អាស៊ាន។

06/10/2026

អ្នកក៏ផ្ដល់…
ខ្ញុំក៏ផ្តល់…
គាត់ក៏ផ្ដល់…
សហគមន៍ក៏ផ្ដល់

ពេលយកចំនួន “តិចៗ” ទាំងអស់នោះមករួមគ្នា និងក្លាយទៅជាចំនួនដ៏ “ច្រើន” សម្រាប់ជួយសហគមន៍ត្រឡប់ទៅវិញ🤲🏻

រួមគ្នាសម្រាប់ថ្ងៃដែលយើងត្រូវការគ្នា រួមគ្នាតាមរយៈការចូលរួមក្នុងមូលនិធិសហគមន៍ខ្ញុំ🫀

05/10/2026

✨ការចូលជាសមាជិក គឺជាការចាប់ផ្តើមនៃការចូលរួមជាមួយសហគមន៍ និងឱកាសជាច្រើនដែលយើងអាចទទួលបាន និងចែករំលែកជាមួយគ្នា 🤝

🤔 សមាជិកភាពមានន័យយ៉ាងណា?
🤔 ហេតុអ្វីយើងគួរចូលជាសមាជិក?
🤔 ហើយតើយើងអាចទទួលបានអ្វីខ្លះ?

👉 តោះ! ទាក់ទងមកសមាគមអម៉ាណះតាកាហ្វុលកម្ពុជា ដើម្បីស្វែងយល់ពី សមាជិកភាព ឲ្យកាន់តែច្បាស់ទាំងអស់គ្នា។
📞 090 311 195 | 098 311 195
Visit our website : https://www.takafulcambodia.org/