29/07/2026
នាយកដ្ឋានអភិវឌ្ឍកម្មវិធីយុវជន ដោយមានការសហការគាំទ្រពីអង្គការ UNICEF បានរៀបចំសិក្ខាសាលាបណ្តុះបណ្តាលគណៈគ្រប់គ្រងសាលា និងលោកគ្រូ អ្នកគ្រូ ស្តីពី «កម្មវិធីការស្ម័គ្រចិត្តដើម្បីសហគមន៍ខ្ញុំ កម្រិតវិទ្យាល័យ»។
កាលបរិច្ឆេទ៖ ថ្ងៃទី២៩ ដល់ទី៣០ ខែកក្កដា ឆ្នាំ២០២៦
ទីតាំង៖ មន្ទីរអប់រំ យុវជន និងកីឡា ខេត្តកំពង់ស្ពឺ
សមាសភាពអ្នកចូលរួម៖ សរុបចំនួន ៧៥នាក់ ដែលរួមមាន៖
• មន្ត្រីមកពីការិយាល័យយុវជន និងការិយាល័យមធ្យមសិក្សាចំណេះទូទៅ នៃមន្ទីរអប់រំ យុវជន និងកីឡាខេត្តកំពង់ស្ពឺ
• មន្ត្រីមកពីការិយាល័យអប់រំ ស្រុកចំនួន ៦ (ក្រុងច្បារមន, ស្រុកឧដុង្គម៉ែជ័យ, ស្រុកភ្នំស្រួច, ស្រុកសាមគ្គីមុនីជ័យ, ស្រុកសំរោងទង និងស្រុកថ្ពង់)
• គណៈគ្រប់គ្រងសាលា និងលោកគ្រូ អ្នកគ្រូ មកពីវិទ្យាល័យចំនួន ១៥ ក្នុងខេត្ត។ (រួមមាន៖ វិ.កំពង់ស្ពឺ, វិ.សុខាផល្លី, វិ.ឧដុង្គ, វិ.វាលពង់, វិ.ហ៊ុនសែនបាត់ដឹង, វិ.ហ៊ុនសែនភ្នំស្រួច, វិ.ត្រែងត្រយឹង, វិ.បណ្ឌិតឡុងសៀម, វិ.ប៊ុនរ៉ានីហ៊ុនសែនចាន់ថ្នាល, វិ.ហ៊ុនសែនចំបក់, វិ.ឌីប៉ុក, វិ.សម្តេចតេជោហ៊ុនសែនរលាំងឈូក, វិ.ហ៊ុនសែនអង្គមេត្រី, វិ.ហ៊ុនសែនអន្លង់ជ្រៃ, វិ.ហ៊ុនសែនសំរោង,
សាវតារ និងសារៈសំខាន់នៃកម្មវិធីការស្ម័គ្រចិត្តដើម្បីសហគមន៍ខ្ញុំ កម្រិតវិទ្យាល័យ ត្រូវបានអនុវត្តឡើងស្របតាមចក្ខុវិស័យរបស់កម្មវិធី (ស.ស.ខ / VMC) ថ្នាក់ជាតិ ក៏ដូចជាគំនិតផ្តួចផ្តើមថ្មីរបស់ក្រសួងអប់រំ យុវជន និងកីឡា ស្តីពីការអនុវត្តកម្មវិធីក្រៅម៉ោងសិក្សា និងការអភិវឌ្ឍសាលារៀនគំរូ។
សិក្ខាសាលានេះ ត្រូវបានរៀបចំឡើងក្នុងគោលបំណងផ្តល់ចំណេះដឹង និងបទពិសោធសំខាន់ៗ អំពីកម្មវិធីជូនដល់គណៈគ្រប់គ្រងសាលារៀន និងលោកគ្រូ អ្នកគ្រូ។ វគ្គបណ្តុះបណ្តាលនេះ នឹងក្លាយជាពុទ្ធិថ្មីមួយសម្រាប់លោកគ្រូ អ្នកគ្រូ ក្នុងការយកទៅបន្តជួយជំរុញសិស្សានុសិស្សឱ្យមានស្មារតីទទួលខុសត្រូវ ភាពជាអ្នកដឹកនាំ និងចេះស្ម័គ្រចិត្តចូលរួមចំណែកអភិវឌ្ឍសាលារៀន ព្រមទាំងសហគមន៍របស់ខ្លួនតាមរយៈការអនុវត្តគម្រោងជាក់ស្តែងនានា។ ម្យ៉ាងវិញទៀត នេះក៏ជាការចូលរួមចំណែកយ៉ាងសកម្មក្នុងការបណ្តុះបណ្តាលយុវជនឱ្យមាន វិជ្ជាសម្បទា បំណិនសម្បទា និងចរិយាសម្បទា ស្របតាមគោលនយោបាយរបស់រាជរដ្ឋាភិបាល និងក្រសួងអប់រំ យុវជន និងកីឡា។
ការអនុវត្តបន្តសម្រាប់សិស្សានុសិស្ស តាមរយៈលោកគ្រូ អ្នកគ្រូដែលទទួលបានការបណ្ដុះបណ្ដាលកម្មវិធីនេះ នឹងផ្តល់ឱកាសដល់សិស្សានុសិស្សក្នុងការដកស្រង់បទពិសោធន៍ជាក់ស្ដែងលើមេរៀន និងទ្រឹស្ដីដែលពួកគេបានរៀនសូត្រ។ អ្វីដែលកាន់តែពិសេស ពួកគេនឹងបានចូលរួមចំណែកដោយផ្ទាល់នៅក្នុងការអភិវឌ្ឍសហគមន៍ តាមរយៈការអនុវត្តគម្រោងដែលពួកគេបានផ្ដួចផ្ដើម និងបង្កើតឡើងដោយខ្លួនឯង។
គោលបំណងសំខាន់ៗនៃសិក្ខាសាលា
• ស្វែងយល់ស៊ីជម្រៅ៖ ពីដំណើរការនៃការអនុវត្តកម្មវិធី (ស.ស.ខ / VMC) នៅកម្រិតវិទ្យាល័យ។
• រៀបចំផែនការសកម្មភាព៖ ដើម្បីអនុវត្តកម្មវិធីការស្ម័គ្រចិត្តដើម្បីសហគមន៍ខ្ញុំនៅតាមសាលារៀនឱ្យមានប្រសិទ្ធភាព។
• អភិវឌ្ឍសមត្ថភាព៖ ស្វែងយល់បន្ថែមពីបំណិនរឹង បំណិនទន់ និងបំណិនសតវត្សរ៍ទី២១។
• សមាហរណកម្មបច្ចេកវិទ្យា៖ បង្កើតបរិយាកាសគាំទ្រដល់ការអនុវត្តការសិក្សាបែបសកម្ម ដោយរួមបញ្ចូលឧបករណ៍បច្ចេកវិទ្យា (ICT) សម្រាប់ការបង្រៀន និងការរៀនកម្មវិធី VMC នៅក្នុងសាលារៀន។
#ការស្ម័គ្រចិត្តដើម្បីសហគមន៍ខ្ញុំ
